2010 အတွက် ကိုကျော်သူရဲ့ ဆန္ဒ

အလွမ်းများနဲ့ ဧရာဝတီဇတ်ကား ဂျပန်လူမျိုးများပါ စိတ်ဝင်စားမှုရရှိလာ

တိုကျို၊ ဒီဇင်ဘာ(၃၁)
သန့်မျိုးထွေး | ၂၀၀၈ ခုနှစ် မေလအတွင်းက ဧရာဝတီနှင့်ရန်ကုန်တွင် တိုက်ခတ်သွားခဲ့သည့် နာဂစ်မုန်တိုင်းအခြေပြု ရိုက်ကူးနေသည့် အလွမ်းများနှင့်ဧရာဝတီဇတ်ကားကို ဂျပန်နေ့စဉ်ထုတ် အဆာဟိသတင်းစာတွင် ဖော်ပြခဲ့ပြီးသည့်နောက်ပိုင်း ဂျပန်လူမျိုးများပါ စိတ်ဝင်စားမှုရှိလာကြောင်း သိရှိရသည်။

ယခုနှစ်နှစ်ဆန်းပိုင်းမှစတင်၍ ရိုက်ကူးနေသည့် ဒါရိုက်တာသစ်သား(ဋ္ဌေးသစ်)၏ ဒုတိယခြေလှမ်းဖြစ်သည့် အလွမ်းများနှင့်ဧရာဝတီဇတ်ကားကို ချီးဘခရိုင် အဲ့ဒိုဂါဝမြစ်အနီးတွင်ရိုက်ကူးနေပြီး ဇတ်လမ်းတွင်ပါဝင်သည့် ကျေးရွာသူကြီးနှင့်ရွာသားများ စကားပြောဆိုခန်းများ၊ ဘာကြောင့်ရိုက်ကူးရသည်ဆိုသည့် အချက်အလက်များကို ဒီဇင်ဘာ(၅)ရက်နေ့ထုတ် အဆာဟိသတင်းစာတွင် စာမျက်နှာဝက်ခန့် ရေးသားဖော်ပြထားသည်။`ဒါရိုက်တာသစ်သား`ဟု မြန်မာပြည်အနုပညာအသိုင်းအ၀ိုင်းတွင် လူသိများသော ဦးဋ္ဌေးသစ်မှာ ၁၉၈၈ ဒီမိုကရေစီအရေးလှုပ်ရှားဆန္ဒပြမှုတွင် ပါဝင်ခဲ့သူတဦးဖြစ်ပြီး စစ်အစိုးရ၏၀ါဒဖြန့်ဇတ်ကားများတွင် ပါဝင်ရန်ငြင်းဆန်မှုဖြင့် ထောက်လှမ်းရေး၏ စောင့်ကြည့်မှုကိုခံခဲ့ရသည်။

အနုပညာသမားတဦးအနေနှင့် ပြည်တွင်းတွင် ဆက်လက်နေထိုင်ရန်မသင့်တော်သောကြောင့် ၁၉၉၁ ခုနှစ်တွင် ဂျပန်နိုင်ငံသို့ထွက်ပြေးတိမ်းရှောင်လာခဲ့ပြီး လွန်ခဲ့သော(၃)နှစ်ခန့်မှစ၍ ဂျပန်တွင် နိုင်ငံရေးခိုလှုံခွင့်ရခဲ့သူတဦး ဖြစ်ကြောင်း ယင်းသတင်းစာတွင် ရေးသားဖော်ပြထားသည်။

"ကျနော်တို့နိုင်ငံမှာတိုက်သွားခဲ့တဲ့ နာဂစ်မုန်တိုင်းဟာ ဘယ်လောက်အထိဆိုးရွားပြီး လူတွေကိုထိခိုက်ခဲ့တယ်၊ ဒါဆိုနအဖက လစ်လျူရှု မသိကျိုးကျွံပြုလုပ်ခဲ့တယ်။ ကိုယ်တိုင်လဲ အကူအညီထိရောက်စွာမပေးခဲ့ဘူး၊ နိုင်ငံခြားက လူသားချင်းစာနာပြီး ပံပိုးပေးလာတဲ့ အကူအညီတွေကိုလဲပိတ်ပင်ခဲ့တယ်၊ ဒါ့ကြောင့်ပြည်သူတွေပိုမိုဆိုးရွားစွာ ဒုက္ခတွေခံစားခဲ့ရတယ်။ နောက်ပြီး နာဂစ်မုန်တိုင်းဒဏ်သင့်ပြည်သူတွေကို ကူညီပေးခဲ့သူတွေကို လည်း အကြောင်းပြချက်မရှိပဲ ဖမ်းဆီးတယ်။ နှစ်ရှည်ထောင်ဒဏ်တွေ မတရားချမှတ်တယ်။ ဒါကို ဂျပန်မှာရှိတဲ့ မြန်မာလူမျိုးတွေသာမကပဲ ဂျပန်အစိုးရနဲ့ ဂျပန်လူမျိုးတွေရောသိအောင် နောက်ပြီး တကမ္ဘာလုံးကပါသိအောင်လို့ ဂျပန်လိုရော၊ အင်္ဂလိပ်လိုပါစာတမ်းထိုးပြီး ပြသမှာဖြစ်တယ်"ဟု ဒါရိုက်တာသစ်သားက မိုးသောက်ကြယ်သို့ ရှင်းလင်းပြောပြသည်။

ပထမအကြိမ် ၂၀၀၇ ခုနှစ်အတွင်းက ရိုက်ကူးဖြန့်ချိခဲ့ပြီးဖြစ်သော `စစ်ကျွန်မခံ ခွပ်ဒေါင်းအလံ`ဇာတ်ကားကဲ့သို့ ပရိသတ်လက်ခံနိုင်သော ဇတ်ကားမျိုးတခုဖြစ်ရန် ကြိုးစား၍ရိုက်ကူးနေကြောင်းနှင့် ယခုဇာတ်ကားတွင် ဂျပန်နိုင်ငံရှိ `မင်္ဂလာဒိုးအနုပညာအင်အားစု`အပါအ၀င် တိုင်းရင်းသားများကလည်း အင်တိုက်အားတိုက် ကူညီပံ့ပိုးပေးခဲ့ကြသည်။

ယခင်က ဇတ်လမ်းနှင့်ရိုက်ကူးချိန်ကို ၄၅ မိနစ်ခန့်နှင့် ယခုနှစ် ၂၀၀၉ ခုနှစ် နှစ်ကုန်ပိုင်းလောက်တွင် ဖြန့်ချိပြသရန် ရည်ရွယ်ခဲ့သော်လည်း ဇတ်လမ်းတွင်စိတ်ပါဝင်စား၍ ပါဝင်သရုပ်ဆောင်လာသူများ ပြားလာခဲ့ခြင်းကြောင့် ပြန်သချိန် ၁ နာရီ မိနစ် ၃၀ အထိရှိလာပြီး သရုပ်ဆောင်ကလေးငယ်များ၏ ကျန်မားရေးအခြေအနေနှင့် ရာသီဥတုဆိုးရွားခြင်းကြောင့် ဇတ်သိမ်းပိုင်းရိုက်ကူးမှု နောက်ကျဖွယ် ရှိနိုင်သည်ဟုလည်း ဆက်လက်ပြောဆိုသည်။

ထို့ပြင် မြစ်ဝကျွန်းပေါ်တွင်နေထိုင်နေသည့် ကရင်တိုင်းရင်းသားတို့၏ ရိုးရာမင်္ဂလာပွဲ ကျင်းပချိန်တွင် မုန်တိုင်းတိုက်ခတ်သွားသည့်အတွက် သတိုးသားအပါအဝင်၊ မိဘဆွေးမျိုးမိတ်ဆွေများအားလုံးကို တပေါင်းတစည်းတည်းခေါ်ပြီး သတ်လိုက်မိသလိုခံ စားမိသွား၍ ရူးသွပ်သွားသည့်က ရင်မိန်းကလေးငယ်တဦး၏ ကြေကွဲဖွယ်အဖြစ်အပျက်တို့နှင့် မုန်တိုင်းကျပြီးနောက် ကူညီရန်ရောက်ရှိလာသည့််အနုပညာရှင်များကို အာဏာပိုင်များမှ အဓိပ္ပါယ်မဲ့ဖမ်းဆီးထောင်ချလိုက်သည့် အဖြစ်အပျက်များနှင့် မုန်တိုင်းကြောင့် ကယ်သူမဲ့သေဆုံးသွားကြသည့် အလောင်များအား ကောက်ယူမီးသဂြိုလ်ပေးသူများကို စစ်အာဏာပိုင်များမှ ဥပဒေမဲ့စွာဖမ်းဆီးခဲ့ပုံတို့ကို တကမ္ဘာလုံးမှမမေ့မပျောက်ပဲ အမှတ်ရစေရန် သဘာဝကျကျရိုက်ကူး တင်ဆက်ကြိုးစားထားကြောင်းသိရသည်။

နောက်ကျမှုနှင်ပါတ်သတ်၍ ဒါရိုက်တာသစ်သားက "အကူဒါရိုက်တာအနေနဲ့ ကိုအောင်လင်းနိုင် (မြိတ်ကလာတဲ့ ငံပြာရည်၏မြေး)က ကူညီပြီး ရှေ့ကရိုက်ပြီးထားတာတွေ ကားကူးကားဆက်နဲ့ စာတမ်းထိုးတဲ့အပိုင်းကို ကြိုးစားပြီးလုပ်နေပါတယ်။ သိတဲ့အတိုင်းပဲ ဂျပန်မှာ နေစားရိတ်၊ စားစရိတ်ကလည်း ဈေးကြီးတော့ တဖက်ကလည်း ကိုယ့်စားဝတ်နေရေးအတွက် အလုပ်လုပ်ရသေးတယ်လေ။ အလွန်ဆုံး နာဂစ် ၂ နှစ်ပြည့် နှစ်ပါတ်လည်အချိန်လောက်မှာ အားလုံးအပြီးအစီးအချောသတ် ထုတ်ဝေဖြစ်မယ်လို့ ထင်ပါတယ်"ဟုလည်း ရှင်းပြသည်။

နာဂစ်မုန်တိုင်းတိုက်ခတ်ပြီးနောက် ပြည်တွင်းနှင့်ပြည်ပတွင် Documentary အနေနှင့်ရိုက်ကူး ထုတ်လုပ်မှုသာရှိပြီး ရသမြောက်စွာရိုက်ကူးသည့် အထိမ်းအမှတ် ဇာတ်လမ်းအနှေနှင့် ယခုဇာတ်ကားသည် ပထမဦးဆုံးဖြစ်လာမည်ဖြစ်သည်။

၂၀၁၀ အဝင် နအဖ လက်ပါးစေတို့ လှုပ်ရှားမှုများ

၂၀၁၀ ခုနှစ် ရွေးကောက်ပွဲ အစီအစဉ် အပေါ်မတူညီ ကွဲပြားသည့် ရှုထောင့် အမြင်များကို စုစည်းကာ ဒီမိုကရေစီ အရေး၊ လူ့အခွင့်အရေးနှင့် အမျိုးသား ပြန်လည်သင့်မြတ်ရေး စသည့် အချက်များပေါ်တွင် ပူးပေါင်း ဆောင်ရွက်နိုင်ရေးအတွက် အကြိုဆွေးနွေးပွဲကို ဇန်နဝါရီလအတွင်း ရန်ကုန်မြို့တွင် ပြုလုပ်သွားမည် ဖြစ်ကြောင်းသိရသည်။ အဆိုပါဆွေးနွေးပွဲကို မြန်မာ့အရေး ဆွေးနွေးပွဲ ကျင်းပရေး ကော်မတီမှ ပြုလုပ်သွားမည်ဖြစ်သည်။

၂၀၀၉ ခုနှစ်၊ နိုဝင်ဘာလ၊ (၂၄)ရက်နေ့တွင် မြန်မာ့အရေး ဆွေးနွေးပွဲ ကျင်းပရေး ကော်မတီကို ဖွဲ့စည်းကာ ပြည်သူလူထုနှင့် နိုင်ငံရေးလုပ်ဖော်ကိုင်ဘက်များသို့ အသိပေးထုတ်ပြန်ကြေငြာချက် တစ်စောင်ထုတ်ပြန်ခဲ့ပါသည်။ ထိုအသိပေး အသိပေးထုတ်ပြန်ကြေငြာချက်တွင် မြန်မာနိုင်ငံရေး ဆွေးနွေးပွဲကို ၂၀၀၉ ခုနှစ် ဒီဇင်ဘာလအတွင်း ပြုလုပ်မည်ဟု ကြေငြာခဲ့သော်လည်း ကျင်းပပြုလုပ်နိုင်ခဲ့ခြင်းမရှိသေးပဲ ယခု ဇန်နဝါရီလသို့ ကူးပြောင်းလာခြင်းဖြစ်သည်။

ကလစ်နှိပ်၍ အကြီးချဲ့ဖတ်ရှုနိုင်ပါသည်။

မြန်မာ့အရေးဆွေးနွေးပွဲ ကျင်းပရေး ကော်မတီတွင် ၈၈ ကျောင်းသားများလို့ ဆိုနေကြသူတွေဖြစ်တဲ့ ကိုသိန်းဌေး၊ ကိုသောင်းဝင်း၊ ကိုမင်းလွင်နှင့် ကိုသိန်းတင်အောင်တို့ ပါဝင်တဲ့ (၅) ဦး ကော်မတီကနေ ဖွဲ့ထားခြင်း ဖြစ်ကြောင်းသိရသည်။ ၄င်းကော်မီတီသည် နအဖ၏ ကျောထောက်နောက်ခံမှုတွေနဲ့ နအဖရဲ့ ၂၀၁၀ ရွေးကောက်ပွဲနီးလာချိန်မှာ ပြည်သူတွေကို မျက်စိလှည့်ဖို့အတွက် လုပ်ဆောင်လာခြင်း ဖြစ်သည်။

“ဒီလိုလုပ်ဆောင်လာကြသူတွေရဲ့ နောက်ခံသမိုင်းကြောင်းကို ကြည့်ရင် ဘာမှ ထိထိရောက်ရောက် လုပ်ဆောင်ခဲ့တာ မရှိဘဲ နောက်ပိုင်းမှာ အာဏာရှင် အလိုကျ လုပ်ရပ်တွေကိုသာ ပံ့ပိုးဆောင်ရွက်နေတာ တွေ့မြင်ရတယ်။ ယခုအချိန်မှာတော့ နအဖရဲ့ ၂၀၁၀ ခုနှစ် ရွေးကောက်ပွဲအတွက် နအဖကနေ ကလိမ်ကကျစ်ကျစွာနဲ့ ပြည်သူအပေါ် လှည့်ဖြားမယ့် အလုပ်တွေကို အကောင်အထည်ဖေါ်ဖို့ ဒီလို လူမျိုးတွေကို အသုံးချခြင်းဖြစ်တယ်”ဟု ဒီမိုကရေစီအရေး ကြိုပမ်းဆောင်ရွက်နေသူ တစ်ဦးမှ သုံးသပ်ပြပါသည်။

ပြည်သူတွေအနေနဲ့  တော်လှန်ရေးအင်အားစုတွေအနေနဲ့  ဒီလိုလူမျိုးတွေအကြောင်း သိထားမှသာ နအဖက ဘယ်လို လှည့်ဖြားပုံမှားရိုက်တယ်၊ ဒီလိုလူတွေက နအဖ ဆန့် ကျင်တော်လှန်ရေးနဲ့  ကျောင်းသားလှုပ်ရှားမှုတွေ ကျောင်းသားအဖွဲ့  အမည်တွေကို ခုတုံးလုပ် အသုံးချပြီး ပြည်သူကို မျက်စိလည်အောင် လှည့်ဖြားတယ် အယုံသွင်းဖို့  လုပ်နေကြတယ်ဆိုတာ သေသေချာချာ တွေ့  မြင်ရမှာပါ။

ဖြိုးမင်းသိန်း။

သူကတော့ သံလျှင်မြို့ တွင် နေထိုင်ပြီး ၁၉၈၈ ခုနှစ်တုန်းက လူ့ဘောင်သစ်ပါတီနှင့် ဗကသ အဖွဲ့ ဝင် ဖြစ်ခဲ့ဖူးတယ်။ ၁၉၉၀ ခုနှစ်မှာ အောက်မြန်မာနိုင်ငံ ဗကသအဖွဲ့ ရဲ့  အတွင်းရေးမှူး တာဝန်ယူခဲ့တယ်။ ၁၉၉၁ ခုနှစ်မှာ ဒေါ်ချိုချိုကျော်ငြိမ်း၊ ရွှေထီး တို့နှင့် တွဲ၍ လှူပ်ရှားပြီး အာဏာရှင်မှ ဖမ်းဆီးမှုကြောင့် ထောင် (ရ) နှစ်ကျခဲ့တယ်။

၁၉၉၅ ခုနှစ်မှာ တောင်ငူထောင်တွင်းမှာ ထောင်မှု ထပ်တိုး ခံရပြီး ၂၀၀၀ ခုနှစ်မှာ တောင်ငူထောင်ကနေ မြောင်းမြရွှေ့ပြောင်းခံရတယ်။ ၂၀၀၅ ခုနှစ် ဇူလိုင် (၆) ရက်နေ့ မှာ လွတ်မြောက်လာပြီး စီးပွားရေးသာ လုပ်နေခဲ့သာ လုပ်နေခဲ့တယ်။

သိန်းဌေး။

သူကတော့ ၁၉၈၈ ခုနှစ်မှာ ဗကသအဖွဲ့ ဝင် ဖြစ်ခဲ့ပြီး အာဏာသိမ်းချိန်းကာလာတွင် နယ်စပ်ကို တောခိုခဲ့တယ်။ ဒါပေမယ့် ၁၉၈၈ ခုနှစ် နိုဝင်ဘာ (၁) ရက်နေ့ မှာ ကိုလှအောင်ဆိုသူနှင့်အတူ နအဖထံ ပြန်ဝင်ရောက်ခဲ့တယ်။

၁၉၈၉ ခုနှစ်မှာ နယ်စပ်သို့ တောခိုရာမှ ပြည်တွင်း ပြန်ဝင်ခဲ့ကြသောသူများ စုစည်းပြီး ဖွဲ့ ကြတဲ့ တိုက်ပွဲကော်မတီဖွဲ့စဉ်မှာ ပါခဲ့သော်လည်း နောက်ပိုင်းတွင် စီးပွားရေးသမားအဖြစ်သာ စီးပွားရေး လုပ်နေခဲ့တယ်။ ဖရေဇာတွင် လျှပ်စစ်ပစ္စည်းဆိုင်ဖွင့်၍ စီးပွားရေးလုပ်နေခဲ့ပါတယ်။

၂၀၀၉ ခုနှစ်တွင် မြန်မာပြည်အပေါ် အနောက်နိုင်ငံများမှ စီးပွားရေးပိတ်ဆို့မှုအား ဆန့်ကျင်သည့် ကင်ပိန်းတခု ကို ပြုလုပ်ခဲ့တယ်။ အေးလွင်တို့  လုပ်သလိုမျိုး နအဖကို ပိတ်ဆို့ ထားတဲ့  စီးပွားရေး ပိတ်ဆို့ မှုတွေကို ကန့် ကွက်ပြနေတာပါ။

မင်းလွင်။

သူကတော့ ၁၉၈၈ ခုနှစ်မှာ နယ်စပ်ကို တောခိုပြီး မယ်တော်ကျောင်း (၁၃၅) ယောက်အုပ်စုတွင် ပါဝင်ခဲ့တယ်။ ၄င်းနောက်မှာ ၁၉၈၈ ခုနှစ်မှာဘဲ ပြည်တွင်းသို့  ပြန်ဝင်ခဲ့တယ်။ ၁၉၈၉ ခုနှစ်မှာ သိန်းဌေးနှင့်အတူ တော်တွင်းပြန်တိုက်ပွဲကော်မတီတွင် ပါခဲ့ပြီး နောက်ပိုင်းတွင် ဘာမှမလုပ်တော့ဘဲ ရခိုင်ပြည်နယ်ဘက်တွင် ရေလုပ်ငန်းကုမ္မဏီတခု၌ ၀င်ရောက် လုပ်နေခဲ့ပါတယ်။

သောင်းဝင်း။

သူကတော့ ၁၉၉၆ ခုနှစ်မှာ ထောင်ကျပြီး ၂၀၀၂ ခုနှစ်တွင် မြောင်းမြထောင်မှ ပြန်လည်လွတ်လာခဲ့တယ်။

ရန်ကုန်မြို့  မြောက်ဒဂုံမှာ နေထိုင်တယ်။ ထောင်ကနေ လွတ်လာပြီးနောက် နအဖထောက်လှမ်းရေးအား သတင်းပေးနေသူအဖြစ် ကျော်ကြားနေသူ ဖြစ်ပါတယ်။

သိန်းတင်အောင်။

သူကတော့ ၁၉၈၈ ခုနှစ် ရှစ်လေးလုံးအရေးတော်ပုံကြီးတွင် ပါဝင်ခဲ့တယ်လို့  ဆိုပေမယ့် အေးလွင်တို့နှင့် တွဲဘက်ကာ မြန်မာပြည်အပေါ် အနောက်နိုင်ငံများမှ စီးပွားရေးပိတ်ဆို့မှုအား ဆန့်ကျင်တယ့် ကင်ပိန်းတွေကို ပါဝင်လုပ်ဆောင်ခဲ့တယ်။ အဆိုပါ အေးလွင်တို့  လုပ်ရပ်များမှာ လုပ်ဆောင်ရင်း နအဖကနေ ပံ့ပိုးပေးတဲ့ ထောက်ပံ့မှုဝေစုများ အဝေမတည့်ဖြစ်ကြပြီး မကျေမနပ်ဖြစ်ကာ အေးလွင်အဖွဲ့မှ ထွက်ခဲ့တယ်။

ဒီနောက်မှာတော့ ၂၀၀၉ ခုနှစ်မှာ - ကျောင်းသားအမည်ခံပြီး ၈၈ တုန်းက ဗိုလ်ခင်ညွန့်တို့နဲ့ ပူးပေါင်းသွားတဲ့ ဖောက်ပြန်ရေးသမား ဘီဘီစီ ကိုကိုလတ်နှင့်တွဲကာ မြန်မာပြည်အပေါ် အနောက်နိုင်ငံများက စီးပွားရေးပိတ်ဆို့မှုအား ဆန့်ကျင်တဲ့ ကင်ပိန်းတွေကို ထပ်မံပြုလုပ်ခဲ့တယ်။

ဒီလူတွေရဲ့  နောက်ခံသမိုင်းတွေနဲ့  လုပ်ရပ်တွေကို ကြည့်ရင် အခုသူတို့  ထွင်ပြီး လုပ်လာတဲ့ မြန်မာ့အရေးဆွေးနွေးပွဲ ကော်မတီဆိုတာဟာ နအဖနဲ့  လက်ဝါးရိုက် အကွက်ဆင်ကာ နအဖအလိုကျဖြစ်ရေး နအဖရဲ့  ၂၀၁၀ ခုနှစ် ရွေးကောက်ပွဲကို အားပေးအားမြှောက်ပြုနေတဲ့ လုပ်ရပ်မှန်း ပေါ်လွင်နေပါတယ်။

ပြည်သူတွေအနေနဲ့  ဒီလို ၈၈ အမည်ခံပြီး မရိုးသားသော နိုင်ငံရေး လှည့်ကစားနေတဲ့ လှည့်ဖြားနေတဲ့ လုပ်ရပ်တွေကို သတိထားကြဖို့  တိုက်တွန်းလိုက်ရပါတယ်။

ကိုးကား
http://www.niknayman-niknayman.co.cc/2009/12/blog-post_6210.html

သဘာဝ ဘေးအန္တရာယ် ရန်ပုံငွေ ရှာဖွေပွဲ

အမျိုးသား လွတ်မြောက်ရေး တိုက်ပွဲခေါ်သံ နှင့် ပတ် သက်ပြီး ဆက်သွယ် မေးမြန်ချက်

ဟံသာဝတီ | ပြည်တွင်း / ပြည်ပ နိုင်ငံရေး အင်းအား စုများ (၁၂၀) ကျော်ဖြင့် စုစည်း ဖွဲ့စည်း ထားသော Global Action for Burma (GAB) အဖွဲ့ကြီး ၏ ပြောရေး ဆိုခွင့် ရှိသူ ကိုရွှေစင်ထွန်း၊ ဒုဥက္ကဌ၊ မြန်မာပြည် လွတ်မြောက်ရေး အဖွဲ့ချုပ် အား Global Action for Burma (GAB) အဖွဲ့ကြီး ၏ အမျိုးသား လွတ်မြောက်ရေး တိုက်ပွဲ ခေါ်သံ နှင့် ပတ်သက်ပြီး ဟံသာဝတီ မှ ဆက်သွယ် မေးမြန်း ထားပါတယ် -

မေး -------ဒီမိုကရေစီအောင်ပွဲ ရရှိဖို့် ဘယ်လိုရှေ့ဆက်ပြီးလုပ်ဆောင်ကြမလဲ။

ဖြေ -------ဟုတ်ကဲ့ ယခု မေးခွန်းတွေကို ကျနော်တို့အနေနဲ့ ကျေကျေလည်လည် ဖြေကြားပေးဖို့ ဝတ်တရား အပြည့်ရှိတယ်လို့ ခံယူထားတယ်။ (ထိုမေးခွန်းတွေကို တိုင်းရင်းသားပြည်သူအားလုံး သိရှိစေဖို့ လဲ ရည်ရွယ်ပါတယ်။) ပထမဦးဆုံးအနေနဲ့ ကျနော်တို့ အလွန်အင်မတန်မှ သတိထားပြီး ထိမ်းထိမ်းသိမ်းသိမ်း လုပ်နေကြရတဲ့ အချက်သုံးခုကို တင်ပြအပ်ပါတယ်။

(၁) တနိုင်ငံလုံး တကမ္ဘာလုံး အတိုင်းအတာနဲ့ အသိအမှတ်ပြုထားတဲ့ ဒေါ်အောင်ဆန်းစုကြည် နဲ့ အမျိုးသား ဒီမိုကရေစီအဖွဲ့ချုပ် ရဲ့ နိုင်ငံရေးဦးဆောင်နေမှု အကြောင်းအရာတွေနဲ့ အများကြီးဝေးကွာပြီး လုပ်လို့မရဘူး၊ ကျော်လွှားပြီး လုပ်လို့မရပါဘူး၊ ဒီကိစ္စဟာ ကျနော်တို့ အဖွဲ့အစည်းအသီးသီးရဲ့ ကျင့်ဝတ်တခုလိုလိုက်နာရတဲ့ အကြောင်းအရာတခု ဖြစ်တယ်။

(၂) ကျနော်တို့အပါအဝင် ပြည်ပမှာရှိကြတဲ့ အဖွဲ့အစည်းအားလုံးအနေနဲ့ ပြည်သူလူထုတရပ်လုံးကို စိတ်ထင်တိုင်း နအဖ စစ်အာဏာရှင်တွေကို ထကြ ချကြ ဆိုပြီး ပရမ်းပတာ လုပ်လိုမရပါဘူး။ ဒီကိစ္စဟာလဲ ကျင့်ဝတ်တခုအနေနဲ့ လျှောင်ရှားပြီး လုပ်နေကြတယ်။

(၃) နောက်ဆုံးတခုက နိုင်ငံရေးလမ်းကြောင်း ရွေးချယ်မူ ဖြစ်တယ်။ အမျိုးသားဒီမိုကရေစီအဖွဲ့ချုပ်က ချမှတ်ထားတဲ့ စေ့စပ်ဖြန်ဖြေ ဆွေးနွေးခြင်း အကြောင်းအရာကို လုံးလုံးလျှားလျှား ဆန့်ကျင်ပြီး သွားလို့မရဘူး။ အမြဲတမ်းဝိုင်းရံပြီး လုပ်ဆောင်ပေးနိုင်ဖို့ မူအရ ကိုင်စွဲပြီး လုပ်နေကြတယ်။ ဒီအကြောင်းအရာတွေဟာ ကျနော်တို့ ဂျီအေဘီအင်အားစုကြီးတခုလုံးဖြစ်တဲ့ ပြည်တွင်းပြည်ပမှာ ရှိနေကြတဲ့ အဖွဲ့အားလုံး အနေနဲ့ပါ သတိကြီးကြီးထားပြီး ထိမ်းထိမ်းသိမ်းသိမ်း လုပ်ဆောင်နေကြရတဲ့ အကြောင်းအရာတွေဖြစ်ပါတယ်။

အခု တင်ပြခဲ့တဲ့ အကြောင်း အရာများနှင့် အနီးစပ်ဆုံး လိုက်လျှောညီထွေ ဖြစ်ပြီးတော့ ကျနော်တို့ လုပ်ဆောင်ဖို့ ရွေးချယ် ထားတဲ့ အမျိုးသားလွတ်မြောက်ရေးလှုပ်ရှားမှုကို အခြေခံပြီး တင်ပြပါမယ်။

အမျိုးသားလွတ်မြောက်ရေးလှုပ်ရှားမှုဟာ နအဖစစ်ခေါင်းဆောင်တွေက ကျောင်းသား ခေါင်းဆောင်တွေ၊ တိုင်းရင်းသား ခေါင်းဆောင်တွေ၊ သံဃခေါင်းဆောင်တွေကို ထောင်နှစ်ရှည်ကြီးတွေချတာ၊ ဒေါ်အောင်ဆန်းစုကြည်ကို မတရား အမှုဆင်ပြီး ခုံရုံးတင် ထောင်ချဖို့ လုပ်ဆောင် တာတွေကို တန်ပြန်တ အနေနဲ့ အစပိုင်းမှာ လုပ်ခဲ့တာဖြစ်တယ်။

အဲဒီမှာ စစ်အုပ်ချုပ်ရေး ယန္ဒရား ဖျက်သိမ်းရေး နဲ့ ပြည်သူလူထုကို အမှန်တကယ် ကိုယ်စားပြုနိုင်တဲ့ ကြားဖြတ်အစိုးရ ပေါ်ထွက်လာရေးတို့ အထိ ပါဝင်တဲ့ လုပ်ငန်းစဉ် (၇)ရပ်ကို ဆိုလိုတယ်။ အဲဒီလုပ်ငန်းစဉ် (၇)ရပ်ဟာ တိုင်းရင်းသားပြည်သူတွေ တတ်သိပညာရှင်တွေ အလုပ်သမား တောင်သူလယ်သမား ကျောင်းသားအာလုံး နဲ့ သံဃာတော်တွေပါမကျန် အတူတကွ ပူးပေါင်းဦးဆောင်သွားနိုင်တဲ့ တော်လှန်ရေး လမ်းကြောင်း ဖြစ်တယ်။

လုပ်ငန်းစဉ် (၇)ရပ်ထဲမှာ တတိုင်းပြည်လုံးအတိုင်းအတာနဲ့ နိုင်ငံရေးအဖွဲ့အစည်းတွေ၊ သမဂ္ဂတွေ အစည်းအရုံးတွေ ပေါ်လာဖို့၊ ပေါ်ပေါက်လာတဲ့ အဖွဲ့အစည်းအားလုံးဟာ နအဖဆန့်ကျင်ရေး အလုပ်တွေကို တူညီတဲ့ လမ်းကြောင်းပေါ်မှာ စုစုစည်းစည်းနဲ့ ပြိုင်တူအလုပ်လုပ်နိုင်ဖို့၊ တိုင်းရင်းသားပြည်သူအားလုံးအနေနဲ့ နအဖ စစ်အာဏာရှင် စနစ်ကို မိမိတို့ဘာသာ အတူတကွ တွန်းလှန်ဖယ်ရှားနိုင်တယ်ဆိုတာကို အခိုင်အမာ ယုံကြည်လာဖို့ အပြင် လှုပ်ရှားမှုကြီးထဲမှာ စစ်တပ်ထဲက တိုင်းပြည်ကို အကောင်းဖက်ကို ရောက်လာစေဖို့ ဆန္ဒရှိတဲ့ လူပုဂ္ဂိုလ်တွေ၊ အရာရှိအရာခံအကြပ်တပ်သားတွေ၊ ပြည်ခိုင်ဖြိုးအဖွဲ့ဝင်တွေပါမကျန် ပူးပေါင်းပါဝင်လာနိုင်အောင် ဖိတ်ခေါ် တခါးဖွင့်ထားပြီး နောက်ဆုံးမှာ အဆုံးအဖြတ်ပေးမဲ့ တိုက်ပွဲကို ဆင်နွှဲနိုင်ဖို့ ဖြစ်ပါတယ်။

ဗိုလ်ချုပ်သန်းဆွေ တယောက်ထဲက ကြိုးကိုင်ပြီးသွားနေတဲ့ နအဖစစ်အုပ်ချုပ်ရေးစနစ်ဟာ အသေအချာ ပြိုလဲသွားမယ် ဖြစ်တယ်။ အဆုံးအဖြတ်ပေးတဲ့ လှုပ်ရှားမှုကြီးအတွင်းမှာ ပြည်သူလူထုကို အမှန်တကယ်ကိုယ်စားပြုနိုင်တဲ့ အစိုးရတခုဟာ အသေအချာ ပေါ်ထွက်လာရမယ်။ အဲဒီပေါ်ထွက်လာမဲ့ အစိုးရကို တိုင်းရင်းသားပြည်သူအားလုံးက အခြေအနေတွေ တည်ငြိမ်တဲ့ နေ့အထိ ဝိုင်းဝန်းထိမ်းသိမ်း သွားနိုင်မယ်လို့ ယုံကြည်ထားတယ်။

မေး -------အမျိုသားလွတ်မြောက်ရေးလှုပ်ရှားမှုက ဘယ်လို ဖြစ်ပေါ်လာခဲ့ သလဲ။

ဖြေ -------ဖြစ်ပေါ်လာတဲ့ အဓိကအခြေခံ အကြောင်းအရင်းကတော့ ဗိုလ်ချုပ်သန်းဆွေနဲ့ အပါင်း အပါတွေဟာ တဖက်ကမ်းခတ်အောင် လူပါးဝနေကြတာကို ဆက်ပြီးခွင့်မပြုနိုင်တော့လို့ဘဲ ဖြစ်တယ်။

(၁) နအဖစစ်ခေါင်းဆောင်များတွေက တိုင်းပြည်နဲ့အဝှမ်းမှာ ဒီကနေ့အထိ ဆက်လက် ဆက်တိုက် ကျူးလွန်နေတဲ့ မတရားမှုတွေကို တတိုင်း တပြည်လုံးက ခေါင်းငုံ့မခံတော့ဘူးဆိုတာကို ပြသနိုင်ဖို့ ဖြစ်တယ်။

(၂) နအဖစစ်ခေါင်းဆောင်တွေ စိတ်ကူးယဉ်နေတဲ့ လမ်းပြမြေပုံ(၇)ချက်ကို ပြောင်ပြောင်တင်းတင်း တန်ပြန်လိုက်တာ ဖြစ်တယ်။ နောက်ပြီး (၃) တိုင်းရင်းသားပြည်သူအားလုံးနဲ့ရော ပြန့်ကျဲနေ့တဲ့ နိုင်ငံရေးအင်အားစုတွေ အားလုံးအနေနဲ့ပါ အမျိုးသားလွတ်မြောက်ရေး လှုတ်ရှားမှု လမ်းကြောင်းပေါ်မှာ တစုတစည်းတည်း စုပေါင်း တော်လှန်နိုင်တယ် ဆိုတာကို သက်သေပြနိုင်ဖို့ဖြစ်တယ်။

မေး-------အမျိုးသားလွတ်မြောက်လှုပ်ရှားမှုကို ဘယ်လို ရည်ရွယ်ချက်တွေနဲ့ လုပ်ဆောင်သွားကြ မလဲ။

ဖြေ-------စစ်အာဏာရှင်စနစ်အောက်က မဖြစ်ဖြစ်တဲ့နည်းနဲ့ လွတ်မြောက်နိုင်ဖို့ ဖြစ်ပါတယ်။ အဲဒီလို လွတ်မြောက်ဖို့ဆိုတဲ့ နေရာမှာ တိုင်းပြည်အကောင်းဖက်ကို ရောက်အောင် အသေအချာ ပြောင်းလဲလာဖို့ ဖြစ်ပါတယ်။ ပြန့်ကျဲနေတဲ့ အင်အားတွေအားလုံးဟာ လမ်းကြောင်းတခုထဲပေါ်မှာ စုစုစည်းစည်း နဲ့ နအဖစစ်အာဏာရှင်စနစ်ကို တွန်းလှန်ဖယ်နိုင်ဖို့ဖြစ်တယ်။

နအဖ စစ်အာဏာရှင်စနစ်ကြီး ပုံမှန်လည်ပါတ်နေစေတဲ့ စစ်အုပ်ချုပ်ရေး ယန္ဒရားကို တွန်းလှန်ဖယ်ရှားဖို့ လုံလောက်တဲ့ စွမ်းအားထုကြီး (ပြည်တွင်းဖြစ် အောင်နိုင်စွမ်းအားထုကြီး) ဖြစ်ပေါ်လာဖို့ ဖြစ်တယ်။ တိုင်းရင်းသားပြည်သူအားလုံး အနေနဲ့ စစ်အာဏာရှင်စနစ်အောက်ကနေ လွတ်မြောက်ရမယ်ဆိုတာကို ယုံကြည်ချက်တွေ အသေအချာ ခိုင်မာလာစေဖို့ လည်း ရည်ရွယ်ထားတယ်။ ရှေ့ဆက်လုပ်ဆောင်ကြမဲ့ စေ့စပ်ဖြန်ဖြေ ဆွေးနွေးခြင်းကအစ အလုပ်တခုချင်းစီနဲ့ ခြေလှမ်းတလှမ်းတိုင်းဟာ အမျိုးသားထု တရပ်လုံး လွတ်မြောက်ရေး အတွက် အာမခံချက်အပြည့် ဖြစ်နိုင်ရေးတို့အတွက်လည်း အလေးအနက် ရည်ရွယ်သည်။
ပြည်တွင်းရော ပြည်ပမှာပါမကျန်


မေး -------တိုင်းရင်းသားအားလုံး ပူးပေါင်းပါဝင်လာနိုင်ရေး အတွက် အဆိုပြုချက် တွေက ဘာတွေ ဖြစ်သင့် သလဲ။

ဖြေ -------တိုင်းရင်းသား အားလုံး ပူးပေါင်း ပါဝင် ဦးဆောင် နိုင်ရေးဟာ အောင်မြင်ခြင်း အတွက် အသက်သွေး ကြောဖြစ်တယ်၊ နောက်ပြီး ဒီမိုကရေစီ ရရှိရေး ကြိုးပန်းခြင်းနဲ့ ထပ်တူ အရေးကြီးတဲ့ အကြောင်း အရာ ဖြစ်တာမို့ ဆွေးနွေးတဲ့ သဘောမျိုး အနေနဲ့ တင်ပြမယ်ဖြစ်ပါတယ်။

ကျွန်ုပ်တို့အနေနဲ့ အမျိုးသားရေး လှုပ်ရှားမှုကြီး အကောင်အထည် ဖေါ်နိုင်ရေးမှာ တိုင်းရင်းသား ခေါင်းဆောင်တွေ၊ တိုင်းရင်းသား အဖွဲ့အစည်းတွေ တညီတညွတ်ထဲ ပါဝင် ဦးဆောင် ရေးဟာ မဟာဗျူဟာ မြောက်တဲ့ နိုင်ငံရေး ရှေ့လုပ်ငန်း တရပ်အဖြစ် ယုံကြည်ထားတယ်၊ ရည်ရွယ်ထားတယ်။

တိုင်းရင်းသား ခေါင်းဆောင်တွေဟာ တိုင်းပြည်ရဲ့ အမျိုးသားခေါင်းဆောင်တွေ အဖြစ် တန်းတူ တဆင့်တက်ပြီးတော့ ဦးဆောင်မှုမှာ ပါဝင်ခွင့် ရရှိ်ရေးအတွက် ရည်ရွယ်တယ်။

တိုင်းရင်းသား ခေါင်းဆောင်တွေ အဖွဲ့အစည်းတွေ လောလောဆယ် ရင်ဆိုင်နေရတဲ့ အခက်အခဲတွေ၊ အန္တရာယ်တွေ၊ ကိုယ့်ကြမ္မာ ကိုယ်ဖန်တီးနိုင်ရေးအတွက် နိုင်ငံရေးမှာ တန်းတူပါဝင်ခွင့် မရှိသေးတဲ့ အခြေအနေတွေ အားလုံးကို အပြည့်အဝ နားလည်တယ်။ ကျနော်တို့အနေနဲ့ တိုင်းရင်းသားငြိမ်းအဖွဲ့တွေ အားလုံးကို နအဖရဲ့စိတ်ကြိုက် နယ်ကြားစောင့်တပ် အသွင်အဖြစ် ပြောင်းလဲရေးကို မနာခံဘဲနဲ့ ကြံ့ကြံ့ခံ ရပ်တည်သွားနိုင်ဖို့ ဖြစ်စေချင်တယ်။ အဲဒီလို ဖြစ်လာမယ်လို့ မျှော်လင့်ထားတယ်။ ဖြစ်လာမယ်လို့လဲ ယုံကြည်ထားတယ်။ ကျနော်တို့တတွေအားလုံး လက်တွဲလုပ်နိုင်မှ နအဖ စစ်အာဏာရှင်တွေက ကျနော်တို့ကို တဖွဲ့ချင်းစီ ရွေးချယ်ခြေမှုန်းသွားမဲ့ အန္ဒရာယ်က ကာကွယ်တားဆီးနိုင်မယ် ဖြစ်တယ်။

နအဖစစ်အစိုးရက ဦးဆောင်ကျင်းပပေးမယ်ဆိုတဲ့ ၂ဝဝ၈ ခြေခံဥပဒေကို အခြေခံတဲ့ ရွေးကောက်ပွဲဟာ တရားဝင်စစ်အုပ်ချုပ်ရေး အသွင်အဖြစ်ကို ပြောင်းလဲတာဖြစ်တယ်။ (သို့မဟုတ်) စစ်ဂိုင်းဂဏ အုပ်ချုပ်ရေးအသွင်အဖြစ်ကို ပြောင်းလဲရေးသာဖြစ်တယ်။ အဲဒီကနေမှတဆင့် လွှတ်တော်တွင်း ပြုပြင်ပြောင်းလဲရေးဆိုတာ နောက်ထပ်နှစ်ပေါင်း (၂ဝ) ကြာမယ်ဆိုရင် တိုင်းရင်းသားပြည်သူ အများစုရဲ့ ဘဝတွေဟာ တိုင်းတပါးသါးတွေရဲ့ လက်ဝေခံဘဝတွေအဖြစ်ကို ကျရောက်သွားနိုင်တယ်။ ဒါကြောင့် နိုင်ငံရေးအကျင်းသား အားလုံးကို လွှတ်ပေးခြင်းမရှိဘဲ၊ ဖွဲ့စည်းအုပ်ချုပ်ပုံ အခြေခံ ဥပဒေကို ပြင်ဆင်ရေးဆွဲခြင်းမရှိဘဲ နအဖက ကြီးမှုးကျင်းပမယ်ဆိုတဲ့ ၂ဝ၁ဝ ရွေးကေါက်ပွဲကို ကျွန်ုတော်တို့ပြတ်သားစွာ ဆန့်ကျင်ခြင်းဖြစ်တယ်။

ကျနော်တို့အနေနဲ့ စေ့စပ်ဖြန်ဖြေဆွေးနွေးခြင်း အကြောင်းအရာဟာ အမျိုးသာထုအရပ်လုံး လွတ်မြောက်ရေး အတွက် ကြိုးပန်းနေခြင်းဖြစ်တယ်လို့ ယုံကြည်ထားတယ်။ နအဖစစ်ခေါင်းဆောင်များအနေနဲ့ စေစပ်ဖြန်ဖြေဆွေးနွေးခြင်းနဲ့ စပ်လျှင်းပြီး မလုပ်ဘူးဆိုရင်လဲ အမျိုးသားထု တရပ်လုံးဟာ စစ်အာဏာရှင် စနစ်အောက်က လွတ်မြောက်ရမယ်။ လုပ်မယ်ဆိုပြီးတော့မှ ဆွေးနွေးပွဲတွေရဲ့ နိဂုံးပိုင်းနေ့ကိုရောက်မှ စစ်အာဏာရှင်တွေက စားပွဲဝိုင်းကနေ ထထွက်သွားမယ်ဆိုရင်လည်း အမျိုးသားထု တရပ်လုံးအတွက် လွတ်မြောက်ရေးဟာ အသေအချာ အောင်မြင်ရမယ်။

အဲဒီလို အသေအချာအောင်မြင်ဖို့အတွက် နိုင်ငံရေးခေါင်းဆောင်တွေ၊ အဖွဲ့အစည်းတွေ၊ တိုင်းရင်းသားခေါင်းဆောင်တွေ၊ အဖွဲ့အစည်းတွေအပြင် ကျောင်းသားထုတရပ်လုံး၊ အလုပ်သမား၊ တောင်သူလယ်သမား၊ အသိပညာရှင်၊ အတတ်ပညာရှင်တွေအားလုံး နဲ့ သံဃာထုတရပ်လုံးဟာ အမျိုးသားလွတ်မြောက်ရေး လှုပ်ရှားမှုလမ်းကြောင်းပေါ်မှာ တစုတစည်းထဲ၊ ရှိနေဖို့လိုတယ်။ တစုတစည်းထဲ လုပ်ဆောင်ပြီးစီးထားရမဲ့ အလုပ်တွေရှိတယ်။ ဒါကြောင့် တိုင်းရင်းသားတွေရဲ့ အခန်းကဏ္ဍဟာ အောင်မြင်ခြင်းရဲ့ အသက်သွေးကြောဖြစ်တယ်။ ယခုဆိုရင် ဂျီအေဘီအင်အားစုကြီးအတွင်းမှာ တိုင်းရင်းသားခေါင်းဆောင်တွေရဲ့ ပါဝင် ဦးဆောင်မှုဟာ တသားထဲ၊ တညီတညွတ်ထဲ ဖြစ်နေပြီဖြစ်တယ်။ အဲဒီညီညွတ်ရေးကို စစ်မှန်တဲ့ ဖယ်ဒရာယ် ပြည်ထောင်စု တည်ဆောက်နိုင်တဲ့ထိ ထိမ်းထားနိုင်မယ်လို့ ယုံကြည်ထားတယ်။


မေး-------ပြည်သူလူထုတရပ်လုံးက ပူးပေါင်းပါဝင်လာနိုင်ရေး တို့အတွက် အဆိုပြုချက်တွေက ဘာတွေဖြစ်မလဲ။

ဖြေ -------ဒီအကြောင်းအရာကိုလဲ ဆွေးနွေးတဲ့နေနဲ့ တင်ပြမယ်ဖြစ်ပါတယ်။

ဒီကနေ့ အခြေအနေတွေဟာ သေရေး ရှင်ရေးနဲ့ အမျှ အရေးကြီးတဲ့ အချိန်ကာလ ဖြစ်တယ်။ တိုင်းပြည် အကောင်းဖက်ကို ပြောင်းလဲလာဖို့အတွက် အလွန် အင်မတန်မှ တန်ဖိုးရှိတဲ့ အချိန် ကာလဖြစ်တယ်။ အလုပ်တခုခြင်းစီ ခြေလှမ်းတခုခြင်းစီဟာ အကောင်းဖက်ကို ကူးပြောင်းလာဖို့ အာမခံချက်ပေးနိုင်တဲ့ အလုပ်တွေကို လုပ်နိုင်ဖို့ အရေးတကြီး လိုအပ်နေပါတယ်။

ကျနော်တို့အနေနဲ့တိုင်းပြည်ရဲ့ အနာဂါတ်ကံကြမ္မာဟာ နအဖစစ်ခေါင်းဆောင်တွေရဲ့ သေးသိမ်နှံချာတဲ့ သဘောထားအတိုင်း ဆက်ပြီးအဖြစ်ခံမှာမဟုတ်ဘူး။ သက္ကရာဇ် (၂ဝ၁ဝ) တိုင်းပြည်ရဲ့ အပြောင်းအလဲဟာ တိုင်းရင်းသားပြည်သူတွေ အားလုံးရဲ့ သဘောဆန္ဒအတိုင်း ပြောင်းလဲစေရမယ်။ ပြည်သူတွေအရှေ့က မားမားမာတ်မာတ်ရပ်နေတဲ့ နိုင်ငံရေးခေါင်းဆောင်တွေ၊ တိုင်းရင်းသား ခေါင်းဆောင်တွေ၊ အလုပ်သမား၊ တောင်သူလယ်သမား၊ တတ်သိပညာရှင်တွေ၊ အနုပညာရှင်တွေ၊ သံဃာခေါင်းဆောင်တွေ၊ နဲ့ တိုင်းပြည်အကောင်းဖက်ကို ရောက်လာစေဖို့ ဆန္ဒရှိတဲ့ အရာရှိအရာခံ အကြပ်တပ်သားတွေရဲ့ သဘော ဆန္ဒအတိုင်း ဖြစ်လာစေရမယ်။

ကျနော်တို့အားလုံးရဲ့ သဘောဆန္ဒအတိုင်း တိုင်းပြည်အပြောင်းအလဲ ဖြစ်လာဖို့ဆိုတဲ့ နေရာမှာ တခုတော့ရှိတယ်။ ကျနော်တို့အားလုံးဟာ လမ်းကြောင်းတခုတည်းအပေါ်မှာ တညီတညွတ်ထဲ ရှိနေဖို့လိုတယ်။ အမျိုးသားလွတ်မြောက်ရေးလှုပ်ရှားမှု လမ်းကြောင်းပေါ်ကနေ နအဖစစ်အာဏာရှင်တွေကို တညီတညာတည်း ဆန့်ကျင်နိုင်ဖို့လိုတယ်။

အဲဒီလို လမ်းကြောင်းတခုပေါ်မှာ အသေအချာ စုစည်းပြီး လုပ်ဆောင်နိုင်ဖို့အတွက် တိုင်းရင်းသားပြည်သူအားလုံးအနေနဲ့ စစ်အုပ်ချုပ်ရေးစနစ်တခုလုံးကို မကြိုက်သော်လဲ မတရားသဖြင့် နိုင်လိုမင်းထက် အုပ်ချုပ်နေတာကို ခေါင်းငုံ့ခံနေကြရတဲ့ အလေ့အကျင့်တွေကို တပြည်လုံးအတိုင်းအတာနဲ့ ပြောင်းလဲရတော့မဲ့ အချိန်ဖြစ်တယ်။ အမြဲတမ်း ခေါင်းငုံ့ခံနေကြရတဲ့ အလေ့အကျင့်ကြောင့် အချိန်ကြာလာတာနဲ့အမျှ မတရားအုပ်ချုပ်ရေးအောက် နေနေကြရတာ ထုံးစံတခုလို ဖြစ်နေခဲ့တယ်။ အာဏာပိုင်တွေအတွက် တင်းတင်းကျပ်ကျပ် အုပ်ချုပ်ဖို့ အခွင့်အရေးပေးထားသလို ဖြစ်နေခဲ့တယ်။ အာဏာပိုင်တွေက ဒီအခွင့်အရေးကိုယူပြီး တိုင်းရင်းသားပြည်သူတရပ်လုံး အမြဲတမ်းခေါင်းငုံ့ ငြိမ်နေရအောင် ဖိနိုပ်ထားဖို့ သဘောတရားတွေ ဖြစ်လာတယ်။

ကျနော်တို့ပြည်သူအားလုံးအနေနဲ့ အခုလိုစစ်အုပ်ချုပ်ရေးအောက်မှာ ပင်ပန်းဆင်းရဲ ကြီးစွာ နေနေကြရတာဟာ ဒါကျနော်တို့ ဘဝ အမှန်တွေမဟုတ်ဘူး။ အာဏာပိုင်တွေကို ကြောက်နေကြရတဲ့ ဘဝတွေက လွတ်မြောက်ရမယ်။ ဆင်းရဲတွင်းထဲက လွတ်မြောက်ရမယ် ဆိုတာကို တနိုင်ငံလုံးအတိုင်းအတာနဲ့ ယုံကြည်ထားဖို့လိုတယ်။ နောက်ပြီး တိုင်းရင်းသားပြည်သူအားလုံးအနေနဲ့ မတရားတဲ့ စစ်အုပ်ချုပ်ရေးစနစ်အောက်မှာ လုံးဝမနေတော့ဘူးဆိုတာကို လူတိုင်းလူတိုင်း စိတ်ထဲမှာ ခိုင်ခိုင်မာမာ ဆုံးဖြတ်ထားဖို့ လိုပါတယ်။


မေး -------ဒီမိုကရေစီ အောင်ပွဲ ရရှိဖို့ ဘယ်လိုရှေ့ဆက်ပြီးလုပ်ဆောင်ကြမလဲ။

ဖြေ -------အမျိုးသားလွတ်မြောက်ရေးလှုပ်ရှားမှုရဲ့ အဓိက ရည်ရွယ်ချက် တွေထဲမှာ စစ်အာဏာရှင် စနစ်နဲ့ စစ်အုပ်ချုပ်ရေး ယန္တရားကို လုံးဝ ရပ်ဆိုင်းသွားစေဖို့ ပါဝင်သလို၊ တချိန်တည်းမှာ ဒီမိုကရက်တစ် လူ့အဖွဲ့ အစည်းကို အစားထိုး နိုင်ဖို့လဲ ပါဝင်တယ်။ နောက်ပြီး အသစ်ပေါ်ထွက်လာနိုင်တဲ့ အာဏာရှင်အသစ်ရဲ့ အန္ဒရာယ်တွေကနေလဲ တိုင်းပြည်ကို ကာကွယ်တားဆီးနိုင်ဖို့ ထည့်သွင်းစဉ်းစားထားရမယ်။

အမျိုးသားလွတ်မြောက်ရေးလှုတ်ရှားမှုကြီး အောင်မြင်ဖို့ တားဆီးထားတဲ့ အခက်အခဲတွေက ဘာတွေရှိ်မလဲ။ ကျနော်တို့အားလုံး အတူတကွ အဲဒီအခက်အခဲတွေကို ဘယ်လိုကျော်လွှားနိုင်ကြမလဲ။

နောက်တခုက နအဖစစ်အာဏာရှင်စနစ် ပြုတ်ကျရေးအတွက် ပြည်သူတရပ်လုံးရဲ့ ပါဝင်ဦးဆောင်မှုတွေကို နေရာတကျဖြစ်အောင် ဘယ်လိုအကောင်အထည် ဖေါ်နိုင်မလဲ။

ဒီမေးခွန်းတွေအတွက် လူတိုင်းလူတိုင်း လုပ်နိုင်တဲ့အလုပ်တွေက တိုင်းရင်းသား ပြည်သူတွေကြားမှာ အချင်းချင်း စကားပြောရမယ်။

မတရားမှုတွေကို ဖေါ်ထုတ်ရမယ်။

နိုင်ငံရေးလှုပ်ရှားမှုတွေမှာ ကိုယ်တိုင်ကိုယ်ကြပါဝင်မှု ရှိလာအောင် အချင်းချင်း အားပေးကူညီရမယ်။

အဖွဲ့အစည်းတွေ တနိုင်ငံလုံးအတိုင်းအတာနဲ့ ပေါ်ထွက်လာဖို့ လိုတယ်။

နောက်ဆုံးမှာ စစ်အုပ်ချုပ်ရေးစနစ်ကြီးတခုလုံးကို လုံးဝအလိုမရှိကြောင်း တိုင်းရင်းသားပြည်သူအားလုံးက မိမိတို့ရဲ့နေအိမ်ရှေ့တွေမှာ တညီတညာထဲ တချိန်ထဲ ခြေတလှမ်းထွက်ပြီး ပြသနိုင်ပြီဆိုရင် နအဖ စစ်အာဏာရှင် တွေ အသေအချာ ပြုတ်ကျသွားစေရမယ် ဆိုတာကို တင်ပြအပ်ပါတယ်။

နိဂုံးအနေနဲ့ ပြောရရင် ဗိုလ်ချုပ်သန်းရွှေဟာ တိုင်းပြည်အာဏာကို လက်မလွှတ်ရရင် ပြီးရောဆိုပြီး ပရမ်းပတာ အုပ်ချုပ်တဲ့ အဆင့်ကိုရောက်နေပြီ။

တိုင်းရင်းသားပြည်သူအားလုံးအနေနဲ့ အမျိုးသားလွတ်မြောက်ရေးလှုပ်ရှားမှုကြီးမှာ ပါဝင်ဦးဆောင်လာတာနဲ့ နအဖရဲ့ နိုင်ငံရေး အာဏာဟာ လျှော့ကျ လာစေမယ် ဖြစ်တယ်။ စစ်အာဏာရှင်တွေ တုန်လှုပ် ခြောက်ခြား လာမှာဖြစ်တယ်။ အမျိုးသားလွတ်မြောက်ရေး လှုပ်ရှားမှုကြီးဟာ အတိုင်းအဆမရှိ ကြီးကျယ်လာပြီးဆိုတာနဲ့ နအဖရဲ့ စစ်အုပ်ချုပ်ရေး အဆောက်အအုံကြီး ပြိုကျလာစေရမယ်။

ဗိုလ်ချုပ်သန်းရွှေ နဲ့ နအဖရဲ့ နိုင်ငံရေးအာဏာဟာ အချိန်မရွေး ပြိုကွဲသွားနိုင်တဲ့ အရာဖြစ်တယ်။ နအဖရဲ့ အုပ်ချုပ်ရေးယန္ဒရားဟာလဲ အချိန်မရွေးပြိုကွဲသွားနိုင်တဲ့ အရာဖြစ်တယ်။ နအဖရဲ့ စစ်အုပ်ချုပ်ရေးစနစ်ကြီး တခုလုံးဟာလဲ ကျနော်တို့တိုင်းပြည်မှာ မကြာခင်ပျောက်ကွယ်သွားရမယ်ဖြစ်တယ်။

Origin : HTWD
ဟံသာဝတီ website မှ ပြန်လည်ကူးယူဖော်ပြပေးပါသည်။

နှစ်သစ် အတွက်ဖတ်စရာကဗျာလေး

ဓါတ်ပုံ Source : http://www.yanaung.net

New Year Countdown

တဆယ်..ကိုး
တကယ်ဆိုးတဲ့

ရှစ်..ခွန်
စစ်နွံထဲက

ခြောက်..ငါး
အကြောက်တရားတွေကို

လေး..သုံး
အဝေးဆုံးသို့ 

နှစ်..တစ်
နှစ်သစ်မှာ လွှင့်ပစ်ကြပါစို့ ။

(ကောင်းကင်ကို)

အပြည်ပြည်ဆိုင်ရာ သံဃာ့ရုံးခန်း (ဂျပန်ဌာနခွဲ)တွင် နှစ်သစ်ကူးပြုလုပ်မည့် အစီအစဉ်

မျှဝေပေးသူ ကိုဒီမိုဝေယံအား ကျေးဇူးတင်ရှိပါသည်။

၂၀၁၀ ပြည့်နှစ် မှစ၍သဘာဝမှဖမ်းဆီးရမိသောမြန်မာ့ ရေထွက်ပစ္စည်းများလွတ်လပ်စွာ တင်ပို့ မှုအား အီးယူ နိုင်ငံများ ခွင့်ပြု

www.nfacforburma.info

သဘာဝ ရေချိုရေငန် မှ ဖမ်းဆီး ရမိသည့် မြန်မာ့ ရေ ထွက် ပစ္စည်းများ အီးယူ နိုင်ငံ အားလုံး သို့ တင်ပို့ခွင့် ရရှိပြီ ဖြစ်ကြောင်း နှင့် အီးယူ အစစ်ဆေး ခံခဲ့သည့် ရေထွက် ပစ္စည်း ထုတ်လုပ်သည့် စက်ရုံ ရှစ်ရုံအား လာမည့်နှစ် ဇန်န၀ါရီလမှ စ၍ အီးယူ နိုင်ငံများ သို့ ရေထွက်ပစ္စည်း တင်ပို့ခွင့် ပြုမည် ဖြစ်ကြောင်း သတင်း ရရှိသည်။

''ဒီဇင်ဘာလ ၁၄ ရက်မှာ EU Commission ရဲ့ ဆုံးဖြတ်ချက်အရ ၂၀၁၀ ပြည့်နှစ် ဇန်န၀ါရီလ ၁ ရက် နေ့ကစပြီး မြန်မာနိုင်ငံဟာ အီးယူ နိုင်ငံတွေ အားလုံး ကို လွတ်လပ်စွာ တင်ပို့ခွင့် ရရှိမှာ ဖြစ်ပါတယ်။ ရေချို ရေငန် သဘာဝက ဖမ်းဆီး ရမိတဲ့ ရေထွက် ပစ္စည်း အားလုံးကို လွတ်လပ်စွာ တင်ပို့ နိုင်ပြီ ဖြစ်ကြောင်း သိရှိ ရပါတယ်'' ဟု မြန်မာနိုင်ငံ ရေထွက်ပစ္စည်း ထုတ်လုပ် သူများနှင့် ပို့ကုန် လုပ်ငန်း ရှင်များ အသင်းမှ တာဝန်ရှိသူ တစ်ဦးက ပြောကြား ခဲ့သည်။

ယခင်က အီးယူနိုင်ငံများသို့ မြန်မာ့ရေထွက်ပစ္စည်းများ တင်ပို့ရာတွင် Bilateral Agreement စနစ်ဖြင့် တင်ပို့နေခြင်းဖြစ်ပြီး ယင်းသို့တင်ပို့နေခြင်းမှာ ၂၀၀၉ ခုနှစ် ဒီဇင်ဘာလတွင် ကုန်ဆုံးမည်ဖြစ်ခြင်းကြောင့် အီးယူနိုင်ငံများသို့ ဆက်လက်တင်ပို့နိုင်ရန်အတွက် အီးယူလိုအပ်ချက်များနှင့် ညီညွတ်အောင်ဆောင်ရွက်နိုင်ရန် ရေထွက်ပစ္စည်း ပြုပြင်ထုတ်လုပ်သည့်စက်ရုံများ၊ ငါးတင်ငါးချဆိပ်ကမ်း၊ ငါးဖမ်းသင်္ဘောတို့အား အီးယူအစစ်ဆေးခံခဲ့ကြောင်းလည်း သိရှိရပါသည်။

စစ်ဆေးရန်အတွက် အီးယူကော်မရှင်မှ တာဝန်ရှိသူနှစ်ဦး မြန်မာနိုင်ငံသို့ အောက်တိုဘာ ၁၄ ရက်မှ ၂၁ ရက်နေ့အထိ လာရောက်ပြီး ရေထွက်ပစ္စည်းပြုပြင်ထုတ်လုပ်သည့် စက်ရုံ ရှစ်ရုံ၊ ငါးတင်ငါးချဆိပ်ကမ်းနှစ်ခုနှင့် ငါးဖမ်းရေယာဉ်တစ်စင်းတို့ကို စစ်ဆေးခဲ့ကြောင်း သိရသည်။ ၎င်းတို့စစ်ဆေးတွေ့ရှိချက်များအား EU Commission သို့တင်ပြပြီး ခွင့်ပြုချက်ရရှိသဖြင့် မြန်မာနိုင်ငံမှ အီးယူနိုင်ငံများသို့ ဆက်လက်တင်ပို့ခွင့် ရရှိခြင်းဖြစ်ကြောင်း သိရသည်။

ဒီဇင်ဘာလ ၁၄ ရက်မှာ EU Commission ရဲ့ ဆုံးဖြတ်ချက်အရ ၂၀၁၀ ပြည့်နှစ် ဇန်န၀ါရီလ ၁ ရက်နေ့ကစပြီး မြန်မာနိုင်ငံဟာ အီးယူနိုင်ငံတွေအားလုံးကို လွတ်လပ်စွာတင်ပို့ခွင့် ရရှိမှာဖြစ်ပါတယ် အီးယူသို့ ရေထွက်ပစ္စည်း တင်ပို့ခွင့်ရရှိခြင်းနှင့်ပတ်သက်ပြီး ငါးလုပ်ငန်းဦးစီးဌာနမှ တာဝန်ရှိသူတစ်ဦးက ''အရင်က ကျွန်တော်တို့ရဲ့ ရေထွက်ပစ္စည်းပြည်ပပို့ကုန်တွေဟာ အီးယူကို Bilateral နဲ့ သွားတာပါ။ ဥပမာပြောရရင် မြန်မာနဲ့ အင်္ဂလန်၊ မြန်မာနဲ့ နယ်သာလန်ပေါ့၊ နှစ်နိုင်ငံချင်း သဘောတူပြီးသွားရတဲ့အဆင့်ကို ပြောတာပါ။ အခုတော့ EU All Countries ကို ပို့လို့ရပြီ ဖြစ်ပါတယ်။ အဲဒါကြောင့် ၂၀၁၀ ဇန်န၀ါရီ ၁ ရက်ကစပြီး အီးယူအစစ်ဆေးခံခဲ့တဲ့ စက်ရုံရှစ်ရုံကို ပို့ခွင့်ပြုမှာ ဖြစ်ပါတယ်။ အဲဒီစက်ရုံတွေအနေနဲ့ကလည်း ခြောက်လအတွင်း စက်ရုံရပ်နားတာတို့၊ တစ်နှစ်ခွဲအတွင်း အီးယူကို တစ်ကြိမ်မှမပို့နိုင်ခဲ့ရင် ခွင့်ပြုထားတာ ပျက်ပြယ်မှာ ဖြစ်ပါတယ်''ဟု ရှင်းပြခဲ့သည်။

အီးယူနိုင်ငံများသို့ ရေထွက်ပစ္စည်းများတင်ပို့ခြင်းနှင့် ပတ်သက်ပြီး ''မြန်မာနိုင်ငံကနေ အီးယူနိုင်ငံတွေကို ရေထွက်ပစ္စည်းတင်ပို့မှုက ၂၀၀၇-၂၀၀၈ တုန်းကဆိုရင် အမေရိကန်ဒေါ်လာ ၁၄ သန်း ကျော်လောက်ပဲ ရှိပါတယ်။ ဒါကိုကြည့်ခြင်းအားဖြင့် ရေထွက်ပစ္စည်းတွေကို အီးယူနိုင်ငံတွေကိုပဲ အဓိကထားပို့နေတာ မဟုတ်ဘူးဆိုတာ သိနိုင်ပါတယ်။ ဒါပေမယ့် အီးယူကိုပို့ခြင်းအားဖြင့် food safety နဲ့ quality ပိုင်း တက်လာမှာ ဖြစ်ပါတယ်။ ဘာဖြစ်လို့လဲဆိုတော့ အီးယူကိုပို့ရင် အီးယူအသိအမှတ်ပြုတာ ရှိရမယ်။ အဲလိုအသိအမှတ်ပြုဖို့ဆိုရင် အစားအသောက်ဘေးကင်းမှုနဲ့ အရည်အသွေးကောင်းမွန်မှုအပိုင်း မရှိမဖြစ်လိုအပ်လို့ ဖြစ်ပါတယ်''ဟု ရေထွက်ပစ္စည်းပြည်ပတင်ပို့သူ လုပ်ငန်းရှင်တစ်ဦးက သုံးသပ်ပြောကြားခဲ့သည်။

မြန်မာ့ရေထွက်ပစ္စည်းများအား ဥရောပသမဂ္ဂကော်မရှင်၏ ဆုံးဖြတ်ချက် ၉၇/၂၀ နှင့် ၉၇/၂၉၆ အရ ယခင်က EU နိုင်ငံများသို့ တင်ပို့ခွင့်ပြုခဲ့ခြင်းမရှိသော်လည်း EU ဆုံးဖြတ်ချက် ၂၀၀၆/၇၆၅ အရ သက်ဆိုင်ရာငါးလုပ်ငန်းဦးစီးဌာနမှ စစ်ဆေး၍ တင်ပို့ခွင့်ပြုရန် ဥပဒေအမှတ် ၁၆၆၆/၂၀၀၆ ဖြင့် ပြဋ္ဌာန်းခဲ့သည့်အတွက် အီးယူအဖွဲ့ဝင် ၂၇ နိုင်ငံရှိသည့်အနက် ခုနစ်နိုင်ငံသို့ မြန်မာ့ရေထွက်ပစ္စည်းများအား နိုင်ငံအချင်းချင်း သဘောတူညီချက်အရ တင်ပို့ခဲ့ခြင်းဖြစ်ကြောင်း သိရသည်။

အီးယူနိုင်ငံများသို့ တင်ပို့ခွင့်ရရှိခဲ့သည့် စက်ရုံ(၈)ရုံ

1.
United K.M.K Co;Ltd
2.
Shwe Yamone Manufacturing Co;Ltd
3.
Twin Brothers Seafood Cold Storage
4.
Great Int'l Co;Ltd
5.
May Yu Marine Products Co;Ltd
6.
Ghani Win Co;Ltd
7.
General Food Technology Industrial Co;Ltd
8.
Myint Myat Hein Co;Ltd


ယခင်က Bilateral Agreement ဖြင့် တင်ပို့ခဲ့သည့် အီးယူနိုင်ငံများ

*
UK
*
ဘယ်လ်ဂျီယံ
*
ဆွီဒင်
*
ဂျာမနီ
*
ဆွစ်ဇာလန်
*
နယ်သာလန်
*
အီတလီ

Source : http://www.nfacforburma.info/2009/12/blog-post_1117.html

ပြည်တွင်း သတင်းဂျာနယ်များ `မီးစိမ်းပြ´မှုခင်းသတင်းများသာ ထည့်ခွင့်ရ

မိုးမခ အထောက်တော်၊ ရန်ကုန် | ပြည်တွင်း သတင်းဂျာနယ်များတွင် ပြည်တွင်းမှုခင်းသတင်းများနှင့် ပတ်သက်လျင် မိမိပတ်ဝန်းကျင်တွင် ဖြစ်ပျက်သည့်သတင်းများကို ရရှိပေမယ့် ရေးသားခွင့်မရှိဘဲ ရန်ကုန်တိုင်းရဲတပ်ဖွဲ့မှ ထုတ်ပေးသည့် `မီးစိမ်းပြ´ သတင်းများကိုသာ ထည့်သွင်း​ဖေါ်ပြခွင့်ရပါတော့တယ်။

ရန်ကုန်မြို့မှာဖြစ်ပျက်တဲ့ မှုခင်းသတင်းများမှာ သတင်းထောက်တွေက အချက်အလက် အစုံအလင်ရရှိပေမယ့် လည်း ရဲစခန်းမှာ အမှုဖွင့်ဆောင်ရွက်တဲ့ အမှုတွဲနံပါတ် (ပ နံပါတ်) ကိုမရရင် စာပေစိစစ်ရေးက ဖေါ်ပြခွင့် မပြုတဲ့နည်းကိုလည်းသုံးစွဲ နေတာလည်း ဖြစ်ပါတယ်။

ထိုသို့ ရန်ကုန်တိုင်းရဲတပ်ဖွဲ့မှ သတင်းထုတ်ပြန်ရာတွင် ရဲတပ်ဖွဲ့အနေဖြင့် စိတ်ကြိုက် ထုတ်ပြန်လိုသည့်သတင်း ကိုသာ ထုတ်ပြန်ပြီး ဂျာနယ်တိုင်းတွင် သူတို့ထုတ်ပြန်သည့် မူရင်းအတိုင်းနီးပါး ပြန်လည်ရေးသား ဖေါ်ပြကြရတာဖြစ်ပါတယ်။

သတင်းထောက်များက ထို့ထက်ပို စုံစမ်းမေးမြန်းပြီး ရေးသားခွင့်မရှိတာ ကိုလည်း တွေ့ရပါတယ်။ ဥပမာအားဖြင့် ဒီဇင်ဘာလ ဒုတိယပတ်တွင် `ရန်ကုန်တွင် လေးရက်အတွင်း အနှိပ်ခန်း ၃ခု ဖမ်းဆီး´ ဆိုသည့် ခေါင်းစဉ်ဖြင့် ပြည်တွင်းထုတ်ဂျာနယ် တစောင်တွင် ဖေါ်ပြထားရာတွင် နိုဝင်ဘာ ၂၆ရက်မှ ၂၉ရက်အတွင်း မင်္ဂလာဒုံ အောင်မင်္ဂလာ အဝေးပြေးဝင်းနှင့် လှည်းကူးမြို့နယ်တို့ရှိ အနှိပ်ခန်း ၃ ခန်းကို တာဝန်ရှိသူများက ၀င်ရောက်စစ်ဆေး ဖမ်းဆီးခဲ့တယ် လို့ဖေါ်ပြကြပါတယ်။ အခြားဂျာနယ်များမှာလည်း အလားတူ သတင်းအချက်အလက် အတိုင်းဖေါ်ပြ ခဲ့ကြပါတယ်။

လွန်ခဲ့တဲ့ ၂၀၀၈ ခုနှစ်လယ်ဝန်းကျင်မှာ သင်္ဃန်းကျွန်းမှာ ဖြစ်ပွားခဲ့တဲ့ လင်မယား နှစ်ယောက်အသတ်ခံရမှုကို ဖလားဝါးနယူးစ် ဂျာနယ်မှ သတင်းထောက်က သက်ဆိုင်ရာ စခန်းမှာ မေးမြန်းပြီးရေးသားရာက သတင်းထောက် စောမြင့်သန်း (ပေါက်တော) ကို ရန်ကုန်တိုင်းရဲက ခေါ်ယူကြိမ်းမောင်းခဲ့ပါတယ်။
အဲဒီအဖြစ်အပျက်က လျင်မြန်စွာ အင်တာနက် သတင်းတွေပေါ်ရောက်ရှိခဲ့ပြီး နောက်မှာ သတင်းထောက်ကိုပါ ဆက်လက်ဖမ်းဆီးခံခဲ့ရတဲ့ အမှုဖြစ်ပွားခဲ့ပါတယ်။ အဆိုပါ အဖြစ်အပျက်နောက်ပိုင်း မှုခင်းသတင်းနဲ့ပတ်သက်လာရင် ရန်ကုန်တိုင်းရဲရုံးကသာ ထုတ်ပြန်ပေးမယ်။ ထုတ်ပြန်တဲ့သတင်းတွေကိုသာ ဖေါ်ပြခွင့်ရမယ်သဘောဖြစ်ခဲ့တာ ဖြစ်ပါတယ်။

အခြားတဖက်မှာတော့ ရဲတပ်ဖွဲ့ ရံပုံငွေအဖြစ် ထုတ်ဝေလျက်ရှိတဲ့ မှုခင်းဂျာနယ်တွေမှာ လင်မယားဖောက်ပြန်၍ လူသတ်မှု ဒါးထိုးမှု ဖြစ်သည့် သတင်းများ၊ မုဒိမ်းမှုခင်းသတင်းများဖြင့် ဂျာနယ်ရောင်းကောင်း အောင်လုပ်ဆောင်ပြီး တရားရုံးစီရင်ချက်မချမီမှာ “တရားခံ” ဟု သမုတ်ရေးသားခြင်း၊ အဖြစ်အပျက်ကို ပြန်လည် သရုပ်ပြခိုင်း၍ ဓါတ်ပုံရိုက်ထည့်သွင်းခြင်း စတဲ့ ကျင့်ဝတ်နဲ့မညီတဲ့ ဖေါ်ပြမှုများကို ကျယ်ပြန့်စွာ ရေးသားနေကြပါတယ်။

ပုဂ္ဂလိကပိုင်မီဒိယာများ အတွက် မှုခင်းသတင်းတွေဟာ ပရိတ်သတ်စိတ်ဝင်စားဖွယ်ရာ သတင်းအမျိုးအစား တခုဖြစ်တာကြောင့် လွတ်လပ်စွာ သတင်းယူပြီး ရေးသား ဖေါ်ပြလိုကြပေမယ်လို့ ယခုလို ရဲတပ်ဖွဲ့မှ ထုတ်ပေးတဲ့ သတင်းတွေကိုသာ ထုတ်ပေးတဲ့ အချက်အလက်အတိုင်း ပြင်ဆင်ခွင့်မရှိပဲ ရေးသားဖေါ်ပြကြရပါတယ်။

Source : http://moemaka.blogspot.com/2009/12/burmese-police-censoring-crime-news-in.html

အခြေခံပညာ သူငယ်တန်း သင်ရိုးသစ်

ကာတွန်း - ဟန်းလေး

ရွှေမင်းသားလေး မောင်ခင်ညွန့်၊ လေးဆယ့်လေးနှစ် သူမလွတ်။

ရဲချုပ်ကျွန်သည် ဘိုခင်ရီ၊ ငါးလောင်းပြိုင်လဲ မရှင်းနိုင်ပြီ။

မတတ်လိမ် ဘိုသိန်းစိန်၊ တူးတူမောရိုး သူကျမ်းကိုး၊ ပြောထွက်ခဲ့တာ စိတ်ပိန်စရာ။

နားကားအမူးသမား မောင်အေးလား၊ မူးများရူးသလား မသိသေးသဗျား။

အင်းစိန်ထောင်တွင်း ဘိုအောင်ဝင်း၊ အသူရာတွင်း နောက်ပစ်ဆင်း။

ဖြေကြစမ်းဗျား သဘောက်သား၊ ကျုပ်ဆိုမှားလား စစ်ကျွန်များ?

မနုဿီဟ ဖင်ပြောင်နှင့်ပြူး၊ တရုတ်ပြည်က အပြန်ဆီလူး။

အင်းစိန်ထောင်က ဘိုဝင်းအောင်၊ ငရဲတွင်းမှာ ဖင်မူးဒေါင်းထောင်..

ရဲမှူးမယား မွှေးမွှေးလား၊ ခုတော့ပြောင်းပြန် ထောင်စော်နံ။

ဗုံးနဲ့သေဘူး ဘိုတင်ဦး၊ ရဟတ်ယာဉ်ဒေါင်း ဘဝပြောင်း။

အဲဒါ အခု စဉ်းစားလို့ရသလောက် နအဖ character တွေဆိုပြီး ပြည်သူဆိုသည့် အမည်ဖြင့် ကျနော်တို့ ညီအစ်ကိုတွေစုပေါင်းရေးနေတဲ့ http://arzarni.blogspot.com/ က စီဘောက်မှာ တွေ့လို့ ပြန်လည်မျှဝေပေးလိုက်ပါသည်။

ထူးချွန်တဲ့ မြန်မာပြည်ဖွား ပညာရှင်တွေ နိုင်ငံတကာမှာ ပြန့်ကျဲနေတာ ဘာ့ကြောင့်လဲ

we need more educated persons to build new BURMA
Please kindly forward this file to your friends who love MYANMAR.

နိုင်ငံရေးအကျဉ်းသူ မတင်တင်ထွေး (ခေါ်) မပဲ ထောင်တွင်းသေဆုံးကြောင်း AAPP မှ ထုတ်ပြန်ကြေငြာ

အမြဲပေးပို့ပေးသူ အစ်ကိုနှင့် ဦးအောင်မျိုးသိန်းအား ကျေးဇူးတင်ရှိပါသည်။

ရုံးထုတ်နေသော အမှုတွဲများ နောက်ဆုံးအခြေအနေ

စက်တင်ဘာလဆန်းပိုင်းမှာ ရခိုင်ပြည်နယ် စစ်တွေမြို့က ဖမ်းဆီးခဲ့တဲ့ ကျောင်းသားလူငယ် ၁၁ ဦးက ပြီးခဲ့တဲ့ ဒီဇင်ဘာလ ၁၇ ရက်နေ့က အင်းစိန်ထောင်တွင်း အနောက်ပိုင်းခရိုင် တရားရုံးမှာ အာဏာပိုင်တွေက တရားရုံးတင်လိုက်ပြီလို့ သိရပါတယ်။သူတို့ကို မတရားအသင်း ဆက်သွယ်မှုပုဒ်မ-၁၇(၁)၊ နယ်စပ်ဖြတ်ကျော်မှု၊ လူဝင်မှုကြီးကြပ်ရေး ပုဒ်မ-၁၃ နဲ့ အနောက်ပိုင်းခရိုင် တရားရုံး ဒု- တရားသူကြီး ဦးမြင့်စန်းက စစ်ဆေးမှာ ဖြစ်တယ်လို့ သူတို့ရဲ့ရှေ့နေ ဦးကျော်ဟိုးက ပြောပြပါတယ်။

အသက် ၂၀ အရွယ်ရှိ ရခိုင်လူငယ် ခိုင်ကျော်မိုး၊ ကိုကျော်ဝင်း၊ ကိုထွန်းလင်းကျော် အပါအ၀င် ၁၁ ဦးဖြစ်ပါတယ်။ သူတို့အတွက် ရှေ့နေအဖြစ် လိုက်ပါပေးမယ့် ဗဟိုတရားရုံးရှေ့နေ ဦးကျော်ဟိုးက အမှုတွဲဖိုင်ပါ ဖော်ပြချက်တွေကို အခုလို ပြောပြပါတယ်။

“သူတို့က ထိုင်းနိုင်ငံမှာရှိတဲ့ ရခိုင်အဖွဲ့တစ်ခုပဲဗျာ၊ ရခိုင်ဘယ်အဖွဲ့ကလည်း မသိဘူး၊ အဲဒီအဖွဲ့အစည်းနဲ့ ဆက်သွယ်ပြီးတော့ သင်တန်းတွေ သွားတက်ပြီး ပြန်လာတယ်၊ ဒီမှာ ဖွဲ့စည်းပြီးတော့ လှုပ်ရှားတယ်ဆိုပြီးတော့ သူတို့ကို အသင်းအဖွဲ့ ဥပဒေပုဒ်မ ၇ နဲ့ တရားစွဲထားတယ်။ကျနော်နဲ့ အပ်တဲ့သူတွေက ခိုင်ကျော်မိုး၊ ကျော်ဝင်း၊ ထွန်းလင်းကျော်၊ အားလုံး ၁၁ ယောက်၊ ဒါက အမှုတစ်ခု၊ နောက်ပြီး ထွန်းလင်းကျော်အပါအ၀င် ၆ ဦးက ပုဒ်မ လူဝင်မှုကြီးကြပ်ရေးဥပဒေ ပုဒ်မ ၁၃-၁ နဲ့ ဒါက ၆ ယောက်တစ်မှု၊ သူတို့ စစ်မဲ့ တရားရုံးက အနောက်ပိုင်းခရိုင် ဒုတိယ ခရိုင်တရားသူကြီး -၁ ဦးနုစန်းပေါ့။”

သူတို့အမှုကို လာမဲ့ ဗုဒ္ဓဟူး ဒီဇင်ဘာလ ၂၃ ရက်နေ့မှာ တရားလိုဖက်ကို စတင်စစ်ဆေးမယ်လို့လည်း ရှေ့နေ ဦးကျော်ဟိုးက ပြောပြပါတယ်။

ဒီသတင်းနဲ့ တဆက်တည်းမှာ လောလောဆယ် စစ်ဆေးနေတဲ့ နောက်ထပ် အမှုတွဲတစ်ခုဖြစ်တဲ့ ဒေါ်အောင်ဆန်းစုကြည် လွတ်မြောက်ရေး ဆုတောင်းနေတဲ့ အင်္ဂါဘုရားဖူးအဖွဲ့က ဒေါ်နော်အုန်းလှအပါဝင် ၄ဦးက ဒီကနေ့ တရားရုံးမှာ အပြစ်မရှိကြောင်း ငြင်းဆိုခဲ့တဲ့ အမှုနောက်ဆုံးအခြေအနေကို အကျိုးဆောင်ပေးနေတဲ့ ရှေ့နေ ဦးကျော်ဟိုးကပဲ အခုလိုပြောပြပါတယ်။

“ဒီနေ့ ပြန်ခေါ်သက်သေ တစ်ယောက်စစ်တယ်၊ သွားတဲ့အခါကျတော့ သူတို့ စွဲချက်နဲ့ ပတ်သက်လားလို့ မေးတယ်၊ ခင်ဗျားတို့မှာ အပြစ်ရှိလား မရှိဘူးလားဆိုတော့ ဒေါ်နော်အုန်းလှကတော့ အပြစ်မရှိဘူးပေါ့၊ မကွေးကျောင်းတိုက် ဆရာတော်ကို အဲဒီ ကမ္မ၀ါစ မကပ်ဘူး၊ မကပ်ခဲ့ဘူးပေါ့၊ ကပ်ခဲ့တယ်ဆိုတာ မဟုတ်ဘူး၊ ဒါကြောင့် အပြစ်မရှိဘူး။ ကျန်တဲ့ သုံးယောက်ကလည်း ဒေါ်နော်အုန်းလှရဲ့ မကွေးကျောင်းတိုက်ဆရာတော်ကို အဲဒီ ကမ္မ၀ါစာတွေ မကပ်ခဲ့တဲ့အတွက်ကြောင့် နော်အုန်းလှမှာ အပြစ်မရှိသလို သူတို့မှာလည်း အပြစ်မရှိဘူး ဒါပြီးမှ လာမယ့် ရုံးချိန်းမှာ သူတို့ တရားခံစစ် စစ်မယ်လေ။”

တရားခံအဖြစ် စွဲဆိုခံထားရသူတွေက အပြစ်မရှိဘူးလို့ ငြင်းဆိုခဲ့တဲ့အတွက် ဒီအမှုကို ဥပဒေအရ တရားခံနဲ့ တရားခံပြသက်သေတွေကို တရားရုံးက လာမဲ့ တင်္နလာနေ့မှာ ဆက်လက် စစ်ဆေးသွားမယ်လို့လည်း သိရပါတယ်။

နောက်ထပ် အမှုတွဲတစ်ခုဖြစ်တဲ့ နိုင်ငံရေးအကျဉ်းသားတွေကို ထောက်ပံ့ ကူညီပေးခဲ့တဲ့ ကိုစိန်လှိုင်၊ ကိုရွှေဂျိုး၊ မချို(ခ) မမြင့်မြင့်စန်းတို့ရဲ့ အမှုတွေကိုတော့ အနောက်ပိုင်း ခရိုင်ရုံး အယူခံအမိန့်ကို စောင့်နေတဲ့အတွက် မြို့နယ်အဆင့် စမ်းချောင်းတရားရုံးမှာ စစ်ဆေးမှု ခတ္တာရပ်နားထားရတဲ့ အမှုအခြေနေကိုလဲ အခုလိုပြောပြပါတယ်။

“လောလောဆယ်က သက်သေခံပြ သက်သေတွေ တင်ပြတာကို မြို့နယ်တရားရုံးက ပယ်လိုက်တာကို အမှုသုံးမှုပေါ့။ တစ်ခုက မချိုရဲ့ သက်သေ သက်သေ ၂ နဲ့ ပတ်သက်တယ်၊ နောက်တစ်ယောက်က ဦးရွှေဂျိုးရဲ့ သက်သေတွေကိုလည်း ကျနော်တို့က ရုံးကနေ ဆင့်စာထုတ်ပြီး ခေါ်ပေးပါဆိုတော့ တရားရုံးက လက်မခံဘူး ပယ်လိုက်တယ်၊ ပယ်လိုက်တော့ မစစ်ရဘူးပေါ့။ နောက်တစ်ခုကချုပ်ရက် ၆ လ ရှိတဲ့အကြောင်း မပေါ်ဘူး၊ ပေါ်အောင်ဖေါ်ပေးပါပေါ့၊ သက်ဆိုင်ရာ သတင်းတပ်ဖွဲ့က တာဝန်ခံ အရာရှိနဲ့ ထောင်တာဝန်ခံ အရာရှိတွေ ခေါ်ပြီးတော့ ဘယ်နေ့ ဘယ်ရက်က ချုပ်ထားတယ်ဆိုတာ ပေါ်အောင် မေးပေးဖို့ လျှောက်လွှာတင်ထားတာကို ပယ်တယ်။ ပယ်တဲ့အခါကျတော့ အနောက်ပိုင်း ခရိုင်တရားရုံးကို ပြင်ဆင်မှု သုံးမှုတင်တာပေါ့၊ တင်တဲ့အခါကျတော့ အနောက်ပိုင်းခရိုင်တရားရုံးက သုံးမှုစလုံးကို လက်ခံထားတယ်၊ စဉ်းစားပေးတယ်၊ ဒါကြောင့်မို့လို့ သူ့မူလ စမ်းချောင်းမြို့နယ် တရားရုံးမှာ အမှုက မစစ်တော့ဘူးပေါ့လေ၊ အမှုတွဲ ပြန်ရောက်မှ ဆက်စစ်မှာပေါ့။”

အင်းစိန်ထောင်တွင်း သီးသန့်တရားရုံးမှာ စစ်ဆေးနေတဲ့ နိုင်ငံရေးလှုပ်ရှားသူတွေရဲ့ အမှုနဲ့ ပတ်သက်ပြီး ဒီအမှုတွေကို လိုက်ပါပေးနေတဲ့ ဗဟိုတရားရုံး ရှေ့နေ ဦးကျော်ဟိုးရဲ့ ပြောပြချက်တွေ ဖြစ်ပါတယ်။

Source : DVB

၂၀၁၀ မောင်ချောနွယ် ကဗျာဆု ရွေးချယ်သွားရန် စီစဉ်ဆောင်ရွက်လျှက်ရှိ

Mg Chaw Nwe Poem Prize
Source : Ko Latt

ရန်ကုန်က အမြင်မတော်စရာ နိုင်ငံခြားသူ

ယခုပုံဟာ ၂၀၀၉ ခုနှစ်၊ ဒီဇင်ဘာလ ၂၁ ရက်နေ့က မဟာဗန္ဓုလ လမ်းပေါ်ရှိ ကုန်ဈေးတန်းနားမှာ နိုင်ငံခြားသူ တစ်ယောက်က ဒီလိုဆေးမင်ကြောင်ပုံ ထိုးပြီး၊ ခေတ်ပေါ်ကြိုးတစ်ချောင်း အကျီင်္ င်္နဲ့ ဘယ်သူ့ကိုမှ ဂရုမစိုက်ပဲ လျှောက်သွားနေတာဟာ ဗုဒ္ဓဘာသာထွန်းကားတဲ့ မြန်မာနိုင်ငံကို စော်ကားရာကြနေပါတယ်။

“ဒါဟာ ဒီအစိုးရကြောင့်ပဲ ။ ဘာသာ သာသနာကို သူကိုယ်တိုင်စော်ကားထားတော့ ။ ဘာသာခြားက ဒီလိုပုံစံ ဒီတိုင်းပြည်မှာ လာပြီးလုပ်ရဲတာပေါ့ . တခြားဘာသာတွေမှာ ( အစ်စလာမ် ) ဆိုရင် ဒီလိုသာစော်ကားတာမျိုးဆို ။ သတ်တောင်ပစ်အုံးမယ်။”ဟု ဓါတ်ပုံပေးပို့လာသူ ရန်ကုန်မြိုခံ တစ်ဦးက ပြောပါသည်။

ဓါတ်ပုံထဲက နိုင်ငံခြားသူသည် ဗုဒ္ဓဘာသာကို သက်ဝင်ယုံကြည်လို့ သူ့စိတ်ကူးတည့်ရာ လျှောက်လုပ်ထားတာ ဖြစ်ကောင်းဖြစ်နိုင်ပါတယ်။ သို့ပေမယ့် အတုမရှိ ဗုဒ္ဓမြတ်စွာဘုရားသည် ၄င်း နိုင်ငံခြားသူနှင့် မည်သို့မှ အမြင်မတော်ပါ။ ထို့ကြောင့် ထိုကဲ့သို့ အမြင်မတော်သည်များကို မြင်တွေ့ပါက မိမိတို့တက်နိုင်သည့်ဘက်မှ သာသနာအတွက် ဝိုင်းဝန်းတားဆီးပေးကြပါရန် မေတ္တာရပ်ခံရင်း တင်ပြလိုက်ပါသည်။

တရုတ်ဒုသမ္မတ မြန်မာနိုင်ငံသို့ လာရောက် သဘောတူညီချက် (၁၆) ခု လက်မှတ်ရေးထိုးသွား

တရုတ်ဒု-သမ္မတ မစ္စတာ ရှီကျင့်ဖျင်၏ (၂) ရက်ကြာ အလည်ပတ်ခရီးစဉ်အဖြစ် ယခုလ (၁၉) ရက်၌ မြန်မာနိုင်ငံသို့ လာရောက်ပြီး နှစ်နိုင်ငံ ပူးပေါင်းဆောင်ရွက်ရေး နားလည်မှု စာချွန်လွှာနှင့် သဘောတူညီချက် (၁၆) ခု လက်မှတ် ရေးထိုးခဲ့သည်။

စီးပွားရေးနှင့် ကုန်သွယ်ရေး၊ ပို့ဆောင်ရေး၊ အခြေခံ လအဆောက်အအုံများ ဖွံ့ဖြိုးရေးကဏ္ဍ ပူးပေါင်းဆောင်ရွက်ရေး၊ နည်းပညာ ပူးပေါင်းဆောင်ရွက်ရေး၊ စက်ပစ္စည်းကိရိယာ ဝယ်ယူရေး စသည့်သဘောတူညီချက် (၅) ခု၊ ဘဏ္ဍာရေးဆိုင်ရာ သဘောတူညီ ချက် (၇) ခု၊ ရေအားလျှပ်စစ်ဆိုင်ရာ သဘောတူညီချက် (၃) ခု၊ စွမ်းအင်ကဏ္ဍ၊ ရေနံနှင့် သဘာဝဓာတ်ငွေ့ ပိုက်လိုင်းသဘောတူ ညီချက် (၁) ခု စုစုပေါင်း သဘောတူညီချက် (၁၆) ခုနှင့် နားလည်မှု စာချွန်လွှာကို လက်မှတ် ရေးထိုးခဲ့သည်ဟု ယနေ့ထုတ် နအဖပိုင် သတင်းစာများတွင် ဖော်ပြထားသည်။

တရုတ်ဒု-သမ္မတ ရှီကျင့်ဖျင် ခရီးစဉ်သည် ဒု-ဗိုလ်ချုပ်မှူးကြီး မောင်အေး၏ ဖိတ်ကြားချက်အရ လာရောက်ခြင်းဖြစ်ကြောင်း နအဖဘက်က သတင်းထုတ်ပြန်ထားပြီး သူ့ခရီးစဉ်အတွင်း ဗိုလ်ချုပ်မှူးကြီး သန်းရွှေနှင့်လည်း တွေ့ဆုံခဲ့သည်။

ဒုသမ္မတ Xi သည် ၂၀၁၂ တွင် ပါတီခေါင်းဆောင်အဖြစ် လည်းကောင်း၊ ၂၀၁၃ တွင် သမ္မတ အဖြစ်လည်းကောင်း ရာထူး လွှဲပြောင်းရယူမည် ဖြစ်သည်။ ၎င်း၏ ဒေသတွင်း ၄ နိုင်ငံ ခရီးစဉ်မှာ ဂျပန်နိုင်ငံတွင် စတင်ခဲ့ပြီး ကမ္ဘာဒီးယားသို့ သွားရောက်ပြီးနောက် အင်္ဂါနေ့တွင် အဆုံးသတ်မည် ဖြစ်ကြောင်းသိရပါသည်။
မျှဝေပေးသူ - ကိုမင်းရန်နိုင်

အသိပညာနှင့်ပြည်သူ့အင်အား

People

တိုကျိုမြို့တွင် ဗိုလ်အောင်ကျော်နေ့ အထိမ်းအမှတ် ဆန္ဒပြတောင်းဆိုပွဲ ဓါတ်ပုံမှတ်တမ်း

View all

Get your own

Killer Than Shwe & his dogs

Source : http://nandar.jp.pn

ဖြူဖြူကျော်သိန်း တင်ဆက်ပေးထားတဲ့ လူကုန်ကူးမှုတိုက်ဖျက်ရေးဗီဒီယို

မျက်မှောက်အခြေအနေနဲ့ ဒီမိုကရေစီအင်အားစုများရဲ့ လုပ်ငန်းတာဝန်များ

Copy of DAG.docx1
ပေးပို့ပေးသူအစ်ကိုအား အမြဲကျေးဇူးတင်ရှိနေပါသည်။

သံဃာ့တပ်ပေါင်းစု ၏ ၃၀ . ၁၂ . ၂၀၀၉ အထွေထွေသပိတ်ဆင်နွှဲမည် ကြေငြာချက်

All Burma Monks Alliance 30.12.09
http://kamikaze-2010.blogspot.com/

နိင်ငံတော်ခေါင်းဆောင်သော သားသမီးများကို နှိုင်းယှဉ်ကြည့်ခြင်း

သားသမီးမကောင်း၊ မိဘခေါင်း ဆိုသကဲ့သို့ ယခုမြန်မာနိုင်ငံမှာ အပုပ်နဲ့ တွေနဲ့နာမည်ကြီးနေတဲ့ လူငယ်များကို ကြည့်မယ်ဆိုရင် ဗိုလ်မှုး၊ ဗိုလ်ချူပ်တွေရဲ့ သား၊ သမီးများဖြစ်နေတာ ကိုတွေ့ရပါလိမ့်မယ်။

သူတို့တွေဟာ လူငယ်တွေမို့လို့ဆိုးတယ်လို့ပြော တာထက် မိုက်ရိုင်းတယ်လို့ပြောတာပိုမှန်ပါလိမ့်မယ်… ရှေးလူကြီးတွေရဲ့ဆိုရိုးစကား သာမှန်တယ်လို့ပြောရင် သေချာပေါက် မိဘ ဖြစ်တဲ့ ဗိုလ်မှုး၊ ဗိုလ်ချူပ် တွေမကောင်းတာပါလို့ပြော ရပါလိမ့်မယ်။ ဘာကြောင့်လဲဆိုတော့ နှုတ်ကြမ်းရင် အမိယုတ်လို့ ၊ ကိုယ်ကြမ်းရင် အဖ ယုတ်တယ် လို့ဆိုရိုးစကားရှိပါတယ်။

အခု ဆိုးသွမ်းပြီးမိုက်ရိုင်းတဲ့ လူငယ်တွေဟာဖြင့် နှုတ်ရော ကိုယ်ရော ကြမ်းတာကြောင့် အမိကော ၊ အဖ ကော ကမျိူးမစစ်ဘူးဆိုတာ အတိုင်းသာပေါ်လွင်နေပါတယ်။ ဒီလို လူငယ်တွေရဲ့ဘ၀ က အမှန်တကယ်တော့ အလွန်ကိုသနားစရာကောင်းပါတယ်။ မိဘ ရယ် စည်းစိမ်ရယ် အာဏာရယ်က ၀ိုင်းပြီး ထိုးနှက်လိုက်ချိ်န်မှာတော့ သူတို့တွေဟာ လူဆိုးဘ၀ နဲ့ ပြည်သူတွေနှာခေါင်းရှုံ့ရတဲ့ဘ၀ ချိူးရောက်သွားရတာပါ။

နအဖ ဗိုလ်ချူပ်သား၊ သမီးတွေနဲ့အပြိုင် ဆိုးသွမ်းနေသူများကတော့ ပိုက်ဆံရှိသားသမီးများပင်ဖြစ်ပါတယ်။ အဲဒီထဲမှာ ၀န်ကြီးသားတွေ၊ အဆိုတော်တွေ၊ ဖောလံဖားနေတဲ့ လူကြီးသားသမီးများလည်းပါပါတယ်။ သူတို့တွေဟာ နိုင်ငံထဲမှာ ဆိုးသွမ်းလို့ မ၀ဘဲ နိင်ငံခြားကို ပါလှည့်ပြီး မကောင်းတဲ့ အကျင့်စရိုက်တွေကို မြန်မာလူမျိူး သိက္ခာကျလောက်အောင် လုပ်ပြပါတော့တယ်။

ဗိုလ်ချူပ်သားတွေ သမီးတွေမိုက်ရိုင်းတာ ကတော့ သိနေလို့ အဖတ်လုပ်ပြီး ပြောမနေချင်ပေမယ့် တချို့လူငယ်တွေ အတုခိုးနေတဲ့ ရုပ်ရှင် အနုပညာရှင်တွေ နိုင်ငံခြားရောက်ရင် အားလုံးပဲချွတ်လိုက်ပါတော့ လို့မပြောရုံတမယ် လုပ်နေတာကတော့ မြန်မာနိုင်ငံကို ဖာနိုင်ငံဖြစ်နေပြီလို့ ကမ္ဘာကို ကြေငြာနေသလို ပါပဲ..အရမ်းကို ရုပ်ဆိုးလွန်းပါတယ်။ ကိုယ့်နိုင်ငံထဲမှာတော့ ယဉ်ကျေးတဲ့ အသိုင်းအ၀ိုင်း ဖြစ်နေလို့ မလုပ်ရဲပေမယ့် ပြင်ပ နိုင်ငံလည်းရောက်သွားရော သွေးက စကားပြောတော့ တာပဲလေ။ ပြည့်တန်စာ မတစ်ယောက်လို ဆိုပြမှ၊ __သည်တစ်ယောက်လို တင်လှုပ်ပြမှ အထင်ကြီးမှာလားဗျာ။

ဒါဆိုရင် ကျွန်တော်တို့နိုင်ငံမှာ ပိုက်ဆံလည်းရှိ၊ အာဏာလည်းရှိုပြီး မပျက်ဆီးတဲ့ သူတွေမရှိတော့ဘူးလားလို့ မေးစရာရှိပါတယ်။ ရှိပါ့ဗျား…… တကယ့်ကို စစ်တပ် အသိုင်းအ၀ိုင်း ဗိုလ်ချူပ် ရဲ့ သမီး တကမ္ဘာလုံး ကလူတွေ တအားလိုချင်တဲ့၊ အမေရိကန်သမ္မတတောင် ဒီဆုကိုရဖို့အရမ်းကိုကြိုးစားခဲ့ရတဲ့ နိုဘယ်လ်ဆုကို ရရှိထားသူ... ဘ၀ရဲ့ ဆယ်စုနှစ်တစ်ခုကို ပြည်ပ နိုင်ငံမှာဖြတ်သန်းခဲ့ရပေမယ့် ချိတ်ထမိန် နဲ့ ချိ်တ်အင်္ကျီကိုသာဝတ်ဆင်သူ၊ သူ့ရဲ့ အစွမ်းအစတွေ အားမန်တွေကို ရိုက်ချိူးပြီး ထိန်းသိမ်းခံထားရပေမယ့် ရန်သူကို အပြူံးနဲ့ ပဲရင်ဆိုင်ခဲ့သူ၊ မြန်မာအမျိူးသမီးတစ်ယောက်ဟာ ယောက်င်္ကျားတွေနဲ့ ရင်ဘောင်တန်းပြီး ပြည်သူတွေရဲ့အခွင့်အရေးကို ဘ၀အဆုံးခံပြီး ယူပေးနေသူ.... အမေစု (ခေါ်) ဒေါ်အောင်ဆန်းစုကြည် ပါပဲခင်ဗျာ။ ကျွန်တော် ချီးမွမ်းတာ လွန်နေရင်ပြောပါဗျာ။

အခု ဗိုလ်ချူပ်ကြီးရဲ့ သမီး စိန်စီပြီး ဒေါ်လာတွေခဲဖိုးပေးနေချိန်မှာ သူဟာ ပြည်သူတွေရဲ့ အကျိုးစီးပွားအတွက် ရတတ်မအေးဖြစ်နေတာပါ။ စင်ပေါ်တတ်ပြီး ကိုယ့်အနုပညာကို ဖင်ပေါ်၊ ခေါင်းပေါ် နဲ့ဖြစ်နေတဲ့အချိန်မှာ သူဟာ နိုင်ငံရေးစင်မြင့်ပေါ်မှာ မြန်မာလူမျိူးပီသစွာ အနောက်တိုင်းဝတ်စုံတောင်မ၀တ်ဘဲ ရိုးရာ အကျီ် င်္နဲ့ နိုင်ငံကိုကိုယ်စားပြုခဲ့တာပါ။

ကျွန်တော်တို့နိုင်ငံဟာ သူများတွေထက် အတော်ကြီးကိုနောက်ကျနေခဲ့ပါပြီ ကိုယ်ကျင့်သီလ နဲ့ ယာဉ်ကျေးမှုပါ ပျောက်ရင်တော့ မြန်မာလူမျိူးဆိုတာ မရှိတော့ပါဘူး။ ရေဆာနေတဲ့ လူကို ရေတိုက်မှ အငတ်ပြေမှာပါ။ ရေမတိုက်ဘဲနဲ့ ထမင်းကျွေးရင် စားပိုးနင့်ပြီးသေသွားမှာပါ။ အနောက်နိုင်ငံတွေမှာ အတုယူစရာတွေ ဒီလောက်အများကြီး ရှိရက်နဲ့ မကောင်းတဲ့ အပြုအမှုကိုမှ ရွေးယူတာကို သူတို့ရဲ့ တစ်ဦးအပေါ်တစ်ဦးလေး စားပုံတွေ.. လူတစ်ယောက်ရဲ့ အခွင့်အရေးတွေကို အသုံးချပုံတွေ.. အစားအသောက် အနေအထိုင်ဆင်ခြင်ပုံတွေ.. Gentleman တစ်ယောက်ရဲ့ ထိန်းသိမ်းအပ်တဲ့ အချက်တွေ… အများကြီးရှိနေပါတယ်။

အတွေးအခေါ်ပညာရှင်ကြီး ကွန်ဖြူးရှပ်ကတော့ ကိုယ်ကျင့်တရားဆိုတာ အိနြေ္ဒ နှင့် အရှက် ကို လုံခြုံစွာစောင့်ထိန်းခြင်းလို့ဆိုထားပါတယ်။ မြန်မာ လူမျိူးတွေမှာအိနြေ္ဒ တွေ အရှက်တွေ ရှိပါသေးရဲ့လားဗျာ…..ရှိတဲ့လူတွေကျတော့ ထောင်ထဲမှာဘဲ သက်တမ်းစေ့ သွားအောင်ချ၊ မနေနိုင်အောင် အမျိူးမျိူးလုပ်၊ နအဖရဲ့ လက်ပါးစေတွေက သားကောင်း၊ သမီးကောင်းတွေကိုဖျက်ဆီး၊ နအဖက လည်းသူ့ ထိုင်ခုံက်ိုမြဲဖို့အတွက် အပြစ်မဲ့တဲ့ပြည်သူတွေကို မကောင်းတဲ့အရာမျိုးစုံနဲ့ ဖျက်ဆီး၊ ဒီလို မကောင်းတဲ့အရာတွေ လွယ်လွယ်ကူကူလုပ်နိုင်ဖို့အတွက် မူးတဲ့အရာတွေကို ဖော်ဖော်သီသီရအောင် လုပ်၊ အဲလိုနဲ့ ပြည်သူတွေရဲ့ ကိုယ်ကျင့်တရားကို ဖျက်ဆီးနေပါတယ်။ အဲလို ဖျက်ဆီးနေတာကို တော်လှန်တဲ့ သူရဲကောင်းများကိုတော့ ဂျပန်နှိပ်စက်တာ အများကြီးသက်သာတယ်လို့ပြောလို့ရတယ်။

စာသင်နေတဲ့ ကျောင်းသားလေးတွေ၊ သမာဓိရှိတဲ့ ဘုန်းဘုန်းတွေဟာ သူတို့ရဲ့ စစ်ဖိနပ်အောက်မှာ သွေးထွက်ခဲ့ရပါတယ်။ ပြည်သူကိုယ်ကျင့်တရားမရှိလို့ ဆိုးသွမ်းတဲ့ အစိုးရတတ်တယ်လို့ဆိုလို့ရှိရင် ဒီလိုဆိုးသွမ်းတဲ့ အစိုးရရှိလို့လည်း ပြည်သူတွေ ကိုယ်ကျင့်တရားပျက်ရတာပါ။

ဒါကြောင့် မြန်မာပြည်သူတွေဟာ ဘယ်ဘာသာဝင်မဆို ဘာသာတရားကို အလွန်ပဲ ယုံကြည်လေးစားလိုက်နာကျပါတယ်.. အဲဒါကြောင့် ဘာသာတိုင်းမှာ ပြဠာန်းထား တဲ့ ကိုယ်ကျင့်တရား သီလကို လက်နက်သဖွယ်အသုံးပြု၍ ဘာသာမဲ့ နအဖ အစိုးရကို တိုက်ထုတ်ကြပါစို့လို့ ဒီဆောင်းပါးလေးနဲ့ တိုက်တွန်းလိုက်ပါတယ်။

ကိုသီလ

ဦးကိုကိုကြီး မွေးနေ့ ဂုဏ်ပြုမှတ်တမ်း စုစည်းတင်ဆက်မှု

ရွှေခမောက် စာစောင် အမှတ်စဉ် (၁၀၆)

Shwekhamauk 106

အဖွဲ့ချုပ် ခေါင်းဆောင်ပိုင်း အပြောင်းအလဲအပေါ် ဘဘဦးဝင်းတင်ရဲ့ အမြင်

ဘီဘီစီအင်တာဗျူး၊ သရုပ်ဖော် - ကာတွန်းစောငို

ဒေါ်အောင်ဆန်းစုကြည်ကတော့ အန်အယ်ဒီခေါင်းဆောင်ပိုင်းကို ပြန်လည်ပြင်ဆင် ဖွဲ့စည်းမယ်လို့ ပြောလိုက်ပါပြီ။ ခေါင်းဆောင်လူကြီးတွေကလည်း သဘောတူတယ်လို့ သိရပါပြီ။ ဒီကနေ့ကာလ အခြေအနေနဲ့ကိုက်ညီတဲ့ ပါတီ ခေါင်းဆောင်မှုကို ဘယ်လိုပုံစံမျိုး ဖွဲ့စည်းသင့်ပါသလဲ။

အန်အယ်ဒီပါတီ လက်ရှိ ဗဟိုအလုပ်အမှုဆောင်တဦးဖြစ်တဲ့ ဦးဝင်းတင်ကို ဘီဘီစီက ဆက်သွယ်ပြီး ဒေါ်အောင်ဆန်းစု ကြည် စတင်ပြောဆိုလာပြီဖြစ်တဲ့ ပါတီခေါင်းဆောင်မှု ပြောင်းလဲမယ့်ကိစ္စနဲ့ပတ်သက်ပြီး ဘယ်လိုသဘောထားရပါလဲလို့ မေးကြည့်တော့ …

ဦးဝင်းတင်။ ။ ဒီဟာက ဖြစ်လာရမယ့် ကိစ္စပဲလို့ ကျနော် ယူဆပါတယ်၊ ဘာဖြစ်လို့လဲဆိုတော့ ဒီပုဂ္ဂိုလ်ကြီးများလည်း ပါတီမှာ ထမ်းဆောင်လာခဲ့တာ နှစ်ပေါင်းကို ဆယ်စုနှစ်ကို ကျော်သွားပြီနော်၊ အသက်တွေလည်းကြီးလှပြီ၊ ကျန်းမာရေး တွေကလည်း ချို့တဲ့လာပြီ ဆိုတဲ့အခါကျတော့ ဘာပဲပြောပြော သူတို့က အနားယူရမယ့် အချိန်လည်းရောက်လာတယ်။ အဲဒီအခါကျတော့ စီအီးစီက တိုးချဲ့တယ်ပဲခေါ်ခေါ်၊ အားဖြည့်တယ်ပဲခေါ်ခေါ်၊ လုပ်ရတော့မယ့် ကိစ္စပဲဗျ။

ဘီဘီစီ။ ။ ဟုတ်ကဲ့ပါ။ ကျနော်တို့လေ့လာစုံစမ်းမိသလောက် အန်အယ်ဒီ လူလတ်ပိုင်းနဲ့ လူငယ်ပိုင်းတွေက ပါတီ ခေါင်းဆောင်မှုအပိုင်းကို စနစ်တကျ ရွေးကောက်တင်မြှောက်တဲ့ပုံစံနဲ့ သွားချင်တယ်ဆိုတဲ့သဘောမျိုးတွေ တွေ့ရပါတယ်။ အဲဒါရော တကယ်လက်တွေ့မှာ ဖြစ်လာနိုင်ပါ့မလား။ ဒေါ်အောင်ဆန်းစုကြည်နဲ့ ခေါင်းဆောင်တွေက အဲလိုမျိုးဖြစ်ဖို့ကို သဘောတူမယ်လို့ ထင်ပါသလားခင်ဗျ။

ဦးဝင်းတင်။ ။ ဟာ ထင်တာပေါ့ခင်ဗျာ။ ထင်တာပေါ့၊ ဘာဖြစ်လို့လည်းဆိုတော့ ကျနော်တို့အဖွဲ့အစည်းက နာမည်ကိုက အမျိုးသား ဒီမိုကရေစီအဖွဲ့ချုပ် ဗျ၊ ဒီမိုကရေစီအဖွဲ့အစည်း။ ကျနော်တို့က အာဏာရှင်အဖွဲ့အစည်း မဟုတ်ဘူး။ အဲဒါကြောင့် ဒီမိုကရေစီကျင့်ထုံးတွေ၊ ဒီမိုကရေစီလုပ်ရပ်တွေ၊ ဒီမိုကရေစီမျှော်မှန်းချက်တွေ ရည်မှန်းချက်တွေ၊ ဒီမိုကရေစီလုပ်ဟန်တွေကို ကျနော်တို့ မူအားဖြင့်တော့ အားလုံးလက်ခံမှာပဲဗျ။
နောက်တခုက ဒေါ်အောင်ဆန်းစုကြည်တို့၊ ဦးတင်ဦးတို့ စသည် ဒီခေါင်းဆောင်တွေရှိနေတဲ့ (အကျဉ်းကျနေတဲ့ခေါင်းဆောင်တွေပေါ့ဗျာ) ဒီခေါင်းဆောင်တွေထဲမှာ လည်း (ခေါင်းထဲမှာလည်း၊ ရင်ထဲမှာလည်း) ဒီမိုကရေစီရေးအတွက် လုပ်လာခဲ့သူတွေ။ ဒီလူတွေဟာ မနေ့တနေ့ကမှ တက်လာတဲ့လူတွေ၊ ကြားဖြတ်ပြီးတော့မှ ဝင်လာတဲ့ လုပ်တဲ့လူတွေ မဟုတ်ဘူး။

၁၉၈၈ ဒီမိုကရေစီအရေးတော်ပုံကြီး ထဲကနေ ပေါက်ဖွားလာတဲ့ ခေါင်းဆောင်တွေဖြစ်တယ်။ ဆိုတော့ အဖွဲ့ချုပ်ကိုယ်တိုင်ကလည်း ဒီမိုကရေစီအရေးတော်ပုံကြီး ကနေ ပေါက်ဖွားလာတဲ့ အဖွဲ့အစည်းဖြစ်တယ်။ အဲဒီအခါကျတော့ ကျနော်တို့က ဒီမိုကရေစီနည်းဟန်တွေနဲ့ ပတ်သက်ပြီးတော့ တွန့်ဆုတ်ခြင်း ဘာဆိုဘာမှ မရှိဘူးလို့ ပြောနိုင်တယ်။

အဲ … တခုပဲရှိတယ်။ လူငယ်တွေ အင်အားသစ်တွေကနေပြီးတော့ မျှော်မှန်းနေတဲ့ ဒီမိုကရေစီနည်းကျတင်မြှောက်ခြင်း၊ ဒီမိုကရေစီနည်းကျရွေးချယ်ခြင်း ဆိုတာတွေက တခါတလေကျတော့ အခု ဗမာပြည်မှာ အနေအထားက ဘယ်လိုဖြစ်နေလဲဆိုတော့ ကျနော်တို့ကသာ ဒီမိုကရေစီ စိတ်ထားနေတာ၊ ဒီမိုကရေစီ ရှေးရှုနေတာ။ တိုင်းပြည်ရဲ့အနေအထားက ဒီမိုကရေစီနဲ့က ကျနော်ထင်တယ် တယူဇနာ မဟုတ်တောင်မှ အတော် ကွာကွာလှမ်းလှမ်းကို ရှိနေတယ်လို့ ကျနော်တို့ ပြောရမလိုဖြစ်နေတယ်။ ဘာဖြစ်လို့လဲဆိုတော့ ကျနော်တို့မှာ ဘာလွတ်လပ်ခွင့်မှမရှိဘူးဗျာ။

ဘာပဲပြောပြော ကျနော်တို့က အားနဲ့မာန်နဲ့၊ ခွန်အားနဲ့ စိတ်ဓာတ်နဲ့ တွန်းတွန်းတိုက်တိုက်ကလေး လုပ်မယ်ပေါ့ဗျာ။ ထားရာနေ စေရာသွားဆိုတဲ့ စိတ်မဟုတ်ဘဲနဲ့ လုပ်ကြမယ်ဆိုရင်တော့ ကျနော်ထင်တယ် အခုခင်ဗျားပြောခဲ့တဲ့ ခေါင်းဆောင်သစ် ဖော်ထုတ်ရေးတို့၊ အင်အားသစ်ဖော်ထုတ်ရေးတို့၊ လုပ်ငန်းသစ်များ ဖော်ထုတ်ရေးတို့ဆိုတာတွေဟာ တနည်းမဟုတ်တနည်း အနှေးနဲ့အမြန် ပေါ်လာမှာပဲလို့ ကျနော်ကတော့ အဲဒီလိုယုံကြည်ပါတယ်ဗျာ။
ဒီဇင်ဘာလ ၁၆ ရက် ၂၀၀၉ ခုနှစ်၊ ဘီဘီစီ(မြန်မာပိုင်း) ညပိုင်းအစီအစဉ်မှ ကောက်နုတ်ဖော်ပြပါတယ်။

http://www.scribd.com/doc/24213931/16th-DEC-2009-MoeMaKa-Daily

ရန်ကုန်တက္ကသိုလ်ကြီးရဲ့  အခြေအနေတွေကို နှိုင်းယှဉ် ကြည့်နိုင်ဖို့ 

တက္ကသိုလ်နန်း ( တေးရေး ။ ။ တက္ကသိုလ်ဘုန်းနိုင် )
“ တက္ကသိုလ်…နန်း……မြကျွန်းပမာရည် ၊ ဆောင်နန်းမြို့ တည် ။
အောင် ခန်းမျှို့  ဝေေ၀စည် ၊ ပညာတံခွန် အောင်လံလွှင့်လို့  ၊
ကြဌာန်းမြင့် နှုန်းနေခြည် ။
အ၀ိဇ္ဇာမောဟ မြူညစ်ပျောက်မည် ။
အ၀ိဇ္ဇာလောက မူသစ်ဆောက်တည် ။
ဗြဟ္မစာရ လောကပါလ တရားစုံညီ ၊
ငြိမ်းချမ်း ပြည့်ဝ ခိုင်မြဲတည် ။
နွှဲဖက်ရွှင်ကြည် ၊ ရောင်စိုရွှင်လန်းသည် ။
ညောင်ညိုပင်စခန်း ဖြန့်  ၀န်းရိပ်လည်လည် ။
ဆုံကြတွေ့ ကြလို့  မေ့မရတာရှည် ၊
တက္ကသိုလ် သည် မေ့မရတာရှည် ၊
တက္ကသိုလ် သည်ကျွန်း ၊ မြွက်ဆိုရည်ညွှန်း ၊ ဥဒါန်းကမ္ဘာ တည် ။
တို့ ပြည် တို့ အမျိုး တို့ အကျိုးဦးတည် ။
လူ့ ပြည် လူများ လူသားဂုဏ်ရည် ။
ဆောင်ရွယ်မူချ ၊ မောင်မယ်တူပ ၊ လွန်းကြင်ရွှေဌက်မျှ ၊
ကြင်ရေးဖွဲ့ ချီ လွမ်းဖွယ်စည် ၊
ကြည်နူးဖွယ်အပေါင်းနဲ့  တို့ ကျောင်းတက္ကသိုလ်ပြည် …….။

(န-အ-ဖ လက်အောက်မှာ စုတ်ပြတ်သတ်သွားပြီး ဂုဏ်သိက္ခာ ၊ ပညာအဆင့်အတန်း ၊ မရှိတော့တဲ့ တက္ကသိုလ်ကြီးရဲ့  အခြေအနေတွေကို ၊ နှိုင်းယှဉ် ကြည့်နိုင်ဖို့ အတွက် )

အ-ဘ-ယ

အဆင့် ၁ မှ ၂၀ ရှိ အရှေ့တောင်အာရှ တက္ကသိုလ်များ၏ အဆင့်အတန်း???
အို ဘယ့်.. ရန်ကုန်တက္ကသိုလ်
Webometrics ရဲ့ ၂၀၀၇ခုနှစ် နှစ်လည်ထုတ်ဝေလိုက်တဲ့ အရှေ့တောင်အာရှ ထိပ်တန်း တက္ကသိုလ် ၁၀၀ ကို ကျွန်တော် ဖတ်ကြည့်လိုက်တဲ့အခါ ကျွန်တော့်မျက်စိကိုယ်ပင် မယုံနိုင်လောက်အောင် ဖြစ်သွားရတာကို ၀န်ခံပါရစေ။

အခု ၁၀၀ ထဲမှာ ထိုင်းနိုင်ငံက တက္ကသိုလ် ၄၁ခု၊ မလေးရှားက ၁၈ခု၊ အင်ဒိုနီးရှားက ၁၄ခု၊ ဖိလစ်ပိုင်က ၁၃ခု၊ စင်္ကာပူနဲ့ ဗီယက်နမ်က ၇ခုစီ ပါဝင်တယ်။ အဲဒီအထဲမှာ ကျွန်တော်တို့မြန်မာပြည်က တက္ကသိုလ်များကို မဆိုထားဘိ၊ ရန်ကုန်တက္ကသိုလ် တောင်မပါဘူး။
တစ်နှစ်ကို ၂ ကြိမ် ၂၀၀၄ခုနှစ်ကတည်းက စဉ်ဆက်မပြတ် စီစစ်တည်းဖြတ်လာတဲ့ အထက်ပါ စစ်တမ်းဟာ တက္ကသိုလ် အလိုက် ထုတ်လွှင့်ထားတဲ့ အင်တာနက်စာမျက်နှာ သတင်းအချက်အလက်များ၏ အရည်အသွေးကို အဓိက ဆန်းစစ်ခြင်း ဖြစ်တယ်။ လက်တွေ့ပြုလုပ်နေတဲ့ သိပ္ပံနှင့်နည်းပညာ ရှာဖွေတွေ့ရှိမှု၊ နိုင်ငံတကာအဆင့် သုတေသနလုပ်နိုင်မှု၊ သင်ကြားမှု အရည်အသွေး၊ နည်းပညာ ဖလှယ်မှု၊ အလုပ်အကိုင် ချိတ်ဆက်ထားရှိမှု စတဲ့ ကိစ္စရပ်များကို တပြေးညီ အင်တာနက်စာ မျက် နှာ မှာ လွှင့်တင်ထားဖို့ လိုအပ်ကြောင်းကိုလည်း အဆိုပါ စပိန်အခြေစိုက် သုတေသနအဖွဲ့ မှ အကြံပေးထားတယ်။



ရင်ထဲရှိတဲ့အတိုင်း ဆင်ဆာမဖြတ်ဘဲ ပြောရရင် … အမိမြန်မာပြည်က တက္ကသိုလ်အားလုံးကို မဆိုထားပါနဲ့အုံး၊ ရန်ကုန်တက္ကသိုလ်ကိုဘဲ ဦးတည်ပါစို့။
“အို… ကို ရန်ကုန်တက္ကသိုလ် …
မင်း .. အိပ်ပျော်နေတာလား၊ အိပ်ချင်ဟန်ဆောင်နေတာလား၊တမင်တကာ မသိချင်ယောင် ဆောင်နေတာလား၊
မင်းတစ်ယောက်တည်းရှိတယ်လို့များ မှတ်ထင်နေလားကွာ..
မင်းကိုယ်မင်း ဆန်းစစ်ဖို့ လိုနေတယ်ကွ ကမ္ဘာကြီး တစ်ခုလုံးကို မကြည့်ပါနဲ့အုံး
တို့ အရှေ့တောင် အာရှ ၁၁ နိုင်ငံနဲ့ ယှဉ်ကြည့်ပါအုံး
ဘာတွေတိုးတက်အောင်လုပ်ဖို့လိုတယ်ဆိုတာ ပြေးကြည့်စရာမလိုပါဘူး
မင်းအိပ်ပျော်နေတယ်ဆိုရင်လည်း နိုးချိန်တန်ပါပြီကွာ။
မင်း မသိချင်ယောင်ဆောင်နေရင်လည်း သိဖို့ တန်ပါပြီ
ကမ္ဘာကြီးက တဖြည်းဖြည်းနဲ့ ရွာကြီးဖြစ်လာပြီဆိုတာ မင်းနားလည်ဖို့တန်ပါပြီ
၁၉၄၀-၅၀ နှစ်များဆီက အရှေ့တောင်အာရှ ထိပ်တန်းတက္ကသိုလ်ဖြစ်ခဲ့တယ်ဆိုတာကို မမေ့တန်ကောင်းပါဘူး
မင်းအတိတ်မေ့နေတယ်ဆိုတာကိုလည်း ငါမယုံနိုင်ဘူးကွာ။

ဒီတသက် ခေါင်းမချခင်မှာ မင်းဆီမှာ စတေးခဲ့ရတဲ့ တို့ဘ၀တွေကို အများက ဂုဏ်ယူစရာ၊ အတုယူစရာဖြစ်အောင်
မင်း ဆောင်ကြဉ်းပေးနိုင်ပါစေ...

ထို့အတူမင်းကြုံတွေ့ရမဲ့ အခက်အခဲတွေကိုလည်း ရဲရဲဝံ့ဝံ့ ရင်ဆိုင်နိုင်ပါစေလို့….”တို့ ဆုတောင်းလိုက်ပါတယ်ကွာ။
အဆင့် ၁ မှ ၂၀ ရှိ အရှေ့တောင်အာရှ တက္ကသိုလ်များ၏ အဆင့်အတန်း


1 National University Of Singapore - Singapore
2 Nanyang Technological University - Singapore
3 Kasetsart University - Thailand
4 Chulalongkorn University - Thailand
5 Prince Of Songkla University - Thailand
6 Asian Institute Of Technology Thailand - Thailand
7 Chiang Mai University - Thailand
8 Thammasat University - Thailand
9 Assumption University Of Thailand - Thailand
10 Khon Kaen University - Thailand
11 Mahidol University - Thailand
12 Gadjah Mada University - Indonesia
13 Institute Of Technology Bandung - Indonesia
14 Universiti Sains Malaysia - Malaysia
15 Universiti Teknologi Malaysia - Malaysia
16 Multimedia University - Malaysia
17 University Of The Philippines Diliman - Philippines
18 Universiti Putra Malaysia - Malaysia
19 University Malaya - Malaysia
20 King Mongkut's Institute Of Technology Ladkrabang - Thailand

လွန်ခဲ့တဲ့ ဆယ်စု နှစ်တစ်တွေများကပေါ့...
စင်ကာပူ ၀န်ကြီးချုပ်ဖြစ်လာမယ် သူဟာ တက္ကသိုလ်ကျောင်းသားဘ၀ကမြန်မာပြည်က ရန်ကုန် တက္ကသိုလ် ကိုကြည့်ပြီး သိပ် အားကျခဲ့တာ ရန်ကုန်တက္ကသိုလ်ကြီးဟာ ငါတို့နိုင်ငံမှာ ဆိုရင်ဘယ်လောက်များကောင်းလိမ့်မလဲ........
ဒီတက္ကသိုလ်ကြီးမှာသာ ဘွဲ့ယူခွင့်ရရင် ဘယ်လောက် ဂုဏ်ယူစရာ ကောင်းလိမ့်မလဲ....တဲ့
စင်ကာပူမြို့တော်ကိုတည်ဆောက်တဲ့အခါ ငါတို့ Burma က Rangoon City ကို သူတို့ရဲံ ပညာရှင်တွေကိုယ်တိုင်
လာရောက်လေ့လာပြီးတော့မှ Rangoon City ရဲ့ ပုံစံကို အခြေခံယူပြီး Singapore ကို တည်ဆောက်ခဲ့တာဘဲလေ......


လွန်ခဲ့တဲ့ ဆယ်စု နှစ်တစ်တွေများကပေါ့...
ထိုင်း ဘတ်ငွေ ၂၅ ဘတ်က Burma ငွေ တစ်ကျပ် တဲ့
အခုတော့ ထိုင်း တစ်ဘတ် က မြန်မာ ငွေ ၃၅ ကျပ် ဖြစ်သွားပြီ...

လွန်ခဲ့တဲ့ ဆယ်စု နှစ်တစ်တွေများကပေါ့...
ဘားမား ဘောလုံးအသင်းက မာဒေးကားမှာ ( အရှေ့တောင်အာရှ နှင့် အာရှ ထိပ်တန်းအသင်းများပါဝင်) ဆို ဘားမားဘောလုံး အသင်းရဲံ အောင်မြင်မှုကို အရှေ့တောင်အာရှ က ဘယ်အသင်း မီမှာတဲ့လဲ အာရှမှာ ချန်ပီယုံဖြစ်ခဲ့တာတွေက ပုံပြင်တွေလား

လွန်ခဲ့တဲ့ ဆယ်စု နှစ်တစ်တွေများကပေါ့...
ကမ္ဘာကုလသမဂ္ဂ အဖွဲ့ကြီးမှာ Burmese တစ်ဦးရဲ့ သြဇာကမ္ဘာကို လွမ်းခဲ့တာတွေ..........
အခုတော့ မြန်မာကိုယ်စားလှယ်ဆိုရင် ....မျက်လုံးစိမ်းတွေနဲ့

လွန်ခဲ့တဲ့ ဆယ်စု နှစ်တစ်တွေများကပေါ့...
မယားတောသူ.........ကျွန်မှာကုလားတဲ့ Burma မှာ အလုပ်လာလုပ်တဲ့ နိုင်ငံခြားသားတွေတို့ ဘားမားတွေ သူတို့ကို အိမ်သာဆေးခိုင်းတာတို့ ဘားမားတွေ အင်္ဂလန်သွားတယ်ဆိုတာက ပညာတော်သင်..ပညာရှင်အဖြစ်နဲ့အခုတော့........မောင်
မလေးမှာ အိုးတိုက်မှာလား စလုံးမှာ စားပွဲထိုးမှာလား ဒူဘိုင်းမှာ တွင်းတူးမှာလား

လွန်ခဲ့တဲ့ ဆယ်စု နှစ်တစ်တွေများကပေါ့...
Burma ဆို OK
U Aung San ဆို Right
U Thant ဆို Right
U Nu ဆို Right

လွန်ခဲ့တဲ့ ဆယ်စု နှစ်တစ်တွေများကပေါ့..

ကယ်သူမဲ့ နားကျည်းခံပြင်းဖွယ် ရွှေမြန်မာ တို့၏ဒုက္ခများ

ထိုင်းနိုင်ငံသို့ နယ်စပ်ဖြတ်ကျော်ပြီး သွားရောက်အလုပ် လုပ်ကိုင်ကြသည့် မြန်မာရွှေ့ပြောင်း အလုပ်သမားများ အများစုသည် တရားမဝင်သွားရောက် အလုပ်လုပ်ကိုင် ကြသူများ ဖြစ်ကြသည်။ ထိုသို့တရားမဝင် အလုပ်လုပ်ကြရသဖြင့် တရားဝင် ထိုင်းအလုပ်သမား များနည်းတူ အခြေခံအလုပ်သမား အခွင့်အရေး မရ ကြ။ ထိုင်း အလုပ်သမား ဥပဒေ အရလည်း အကာအကွယ် မရကြသည့်အပြင် နယ်စပ်မှ ဖြတ်ကျော်ပြီး သွားရောက်စဉ် တွင်သော်လည်းကောင်း၊ ရောက်ရှိပြီး တရားမဝင် အလုပ်လုပ်ကြရာတွင် လည်းကောင်း အသက်အန္တရာယ် နှင့် ကြုံပြီး အသက်ဆုံးရှုံးမှုများလည်း ရှိခဲ့သည်။

(၂ဝဝ၈)ခုနှစ်၊ ဧပြီလ(၉)ရက် တွင် ထိုင်းနိုင်ငံ၊ ရနောင်းမြို့မှ ဖူးကက်သို့ သွားရောက်သည့် အအေးခန်း ကွန်တင်နာယာဉ်တွင် အသက်ရှူ မွန်းကြပ်သဖြင့် မြန်မာရွှေ့ပြောင်း အလုပ်သမား (၅၄)ဦး သေဆုံးခဲ့ရသည်။ နှစ်နိုင်ငံ တာဝန်ရှိသူများ ကြိုးပမ်းဆောင်ရွက်မှုများကြောင့် ကိုယ်ရေးအချက်အလက် ပြည့်စုံသည့် (၄၁)ဦး အတွက် လျော်ကြေးငွေ စုစုပေါင်း ထိုင်းဘတ်ငွေ (၁.၄၃၅)သန်း ရရှိခဲ့ကြသည်။

အသက်ဆုံးရှုံးမှုမျိုး အလားတူဖြစ်သည့် ဖြစ်စဉ်တစ်ရပ် အဖြစ် (၂ဝဝ၉)ခုနှစ်၊ သြဂုတ်လ (၂၈)ရက်က ထိုင်းနိုင်ငံတောင်ပိုင်း ချွန်ဖော်မြို့နယ် အတွင်းရှိ ဘုန်းကြီးကျောင်း အဝင်လမ်းအနီးမှာ အလောင်း(၃)လောင်း တွေ့ရှိခဲ့ကြသည်။ စိစစ်ကြည့်သောအခါ မြန်မာရွှေ့ပြောင်း အလုပ်သမားများ၏ အလောင်းများဖြစ်ကြောင်း၊ တင်ဆောင် လာသည့်ကားတစ်စီးမှ အသက်ရှူမွန်းကြပ် သေဆုံးကြသည့်အတွက် ပစ်ချသွားခြင်း ဖြစ်ကြောင်း၊ ဆေးရုံဆေးစစ်ချက် မှတ်တမ်းများက ဆိုသည်။ တင်လာသည့်ကားက လူသေမှုအပြင် လူကုန်ကူးမှုနှင့်ပါ အရေးယူခံရမည်ကို စိုးရိမ်သည့်အတွက် အခုလို အလောင်းကို အလျှင်အမြန် လာပစ်သွားခြင်းဖြစ်သည်ဟု ထိုင်းသတင်းဌာနများက ဖော်ပြထားသည်။

(၂ဝဝ၉)ခုနှစ်၊ မေလအတွင်း ထိုင်းတောင်ပိုင်း၊ ရနောင်းမြို့နယ်၏ ရွာတစ်ရွာရှိ အိမ်တစ်အိမ်သည် တရားမဝင် နယ်စပ်ဖြတ်ကျော် လူကုန်ကူးမှုနှင့် ပတ်သက်သည်ဟု ကျော်စောသတင်းရှိမှုကြောင့် ထိုင်းနိုင်ငံအာဏာပိုင်များက ဝင်ရောက်စီးနင်းမှု ပြုလုပ်ခဲ့သည်။ ထိုအိမ်သည် နယ်စပ်မှတရားမဝင် ဝင်ရောက်လာသူများကို အခြားနေရာဒေသများသို့ ပို့ဆောင်ပေးသည့် ကြားစခန်းအဖြစ် အသုံးပြုထားသည်ကို တွေ့ရသည့်အပြင် ရေခဲပုံးများထဲတွင် ထည့်ထားသော မြန်မာအလုပ်သမား (၃၄)ဦးကို တင်ဆောင်ထားသည့် ကုန်တင်ကားနှစ်စီးကို တွေ့ရှိခဲ့ကြသည်။ ထိုကားနှစ်စီးစလုံးသည် ဖန်ငနှင့် ဖူးခက်ဘက်သို့ ထွက်ရန် ပြင်ဆင်နေစဉ် တွေ့ရခြင်းဖြစ်သည်။ အချိန်မီ ဖော်ထုတ်တားဆီးနိုင်ခဲ့ကြ၍သာ အသက်ဆုံးရှုံးမှုမရှိခြင်း ဖြစ်သည်။

ထိုသို့သွားလာစဉ်တွင် အသက်အန္တရာယ်ရှိသည်သာမက ထိုင်းနိုင်ငံအတွင်း အိမ်ဖော်အလုပ် လုပ်ရသည့် အမျိုးသမီးများသည် ပြင်ပနှင့် ဆက်သွယ်ခွင့် မရကြသည့် အတွက် အိမ်ရှင်များ၏ အနိုင်အထက်ပြုမှုခြင်း အမျိုးမျိုးကို ခံနေရကြဆဲဖြစ်သည်။ (၂ဝဝ၉)ခုနှစ်၊ ဇွန်လ(၇)ရက်ညပိုင်းတွင် ဘန်ကောက်မြို့၊ ဘန်ကပိရပ်ကွက်၊ လဖလောင်း (၁ဝ၁)လမ်းရှိ အိမ်တစ်အိမ်တွင် အိမ်ဖော်လုပ်ကိုင်စဉ် အိမ်ရှင်များမရှိသည့် အခိုက် သေနတ်ဒဏ်ရာနှင့် သေဆုံးခဲ့ရသည့် ဖြစ်စဉ်တစ်ခုကို ရဲမှအမှုစုံစမ်းဆဲဖြစ်သည်။

အလားတူဖြစ်စဉ်မျိုး (၂ဝဝ၉)ခုနှစ်၊ အောက်တိုဘာလ (၁၅)ရက် ထိုင်းနိုင်ငံတောင်ပိုင်း စူရဌာနီခရိုင်၊ ကော့စမွေမြို့တွင် မြန်မာအိမ်ဖော်တစ်ဦး အသတ်ခံရသည့်ဖြစ်စဉ် ရှိခဲ့သည်။ အိမ်ရှင်ဖြစ်သူ ဘန်ကောက်သို့ သွားရောက်လည်ပတ်နေစဉ် အိမ်ဖော်တစ်ဦး တည်းရှိနေခိုက် အမျိုးသားတစ်ဦးက အဓမ္မကျင့်ရန် ကြံစည်စဉ် ခုခံရင်း အသတ်ခံရခြင်း ဖြစ်ကြောင်း သိရသည်။

ထိုင်းနိုင်ငံရောက် မြန်မာရွှေ့ပြောင်း အလုပ်သမားအမျိုးသား အများစုသည် ပင်လယ်ပြင်သွား ထိုင်းငါးဖမ်းလှေများတွင် အလုပ်လုပ်ကိုင်ကြရာ ကမ်းသို့ ဆိုက်ကပ်ခြင်းမရှိသဖြင့် နှစ်လကြာ အလုပ်လုပ်ရခြင်း နှင့် လုပ်အားခမရခြင်း တို့ကြောင့် လွတ်မြောက်ရန် ရေကူး၍ ကမ်းသို့ ကူးခတ်ရင်း ရေနစ် သေဆုံးကြသူများလည်း ရှိသည်။ (၂ဝဝ၉)ခုနှစ်၊ ဧပြီလ(၄) ရက်၊ ထိုင်းနိုင်ငံတောင်ပိုင်း၊ စူရဌာနီ၊ ခနောင်လှေဆိပ် ပင်လယ်ပြင်တွင် ထိုင်းပလာ တူးလှေမှ မြန်မာရေလုပ်သား နှစ်ဦး ရေကူးထွက်ပြေးရင်း ရေလယ်တွင် ရေနစ်သေဆုံးခဲ့သည်။ ရေမကူးတတ်သူများမှာမူ ထိုလှေပေါ်တွင် ဆက်လက် ကျွန်ခံနေရဆဲ ဖြစ်သည်။

ဒေသခံလှေလုပ်သားတစ်ဦး ပြောပြချက်အရ ထိုင်းလူပွဲစားများသည် ထိုင်းရဲများနှင့် ပေါင်းကာ အချုပ်ခန်းထဲမှ လူများကိုရွေးပြီး ငါးဖမ်းလှေများသို့ ရောင်းစားကြကြောင်း၊ ထိုလှေများသည်ကမ်းသို့ ပြန်မကပ်တော့ဘဲ ပင်လယ်ပြင်တွင် ဖမ်းလို့ရသည့် ငါးများကို တခြား လှေတစ်စီးပေါ်သို့ ပြောင်းကဲ့ယူသွားကြကြောင်း ပင်လယ်ပြင်တွင် နာမကျန်းဖြစ်က ဆေးကုသပေးမှုမရှိဘဲ ပင်လယ်ထဲသို့ ပစ်ချလေ့ရှိကြောင်း သိရသည်။

(၂ဝဝ၉)ခုနှစ်၊ နိုဝင်ဘာလ(၂)ရက်၊ နံနက်စောစောပိုင်းတွင် Chawsanlam အမှတ် (၁) ငါးဖမ်းလှေသည် မဟာချိုင် Palarsaphan ငါးဖမ်းလှေဆိပ်မှ အင်ဒိုနီးရှားပင်လယ် ပြင်တွင် ငါးဖမ်းရာ ဖမ်းမိသည့် ငါးအလေးချိန် အလွန်များကာ လှေမှောက်နစ်မြုပ်သဖြင့် လှေပေါ်ရှိ မြန်မာ အလုပ်သမား၊ ထိုင်းအလုပ်သမား(၁၉)ဦး ပျောက်ဆုံးခဲ့သည်။ ထိုင်းနှစ်ဦး၊ ဗမာနှစ်ဦးနှင့် မွန်တစ်ဦးတို့သာ အသက်ရှင် ကျန်ရစ်သည်။ လှေပိုင်ရှင်မှ ¤င်း၏လှေလည်း ဆုံးရှုံးရသဖြင့် ပျောက်ဆုံးခဲ့သူများ၏ မိသားစုများသို့ ထိုင်းဘတ်ငွေ (၃ဝဝဝဝ)စီ လျော်ကြေးအဖြစ်သာ ပေးခဲ့သည်။
Source : http://www.hanthawaddy.org/2009/12/blog-post_5770.html

ရံပုံငွေအတွက် ပျော်စရာအငြိမ့် ဖျော်ဖြေပွဲ ဂျပန်နိုင်ငံတွင် ပြုလုပ်သွားမည်

မြန်မာ့ဘိန်းထုတ်လုပ်မှု ကြောက်စရာကောင်းလောက်အောင် တိုးပွါးလာဟု ကုလပြော

ဘန်ကောက် (မဇ္ဈိမ) ။ ။ မြန်မာ့ ဘိန်းထုတ်လုပ်မှုသည် ၂၀၀၆ ကတဲကစ၍ ၅၀%နီးပါး မြင့်တက်လာခဲ့သည်ဟု ကုလသမဂ္ဂ မူးယစ်ဆေးဝါးနှင့်ရာဇဝတ်မှုရုံး (UNODC) အစီရင်ခံစာကဆိုသည်။

မြန်မာနိုင်ငံတွင် ဘိန်းစိုက်ပျိုးထုတ်လုပ်မှုသည် ၃ နှစ်ဆက်တိုက် တိုးပွါးလာခဲ့သည်ဟု ကုလသမဂ္ဂ မူးယစ်တိုက်ဖျက်ရေး အေဂျင်စီက ပြောသည်။

`ဘိန်းစိုက်ပျိုးမှုနှင့် ဘိန်းမဲထုတ်လုပ်မှုကို ထိန်းချုပ်ဟန့်တားရန် ယခင်ကြိုးပမ်းခဲ့မှုများသည် ယခုအခါ ပျက်စီးရတော့မည့် အလားအလာကများနေသည်´ ဟု UNODC ရုံး ဒေသဆိုင်ရာ အကြီးအကဲ ဂယ်ရီလူးဝစ္စ (Garry Lewis)က နောက်ဆုံးထုတ်ပြန်လိုက်သော အရှေ့တောင်အာရှ ဘိန်းစိုက်ပျိုးမှု လေ့လာချက်နှစ်ပတ်လည် အစီရင်ခံစာ ထုတ်ပြန်ပွဲတွင် သတင်းထောက်များကို တနင်္လာနေ့က ပြောကြားလိုက်သည်။

`မြောက်ပိုင်းမှာ နိုင်ငံရေးအရ လုံခြုံမှုမရှိတာနဲ့ စီးပွါးရေး ဖိအားတွေရယ်ကြောင့် အခြေအနေကပိုပြီး သိသိသာသာ ဆိုးလာဖို့သာရှိတယ်´ ဟု သူက ဆက်ပြောသည်။

သို့သော် ၁၉၀၀ စုနှစ်များကနှင့် နှိုင်းစာလျှင်မူ မြန်မာနိုင်ငံသည် နာမည်ဆိုးဖြင့် ကျော်ကြားသော ရွှေတြိဂံ၏ အစိတ်အပိုင်းတရပ်အဖြစ် ကမ္ဘာ့အကြီးဆုံး ဘိန်းထုတ်လုပ်သည့် နိုင်ငံအဖြစ်ကမူ အပုံကြီးကွာလှမ်းခဲ့ပြီ ဖြစ်သည်။

လေ့လာချက်အရ မြန်မာနိုင်ငံ မြောက်ပိုင်းတွင် ဘိန်းစိုက်ပျိုးသောမြေမှာ ဟက်တာပေါင်း ၃၁၀၀၀ ရှိပြီး ယင်းသည် ယမန်နှစ်ကနှင့် နှိုင်းစာလျှင် ၁၁% တိုးတက်လာခြင်း ဖြစ်သည်။ ယမန်နှစ်ကနှင့် နှိုင်းစာလျှင် ဘိန်းထုတ်လုပ်မှုသည် မြင့်တက်လာသည်ဟု အစီရင်ခံစာက ဆိုသည်။

`ဘိန်းထုတ်လုပ်မှုက မြင့်တက်လာသည်။ သို့သော်အထွက်နှုန်းမှာမူ ရာသီဥတု မကောင်းသောကြောင့် ကျဆင်းခဲ့သည်´ ဟု လာအိုအခြေစိုက် UNODC ရုံး အခြားနည်းဖွံ့ဖြိုးမှုထိပ်တန်းကျွမ်း ကျင်သူ Leik Boonwaat က မဇ္ဈိမ ကိုပြောသည်။

ယခုအခါ မြန်မာနိုင်ငံတွင် ကျေးရွာသား ၂ သိန်းခန့် ဘိန်းစိုက်ပျိုးနေကြပြီး ယင်းပမာဏသည် အဓိက ဘိန်းစိုက်ပျိုးသူဖြစ်ခဲ့သည့် ဝ' က သူတို့နယ်မြေကို ဘိန်းကင်းစင်သည့် ဒေသအဖြစ်ကြေငြာခဲ့သည့် ၂၀၀၆ ခုနှစ်ကနှင့် နှိုင်းစာလျှင် နှစ်ဆနီးပါးတက်လာခြင်း ဖြစ်သည်။

သူတို့၏ထိုသို့ ကြိုးပမ်းဆောင်ရွက်ခဲ့မှုများအတွက် အဆိုပါကျေးရွာသားများမှာ တနှစ်လျှင် အမေရိကန်ဒေါ် လာ ၁၆၀ မျှသာ ဝင်ငွေရရှိခဲ့ကြသည်။ ယခုအခါ မြန်မာနိုင်ငံတွင် ဘ်ိန်ဈေးနှုန်းမှာ တကီလိုလျှင် ၁၆ ဒေါ်လာဈေး ပိုရလာပြီး တကီလိုလျှင် ၃၁၇ ဒေါ်လာအထိ ဈေးရှိနေသည်။ ထို့ကြောင့် ယခင် ဘိန်းစိုက်တောင်သူများကို ဘိန်းပြန်စိုက်ရန် စီးပွါးရေးအရ မက်လုံးပေးသလို ဖြစ်နေသည်။

`ဒီလို ဘိန်းပြန်စိုက်တဲ့ လယ်သမားတွေက ဝေးလံခေါင်းပါးတဲ့ မြန်မာပြည်မြောက်ပိုင်းဒေသ တွေမှာနေကြတာ။ သူတို့မှာ စားနပ်ရိက္ခာ လိုအပ်ချက်နဲ့ဆေးဝါးလို အခြေခံ လိုအပ်ချက်တွေအတွက် ငွေရဖို့ ဘိန်းစိုက်ဖို့ကလွဲပြီး တခြားရွေးစရာလမ်းသိပ်မရှိဘူး´ ဟု မစ္စတာ Leik က ပြောသည်။

`စီးပွါးရေးဖိအားက ဘိန်းစိုက်တောင်သူတွေကို ဘိန်းပြန်စိုက်အောင် လုပ်တဲ့နေရာမှာ အလွန်အစွမ်းထက်တယ်´ ဟု သူက ပြောသည်။ ဘိန်းအစားထိုး သီးနှံတွေရဲ့ ဈေးနှုန်းတွေက ဒီနှစ်တွေ အတွင်းကျလာသည်။ လွန်ခဲ့သော နှစ်က အစားထိုးသီးနှံ ပြောင်းနှင့်ရာဘာတို့၏ဈေးနှုန်းမှာ ၅၀% နီးပါး ကျဆင်းသွားခဲ့သည်။ အခြားသီးနှံများ အထူးသဖြင့် စီးပွါးဖြစ် သစ်သီးခြံ နှင့် ဆေးရွက်ကြီးတို့မှာ တရုတ်ပြည် ဈေးကွက်အပေါ် မှီခိုနေရသည်။

ကမ္ဘာ့စီးပွါးရေး အကြပ်အတည်းနှင့် ချေးငွေ အကြပ်အတည်းကြောင့် တရုတ်ပြည်ဈေးကွက် ဝယ်လိုအားမှာလည်း သိသိသာသာ ကျဆင်းသွားခဲ့သည်။

`တရုတ်အာဏာပိုင်တွေက ဒီကုန်စည်တွေအပေါ် အခွန်ကောက်ခံနေတုံးဘဲ။ ဒီသီးနှံတွေ စိုက်ပျိုးတဲ့ တောင်သူတွေအတွက် ဆက်ပြီး ရပ်တည်ဖို့ မဖြစ်နိုင်လောက်အောင် ဖြစ်လာတယ်´ ဟု အမည်မဖော်လိုသူ မြန်မာမူးယစ်ဆေးဝါး နှိမ်နင်းရေး ထောက်လှမ်းရေး အရာရှိတဦးက မဇ္ဈိမကို ပြောသည်။

မြန်မာနိုင်ငံရှိ လက်ရှိဘိန်းစိုက်ပျိုးသည့် မြေထက်ဝက်ကျော်မှာ ရှမ်းပြည်နယ်တောင်ပိုင်းတွင် ရှိပြီး ရှမ်းပြည်နယ် အရှေ့ပိုင်းမှာ စုစုပေါင်း ဘိန်းစိုက်ပျိုးမြေ၏ ၄၀% နီးပါးဖြင့် ဒုတိယလိုက်သည်။ ကုလသမဂ္ဂ အစီရင်ခံစာ အဆိုအရ ကချင်နှင့် ကရင်ပြည်နယ်များတွင်လည်း ဘိန်းစိုက်ပျိုးမြေ အနည်းငယ် တိုးတက်လာခဲ့သည်ဟု ဆိုသည်။ သို့သော် ဝ'နှင့် ကိုးကန့်ဒေသများတွင် ဘိန်းစိုက်ပျိုးမှု တိုးတက်လာခဲ့သည်ဟူသော မှတ်တမ်းများမတွေ့ရဟု မစ္စတာလူးဝစ်စ်က မဇ္ဈိမကို ပြောသည်။

သို့သော်မြန်မာနိုင်ငံမြောက်ပိုင်း အထူးသဖြင့် တရုတ်မြန်မာနယ်စပ်တလျှောက်တွင် နိုင်ငံရေးအရ မတည်ငြိမ်မှုများ ရှိနေခြင်းကြောင့်လည်းကောင်း၊ မြန်မာအစိုးရက တိုင်းရင်းသား သူပုန်တပ်ဖွဲ့များကို ယခုနှစ်မကုန်မီ လက်နက်ချရန် တောင်းဆိုခဲ့ခြင်းကြောင့် ယင်းတို့အကြား စိုးရိမ်ပူပန်မှုများ ပေါ်ပေါက်လာနေပြီး သူတို့၏အနာဂါတ်အတွက် မရေရာမှုများ ပေါ်ထွက်ခဲ့သည်ဟု ကုလ အဖွဲ့ကပြောသည်။

`အပစ်ရပ်အဖွဲ့များဖြစ်သော တိုင်းရင်းသား ကိုယ်ပိုင်အုပ်ချုပ်ခွင့်ရ လက်နက်ကိုင် အဖွဲ့များဖြစ်သော ဝ'နှင့် ကချင်တို့က လက်နက်ဝယ်ဖို့ မူးယစ်ဆေးဝါးတွေကို ရောင်းချနေကြတယ်။ သိုလှောင်ထားတဲ့ မူးယစ်ဆေးဝါးတွေကို ရှာမတွေ့အောင် နေရာရွှေ့ပြောင်းတာတွေ လုပ်နေကြတယ်´ဟု သြစတြေးလျားနိုင်ငံမြို့တော် ဗီယင်နာ အခြေစိုက် ကုလ မူးယစ်ဆေးဝါး အေဂျင်စီ အကြီးအကဲ အန်တိုနီယိုမာရီယာ (Antonio Maria) က သူတို့အဖွဲ့၏ နောက်ဆုံး အစီရင်ခံစာကို ထုတ်ဝေဖြန့်ချိသည့် သတင်းစာရှင်းလင်းပွဲတွင် ပြောကြားသည်။

သို့သော် ကုလကိုယ်တိုင်ပြုလုပ်သည့် ဘိန်းလေ့လာချက်တရပ်ကမူ ဤကောက်ချက်ချမှုကို ထောက်ခံသည့် ပြောဆိုမှုများမရှိပါ။ အနောက်တိုင်း မူးယစ်နှိမ်နင်းရေးအရာရှိများကမူ ဤကိစ္စအလို့ငှါ မက်တာအက်ဖီတမင်း ဆေးဝါးများကို ပို၍သုံးဖွယ်ရှိသည်ဟုဆိုသည်။

ကုလအေဂျင်စီ က ဤဒေသသည် ကမ္ဘာ့အကြီးဆုံး အက်ဖီတမင်း (amphetamines) ကဲ့သို့သော လူလုပ် မူးယစ်ဆေးဝါးများကို ကမ္ဘာပေါ်တွင် အများဆုံးထုတ်လုပ်သည့် နေရာဖြစ်လာသည်ဟု မကြာမီက သတိပေး ပြောကြားခဲ့သည်။ ဤဒေသတွင် မြန်မာနိုင်ငံသည် အဓိကထုတ်လုပ်သူ နိုင်ငံတနိုင်ငံ ဖြစ်သည်။

`လုံခြုံမှုနှင့် တည်ငြိမ်မှုသည် ဘိန်းစိုက်ပျိုးမှု ပပျောက်ရေးအတွက် မရှိမဖြစ် ကနဦး လိုအပ်ချက်များဖြစ်သည် ဆိုသည်ကို သမိုင်းက ပြသခဲ့ပြီး ဖြစ်သည်´ ဟု Mr. Leik က မဇ္ဈိမ ကိုပြောသည်။

ထို့ကြောင့် နိုင်ငံရေးအရ မသေချာမရေရာမှု အခြေအနေများသည် တောင်သူများအား ဘိန်းပြန်စိုက်အောင် စီးပွါးရေးအရ ဖိအားများကို တွန်းလှန်ရာတွင် မလွယ်ကူသည့် အနေအထားသို့ ရောက်နေသည်။ `တောင်သူတွေဟာ အတော်ဒုက္ခရောက်နေကြတာ၊ ဒါကြောင့် ဘိန်းပြန်စိုက် ကုန်ကြတာ´ ဟု သူက ပြောသည်။

မြန်မာအစိုးရကြောင့်လည်း ဤသို့မလွယ်သည့် အခြေရောက်ရသည် ဆိုသည်ကိုလည်း သူက သဘောတူသည်။

အဆိုပြုတင်ပြခဲ့သော စီမံကိန်းပေါင်းများစွာမှာ ၂၀၁၀ ခုနှစ်အတွင်း ရွေးကောက်ပွဲများ ကျင်းပရန်ရှိနေသည့်အတွက် ပယ်ချခြင်းသော်လည်းကောင်း၊ ဆိုင်းငံ့ထားခြင်းသော်လည်းကောင်း ခံခဲ့ရသည်ဟု သူက ဆက်လက်ပြောဆိုသည်။

မဇ္ဈိမသတင်းဌာနမှ ကူးယူဖော်ပြသည်။

ဗိုလ်ချုပ်မှူးကြီး ကိုယ်ရံတော်အထူးတပ်ဖွဲ့ ထူထောင်ထား

အံ့ဘုန်းမြတ် (DVB) | နအဖအကြီးအကဲ ဗိုလ်ချုပ်မှူးကြီးသန်းရွှေက သက်တော်စောင့်အထူးတပ်ဖွဲ့ကို ထူထောင်ထားပါတယ်။ ဒီအထူးတပ်ဖွဲ့ကို လွန်ခဲ့တဲ့ ၁၅ နှစ်ကျော်ကတည်းက စစ်ပညာသင်ပေးခဲ့တဲ့ ကလေးစစ်သားတွေနဲ့ ဖွဲ့စည်းထားတာလို့ တပ်မတော်အဆင့်မြင့်အရာရှိအသိုက်အ၀န်းနဲ့ နီးစပ်တဲ့ပုဂ္ဂိုလ် တချို့က ပြောပါတယ်။
APM-SPERICAL ARMY-12122009 by ahuntphonemyat
လာမယ့် ၂၀၁၀ ရွေးကောက်ပွဲနောက်ပိုင်း လွှတ်တော်နဲ့ တပ်မတော်ကို ဗိုလ်ချုပ်မှူးကြီးက ကြိုးကိုင်ရာမှာ အထောက်အကူဖြစ်စေဖို ဒီလိုဖွဲ့စည်းထူထောင်ထားတာလို့ ဆိုပါတယ်။ ဒီတပ်ဖွဲ့အတွက် နအဖစစ်တပ် ထိုးစစ်ဆင်ခဲ့တဲ့ ကရင်ပြည်နယ်နဲ့ ရှမ်းပြည်နယ်က တိုက်ပွဲတွေကြောင့် မိဘဆုံးရတဲ့ တိုင်းရင်းသားကလေး ငယ်တွေကို လွန်ခဲ့တဲ့ ၁၅ နှစ်လောက်ကတည်းက စပြီးရွေးချယ် စုဆောင်းခဲ့တာလို့လည်း သူတို့က ပြောပါတယ်။

ဒီကလေးတွေကို ပဲခူးတိုင်း၊ အုတ်တွင်းမြို့နားက တိုင်းဗဟို ၆ လေ့ကျင့်ရေးစခန်း၊ ရန်ကုန်တိုင်း ရဲမွန်လေ့ကျင့်စခန်းနဲ့ ဒီ့ပြင် လျှို့ဝှက်လေ့ကျင့်ရေးစခန်းတွေမှာ စခန်းသွင်းစစ်ပညာတွေသင်ပေးခဲ့ပြီး အထူးတပ်ဖွဲ့အနေနဲ့ ပြုစုပျိုးထောင်ခဲ့တာလို့ တပ်မတော်အဆင့်မြင့်အရာရှိကြီးတွေနဲ့နီးစပ်တဲ့ ပုဂ္ဂိုလ်တဦးက ပြောပါတယ်။

“မိဘမဲ့လိုဟာမျိုးတွေ နေရာပေါင်းစုံကနေပြီးတော့ စုဆောင်းထားတဲ့ဟာတွေက တော်တော် ကြီးနေပြီ၊ သုံးလို့ ကိုင်လို့ ရနေပြီလေ။ ဘယ်သူမှ ပြောလို့မှ သိပ်အရာမ၀င်ဘူး။ သူပြောမှ ပြီးတဲ့ကိစလေ။ အဲဒါမျိုး ထားတာဗျ၊ ထရိန်နီက ရိုးရိုးတပ်မတော်စစ်သားစုဆောင်းရေးထက် အများကြီးသာတယ်။ လက်နက် ပစည်းကိရိယာအစုံအလင်နဲ့ တကယ့်အဆင့်မြင့်ထရိန်နင်တွေဘာတွေ ပေးတယ်။”

ကလေးစစ်သားတွေအရေး အိုင်အယ်အို (နိုင်ငံတကာအလုပ်သမားအဖွဲ့ချုပ်) ကို တိုင်းကြားရာမှာ ကူညီဖြေရှင်းပေးနေတဲ့ လမ်းပြကြယ် ဦးအေးမြင့်ကလည်း ဗိုလ်ချုပ်မှူးကြီးဟာ အထူးသက်တော် စောင့်တပ်ဖွဲ့ကို ထူထောင်ထားတာဟာ လက်ရှိနိုင်ငံရေးအခြေအနေကြောင့် ဖြစ်မယ်လို့ သုံးသပ်ပါတယ်။

“ဗိုလ်ချုပ် ဗိုလ်မှူးတွေကလည်း တယောက်ကိုတယောက် ယုံကြည်မှုရရှိတယ်ဆိုတဲ့အဆင့် မရရှိတဲ့အတွက် ကလေးတွေကိုမွေးတယ်။ ကိုယ်ပိုင် မိသားစုစစ်တပ်သဖွယ် အခုလို အဆင့်မြင့်တိုင်းဗဟို ၆ လို နီးစပ်ရာကလေးတွေ မွေးစားပြီး အရွယ်ရောက်လာတဲ့အခါ သူတို့ကို စောင့်ရှောက်ဖို့အတွက် စစ်သားတွေ မွေးယူတယ်လို့ ယူဆလို့ရတယ်၊ ဟုတ်လည်းဟုတ်နေပါတယ်။”

ကလေးပျောက်ဆုံးမှုတွေမှာ လိုက်ပြီးစုံစမ်းတဲ့အခါ စစ်သားစုဆောင်းရေးနဲ့ လေ့ကျင့်ရေးစခန်းတွေကို မရောက်ဘဲ လမ်းမှာပျောက်ဆုံးသွား မှုတွေ ရှိနေတယ်လို့လည်း ဦးအေးမြင့်ကပြောပါတယ်။

“ဒီကလေးမျိုးတွေဟာ မိသားစုကို ကာကွယ်မယ့်၊ မိသားစုတပ် ဖြစ်ဖို့အတွက် ဆောင်ရွက်နေတဲ့ တပ်တနေရာရာမှာတော့ ရှိတယ်လို့ ယူဆလို့ရတယ်။”

မြန်မာစစ်ဥပဒေမှာ အသက် ၁၈ ပြည့်ပြီး မိဘအုပ်ထိန်းသူရဲ့ ခွင့်ပြုချက်ရမှ စစ်မှုထမ်းခွင့်ရှိတယ်လို့ ပြဌာန်းထားပေမယ့် လက်တွေ့မှာတော့ တပ်မတော်အကြီးအကဲတွေကိုယ်က ဒီဥပဒေကို မလိုက်နာတာ တွေ့ရတယ်လို့ ဦးအေးမြင့်ကပြောပါတယ်။

နိုင်ငံတကာလူ့အခွင့်အရေးစောင့်ကြည့်လေ့လာရေးအဖွဲ့ (Human Right Watch ) ရဲ့ စာရင်းတွေအရ မြန်မာနိုင်ငံမှာ ကလေးစစ်သား ၇၀၀၀၀ လောက် ရှိနေပြီး ရန်ကုန်အခြေစိုက် အိုင်အယ်အိုရုံးကို ၂၀၀၇ ဖေဖော်ဝါရီကနေ အခုအထိ တရားဝင်တိုင်ကြားလာတဲ့ ကလေးစစ်သား အမှုပေါင်းကတော့ ၁၀၂ မှုရှိနေပါတယ်။

Source : http://burmese.dvb.no/news.php?id=9263
http://www.dawnmanhon.com/2009/12/blog-post_6821.html

၂၀၁၀ ရွေးကောက်ပွဲ နှင့် ပတ်သက်ပြီး ကိုမိုးသီးဇွန် ၏ ပြောကြားချက်

၁၉၈၈ ခုနစ် မှာ နိုင်ငံရေး အခြေ အနေ က လူထု တွေက အပြောင်း အလဲ ကိုလို လားနေ ကြပါတယ်။ ဆိုရှယ်လစ် စနစ် နဲ့  တိုင်းပြည်ကို တံခါး ပိတ်ထား ပါတယ်။ အဲဒီ အချိန်တွင် တိုးတက် ပြောင်းလဲ မှုကို လိုလား သော လူငယ် တွေက တိုင်းပြည် ကို ပိုမို ပွင့် လင်း တဲ့ စနစ်ကို သွားချင် နေကြပါတယ်။ ဒီအချိန်မှာ မဆလ အစိုးရက စီးပွားရေး နိုင်ငံရေး လူမှုရေး ပညာရေး တွေက အစ အဖက်ဖက်က ယိုယွင်း ပျက်ဆီး နေခဲ့ တဲ့ အချိန် လဲ ဖြစ်ပါတယ်။ ထိုအချိန်မှာ မဆလ အစိုးရ မှ ငွေစက္ကူ တွေကို တရား မ၀င် ဖျက်သိမ်း လိုက်ပါတယ်။ အဲဒီလို ဖျက်သိမ်း လိုက်တာ ကို လူထု နဲ့  ကျောင်းသား တွေက မခံ နိုင်ခဲ့ ပါဘူး။ ထိုအချိန် မှာ ကိုဘုန်းမော် ရုတ်တရက် အသတ်ခံရတဲ့ ကိစ္စကို အကြောင်း ပြုပြီး ကျောင်းသား လှုပ်ရှားမှု တွေက တက္ကသိုလ် တွေမှာ ဖြစ်လာ ပါတယ်။ ဒီကျောင်းသား လှုပ်ရှား မှုတွေ မှ စတင် ဦးဆောင် ပါဝင်ခဲ့ကာ နိုင်ငံရေး လောကထဲကို ရောက်လာ ခဲ့ပြီး ယနေ့တိုင် စစ်အစိုးရအား တိုက်ပွဲ ၀င်နေတဲ့ ကိုမိုးသီးဇွန် မှ စစ်အစိုးရမှ ပြုလုပ်မဲ့ ၂၀၁၀ ရွေးကောက်ပွဲ နှင့် ပတ်သက်ပြီး ပြောကြားချက် -

ကိုမိုးသီးဇွန် - နအဖ က ခုထိသွားနေတဲ့ အခင်းအကျင်း အရတော့ ၂၀၁၀ ရွေးကောက်ပွဲ ကိုတော့ လက်မခံနိုင်ဘူး။ တရားမျှတတဲ့ရွေးကောက်ပွဲ ဖြစ်လာမယ်လို့ မယူ ဆဘူး။ ဘာဖြစ်လို့လည်း ဆိုတော့ သူတို့က ၂၀၀၈ အခြေခံ ဥပဒေ အပေါ်မှာ အခြေခံ ထားတယ်။ ဒီဥပဒေက ဒီမိုကရေစီကို ဦးမတည်ပဲ စစ်တပ် ကို ထာဝရ အာဏာ ပေးထားတဲ့ဥပဒေ ဖြစ်နေလို့ပါ။ စစ်တပ်က ရွေးကောက်ပွဲ မလုပ်ရသေးဘူး တရားဝင် အာဏာသိမ်းထားပြီးပြီ ဖြစ်ပါတယ်။ သူတို့ ကတော့ရွေးကောက်ပွဲကို ဖြစ်အောင်လုပ်ချင် လုပ်မှာပါ။ ဘာဖြစ်လို့လည်း ဆိုတော့ ရွေးကောက်ပွဲကနေ တရားဝင်မှု ရလာမယ်လို့ ယူဆ နေတယ်။ နအဖက ဒီနေ့ မြန်မာ ပြည်မှာ ဖြစ်နေတဲ့ နိုင်ငံရေး ပြဿနာတွေက တရားဝင်မှု အကြပ် အတည်း - legatimatie Crisis လို့ ယူဆတယ်။

ဒါကြောင့် ရွေးကောက်ပွဲ ကို ဘယ်လိုပဲ လိမ်လိမ် ရလဒ် ထွက်လာရင် ဒီနေ့ ဖြစ်နေတဲ့ ပြဿနာတွေ အားလုံး ကျော်လွား နိုင်မယ်လို့ ယူဆနေတယ်။ ဒါမှားတယ်။ အခုလည်းသူတို့ဟာ အာဏာ ရနေတာပဲ။ သူတို့ အကျပ် အတည်းကို မကျော်လွား နိုင်ပါဘူး။ သူတို့စီးပွားရေး ပိတ်ဆို့တာ၊ ဗီဇာတွေ ကန့်သတ် ခံထား ရတာ တွေကို သူတို့  မဖြေရှင်း နိုင်ဘူး။ ဒီနေ စီးပွားရေး မဟာ အကြပ်ဆိုက် မှုကို မဖြေရှင်း နိုင်ဘူး။ ဒါဟာ ရွေးကောက်ပွဲ လုပ်ရုံနဲ့ မပြီးဘူး ဆိုတာကို ပြနေပါတယ်။


ရွေးကောက်ပွဲဟာ ဒီမိုကရေစီရဲ့  နည်းလမ်း တခု ဆိုတာကို လက်ခံ ပါတယ်။ ဒါပေမဲ့ နအဖ ရွေးကောက်ပွဲက ဒီနေ့ မြန်မာ နိုင်ငံရေးရဲ့ အဓိက ဇတ်ကောင်တွေ ဖြစ်တဲ့ ဒီချုပ်တို့ တိုင်းရင်းသား အဖွဲ့တွေကို ဘေးထုတ် ထားတာ မရိုးသားမှု ဖြစ်ပါတယ်။ ဒါကို ရွေးကောက်ပွဲ ၀င်မဲ့ ပါတီတွေ သတိပြု သင့်တယ်။ အသုံးချ မခံစေ ချင်ဘူး။ ပါလီမန် ၊ ရွေးကောက် ပွဲကြောင့် အပြောင်း လဲတို့ ဖြစ်လာ မဟုတ်ပါဘူး။


ကျွန်တော် နောက်ဆုံး ပြောချင် တာကတော့ အလှည့် အပြောင်း တခု ဖြစ်လာ လိမ့်မယ်။ ဒီလို ပြောင်းလဲ မှုကို ဗိုလ်ချုပ်သန်းရွေက လုပ်ကို လုပ်လာ ရလိမ့်မယ်။ ဒါကိုသူမလုပ်ပဲ နေရင်တော့ သူကိုနိုင်ငံရေး လှိုင်းတပိုးက ရိုက်ပုတ် ချသွား မှာပါ။ ဦးနေ၀င်း ၊ ဦးစိန်လွင်၊ဒေါက်တာမောင်မောင်၊ ဗိုလ်ချုပ်ခင်ညွန့် တို့ ဟာ သက်သေပါ။


ဒီလို ဖြစ်လာမဲ့ရက်က မဝေးတော့ဘူး။ ကျောင်းသားတွေ ၊ ပြည်သူတွေ အဆင်သင့် ရှိဖို့ လိုတယ်။ အခွင့်ကောင်း ကို ဆုပ်ကိုင် တတ်ဖို့ လိုတယ်။ ပွဲသိမ်း တိုက်ပွဲက မဝေးတော့ ပါဘူးလို့ ကျွန်တော် ပြောချင် ပါတယ်။
http://www.hanthawaddy.org/ မှကူးယူဖော်ပြသည်။

မတရားစီရင်ချက်ချခံခဲ့ရသည့် ဒေါ်အောင်ဆန်းစုကြည်လွတ်မြောက်ရေးအတွက် ဂျပန်နိုင်ငံခြားရေးရုံးရှေ့တွင် တောင်းဆိုဆန္ဒပြ

ဂျပန်ရောက် မြန်မာ့ဒီမိုကရေစီအင်အားစုများဦးဆောင်၍ ဒီဇင်ဘာ ၁၁ ရက်နေ့က ဂျပန်နိုင်ငံခြားရေးရုံးရှေ့တွင် ညနေ ၃ နာရီမှ ၄ နာရီအထိ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများလွတ်မြောက်ရန်နှင့် မြန်မာ့ဒီမိုကရေစီအရေး၊ ၂၀၁၀ ရွေးကောက်ပွဲနှင့်ပတ်သက်၍ ဂျပန်အစိုးရမှ ပြတ်ပြတ်သားသား ဆောင်ရွက်ရန်အတွက် တောင်းဆိုဆန္ဒပြခဲ့ကြပါသည်။

လူထုခေါင်းဆောင်ဒေါ်အောင်ဆန်းစုကြည်ကို နအဖစစ်အုပ်စုမှ နေအိမ်အတွင်း အမေရိကန်နိုင်ငံသားတစ်ဦး ၀င်ရောက်မှုဖြင့် သြဂုတ်လ ၁၁ ရက်နေ့က နေအိမ်အကျယ်ချုပ် ၁ နှစ်ခွဲ ချမှတ်ခဲ့သည်။ ထိုစဉ်ကတည်းက ဂျပန်ရောက် မြန်မာ့ဒီမိုသမားများက သံရုံးရှေ့တွင် ကန့်ကွက်ဆန္ဒပြခဲ့ကြပြီး၊ ဒုတိယလ(၁၁)ရက်နေ့တွင် ဂျပန်နိုင်ငံရှိ ကုလအဆောက်အဦရှေ့သို့ တောင်းဆိုချီတက်ဆန္ဒပြခြင်း၊ တတိယလတွင် ဂျပန်လွှတ်တော်ရှေ့ ၌ တောင်းဆိုဆန္ဒပြခြင်းများ ပြုလုပ်ခဲ့ကြသည်။
ဆက်လက်၍ လစဉ်(၁၁)ရက်နေ့တိုင်း တောင်းဆိုဆန္ဒပြပွဲများပြုလုပ်သွားမည်ဟုလည်း သိရှိရပါသည်။
(နန်းအိမွန်ချစ်)

သံဃာ့အရေးကျယ်ကျယ်ပြန့်ပြန့် ဆောင်ရွက်နိုင်ရန်အတွက် အပြည်ပြည်ဆိုင်ရာ သံဃာ့ရုံးခန်း တိုကျိုတွင်ဖွင့်လှစ်

ဖြိုးဝေ-mmp | သံဃာ့တော်များနှင့်သက်ဆိုင် သော အရေးကိစ္စအဝဝကို ဂျပန်နိုင်ငံတွင် ကျယ်ကျယ်ပြန့်ပြန့်လုပ် ဆောင်နိုင်ရန်အတွက် တိုကျိုမြို့၊ ဆုဂါမို (Sugamo) ဘူတာအနီးတွင် အပြည်ပြည်ဆိုင်ရာ သံဃာ့ရုံးခန်း (International Sangha Office-Japan) ကို ဖွင့်လှစ်ထားရှိလိုက် ပြီဖြစ်ကြောင်း သတင်းရရှိသည်။

အဆိုပါအပြည်ပြည်ဆိုင်ရာ သံဃာ့ရုံးခန်းအား ယိုးဒယာနိုင်ငံမှ ၂ဝဝ၉ ခုနှစ်၊ သြဂုတ်လတွင် ဂျပန် နိုင်ငံသို့ ကြွရောက်လာသော ဆရာတော်ဦးဓမ္မဇောတိမှ သံဃာ့ကိုယ်စားလှယ်အဖြစ် လက်ရှိ တာဝန်ယူဆောင်ရွက်ပေးနေလျက်ရှိသည်။

အပြည်ပြည်ဆိုင်ရာသံဃာ့ရုံးခန်း ဖွင့်ပွဲအခမ်းအနားကို နိုဝင်ဘာလ၊ (၂၁)ရက်နေ့တွင် ဆရာတော်ဦး ဓမ္မဇောတိနှင့်အတူ နယူးဇီလန်နှင့် အင်္ဂလန်တို့မှ ကြွရောက်လာကြသော ဆရာတော်များအပါအဝင် စုစုပေါင်းသံဃာတော်(၅)ပါးဖြင့် ဖွင့်လှစ်ခဲ့ခြင်းဖြစ်ကြောင်း အရှင်ဓမ္မဇောတိမှမိန့်ဆိုသည်။

''သံဃာအရေးကိစ္စတွေကို ဂျပန်မှာလည်း ကျယ်ကျယ်ပြန့်ပြန့် လုပ်ဆောင်ဖို့လိုအပ်တယ်လေ။ နောက်ပြီး သာသနာ့ဥသျှောင်ကဲ့ သို့ နိုင်ငံတကာနဲ့ဆက်သွယ်မှုတွေ လိုလာမယ်ဆိုရင် ဒီမှာဖြစ်သင့် တယ်၊ ရှိသင့်တယ်လို့ ဘုန်းဘုန်း အနေနဲ့လည်း ယူဆမိပါတယ်။ အဲ့ဒီ့အတွက်ကြောင့် ဒီမှာ(ဂျပန်) အပြည်ပြည်ဆိုင်ရာသံဃာ့ရုံးခန်း ကို ဖွင့်လှစ်ရခြင်းဖြစ်တယ်...''ဟု ဆရာတော်ဦးဓမ္မဇောတိမှ ဆက်လက်မိန့်ကြားသည်။

ဆရာတော်ဦးဓမ္မဇောတိသည် ၂ဝဝ၇ ခုနှစ် သံဃာသပိတ်တွင် ပြည်တွင်းသံဃာ့တပ်ပေါင်းစုအဖွဲ့၌ စည်းရုံးရေးမှူး တာဝန်ဆောင်ရွက်ခဲ့သည်။

လွတ်လပ်စွာလုပ်ကိုင်ခွင့်ရသော အင်္ဂလန်၊ အမေရိကန်နှင့် အခြား နိုင်ငံများတွင်ထားရှိသော သာသနာ့ဥသျှောင် ရုံးခန်းခွဲများ ထားရှိသကဲ့သို့ ဂျပန်နိုင်ငံတွင် ထားရှိစေလိုကြောင်း၊ ယခုအပြည်ပြည်ဆိုင်ရာ သံဃာ့ရုံးခန်းကိုလည်း နောက်ပိုင်းတွင် သာသနာ့ဥသျှောင် ဆရာတော်ကြီးများ၏ မိန့်ကြားချက်များ နှင့်အညီ နိုင်ငံတကာနည်းတူ ဖွင့်လှစ်နိုင်အောင်ကြိုး ပမ်းဆောင်ရွက် သွားကြမည် ဖြစ်ကြောင်းသိရသည်။

ယခုဖွင့်လှစ်ထားသည့် အပြည်ပြည်ဆိုင်ရာသံဃာ့ရုံးခန်းကို 'Itabashi'တွင်ရှိနေသာ 'မြန်မာ ယဉ်ကျေးမှုနှင့်လူမှုရေးအရေး (MCWA)'အမည်နှင့်တည်ရှိသည့် ဘုန်းကြီးကျောင်းနှင့်ခွဲထွက်ကာ စင်ပြိုင်ဖွင့်လှစ်ခြင်းမဟုတ်ကြောင်း သိရသည်။

'Itabashiမှာဖွင့်ထားတဲ့ မြန်မာဘုန်းကြီးကျောင်းကြီးလည်း ရှိပါတယ်။ သို့ပေမယ့် သံဃာ့အရေး၊ နိုင်ငံရေးနှင့် ဆက်စပ်တဲ့ကိစ္စတွေမှာ အခက်အခဲတွေအများကြီးရှိပါတယ်။ အဲ့ဒီ့အခက်အခဲတွေကို ပြေလည် စေချင်တဲ့အပိုင်းလည်းပါ,ပါတယ်။ နောက်ပြီးသံဃာ့အရေးကိစ္စဆောင် ရွက်နေတဲ့ ဆရာတော်သံဃာတော် တွေ ဂျပန်ကိုကြွလာတဲ့အခါမျိုးမှာ တည်းခိုဖို့အခက်အခဲလည်းမဖြစ် တော့ဘူးပေါ့...''ဟု ယခုလိုမိန့် ဆိုသည်။

သံဃာ့ရုံးခန်းဖြစ်မြောက်ဖို့အတွက် ဂျပန်နိုင်ငံရှိ မြန်မာတကာ/ တကာမတချို့မှ ဝိုင်းဝန်းဆောင်ရွက်ခဲ့ခြင်း ဖြစ်ကြောင်းလည်းသိရသည်။

ဆရာတော်မှဆက်လက်၍ 'သံဃာနှင့်ဒကာ'ဆိုသည်မှာ ''သာဂါရာ အနာဂါရာစ ဥဘောအညေါ ည နိဿိတာ''ဆိုသည့် တရား တော်အတိုင်း ''ကိုင်းကျွန်းမှီ ကျွန်းကိုင်မှီ''ဆိုသလို အပြန်အလှန် အမှီ သဟဲပြုနေကြတာဖြစ်ကြောင်း မှတ်သားဖွယ်မိန့်ကြားခဲ့သည်။

အပြည်ပြည်ဆိုင်ရာသံဃာ့ရုံးခန်း ကိုဆက်သွယ်လိုပါက-

T၁၇ဝ-ဝဝဝ၂

ROOM - 501, TOKYO, TOSHIMA-KU, SUGAMO DEAR PLAZA, 3-24-5

(ဆရာတော်ဦးဓမ္မဇောတိ)

ဖုန်း - ဝ၈ဝ-၃၂၅ဝ-၆၇၁၂

မေးလ်လိပ်စာ - iso.jpb@gmail.com
iso.jp2009@gmail.com

သို့လည်းကောင်း၊ လက်ရှိ ကူညီဆောင်ရွက်ပေးနေသော ဒကာဒကာမများကို လည်းကောင်း ဆက်သွယ်နိုင်ကြောင်း သိရပါသည်။

ဖုန်းနံပါတ်များမှာ -

ဝ၉ဝ-၉၉၇၂-၆ဝဝ၁၊ ဝ၈ဝ-၃၃၈ဝ-၅၈၄၇၊ ဝ၈ဝ-၃၁၂ဝ-၉ဝ၈၄၊ ဝ၉ဝ-၁၆၉၅-၂၄၅၅၊ ဝ၉ဝ-၄၈၄၄-၇ဝ၉၂၊ ဝ၈ဝ-၃ဝ၂၆-၁၆၁ဝ၊ ဝ၈ဝ-၅၃၇၃-၂၅၂၄ စသည့်ဖုန်းနံပါတ်များသို့ ဆက်သွယ်မေးမြန်းနိုင်ကြောင်း သိရပါသည်။