鳩山 မစ္စတာ ဟတိုးယာမ ၀န်ကြီးချုပ်ဖြစ်လာရန် ၇၅ ရာခိုင်နှုန်း သေချာနေပြီ

ဝန်ကြီးချုပ်သစ် ဖြစ်လာဖို့ အလားအလာများနေတဲ့ အသက်၆၂နှစ်အရွယ် မစ္စတာ ဟတိုးယာမသည် ၄င်း၏အဖိုးဖြစ်သူ ၀န်ကြီးချုပ်ဟောင်း အီချီရို ဟတိုးယာမ ဟာ ၁၉၅၅ ခုနှစ်ကတည်းက တောက်လျှောက် ဂျပန်ကို အုပ်ချုပ်လာတဲ့ Liberal Democratic ပါတီကို တည်ထောင်နိုင်ရေး ကြိုးပမ်းခဲ့သူ တဦးဖြစ်ပါသည်။ ထိုမျိုးရိုးမှ ဆင်းသက်လာခဲ့သူဖြစ်ပြီး သူကိုယ်တိုင်ကလည်း Liberal Democratic ယခင်ကပါတီတွင်ပါဝင်ခဲ့ဖူးကြောင်း၊ လွှတ်တော်အမတ်များထဲတွင် ငွေကြေးအရ အများဆုံးပိုင်ဆိုင်ထားသူ တစ်ဦးလည်းဖြစ်ကြောင်းသိရပါသည်။

မစ္စတာ ဟတိုးယာမသည် လက်ရှိအနေအထားအရ ဂျပန်ဝန်ကြီးချုပ် တာရို အာဆိုက စီးပွားရေးပြုပြင်ပြောင်းလဲမှုတွေ ပြီးဆုံးအောင်လုပ်ဖို့အတွက် သူ့ရဲ့ ပါတီကို အချိန်ပိုပေးဖို့ မဲပေးသူတွေကို တောင်းဆိုထားသော်လည်း ဂျပန်နိုင်ငံရဲ့ ၀န်ကြီးချုပ် ဖြစ်လာရန် ၇၅ ရာခိုင်နှုန်း သေချာနေပြီဖြစ်ပါသည်။ ပညာတက်တစ်ဦးပီသစွာပင် အပြောအလွန်ကောင်းလှပါသည်။

ဒီပဲယင်းအရေးအခင်း ၇၅ လမြောက် ဝမ်းနည်းခြင်းအထိမ်းအမှတ် ဆန္ဒပြပွဲ

ယနေ့ နေ့လည် ၃နာရီမှ ၄နာရီအထိ ဂျပန်နိုင်ငံတိုကျိုမြို့ရှိနာဂါဝါမြို့နယ် နအဖ စစ်အခွန်ရုံးရှေ့တွင် အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) ဂျပန်ဌာနခွဲမှဦးဆောင်ကာ ဒီပဲယင်းအရေးအခင်း ၇၅ လမြောက်အထိမ်းအမှတ် ဆန္ဒပြပွဲ အခမ်းအနားကျင်းပခဲ့ပါသည်။ ဆန္ဒပြပွဲသို့ဂျပန်နိုင်ငံရောက် မြန်မာ့ဒီမိုကရေစီ အင်အားစုများ စုစုပေါင်းအင်အား ၁၃၀ ခန့် ပါဝင်ပူးပေါင်းခဲ့ကြပါသည်။ ယနေ့တနင်္ဂနွေနေ့ ဂျပန်ပြည်သူများ အလုပ်အနားယူရက်ဖြစ်နေခြင်းကြောင့် အများပြည်သူများကိုနှောက်ယှက်ရာမကျစေရန် ငြိမ်သက်အေးချမ်းစွာ ဆန္ဒပြခဲ့ကြပါသည်။ နောက်နေ့တွင်လည်း နေ့လည် ၃နာရီမှ ၄နာရီအချိန် နအဖအခွန်ရုံးရှေ့တွင်ဆန္ဒပြပါမည်။ မြန်မာနိုင်ငံတွင်ဖြစ်ပွားနေသော နအဖစစ်တပ်နှင့် မြန်မာလူမျိုးစုများဒီမိုကရေစီ မဟာမိတ်တပ်ပေါင်းစု (MYANMAR NATIONAL DEMOCRACY ALLIANCE ARMY) `MNDAA` တိုက်ပွဲ ဖြစ်ပွားမှုနှင့်ပတ်သက်၍ စစ်အစိုးရ၏လုပ်ရပ်ကို ကန့်ကွက်ရှုတ်ချရန် ဆန္ဒပြမည်ဟုသိရှိရပါသည်။ ဤပွဲသို့လည်း မြန်မာ့ဒီမိုကရေစီအင်အားစုများမှ ပါဝင်ပူးပေါင်းကြပါရန် လေးစားစွာဖြင့် ဖိတ်ကြားအပ်ပါသည်။
ပေးပို့သူ - ကိုစိုးအောင်ဝင်း

ကျောင်းသားသမဂ္ဂ၏ သမိုင်းဝင် ဒေါင်းအလံများအား ခိုးယူသုံးစွဲနေ

မကွေးတိုင်း၊ ပခုက္ကခရိုင် အတွင်း နအဖ ရဲ့ ဘက်တော်သားများက အမျိ်ုးသားဒီမိုကရေစီအဖွဲ့ ချုပ်၏ တရားဝင် အမှတ်တံဆိပ် အမှတ်အသားတခုနှင့် မြန်မာနိုင်ငံလုံးဆိုင်ရာ ကျောင်းသားသမဂ္ဂ အလံ နှစ်ခု တို့ အား အလွဲသုံးစားလုပ် ဘမ်းပြ၍ “ ပြည်ထောင်စုမြန်မာနိုင်ငံအမျိုးသားနိုင်ငံရေး အဖွဲ့ ချုပ် “ဟု ဆိုကာ ရုံးခန်းဖွင့် လှစ်ခြင်း ၊ အစည်းအဝေး ခေါ်ယူခြင်းများကို ပြည်သူလူထုသို့  တရားဝင်ပါတီများ ဖွဲ့ စည်းခွင့် နှင့် ဆိုင်းဘုတ် တင်ခွင့် ရှိပြီ ဖြစ်ကြောင်း တရားဝင် မကြေငြာပါဘဲ နှင့်  ယခုကဲံသို့  မြို့ လည် ခေါင်တွင် ဗြောင်ကျကျ လုပ်ဆောင်လျှက် ရှိနေပါတယ်။

အဆိုပါ “ ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ ချုပ် “ ဖွင့်လှစ် သည့်နေရာမှာ ဦးဝင်းဇော် ဆိုသူ၏ နေအိမ် ဖြစ်ပြီး ၁၇ -လမ်း ၊ အမှတ် ( ၁၁ ) ရပ်ကွက်၊ ပခုက္ကူမြို့ မှာ ဖြစ်ပါတယ်။

၎င်း ဦးဝင်းဇော် ဟာ အမတ်အဖြစ် အရွေးခံမည့်သူ ဖြစ်ပြီး ရွာပေးကျောင်းဆရာ အဖြစ်လည်းကောင်း၊ ဆီစက် ပဲခွဲစက်များ တွင်လည်းကောင်း ၀င်ရောက် အလုပ်လုပ်ကိုင်ခဲ့ပြီး ခြေအနေမကောင်း ရာကနေ ယခုအခါတွင် ဘောလုံးပွဲ ၂ - ၃ လုံးထီ ဒိုင်ဖွင့်လှစ်ကာ နအဖများနှင့် ပူးပေါင်းကာ စီးပွားရေးသောင်းကျန်းနေသူ ဖြစ်ပါတယ်။

ဓါတ်ပုံထဲတွင် မတ်တပ်ရပ် စကားပြော နေသူမှာ ဦးတင်မြိုင် ဆိုသူ ဖြစ်ပြီး တ စ ည ပါတီဝင်ဟောင်းတဦး ဖြစ်ပါတယ်။

အဲ့ဒီ နအဖဘက်တော်သားများရဲ့ အခမ်း အနားမှာ တက်ရောက်ခဲ့သူတွေကို ကြည့်ရင် ၂ လုံးထီ ချဲ စသည် လက်ခွဲ ရောင်းချနေသော ရပ်ကွက်ထဲမှ ရဲများနှင့် မလွတ်ကင်းကြသည့် သူများသာ ဖြစ်ပါတယ်။

နအဖဘက်တော်သားများက အခုလို အမျိ်ုးသားဒီမိုကရေစီအဖွဲ့ချုပ်ရဲ့ တရားဝင် အမှတ်တံဆိပ် အမှတ်အသားတခု မြန်မာနိုင်ငံလုံးဆိုင်ရာကျောင်းသားသမဂ္ဂ အလံ နှစ်ခု တို့ကို အလွဲသုံးစားလုပ်ခြင်း၊ “ပြည်ထောင်စုမြန်မာနိုင်ငံအမျိုးသားနိုင်ငံရေး အဖွဲ့ ချုပ် “ ဟု ဆိုကာ ရုံးခန်းဖွင့် လှစ်ခြင်း ၊ အစည်းအဝေး ခေါ်ယူခြင်း၊ ဆိုင်းဘုတ်တင်ခြင်းတို့ကို တရားမ၀င်ပြုလုပ်နေခြင်းကို နအဖက မသိကျိုးကျင် မမြင်ခြင်ယောင်ဆောင်ကာ အရေးယူမှု လုံးဝမရှိဘဲ ဗြောင်ကျကျ လုပ်ဆောင်နေခြင်းသည် နအဖဘက်တော်သားများနှင့် နအဖတို့ ၏ ထင်ရာစိုင်းသည့် ဥပဒေအထက်မှ လုပ်ရပ်များ ဖြစ်ပါတယ်။

အခြားတစ်ဘက်တွင်မူ နအဖမှ တရားဝင်ပါတီဖြစ်သည့် အမျိုးသားဒီမိုကရေစီ အဖွဲ့ချုပ်ရုံးများကိုမူ အကြောင်းပြချက်မရှိဘဲ အချိန်ကာလ ကြာမြင့်စွာ ပိတ်ထားခဲ့ခြင်း၊ အမျိုးသားဒီမိုကရေစီအဖွဲ့ ချုပ်၏ ပွင့်ဖြူမြို့နယ် စည်းရုံးရေးအဖွဲ့ ဆိုင်းဘုတ်အား ဖြုတ်ချခြင်း၊ အမျိုးသားဒီမိုကရေစီ အဖွဲ့ချုပ်၏ တရားဝင်ထုတ်ပြန်သော ကြေငြာချက်များ စာရွက်စာတမ်းများကို ဖြန့် ဝေခြင်းမပြုရန် ပိတ်ပင်တာဆီးခြင်းတို့ ပြုလုပ်နေမှုကို ယခု နအဖဘက်တော်သားများ၏ တရားမ၀င် လုပ်ဆောင်နေမှုများအား ခွင့်ပြုထားမှုများနှင့် နှိုင်းယှဉ်ကြည့်ပါက နအဖဟာ သိက္ခာမဲ့သော၊ ဥပဒေအား လိုရာ၌သာ လိုသလို သုံးသော၊ တရားမျှတမှု လုံးဝ မရှိသော၊ အာဏာတည်မြဲရေးအတွက် ထင်ရာစိုင်းနေသော ဥပဒေအထက်မှ ဖောက်ပြန်သူများသာ ဖြစ်ပါတယ်။

အဆိုပါ အလံသူခိုး နအဖဘက်တော်သားများအား ပြည်သူအပေါင်းမှာ ၀ိုင်းဝန်းရှုတ်ချ ဆန့်ကျင်ကြပါရန် တိုက်တွန်းလိုက်ရပါတယ်။
နစ်နေမန် မှ ရယူသည်။

စစ်အစိုးရနှင့် ကိုးကန့်အဖွဲ့ ကြားရှိ အပစ်အခတ် ရပ်စဲရေး သဘောတူညီချက် ပျက်ပြားသွားပြီ

ကာတွန်းဟန်လေး “အပစ်ရပ်ကို အပြတ်ရစ်ပြီး ပစ် …”

ရန်ပိုင် / ကိုးကန့်ဒေသတွင် ယမန်နေ့က စတင်ပြီး ဖြစ်ပွားခဲ့သော တိုက်ပွဲများကြောင့် စစ်အစိုးရနှင့် ကိုးကန့်အဖွဲ့ ကြားရှိ အပစ်အခတ် ရပ်စဲရေး သဘောတူညီချက် ပျက်ပြားသွားပြီ ဖြစ်ကြောင်း နိုင်ငံရေး အကဲခတ်များနှင့် တရုတ် နိုင်ငံက သုံးသပ် ပြောဆိုသည်။

ကိုးကန့်ဒေသ လောက်ကိုင်မြို့တွင်းနှင့် ချင်းရွှေဟော် ဒေသတွင် ယနေ့တိုင် တိုက်ပွဲများ ဆက်လက်ဖြစ်ပွား နေသောကြောင့် ယခုကဲ့သို့ အပစ်အခတ် ရပ်စဲရေး သဘောတူညီချက် ပျက်ပြားသွားပြီ ဖြစ်ကြောင်း သုံးသပ်ကြခြင်း ဖြစ်သည်။

“ချင်းရွှေဟော်နားမှာ တိုက်ပွဲကြီး ဖြစ်နေတယ်၊ မနေ့က ၀ တပ်ဖွဲ့ ၁၅၀၀ လောက်ရောက်ပြီ၊ မနက် ၁၁ နာရီကတည်းက ဖြစ်တာလို့ ကြားတယ်၊ တြိဂံဒေသဖြစ်လို့ အဖွဲ့ပေါင်းစုံပါတယ်” ဟု တရုတ်မြန်မာ နယ်စပ် အခြေစိုက် စစ်ရေး နိုင်ငံရေး အကဲခတ် ဦးအောင်ကျော်ဇောက ပြောသည်။

ယနေ့မနက်ကလည်း လောက်ကိုင်မြို့တွင်းရှိ လက်နက်ဂိုဒေါင်နားတွင် ရင်ဆိုင်တိုက်ပွဲဖြစ်ပွားခဲ့ ကြောင်းသိရသည်။

“ဒီနေ့မနက်အစောကြီးမှာ ဖုန်ကျားရှင်အိမ်နားက လက်နက်ဂိုဒေါင်လမ်းကြားထဲမှာ ကင်းလှည့်တဲ့ကားနဲ့ ကိုးကန့်တပ် ပက်ပင်းတိုးပြီးဖြစ်တာ အစိုးရဘက်က၂ ယောက်သေတယ်”ဟု သျှမ်းသံတော်ဆင့်သတင်းစဉ်မှ ဦစိန်ကြည်ကပြောသည်။

ယမန်နေ့ဖြစ်ပွားခဲ့သော တိုက်ပွဲများတွင် လက်နက်ကြီး ကျည်များ တရုတ်နိုင်ငံဘက်သို့ ကျရောက်ပြီး တရုတ်ဒေသခံများ လည်းသေဆုံး ထိခိုက်မှုများရှိသည်ဟုသိရသည်။

“လက်နက်ကြီးကျည်တွေ ချင်ခန်းဒေသထဲကျတယ်၊ ဒေသခံ တယောက်သေပြီး တယောက်ဒဏ်ရာရတယ်၊ ရန်လုံကျိုင်း စခန်းမှာ လုံထိန်း၄၂ယောက်ဖမ်းမိတယ်၊ အရာရှိတွေပါတယ်၊ သေနတ် ၅၆ လက် သိမ်းထားတယ်” ဟု တရုတ်မြန်မာ နယ်စပ် အခြေစိုက် စစ်ရေး နိုင်ငံရေးအကဲခတ် ဦးအောင်ကျော်ဇောကပြောသည်။

ဖြစ်ပွားနေသော တိုက်ပွဲများကြောင့် ကိုးကန့်ဒေသအတွင်းရှိ ဒေသခံရွာသား ၃၀၀၀၀ ခန့် တရုတ်နိုင်ငံ အတွင်းသို့ ထွက်ပြေး သွားကြောင်း အတည်မပြုနိုင်သောသတင်းများအရ သိရသည်။

“ရွာသူရွာသားတွေအများကြီး ချင်ခန်းဒေသထဲကိုဝင်လာတယ်၊ တရုတ်အာဏာပိုင်တွေက အစားအစာ၊ အ၀တ်အစား နေ စရာ ထောက်ပံ့ ပေးထားတယ်၊ ဒါပေမယ့် မလုံလောက်ဘူး၊ တချို့လည်း အစိုးရယာယီစခန်းတွေမှာနေတယ်၊ တချို့က တော့ သူတို့ဆွေမျိုးတွေအိမ်တွေမှာ နေတယ်”ဟု အမည်မဖော်လိုသော ကျန်းမာရေးအကူအညီပေးရေးအဖွဲ့မှ ပြောသည်။

ယခုဖြစ်ပေါ်နေသော နယ်စပ်တိုက်ပွဲများနှင့် ပတ်သက်ပြီး တရုတ်နိုင်ငံကလည်း အခြေအနေကို အမြဲမပြတ်စောင့်ကြည့်နေ သည်ဟုသိရသည်။

“နယ်စပ်ဒေသတည်ငြိမ်မှုကို လိုလားတယ်၊နောက်၂ရက်အထိတိုက်ပွဲတွေဖြစ်မယ်ဆိုရင် အခြေအနေဟာ ထိန်းနိုင်မှာ မဟုတ်တော့ဘူး၊ တိုက်ပွဲကြီးတွေဖြစ်လာနိုင်တယ်၊ မြန်မာအစိုးရ ရဲ့တိုင်းရင်းသားတွေအပေါ်မှာ ထားတဲ့သဘောထားဟာ တင်းမာလွန်းပြီး၊ တဘက်နှင့်တဘက်ညှိလိမ့်မယ်ထင်တယ်” ဟု အမည်မဖော်လိုသော တရုတ်နိုင်ငံခြားရေးဝန်ကြီးဌာနမှ အရာရှိတဦးက ဧရာဝတီသို့ပြောသည်။

လူ့ဘောင်သစ်ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော် ကလည်း“အပစ်အခတ်ရပ်စဲရေး ပျက်ပြီပြောရမှာပေါ့၊နှစ်ဘက် စလုံး အကျပ်အတည်းပါပဲ၊ အပစ်ရပ်အဖွဲ့တွေကလည်း မတင်းဘူးဆိုရင် လက်နက်ချရမှာ နောက်ပိုင်း ၀ တို့ မိုင်းလားတို့ ပါလာနိုင်တယ် မလွယ်ဘူး”ဟု သုံးသပ်သည်။

နယ်စပ်ဒေသရှိ တိုင်းရင်းသားအပစ်ရပ်အဖွဲ့များကို စစ်အစိုးရက နယ်ခြားစောင့်တပ်ဖွဲ့စည်းရေးအတွက် ယခုကဲ့သို့ အတင်းအကျပ် ဆောင်ရွက် နေလျှင် နယ်စပ်ဒေသရှိ ပြည်သူများ၏ အခြေအနေပိုမိုဆိုးရွားလာမည်ကို လူ့အခွင့် အရေး အဖွဲ့များကစိုးရိမ် နေကြသည်။

“စစ်အစိုးရက တိုင်းရင်းသားအပစ်ရပ်အဖွဲ့တွေ နဲ့ဆွေးနွေးညှိနှိုင်းရမယ့်အစား အတင်းအကျပ်ဆောင်ရွက်တဲ့ နည်းနဲ့လုပ် ဆောင်နေရင် ဒီဒေသမှာ နေထိုင်တဲ့ပြည်သူတွေအတွက် တိုက်ပွဲတွေ ပိုပြင်းထန်လာရင် အခုထက်ပိုမို ဆိုးရွားတဲ့ အကျိုး ဆက်တွေ ခံစားရမှာကို စိုးရိမ်တယ်”ဟု အမေရိကန်နိုင်ငံအခြေစိုက် လူအခွင့်အရေးစောင့်ကြည့်လေ့လာရေးအဖွဲ့ (HRW ) မှ ဒေးဗစ် စကော့ မက်သီဆင်က ဧရာဝတီသို့ပြောသည်။

ပြီးခဲ့သည့်သြဂုတ်လ ၂၃ ရက်နေ့က အာဏာပိုင်တို့က ကိုးကန့် ခေါင်းဆောင် ဦးဖုန်ကြားရှင် ၏ အိမ်တွင် လက်နက်စက်ရုံ ရှိသည်ဟု အကြောင်းပြပြီး ၀င်ရောက်စီးနင်း ခဲ့သည်။

ထို့နောက် ကိုးကန့် အပစ်ရပ်အဖွဲ့ အတွင်း စစ်အစိုးရ အကူအညီဖြင့် အာဏာသိမ်းပွဲ ဖြစ်ပွားခဲ့ပြီးနောက် ခေါင်းဆောင်မှု ကော်မတီကို အသစ် ဖွဲ့စည်းလိုက်ပြီး ၊ ခေါင်းဆောင်ဟောင်း ဦးဖုန်ကြားရှင် သည် ၎င်း၏ တပ်ဖွဲ့များနှင့် အတူ ၀ နယ်ဘက် သို့ ရှောင်တိမ်းသွားခဲ့ရာမှ စစ်အစိုးရတပ်များ နှင့် တိုက်ပွဲများဖြစ်ပွားခဲ့ခြင်းဖြစ်သည်။

ဖုန်ကြားရှင် ဦးဆောင်သော ကိုးကန့်အဖွဲ့သည် ၁၉၈၉ ခုနှစ်တွင် စစ်အစိုးရနှင့် အပစ်အခတ် ရပ်စဲရေး ပြုလုပ်ထားသော တိုင်းရင်းသား လက်နက်ကိုင် အဖွဲ့ဖြစ်သည်။
ဧရာဝတီ မှ သတင်းရယူပါသည်။

ICC တွင် န.အ.ဖ အား စွဲချက် တင်နိုင်ရေး

မြန်မာနိုင်ငံ မှ စစ်ခေါင်းဆောင် တို့သည် အာဏာရှင် စနစ်တွင် သာယာ ယစ်မူးကာ အာဏာကို အလွဲသုံးစား လုပ်နေ ခဲ့ကြသည်။ သူတို့ ကိုယ်တိုင် က စံနမူနာပြ လိုက်နာကျင့်သုံး အပ်သည့် ပြည်တွင်း ဥပဒေများ ကို၎င်း၊ နိုင်ငံတကာ ဥပဒေ နှင့် သဘော တူညီချက်များ ကို၎င်း

အကြီးအကျယ် ချိုးဖောက်လျှက် ပြစ်မှုကြီးပေါင်း များစွာကို ကျူးလွန် နေခဲ့ကြသည်။ ကျူးလွန်ခဲ့ကြောင်း ဝန်ခံခြင်း မရှိရုံမက မကျူးလွန်ခဲ့ သယောင်ယောင် ဟန်ဆောင် ဖုံးဖိ နေခဲ့ကြသည်။ ကာယကံမြောက် ကျူးလွန် ခဲ့သူတို့အား အရေးယူရန်လည်း ပျက်ကွက် နေခဲ့ကြသည်။ အဆိုးဆုံးမှာ နောက်နောင်တွင် ထိုသို့ ကျူးလွန်မည် မဟုတ်တော့ကြောင်း၊ ထိုသို့ ကျူးလွန်ရန် မည်သူ့ကို မျှလည်း ခွင့်ပြု နိုင်မည်မဟုတ်ကြောင်း အာမခံချက်များ ရှိမနေခြင်းပင် ဖြစ်သည်။

နိုင်ငံတခုကို ဖွဲ့စည်း အုပ်ချုပ်ရာတွင် စီမံခန့်ခွဲရေး၊ ဥပဒေပြုရေးနှင့် တရားစီရင်ရေး ဟူ၍ အဓိက မဏ္ဍိုင်ကြီး သုံးခုရှိသည်။ အာဏာ အလွဲသုံးစားသူတို့က သူတို့စိတ်ကြိုက် ဥပဒေပြုလျှက် စီမံခန့်ခွဲ အုပ်ချုပ်နေရုံမက တရားစီရင်ရေး စနစ်ကိုပါ ဝင်ရောက် စွက်ဖက်လျှက် စိတ်တိုင်းကျ ချယ်လှယ် လွှမ်းမိုးနေပြန်သည်။ ဤသည်မှာ နိုင်ငံတခု၏ ပြည်တွင်းရေး ပြဿနာ ဖြစ်၍ နိုင်ငံသား တို့ကသာ ပူးပေါင်း ဖြေရှင်းရသည့် ကိစ္စဖြစ်သည်။ အခြားနိုင်ငံနှင့် နိုင်ငံတကာ အဖွဲ့အစည်း များက ကြားဝင် ဖြေရှင်းပေးနိုင်သည့် ကိစ္စ မဟုတ်ပေ။

သို့သော် ထိုသို့အာဏာအလွဲစားမှုကြောင့် နိုင်ငံတကာ ဥပဒေများ၊ သဘောတူညီချက်များကို ဖောက်ဖျက်လာလျှင်မူ - ဥပမာ- ကုလသမဂ္ဂ ပဋိဥာဉ်စာချုပ်၊ ဂျီနီဗာ သဘောတူညီချက်များကို ဖောက်ဖျက်ခြင်း အစရှိသည့် ပြစ်မှုများတွင် သက်ဆိုင်ရာ နိုင်ငံနှင့်အဖွဲ့အစည်းများက ဝင်ရောက်ကိုင်တွယ် စီရင်မည်ဖြစ်သည်။

အပြစ်တခု ကျူးလွန်မိသူအား နောင်တချိန် ထပ်မံ မကျူးလွန်စေရန် ထိန်းချုပ် တားဆီးရေးနှင့် ထိုသူအား ပြုပြင် ထိန်းကျောင်းကာ လမ်းကြောင်းမှန်သို့ ပြန်လည် ပို့ဆောင်ပေးရေးသည် တရား စီရင်ရေးစနစ်၏ အဦးဆုံးသော ရည်ရွယ်ချက် ဖြစ်သည်။ အဆိုပါ ရည်ရွယ်ချက်ဖြင့် လုပ်ဆောင်နေသည့် တိုင်အောင် ဆက်ကာ ဆက်ကာ ထပ်မံ ကျူးလွန် နေသောအခါ ထိန်းချုပ် တားဆီးရန် မတတ်နိုင်တော့ပဲ အရေးယူ အပြစ်ပေးရန်သာ ရှိတော့သည်။

တရား စီရင်ရေးများတွင် ပြည်တွင်း၌ သမာသမတ် ကျစွာ ကိုင်တွယ် ဖြေရှင်းနိုင်စွမ်း မရှိသေးသည့် ရာဇဝတ်မှုများ အပေါ် နိုင်ငံတကာမှ လစ်လျူရှု မထားပါ။ ဤ လိုအပ်ချက်ကို ဖြည့်စွက်ပေးသည်မှာ နိုင်ငံတကာ ရာဇဝတ်မှုဆိုင်ရာ တရားရုံး (အိုင်စီစီ) ဖြစ်သည်။

၂ဝဝ၂ ခုနှစ် ဇူလိုင် (၁)ရက် နေ့မှစ၍ အတည်ဖြစ်ခဲ့သော နိုင်ငံတကာ ရာဇဝတ်မှု များဆိုင်ရာ တရားရုံး ပဋိဥာဉ် စာချုပ် (Rome Statute of the International Criminal Court) အရ အဆိုပါ တရားရုံးကို စတင်ခဲ့သည်။ ထိုနေ့မှ စ၍ (သို့)

ထိုနေ့ နောက်ပိုင်း ကျူးလွန်ခဲ့သည် များကို တရားရုံးသို့ စွဲချက် တင်နိုင်သည်။ တရားဝင် တည်ရှိသော တရားရုံးမှာ ဟော်လန်နိုင်ငံ သည်ဟေ့ဂ် မြို့တွင် ရှိသော်လည်း အမှုများကို ကမ္ဘာ၏ မည်သည့် နေရာတွင်မဆို ကြားနာ စစ်ဆေးနိုင်ဖွယ် ရှိသည်။

၂ဝဝ၉ ခုနှစ် မတ်လ အထိ ICC တွင် အဖွဲ့ဝင်ပေါင်း (၁ဝ၈)နိုင်ငံ ရှိနေပြီး ဖြစ်သည်။ နောက်ထပ် အဖွဲ့ဝင် နိုင်ငံ (၄ဝ)မှာ ICC အဖွဲ့ဝင်ဖြစ်ရန် လက်မှတ် ရေးထိုးပြီး ဖြစ်သော်လည်း ပဋိဥာဉ် စာချုပ်တွင်သာ လက်မှတ် မထိုးရသေးပဲ ရှိနေသေးသည်။ ICC အပေါ် ဝေဖန် ထားကြသည့် နိုင်ငံအချို့တွင် တရုတ် ရုရှား၊ အိန္ဒိယနှင့် အမေရိကန် ပြည်ထောင်စုတို့ ပါဝင်နေပြီး အဖွဲ့ဝင် ဖြစ်ရန်လည်း မကြိုးပမ်းကြသေးပဲ ရှိနေသည်။

ယေဘူယျအားဖြင့် ICC မှ လက်ခံနိုင်သော ရာဇဝတ်မှု အခင်းအကျင်း

• စွပ်စွဲ ခံရသူသည် အဖွဲ့ဝင် နိုင်ငံတခု၏ နိုင်ငံသား ဖြစ်နေလျှင်၊
• အဖွဲ့ဝင် နိုင်ငံတခု၏ ပိုင်နက် နယ်မြေအတွင်း ကျူးလွန်သည်ဟု စွပ်စွဲ ခံရသည့် အမှုဖြစ်လျှင်၊
• ကုလသမဂ္ဂ လုံခြုံရေးကောင်စီမှ ICC သို့ လွှဲပြောင်းပေးသည့် အခြေအနေ ဖြစ်လျှင် ICC မှ ဆုံးဖြတ် စီရင်နိုင်သည်။

အခြား လုပ်ပိုင်ခွင့်များ

• အဖွဲ့ဝင် နိုင်ငံ၏ တည်ဆဲ တရားရေးစနစ်၌ လစ်ဟာ နေသည်များကို ICC မှ ထပ်မံ ဖြည့်စွက် ပေါင်းထည့် ပေးနိုင်သည်။
• အထက် ဖေါ်ပြပါ ရာဇဝတ်မှု အမျိုးအစား (၄)မျိုးကို အဖွဲ့ဝင် နိုင်ငံ၏ တရားရုံးများမှ စုံစမ်း စစ်ဆေးရန်၊ ကြားနာ ဆုံးဖြတ် စီရင်ရန် ဆန္ဒမရှိလျှင် (သို့) ထိုသို့ မလုပ်နိုင်လျှင် ICC မှ ဝင်ရောက် ဆောင်ရွက်မည် ဖြစ်သည်။ သို့သော် စုံစမ်း စစ်ဆေးခြင်း၊ အပြစ်ပေးခြင်း တို့ကို သက်ဆိုင်ရာ အဖွဲ့ဝင် နိုင်ငံများမှသာ အဓိက တာဝန်ယူရမည် ဖြစ်သည်။

ဆူဒန် သမတ Omar al-Bashir အား 4 March 2009 နေ့တွင် war crimes and crimes against humanity ကျူးလွန်သည်ဟု ICC မှ စီရင် ဆုံးဖြတ်ပြီး ဖမ်း ဝရမ်းထုတ်ခဲ့သည်။ သို့သော် သူသည် အဖမ်းမခံပဲ ထွက်ပြေးလွတ်မြောက် နေသဖြင့် ICC မှ အလိုရှိနေသော ဝရမ်းပြေး အဖြစ် သတ်မှတ် ခံရသည်။ ICC မှ အပြစ်ရှိသည်ဟု စီရင် ဆုံးဖြတ်ခံရသူ စုစုပေါင်း (၁၄)ဦး ရှိပြီ ဖြစ်သည်။ (၇)ဦးမှာ အပြစ်ပေးခံရခြင်း မရှိသေးပဲ လွတ်မြောက် နေဆဲဖြစ်သည်။ ကွယ်လွန် သွားခဲ့သူ(၂)ဦး ရှိပြီး ထိန်းသိမ်း ခံနေရဆဲ (၅)ဦး ရှိသည်။ ICC မှ ပထမဦးဆုံး ဆုံးဖြတ်ခဲ့သည့် အမှုမှာ ကွန်ဂို စစ်ခေါင်းဆောင် သောမတ်စ် လူဘန်ဂါ (Thomas Lubanga) ၏ အမှုဖြစ်ပြီး ၂ဝဝ၉ ဇန်နဝါရီလ (၂၆)ရက် က ဖြစ်သည်။

လွင်အောင်စိုး

ကိုးကား - http://en.wikipedia.org/wiki/International_Criminal_Court

ဂျပန်ရောက်နေတဲ့ ဒီပဲယင်း တရားခံဌေးဦး မလိမ့်တပတ်ဖြေကြား

မြန်မာ့ဒီမိုကရေစီခေါင်းဆောင် ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်ကို နေအိမ်အကျယ်ချုပ်ကနေ အမြန်ဆုံး လွှတ်ပေးရန်နှင့် မြန်မာနိုင်ငံ ဒီမိုကရေစီ ဖော်ဆောင်ရေး လုပ်ငန်းစဉ်တွေမှာ ပါဝင်ခွင့်ပြုသင့်တယ်လို့ ဂျပန်နိုင်ငံခြားရေးဝန်ကြီး နာကာဆိုနေး က တိုက်တွန်း လိုက်တဲ့အကြောင်းအား ဂျပန်နိုင်ငံခြားရေးဝန်ကြီးဌာနမှ ကြေညာချက်ထုတ်ပြန်လိုက်ကြောင်း VOA သတင်းမှသိရသည်။

ထိုကြေညာချက်တွင် ဂျပန်နိုင်ငံရောက်နေတဲ့ ဒီပဲယင်း တရားခံဌေးဦး ပြောကြားချက်မှာ တကယ်လို့ ဒေါ်အောင်ဆန်းစုကြည် အနေနဲ့ ကောင်းမွန်စွာ နေထိုင်သွားမယ်ဆိုရင်တော့ အမြန်ဆုံးပြန်လွှတ်ပေးမယ်လို့ တုံ့ပြန်သွားတဲ့ အကြောင်းကို ထည့်သွင်းရေးသားထားသည်။

ကောင်းမွန်စွာနေထိုင်နေသော်လည်း အိမ်ထဲလူဝင်ကြောင်းအတိအလင်း သတင်းပေးသည့်ကြားမှ အိမ်ရှင်ကို ဖမ်းတက်တဲ့ နအဖအစိုးရဟာ ၄င်းတို့ အကြံအစီမအောင်မြင်မချင်း မည်သို့မှ ပြန်လွှတ်ပေးရန် အစီအစဉ်မရှိကြောင်း သိသာထင်ရှားနေသည်။

မလိမ့်တပတ်ဖြေကြားသွားသော ဒီပဲယင်း တရားခံဌေးဦး ကို ဂျပန်နိုင်ငံရောက် မြန်မာ့ဒီမိုကရေစီရေး အင်အားစုတွေမှ ဆန္ဒပြလှုပ်ရှားမှုများ အရှိန်တိုးမြှင့် လုပ်ဆောင်သွားမည်ဟု သိရသည်။

Generation Wave မှ ဒေါ်အောင်ဆန်းစုကြည်အား ချက်ချင်းလွှတ်ပေးရန် ဆေးမှုတ်၍တောင်းဆို

ကျနော်တို့ Generation Wave(မျိုးဆက်သစ်လူငယ်များအစည်းအရုံး)မှ
သြဂုတ်၂၅ ရက်၂၀၀၉ ခုနှစ်တွင် ရန်ကုန်မြို့ ဖဆပလ၊စံပြ၊ ကန်တော်ကလေး၊ ဒဂုံ၊ မြောက်ဥက္ကလာပ နှင့်ဗဟန်း
မြို့နယ်တွင် ဒေါ်အောင်ဆန်းစုကြည်အား ချက်ချင်းလွှတ်ပေးရန် ဆေးမှုတ်၍တောင်းဆိုသည့် လှုပ်ရှားမှုများ
ပြုလုပ်ခဲ့ပါသည်။ ပြည်သူများနှင့်လူငယ်ထုမှလည်း နအဖစစ်အုပ်စုက ဒေါ်အောင်ဆန်းစုကြည်အားမတရား
ထောင်ချရန် လုပ်ကြံဇာတ်ခင်း၍ကြိုးစားနေခြင်းကို တတ်နိုင်သည့်နည်းလမ်းများဖြင့် ကန့်ကွက်ရှုတ်ချသွားကြပါရန် တိုက်တွန်းနှိုးဆော်လိုက်ပါသည်။

On AUG 25th, Generation Wave did a graffiti and spray paint action for the release of Daw Aung San Suu Kyi. Actions happened at key crowded places in Yangon, Burma: PhaSaPaLa, San Pya, Dagon, Bahan & North Oakkalarpa Townships. We also want to encourage people and especially youth of Burma to do all they can to take actions for the release of Daw Aung San Suu Kyi.

တေဇ တော့ ၀င်တိုးပြန်ပီ

့mizzima မှကူးယူဖော်ပြပါသည်။

ဂျပန်ရောက်နေတဲ့ ဒီပဲယင်း တရားခံဌေးဦး တည်းခိုတဲ့ ဟိုတယ်ရှေ့တွင် ခွပ်ဒေါင်းအလံတော်လွှင့်တင်

တိုကျို၊ သြဂုတ်(၂၄)
သန့်မျိုးထွေး
ဂျပန်အစိုးရ၏ တရားဝင်ဖိတ်ကြားချက်ဖြင့် ပြီးခဲ့သည့် ကြာသာပတေးနေ့က ဂျပန်နိုင်ငံ၊ တိုကျိုမြို့သို့ ရောက်ရှိနေသည့် နအဖလယ်ယာ စိုက်ပျိုးရေးဝန်ကြီးနှင့် ကြံ့ဖွံ့အသင်းအတွင်းရေးမှူးဦးဋ္ဌေးဦး ခေတ္တနေထိုင်တည်းခိုရာ တိုကျိုမြို့၊ ယိုဆုယ အရပ်ရှိ နယူးအိုတာနိဟော်တယ်ရှေ့တွင် ဒီမိုကရေစီတိုက်ပွဲခေါ်သံ ABSDF ခွပ်ဒေါင်းအလံတော်ကို ဂျပန်၊ တရုတ်၊ ထိုင်း၊ မြန်မာအလံတို့နှင့်အတူ လွင့်တင်ခဲ့ကြောင်းသိရသည်။

ဂျပန်ရှိဒီမိုကရေစီအရေးလှုပ်ရှားသူများ၏ လှုပ်ရှားမှုတခုအနေနှင့် လုပ်ဆောင်ခြင်းဖြစ်ပြီး ယင်းသို့လွင့်တင်ထားမှုကို ဟော်တယ်တာဝန်ရှိသူများနှင့်လုံခြုံရေးတို့ မသိရှိလိုက်နိုင်ဘဲ မနက် ၅ နာရီအချိန်ခန့်မှစ၍ အချိန်အတော်ကြာကြာလွင့်တင်နိုင်ခဲ့ပြီး မနက် ၁၀ နာရီအထိကြာမြင့်ခဲ့ကြောင်း မျက်မြင်တဦး၏ အဆိုအရသိရသည်။

“နအဖစစ်အစိုးရရဲ့ မတရားတဲ့လုပ်ရပ်တွေ၊ လူအခွင့်အရေးချိုးဖောက်နေတာတွေ၊ လူထုခေါင်းဆောင်ကို မတရားအမှုဆင်ပြီး ဆက်လက်ဖမ်းဆီးထိမ်းသိမ်းထားတာတွေကို ရပ်တန်းကရပ်ဖို့နဲ့ လူထုခေါင်းဆောင်နဲ့ နိုင်ငံရေးအကျဉ်သားတွေ လွတ်မြောက်ဖို့ကို ရည်ရွယ်ခြင်းပါ...။” ကိုယ်တိုင်လွင့်တင်ခဲ့သူတဦးကဆိုသည်။

ဂျပန်နိုင်ငံသို့ ၂၀၀၈ ခုနှစ်နှောင်းပိုင်းတွင် နအဖနိုင်ငံခြားရေးဝန်ကြီး ဦးဥာဏ်ဝင်းလာရောက်ပြီးသည့်နောက်ပိုင်း မြန်မာနအဖစစ်အစိုးရ၏ အဆင့်မြင့်ဝန်ကြီးတဦး၏ ပထမဦးဆုံးခရီးစဉ်ဖြစ်ကြောင်းသိရပြီး ၄င်းရောက်ရှိနေစဉ်ကာလအတွင်း ဂျပန်နိုင်ငံခြားရေးဝန်ကြီးရုံးနှင့် ခေတ္တနေထိုင်တည်းခိုရာ နယူး အိုတနိဟော်တယ်တို့တွင် ဂျပန်ရောက်ဒီမိုကရေစီလှုပ်ရှားသူများက သွားရောက်ဆန္ဒပြကြကြောင်းသိရသည်။

ဦးဋ္ဌေးဦး၏ခရီးစဉ်သည် လယ်ယာစိုက်ပျိုးရေးနှင့်ပါတ်သတ်မှုရှိသည်ဟုဆိုသော်လည်း အမှန်တကယ်တွင်မှု ဂျပန်အစိုးရနှင့်မြန်မာစစ်အစိုးရတို့အကြား ဆက်ဆံရေးကို မြှင့်တင်နိုင်ရေးအတွက် ရည်ရွယ်သည်ဟုလည်း သိရပြီး ၄င်း၏ ၇ ရက်တာခရီးစဉ်အတွင်း မြန်မာ့အရေးနှင့်ပါတ်သတ်၍ ဆွေးနွေးသွားဖွယ်ရှိကြောင်း ခန့်မှန်းပြောဆိုနေကြသည်။

မြန်မာအမျိုးသမီးများအဖွဲ့ (ဂျပန်)မှ ရန်ပုံငွေကပွဲ နှင့်ဈေးရောင်းပွဲပြုလုပ်

နာဂစ်မုန်တိုင်းသင့်သူများအား ထောက်ပံ့ကူညီရန်လိုအပ်နေဆဲ ဖြစ်သည့်အတွက် ဂျပန်နိုင်ငံတွင် မြန်မာအမျိုးသမီးများအဖွဲ့ (ဂျပန်)မှ ရန်ပုံငွေကပွဲ နှင့်ဈေးရောင်းပွဲပြုလုပ်ခဲ့သည်ကို မှတ်တမ်းတင်ပြအပ်သည်။

ဓါတ်ပုံရိုက်ကူးပေးပို့သူ - ဦးသန်းဝင်း

ကိုဒေါင်းတမာန်ရဲ့ ကဗျာလေးပါ

တိုက်ဆိုင်သူများသို့ 
စကားတွေ စကားတွေ
ကြားလေလေ ခါးလေလေ ဘဲ
ဓါးတုန်းတုန်းနဲ့ ကြိတ်လှီးတောင် ကျုပ်နာမယ်မထင်
ဒါပေမယ့်ခင်များစကားတွေ က
တခုခုကိုဖမ်းစားနေတဲ့  ကဝေမလေလား။

ငွေလိုချင်သလား၊ ရွှေလိုချင်သလား
သေချာပါတယ် ကျွန်တော့ခန္ဒာကိုတော့ ခင်များ မကြိုက်တာ
တနှစ်တခါ လာလာနေကျ ခင်များမျက်နှာ
အိုအိုလို့ သာသွားပေမယ့်
စကားချိုချိုကြားရတာက အရင်အတိုင်းဘဲ။

စနစ်ဟောင်းတွေဘေးဖယ် ခေတ်ပြောင်းဖို့ တွေးတယ်
ဒီအကြောင်းတွေသာကြားရ တ၀ဲဝဲလည်နေတဲ့ ခင်များစကား
မိုက်ကယ်ဂျက်ဆင် မွန်းဝေါ့လ်(ခ်)လို အရှေ့ တိုးချင်သလိုလိုနဲ့ 
အနောက်ကိုရွေ့ သာသွားတဲ့ 
ပြောင်းပြန်တော်လှန်ရေးသမားတော့
ကန်တော့ဆွမ်းပါ။
ဒေါင်းTM

ဂျပန်ရောက်နေတဲ့ ဒီပဲယင်း တရားခံဌေးဦးကို ကန့်ကွက်ဆန္ဒပြကြပါစို့

Invitation to Protest Htay Oo and MOFA

ပုညကာရီ မွန်အမျိုးသားအသင်း (ဂျပန်) ကပြုလုပ်သည့် (၆၂)နှစ်မြောက် မွန်တော်လှန်ရေးနေ့

တိုကျို၊ သြဂုတ်(၂၃)
သန့်မျိုးထွေး / ယခုနှစ်သြဂုတ်(၅)ရက်နေ့တွင်ကျရောက်သည့် မွန်အမျိုးသားတို့၏ (၆၂)နှစ်မြောက်မွန် အမျိုးသားနေ့အခမ်းအနားကို တိုကျိုမြို၊ အိုးစုခအရပ်ရှိ မိနာမိအိုးစုခခန်းမတွင် လွတ်မြောက်နယ်မြေဂျပန်ရှိ ပုညကာရီမွန်အမျိုးသားအသင်းက ယနေ့နေ့ လည်(၃)နာရီတွင် အောင်မြင်စွာပြုလုပ်ကျင်းပနိုင်ခဲ့သည်။

၁၉၄၈ခုနှစ်တွင်မြန်မာပြည် လွတ်လပ်ရေးရပြီးနောက်ပိုင်း မွန်၊ ရခိုင်နှင့်ကရင်စသည့် တိုင်းရင်းသားများ၏ နေထိုင်ရာပြည်နယ်သီးခြား သတ်မှတ်ဖော်ထုတ်ပေးမှုနှင့် အခွင့်အရေးများ မရရှိနိုင်သည့်အတွက် မြန်မာသက္ကရာဇ် ၁၃၁ဝခုနှစ် ဝါခေါင်လပြည့်၊ ၁၉၄၈ခုနှစ် ဇူလှိုင်လ(၂ဝ)ရက်နေ့တွင် ဇာသပြင်ကျေးရွာ၌ သန္ဓေတည်၍ လက်နက်ကိုင်တော်လှန်ရေးကို စတင်ခဲ့ကြသည်။

''လွတ်လပ်ရေးရပြီးတော့ လွတ်လပ်ရေးရဲ့အရသာကို အားလုံးအတူတကွခံစားချင်တာပေါ့၊ ဒါပေမဲ့လွတ်လပ်ရေး ရဖို့အတွက် ဖက်ဆစ်ကိုရော၊ နယ်ချဲ့ကိုရောအားလုံးအတူတိုက်ထုတ်ခဲ့ပြီး တမြေထဲနေတရေတည်းသောက်တဲ့ တိုင်းရင်းသားညီအကိုမောင်နှမတွေအားလုံးခံစားချင်တယ်၊ အဲ့လိုခံစားခွင့်မရတဲ့အတွက် တော်လှန်ရေးထပ်ဖြစ်သွားတယ်၊ ဒါ့ကြောင့်တော်လှန်ရေးက ကျနော်တို့မှာနှစ်ဆက်ဖြစ်သွားတာပေါ့...''ဟု တော်လှန်ရေးအကြောင်းကို မွန်အသင်းခေါင်းဆောင်ဦးမင်းမျိုးချစ်မှရှင်းပြသည်။

ယင်းသို့မွန်နှင့်အတူပြည်နယ်သတ်မှတ်ဖေါ်ထုတ်ရရှိရေးအတွက် ကရင်တိုင်းရင်းသားတို့ကပါ အတူပူးပေါင်း တိုက်ပွဲဝင်ခဲ့ပြီး အချက်(၄)ချက်ပါသည့် သဘောတူညီမှုဖြင့် အတူတော်လှန်ခဲ့ကြသည်ဟုဆိုသည်။ ကေအန်ယူဂျပန်ကိုယ်စားလှယ်စောမျိုးခိုင်ရှင်းက''မွန်နဲ့ကရင်ဆိုတာပြည်နယ်ချင်း လည်းဆက်စပ်နေသလို တော်လှန်ရေးကိုအတူတကွ သွေးစည်းစွာနဲ့တိုက်ပွဲဝင်ခဲ့တယ်၊ ဘယ်လောက်အထိတောင်သွေးစည်းသလဲဆိုရင် တော်လှန်ရေးအောင်မြင်တဲ့အခါ မွန်နဲ့ကရင်နှစ်ပြည်နယ်စလုံး တူညီတဲ့ငွေစက္ကူပြုလုပ်သုံးစွဲမယ်ဆိုတဲ့အထိကို သွေးစည်းခဲ့ကြတယ်...''ဟု တက်ရောက်ပြောကြားသွားသည်။

မွန်အမျိုးသားများအတွက် ကိုယ်ပိုင်ပြဌာန်းခွင့်အာမခံချက်မရှိဘဲပါတီနှင့် တပ်ခွဲထားခြင်း(သို့မဟုတ်)ဖျက်သိမ်းခြင်းကို လက်ခံမှာမဟုတ်ကြောင်း၊ စစ်အစိုးရ ကမ်းလှမ်းထားသည့် နယ်ခြားစောင့်တပ်အဖြစ် အသွင်ပြောင်းရေးအား လက်မခံကြောင်း ပါတီဌာနချုပ်ရှိရာ ရေးမြို့နယ်၊ ရေးချောင်းဖျားဒေသတွင် ပြီးခဲ့သည့် ဇူလိုင်လ ၂၇ ရက်မှ သြဂုတ် ၁ ရက်နေ့အထိ ၆ ရက်ကြာ ကျင်းပခဲ့သော ဗဟိုအလုပ်အမှုဆောင်အစည်းအဝေးမှ အဆိုပါသဘောထားများအား ဆုံးဖြတ်ခဲ့ပြီး ထိုဆုံးဖြတ်ချက် အတိုင်းလက်တွေ့လုပ်ဆောင်သွားမည်ဆိုသည်။
''ကိုယ့်ရဲ့ခံယူချက်မှန်ကန်နေတယ်၊ ကိုယ့်ရဲ့သဘောထားမှန်ကန်နေမယ်ဆိုရင် ဘယ်လိုဘဲဖြစ်ဖြစ်အောင်မြင်မှာပါ၊ ကျနော်တို့တမျိုးသားလုံးအတွက် ဖွဲ့စည်းထားတဲ့တော် လှန်ရေးဖြစ်တဲ့အတွက် မွန်လူမျိုးတွေရဲ့ တန်တူညီမျှမှုမရမခြင်းတော်လှန်ရေးကရှည်ကြာနေဦးမှာပါ...။ ''ဟုဦးမင်းမျိုးချစ်မှဆက်လက်ပြောပြသည်။

ယင်းအပြင်မွန်ပြည်သစ်ပါတီအနေနှင့်နအဖ၏ ၂ဝ၁ဝရွေးကောက်ပွဲကို ၄င်းတို့တောင်း ဆိုထားသည့်အတိုင်း သဘောတူညီမှုမရရှိလျှင် ဝင်ရောက်ယှဉ်ပြိုင်မှာ မဟုတ်ကြောင်းသိရသည်။ (၆၂)နှစ်မြောက်မွန်တော်လှန်ရေးနေ့အဖြစ် ဂျပန်တွင် ဒုတိယအကြိမ်မြောက်ကျင်းပ ခြင်းဖြစ်ပြီး ဂျပန်ရှိနိုင်ငံရေး ပါတီအချို့နှင့် တိုင်းရင်းသားအဖွဲ့အစည်း အသီးသီးမှကိုယ်စား လှယ်များ စုစုပေါင်း(၁ဝဝ) ကျော်ခန့်တက်ရောက်ခဲ့ကြသည်။

၂၃-၈-၂၀၀၉ ဂျပန်ရောက်ဒီမိုကရေစီလှုပ်ရှားသူများမှ ချီတက်ဆန္ဒပြပွဲ ဓါတ်ပုံမှတ်တမ်း

မှတ်တမ်းဓါတ်ပုံ - ဦးသန်းဝင်း

မြန်မာ့ဒီမိုကရေစီအရေးအတွက် ဆွေးနွေးရန် ဦးရဲထွဋ် ဂျပန်နိုင်ငံသို့ရောက်ရှိနေ

အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) အမေရိကန်ဌာနခွဲတွင် Co-founder တစ်ဦးအနေဖြင့်လည်းကောင်း၊ Core Menber of Excecutive of 88-Generation Students (Exile) တစ်ဦးအနေဖြင့်လည်းကောင်း၊ အခြားမြန်မာ့ဒီမိုကရေစီအရေးအတွက် လှုပ်ရှားဆောင်ရွက်နေသော ၈၈ ကျောင်းသားဟောင်းတစ်ဦးဖြစ်သူ ဦးရဲထွဋ်သည် ဂျပန်နိုင်ငံသို့ရောက်ရှိနေကြောင်းသိရသည်။

၁။ ၂၀၁၀ ရွေးကောက်ပွဲကို အလိုမရှိကြောင်း၊ ၂။ အမျိုးသားရင်ကြားစေ့ရေး ဆောင်ရွက်လိုလျင် စု လွတ် တွေ့ ဆိုသည့်အတိုင်း ဆောင်ရွက်စေလိုကြောင်း၊ ၃။ Federal စနစ်ကို သဘောတူကြောင်း စသည်တို့ကို ဂျပန်နိုင်ငံတွင် မြန်မာ့ဒီမိုကရေစီအရေးအတွက် ဆောင်ရွက်နေသော အဖွဲ့အစည်းများနှင့် ဆွေးနွေးရန် လာရောက်ခြင်း ဖြစ်ကြောင်းသိရသည်။

ယနေ့ (AUN) ညီညွှတ်သော တိုင်းရင်သားများ အဖွဲ့အစည်းနှင့် တွေ့ဆုံဆွေးနွေးပွဲတွင် ညနေ ၆း၃၀မှ ည ၁၀း၀၀နာရီအထိ AUN ရုံခန်းတွင် အထက်ပါ အဓိကထားဆွေးနွေးလိုသော အချက် ၃ ချက်နှင့်အတူ BMC ဆိုသည့် အဖွဲ့အစည်းတခုကို ဖွဲ့စည်းတည်ထောင်မည် ဖြစ်ကြောင်းထည့်သွင်းပြောကြားသွားသည်။ ထိုပွဲတွင် AUN အဖွဲ့ဝင် ၂၀ ခန့်တက်ရောက်ခဲ့ကြသည်။

အခြားကျန်ရှိနေသော အဖွဲ့အစည်းများနှင့်လည်း ဆွေးနွေးလိုကြောင်းနှင့် မြန်မာ့ဒီမိုကရေစီအရေး လှုပ်ရှားသည့် ပြည်ပနိုင်ငံများထဲတွင် ဂျပန်နိုင်ငံကို အားရကြောင်း၊ တန်ဘိုးထားလေးစားမိကြောင်း ပြောကြားသွားခဲ့သည်။

ရန်ကုန်တိုင်း တရားရုံးတွင် လာမည့် တပတ်အတွင်း အယူခံတင်ရန် ပြင်ဆင်နေ

မြင့်မောင် (မဇ္ဈိမ)။ ။ အင်းစိန်ထောင်တွင်း မြောက်ပိုင်းတရားရုံးက ဒေါ်အောင်ဆန်းစုကြည်ကို ထောင်ဒဏ် ချမှတ်ခဲ့သည်မှာ ဥပဒေနှင့် မကိုက်ညီဟုဆိုကာ သူမ၏ ရှေ့နေများက အယူခံ ဝင်သွားမည် ဖြစ်သည်။

တရားဝင် ရပ်ဆိုင်းပြီး ဥပဒေဖြင့် တရားစွဲဆို ပြစ်ဒဏ်ချခဲ့သဖြင့် ဒေါ်အောင်ဆန်းစုကြည်၏ ရှေ့နေများက ရန်ကုန်တိုင်း တရားရုံးတွင် လာမည့် တပတ်အတွင်း အယူခံတင်ရန် ပြင်ဆင်နေခြင်း ဖြစ်သည်။

“ဒေါ်အောင်ဆန်းစုကြည်က အယူခံတင်ဖို့ ပြောပါတယ်။ အယူခံကို ရေးနေတုန်း ရှိပါသေးတယ်။ ပြီးတာနဲ့ ဒေါ်စုကို ပြမယ်။ ပြပြီးတာနဲ့ အတည်ပြုချက်ရရင် တိုင်းတရားသူကြီးရုံးကို တင်မှာပါ။ လာမယ့် အပတ်ထဲမှာ တင်ဖို့ လုပ်နေပါတယ်” ဟု ဒေါ်အောင်ဆန်းစုကြည်၏ ရှေ့နေတဦးဖြစ်သူ ဦးကြည်ဝင်းက မဇ္ဈိမကို ပြောသည်။

၁၉၇၄ ခုနှစ် ဖွဲ့စည်ပုံ အခြေခံဥပဒေအရ အလုပ်နှင့် ထောင်ဒဏ် ၃ နှစ် ချမှတ်ခဲ့ပြီးနောက် ဗိုလ်ချုပ်မှူးကြီးသန်းရွှေ အမိန့်အရ ထောင်ဒဏ်ကို ၁၈ လသို့ လျှော့ပေါ့ကာ ဆိုင်းငံ့ပြစ်ဒဏ်အဖြစ် ကန့်သတ်စည်းကမ်းများဖြင့် သူမ၏ နိုင်ငံရေး လုပ်ဖော်ကိုင်ဘက် ဒေါ်ခင်ခင်ဝင်း၊ သမီးဖြစ်သူ မဝင်းမမနှင့်အတူ တက္ကသိုလ်ရိပ်သာလမ်း နေအိမ်တွင် ပြန်လည် ထိန်းသိမ်းခဲ့သည်။

၂၀၀၈ ဖွဲ့စည်းပုံ အခြေခံဥပဒေ နိဒါန်း အပိုဒ် ၃ တွင် ဖော်ပြထားသည်မှာ ၁၉၈၈ ခုနှစ်တွင် မြန်မာနိုင်ငံ၌ ဖြစ်ပေါ်ခဲ့သည့် အခြေအနေ အရပ်ရပ်ကြောင့် ၁၉၇၄ ခုနှစ် ဖွဲ့စည်းပုံအခြေခံဥပဒေ ရပ်ဆိုင်းသွားခဲ့ကြောင်း ဖော်ပြထားသည့်အပြင် ဗိုလ်ချုပ်မှူးကြီးသန်းရွှေက ၂၀၀၈ ခုနှစ် မေလ ၂၉ ရက်နေ့ ရက်စွဲဖြင့် လက်မှတ်ထိုးပြီး ကြေညာခဲ့သဖြင့် ထိုဥပဒေသည် ယခုအခါ ပျက်ပြယ်ပြီးကြောင်း ဦးကြည်ဝင်းက ပြောသည်။

ဒေါ်အောင်ဆန်းစုကြည် အမှုတွင် အဓိက ပြစ်မှုကျူးလွန်ခဲ့သည့် ဂျွန်ယက်တောသည် ထောင်တွင်း တရားခွင်က အလုပ်ကြမ်းနှင့် ထောင်ဒဏ် ၇ နှစ် ချမှတ်ခဲ့သော်လည်း စစ်အစိုးရက နေရပ်ရင်း အမေရိကန်နိုင်ငံသို့ ပြန်ပို့ခဲ့ပြီး ဖြစ်သည်။

မဇ္ဈိမသတင်းဌာန

မင်းသစ်တည် ကဗျာအား ဖြန့်ဝေပေးခြင်း

ဝိရောဓိ ပစ္စုပ္မန်

အမှိုက်ကို ရွှေထင်ပြီး…
နိုးထရမယ့်မနက်ခင်း… နိုးလော့…….။

လတ်ဆတ်တဲ့ အိမ်မက်မရှိတဲ့ ….. တိုင်းပြည်…..၊
ဦးတည်ရာ လမ်းမရှိဘဲ… လျှောက်နေမိတဲ့…. ခြေထောက်တို့…..၊
အနာဂါတ်ရဲ့ ပစ္စုပ္မန်လေးတွေ……

သမိုင်းကို ပုခုံးတင်ပြီး….
ကျောင်းတက်ခေါင်းလောင်း ရှိရာဆီ….. ပြေးကြ…..။

ဟိုမှာ…… ထောင်ဗူးဝ…..
အမှန်တရားအတွက်…. အသက်ကို စတေးရဲသူတို့….
အတ္တကို ဇီဝိန်ချုပ်ပြီး…. နေနေကြ…..
ဝိရောဓိ….. အရှိ……။

ငွေအတွက် အတ္တကို သူတောင်းစား လုပ်နေသူများ….
ကိုယ့်ကျောပေါ်ကျကျလာတဲ့…… နှင်တံကို …ကိုင်ပြီး….
အမျိုးသား ကာကွယ်ရေး…. တံဆိပ် ကပ်ကြ….။

သခင်က ပလ္လင်မှာ ထိုင်ရင်း…. အာဏာ နူနာစွဲနေ…..
နောက်ကမယားက…. အ၀ီဇိ မျိုးဆက်ကို….
ရင်ဝယ်ပိုက်ထွေးရင်း….
မိုနာလီဇာတစ်လှည့်….. ကလီယိုပက်ထရာတလှည့်….
ပေါ်လီယာနာ ဂိုက်လည်း ဖမ်းထားသေးတယ်…..။

နာဂစ်လည်း…. တွေ့ပြီးပြီ…. NGO….. တွေလည်း မွှေပြီးပြီ……
ငတက်ပြားတစ်သိုက်…. ကျားကန်ထားတဲ့….
ရာဇပလ္လင်လည်း…. ယိုင်နဲ့ခဲ့ပြီးရင်…
မြိုချမယ့်… ဂူဝတွေလည်း…. ဆောက်ပြီးပြီ…။

အနာဂတ်ကို အံစာခေါက်ရင်း…. ပြက္ခဒိန် တွေ ဆွဲစုတ်…..။

မှားပါ များတဲ့ …. အမှားဟာ…
ယဉ်ကျေးမှုတစ်ခု…. ဖြစ်ရော့သလား….။

လျှောက်မိမှတော့…. ပြဒါးတစ်လမ်း…. သံ တစ်လမ်း….
ဆုံးအောင် လျှောက်ကြကြေးဟေ့……။

ဘယ်ဘုံဘ၀ ရောက်ရောက်…… “သစ္စာ” ဆိုတဲ့ ရန်ကြွေးရှိရင်….
ကမ္ဘာမကြေ တေးလည်း….
ဆုံးခန်းတိုင်အောင်…. ဆိုလိုက်ကြရအောင်…။

မင်းသစ်တည် (19.8.2009)

http://www.ko-htike.blogspot.com/ မှကူးယူဖေါ်ပြပါသည်။

နအဖစစ်တပ်မှ ရှမ်းကျေးရွာများကို အကြမ်းဖက်မီးရှို့ဖျက်ဆီးနေမှုအပေါ် ဂျပန်နိုင်ငံရောက် သျှမ်းတိုင်းရင်းသားများမှ ကန့်ကွက်ဆန္ဒပြ

ဇူလိုင်လ ၂၇ ရက်နေ့မှစပြီး ရှမ်းပြည်နယ်အလယ်ပိုင်းရှိ ကျေးရွာပေါင်း ၄၀ ခန့်ကို နအဖစစ်တပ်မှ အကြမ်းဖက်ဝင်ရောက်စီးနင်းပြီး၊ နေအိမ်များကိုမီးရှို့ခြင်း၊ ရွာတွင်းရှိ လူထုများအား အဓမ္မပြောင်းရွေ့ ခိုင်းခြင်းများ၊ ဒေသခံရွာသားတစ်သောင်းကျော် အိုးမဲ့အိမ်မဲ့ဖြစ်နေခဲ့ရသည့်အပြင် ညှင်းပန်း နှိပ်စက်မှုများကြောင့် လူသေဆုံးမှုများဖြစ်ပေါ်နေသဖြင့် အဆိုပါလူမဆန်သည့်လုပ်ရပ်များကို ရပ်တန့်ပေးရန်အတွက် ဂျပန်နိုင်ငံ၊ တိုကျိုမြို့ရှိ သျှမ်းတိုင်းရင်းသားများမှ နအဖစစ်အခွန်ရုံးရှေ့တွင် ကန့်ကွက်ဆန္ဒပြခဲ့ကြကြောင်း သိရှိရသည်။

ယခုလိုကန့်ကွက်ဆန္ဒရခြင်းနှင့် ပတ်သက်ပြီး သျှမ်းတိုင်းရင်းများဒီမိုကရေစီအဖွဲ့(ဂျပန်)မှ နာယကတစ်ဦးဖြစ်သူ စိုင်းအောင်မျိုးမြင့်မှ “ လက်ရှိ ကျနော်တို့ရဲ့ ရှမ်းပြည်နယ်အလယ်ပိုင်း မိုင်းကိုင်နှင့် လဲချားမြို့တွေမှာရှိတဲ့ ရွာပေါင်း ၄၀ ခန့်ကို နအဖစစ်တပ်မှ အဓမ္မ၀င်ရောက်ပြီး ညှင်းဆဲသတ်ဖြတ်မှုတွေ၊ လူနေအိမ်တွေကို ဖျက်ဆီးမီးရှို့မှုတွေကို ဇူလိုင်လ ၂၇ နေ့ကစပြီး စတင်ပြုလုပ်နေခဲ့ပါတယ်။ ဒါဟာ ဘာကြောင့် ဒီလိုလုပ်ရသလဲလို့ စုံစမ်းကြည့်တဲ့အခါမှာ မေလနှင့် ဇွန်လအတွင်းက SSAတပ်နဲ့ နအဖတပ်တို့တိုက်ပွဲဖြစ်တဲ့အခါမှာ နအဖတပ်ဘက်က ဗိုလ်မှူးတွေ၊ စစ်သားတွေ အကျအဆုံးများလို့ အဲဒါကိုမကျေနပ်လို့ ကလဲ့စားချေတဲ့အနေနဲ့ ယခုလိုပြုလုပ်တာလို့သိရပါတယ်။ ဒါဟာ လူမဆန်တဲ့လုပ်ရပ်ပါ။

အပြစ်မဲ့တဲ့ရွာသားတွေကို အနိုင်ကျင့်စော်ကားပြီး အိမ်တွေကိုမီးရှို့၊ ရွာတွေကိုဖျက်ဆီး၊ လူတွေကိုသတ်ဖြတ်နေတာကို ဂျပန်မှာရောက်ရှိနေတဲ့ ကျနော်သျှမ်းတိုင်းသားတွေက လုံးဝကန့်ကွက် ရှုတ်ချတဲ့အတွက် ယခုလိုဆန္ဒပြရခြင်းဖြစ်ပါတယ်…”ဟု ပြောကြားခဲ့သည်။

ဆက်လက်ပြီး “ ယခုလုပ်ရပ်ဟာ ဒုတိမြောက်အကြီးမားဆုံးသော လူ့အခွင့်အရေးချိုးဖောက်မှုပါ။ ပထမအကြိမ်ဖြစ်တဲ့ ၁၉၉၆ ခုနှစ်ကနေ ၁၉၉၈ ခုနှစ်အထိ ယခုလိုမျိုးယုတ်မာရက်စက်စွာလုပ်ခဲ့မှုကြောင့် သျှမ်းပြည်သူ ၃ သိန်းကျော်ဟာ ထိုင်း-မြန်မာနယ်စပ်သို့ထွက်ပြေးခဲ့ရပြီး ဒုက္ခပေါင်းစုံနဲ့ ရင်ဆိုင်ခဲ့ရပါတယ်။ အခုလည်း ဒါမျိုးကျူးလွန်နေတာကို ကျနော်တို့တစ်တွေက မကန့်ကွက်ဘူး၊ မဆန့်ကျင်ဘူး၊ မရှုတ်ချဘူးဆိုရင် ပိုပြီးအတင့်ရဲလာလိမ့်မယ်။ ဒါကြောင့် ကျနော်တို့နဲ့အတူ ဂျပန်မှာရောက်ရှိနေကြတဲ့ မြန်မာ့ဒီမိုကရေစီ ရဲဘော်များကလည်း တိုင်းရင်းသားများအရေး၊ နအဖရဲ့ လူ့အခွင့်အရေး ချိုးဖောက်နေမှုများကို ကန့်ကွက်ရှုတ်ချပေးကြပါလို့ မေတ္တာရပ်ခံပါတယ်..”ဟု ပြောဆိုသည်။

ကန့်ကွက်ဆန္ဒပြခြင်းကို သျှမ်းတိုင်းရင်းသားများ ဒီမိုကရေစီအဖွဲ့(ဂျပန်) (SND-Japan) နှင့် သျှမ်းပြည်နယ်တိုင်းရင်းသားများ ဒီမိုကရေစီအဖွဲ့(ဂျပန်) (SSND-Japan) တို့မှ ဦးဆောင်ကာ နေ့လယ် ၃ နာရီမှ ၄ နာရီအထိနအဖစစ်အခွန်ရုံးရှေ့တွင်ပြုလုပ်ခဲ့ကြပြီး ဂျပန်နိုင်ငံအခြေစိုက် မြန်မာ့ဒီမိုကရေစီ အဖွဲ့အသီးသီးမှလည်း ပူးပေါင်းပါဝင်ခဲ့ကြ၍ နအဖ၏လူမဆန်သည့်လုပ်ရပ်များကို ရှုတ်ချကြောင်း ပြောဆိုသွားခဲ့ကြသည်။

ရှမ်းပြည်နယ်အတွင်း နအဖစစ်တပ်၏ လူ့အခွင့်အရေးချိုးဖောက်နေမှုများကို ကုလသမဂ္ဂမှ တားမြစ်ပေးရန်အတွက်၊ သျှမ်းလူ့အခွင့်အရေးမဏ္ဍိုင်၊ သျှမ်းအမျိုးသမီးရေးရာ ဆက်သွယ်လှုပ်ရှား ဆောင်ရွက်ရေးအသင်း၊ သျှမ်းကယ်ဆယ်ရေးနှင့်ဖွံ့ဖြိုးရေးကော်မတီ၊ သျှမ်းသဘာဝပတ်ဝန်းကျင်အဖွဲ့၊ သျှမ်းလူငယ်အင်အားအဖွဲ့နှင့် သျှမ်းကျန်းမာရေး စောင့်ရှောက်မှု ကော်မတီတို့နှင့်အတူ သျှမ်းတိုင်းရင်းသားများ ဒီမိုကရေစီအဖွဲ့(ဂျပန်)နှင့် သျှမ်းပြည်နယ်တိုင်းရင်းသားများ ဒီမိုကရေစီအဖွဲ့ (ဂျပန်)တို့မှ စုပေါင်းတောင်းဆိုထားကြောင်းလည်း သိရှိရသည်။

သတင်းရေးသားသူ-နန်းအိမွန်ချစ်၊ စိုးဝင်းရှိန်

KNU က ခွဲထွက်များ ပြန်လည် ပူးပေါင်းမှု ကြိုးပမ်းသွားမည်

မဇ္ဈိမသတင်းဌာန၊ ချင်းမိုင် ။ ။ KNU တပ်မဟာ (၆) နယ်မြေအတွင်းရှိ KNLA တပ်ရင်းအချို့က KNU သို့ DKBA တပ်ဖွဲ့ဝင်များ ပိုမို၍ ပြန်လည် ပူးပေါင်းလာနိုင်မည့် နည်းလမ်းများကို ဆွေးနွေး ရှာဖွေလျက် ရှိသည်။

KNU အတွင်းသို့ လာရောက်ပူးပေါင်းမည့် DKBA တပ်ဖွဲ့ဝင်များအား ၎င်းတို့၏ ရာထူးတာဝန်များအတိုင်း တာဝန်ထမ်းဆောင်ခွင့် ပေးနိုင်ရေးအတွက် တပ်မဟာ (၆) နယ်မြေဖြစ်သည့် ကရင်ပြည်နယ် ဒူပလာယာ ခရိုင်အတွင်းရှိ KNLA တပ်ရင်း ၁၆ နှင့် ၁၇ ရှိ တပ်မှူးအချို့အကြား ဆက်သွယ်ညှိနှိုင်းမှုများ ပြုလုပ်နေပြီဖြစ်သည်။

“သူတို့ ပြန်လာမယ်ဆိုလို့ရှိရင် တပ်စုမှူးအဆင့်ကနေ တပ်စိပ်မှူးအဆင့်အထိ လျှော့ချလိုက်မယ် ဆိုလို့ရှိရင် ဒါမဖြစ်နိုင်ဘူးပေါ့။ သူတို့ဘက်မှာလည်း ထိခိုက် မနစ်နာအောင် တပ်စိပ်တစိပ်နဲ့ ပြန်လာလို့ရှိရင် တပ်စိပ်မှူးပေါ့။ တပ်စုတစုနဲ့ ပြန်လာလို့ရှိရင် တပ်စုမှူးပေါ့။ အကြမ်းမျဉ်းတော့ ဒီလိုသဘောထားရှိတယ်” ဟု အမည်မဖော်လိုသူ KNLA အရာရှိတဦးက မဇ္ဈိမကို ပြောသည်။

ယခု အစီအစဉ်အား တပ်မဟာ (၆) နယ်မြေအခြေစိုက် တပ်ရင်း ၃ ခုမှ အခြားတပ်ရင်းတခုဖြစ်သော တပ်ရင်းအမှတ် ၁၈ နှင့် ဆွေးနွေးနိုင်ခြင်း မရှိသေးသော်လည်း တပ်မဟာ (၆) တပ်မဟာမှူးထံသို့ တင်ပြထားသည်။

“ကျနော်တို့ လက်ရှိ ကရင်အချင်းချင်းက ပဋိပက္ခ ဖြစ်တဲ့နေရာမှာ အကြမ်းဖက်နည်းနဲ့ လက်နက်ကိုင် တိုက်နေခိုက်နေလို့ ဆုံးတော့မှာ မဟုတ်ဘူးလေ။ လက်ရှိအောက်ခြေမှာတော့ ဖြစ်ရှိနေတဲ့ အနေအထားအရ ဒါကိုလုပ်မယ်၊ အစီအစဉ်ရှိတယ် ဆိုတာကိုတော့ ခရိုင်နဲ့ တပ်မဟာကို အသိပေးတယ်။ အပေါ်ကတော့ ဆိုးတယ် ကောင်းတယ်လို့ ဘာမှ မပြောသေးဘူး” ဟု သူက ဆက်ပြောသည်။

ယင်းကိစ္စများနှင့် ပတ်သက်၍ KNU ဗဟိုဌာနချုပ်သို့ တင်ပြလာလျှင် သုံးသပ်ပြီး သင့်တော်ပါက ဦးဆောင် အကောင်ထည် ဖော်သွားမည်ဖြစ်ကြောင်း KNU ဒုဥက္ကဌက ပြောသည်။

“ကျနော်တို့ ဘာမှမသိရသေးဘူး။ ခရိုင်တခုဆီမှာ DKBA ကိစ္စနဲ့ ပတ်သက်လို့ ကိုင်တွယ်ဖို့ ကော်မတီ တခုစီ ရှိတယ်။ ဗဟိုကို တင်ပြရင် သုံးသပ်ပြီးတော့ သင့်တော်မယ် ဆိုလို့ရှိရင် အဲဒီအတိုင်း လုပ်ပေါ့ဗျာ။ နောက်ပြီး ကျနော်တို့က အကြံပေးမယ်၊ ဉာဏ်ပေးမယ်။ ရှေ့ဆောင်မယ်၊ လမ်းပြမယ်ပေါ့ဗျာ” ဟု ဒုဥက္ကဋ္ဌ စောဒေးဗစ်တာကပေါက မဇ္ဈိမကို ပြောသည်။

DKBA အရာရှိတဦးကမူ ယင်းအစီအစဉ် ဖြစ်မြောက်ရန် ခက်ခဲမည်ဟု ထင်ကြောင်းနှင့် သို့သော် နှစ်ဖက် အထက်လူကြီးများ၏ သဘောတူ စီမံခန့်ခွဲမှုကို လိုက်နာကြမည်ဖြစ်ကြောင်း ပြောသည်။

“ကျနော်ကတော့ အဲလောက် အခြေအနေအထိ ဖြစ်လာနိုင်ဖို့ဆိုတာကတော့ ဘယ်လိုမှ မခန့်မှန်းနိုင်ဘူး။ သူတို့အခြေအနေအရနဲ့ လက်ရှိအခြေအနေ။ ပြည်တွင်း အခြေအနေရော။ သူတို့နေထိုင်နေရတဲ့ ပြည်ပ အခြေအနေ အဖက်ဖက်မှာလေ။ အဲဒီသူတို့ လူကြီးပိုင်းမှာ နှစ်ဦးနှစ်ဖက် အဆင်ပြေရင် အောက်ခြေကတော့ ပြောစရာမလိုဘူး”ဟု သူက ပြောသည်။

ဦးသာထူးကျော် ခေါင်းဆောင်သည့် ဒီမိုကရက်တစ် တိုးတက်သော ဗုဒ္ဓဘာသာကရင်အမျိုးသား တပ်မတော် DKBA သည် ကရင်အမျိုးသားအစည်းအရုံး KNU မှ ၂၀၀၄ ခုတွင် ခွဲထွက်ခဲ့ပြီး လှိုင်းဘွဲ့မြို့နယ် မြိုင်ကြီးငူရွာတွင် အခြေစိုက်ထားသည်။

ဒေါ်အောင်ဆန်းစုကြည် လွတ်မြောက်ရေးအတွက် ချီတက်ဆန္ဒပြပွဲပြုလုပ်မည်

ဂျပန်ရောက် မြန်မာ့ဒီမိုကရေစီအရေး လှုပ်ရှားသူများ မိမိတို့ခေါင်းဆောင်၏ အစီအစဉ်အတိုင်း ပူးပေါင်းဆောင်ရွက်နိုင်ကြစေရန် တင်ပြခြင်းဖြစ်ပါသည်။

၂၃-၈-၂ဝဝ၉ (တနင်္ဂနွေနေ့)တွင် ကျင်းပမည့် “ဒေါ်အောင်ဆန်းစုကြည် လွတ်မြောက်ရေး” ချီတက်ဆန္ဒပြပွဲ နှင့်ပတ်သက်၍ အောက်ပါအကြောင်းအရာများကို လေးစားစွာ အသိပေးအပ်ပါသည်။

1. စုရပ်အဖြစ် Ebisu ပန်းခြံအား နေ့လည် (၁)နာရီမှ (၃)နာရီထိ အသုံးပြုခွင့် ရရှိခဲ့ပါသည်။ သို့ပါ၍ ရဲခွင့်ပြုချက် ပုံစံဖြည့်ရန်အတွက် လိုက်ပါလိုသူများ တနင်္လာနေ့ (၁၇-၈-၂ဝဝ၉) မွန်းလွဲ (၃)နာရီတွင် Kasumigaseki ဘူတာအနီး ရဲချုပ်ရုံးရှေ့တွင် စောင့်ဆိုင်း၍ အတူတကွ ပါဝင်လုပ်ဆောင်ကြရန် ဖိတ်ခေါ်ပါသည်။

2. ချီတက်ဆန္ဒပြပွဲနေ့တွင် ပါဝင်ဆင်နွှဲမည့်သူများအား မွန်းလွဲ (၁)မှ စတင်စုရုံးပါမည်။ မွန်းလွဲ (၁)နာရီခွဲ တွင် အခမ်းအနား စတင်လျက် မွန်းလွဲ (၂)နာရီခွဲတွင် စတင်ချီတက်ဆန္ဒပြပါမည်။

3. ချီတက်ဆန္ဒပြပွဲ ဂိတ်ဆုံး ပန်းခြံမှာ Sendagaya ဖြစ်ပါသည်။

4. အခမ်းအနားဖွင့်ပွဲနှင့် ပတ်သက်၍၎င်း၊ ချီတက်ဆန္ဒပြပွဲအတွက် စည်းကမ်းထိန်းသိမ်းရေး၊ ရေသန့် ဗူးများ ဝေငှရေး၊ သတင်းပြန်ကြားရေး၊ အလံကိုင်နှင့် ပိုစတာ-နဖူးစည်းများ၊ ကြွေးကြော်သံများ၊ ဖိတ်ခေါ်မည့် ဂျပန်အဖွဲ့အစည်းနှင့် လူပုဂ္ဂိုလ်များ အစရှိသည်တို့နှင့် ပတ်သက်၍၎င်း မိမိတို့ ပါဝင် လှုပ်ရှားမည့်အစီအစဉ်များကို အသေးစိတ်ဆွေးနွေးလိုပါက ကြာသာပတေးနေ့ (၂ဝ-၈-၂ဝဝ၉) နောက်ဆုံးထား၍ ဆက်သွယ်နိုင်ပါကြောင်း လေးစားစွာ အကြောင်းကြားအပ်ပါသည်။

ဆက်သွယ်ရန်

ကိုသန်းဆွေ - (090-4964-9718)
ကိုမိုင်ကျော်ဦး (03-5968-4440)
ကိုမြင့်ဆွေ (090-7247-6099)
ကိုလွင်အောင်စိုး (090-6505-6858)

ဦးတင်ယု အပါအဝင် အမှုတွဲတူ ၁၀ ဦးအနက်အချို့ကို နောက်တိုးထောင်ဒဏ်၂ နှစ်စီ ချမှတ်

မဇ္ဈိမသတင်းဌာန၊ ချင်းမိုင် ။ ။ အင်းစိန်ထောင်ထဲတွင် ထောင်ဒဏ် ၇ နှစ်ခွဲ ပြစ်ဒဏ်ကျနေသည့် ရန်ကုန်တိုင်း လှိုင်သာယာမြို့နယ် အန်အယ်ဒီ မြို့နယ်စည်း ဦးတင်ယု အပါအဝင် အမှုတွဲတူ ၁၀ ဦးအနက်အချို့ကို ထောင်တွင်းတရားရုံးက ယခုလ ၁၄ ရက်နေ့တွင် နောက်တိုးထောင်ဒဏ်၂ နှစ်စီ ချမှတ်လိုက်ပြန်သည်။

၂ဝဝ၇ ခု သြဂုတ်လနှင့် စက်တင်ဘာလအတွင်း ဖြစ်ပွားခဲ့သည့် ကုန်ဈေးနှုန်း ကျဆင်းရေးနှင့် သံဃာတော်များ ဦးဆောင်သည့် ရွှေဝါရောင်လှုပ်ရှားမှုတွင် ပါဝင်ခဲ့သဖြင့် အမှုတွဲတခုထဲအဖြစ် ဖမ်းဆီးခံခဲ့ရပြီးနောက် စွဲချက်တင်ထားသည့် ပုဒ်မတချို့ဖြင့် ပြစ်ဒဏ် ၇ နှစ်ခွဲ ချမှတ်ခဲ့ပြီးနောက် ယခုတဖန် တာဝန်ဝတ္တတရား နှောင့်ယှက်မှုဖြင့် ၂ နှစ်စီ ထပ်မံ၍ ပြစ်ဒဏ်ချခြင်း ဖြစ်သည်။

“ကျန်းမာရေးကတော့ အစာအိမ်ရော ကျီးပေါင်းရောပေါ့နော်။ အင်းစိန်ထောင်ဆေးရုံမှာ တင်ထားရတယ်။ ဆေးရုံပေါ်က ခေါ်ပြီးတော့ ရုံးထုတ်ပြီး အမိန့်ချတာ” ဟု ဦးတင်ယု၏ သမီးဖြစ်သူ မသင်းသင်းယုက မဇ္ဈိမကို ပြောသည်။

၎င်းတို့ ၁၀ ဦးစလုံးအား ယခုလ ၄ ရက်နေ့က အမိန့်ချမည်ဖြစ်သော်လည်း ဦးတင်ယုသည် အစာအိမ်ရောဂါ ဆိုးရွားနေသဖြင့် ထောင်ဆေးရုံတွင် ဆေးကုသမှု ခံယူနေခဲ့ရပြီး၊ ယခုလ ၁၄ ရက်နေ့သို့ ရုံးချိန်းရက်ပေးကာ ရောဂါအခြေအနေ မသက်သာသော်လည်း ရုံးထုတ်၍ အမိန့်ချမှတ်ခဲ့ခြင်း ဖြစ်သည်။ တချို့ကိုမူ ၄ ရက်နေ့ကတည်းကပင် ပြစ်ဒဏ်ပေးခဲ့ပြီး ဖြစ်သည်။

ယခုလ ၁၅ ရက်နေ့တွင် အင်းစိန်ထောင်ရှိ ခင်ပွန်းသည် ကိုကျော်စိုးဝင်းထံ ထောင်ဝင်စာ သွားတွေ့ခဲ့သည့် ဇနီးဖြစ်သူ မအိလေးက “၃၅၃ (တာဝန်ဝတ္တတရား နှောင့်ယှက်မှု) နဲ့ ၂ နှစ် ထပ်ချခံရတာ။ သူ မရှိတော့ ဒုက္ခရောက်တာပေါ့။ ကိုယ်ဝန်ကြီးနဲ့ ဈေးရောင်းနေရတာပေါ့။ သူ့အမှု မပြီးသေးလို့ ဈေးမရောင်းဘဲ နေနေရတာ ကြာပြီ” ဟု ပြောသည်။

မအိလေးသည် ၁ နှစ်နှင့် ၄ အရွယ် သားတဦးနှင့် ၇ နှစ်အရွယ် သမီးတို့ဖြင့် ရုန်းကန်ရပ်တည်နေရသူ ဖြစ်သည်။

ဦးတင်ယုသည်လည်း ယခုတိုင် ကျန်းမာရေး အခြေအနေ ကောင်းမွန်ခြင်း မရှိဘဲ၊ ယခင်ကတည်းက လေ၊ သွေးတိုး၊ ကျီးပေါင်း ရောဂါများနှင့် မျက်စိဝေဒနာ စွဲကပ်နေခဲ့သူ ဖြစ်သည်။

သမီးဖြစ်သူ မသင်းသင်းယုက ''အစာစားလို့ မရဘူး။ ဂလူးကွတ်တွေပဲ နှာခေါင်းပိုက်သွင်းပြီးတော့ ထည့်နေရတယ်။ အစာအိမ်အောင်တဲ့အထဲ ကျီးပေါင်းက တက်တော့ မူးတာပေါ့။ တော်တော်ကို ပိန်သွားတယ်'' ဟု ပြောသည်။

ဦးတင်ယုသည် ၂ဝဝ၇ ခုနှစ် သြဂုတ်လနှင့် စက်တင်ဘာလအတွင်း ဆန္ဒပြပွဲများ၌ ပါဝင်ခဲ့သဖြင့် ၄၃ ရက်ကြာ စစ်ကြောထိန်းသိမ်းခံခဲ့ရသေးသည်။

၂၀၀၈ ခုနှစ် ဧပြီလ ၄ ရက်နေ့တွင်မူ လူတစုက တံတားဖြူမှတ်တိုင်၌ ၀ိုင်းဝန်းရိုက်နှက်သဖြင့် ဦးခေါင်းတွင် ၂၃ ချက် ချုပ်ရကာ၊ မျက်စိပါ ထိခိုက်ခဲ့ရသည်။

ထိုနှစ် သြဂုတ်လ ၂၈ ရက်နေ့တွင် အာဏာပိုင်များက ဖမ်းဆီးသွားကာ၊ ၂၀၀၈ ခု နိုဝင်ဘာလ ၁၃ ရက်နေ့တွင် အင်းစိန်ထောင်တွင်း တရားခွင်က ၇ နှစ်ခွဲ စတင်၍ ပြစ်ဒဏ်ချခဲ့သည်။

သူသည် အကျဉ်းထောင်ထဲတွင် ''လူ့အခွင့်အရေး ရရှိရေး … ဒို့အရေး၊ ဒို့အရေး'' ဟူ၍ ကြွေးကြော်ခဲ့သဖြင့် ၃ လထက်မနည်း တိုက်ပိတ်ခံခဲ့ရသေးသည်။

“ပြန်ပေဦးတော့ ကျေးဇူးရှင်ရေ ... ဘိုင့်ဘိုင်”

ကာတွန်းဟန်လေး

မစ္စတာ ၀က်ဘ်နဲ့ ဟီလာရီကလင်တန် တွေ့ဆုံမည်

၂၀၀၉ ခုနှစ်၊ Augustလ၊ ၁၆ရက်နေ့တွင် မစ္စတာယက်တောကို အင်းစိန်ထောင်အတွင်းကနေ အမေရိကန်သံရုံးကားနဲ့ သွားရောက်ခေါ်ထုတ်ခဲ့ပြီး လွတ်တော်အမတ်ဂျွန်ဝက်ဘ်နဲ့အတူ အမေရိကန်နိုင်ငံသို့ ပြည်တော်ပြန်ပြီဖြစ်ကြောင်း သိရသည်။

ထို့နောက် ထိုင်းနိုင်ငံ ဘန်ကောက်မြို့ လွတ်တော်အမတ် ဂျွန်ဝက်ဘ်က သတင်းစာရှင်းလင်းပွဲတွင် ဒေါ်အောင်ဆန်းစုကြည် နေအိမ်ဝင်းအတွင်း ကျူးကျော်ဝင်ရောက်ခဲ့တဲ့အတွက် အလုပ်နဲ့ ထောင်ဒဏ် ၇ နှစ် ပြစ်ဒဏ် ချမှတ်တာ ခံခဲ့ရတဲ့ အမေရိကန်နိုင်ငံသား ဂျွန်ဝီလျံ ယက်တော ကိုပါ ဒီကနေ့ မြန်မာနိုင်ငံကအပြန်မှာ သူနဲ့အတူ ပြန်လည် ခေါ်ဆောင်လာခဲ့တာဖြစ်ကြောင်း၊ ဗိုလ်ချုပ်မှူးကြီး သန်းရွှေနဲ့တွေ့ဆုံအပြီး ဒေါ်အောင်ဆန်းစုကြည်ကို နေအိမ်အကျယ်ချုပ် ချမှတ်မှုကနေ လွှတ်ပေးဖို့အပြင် လာမယ့်နှစ် စီစဉ်ထားတဲ့ ရွေးကောက်ပွဲတွေမှာပါ ပါဝင်ခွင့်ပြုဖို့လည်း တောင်းဆိုခဲ့ကြောင်း ပြောကြားသွားသည်။

တဆက်တည်းမှာပင် အထီးကျန်ဖြစ်နေတဲ့ မြန်မာလူထုအပေါ် ဖိနှိပ်မှုတွေ လုပ်နေတဲ့အစိုးရကို ပြုပြင်ပြောင်းလဲမှု တွေ လုပ်လာစေဖို့အတွက် အိမ်နီးချင်း တရုတ်နိုင်ငံက သူ့ရဲ့ သြဇာအရှိန်အ၀ါကို သုံးပြီး ဖိအားပေးလုပ်ဆောင်ဖို့ တာဝန် ရှိသည်ကြောင်း၊ မစ္စတာ ၀က်ဘ် ဟာ အမေရိကန်နိုင်ငံခြားရေးဝန်ကြီး ဟီလာရီကလင်တန်နဲ့ တွေ့ဆုံပြီး မြန်မာနိုင်ငံရဲ့ နိုင်ငံရေး သောင်မတင် ရေမကျ ဖြစ်နေမှုတွေ အဆုံးသတ်စေဖို့ မြန်မာနိုင်ငံနဲ့ ပြည်သူပြည်သားတွေ သာယာဝပြောစေဖို့ နည်းလမ်း တွေကို ဆွေးနွေးဖို့ရှိတယ်လို့လည်း ပြောကြားခဲ့ပါသည်။
voanews.com မှ ကောင်နုတ်ဖော်ပြပါသည်။

ရွှေ့ပြောင်းမြန်မာအလုပ်သမား ကလေးငယ်များ၏ ပညာရေးအတွက် မိမိဘ၀ကို နှစ်မြှုပ်ထားသူ

ကမ္ဘာတည်မယ့် အလင်းတန်းတစ်ခု

ကျော်သိင်္ခ / သူ့ဘ၀၏ အဖိုးတန်အချိန်များစွာကို ရေခြားမြေခြားတွင် ဒုက္ခပေါင်း မြောက်များစွာခံပြီး လာရောက် အလုပ်လုပ်နေ ကြရ သော ရွှေ့ပြောင်းမြန်မာ အလုပ်သမားများ၏ ကလေးငယ်များအတွက် ပေးဆပ်ရင်း ကုန်လွန်စေခဲ့သူ၊ မိသားစု အရေးဆိုတာ သူ့အတွက် အဓိကမကျ၊ သူ့အတွက် အဓိကကျတာက ဘ၀တူရွှေ့ ပြောင်းအလုပ်သမားများ၏ ကလးငယ်များ ကိုယ့်ယဉ်ကျေးမှု၊ ကိုယ့်စာပေကို ချစ်မြတ်နိုးပြီး၊ နိုင်ငံချစ်စိတ်၊ မျိုးချစ်စိတ်ဓာတ်တွေ ပေါက်ဖွားလာစေရေး ပင်ဖြစ်သည်။

ထိုကဲ့သို့ လေးစားစရာကောင်းသော စိတ်ဓာတ်ဖြင့် ထိုင်းနိုင်ငံတောင်ပိုင်း၊ ဖန်ငခရိုင်ရှိ အခြေခံလူထု လူ့အခွင့်အရေး ပညာပေးနှင့် ဖွံ့ဖြိုးတိုးတက်ရေးကော်မတီ(Grassroots-HRE) မှ ဖွင့်လှစ်ထားသော ပါကလန်ကျေးရွာ မူလတန်းကျောင်းလေးတွင် မြန်မာစာသင်ကြား ပို့ချပေးနေသော ဆရာမ ဒေါ်လှစိန်၏ ဂုဏ်သတင်းကား သူမ၏ လုပ်ဖော်ကိုင်ဖက် ဆရာ၊ ဆရာမများ အကြားတွင်သာမက ဖန်ငတ၀ိုက်ရှိ ရွှေ့ပြောင်း အလုပ်သမားများ ကြားတွင်ပါ မွှေးပျံ့နေသည်။

၂၀၀၄ ခုနှစ်၊ ထိုင်းနိုင်ငံတောင်ပိုင်း ဖန်ငဒေသ၌ ဆူနာမီ မဖြစ်မီအချိန်၊ ဖန်ငဒေသရှိ တကွာပါမြို့နယ် ခီးခက်ကျေးရွာက ထုံခမင်း ရပ်ကွက်လေးမှာ မြန်မာရွှေ့ပြောင်းအလုပ်သမားများ၏ ကလေးငယ်အယောက် ၂၀ နီးပါးကိုစပြီး တွေ့လိုက်စဉ်က တည်းက သူ့စိတ်ထဲတွင် ကလေးများ၏ ပညာရေးကိုတွေးကာ ရင်လေးမိသည်။ ဒီကလေးတွေ ကျောင်းနေရမယ့်အရွယ်တွင် ကျောင်းမနေနိုင်သေးခြင်းကို သူ့စိတ်ထဲတွင် ဘ၀င်မကျပါ။

၂၀၀၄ ခုနှစ် ဆူနာမီ ဖြစ်ပြီးသောအခါ ယခု Grassroots-HRE အဖွဲ့အစည်း၏ ဒါရိုက်တာဖြစ်သူ ဦးထူးချစ်က ဆူနာမီဒဏ်ခံ ခဲ့ရသူများ၏ ကျန်ရှိခဲ့သော သားသမီးများ၊ မိဘမဲ့ကလေးများနှင့် ရွှေ့ပြောင်းအလုပ်သမားများ၏ ကလေးများအတွက် ပညာရေးအစီအစဉ်တစ်ခု စတင်ခဲ့သည်။ အခြေမဲ့၊ အနေမဲ့ ဖြစ်နေရှာသော ကလေးများ၊ ရွှေ့ပြောင်းမြန်မာ ကလေးငယ်များကို စုစည်းပြီး၊ ထိုကလေးငယ်များကို စာသင်ရန်လည်း ရွှေ့ပြောင်းအလုပ်သမားများအကြားတွင် ဆရာအင်အားကို စုစည်းခဲ့သည်။

ထိုအထဲတွင် ဆရာမဒေါ်လှစိန်လည်း တစ်ဦးအပါအ၀င်ဖြစ်သည်။ ထိုအချိန်မတိုင်မီက သူ့အနေနှင့် ကလေးတွေကို စာသင် ပေးချင်သည့်စိတ်က ပြင်းပြနေခဲ့သည်။ သို့သော်လည်း သူ့တွင်ရှိသည့် အင်အားလေးနှင့် သူ့ဆန္ဒကို ထုတ်ဖော်ဖို့ မည်သို့မျှ မတတ်နိုင်ခဲ့ပေ။ ထိုအချိန်ကလည်း “ကလေးတွေကို မြန်မာစာသင်ရင် ပုလိပ်ဖမ်းမယ်” ဆိုတဲ့ စကားကလည်း အလုပ်သမား တွေကြားမှာ ပျံ့နှံ့နေတော့ အလုပ်သမားတွေဘက်ကလည်း သူတို့ သားသမီးများကို စာမသင်ခိုင်းရဲသေးသည့် အချိန်ကာလ ဖြစ်သည်။

အခြေခံလူထု လူ့အခွင့်အရေး ပညာပေးနှင့် ဖွံ့ဖြိုးတိုးတက်ရေးကော်မတီ (Grassroots-HRE) မှ ဖန်ငတစ်ဝိုက်တွင် ကျောင်းများဖွင့်၊ ပညာရေး လုပ်ငန်းများကိုလည်း အားသွန်ခွန်စိုက် အကောင်အထည် ဖော်လာချိန်တွင်၊ ဆရာမ အနေနှင့် သူချစ်သည့် သူ့နိုင်ငံက လူထုကို တတ်နိုင်သည့်ဘက်ကနေပြီး အကျိုးပြုနိုင်တော့မည် ဖြစ်သဖြင့်လည်း အတိုင်းမသိ ၀မ်းသာပီတိဖြစ်ရသည်။ ထိုအချိန်ကတည်းကစပြီး Grassroots-HRE အဖွဲ့အစည်း၏ ပညာရေးဆိုင်ရာ လုပ်ငန်းများတွင် တက်တက်ကြွကြွပါဝင်ခဲ့သည်။

Grassroots-HRE ၏ ပညာရေးလုပ်ငန်းများ စတင်ဆောင်ရွက်စဉ် ပညာရေးဌာနတွင် ဆရာ၊ ဆရာမ (၁၀)ဦးသာ ရှိသေးသည်။ ထို (၁၀)ဦးထဲတွင် ဆရာမ ဒေါ်လှစိန်က Grassroots-HRE ပညာရေးဌာန၏ လမ်းပြကြယ်တစ်ပွင့် ဟုဆိုလျှင်လည်း မမှားပေ။

လုပ်ဖော်ကိုင်ဖက် ဆရာ၊ ဆရာမများအကြား အနေရိုး၊ အပြောရိုးသော ဆရာမ၏ ၀တ်စားဆင်ယင်ပုံကလည်း ပကာသနမပါ။ မြင်ရသူများ၏ ရင်တွင် ထာဝရအေးမျှသွားစေမည့် ၀တ်စားဆင် ယင်မှုမျိုးဖြစ်သည်။ သူ၏ တည်ငြိမ်သည့်ရုပ်သွင်က အသက် အရွယ်ကိုလိုက်ပြီး ရင့်ကျက်သည့်အသွင်ကို ဆောင်နေသည်။ စာအသင်အပြကောင်းသည့်သူ့ကို တပည့်တွေက မိခင်အရင်းသဖွယ် ချစ်ကြသည်။ ထို့ကြောင့်လည်း “သမီးတို့က ကျောင်းရောက်လာရင် အမေက ဆရာမ ဒေါ်လှစိန်” ဟူသော စကားကို ကလေးများထံမှ အမြဲပင်ကြားရသည်။

ဆရာမ ဒေါ်လှစိန်ကလည်း “ကျမလေ ကိုယ့်မြန်မာ ကလေးတွေကို စာသင်ပေးခွင့်ရဖို့အတွက် တအားကို ဆန္ဒပြင်းပြခဲ့တယ်။ တတ်စေချင်တဲ့ဆန္ဒ တအားရှိတယ်။ သနားတာလည်းရှိတယ်။ တတ်စေချင်တဲ့ ဆန္ဒလည်းရှိတဲ့အတွက် ကျမ စေတနာက သူတို့အပေါ်ကို ထိရောက်တယ်လို့ ယူဆတယ်လေ” ဟု သူမ၏ ကလေးတွေအပေါ်ထားသည့် စေတနာနှင့် ပတ်သက်၍ အခုလို ပြောပြပါသည်။ ထို့ပြင် သူမ မကြာခဏပြောလေ့ရှိသော “ကျမလေ ကျမရဲ့ ဒီကလေးတွေအတွက်ပဲ အသက်ရှင်နေတာ” ဟူသော စကားက သူမ၏ နှလုံးသားမှ လာသော တပည့်များအပေါ်ထားသည့် ဖြူစင်သော မေတ္တာကို လှစ်ဟပြလိုက် သလိုပင်ဖြစ်သည်။

လုပ်ဖော်ကိုင်ဖက် ဆရာ၊ ဆရာမတွေကလည်း သူ့ကို ချစ်ခင်ရိုသေကြသည်။ သူ၏ ကိုယ့်ကျင့်တရား ကောင်းမွန်မှု ၊ မိမိအလုပ်ကို လေးစားတတ်မှုနှင့် ပတ်သက်၍ Grassroots-HRE မှ ပညာရေးတာဝန်ခံ ဆရာမင်းသိန်းကျော်က “ကျနော့် အမြင်ပြောရရင်တော့ ကျနော်တို့နဲ့ လက်တွဲလုပ်ကိုင်ခဲ့တဲ့ကာလ တစ်လျှောက်လုံးမှာ သူဟာ အင်မတန်ရိုးသားတဲ့ ဆရာမ ဖြစ်သလို၊ အလုပ်ပေါ်မှာလည်း ကြိုးစားတယ်။ သူက ပညာရေးအခြေခံ နည်းနည်းအားနည်းတယ်ပေါ့။ အားနည်းတယ်ဆိုပေမယ့် သူက အရမ်းကြိုးစားပြီး သူနိုင်တဲ့ဝန်ကို သူထမ်းတယ်။ ကလေးတွေပေါ်မှာ စေတနာထားတယ်။ ပြီးတော့ ဆရာ၊ ဆရာမ အရည်အချင်းနဲ့ ညီညွတ်တဲ့အရည်အချင်း သူ့မှာရှိတယ်။ ပြီးတော့ ပညာရေးလုပ်ငန်းတွင်သာမကပဲ အခြားလူမှုရေးလုပ်ငန်းတွေ၊ ရုံးရဲ အခြားဌာနဆိုင်ရာ လုပ်ငန်းတွေမှာဆိုရင်လည်း တက်တက်ကြွကြွနဲ့ ပါဝင်တယ်။ ပွင့်လင်းမှုလည်းရှိတယ်” ဟု ပြောပါသည်။

ဆရာမသည် ဖန်ငခရိုင်၊ တကွာပါမြို့နယ်၊ ပါဝိကျေးရွာရှိ ရာဘာခြံထဲက တစ်ခုတည်းသော အိမ်ကလေးတွင် သူမ၏ခင်ပွန်း၊ ပြီးတော့ သားနှစ်ယောက်တို့နှင့် အတူနေသည်။ အဖွဲ့အစည်းမှ ပေးအပ်သည့် ပညာရေးဆိုင်ရာ တာဝန်များကိုလည်း မပျက်မကွက် ထမ်းဆောင်နေသည့် ၀န်ထမ်းကောင်းတစ်ဦး ဖြစ်သကဲ့သို့၊ ရာဘာခြံထဲက လေးယောက်သော မိသားစုအိမ်ငယ်လေး၏ အိမ်ထောင်မှု တာဝန်များကို ကျေပွန်စွာ ထမ်းဆောင်နေသည့် အိမ်ရှင်မကောင်း တစ်ယောက်လည်း ဖြစ်သည်။

ခင်ပွန်းဖြစ်သူ ရာဘာခြစ်ပြီးပြန်လာလျှင် စားဖို့အတွက် မနက် (၄)နာရီက ထ၍ မနက်စာ ချက်ပြုပ် စီစဉ်သည်။ သားတွေ နိုးလာလျှင်လည်း ကျောင်းထမင်းဗူး အဆင်သင့်ဖြစ်ဖို့၊ အဆင်သင့်လုပ်ထားရသေးသည်။ ထိုသို့ လုပ်ရသည့်အတွက် သူ့အနေနှင့် အနည်းငယ်မျှ ငြူစူခြင်းမရှိပါ။ ခင်ပွန်းအတွက် ဇနီးသည်ကောင်းတစ်ယောက်၊ သားများအတွက် မိခင် ကောင်းတစ်ယောက် ဖြစ်ရသည်ကိုပင် ၀မ်းသာဂုဏ်ယူ ပီတိဖြစ်ရသည်။

တစ်ရက်ကျတော့ Grassroots-HRE မှ ဒါရိုက်တာ ဦးထူးချစ်က တာဝန်ထမ်းဆောင်နေကြသော ပညာရေးဝန်ထမ်း ဆရာ၊ ဆရာမများထဲမှ တစ်ဦးအား အကောင်းဆုံး ဆရာ/မ ဆုကို ရွေးချယ်မည်ဟု ကြေငြာလိုက်သည့် အတွက်ကြောင့် Grassroots-HRE မှ ၀န်ထမ်းများအကြား၊ ဆရာ၊ ဆရာမများအကြား စိတ်လှုပ်ရှားဖွယ် သတင်းတစ်ခု ဖြစ်သွားသည်။ တစ်ပြိုင်နက်တည်းမှာပင် မည်သူ့ကို ရွေးမည်နည်းဟုသော မေးခွန်းများက အားလုံး၏စိတ်ထဲတွင် ပဟေဠိ ဖြစ်နေသည်။ အကောင်းဆုံး ဆရာတစ်ဦးကို ရွေးချယ်ရာတွင် အဖွဲ့အစည်း၏ အုပ်ချုပ်ရေးအဖွဲ့ပိုင်းက ရွေးချယ်မည်မဟုတ်။ အဖွဲ့အစည်း၏ ၀န်ထမ်းများကမဲပေးစနစ်ဖြင့် ရွေးချယ်ရမည်ဖြစ်သဖြင့် ၀န်ထမ်းများအတွက် ပို၍စိတ်လှုပ်ရှားစရာပင် ကောင်းနေတော့သည်။

ထိုအစီအစဉ်ကို ဆရာမ ဒေါ်လှစိန် သိသော်လည်း ဆုကိုမူ မမှန်းရဲပါ။ အဘယ့်ကြောင့်ဆိုသော် သူ့အနေနှင့် Grassroots-HRE အဖွဲ့အစည်းရှိ ဆရာ၊ ဆရာများအကြားတွင် ပညာအရည်အချင်း အနိမ့်ဆုံးဟု မိမိကိုယ်ကို နှိမ့်ချပြီး တွက်ထားသောကြောင့် ဖြစ်သည်။ အဖွဲ့အစည်းအတွင်းရှိ သူမနှင့် လုပ်ဖော်ကိုင်ဖက် ဆရာ၊ ဆရာမများမှာ အနည်းဆုံး တက္ကသိုလ်ကျောင်းအထိ တက်ခဲ့ကြဖူးသည့် သူများသာဖြစ်သည်။ အချို့ဆိုလျှင်လည်း လုပ်သက် ၅ နှစ်မှ အနှစ် ၃၀ အထိ ရှိပြီးသူများ ဖြစ်သည်။ ထို ဆရာ၊ ဆရာမများအကြားတွင် ဆရာမ ဒေါ်လှစိန်က စာသင်သက် တစ်နှစ်ခန့်သာရှိသေးသည့် အတွက် သူ့ကိုယ်သူ ဒီပွဲကဆုကို မမျှော်မှန်းရဲသေး။ ပြီးတော့ အင်္ဂလိပ်စာကိုလည်း အခြားဆရာများကဲ့သို့ မသင်နိုင်သည့်အတွက် အကောင်းဆုံး ဆရာမတစ်ယောက် အဖြစ်ရွေးချယ်ခြင်း မခံရနိုင်ဟု မိမိကိုယ်ကိုတွက်ထားသည်။

အကောင်းဆုံး ဆရာ/မ ဆု ရွေးချယ်ပွဲကို တကွာပါမြို့နယ်ရှိ ဆီမီလန်းနား (Similana) ဟိုတယ်တွင် ကျင်းပသည်။ ဆုကို မဲပေးစနစ်ဖြင့် ရွေးချယ်ရာတွင် ဒါရိုက်တာ ဦးထူးချစ်အနေနှင့် ပါဝင်မဲပေးခဲ့ခြင်းမရှိ။ မျှတသည့် မဲပေးစနစ်ဖြစ်စေရန် သူ့အနေနှင့် ပါဝင်ပြီး မဲပေးခြင်း မပြူဟု သူကဆိုသည်။ ဆရာမ ဒေါ်လှစိန်အား သူ၏ လုပ်ဖော်ကိုင်ဖက် ဆရာမတစ်ဦးက “ဆရာမ ကောင်းကောင်း မွန်မွန်လေး ပြင်သွား၊ ဒီနေ့ ဆရာမနေ့” ဟုပြောသည်။ သို့သော်လည်း ရိုးရိုးနေ၊ ရိုရိုးပြော၊ ရိုးရိုးယဉ်ယဉ် ၀တ်ဆင်တတ်သည့် ဆရာမ ဒေါ်လှစိန်က အဖွဲ့အစည်းမှ ၀န်ထမ်းများအား အခါအားလျော်စွာ ပေးလေ့ရှိသော Grassroots-HRE အမှတ်တံဆိပ်ပါ တီရှပ်ကလေးကိုသာ သန့်သန့်ရှင်းရှင်း၊ သပ်သပ်ရပ်ရပ် လျှော်ဖွတ်ပြီး ၀တ်သွားသည်။

သို့နှင့် အခမ်းအနားကို ဆရာကြီး ဦးတင်မိုးရဲ့ စာပေ ဟောပြောပွဲလေးနှင့် စပြီးဖွင့်သည်။ ထို့နောက် အကောင်းဆုံး ဆရာ/မ ရွေးချယ်ပွဲကို စတင်တော့သည်။ Grassroots-HRE မှ တက်ရောက်လာကြသော ၀န်ထမ်းများ၊ ဆရာ၊ ဆရာမများ၊ ကျောင်းသားများနှင့် ကျောင်းသားမိဘများ ရင်ခုန်နေကြသည်။ မည်သူ့ကိုရွေးမည်နည်း။ ယခုနှစ်အတွက် အကောင်းဆုံးဆရာသည် မည်သူနည်း။ ခန်းမအတွင်း စကားပြောသံဟူ၍ မကြားရ။ အားလုံးက အကောင်းဆုံးဆရာ ဆုရှင် မည်သူဖြစ်မည် ဆိုသည်ကိုသာ ရင်ခုန်စွာ မျှော်လင့်စောင့်စား နေကြသည်။ ထို့နောက် ၂၀၀၅-၂၀၀၆ ခုနှစ်အတွက် အကောင်းဆုံးဆရာ ဆုကို ကြေငြာလိုက်တော့သည်။ ထိုသူကား “ဆရာမ ဒေါ်လှစိန်” ပင် ဖြစ်သည်။

ခန်းမတစ်ခုလုံးရှိ သူမ၏ လုပ်ဖော်ကိုင်ဖက်များ၏ လက်ခုပ်သံများ၊ တက်ရောက်လာကြသော ဧည့်ပရိသတ်များ၏ လက်ခုပ်သံများအကြားမှာ သူမ တစ်ကိုယ်လုံး ကြက်သီးမွေးညှင်းတွေ ထသွားသည်။ သူမ မျက်ဝန်းအစုံမှ မျက်ရည်များ လိမ့်ဆင်း ကျလာသည်။ ၀မ်းနည်းမျက်ရည် မဟုတ်။ ၀မ်းသာလွန်း၍ ကျသည့်မျက်ရည်။ မိမိ၏ အလုပ်၊ မိမိ အလုပ်အပေါ် ထားသည့် မိမိ၏ စေတနာတွေက အခုတော့ ကိုယ့်ကိုယ်ကို ရောင်ပြန်ဟပ်စေခဲ့ပြီ။ မိမိ၏ လုပ်ဖော်ကိုင်ဖက်တွေ၊ မိမိ၏ အဖွဲ့အစည်းက မိမိအား အသိအမှတ်ပြုခဲ့ပြီ။ ထိုမျှ ၀မ်းသာစရာကောင်းပြီး၊ ပီတိဖြစ်ရသောနေ့ သူ့ဘ၀တွင် မရှိတော့ပြီဟု ဆရာမ ဒေါ်လှစိန်က ဆိုသည်။ ဆရာကြီးတင်မိုးက ရွှေစင်ရွှေသားစစ်စစ်ဖြင့် ပြုလုပ်ထားသော ဆွဲကြိုးတစ်ကုံးကို Grassroots-HRE ကိုယ်စား ဆရာမ ဒေါ်လှစိန်အား ဆွဲပေးသည်။

ဆရာမက သူ၏ ယခုလို အောင်မြင်မှုအတွက် ကျေးဇူးတင်စကား ပြောရာမှာ “ကျမ ဆုရတယ်ဆိုတာ ကျမရဲ့ ကြိုးစားမှု ကြောင့်လည်း မဟုတ်ဘူး။ Grassroots-HRE က ကျမတို့ ပညာရေးဌာန တာဝန်ခံတွေရဲ့ တွေးခေါ်မှု၊ ဆရာ၊ ဆရာမတွေ အားလုံးရဲ့ ဖေးဖေးမမ ကူညီမှု၊ ရုံးတာဝန်ခံအားလုံးရဲ့ ဖေးဖေးမမ ကူညီမှုတွေရယ်ကြောင့် ကျမ ဒီဆုကိုရခဲ့တာပါ။ အဲဒီအတွက်ကြောင့် ကျမ အားလုံးကို ကျေးဇူးတင်ပါတယ်။ ကျမတို့ အကုန်လုံး သူတော်တယ်၊ ငါတော်တယ် မဟုတ်ပါဘူး။ အကုန်လုံး ကူညီမှပဲ ဖြစ်မှာပါ။ ဒီ ကျမတို့ သွားနေတဲ့ ခရီးလမ်းကြောင်းတစ်ခုကို ကျမ တစ်ယောက်တည်း တော်တယ်ဆိုပြီး စွမ်းဆောင်သွားခဲ့လို့လည်း ဒီ ခရီးလမ်းကြောင်း အောင်မြင်မှုရှိမှာ မဟုတ်ဘူး” ဟု ပြောသည်။

ထို့ပြင် Grassroots-HRE မှ ပညာရေးတာဝန်ခံ ဆရာမင်းသိန်းကျော်က ၂၀၀၅-၂၀၀၆ ခုနှစ်၏ ဆုရွေးချယ်ရေးပုံရိပ်များကို အခုလိုပြန်ပြောင်း ပြောပြပါသည်။

“ဆရာမ ဒေါ်လှစိန်က ကျနော်တို့ ဒီ Grassroots-HRE မှာ ပညာရေးလုပ်ငန်းတွေ စပြီးလုပ်တယ်ဆိုကတည်းက ကျနော်တို့နဲ့ အတူတူ လက်တွဲလုပ်ခဲ့တယ်။ ကျနော်တို့ ပညာရေးဌာနမှာ လမ်းပြကြယ် (၁၀)ဦး ရှိခဲ့တယ်။ ဒီ ဆရာ၊ ဆရာမ (၁၀)ဦးနဲ့ စပြီး ဖွဲ့ခဲ့တာ။ ၂၀၀၅-၂၀၀၆ ပညာ သင်နှစ်အတွက် အကောင်းဆုံး ဆရာ၊ ဆရာမ တစ်ဦးကို ရွေးတဲ့အခါမှာ ကျနော်တို့ ဆရာ၊ ဆရာမ တွေတင် မဟုတ်ဘူး။ ရုံးဝန်ထမ်းတွေအားလုံးကပါ သူ့ကိုဝိုင်းပြီး မဲပေးကြတယ်ပေါ့လေ။ မဲပေးစနစ်နဲ့ ရွေးတဲ့အခါမှာ ဆရာမကြီးက ဆုရသွားတယ်။ ပြီးတော့ ဆရာ၊ ဆရာမ အရည်အချင်းနဲ့ ညီညွတ်အောင်နေနိုင်တဲ့ အရည်အချင်း သူ့မှာရှိတယ်။ ဘယ် ရုံးလုပ်ငန်း တွေမှာပဲဖြစ်ဖြစ်၊ အခြား လုပ်ငန်းတွေမှာပဲ ဖြစ်ဖြစ် တက်တက်ကြွကြွနဲ့ ပါဝင်တယ်။ ဒါကြောင့်မို့လို့ အားလုံးက ဆရာမကြီးကို ၀ိုင်းပြီး အကောင်းဆုံး ဆရာတစ်ယောက်အဖြစ် ရွေးချယ်တယ်လို့ ကျနော် ထင်တယ်”

မဲစနစ်နဲ့ ရွေးချယ်တဲ့သူတွေထဲက တစ်ဦးဖြစ်ခဲ့တဲ့ မအိအိချောက “ဆရာမက ကလေးတွေနဲ့ ပက်သက်လာရင် မခို မကပ်ဘူး ပေါ့နော်။ စေတနာ အရင်းခံနဲ့ လုပ်ပေးတယ်။ အားလုံးကိုလည်း တန်းတူပဲ ဆက်ဆံတယ်။ ကလေးတွေအတွက်ဆိုရင် သူအနစ်နာခံတယ်။ ကြိုးစားတယ်။ ဒါကြောင့် ကျမအနေနဲ့ ဆရာမ ဒေါ်လှစိန်ကို မဲပေးရတာပါ” လို့ပြောပါတယ်။

အများအားကျ အတုယူလေးစားထိုက်သော ဆရာမ ဒေါ်လှစိန်ကတော့ ယခုထိတိုင် ထိုင်းနိုင်ငံတောင်ပိုင်း၊ ဖန်ငခရိုင်၊ တကွာပါမြို့နယ်က Grassroots-HRE အဖွဲအစည်းမှ ဖွင့်လှစ်ထားသော ပါကလန်ကျေးရွာရှိ မူလတန်းကျောင်းလေးမှာ မြန်မာရွှေ့ပြောင်း အလုပ်သမား ကလေးငယ်တွေကို သူ့တတ်သော ပညာဖြင့် တဖက်တလမ်းကနေ အကျိုးပြူနေဆဲပါ။

“ကျမ အသက်ရှင်နေသမျှ ကာလပတ်လုံး ကျမသင်နေမှာပဲ။ အခုလည်း ရာဘာခြံမှာ ရာဘာဈေးက မကောင်းတော့ ကျမခင်ပွန်းက မြန်မာပြည်ကို ပြန်မလို့ပေါ့နော်။ သူပြန်သွားပေမယ့်လည်း ကျမကတော့ ကျမတို့ မြန်မာရွှေ့ပြောင်း အလုပ်သမားတွေရဲ့ ကလေးတွေ ပညာရေးအတွက် ဆက်ပြီး သင်နေဦးမှာပဲ” ဟု လေးစား အားကျဖွယ်ရာကောင်းသည့် စကားများက သူ၏ အတ္တကင်းတဲ့ စိတ်ဓာတ်၊ ခိုင်မာသည့် သန္ဓိဋ္ဌာန်တို့ကို ဖော်ထုတ်ပြသနေပါသည်။

ရွှေ့ပြောင်းမြန်မာ ကလေးငယ်များအပေါ် ထားရှိသော ဆရာမ၏ မိခင်တစ်ယောက် သဖွယ်စိတ်ဓာတ်၊ မေတ္တာ၊ ဂရုဏာနှင့် စေတနာ အရောင်တို့က ကမ္ဘာတည်မယ့် အလင်းတန်းတစ်ခု အဖြစ် ဆက်လက်တည်ရှိနေဦးမည် ဖြစ်ပါသည်။

ကျော်သိင်္ခ
http://ghre.org/mm/ မှ ရယူပါသည်

All Burma Monks Alliance

မြန်မာနိုင်ငံလုံးဆိုင်ရာသံဃာ့တပ်ပေါင်းစုအဖွဲ့ကြီး ကြေငြာချက်။
kamikazekamikaze2010@gmail.com Link နှင့် demowaiyen@gmail.com Link တို့အားကျေးဇူးတင်ပါသည်။

ကုလသမဂ္ဂ လုံခြုံရေးကောင်စီ အရေးပေါ် အစည်းအဝေးမှ ဆုံးဖြတ်ချက် မချမှတ်နိုင်သေး

ရွှေဝါရောင် သတင်းလွှာ / ဒေါ်အောင်ဆန်းစုကြည်ကို စီရင်ချက် ချမှတ်အပြီး ပြုလုပ်သည့် ကုလသမဂ္ဂ လုံခြုံရေးကောင်စီ အရေးပေါ် အစည်းအဝေးတွင် အဖွဲ့ဝင်နိုင်ငံများ အချင်းချင်း သဘောထားကွဲလွဲမှုကြောင့် တစုံတရာ ဆုံးဖြတ်ချက် မချမှတ်နိုင်ခဲ့ကြောင်း သိရသည်။

ပြင်သစ်နိုင်ငံက တောင်းဆိုခဲ့သဖြင့် ယင်းအစည်းအဝေးကို ယမန်နေ့က နေ့လယ်က ကျင်းပခဲ့ခြင်းဖြစ်သည်။

ဒေါ်အောင်ဆန်းစုကြည် အပေါ်ချမှတ်သော စီရင်ချက်ကို ပယ်ဖျက်ပြီး၊ အမြန်ဆုံး ပြန်လွှတ်ပေးရန်၊ နိုင်ငံရေး တွင် ပါဝင်ခွင့်ပေးရန်နှင့် အခြားသော တောင်းဆိုချက်များ ပါဝင်သည့် ကြေညာချက် မူကြမ်း တစောင်ကို အမေရိကန် ပြည်ထောင်စုက အဖွဲ့ဝင်နိုင်ငံများအား ယင်းအစည်းအဝေးတွင် ဖြန့်ဝေခဲ့သည်။

ကုလသမဂ္ဂ ဆိုင်ရာ ပြင်သစ်နိုင်ငံ လက်ထောက် သံအမတ် Jean-Pierre Lacroixက “အမေရိကန် ကိုယ်စား လှယ် က အဲဒီမူကြမ်းကို အစည်းအဝေးမှာ ဖြန့်ဝေတာပါ၊ အဲဒီမူကြမ်းကို ကျနော်တို့ ထောက်ခံပါတယ် ကျနော်တို့ မျှော်လင့်နေတဲ့ ရလဒ် ထွက်လာအောင် အကောင်းဆုံး ကြိုးစားသွားမှာပါ၊”ဟု ပြောသည်။

ယင်းမူကြမ်းပါ အချက်များနှင့် ပတ်သက်၍ စဉ်းစား ဆုံးဖြတ်ရေးအတွက် ရုရှားနှင့် တရုတ်နိုင်ငံ တို့က အချိန် ပေးရန် တောင်းဆိုခဲ့သည်။

ကုလသမဂ္ဂ ဆိုင်ရာအမေရိကန်ပြည်ထောင်စု သံအမတ် Susan Rice က “ဒီမူကြမ်းနဲ့ ပတ်သက်ပြီးတော့ အခြားသော အဖွဲ့ဝင်တွေက ကွဲလွဲတဲ့ အမြင်တွေရှိနေမယ် ဆိုတာကို ကျမတို့ အသိအမှတ်ပြုပါတယ်” ဟုပြောသည်။

ဒေါ်အောင်ဆန်းစုကြည်ကို ချမှတ်ခဲ့သော စီရင်ချက်နှင့် ပတ်သက်၍ နိုင်ငံတကာအနေဖြင့် မြန်မာနိုင်ငံ၏တရား စီရင်ရေးနှင့် အချုပ်အခြာ အာဏာကို လေးစားသင့်သည်ဟု တရုတ် နိုင်ငံခြားရေး ၀န်ကြီး ဌာနပြောခွင်ရက ယနေ့တွင် ပြောကြားလိုက်သည်။

ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း၏ ပြောခွင့်ရ ပုဂ္ဂိုလ်က ထုတ်ပြန်ခဲ့သော ကြေညာ ချက်တွင် ဒေါ်အောင်ဆန်းစုကြည်ကို ချမှတ်ခဲ့သည့် ပြစ်ဒဏ်အပေါ် စိတ်ပျက်မိကြောင်းနှင့် အမြန်ဆုံး ပြန်လွှတ်ပေးကာ တွေဆုံဆွေးနွေး၍ အမျိုးသားရင်ကြားစေ့ရေးကို အကောင်ထည်ဖော်ရန် ပါရှိသည်။

ယင်း စီရင်ချက် ချမှတ်ခဲ့ အပြီး မစ္စတာ ဘန်ကီမွန်းသည် ဗြိတိန် ၀န်ကြီးချုပ် ဂေါ်ဒွန် ဘရောင်းနှင့် တွေ့ဆုံ ခဲ့ကြောင်း သိရသည်။ ထို့အပြင် အမေရိကန် သမ္မတ ဘားရက် အိုဘားမားနှင့် နိုင်ငံခြားရေးဝန်ကြီး ဟီလာရီ ကလင်တန် တို့က ဒေါ်အောင်ဆန်း စုကြည်ကို အမြန်ဆုံး ပြန်လွတ်ပေးရန် တောင်းဆိုခဲ့ ကြသည်။

ဒေါ်အောင်ဆန်းစုကြည်အပေါ် ချမှတ်ခဲ့သည့် စီရင်ချက်နှင့် ပတ်သက်၍ စိတ်ပျက်မိကြောင်းနှင့် ၁၆ကြိမ်မြောက် အာဆီယံ ဒေသတွင်းအစည်းအဝေးတွင် အဆိုပြုတောင်းဆိုထားသော ဒေါ်အောင်ဆန်းစုကြည်အပါအ၀င် နိုင်ငံရေး အကျဉ်းသား အားလုံးလွှတ်ပေးရန် တောင်းဆိုထားသည့် အတိုင်း ထပ်မံတောင်းဆိုကြောင်း အာဆီယံ နိုင်ငံများအဖွဲ့ ဥက္ကဌ ထိုင်းနိုင်ငံက ယနေ့ ထုတ်ပြန်သည့် ကြေညာချက်တွင် ပါရှိသည်။

မလေးရှား နိုင်ငံခြားရေး ၀န်ကြီး Anifah Man က အာဆီယံ အနေနှင့် ယင်းကိစ္စနှင့် ပတ်သက်၍ ဆွေးနွေး နိုင်ရေးအတွက် အရေးပေါ် အစည်းအဝေးတရပ် ကျင်းပပေးရန် တောင်းဆိုလိုက်သည်။
ရွှေဝါရောင် သတင်းလွှာ မှ ဖြစ်ပါသည်။

စစ်အစိုးရကို ဆန့်ကျင်၍ ကိုးကန့်တပ် စစ်ရေးပြင်ဆင်

ကိုးကန့် ဒုဥက္ကဌ ဖှုန်ကြားဖူး၊ ၀ ဥက္ကဌ ပေါက်ယူချန် နှင့် မိုင်းလား အဖွဲ့ခေါင်းဆောင် ဦးစိုင်းလင်း (၀ဲမှ -)ဓါတ်ပုံ-http://pixelmyanmar.net/

မျိုးကြီး(မဇ္ဈိမ) ။ ။ နယ်ခြားစောင့်တပ်ဖွဲ့ရန် ငြင်းဆန်နေသည့် ရှမ်းပြည်(မြောက်ပိုင်း) လောက်ကိုင်မြို့ရှိ အပစ်ရပ် MNDAA ကိုးကန့်အဖွဲ့ ဥက္ကဋ္ဌ၏ နေအိမ်သို့ ဒေသခံ စစ်တပ်နှင့် ရဲများက ယခုလ ၈ ရက်နေ့တွင် မူးယစ်ဆေးဝါး ရှာဖွေရန်ဟုဆိုကာ ဝင်ရောက်ခဲ့ပြီးနောက် ကိုးကန့်တပ်က စစ်ရေး ပြင်ဆင်လာသည်။

၁၀ ရက်နေ့တွင် မြန်မာအမျိုးသား ဒီမိုကရက်တစ် မဟာမိတ် တပ်မတော် - MNDAA ကိုးကန့် အထူးဒေသ (၁) ခေါင်းဆောင်များသည် နေအိမ်အတွင်း ဝင်ရောက်မှုနှင့် ပတ်သက်အရှေ့မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် အောင်သန်းထွဋ်နှင့် လောက်ကိုင်တွင် ဆွေးနွေးရာ မပြေလည်ဘဲ၊ နှစ်ဖက်အကြား တင်းမာလာသဖြင့် ယမန်နေ့မှ စတင်ကာ စစ်ရေးအရ အသင့်အနေအထား ပြင်ဆင်လာခြင်း ဖြစ်သည်။

“အခြေအတင် စကားများကြတယ်။ ခင်ဗျားတို့နဲ့ အပစ်အခတ် ရပ်စဲရေး လုပ်လာတာ နှစ် ၂၀ ရှိပြီ။ ကျနော်တို့ ငြိမ်းချမ်းရေး စလုပ်တုန်းက ဗိုလ်ချုပ်ကြီးခင်ညွန့်နဲ့ ဆွေးနွေးစဉ်က အခု ခင်ဗျားတို့ ပြောတာတွေ တခုမှမပါဘူး။ အခု နိုင်ငံတကာက သိတဲ့ ဒေါ်အောင်ဆန်းစုကြည်လိုလူတောင် ခင်ဗျားတို့ အခုလိုလုပ်တယ်ဆိုရင် ကျနော်တို့ ခင်ဗျားတို့ကို ဘယ်လို ယုံကြည်လို့ရမလဲလို့ ပြောဆိုမှုတွေ ရှိတယ်။ အခုတော့ အားလုံး အသင့်ပြင်ထားကြပြီ။ အခြေအနေက တော်တော်ကို ရှုပ်နေပြီ” ဟု ကိုးကန့်အဖွဲ့နှင့် နီးစပ်သူက မဇ္ဈိမကို ပြောသည်။

ယမန်နေ့ နံနက်ပိုင်းတွင် MNDAA သည် စည်းကမ်း ဖောက်ဖျက်သဖြင့် ဖမ်းဆီး ထိန်းသိမ်းထားသော ၎င်းတို့၏ တပ်သားများကိုပင် အချုပ်ခန်းမှ ပြန်လွှတ်ပေးကာ တပ်အင်အား ဖြည့်တင်းခဲ့သလို၊ နယ်မြေချင်း နီးကပ်ပြီး မဟာမိတ်ဖြစ်သော ဝပြည် သွေးစည်းညီညွတ်ရေး တပ်မတော် - UWSA ထံ စစ်ကူတောင်းခဲ့သည်။

“ဝတပ်ဖွဲ့ အင်အား ၁၀၀၀ လောက် ကိုးကန့်နယ်မြေထဲ စစ်ကူ ရောက်လာတယ်” ဟု ရှမ်းပြည်(မြောက်ပိုင်း) ရှိ တိုင်းရင်းသား လက်နက်ကိုင် အဖွဲ့တဖွဲ့မှ တာဝန်ရှိသူတဦးက ပြောသည်။

အလားတူပင် ယခုလဆန်းပိုင်းတွင် မြန်မာစစ်တပ်မှ ရှမ်းပြည်(မြောက်ပိုင်း) သိန္ဒီမြို့အခြေစိုက် စကခ (၁၆) လက်အောက်ခံ တိုက်ခိုက်ရေးတပ်ရင်း ၃ ရင်း ပါဝင်သည့် နည်းဗျူဟာတခုနှင့် ကွက်ခိုင်စစ်ဗျူဟာ လက်အောက်ခံ တပ်များသည် လောက်ကိုင် ဒေသတွင်းရှိ နမ့်တစ်နှင့် တာရွှေထန်ရွာ၌ နေရာယူထားကြောင်း သိရသည်။

ထိုကဲ့သို့ စစ်ရေးပြင်ဆင်သည့် သတင်းများကြောင့် ဒေသတွင်း၌ နေထိုင်သူ ကျေးရွာသား ၃၀၀၀ ခန့်သည် တရုတ်နယ်စပ်သို့ ထွက်ပြေးလာကြရာ၊ တရုတ် အာဏာပိုင်များက နယ်စပ်ဖြတ်ကျော်ခွင့် မပေးသဖြင့် ဒုက္ခရောက်နေကြောင်း လက်နက်ကိုင်တပ်ဖွဲ့ တာဝန်ရှိသူက ဆိုသည်။

ပြီးခဲ့သည့် ဧပြီလ ၂၈ ရက်နေ့တွင် မြန်မာစစ်တပ် ကိုယ်စားလှယ်များက တရုတ်နယ်စပ်ရှိ အပစ်အခတ်ရပ် တိုင်းရင်းသား လက်နက်ကိုင် အဖွဲ့ ၆ ဖွဲ့ကို နယ်ခြားစောင့်တပ်အဖြစ် အသွင်ပြောင်း ဖွဲ့စည်းရန် အဆိုပြုခဲ့သည်။

ထိုအဆိုပြုချက်ကို MNDAA အပါအဝင် အခြား ၄ ဖွဲ့က လက်မခံဘဲ ပယ်ချခဲ့ပြီး၊ ဦးစခုန်တိန့်ယိင်း ဦးဆောင်သည့် ဒီမိုကရေစီသစ် တပ်မတော် (ကချင်) တဖွဲ့တည်းသာ လက်ခံခဲ့သည်။

၁၉၈၉ ခုနှစ်အတွင်း MNDAA သည် ဗမာပြည် ကွန်မြူနစ်ပါတီမှ ပထမဆုံး ခွဲထွက်ခဲ့သည့် တိုင်းရင်းသား လက်နက်ကိုင် အဖွဲ့ဖြစ်ပြီး၊ ယခုအချိန်အထိ စစ်အစိုးရနှင့် ငြိမ်းချမ်းရေး ယူထားသည့် အဖွဲ့ ဖြစ်သည်။
http://www.mizzimaburmese.com/news/inside-burma/3564-2009-08-12-12-21-14.htmlမှ ရယူသည်။

ဂျပန်နိုင်ငံခြားရေးရုံးရှေ့တွင် ထပ်မံဆန္ဒပြပွဲ ဓါတ်ပုံများ

သြဂုတ်(၁၂)ရက်နေ့

ဓါတ်ပုံ - ဦးသန်းဝင်း

မြန်မာနိုင်ငံ ကမ်းလွန် ပင်လယ်ပြင်ကို ဗဟိုပြု၍ အင်အားပြင်း ငလျင်လှုပ်ခတ်

အက်ဒမန်ကျွန်း မြောက်ဖက် ပင်လယ်ရေအောက်မှ ရစ်ခ်ျတာ စကေးကြီးမားသော ငလျင်ကြီး လှုပ်နိုင်သည်ဟု ပြသောပုံ © www.smh.com.au

မြန်မာနိုင်ငံ အနောက် တောင်ပိုင်း ကမ်းလွန်ရှိ ပင်လယ် သမုဒ္ဒရာကို အခြေပြုကာ အင်အား ကြီးမားသော ငလျင်တခု ဩဂုတ်လ (၁၁)ရက်နေ့ အစောပိုင်းက လှုပ်ခတ် သွားခဲ့ကြောင်း သိရှိရသည်။

အမေရိကန် ဘူမိဗေဒ အဖွဲ့ချုပ် (USGS) ၏ အစီရင်ခံမှု အရ ငလျင်၏ ပြင်းထန်သော အင်အားသည် (၇.၆) အထိ အဆင့်ရှိပြီး အိန္ဒိယ သမုဒ္ဒရာ၊ အက်ဒမန်ကျွန်း များမှ မြောက်ဘက်မိုင် (၁၅၀) ကျော်သို့ ဗဟိုပြုခဲ့ကြောင်း ပါရှိသည်။

ရေမျက်နှာပြင် အောက် (၂၁)မိုင် အကွာကို ဦးတည် လှုပ်ရှားခဲ့သော ငလျင်ကြီး၏ ဒါဏ်ကို မြန်မာနိုင်ငံ အပါအ၀င် အရှေ့တောင် အာရှ နိုင်ငံအချို့ နှင့် အိန္ဒိယ၊ ပါကစ္စတန်၊ ဘင်္ဂလားဒေ့ရ်ှနှင့် သီရိလင်္ကာ နိုင်ငံများ ကလည်း ခံစား သိရှိခဲ့ကြသည်။

ငလျင်လှုပ် ပြီးနောက် အိန္ဒိယသမုဒ္ဒရာ ကမ်းခြေနှင့် ဆက်စပ်နေသော ဒေသ အသီးသီးတွင် ဆူနာမီ သတိပေးချက်များ ပေါ်ထွက် ခဲ့သော်လည်း ရေလှိုင်းကြီးများ ဖြစ်ပေါ်လာခြင်း မရှိခဲ့ကြောင်း သတင်းရရှိသည်။

http://www.peoplemediavoice.com မှဖြစ်ပါသည်။

ဒေါ်အောင်ဆန်းစုကြည်ကို မတရားပြစ်ဒဏ်ချမှတ်ခြင်းအပေါ် ဂျပန်ရောက်မြန်မာများက ထိုင်သပိတ်ဆန္ဒပြ

တိုကျို၊ သြဂုတ်(၁၁)
သန့်မျိုးထွေး၊ ဖြိုးဝေ-mmp
လူထုခေါင်းဆောင် ဒေါ်အောင်ဆန်းစုကြည်ကို အမှုစီရင်ချက်နှင့်ပတ်သက်ပြီး ဂျပန်နိုင်ငံရောက် မြန်မာ့ဒီမိုကရေစီအရေး လှုပ်ရှားသူများသည် ယနေ့တွင် အင်းစိန်ထောင်အထူးတရားရုံးမှ မတရားအမှုဆင်ပြီး စီရင်ချက်ချမည်ဆိုသောကြောင့် တိုကျိုမြို့၊ ရှီနာဂါဝါရပ်ကွက်ရှိ မြန်မာစစ်အခွန်ရုံးရှေ့တွင် နေ့လယ် ၁၂း၀၀ နာရီမှစတင်စုဝေး၍ တောင်းဆိုဆန္ဒပြမှု ထပ်မံပြုလုပ်ခဲ့ပါသည်။

ဒေါ်အောင်ဆန်းစုကြည်ကို ယနေ့တွင်မတရား ပြစ်ဒဏ်အမိန့်ချမှတ်မည်ဆိုပါက ပြင်းထန်းစွာ ကန့်ကွက်တုံ့ပြန်မည်ဟု ပြောဆိုထားသည့်အတိုင်း အင်အား ၄၀၀ ခန့်က သွားရောက်စုဝေး ဆန္ဒပြခြင်းဖြစ်သည်။

ဂျပန်စံတော်ချိန် ၃ နာရီခွဲလောက်တွင် ဒေါ်အောင်ဆန်းစုကြည်အား နေအိမ်အကျယ်ချုပ် (၁ နှစ်ခွဲ) ချလိုက်လိုက်ကြောင်း သိရှိကြသည့်အတွက် တောင်းဆိုဆန္ဒပြ နေကြသူများက အလွန်အမင်းဒေါ်သထွက်ကာ အနီးအနားရှိ ယာဉ်ကျောတားဆီးရေးတိုင်များနှင့် စစ်အခွန်ရုံးတံခါးသို့ ပစ်ပေါက်ခဲ့ကြသည်။

ဆန္ဒပြပွဲတွင်ပါဝင်သည့် အန်အယ်ဒီ(လွတ်မြောက်နယ်မြေ-ဂျပန်)မှကိုမြသိန်းက "ဒေါ်စုကိုထောင်ချတယ်လို့ ကြားလည်းကြားရော မတိုင်ပင်ထားဘဲ အနီးနာမှာရှိတဲ့ မှတ်တိုင်တွေနဲ့ အခွန်ရုံးကိုပေါက်ပါလေရော။ နောက်ပြီး အထဲကလူတွေ(နအဖ၀န်ထမ်း)တွေကို ဘာကြောင့် ဒီလိုမတရားစီရင်ချက်ချရတယ်ဆိုတာကို ရှင်းပြပေးဖို့ တောင်းဆိုခဲ့ကြတယ်..."ဟုပြောပြသည်။

ယင်းနောက်တွင် လူထုခေါင်းဆောင်အတွက် အခွန်ရုံးရှေ့တွင် ထိုင်သပိတ်ဖြင့်ကန့်ကွက်ဆန္ဒပြခဲ့ကြသည်။ ထိုင်သပိတ်ဆန္ဒပြသူများကို ဂျပန်ရဲများက ယခုလိုမပြုလုပ်ရန်နှင့် အမြန်ဆုံးလူစုခွဲပေးရန် ပြောဆိုခဲ့ကြသော်လည်း ဆန္ဒပြနေသူများက ရုံးဆင်းချိန် ညနေ ၅း၀၀ နာရီအထိ နေရာမှမဖယ်ပဲ ထိုင်သပိတ်တိုက်ပွဲ ဆက်လက်ဆင်နွဲခဲ့ကြကြောင်းသိရသည်။

"ဘယ်လိုဘဲကြည့်ကြည့် ဒါလူထုခေါင်းဆောင်ကို ၂၀၁၀ရွေးကောက်ပွဲမှာ ၀င်မပါနိုင်အောင် မတရားအမှုဆင်ထောင်ချတာ၊ ဘယ်လိုမှကျနော်တို့ လက်မခံနိုင်ပါဘူး။ အကယ်၍ လူထုခေါင်းဆောင်ကို ပြန်လွတ်ပေးရင်ပေး၊ မပေးဘူးဆိုရင် ဒီမိုကရေစီတိုင်ပွဲအတွက်ရော၊ လူထုခေါင်းဆောင် လွတ်မြောက်ရေးအတွက်ရော ဒီ့ထက်ပိုမိုတဲ့နည်းတွေနဲ့ကျနော်တို့ ဆက်လက်တိုက်ပွဲဝင်သွားမယ်၊ အဲ့လိုနအဖကိုသတိပေးချင်တယ်...။"ဟု ဆန္ဒပြသူတဦးဖြစ်သည့် ကိုကျော်စိန်ထွန်းမှ ပြောဆိုသည်။

ဂျပန်နိုင်ငံခြားရေးဝန်ကြီးရုံးမှလည်း မြန်မာနအဖသံအမတ်(ဦးလှမြင့်)အား ဒေါ်အောင်ဆန်းစုကြည်ကို မည်သို့မည်ပုံစီရင်ချက်ချပြီး အရေးယူအပြစ်ပေးသည်ကို ရှင်းလင်းပြောဆိုပေးရန် တောင်းဆိုကြောင်းလည်းသိရှိုရသည်။

ဂျပန်ရဲများ၏ မေတ္တာရပ်ခံမှုကြောင့် ထိုင်သပိတ်ကို ညနေ ၅း၀၀ နာရီတွင်ရုပ်သိမ်းပေးခဲ့ပြီး ဒေါ်အောင်ဆန်းစုကြည် အပါအ၀င်၊ မတရားဖမ်းဆီး ထိန်းသိမ်းခံထားရသည့် နိုင်ငံရေးအကျဉ်းသားများ လွှတ်ပေးရေးတို့ကို ဆက်လက်တောင်းဆိုခဲ့ကြသည်။

အင်းစိန်အထူးတရားရုံးက ဒေါ်အောင်ဆန်းစုကြည်ကို ထောင်ဒဏ်(၃)နှစ်ဟုဥပဒေကြောင်းအရ ချမှတ်ခဲ့ခြင်းဖြစ်သော်လည်း လွတ်လပ်ရေးဖခင်ဗိုလ်ချုပ်အောင်ဆန်း၏ သမီးဖြစ်ခြင်း၊ နှင့်တဦးအပေါ်တဦး အာဃာတမထားလိုခြင်းစသည့် အကြောင်းပြချက်များဖြင့် နအဖဥက္ကဋ္ဌ ဗိုလ်ချုပ်မှူးကြီးသန်းရွှေ၏ အမိန့်အရ ပြစ်ဒဏ်ထက်ဝက်လျော့ချ၍ ထောင်ဒဏ်(၁၈)လကိုသာ ဆိုင်းငံ့ပြစ်ဒဏ်အဖြစ် နေအိမ်တွင် အကျယ်ချုပ်ကျခံရမည်ဟု စီရင်ဆုံးဖြတ်ခဲ့ခြင်းဖြစ်သည်။

အလားတူဒေါ်အောင်ဆန်းစုကြည်အား ပြုစုစောင့်ရှောင့်နေသည့် ဒေါ်ခင်ခင်ဝင်းနှင့် မ၀င်းပပတို့အား အလုပ်ကြမ်းနှင့် ထောင်ဒဏ်(၃)နှစ်ကို ဒေါ်အောင်ဆန်းစုကြည်နည်းတူ ချမှတ်လိုက်ပြီး ဒေါ်အောင်ဆန်းစုကြည် နေအိမ်အတွင်းသို့ ၀င်ရောက်ခဲ့သည့် အမေရိကန်နိုင်ငံသား ဂျွန်ဝီလီယံ ယက်တောကိုမှု ထောင်ဒဏ် (၇)နှစ် ကျခံစေရန်အမိန်ချမှတ်ခဲ့သည်။

ယခုလို လူထုခေါင်းဆောင်ဒေါ်အောင်ဆန်းစုကြည်ကို မတရားသဖြင့် နေအိမ်အကျယ်ချုပ်ချမှတ်ခဲ့မှုအတွက် ဂျပန်အစိုးရအနေဖြင့် မြန်မာနအဖစစ်အုပ်စုအား ပြင်းထန်သည့်ဖိအားများပေးရန် မနက်ဖြန်(သြဂုတ်လ ၁၂ ရက်)နေ့လယ် ၂ နာရီမှ ၄ နာရီအထိ ဂျပန်နိုင်ငံခြားရေးရုံးသို့သွားကာ တောင်းဆိုကြမည်ဟုလည်း သိရှိရပါသည်။

MARUNO UCHI လိုင်းဖြင့် KASUMIGASEKI ဘူတာတွင်ဆင်းပြီး၊ A4 A8 ထွက်ပေါက်များမှ ထွက်ကာ ဂျပန်နိုင်ငံခြားရေးရုံးသို့ သွားရောက်နိုင်ပါသည်။

အချက်အလက်စုဆောင်းပေးသူများ-နန်းအိမွန်ချစ်၊ ကိုစိုးအောင်ဝင်း
မှတ်တမ်းဓါတ်ပုံ-ဦးသန်းဝင်း

ဒေါ်အောင်ဆန်းစုကြည်ကို စီရင်ချက်သည့်နေ့ ဂျပန်မှလှုပ်ရှားမှုမြင်ကွင်း

ဗွီဒီယိုမှတ်တမ်း - မောင်မောင်ကြီး

ဒေါ်အောင်ဆန်းစုကြည် လွတ်မြောက်ရေးအတွက် တောင်းဆိုဆန္ဒပြကြစို့

ဒေါ်အောင်ဆန်းစုကြည် တင်ပြလိုသည့်အတိုင်း တရားဥပဒေ စိုးမိုးရေးဆိုသည်မှာ အဂတိလေးပါးကင်းသော၊ ချွတ်ယွင်းချက်ကင်းစင်သော၊ တရားမျှတသော၊ အပြစ်လည်းမဆိုနိုင်သော၊ ဉာဏ်ပညာနှင့် ကောင်းမြတ်သော စိတ်စေတနာနှင့် မြင်သာထင်ရှားကာ တာဝန်ခံနိုင်သည့် စီမံခန့်ခွဲမှုမျိုးဖြစ်သည်။

ထိုကဲ့သို့သော တရားဥပဒေ စိုးမိုးရေး ကို မျက်ကွယ်ပြု ဆောင်ရွက်မည်ဖြစ်သော စစ်အစိုးရမှ မည်သို့ပြောင်းလဲ ဆောင်ရွက်မည်ကို မသိသေးသော်လည်း၊ ယခင်ကြေငြာထားသည့် အတိုင်းဆိုလျှင် မနက်ဖြန် သြဂုတ်လ ၁၁ရက်နေ့ မနက် ၁၀နာရီတွင် အမှုစီရင်ချက်ပြုလုပ် မည်ဖြစ်ပါသည်။

ဒေါ်အောင်ဆန်းစုကြည်၏ အမှုစီရင်ချက်နှင့်ပတ်သက်ပြီး ဂျပန်နိုင်ငံရောက် မြန်မာ့ဒီမိုကရေစီအရေး လှုပ်ရှားသူများသည် ယနေ့ ဒေါ်အောင်ဆန်းစုကြည် လွတ်မြောက်ရေးအတွက် တောင်းဆိုဆန္ဒပြပွဲတခုကို စစ်အခွန်ရုံးရှေ့တွင်ပြုလုပ်ခဲ့ပါသည်။

အဆိုပါ တောင်းဆိုဆန္ဒပြပွဲကို ညနေ ၃ နာရီ မှ စတင်ပြုလုပ်ခဲ့ပြီး၊ လူအင်အား ၂၀ ခန့်တက်ရောက် ခဲ့ကြပါသည်။ စစ်အခွန်ရုံးရှေ့တွင် ကြွေးကြော်သံများကို ကြွေးကြော်ကာ ညနေ ၄ နာရီအထိ တောင်းဆိုဆန္ဒပြ ခဲ့ကြပါသည်။

မနက်ဖြန်တွင် နေ့လည် ၁၂ နာရီမှ စတင်ပြုလုပ်မည် ဖြစ်သဖြင့် တက်နိုင်သည့်ဘက်မှ ပါဝင်ဆောင်ရွက်ကြပါရန် တိုက်တွန်းနှိုးဆော်အပ်ပါသည်။

ဂျပန်တွင် လစဉ် ၉ ရက်နေ့တိုင်းကျင်းပသည့် ဦးခွန်ထွန်းဦးလွတ်မြောက်ရေးလှုပ်ရှားမှု

စစ်အာဏာရှင်ကို ကြောက်ရွံ့လို့မနေခဲ့၊ တုန့်နှေးလို့မနေခဲ့၊ လုပ်စရာရှိတာလုပ်သွားခဲ့သူ ရှမ်းအမျိုးသား ဒီမိုကရေစီ အဖွဲ့ချုပ် (SNLD) ဥက္ကဌ ဦးခွန်ထွန်းဦးကို ယခုအခါ ကချင်ပြည်နယ် ပူတာအိုထောင်တွင် နှစ်ရှည် ထောင်ချထားဆဲပင်ဖြစ်ပေသည်။

ရှမ်းပြည်တပ်မတော်မြောက်ပိုင်းအဖွဲ့၏ ငြိမ်းချမ်းရေးရယူသည့် ၁၅ နှစ်မြောက်အထိမ်းအမှတ်ပွဲသို့ တက်ရောက်ပြီး ရှမ်းပြည်ပညာရှင်များ အတိုင်ပင်ခံကောင်စီဖွဲ့စည်းခဲ့သည်။ ထို့သို့လုပ်ဆောင်မှုကို နအဖစစ်အုပ်စုမှ စစ်ရေးအရအကြမ်းဖက် တော်လှန်ဆန့်ကျင်သည်ဟု ယူဆပြီး မည်သည့်သက်သေအထောက်အထား တစုံတရာမရှိဘဲ နိုင်ငံတော်သစ္စာဖောက်မှုစွဲချက်ဖြင့် မတရားနှစ်ရှည် ထောင်ဒဏ်ချမှတ်ခဲ့သည်။

ဦးခွန်ထွန်းဦးကို လေးစားဂုဏ်ပြုသောအားဖြင့် လစဉ် ၉ ရက်နေ့ရောက်တိုင်း ဂျပန်နိုင်ငံ တိုကျိုမြို့ တွင် လွှတ်မြောက်ဖို့အတွက် တောင်းဆိုရေးကို လစဉ်အစည်းအဝေးနှင့် လှုပ်၇ှားမှုများပြုလုပ် နေကြောင်းသိရပါသည်။ ထိုပွဲတွင် အခမ်းအနားမှူးအဖြစ် တာဝန်ယူဆောင်ရွက်ခဲ့သူ ကိုမိုင်ကျော်ဦးက`` ဦးခွန်ထွန်းဦးဆိုတာ နိုင်ငံတကာကရော မြန်မာတိုင်းရင်းသားတွေကပါ လေးစားကြတဲ့ရှမ်းတိုင်းရင်းသားခေါင်းဆောင်တစ်ဦးပါ။ ၉၀ ရွေးကောက်ပွဲမှာလည်း NLD ပါတီပြီးရင် ဒုတိယမြောက် အင်အားအကြီးမားဆုံးနဲ့ အနိုင်ရခဲ့တဲ့ ရှမ်းအမျိုးသားဒီမိုကရေစီအဖွဲ့ချုပ်(SNLD)ရဲ့ ဥက္ကဋ္ဌတစ်ဦးလည်းဖြစ်သလို ခေတ်ပညာ တတ်စော်ဘွားမျိုးရိုးအနွယ်မှ ဆင်းသက်လာသူတစ်ဦးလည်းဖြစ်ပါတယ်။

နောက်ပြီး သူဟာ CRPP လို့ အတိုကောက်ခေါ်ဆိုနေကြတဲ့ ပြည့်သူ့လွှတ်တော်ကိုယ်စားပြုကော်မတီ ၁၈ ဦးထဲမှာလည်း တစ်ဦးအပါအ၀င်ဖြစ်ပါတယ်။ ဦးခွန်ထွန်းဦးဟာ နအဖစစ်အုပ်စုရဲ့ မတရားတဲ့လုပ်ရပ်တွေကို ပြောင်ပြောင်တင်းတင်းဆန့်ကျင်ဝေဖန်ခဲ့သူဖြစ်ပြီး အဲဒီ့အတွက်နဲ့ သူ့ကို နအဖက နိုင်ငံတော်ပုန်ကန်မှု၊ တရားမ၀င်လူစုရုံးမှု၊ ၄င်းတို့ကိုအကြည်အညိုပျက်အောင်ဆောင်ရွက်မှုအစရှိတဲ့ ပုဒ်မအမျိုးမျိုးတပ်ပြီး ထောင်ဒဏ်နှစ်ရှည်ချမှတ်ခဲ့ပါတယ်။ ဒီလိုဥပဒေမဲ့မတရားစီရင်ချက်ချတာဟာ မြန်မာပြည်တွင်းမှာ ဒီမိုကရေစီစနစ်မရှိဘူး၊ တိုင်းရင်းသားအရေးကိုတန်ဖိုးမထားဘူး။ လျစ်လျှူရှုတဲ့သဘောမျိုး သက်ရောက်နေပါတယ်။

ဒါကြောင့် ကျနော်တို့တိုင်းရင်းသားတွေသာမက မြန်မာလူမျိုးတွေကပါ ဦးခွန်ထွန်းဦးနှင့် တိုင်းရင်းသားခေါင်းဆောင်များလွှတ်မြောက်ရေးအတွက်သာမက အမျိုးသားခေါင်းဆောင် ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများအားလုံး လွှတ်မြောက်ဖို့အတွက်ရည်ရွယ်ပြီး ဦးခွန်ထွန်းဦးအဖမ်းခံခဲ့ရတဲ့ ၉ ရက်နေ့ရောက်တိုင်း လွှတ်မြောက်ဖို့အတွက်တောင်းဆိုပွဲကို လစဉ်ပြုလုပ်ရခြင်းဖြစ်ပါတယ်…``ဟု တက်ရောက်လာသူများကို ရှင်းလင်းပြောကြားပေးခဲ့သည်။


သဘာပတိအဖြစ်ဆောင်ရွက်ခဲ့သော AUN ဥက္ကဋ္ဌဦးဇော်မင်းခိုင်ကလည်း `` ၂၀၀၇ ခုနှစ် မေလကတည်းကစပြီး လစဉ် ၉ ရက်နေ့ရောက်တိုင်း
ကျနော်တို့တစ်တွေဟာ ဦးခွန်ထွန်းဦးနဲ့ တိုင်းရင်းသားခေါင်းဆောင်များအပါအ၀င် ဒေါ်အောင်ဆန်းစုကြည်နှင့်တကွ နိုင်ငံရေးအကျဉ်းသားတွေလွှတ်မြောက်ဖို့အတွက် ဂျပန်မှာရှိတဲ့တိုင်းရင်းသားအဖွဲ့အစည်းတွေက နအဖစစ်အခွန်ရုံးရှေ့မှာ၊ ယူအန်ရုံးရှေ့မှာ တောင်းဆိုဆန္ဒပြခြင်းများပြုလုပ်ခဲ့ပါတယ်။

ဒီလိုမျိုးပြုလုပ်တာဟာ ကျနော်တို့နိုင်ငံမှာ တရားဥပဒေမရှိဘူး၊ စစ်အုပ်စုဟာ တိုင်းရင်းသားတွေကိုဖိနှိပ်နေတယ်။ ဒါကိုလက်မခံနိုင်ဘူး။ ဆန့်ကျင်ရှုတ်ချကြောင်း သိစေချင်လို့ဖြစ်ပါတယ်။ ဆက်လက်ပြီး ဦးခွန်ထွန်းဦးနဲ့ ရှမ်းတိုင်းရင်းသားခေါင်းဆောင်များအရေးသာမက တခြားသော တိုင်းရင်းသားခေါင်းဆောင် များလွှတ်မြောက်ရေးအတွက်ပါ ပြုလုပ်သွားကြမှာဖြစ်ပါတယ်..။ အားလုံးကလည်း ညီညီညွတ်ညွတ်နဲ့ ပူးပေါင်းဆောင်ရွက်ဖို့လိုအပ်ပါတယ်…``ဟု ပြောဆိုခဲ့သည်။

တက်ရောက်လာကြသည့် ရှမ်းတိုင်းရင်းသားလူငယ်များမှ ဦးခွန်ထွန်းဦးနှင့်ပါတ်သက်သည့် အတ္ထုပ္ပတ္တိနှင့် နိုင်ငံရေးလုပ်ငန်းစဉ်များ၊ ဦးဆောင်လှုပ်ရှားမှုကဏ္ဍာများအပါအ၀င် ဦးခွန်ထွန်းဦးနှင့်အတူ ဖမ်းဆီးထိန်းသိမ်းခံခဲ့ရသည့် ဗိုလ်ချုပ်ဆေထင်၊ စိုးနွတ်(ခ)စိုင်းညွန့်၊ စိုင်းလှအောင်၊ ဦးမြင့်သန်း၊ ဦးထွန်းညို၊ ဦးညီညီမိုး၊ စိုင်းမျိုးဝင်းထွန်း၊ ဦးရွှေအုံးနှင့် စ၀်သာဦးတို့ အတ္ထုပ္ပတ္တိနှင့် နိုင်ငံရေးလုပ်ငန်းစဉ်များအကြောင်းကို ဖတ်ကြားပေးခဲ့ကြောင်း သိရှိရသည်။

ရေးသားသူ-စိုးဝင်းရှိန်၊ ဖြိုးဝေ-mmp၊ နန်းအိမွန်ချစ်

(မှတ်ချက် - ဦးမြင့်သန်းသည် ၂၀၀၆ ခုနှစ် မေလ ၂ ရက်နေ့တွင် သံတွဲ ထောင်တွင်းနှိပ်စက်မှုဒဏ် ကြောင့်ကွယ်လွန်သွားခဲ့ပြီး၊ ဦးရွှေအုံးနှင့် စ၀်သာဦးတို့ကို ပြန်လွှတ်ပေးခဲ့သည်။)

ချောက်မြို့ရှိ ရဲဝန်ထမ်း ၇ ဦးအား ဖမ်းဆီးထိန်းသိမ်းထား

ရိုးမ ၃ / စာရွက်ကပ်သည့် လှုပ်ရှားမှုအား ဖမ်းဆီးနိုင်ခြင်းမရှိသည့်အတွက် ချောက်မြို့ရှိ ရဲဝန်ထမ်း ၇ ဦးအား ဖမ်းဆီးထိန်းသိမ်းထားသည်။

မကွေးတိုင်း၊ ချောက်မြို့တွင် ဒေါ်အောင်ဆန်းစုကြည်အား ဖမ်းဆီးထားသည်ကို မကျေနပ်သည့် လူငယ်များက မြို့အနှံ့ စာရွက်များကို ယခုလ (၆) ရက်နေ့က လိုက်လံကပ်ခဲ့ခြင်းဖြစ်သည်။

"အေဖိုးဆိုဒ်အရွယ် စာရွက်ပေါ်မှာ ဒေါ်အောင်ဆန်းစုကြည်ပုံနဲ့ လွှတ်ပါဆိုပြီး ရေးထားတဲ့ စာရွက်တွေ ကပ်တာ၊ မြို့ပေါ် (၇) ရပ်ကွက်လုံးမှာ ကပ်ထားတာ" ဟု မျက်မြင်သက်သေတဦးက ပြောသည်။

ယခုဖမ်းဆီးခံထားရသူများတွင် ရဲအုပ် ၆ ဦးနှင့် ရဲတပ်သားတဦး ပါဝင်ပြီး ၄င်းတို့အား စာရွက်များကပ်ပြီး နောက်တနေ့ ယခုလ (၇) ရက်နေ့တွင် ဖမ်းဆီးခဲ့ခြင်းဖြစ်သည်။

"ဒီလောက်မြို့ပေါ် (၇) ရပ်ကွက်လုံးမှာ စာကပ်တာ မသိရကောင်းလား၊ ဖမ်းမမိရကောင်းလား ဆိုပြီး အမှတ် (၁) ရဲစခန်း အချုပ်ခန်းမှာ ချုပ်ထားတယ်၊ ရဲသားအမည်ကတော့ အောင်နိုင်လို့ သိရတယ်၊ ရဲအုပ်တွေအမည်တော့ မသိဘူး"ဟု မြို့ခံတဦးက ပြောသည်။

ချောက်မြို့တွင် လုံခြုံရေးတင်းကြပ်နေမှုနှင့် ပတ်သက်၍ မြို့ခံတဦးက "ညကတည်းက ဘုန်းကြီးကျောင်းတွေမှာ လုံခြုံရေး ၁၅ ယောက်စီ ချထားတယ်၊ မြို့ပေါ်မှာလည်း ချထားတာ ထူထပ်တယ်၊ ဆိပ်ဖြူဘက်အထွက်တွေမှာလည်း ဂိတ်တွေ ချထားတယ်၊ ပခုက္ကူ၊ စလင်းဘက်ကလာတယ်ဆိုရင် မှတ်ပုံတင်၊ လိုင်စင်တွေကအစ ဒီနေ့ထိ စစ်နေတုန်းပဲ" ဟု ပြောသည်။

အဆိုပါ ရဲအမှုထမ်း ၇ ဦးအား ဖမ်းဆီးသည့်နေ့တွင် ရေနံချောင်းခရိုင်ရဲမင်းကြီးကိုယ်တိုင် ရောက်ရှိနေပြီး ရဲအချင်းချင်း ဖမ်းဆီးခြင်းဖြစ်ကာ အင်န်အယ်ဒီပါတီဝင်အချို့၊ လှုပ်ရှားတက်ကြွသူအချို့နှင့် ယခင်လှုပ်ရှားမှုတွင် ပါဝင်သူများအား စောင့်ကြည့်ခြင်း၊ ဖမ်းဆီးထိန်းသိမ်းခြင်းများ ရှိခဲ့ကြောင်း ၄င်းက ဆက်လက်ပြောဆိုသည်။

"(၇) ရက်နေ့က ခဏခေါ်ထိန်းထားတယ်၊ (၈) ရက်နေ့ကလည်း ထိန်းတယ်၊ ဘာမှတော့ မလုပ်ပါဘူး နောက် ပြန်လွှတ်လိုက်တာပါပဲ၊ ဦးလှခေါင်ဆို သူ့သမီးအိမ်မှာ သွားနေတာ၊ အဲ့ဒါ ဧည့်စာရင်းစစ်တော့ ဧည့်စာရင်းမတိုင်လို့ဆိုပြီး ဖမ်းတယ်၊ အင်န်အယ်ဒီအမျိုးသမီးအဖွဲ့က ဒေါ်တင်တင်ဝင်းကိုကျတော့ သူတူမက တိုင်တယ်ဆိုပြီးတော့ အကြောင်းပြချက်နဲ့ ဖမ်းတယ်" ဟု အယ်န်အယ်ဒီပါတီနှင့်နီးစပ်သူက ပြောသည်။

စစ်အစိုးရအနေဖြင့် ပြီးခဲ့သည့် သြဂုတ်လ (၈) ရက်နေ့ မတိုင်မီကလည်း ရန်ကုန်၊ အင်းစိန်မြို့ နယ်အတွင်းရှိ ရပ်ကွက်နှင့် လမ်းများပေါ်တွင် လုံခြုံရေးများ ထူထပ်စွာ ချထားခဲ့သည်။

ချောက်မြို့တွင် စာရွက်ကပ်ခဲ့သည့် ယခုလှုပ်ရှားမှုနှင့်ပတ်သက်၍ တဦးတယောက်မှ ဖမ်းဆီးခံရကြောင်း မကြားသိရသေးပေ။

၂၁ နှစ်ပြည့်မြောက် ရှစ်လေးလုံးအထိမ်းအမှတ် သူတို့အမြင်များ

၂၁ နှစ်ပြည့်မြောက်　ရှစ်လေးလုံးအထိမ်းအမှတ်မှ　သူတို့အမြင်များ
အင်တာဗျူးသူ - နန်းအိမွန်ချစ်

၂၁ နှစ်တိုင် မမေ့နိုင်ကြောင်း ရှစ်လေးလုံးအထိမ်းအမှတ် ချီတက်ဆန္ဒပြပွဲ တိုကျိုမြို့တွင် ကျင်းပ

၁၉၈၈ မတ်လ ၁၃ ရက်နေ့ကစတင်ပြီး လှုံ့ဆော်လိုက်သော မီးပွါးတခုမှ ၁၉၈၈ သြဂုတ်လ ၈ ရက်၊ ရှစ်လေးလုံး ဒီမိုကရေစီအရေးတော်ပုံကြီး မြန်မာပြည်တ၀ှမ်းလုံး အတိုင်းအတာနှင့် ဖြစ်ပွားပြီး၊ တစ်ပါတီ အာဏာရှင်အစိုးရကို မြန်မာပြည်သူတို့ ဖြုတ်ချနိုင်ခဲ့သည်မှာ နှစ်ပေါင်း ၂၁ နှစ် ရှိခဲ့ပြီဖြစ်ပါသည်။

ထိုနေ့တွင် သွေးနဲ့ရင်းပြီး အသက်ပေးသွားကြသော ကိုဖုန်းမော် အပါအဝင် ၈၈ကျောင်းသားများ၊ ပြည်သူလူထုများ၊ အလုပ်သမားများနှင့် လယ်သမားများ အစရှိသော ၈၈ သူရဲကောင်းအပေါင်းတို့အား ၂၁ နှစ်တိုင် မမေ့နိုင်ကြောင်း၊ ၈၈ကို ပုံဖော်ပေးသွားသော ဒေါ်အောင်ဆန်းစုကြည်အပါအဝင် နိုင်ငံရေး အကျဉ်းသားများအား ချက်ချင်းလွတ်ပေးရေး အလိုရှိကြောင်းကို ဂျပန်ရောက် မြန်မာပြည်ဒီမိုကရေစီရေး လှုပ်ရှားသူများ၊ ဂျပန်နိုင်ငံသားများနှင့် နိုင်ငံခြားသားများ စုစုပေါင်းအင်အား ၁၀၀၀ ကျော်ဖြင့်

ရှစ်လေးလုံးအထိမ်းအမှတ် ချီတက်ဆန္ဒပြပွဲ တိုကျိုမြို့၊ Gotanda ပန်းခြံတွင် ၂ နာရီတွင် စတင်စုဝေးပြီး၊ ၂၁ နှစ်တိုင် မမေ့နိုင်ကြောင်း ရှစ်လေးလုံး အဖွင့်အမှာစကားများကို ကိုသောင်းမြင့်ဦး NLD (LA )JP၊ ကိုဆလိုင်းယောအောင် (မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး-ABSDF)၊ အမေရိကန်မှ ခေတ္တရောက်ရှိနေသူ ကိုမိုးသီးဇွန် တို့မှ ပြောကြားပေးကာ၊ နေ့လည် ၂ နာရီ ၄၅ မိနစ်မှာ စတင်ချီတက်ဆန္ဒပြ ခဲ့ကြပါသည်။

ထို့နောက် ချီတက်ဆန္ဒပြတဲ့သူတွေကို NLD(LA-JB)က လူထုခေါင်းဆောင် ဒေါ်အောင်ဆန်းစုကြည် လွှတ်မြောက်မှု့ ကန့်ပိန်းအဖြစ် ဒေါ်အောင်ဆန်းစုကြည် မျက်နှာဖုံးများကို ကိုင်ဆောာင်ဖို့အတွက် ဝေငှပေးခဲ့ကာ Gotanda ပန်းခြံမှ ကြွေးကြော်သံများကို ကြွေးကြော်လျက် မြန်မာ စစ်အခွန်ရုံးရှေ့ကို ဦးတည်ထွက်ခွါပြီး Gotanyama ပန်းခြံတွင် ချီတက်ဆန္ဒပြပွဲကို ရုပ်သိမ်းကာ၊ မြန်မာ့အရေးအတွက် ဒီမိုကရေစီလှုပ်ရှားသူများနှင့် မြန်မာ့ဒီမိုကရေစီအရေးကို အစဉ်တစိုက်အားပေး ကူညီနေသော ဂျပန်လူမျိုးများမှ သဘောထားအမြင်များနှင့် မှတ်သားဖွယ်ရာများကို ပြောကြားကာ ညနေ ၄း၃၀ တွင် ချီတက်ဆန္ဒပြပွဲကို ရုပ်သိမ်းခဲ့ပါသည်။

မှတ်တမ်းဓါတ်ပုံ - ဦးသန်းဝင်း၊ ကိုမင်းညိုဝမ်း၊ ကိုစိုးအောင်ဝင်း
သတင်းရေးသားသူများ - စိုးဝင်းရှိန်၊ ဖြိုးဝေ-mmp

ရန်ကုန်မြို့ အချက်အချာနေရာတွေမှာ လမ်းပိတ်တဲ့ သံဆူးကြိုး သစ်သားတိုင်များချထား

မွန်သတင်းအေဂျင်စီ / ရန်ကုန်မြို့၏ အချက်အချာနေရာတွေဖြစ်သည့် မြို့တော်ခန်းမ၊ သိမ်ကြီး ဈေး၊ မီးပွိုင့်လမ်းဆုံ နှင့် လူစည်ကားရာ နေရာတော်တော်များများမှာ လမ်းပိတ်တဲ့ သံဆူးကြိုး သစ်သားတိုင်အတော်တော်များများကို ယမန်နေ့ကစပြီး ဖြန့်ကျက်ချထားသည်ကို တွေ့ရပါသည်။

ယခုလို ထင်ထင်ရှားရှား လမ်းပိတ်ဖို့ချထားက ဒီနှစ်အနည်းငယ်အတွင်းမှာ ထူးထူးခြားခြားချထာပြီး ပိုထူးခြားတာက လမ်းဆုံးမှာ ယခုအသင့်ထား ထားသည့် သံဆူးကြိုး သစ်သားတိုင်တွေက အသစ်လုပ်ထားတာကို တွေ့ရသည်။ သံဆူးကြိုးရိုက်ပြီးသား သစ်သားပေါ် မျဉ်းကြား သုတ်ထားတဲ့ အဖြု နှင့် အနီဆေးတွေကလည်း အသစ်ဆက်ဆက်ဖြစ်နေပါသည်။

ရန်ကုန်မြို့ခံတွေ၏ အဆိုရ ယခုလို သံဆူးကြိုး သစ်သားတိုင်တွေချထားက ၈၈ နှစ်ပတ်လည်းဖြစ်တဲ့ လာမည့်စနေနေ့နှင့် နီးကပ်လို့ဖြစ်သည်။ နောက်တစ်ချက်ကလည်း ဒေါ်အောင်ဆန်းစုကြည်ကို အမိန့်ချမယ့် သြဂုတ်လ ၁၁ ရက်နေ့ နှင့် နီးကပ်လို့ဆိုပြီး ပြောကြသည်။

ရခိုင်အမျိုးသားဒီမိုကရေစီအဖွဲ့ချုပ်မှ ဦးအုန်းတင်ကို မေးကြည့်ရာ “ ဒါဟာ နိုင်ငံရေးအလားလားနဲ့ တိုက်ရိုက်ပတ်သက်နိုင်ပါတယ်။ ဒေါ်အောင်ဆန်း စုကြည်ကို စီရင်ချက်ချတာနဲ့ လည်းသက်ဆိုင်နိုင်တယ်၊ ခါတိုင်းလည်း ၈၈ နှစ်ပတ်လည်တော်တော်များများကို ဖြတ်လာတာပဲ လုံခြုံရေး တင်ကြပ် ထားတာကလွဲလို့ အခုလိုသံဆူးကြိုးနဲ့ သစ်သားတိုင်သစ်တွေ သိသိသာ သာ မချထားဘူး။ ဒါဟာ တခုခုအတွက် အသင့်ပြင်ထားတာလည်း ဖြစ်နိုင်တယ်” ဟု ပြောသည်။

ဒေါ်အောင်ဆန်းစုကြည်ကို စီရင်ချက်ချမှတ်မယ့်နေ့ကို ရွှေ့ဆိုင်းလိုက်သည့် အချိန်ကစပြီး ၈၈ နှစ်ပတ်လည်းနေ့လည်း နီးကပ်လာသောကြောင့် လူထုဆူပူမှုတွေဖြစ်လာနိုင်မှာစိုးလို့ မြန်မာအစိုးရက စိုးရိမ်နေကြသည်။

လက်ရှိအခြေအနေက အတော်ကို အရေးကြီးလာသည့် အခြေအနေတွေ ရောက်လာလို့ ယခုလို့ မချထားဘူးတဲ့ သံဆူးကြိုးသစ်သားတိုင်တွေကို ဖြန့်ကျက်ချထားတာဖြစ်နိုင်ကြောင်း ရန်ကုန်မြိုံ့ရှိ တက္ကသိုလ် ကျောင်း သားတစ်ဦးကပြောသည်။

နျူကလီယားတွေ့လို့ ကြက်ဆူသီးကိုမေ့တာလား နအဖ

ကျောင်းသားမိဘများကို ကြက်ဆူပင်ပြန်နုတ်ခိုင်း
မော်တခဲ ၊ ကန္တာရဝတီတိုင်မ်း / ကရင်နီပြည်နယ်၊ ဘောလခဲမြို့မှ မူလတန်းကျောင်းဝင်း အတွင်းတွင် ယမန်နှစ်က စိုက်ထားခဲ့သော ကြက်ဆူပင်များကို မြို့နယ်ပညာရေးမှူးမှ ကျောင်းသားမိဘများကို ခေါ်ပြီး အမြစ်ပါမကျန်ပြန်၍ ဆွဲနုတ်ခိုင်းသည်ဟု မျက်မြင် ဒေသခံဈေးသည် တဦးကပြောသည်။

“ကျောင်းဝင်းတွင်းမှာရှိတဲ့ ကြက်ဆူပင်အားလုံးကို တပင်မှမကျန် အော်ငေါက်ပြီး ဆွဲနုတ်ခိုင်းနေတာ” ဟု ဘောလခဲမြို့သို့ ဈေးသွားရောင်းခဲ့သော ဈေးသည်ကပြောသည်။

ယမန်နှစ်များတွင်မူ ကျောင်းဝင်းတွင်းသို့ နေရာအနှံ့ လုပ်အားပေးခေါ်ခဲ့ကာ အတင်းအဓမ္မစိုက်ခိုင်းစေခဲ့ပြီး ယခုနှစ်မှာတွင်မူ ကျောင်းဝင်းတွင်းတွင် ကြက်ဆူပင်များနှင့် နေရာပြည့်နက်နေပြီး အသီးများကို မည်သို့မျှ အသုံးပြုခြင်းလည်းမရှိ အလာဟသ အချိန်ကုန်လူပင်ပန်းကာ အမျိုးမျိုးခိုင်းစေနေသည်ဟု ဘောလခဲခရိုင် အတွင်းရှိ ရွာတစ်ရွာမှ ဒေသခံတစ်ဦးက ပြောသည်။

၎င်းက “စိုက်တုန်းကစိုက်ခိုင်းပြီး ခုတခါပြန်ပြီးနုတ်ရပြန်တယ်၊ အသီးတွေလည်း ဘာမှလည်းမလုပ်ဖြစ်ပါဘူး” ဟု ဆက်ပြောသည်။

ကြက်ဆူပင်များစိုက်ထားခြင်းသည် ကျောင်းဝင်းကို နေရာကျဉ်းစေလာသောကြောင့် ဘေးပတ်ဝန်းကျင်မှ ရွာသူရွာသားများ၏ အိမ်ခြံမြေများကိုလည်း တဖြည်းဖြည်းနှင့် ချဲ့ထွင်လာသည်ဟု ဒေသခံများ ပြောဆိုနေကြသည်ကို ကြားသိခဲ့ရသော ဒီမောဆိုမြို့မှ ဒေသခံတစ်ဦးက ပြောသည်။

၂၁ နှစ်မြောက် ၈၈၈၈ နှစ်ပတ်လည် အထိမ်းအမှတ် ပို့စ်စကဒ်

zaw htet koko

ဂျပန်ရောက်မြန်မာများ ရှစ်လေးလုံးအထိမ်းအမှတ် ချီတက်ဆန္ဒပြပွဲပြုလုပ်မည်

Invitation for 8888 Demonstration in Tokyo

ဆက်သွယ်နိုင်ရန်
Ko Than Swe - 090-4964-9718
Ko Myint Swe - 090-7247-6099
Ko Kyaw Kyaw Soe - 090-6031-4394
Ko Ko Aung - 090-1506-2893
Ko Mai Kyaw Oo - 03-5960-4440
Ko Hla Aye Maung - 090-2525-1966

သူတို့ရင်းခဲ့တာတွေ ပြန်ကြည့်ပြီး မိမိစိတ်ကို အသက်သွင်းကြစို့

Mathadarmay 2007年08月07日 ပြုလုပ်ထားတာဖြစ်ပါသည်။

ဖိတ်ကြားလွှာ

NAGOYA (JAPAN) တွင် (အာဏာရှင်စနစ်ကိုတော်လှန်ကြ) ခေါင်းစဉ်ဖြင့်

(ဂျပန်နိုင်ငံ-နဂိုယာ)မြို့ ရှိ မြန်မာ့ဒီမိုကရေစီအရေး လှုပ်ရှားသူများမှ ဦးစီး၍

(၂၁) ကြိမ်မြောက်( ၈.၈.၈၈) လေးလုံး နှစ်ပါတ်လည် ချီတက်ဆန္နပြပွဲအား

(၉.၀၈.၂၀၀၉)နေ့/နေ့လည်(၁၂း၀၀)နာရီတွင် SAKAEပန်းခြံ မှ

အစီအစဉ်များ စတင်မည်ဖြစ်ပါ၍..ပူးပေါင်းပါဝင်ဆောင်ရွက်လိုသော

မည်သူမဆို..လက်တွဲပြီး တိုက်ပွဲဝင်ကြရန် ဖိတ်ကြားအပ်ပါသည် ခင်ဗျား...



ဆက်သွယ်ရန်

ဦးအောင်အေးဝင်း(၀၉၀-၅၁၀၆-၆၃၉၃)
ဦးရဲတင် (၀၈၀-၃၆၂၈-၉၉၇၉)
ဦးကျော်စိုး (၀၉၀-၄၂၉၈-၃၅၈၄)...
Reply

မြန်မာနှင့်မြောက်ကိုရီးယားကိစ္စအတွက် အမေရိကန်သမ္မတနှင့် ဖိလစ်ပိုင်သမ္မတ ပူးပေါင်း

ဒေါင်းမာန်ဟုန် ၊ မြန်မာနှင့်မြောက်ကိုရီးယားကိစ္စအတွက် အမေရိကန်သမ္မတ ဘားရက်အိုဘားမားနှင့် ဖိလစ်ပိုင်သမ္မတ ဂလော်ရီယာ မာကက်ပါဂယ်-အာရိုယိုတို့ အတူတကွပူးပေါင်း ဆောင်ရွက်သွားရန် ကြာသာပတေးနေ့က သဘောတူညီမှုပြုခဲ့ကြသည်။

အာရိုယိုသည် အိုဘားမားနှင့် ပူးပေါင်းဆောင်ရွက်မည့် အာဆီယံ၏ပထမဆုံးသော ခေါင်းဆောင်ဖြစ်သည်။

"ကျွန်မတို့ဟာ မြန်မာနိုင်ငံအရေးများနဲ့ မြောက်ကိုရီးယားရဲ့ နျူးကလီးယားကိစ္စများကို ကိုင်တွယ်ဖြေရှင်းဖို့ရာ အမေရိကန်ရဲ့နောက်မှာ ရပ်တည်နေပါတယ် "ဟု အိမ်ဖြူတော်တွင် အိုဘားမားနှင့်အတူရှိစဉ် အာရိုယိုက သတင်းထောက်များကို ပြောကြားခဲ့သည်။

ဘားရက်အိုဘားမားက အာဆီယံ၏ထောက်ပံ့မှုအတွက် အာရိုယိုကို ကျေးဇူးတင် စကားပြောကြားခဲ့ပြီး " မြန်မာပြည်မှာ ကာလကြာရှည်စွာဖြစ်ပေါ်နေတဲ့ လူ့အခွင့်အရေးချိုးဖေါက်မှုများနဲ့ မြောက်ကိုရီးယားရဲ့ နျူးကယားကိစ္စတွေကိုဖြေရှင်းဖို့ အခုလိုဖိလစ်ပိုင်ရဲ့ ထက်သန်တဲ့အားပေးမှုကိုမြင်တွေ့ရတဲ့အတွက် ကျွန်တော်တို့အနေနဲ့ အင်မတန်မှဝမ်းသာမိပါတယ်။ "ဖိလစ်ပိုင်ဟာ အင်အားကြီးမားတဲ့ နိုင်ငံမဟုတ်ပေမယ့် လက်ဝှေ့စကားနဲ့ပြောရရင် နိုင်ငံတကာမှာ သူ့ရဲ့အလေးချိန်ကိုကျော်ထိုးလိုက်ခြင်းပါပဲ" ဟု အိုဘားမားက ဆက်လက်ပြောကြားခဲ့သည်။

ဖိလစ်ပိုင်နိုင်ငံသား လူ့အခွင့်အရေးလှုပ်ရှားသူ
အိမ်ဖြူတော်က သမ္မတနှစ်ဦး ဆွေးနွေးပွဲမှာ မစ္စတာအိုဘားမားက ဖိလစ်ပိုင်နိုင်ငံအနေနဲ့ အာရှရဲ့ စံတန်ဖိုးတွေပေါ် အခြေပြုပြီး လူ့အခွင့်အရေး ချိုးဖောက်မှု၊ မြောက်ကိုရီးယား အရေးကိစ္စတွေနဲ့ ပတ်သက်လို့ အခိုင်အမာ ရပ်တည်ပြောဆိုနေတဲ့အပေါ် အသိအမှတ်ပြု ပြောဆိုခဲ့ပါတယ်၊ ဒါ့ပြင် မစ္စတာအိုဘားမားက သူ့အနေနဲ့ အရှေ့တောင်အာရှနိုင်ငံတွေကို အလည်အပတ် သွားရောက်ဖို့ ရှိတဲ့အပြင် အာဆီယံနိုင်ငံတွေနဲ့ အမေရိကန်တို့ရဲ့ ဆက်ဆံရေးမှာ ဖိလစ်ပိုင်နိုင်ငံက ဦးဆောင်ဦးရွက် ပြုနိုင်လိမ့်မယ်လို့ မျှော်လင့်ကြောင်းကိုလည်း ပြောကြားခဲ့ပါတယ်၊ တွေ့ဆုံပွဲအပြီးမှာ ဖိလစ်ပိုင်သမ္မတ မစ္စက် အာရိုယိုက အမေရိကန်သမ္မတနဲ့ ဆွေးနွေးပြောဆို ခဲ့မှုတွေအပေါ် အလွန်နှစ်ထောင်းအားရဖြစ်မိတယ်လို့ ဖိလစ်ပိုင် သတင်းမီဒီယာတွေကို ပြောဆိုခဲ့ပါတယ်၊

ဒီအတောအတွင်း ဖိလစ်ပိုင်နိုင်ငံသား လူ့အခွင့်အရေးလှုပ်ရှားသူတွေဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေးအတွက် မနီလာမြို့က မြန်မာစစ်အစိုးရ သံရုံးရှေ့မှာ မနေ့က တောင်းဆိုဆန္ဒပြခဲ့ကြတယ်လို့ သိရပါတယ်၊

source။ ။ (rfa) http://www.breitbart.com/article.php?id=D99P4P900&show_article=1