မြောက်ကိုရီးယားခေါင်းဆောင် သားငယ်ကို ဗဟိုစစ်ကော်မရှင် ဒု-ဥက္ကဋ္ဌ ခန့်

29.Sept.2010...VOA...
မြောက်ကိုရီးယားခေါင်းဆောင် ကင်ဂျုံအီးလ် (Kim Jong Il) က အာဏာရ ကွန်မြူနစ်ပါတီမှာ သူ့ရဲ့ အငယ်ဆုံးသားကို အဆင့်မြင့်ရာထူး တက်ပေးလိုက်ပါတယ်။ ဒါဟာ ဖခင်ရဲ့ အရိုက်အရာကို ဆက်ခံဖို့အတွက် လက်သပ်မွေးနေတာကို ပြသတဲ့ လက္ခဏာတရပ် ဖြစ်တယ်လို့ သုံးသပ်ကြပါတယ်။
ဒီအပတ် ပါတီညီလာခံမှာ မစ္စတာ ကင်ဂျုံအန်း (Kim Jong Un) ကို ဗဟိုကော်မတီဝင်အဖြစ် အမည်တင်သွင်းကြောင်း မြောက်ကိုရီးယား နိုင်ငံတော်ပိုင် သတင်းဌာန KCNA က ဗုဒ္ဓဟူးနေ့မှာ ဆိုပါတယ်။ ကင်ဂျုံအန်းကို ပါတီမှာ တန်ခိုးအာဏာရှိတဲ့ ဗဟိုစစ်ကော်မရှင်ရဲ့ ဒုတိယဥက္ကဋ္ဌ အဖြစ်လည်း ခန့်အပ်လိုက်ပါတယ်။ ဒီကော်မရှင်ကို ဖခင်ဖြစ်သူ ကင်ဂျုံအီးလ်က ဦးဆောင်ပါတယ်။
အင်္ဂါနေ့တုန်းကတော့ မြောက်ကိုရီးယား လက်နက်ကိုင်တပ်များရဲ့ ကြယ်လေးပွင့် ပခုံးတင် ဗိုလ်ချုပ်ကြီးအဖြစ် ကင်ဂျုံအန်းကို ခန့်အပ်ခဲ့တာပါ။
ကင်ဂျုံအန်းကို မြောက်ကိုရီးယားမှာတောင် လူသိပ်မသိကြပါဘူး။ သူ့အကြောင်းကို လျှို့ဝှက်အဖြစ် ထားပါတယ်။ သူဟာ အသက် ၂၇ နှစ် ရှိပြီလို့ ယူဆရပြီး ဆွစ်ဇာလန်မှာ ပညာသင်ခဲ့ပါတယ်။
အခုလို သူ တရှိန်ထိုး ရာထူးတွေ တက်လာတာဟာ သူ့အဖေ အသက် ၆၈ နှစ်အရွယ် ကင်ဂျုံအီးလ်ရဲ့ ကျန်းမာရေး အခြေအနေ မကောင်းတာကို ပြသနေပါတယ်လို့ အကဲခတ်တွေက ပြောကြပါတယ်။ ၂၀၀၈ မှာ ကင်ဂျုံအီးလ် လေဖြတ်သွားခဲ့တယ်လို့ သတင်းတွေ ထွက်ခဲ့ပါတယ်။
ဒီအပတ်အတွင်းမှာ မြောက်ကိုရီးယားနဲ့ စစ်ဘက်ဆိုင်ရာ ဆွေးနွေးပွဲတရပ် ကျင်းပမယ်လို့ တောင်ကိုရီးယား ကာကွယ်ရေး ၀န်ကြီးဌာနက ပြောလိုက်ပါတယ်။ ၂ နှစ်နီးနီးအတွင်း ဒီလို ဆွေးနွေးပွဲကို ပထမဆုံးအကြိမ် ကျင်းပတာ ဖြစ်ပါတယ်။

မြန်မာ့အရေး ကုလဦးဆောင်ဖြေရှင်းဖို့ ချက်သမတဟောင်း တိုက်တွန်း

29.Sept.2010...RFA...
ချက်သမတဟောင်း ငြိမ်းချမ်းရေးနိုဘယ်လ်ဆုရှင် ဗက်ဆလပ် ဟာဗဲလ်က စက်တင်ဘာ ၂၈ ရက် မနေ့က မြန်မာ့အရေးနဲ့ ပတ်သက်ပြီး ဆောင်းပါးတစောင် ရေးသားခဲ့ရာမှာ မြန်မာပြည်ပြဿနာကို ကုလသမဂ္ဂက ဦးဆောင်ဖြေရှင်းသင့်ကြောင်း အကြံပြုထားပါတယ်။ အဲဒီဆောင်းပါးမှာ ရေးသားထားတာကတော့ - လက်ရှိအခင်းအကျင်း အနေအထားတွေအရ လာမဲ့ နိုဝင်ဘာ ရွေးကောက်ပွဲဟာ လွတ်လပ် မျှတတဲ့ ရွေးကောက်ပွဲ မဖြစ်နိုင်ပဲ အာဏာရှင်စနစ်သာ ဆက်လက် တည်မြဲနေမှာ ဖြစ်ပါတယ်။ အခုလို မြန်မာပြည်ရဲ့ ကံကြမ္မာဟာ အာဏာရှင်ပုံစံသစ်မှာ လမ်းဆုံးမသွားခင် အချိန်ကပဲ ကုလသမဂ္ဂက အမျိုးသားရင်ကြားစေ့ရေး နဲ့ ဒီမိုကရေစီ အသွင်ကူးပြောင်းရေးအတွက် မြန်မြန် ထက်ထက်နဲ့ အားကောင်းမောင်းသန် ဆောင်ရွက်ရမှာ ဖြစ်ပါတယ်။ အရှေ့အနောက်နဲ့ နိုင်ငံတကာ အသိုင်းအဝိုင်းကလည်း ကုလသမဂ္ဂ ဦးဆောင်မှုနောက်မှာ ညီညီညွတ်ညွတ်နဲ့ မြန်မာပြည်မှာ စစ်မှန်တဲ့ ဆွေးနွေးမှုတွေ စတင်နိုင်အောင် လုပ်ဆောင်ကြရမှာပါ။ အပြောနဲ့မဟုတ် အလုပ်နဲ့ ပြကြရမှာပါလို့ ရေးသား ထားပါတယ်။ 
ကုလသမဂ္ဂဟာ မြန်မာစစ်အစိုးရအပေါ် လက်နက်ပိတ်ဆို့ အရေးယူသင့်ပါတယ်။ မြန်မာကို လက်နက်ရောင်းတဲ့ တခြားနိုင်ငံတွေကိုလည်း ကြံရာပါတွေအဖြစ် အရေးယူနိုင်အောင် ဆောင်ရွက်သင့်ပါတယ်။ လူ့အခွင့်အရေး ကိုယ်စားလှယ် မစ္စတာ ကင်တားနားရဲ့ အဆိုပြုချက်အတိုင်း စစ်အစိုးရ ကျူးလွန်ခဲ့တဲ့ အမှုတွေအတွက် စုံစမ်းရေးကော်မရှင် ဖွဲ့စည်းသင့်ပါတယ်။ စစ်အစိုးရနဲ့ အပေါင်းပါတွေကို စံနစ်တကျ စီးပွားရေး ပိတ်ဆို့သင့်ပါတယ်၊ ဒီလိုမှမဟုတ်ရင် နိုဝင်ဘာ ၇ ရက် ရွေးကောက်ပွဲ နောက်ပိုင်းမှာလည်း လူ့အခွင့်အရေး ချိုးဖောက်မှုတွေ ကို ဆက်လက် တွေ့မြင်နေရဦးမှာ ဖြစ်ပါတယ်လို့ ဗက်ဆလပ် ဟာဗဲလ်က ဆောင်းပါးမှာ ရေးသားထားပါတယ်။

နိုင်ငံတကာဝေဖန်ချက်ကို ကုလသမဂ္ဂမှာ စစ်အစိုးရဝန်ကြီး တုံ့ပြန်

29.Sept.2010...RFA...မြန်မာ့ရွေးကောက်ပွဲတွေဟာ လွတ်လပ်ပြီး တရားမျှတမှာ မဟုတ်ဘူးလို့ နိုင်ငံတကာ အသိုင်းအဝိုင်းက ပြစ်တင် ဝေဖန်နေတာတွေကို မြန်မာစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်း က ကုလသမဂ္ဂ အထွေထွေညီလာခံမှာ ငြင်းဆိုလိုက်ပါတယ်။ လာမဲ့ နိုဝင်ဘာ ၇ ရက်မှာ ကျင်းပမဲ့ ရွေးကောက်ပွဲမှာ တိုင်းရင်းသားပါတီတွေ အပါအဝင် နိုင်ငံရေးပါတီပေါင်း ၃၇ ပါတီ ယှဉ်ပြိုင်မှာ ဖြစ်လို့ ဒါဟာ အားလုံး ပါဝင်ခွင့် ပေးထားတာ ဖြစ်ကြောင်းနဲ့ ရွေးကောက်ပွဲတွေကို စနစ်တကျနဲ့ အောင်မြင်အောင် ဆောင်ရွက်သွားနိုင်မယ်လို့ ယုံကြည်ထားကြောင်း မြန်မာစစ်အစိုးရ နိုင်ငံခြားရေး ဝန်ကြီး ဦးဉာဏ်ဝင်းက အခုလို ပြောဆိုသွားတာ ဖြစ်ပါတယ်။
“ကိုယ်စားလှယ်ပေါင်း သုံးထောင်ကျော် ဝင်ရောက် ယှဉ်ပြိုင် အရွေးချယ်ခံမှာ ဖြစ်ပါတယ်။ ဒီ ယှဉ်ပြိုင်မှု ပမာဏကို ကြည့်ရင် ရွေးကောက်ပွဲဟာ အားလုံး ပါဝင်မှု ရှိတယ်ဆိုတာ ထင်ရှားပါတယ်။ နိုင်ငံရေး ပါတီများအနေနဲ့ သူတို့ရဲ့ မဲဆွယ် စည်းရုံးမှု လုပ်ငန်းစဉ်များကို စတင် ဆောင်ရွက်နေပြီ ဖြစ်ပါတယ်။ ပြည်သူများအနေနဲ့ သူတို့အတွက် ပိုမို အကျိုးပြုမဲ့ ကိုယ်စားလှယ်လောင်းတွေကို စိတ်ကြိုက် ရွေးဖို့ ဒီမိုကရေစီ အခွင့်အလမ်းများ ရရှိကြမှာ ဖြစ်ပါတယ်။”
ဒါ့အပြင် ရွေးကောက်ပွဲတွေကို လွတ်လပ်ပြီး တရားမျှတအောင်ဆောင်ရွက်ပေးမှာဖြစ်ပြီး၊ ရွေးကောက်ပွဲအပြီး ပေါ်ထွက်လာမဲ့ အစိုးရကိုင်စွဲမဲ့ မူဝါဒကိုလည်း စစ်အစိုးရနိုင်ငံခြားရေးဝန်ကြီးက အခုလို ထည့်သွင်းပြောဆိုခဲ့ပါတယ်။
“ရွေးကောက်ပွဲ အပြီးမှာ ပေါ်ထွန်းလာမဲ့ အစိုးရသစ်ဟာလည်း ကမ္ဘာ့နိုင်ငံအားလုံးနဲ့ ချစ်ကြည် ရင်းနှီးမှုကို ပိုမို ခိုင်မာအောင် ထိန်းသိမ်း မြှင့်တင်ပြီးတော့ ကုလသမဂ္ဂနဲ့လည်း အတူတကွ ပိုမို နီးကပ်စွာ ပူးပေါင်း ဆောင်ရွက်သွားမဲ့ မူဝါဒကို ဆက်လက် ကိုင်စွဲသွားမှာ ဖြစ်ပါတယ်။”
လက်ရှိ တာဝန် ထမ်းဆောင်နေတဲ့ နိုင်ငံခြားရေးဝန်ကြီးက နောင်တက်လာမဲ့ အစိုးရရဲ့ မူဝါဒကို အခုလို ပြောဆိုသွားတာနဲ့ ပတ်သက်လို့ ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရရဲ့ နိုင်ငံခြားရေးဝန်ကြီး ဦးဘိုလှတင့်က အခုလို ဝေဖန်ပြောဆိုပါတယ်။
“နောင်တက်လာမဲ့ အစိုးရကိစ္စကို သူဘာမှ ပြောစရာ အကြောင်းမရှိဘူး။ နောင်တက်လာမဲ့ အစိုးရက ဒါ မျှော်လင့်တယ်ပဲ ပြောရမှာပဲလေ။ ဆိုတော့ သူက နောင်တက်လာမဲ့ အစိုးရ ဒီလိုဖြစ်တယ်ဆိုတော့ သူတို့ ကိုယ်တိုင်ပဲ အစိုးရ ဆက်လုပ်မှာပဲ ဆိုတဲ့ သဘောထားက သူတို့ ဆုံးဖြတ်ပိုင်ခွင့် အာဏာက သူတို့ လက်ထဲမှာပဲ ရှိနေတယ်ဆိုတဲ့ ပုံစံကို ဒါက သူက စစ်ဗိုလ်ချုပ်တွေရဲ့ သဘောထားကို indirectly  ဖော်ပြတာပါပဲ။”
ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေကို လွှတ်မပေးပဲ ကျင်းပမဲ့ ရွေးကောက်ပွဲဟာ ယုံကြည်ရမဲ့ ရွေးကောက်ပွဲ ဖြစ်မှာ မဟုတ်ဘူးလို့ ကုလသမဂ္ဂ အတွင်းရေးမှူးချုပ် ကြီးမှူးကျင်းပခဲ့တဲ့  မြန်မာ့ မိတ်ဆွေများ နိုင်ငံများ ဆွေးနွေးပွဲက ပြီးခဲ့တဲ့ တနင်္လာနေ့မှာ ပြောဆိုခဲ့ပါတယ်။ အဲဒီအဖွဲ့မှာ အမေရိကန်နဲ့ ဗြိတိန်နိုင်ငံ ပါဝင်သလို တရုတ်၊ အိန္ဒိယ၊ ထိုင်း၊ စင်ကာပူနဲ့ အင်ဒိုနီးရှားတို့လည်း ပါဝင်ပါတယ

တရုတ်က မြန်မာကို ဒေါ်လာ ၄ ဘီလီယံ အတိုးမဲ့ ချေးမည်

23.Sept.2010...ဧရာဝတီ  
တရုတ်အစိုးရက မြန်မာစစ်အစိုးရကို ယွမ် ဘီလီယံ ၃၀ (အမေရိကန် ဒေါ်လာ ၄.၂ ဘီလီယံ) အတိုးမဲ့ ထုတ်ချေးရန် သဘောတူ လိုက်ကြောင်း သတင်းရရှိသည်။

စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေ၏ စက်တင်ဘာလ ၇ ရက်နေ့က စတင်ခဲ့သော ၅ ရက်ကြာ တရုတ်ပြည်ခရီးစဉ် အတွင်း ထိုကဲ့သို့ သဘောတူခဲ့ခြင်းဖြစ်ကြောင်း အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာနမှတဆင့် သိရသည်။  ဗိုလ်ချုပ်မှူးကြီးနဲ့ တရုတ်သမ္မတ ဟူကျင်းတောင်တို့ တွေ့ပြီးတဲ့ နောက်မှာ တရုတ် အစိုးရအနေနဲ့ အခုလို အတိုးမဲ့ ငွေချေးဖို့ သဘောတူ လိုက်တာပါ”ဟု အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှု ၀န်ကြီးဌာန တာဝန်ရှိသူ တဦးက ဆိုသည်။

ဗိုလ်ချုပ်မှူးကြီး သန်းရွှေသည် ၃၄ ဦးပါဝင်သည့် ကိုယ်စားလှယ် အဖွဲ့ကို ဦးဆောင်၍ စက်တင်ဘာလ ၇ ရက်မှ ၁၁ ရက်နေ့အထိ တရုတ်နိုင်ငံသို့ ချစ်ကြည်ရေး အလည်အပတ် ခရီး သွားရောက် ခဲ့ခြင်းဖြစ်သည်။ ၎င်းနှင့်အတူ လိုက်ပါသွား သူများတွင် ဗိုလ်ချုပ်ကြီး ဟောင်းများနှင့် စီးပွားရေး လုပ်ငန်းရှင်များ ပါဝင်ကြောင်း၊ စီးပွားရေး လုပ်ငန်းရှင်များ အနက် ၎င်းနှင့် နီးစပ်သော လုပ်ငန်းရှင် ဦးတေဇ အပြင် မက်စ် မြန်မာ ကုမ္ပဏီပိုင်ရှင် ဦးဇော်ဇော်တို့လည်း ပါဝင်ကြောင်း သိရသည်။

“ဒီချေးငွေကို ရေအားလျှပ်စစ်စီမံကိန်းတွေ၊ ကားလမ်း ဖောက်လုပ်ရေး၊ ရထားလမ်းနဲ့ သတင်းနည်းပညာ ဖွံ့ဖြိုးတိုးတက်ရေး တွေ မှာ သုံးနိုင်အောင် ရည်ရွယ်ပြီး ထုတ်ချေးတာဖြစ်ပါတယ်။ ဒီငွေတွေကို နှစ် ၃၀ အတွင်း ပြန်ဆပ်ရမှာပါ”ဟုလည်း အမျိုးသား စီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန တာဝန်ရှိသူက ဆက်ပြောသည်။ သို့ရာတွင် ယင်းချေငွေကိစ္စနှင့် ပတ်သက် ၍ အသေးစိပ်ပြောဆိုရန် ၎င်းက ငြင်းဆိုသည်။

ရန်ကုန်အခြေစိုက် စီးပွားရေးပညာရှင်တဦးကမူ ဤကဲ့သို့ အတိုးမဲ့ ချေးငွေများကို လက်ခံခြင်းအားဖြင့် စစ်အစိုးရအနေနှင့် တရုတ်၏ သြဇာလွှမ်းမိုးမှုကို ပိုမို ခံရနိုင်ဖွယ်ရှိသည်ဟု ပြောဆိုသည်။

“ချေးငွေ ယွမ် ဘီလီယံ ၃၀ ကို လက်ခံတယ်ဆိုရင် မြန်မာပြည်ထဲမှာ တရုတ်ကုမ္ပဏီတွေနဲ့ တရုတ် အလုပ်သမားတွေကိုလည်း လက်ခံရမှာပဲ။ ဒါက သိပ်ရှင်းတယ်။ ဒီငွေတွေက တရုတ်တွေနဲ့ သူတို့ ကုမ္ပဏီတွေအတွက်ပဲ အကျိုးရှိလိမ့်မယ်။ သာမန် မြန်မာ  ပြည်သူတွေအတွက်တော့ ဒီချေးငွေသဘောတူညီချက်ကနေ စီးပွားရေးအခွင့်အလမ်းတွေ ရနိုင်စရာမရှိဘူး”ဟု ၎င်းက ဆိုသည်။

“ငွေတွေကို ဘယ်လို စီမံသုံးစွဲမယ်၊ အဲ့ဒီအထဲကနေ ဗိုလ်ချုပ်မှူးကြီးက စစ်တပ်အတွက် ဘယ်လောက်သုံးမယ် ဆိုတာတွေနဲ့ ပတ်သက်ပြီးတော့လည်း အစိုးရက တရားဝင် ထုတ်ပြောတာ မရှိသေးပါဘူး”ဟုလည်း ၎င်းက ဆက်ပြောသည်။

နေပြည်တော်အခြေစိုက် စစ်သတင်းရပ်ကွက်တခု အဆိုအရ ဗိုလ်ချုပ်မှူးကြီးသန်းရွှေအနေနှင့် နိုဝင်ဘာ ၇ ရက် ရွေးကောက်ပွဲအပြီး ကျင်းပမည့် ပြည်သူ့လွှတ်တော်သို့ စစ်တပ် အသုံးစရိတ်နှင့်ပတ်သက်၍ တင်ပြလိုစိတ် မရှိကြောင်း သိရသည်။

“ဗိုလ်ချုပ်မှူးကြီးက တပ်မတော် ဘတ်ဂျက် ဥပဒေမူကြမ်းကို ပြည်သူ့လွှတ်တော်မှာ မတင်ပြချင်ဘူး။ ဒါကြောင့် လွှတ်တော် အစည်း အဝေး မကျင်းပခင်မှာ စစ်တပ် အသုံးစရိတ်နဲ့ပတ်သက်ပြီး အားလုံးပြီးအောင် စီစဉ်ချင်ပုံရတယ်။ မကြာသေးခင်ကပဲ တိုက် လေယာဉ် နဲ့ သင်္ဘောတွေ အပါအဝင် တပ်မတော်အတွက် လိုအပ်တာတွေကို ဝယ်ယူခဲ့သေးတယ်လေ”ဟု စစ်တပ်နှင့် နီးစပ်သူ တဦးက ဆိုသည်။

မြန်မာစစ်အစိုးရအနေနှင့် စီးပွားရေးနှင့် သတင်းနည်းပညာ ဖွံ့ဖြိုးတိုးတက်ရေးတို့ အတွက် ရည်ရွယ်ကာ တရုတ်အစိုးရထံမှ ၂၀၀၉ ခုနှစ်တွင် အမေရိကန်ဒေါ်လာ ၁.၂ ဘီလီယံ ချေးခဲ့သေးကြောင်းလည်း သိရသည်။
 

အိုဘားမား အစိုးရ အာဖဂန်ကိစ္စ သဘောထားကွဲ

22.Sept.2010...VOA...
အာဖဂန်စစ်ပွဲနဲ့ ပတ်သက်တဲ့ အစီအစဉ်အသစ်ဟာ အောင်မြင်မှု ရှိပါ့မလား ဆိုတာကို အမေရိကန် အစိုးရထဲက အဓိက တာဝန်ရှိသူတွေ သံသယ ပွားနေချိန်မှာပဲ သမ္မတ ဘရက်ခ် အိုဘားမား (Barack Obama) နဲ့ သူ့ရဲ့ ထိပ်တန်း အကြံပေးပုဂ္ဂိုလ်တွေကြားမှာ နက်ရှိုင်းတဲ့ ကွဲလွဲမှုတွေ ရှိနေတာကို ထုတ်ဝေတော့မယ့် စာအုပ်အသစ် တအုပ်ထဲမှာ ဖော်ပြခဲ့ပါတယ်။
သမ္မတ အိုဘားမားနဲ့ သူ့ရဲ့ အကြံပေး အရာရှိတွေကို မေးမြန်းမှုတွေ လုပ်ခဲ့တဲ့ The Washington Post သတင်းစာရဲ့ အယ်ဒီတာတဦးဖြစ်တဲ့ ဘော့ဘ် ၀ုဒ်ဝါ့ဒ် (Bob Woodward) ရဲ့ မကြာခင် ထုတ်ဝေဖို့ရှိတဲ့ စာအုပ်ဖြစ်တဲ့ အိုဘားမားရဲ့ စစ်ပွဲများဆိုတဲ့ စာအုပ်ထဲက ကောက်နှုတ်ချက် တချို့ကို The Washington Post နဲ့ The New York Times သတင်းစာတွေမှာ ဗုဒ္ဓဟူးနေ့တုန်းက ဖော်ပြလိုက်တာပါ။
တာလီဘန်တွေရဲ့ သောင်းကျန်းမှုကို နှိမ်နင်းဖို့ ထိပ်တန်း စစ်ဘက်ခေါင်းဆောင်တွေက အမေရိကန်တပ်တွေ တိုးပြီး စေလွှတ်ဖို့ ကမ်းလှမ်းခဲ့ပေမဲ့ သမ္မတကတော့ ပြန်လည်ဆုတ်ခွာဖို့နဲ့ တိုင်းပြည်ထူထောင်ရေး ဆိုတဲ့ အသုံးအနှုန်းကိုလည်း မသုံးတော့ဖို့ကိုသာ တွန်းအားပေးခဲ့တယ်လို့ သတင်းစာတွေက ရေးခဲ့ကြတာ ဖြစ်ပါတယ်။
သမ္မတ အနေနဲ့ နောက်ဆုံးမှာ တပ်အင်အား ၃၀,၀၀၀ ထပ်မံစေလွှတ်ဖို့ သဘောတူခဲ့ပေမဲ့ ရှေ့နှစ် ၂၀၁၁ ခုနှစ် ဇူလိုင်လကစပြီး အမေရိကန်တပ်တွေကို ပြန်လည်ရုပ်သိမ်းဖို့ သတ်မှတ်ရက်ကိုလည်း ကြေညာခဲ့တာပါ။
အာဖဂန်စစ်ပွဲအတွက် မဟာဗျူဟာ အသစ်ဟာ အလုပ်ဖြစ်မှာ မဟုတ်ဘူးလို့လည်း အာဖဂန်နဲ့ ပါကစ္စတန်နိုင်ငံဆိုင်ရာ အမေရိကန် အထူးကိုယ်စားလှယ် ရစ်ချာ့ဒ် ဟိုးလ်ဘရွတ်ခ် (Richard Holbrooke) ကို ကိုးကားပြီး သတင်းစာတွေက ရေးသားခဲ့တာ ဖြစ်ပါတယ်။
အစိုးရ တာဝန်ရှိသူတွေကြားမှာ ပုဂ္ဂိုလ်ရေး ကွဲလွဲမှုတွေ နက်နက်ရှိုင်းရှိုင်း ရှိနေတာကိုလည်း စာအုပ် ကောက်နှုတ်ချက်တွေမှာ ဖော်ပြခဲ့တာပါ။
အိမ်ဖြူတော် ပြောခွင့်ရသူ ရောဘတ် ဂစ်ဘ်စ် (Robert Gibbs) ကတော့ စာအုပ်ကောက်နှုတ်ချက်တွေမှာ သမ္မတဟာ အာဖဂန်နိုင်ငံနဲ့ ပတ်သက်လို့ အမေရိကန်ရဲ့ ရည်မှန်းချက်တွေကို အကောင်အထည် ဖော်နိုင်မယ့် မဟာဗျူဟာတရပ် ထွက်ပေါ်လာအောင် စဉ်းစားချင့်ချိန်နိုင်သူ၊ စွမ်းစွမ်းတမံ မူဝါဒတွေကို ကျင့်သုံးသူအဖြစ် ဖော်ပြထားတယ်ဆိုပြီး ကွဲလွဲမှုတွေ ရှိနေတယ် ဆိုတာနဲ့ ပတ်သက်လို့ လျှော့လျှော့ပေါ့ပေါ့ ပြောဆိုခဲ့တာ ဖြစ်ပါတယ်။

မြန်မာပြစ်မှု စုံစမ်းရေး ပြင်သစ်ထောက်ခံ

22.Sept.2010...VOA...
မြန်မာနိုင်ငံက လူ့အခွင့်အရေး ချိုးဖောက်မှုတွေဟာ လူသားမျိုးနွယ်အပေါ် ကျူးလွန်တဲ့ ပြစ်မှု၊ စစ်ရာဇ၀တ်မှု မြောက်မမြောက် ကုလသမဂ္ဂက ကော်မရှင်တရပ် ဖွဲ့စည်း စုံစမ်းမှုတွေ လုပ်ဖို့ တိုက်တွန်းနေရာမှာ ပြင်သစ်နိုင်ငံလည်း ပါဝင်လာပါတယ်။
ဒါပေမဲ့လည်း ပြင်သစ်နိုင်ငံသာမက ဥရောပသမဂ္ဂ (EU) အနေနဲ့ပါ အားပေးထောက်ခံသွားဖို့ နိုင်ငံတကာ လူ့အခွင့်အရေး အဖွဲ့တွေက တိုက်တွန်းလိုက်ကြတာပါ။
EU ရဲ့ တညီတညွတ်တည်း ရပ်တည်ချက်ဟာ ကျန် ကုလသမဂ္ဂ အဖွဲ့ဝင် နိုင်ငံတွေကို အလားတူ ဆောင်ရွက်ကြဖို့ ခိုင်မာတဲ့ သတင်းစကား ပေးပို့ရာ ရောက်စေမယ်လို့ ဗုဒ္ဓဟူးနေ့က ပြင်သစ်နိုင်ငံ ပဲရစ်မြို့မှာ ပြုလုပ်တဲ့ သတင်းစာ ရှင်းလင်းပွဲအတွင်း လူ့အခွင့်အရေး စောင့်ကြည့်ရေးအဖွဲ့ (Human Rights Watch)၊ ပြင်သစ် လူ့အခွင့်အရေး အဖွဲ့ချုပ်နဲ့ နိုင်ငံတကာ လူ့အခွင့်အရေး အဖွဲ့ချုပ် (FIDH) တို့က ၀ိုင်းဝန်း တိုက်တွန်းလိုက်ကြတာ ဖြစ်ပါတယ်။
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် တိုမာ့စ် အိုဟေး ကင်တားနား (Tomas Ojea Quintana) က မြန်မာနိုင်ငံက လူ့အခွင့်အရေး အခြေအနေတွေကို ကော်မရှင်တရပ် ဖွဲ့စည်း စုံစမ်းဖို့ ပြီးခဲ့တဲ့ မတ်လက အစီရင်ခံစာ တင်သွင်းရာမှာ အကြံပြုခဲ့တဲ့နောက် အခုလို နိုင်ငံတကာ အသိုင်းအ၀န်းက ၀ိုင်းဝန်း တိုက်တွန်းမှုတွေ ထွက်ပေါ်လာတာပါ။
ဂျီနီဗာမြို့မှာ ကျင်းပနေတဲ့ ကုလသမဂ္ဂ လူ့အခွင့်အရေး ကောင်စီရဲ့ ၁၅ ကြိမ်မြောက် ညီလာခံအတွင်း ပြင်သစ်နိုင်ငံ ကိုယ်စားလှယ်ကလည်း ဒီအဆိုပြုချက်ကို ထောက်ခံကြောင်းနဲ့ မြန်မာအစိုးရက ဒီအစီအစဉ်ကို အပြည့်အ၀ ပူးပေါင်းဖို့လည်း တိုက်တွန်းခဲ့တာ ဖြစ်ပါတယ်။
အမေရိကန် ပြည်ထောင်စု နယူးယောက်မှာ ကျင်းပနေတဲ့ ကုလသမဂ္ဂ အထွေထွေ ညီလာခံကို တက်ရောက်လာတဲ့ မြန်မာ နိုင်ငံခြားရေးဝန်ကြီး ဦးဉာဏ်ဝင်းကတော့ တိုင်းပြည် ဖွံ့ဖြိုးရေးအတွက် ကုလသမဂ္ဂရဲ့ ထောင်စုနှစ် ရည်မှန်းချက်နဲ့အညီ ဖြစ်အောင် ကြိုးပမ်းနေတယ်လို့ ပြောဆိုခဲ့တာပါ။ ဒီအတွက် နိုင်ငံတကာ အကူအညီတွေ လိုအပ်တယ်လို့လည်း အင်္ဂါနေ့တုန်းကပဲ ပြောဆိုခဲ့တာ ဖြစ်ပါတယ်။

ကုလ စုံစမ်းရေးကော်မရှင် မြန်မာပြည်လွှတ်ရေး ဂျပန် NGO များ တောင်းဆို

 22.Sept.2010...RFA...
 မြန်မာစစ်အစိုးရရဲ့ လူ့အခွင့်အရေး ချိုးဖောက်မှုတွေကို သွားရောက်စုံစမ်းနိုင်မဲ့ ကုလသမဂ္ဂ စုံစမ်းရေး ကော်မရှင်တရပ် ပေါ်ပေါက်လာရေးအတွက် ဂျပန်အစိုးရက တရားဝင် ထောက်ခံပေးဖို့ ဂျပန် NGO ၅ ဖွဲ့က စက်တင်ဘာ ၂၁ ရက် မနေ့က တောင်းဆိုလိုက်ကြောင်း သိရပါတယ်။ဂျပန်အစိုးရကို တိုက်တွန်းတဲ့ ဂျပန် NGO ၅ ဖွဲ့ထဲမှာ ဂျပန်နိုင်ငံ တိုကျိုမြို့အခြေစိုက် Human Rights Watch အဖွဲ့ ၊ A.I ခေါ် အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့၊ Human Rights Now အဖွဲ့နဲ့ PFB မြန်မာ့ရေးရာ ပြည်သူ့အဖွဲ့တို့အပြင်၊ အိုဆာကာအခြေစိုက် BRC အဖွဲ့တို့လည်း ပါဝင်ကြောင်း သိရပါတယ်။
ဂျပန်အစိုးရက အဲဒီလို ထောက်ခံပေးဖို့ ဂျပန် NGO ၅ ဖွဲ့ဟာ စက်တင်ဘာ ၂၁ ရက် မနေ့တုန်းက ဂျပန် နိုင်ငံခြားရေးဝန်ကြီးဌာနကို သွားရောက်ပြီး တိုက်တွန်းစာ ပေးအပ်ခဲ့တယ်လို့ စာ သွားရောက် ပေးအပ်ရာမှာ ပါဝင်သူ Ms. Miyazawa က RFA ကို ပြောပါတယ်။
PFB အဖွဲ့က မီယာဇာဝါ ပြောသွားတာက မြန်မာပြည်တွင်းမှာ ဖြစ်ပွားနေတဲ့ စစ်ရာဇဝတ်မှုတွေ ၊ လူသားထုပေါ် ကျူးလွန်နေတဲ့ လူ့အခွင့်အရေး ချိုးဖောက်မှုတွေကို ဝင်ရောက် စုံစမ်းနိုင်ဖို့ ကုလသမဂ္ဂ စုံစမ်းရေးကော်မရှင်တရပ် ပေါ်ပေါက်လာရေးကိစ္စမှာ ဂျပန်အစိုးရဟာ ရေငုံနှုတ်ပိတ် မနေပဲ အခြားကမ္ဘာ့ နိုင်ငံတွေ နည်းတူ ထောက်ခံကြောင်း ပြသတဲ့အနေနဲ့ တရားဝင်ကြေညာချက် တရပ် ထုတ်ပြန်ပေးဖို့ ဂျပန် နိုင်ငံခြားရေးဝန်ကြီးဌာနကို ကျွန်မတို့ သွားရောက် တိုက်တွန်းခဲ့ပါတယ်။ ဂျပန်နိုင်ငံခြားရေးဝန်ကြီးဌာန တာဝန်ရှိသူတွေကတော့ မြန်မာ့အရေးနဲ့ပတ်သက်ပြီး အကောင်းဆုံးဖြစ်အောင် ဘယ်လိုကိုင်တွယ်ရမယ်ဆိုတာကို သူတို့အနေနဲ့ စဉ်းစားနေကြောင်း၊ သင့်တော်တဲ့ နည်းလမ်းတွေနဲ့ မြန်မာစစ်အစိုးရပေါ် ဆက်ဆံကျင့်သုံးသွားမှာ ဖြစ်တယ်လို့ အကြောင်းပြန်ခဲ့တယ်လို့ ပြောဆိုသွားပါတယ်။
ဂျပန် နိုင်ငံခြားရေးဝန်ကြီးဌာနကို ဂျပန် NGO ၅ ဖွဲ့က ပေးအပ်တဲ့ စာနဲ့အတူ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ ကင်တားနားရဲ့ အစီရင်ခံစာရော ၊ အမေရိကန် ဟားဗတ်တက္ကသိုလ်က လေ့လာတွေ့ရှိထားတဲ့ မြန်မာစစ်တပ်ရဲ့ လူ့အခွင့်အရေးချိုးဖောက်မှု အစီရင်ခံစာကိုပါ ပူးတွဲ ပေးအပ်ခဲ့ကြောင်း သိရပါတယ်။

မြန်မာနိုင်ငံ ထောင်စုနှစ် မှန်းချက်မီဖို့ နိုင်ငံတကာ အကူအညီလိုအပ်

22.Sept.2010...VOA...
MDG လို့ခေါ်တဲ့ ကုလသမဂ္ဂရဲ့ ထောင်စုနှစ် ဖွံ့ဖြိုးရေးဆိုင်ရာ ရည်မှန်းချက်တွေကို ပြည့်မီအောင် မြန်မာနိုင်ငံအနေနဲ့ အမျိုးသား ဖွံ့ဖြိုးရေး စီမံကိန်းတွေ ချမှတ်ပြီး ဆောင်ရွက်နေတယ်လို့ မြန်မာ နိုင်ငံခြားရေးဝန်ကြီး ဦးဉာဏ်ဝင်းက မနေ့က ကုလသမဂ္ဂမှာ ပြောဆိုသွားပါတယ်။ မြန်မာနိုင်ငံလို ဖွံ့ဖြိုးဆဲ တိုင်းပြည်တွေ အနေနဲ့ ထောင်စုနှစ် ရည်မှန်းချက်တွေကို ပြည့်မီအောင် ဆောင်ရွက်ရာမှာ နိုင်ငံတကာ အထောက်အပံ့တွေနဲ့ နိုင်ငံတကာ ရင်းနှီးမြှုပ်နှံမှုတွေဟာ အလွန်တရာ အရေးပါတယ်လို့လည်း ပြောဆိုခဲ့ပါတယ်။ အပြည့်အစုံကို မနန္ဒာချမ်းက တင်ပြပေးထားပါတယ်။
ကုလသမဂ္ဂ အထွေထွေ ညီလာခံကြီးမှာ ၃ ရက်ကြာ ပြုလုပ်နေတဲ့ ကမ္ဘာ့ခေါင်းဆောင်တွေရဲ့ MDG ရည်မှန်းချက်ဆိုင်ရာ ထိပ်သီးညီလာခံအတွင်း မြန်မာ နိုင်ငံခြားရေးဝန်ကြီး ဦးဉာဏ်ဝင်းက မြန်မာနိုင်ငံဟာ အခြား ကမ္ဘာ့နိုင်ငံတွေလိုပဲ ထောင်စုနှစ် ရည်မှန်းချက်တွေ ပြည့်မီအောင် ဆောင်ရွက်နေတယ်လို့ ပြောသွားပါတယ်။
“မြန်မာနိုင်ငံမှာ ပြည်သူတွေ နေထိုင်စားသောက်မှု အဆင့်အတန်း မြင့်မားလာဖို့အတွက် အစိုးရအနေနဲ့ အမျိုးသား ဖွံ့ဖြိုးရေး စီမံကိန်းတွေ ရေးဆွဲပြီး ဆောင်ရွက်နေပါတယ်။ အဲဒီ စီမံကိန်းတွေဟာ MDG ကုလသမဂ္ဂရဲ့ ထောင်စုနှစ် ဖွံ့ဖြိုးရေးဆိုင်ရာ ရည်မှန်းချက်တွေနဲ့ ဆက်နွယ်နေပါတယ်။ အမျိုးသား ဖွံ့ဖြိုးရေးနဲ့ ဆင်းရဲမွဲတေမှု တိုက်ဖျက်ရေး ရည်မှန်းချက်ဟာ အဲဒီ MDG ရည်မှန်းချက်အတိုင်း ဆောင်ရွက်နေတာ ဖြစ်ပါတယ်။ အမျိုးသား စီမံကိန်းတွေဟာ ကျေးလက်ရော မြို့ပြဒေသတွေမှာပါ လူမှုဖွံ့ဖြိုး တိုးတက်မှုတွေ ဟန်ချက်ညီ ဖြစ်လာဖို့ ရည်မှန်းပါတယ်။”
MDG ရည်မှန်းချက်တွေထဲက တခုဖြစ်တဲ့ သဘာဝ ပတ်ဝန်းကျင် ထိန်းသိမ်းရေး ကိစ္စမှာလည်း မြန်မာနိုင်ငံဟာ တက်တက်ကြွကြွ ပါဝင်ဆောင်ရွက်နေသလို အောင်မြင် တိုးတက်မှုတွေလည်း ရှိနေတယ်လို့ နိုင်ငံခြားရေးဝန်ကြီး ဦးဉာဏ်ဝင်းက ပြောခဲ့ပါတယ်။
“သဘာဝ ပတ်ဝန်းကျင် ထိန်းသိမ်း စောင့်ရှောက်ရေးအတွက် ရည်မှန်းပြီး မြန်မာနိုင်ငံ အနေနဲ့ Myanmar agenda 21 ဆိုပြီး စီမံကိန်းချ ဆောင်ရွက်နေပါတယ်။ ဘေးမဲ့သစ်တော ဧရိယာဟာလည်း ၁၉၉၈ ခုနှစ်က ၃၈,၈၀၀ စတုရန်းမိုင် ပတ်လည်ကနေ ၂၀၀၉ ခုနှစ်မှာ ၆၂,၀၀၀ စတုရန်းမိုင်အထိ တိုးချဲ့လာနိုင်ခဲ့ပါတယ်။ ပြီးခဲ့တဲ့ သြဂုတ်လတုန်းကဆိုရင် ဟူးကောင်းတောင်ကြား ဒေသကို တောရိုင်းတိရစ္ဆာန် ကာကွယ်စောင့်ရှောက်ရေး ဇုန်အဖြစ် သတ်မှတ်လိုက်ပါတယ်။ အဲဒီဒေသဟာ ကမ္ဘာ့အကြီးဆုံး ကျားရိုင်းနဲ့ အခြား တောရိုင်းတိရစ္ဆာန် ကာကွယ်စောင့်ရှောက်ရေးဇုန် ဖြစ်လာခဲ့ပါတယ်။”
၂၀၁၅ ခုနှစ် နောက်ဆုံးထားပြီး MDG ရည်မှန်းချက် အတော်များများ ပြည့်မီဖို့အတွက် ဖွံ့ဖြိုးဆဲ နိုင်ငံတွေအဖို့ နိုင်ငံတကာ အထောက်အပံ့တွေက အရေးကြီးတယ်လို့လည်း ဆိုပါတယ်။
“ဖွံ့ဖြိုးဆဲ နိုင်ငံတွေရဲ့ ဖွံ့ဖြိုးရေး စီမံချက်တွေ အောင်မြင်ဖို့ ကိစ္စမှာ နိုင်ငံတကာ အထောက်အပံ့တွေကလည်း အရေးပါတဲ့ အခန်းကဏ္ဍမှာ ရှိပါတယ်။ ဒါကြောင့် MDG ရည်မှန်းချက်တွေ ပြည့်မီဖို့ရာ ဖွံ့ဖြိုးဆဲ တိုင်းပြည်တွေကို ခွဲခြားမှုမရှိဘဲ နိုင်ငံတကာ အကူအညီ အထောက်အပံ့တွေ ပေးဖို့၊ နိုင်ငံတကာ ရင်းနှီးမြှုပ်နှံမှုတွေ လုပ်ဖို့ ဈေးကွက်ထဲ ၀င်ရောက်နိုင်ဖို့ဟာ အလွန်တရာ အရေးပါလှပါတယ်။”
တကယ်တော့ မြန်မာနိုင်ငံဟာ စီးပွားရေး၊ လူမှုရေး၊ ပညာရေး၊ ကျန်းမာရေး စသဖြင့် အဘက်ဘက်က ချွတ်ခြုံကျနေတဲ့ ကမ္ဘာ့နိုင်ငံစာရင်း Failed State ကျရှုံးနိုင်ငံအဖြစ် သတ်မှတ်ခံရတဲ့နိုင်ငံ ဖြစ်ပါတယ်။ ဖွံ့ဖြိုးရေး ဘာသာရပ်ဆိုင်ရာ လေ့လာသူ ဦးဇော်မင်းကတော့ အခု ၀န်ကြီး ဦးဉာဏ်ဝင်း ပြောနေသလို MDG ရည်မှန်းချက်တခုဖြစ်တဲ့ ဆင်းရဲနွမ်းပါးမှု တိုက်ဖျက်ရေးမှာ အမျိုးသား စီမံကိန်းကို ချမှတ် ဆောင်ရွက်တယ် ဆိုတာထက် ပြည်သူအများ ကိုယ်တိုင် ပါဝင်ဆောင်ရွက်တဲ့ နည်းလမ်းကပဲ အောင်မြင်မှု ရနိုင်မယ်လို့ ယူဆတယ်လို့ ဗွီအိုအေကို ပြောပါတယ်။
“ဆင်းရဲနွမ်းပါးမှုကို တိုက်ဖျက်တယ် ဆိုတဲ့နေရာမှာ အမျိုးသား စီမံကိန်းဆိုပြီး ချလုပ်ကတည်းကိုက အမှားဖြစ်ပါတယ်။ ဘာဖြစ်လို့လဲဆိုတော့ ဒါဟာ အမျိုးသား စီမံကိန်းဆိုပြီး အစိုးရကနေ ချမှတ်ပေးရမယ့် ကိစ္စ မဟုတ်ပါဘူး။ ဒါဟာ နိုင်ငံသူ၊ နိုင်ငံသားတွေ အားလုံးကို လက်တွဲခေါ်ပြီး သူတို့ရဲ့ ပူးပေါင်းဆောင်ရွက်မှုနဲ့ တိုက်ဖျက်ရတဲ့ လုပ်ငန်း ဖြစ်ပါတယ်။ အစိုးရကနေ ဆေးကြိမ်လုံးနဲ့ တို့ပြီး ဆင်းရဲမွဲတေမှု လျော့အောင်ဆိုပြီး လုပ်လို့မရပါဘူး။
“အဲတော့ နိုင်ငံရေးအရ၊ လူမှုရေးအရ၊ စီးပွားရေးအရ နိုင်ငံသားတွေရဲ့ ပူးပေါင်းဆောင်ရွက်မှု မပါဘဲနဲ့ ကျနော်တို့လို ဆင်းရဲတဲ့ နိုင်ငံတွေမှာ ဆင်းရဲမွဲတေမှုကို လျှော့ချဖို့ဆိုတာ မလွယ်ပါဘူးခင်ဗျ။”
တဘက်မှာ အခုလို MDG ရည်မှန်းချက်တွေ ပြည့်မီဖို့ နိုင်ငံတကာ အကူအညီတွေ လိုအပ်နေတယ်ဆိုတာ လက်ခံပေမဲ့ ဒီအကူအညီတွေ ထိထိရောက်ရောက်ဖြစ်ဖို့ အစိုးရကိုယ်တိုင်က ပြုပြင်ပြောင်းလဲစရာတွေ အများကြီး ကျန်နေသေးတယ်လို့လည်း ဦးဇော်မင်းက ထောက်ပြပါတယ်။
“နံပါတ်တစ်၊ နိုင်ငံတကာ အကူအညီ မလုံလောက်သေးဘူးလို့လည်း မြင်ပါတယ်။ နံပါတ်နှစ်အချက်က အဲဒီလို နိုင်ငံတကာ အကူအညီ အလုံအလောက် မရဘူး ဆိုတာလည်း ပြီးခဲ့တဲ့ နှစ်ပေါင်းများစွာ အတွင်းမှာ လက်ရှိ အုပ်ချုပ်နေတဲ့ အစိုးရရဲ့ ပေါ်လစီတွေ၊ သူတို့ရဲ့ လုပ်ဆောင်ချက်တွေ၊ အဲဒါတွေလည်း မူတည်တယ်လို့ ကျနော် မြင်ပါတယ်။
“နောက်တချက်ကလည်း အကယ်၍ တချို့နေရာတွေမှာ နိုင်ငံခြားကနေ ရန်ပုံငွေ ၀င်လာတယ် ထားဦးတော့၊ ဒီငွေတွေကို ဘယ်လိုသုံးစွဲလဲ ဆိုတာကို ပွင့်လင်းမြင်သာတဲ့ စနစ်နဲ့ မကြည့်နိုင်ဘူး၊ မစစ်ဆေးနိုင်ဘူးဆိုရင် ဒါဟာလည်း အိတ်ပေါက်နဲ့ ဖားကောက်သလို ဖြစ်မှာပါပဲ။”
ဖွံ့ဖြိုးရေး ဘာသာရပ်ဆိုင်ရာ လေ့လာသူ ဦးဇော်မင်း ပြောပြသွားတာ ဖြစ်ပါတယ်။
မြန်မာနိုင်ငံဟာ အစိုးရရဲ့ စီမံခန့်ခွဲမှု အားနည်းချက်တွေကြောင့် ဆိုပြီး နိုင်ငံတကာ အကူအညီတွေ အတော်များများ ရပ်ဆိုင်းခံထားရတဲ့နိုင်ငံ ဖြစ်ပါတယ်။ တဘက်မှာလည်း နိုင်ငံရေးကြောင့် စီးပွားရေးနဲ့ ကုန်သွယ်ရေး ပိတ်ဆို့မှုတွေ ခံထားရပါတယ်။ မြန်မာအစိုးရ အနေနဲ့လည်း မြန်မာနိုင်ငံမှာ အခုလို ဖွံ့ဖြိုးမှု နှေးကွေးတာဟာ စီးပွားရေး ပိတ်ဆို့ခံရတာ၊ အကူအညီတွေ မရတာကြောင့်ဆိုပြီး အမြဲလိုလို ထောက်ပြလေ့ ရှိပါတယ်။
တနေ့က MDG ကိစ္စ ကုလသမဂ္ဂ ထိပ်သီးညီလာခံ အဖွင့်မှာ အတွင်းရေးမှူးချုပ် ဘန်ကီမွန်း (Ban Ki-moon) က ဖွံ့ဖြိုးပြီး နိုင်ငံတွေ၊ ချမ်းသာတဲ့ နိုင်ငံတွေ အနေနဲ့ ကမ္ဘာ့ငွေကြေး အကျပ်အတည်းတွေ ကြုံနေရပေမဲ့ ထောင်စုနှစ် ရည်မှန်းချက်တွေကို ကမ္ဘာအ၀န်း ပြည့်မီလာရေးအတွက် ဆင်းရဲတဲ့ နိုင်ငံတွေကို အထောက်အပံ့တွေ၊ အကူအညီတွေ ကတိအတိုင်း ပေးကြဖို့ သတိပေးခဲ့ပါတယ်။

အိုဘားမား ဟီရိုရှီးမားသွားတဲ့ ပထမဆုံး အမေရိကန် သမ္မတ ဖြစ်နိုင်

21.Sept.2010...VOA...
နိုဘယ်လ် ငြိမ်းချမ်းရေးဆုရှင်တွေ စုဝေး ဆုံဆည်းကြမယ့် ဂျပန်နိုင်ငံ ဟီရိုရှီးမားမြို့က အခမ်းအနား တခုကို ၂၀၀၉ ခုနှစ် နိုဘယ်လ် ငြိမ်းချမ်းရေးဆုရှင် အမေရိကန် သမ္မတ ဘရက်ခ် အိုဘားမား (Barack Obama) ပါ တက်ရောက်ဖို့ ကမ္ဘာ့လက်ရှိ ခေါင်းဆောင်တဦးနဲ့ ခေါင်းဆောင်ဟောင်း ၄ ဦး၊ စုစုပေါင်း ၅ ဦးက စာရေးသား တောင်းဆိုခဲ့ပါတယ်။
ဒီစာကို ဆိုဗီယက် ရုရှား သမ္မတဟောင်း မစ်ခေးလ် ဂေါ်ဘာချော့ဗ် (Mikhail Gorbachev)၊ ပိုလန်သမ္မတဟောင်း လက် ၀ါလီဆာ (Lech Walesa)၊ တောင်အာဖရိက သမ္မတဟောင်း ဖရက်ဒရစ် ဒီကလာ့က် (Frederik de Klerk)၊ ကော်စတာရီကာ သမ္မတဟောင်း အော်စကာ အေရီယယ် ဆန်းချက်ဇ် (Óscar Arias Sánchez) နဲ့ လက်ရှိ အရှေ့တီမော သမ္မတ ဂျိုဆေး ရာမို့စ်-ဟော်တာ (Jose Ramos-Horta) တို့က လက်မှတ် ရေးထိုးကြတာ ဖြစ်ပါတယ်။
သမ္မတ အိုဘားမားကတော့ နိုဝင်ဘာလထဲ ကျင်းပမယ့် ဒီအခမ်းအနားကို တက်ရောက်မယ်၊ မတက်ရောက်ဘူး ဆိုတာကို မကြေညာသေးပါဘူး။
အကယ်၍ သမ္မတ အိုဘားမားသာ ဟီရိုရှီးမားမြို့က ဒီအခမ်းအနားကို ပါဝင် တက်ရောက်ခဲ့မယ်ဆိုရင် ဒါဟာ ဒုတိယကမ္ဘာစစ်ကြီး ပြီးခါနီး ၁၉၄၅ သြဂုတ်လ ၆ ရက်နေ့ ဟီရိုရှီးမားမြို့ကို အမေရိကန်က အဏုမြူဗုံး ကျဲခဲ့ပြီးနောက် ဟီရိုရှီးမားကို ပထမဆုံး ရောက်ရှိလာခဲ့တဲ့ အမေရိကန် သမ္မတ ဖြစ်လာမှာပါ။
ဒီအခမ်းအနားကို မတက်ဖြစ်ရင်တောင် နိုဝင်ဘာ ၁၃ ရက်နဲ့ ၁၄ ရက်နေ့ ဂျပန်နိုင်ငံမှာ ကျင်းပမယ့် အာရှ၊ ပစိဖိတ်ဒေသ ခေါင်းဆောင်တွေရဲ့ ထိပ်သီးညီလာခံကိုတော့ သမ္မတ အိုဘားမား တက်ရောက်မှာ ဖြစ်ပါတယ်။

NLD ပါတီကို ကူညီဖို့ အမေရိကန် NGO ကမ်းလှမ်း

22.Sept.2010...RFA...
အမေရိကန် နိုင်ငံက အစိုးရမဟုတ်တဲ့ မဟုတ်တဲ့ အဖွဲ့အစည်းတွေက NLD ပါတီကို အကူအညီပေးဖို့ ကမ်းလှမ်းလာကြောင်း NLD ပါတီက ထုတ်ဖော်ပြောဆိုပါတယ်။
ဒီကနေ့မနက်ပိုင်းက အမေရိကန် သံအမတ်ကြီးအိမ်မှာ တွေ့ဆုံခဲ့တဲ့ တွေ့ဆုံပွဲမှာ ခုလိုပြောဆိုခဲ့ တာပါ။

ခုလို ကမ်းလှမ်းတဲ့ အဖွဲ့ဟာ အမေရိကန်အစိုးရနဲ့ လူသားချင်း စာနာမှု အထောက်အကူပြု အဖွဲ့တွေ ကြားမှာ ဆက်သွယ်ဆောင်ရွက်ပေးတဲ့ အဖွဲ့တွေက ပြောဆိုခဲ့တာပါ။

အစည်းအဝေး တက်ရောက်တဲ့ NLD ပါတီ ဗဟိုအလုပ်အမှုဆောင် ကော်မတီဝင် ဦးနိုင်းနိုင်းက ခုလိုပြောပါတယ်

“Key point လေးတခုက သူပြောထားတာ ရှိတယ်ဗျ။ ဒီလိုတဲ့ လူမှုရေးလုပ်ငန်းတွေကို ကူညီရင်တဲ့ ဒီမိုကရေစီ တိုးတက်ပြောင်းလဲမှုကို အထောက်အကူ ပြုမပြုလည်း သိချင်ပါတယ်တဲ့။ သြော် ဒါကတော့ဗျာလို့၊ ဒီကိစ္စက လူတွေအများစုနဲ့ တာဝန်ယူ လုပ်တဲ့ကိစ္စတွေက ဒီမိုကရေစီ ကျင့်စဉ်တွေပါပဲလို့။ အဲဒီတော့ တိုးတက်နိုင်ပါတယ်လို့ ကျွန်တော် ပြောပြလိုက်တယ်လေ။”

တွေ့ဆုံပွဲမှာ စစ်အစိုးရက NLD ပါတီကို ဖျက်သိမ်းခဲ့တဲ့ အတွက် ဘယ်လို ဆက်လက် ရပ်တည်မလဲဆိုတာကိုလည်း မေးမြန်းခဲ့တယ်လို့ သိရပါတယ်။ NLD ပါတီ ဒုတိယဥက္ကဋ္ဌ ဦးတင်ဦးက ခုလိုပြောပါတယ်။

“သူတို့ ပူပန်တာပေါ့ဗျာ။ ပူပန်တယ်ဆိုတာက ကျွန်တော်တို့ကို အခုလို မကြာသေးခင်က အမိန့်ထုတ်တာနဲ့ ပတ်သက်လို့ ဒါတွေအကုန်လုံး ဖျက်သိမ်းပစ်မယ် ဘာညာ ပြောတယ်ပေါ့ဗျာ။ အဲဒီအပေါ်မှာ သူတို့ ရှေ့ဆက်ပြီးတော့မှ ဘာများ လုပ်ဦးမလဲလို့ ဒီလို သူတို့ ဘယ်လို ဖြစ်မလဲပေါ့၊ အဲဒါလေးတွေ ဆွဲပြီးတော့ ဒါကို သူတို့ ဆွေးနွေးတာပါ။ ကျွန်တော်တို့ကလည်း ကျွန်တော်တို့ ရပ်တည်ချက်ကတော့ ခါတိုင်း ပြောပြသလိုပါပဲ၊ ဒါ အဖွဲ့ချုပ်က ဒါ နိုင်ငံရေးပဲ ဆက်လုပ်နေတာပဲ။ ကျွန်တော်ကတော့ ဒီ ကျွန်တော်တို့ အဖွဲ့ချုပ် စတည်ထောင်တဲ့အချိန်က စပြီးတော့ နောက်ဆုံး ဒီနေ့အထိ ကျွန်တော်တို့ ဒီ အကန့်အသတ်၊ အချုပ်အချယ်၊ အနှိပ်အစက်တွေပေါ့ဗျာ၊ ဒါလေးတွေ အကျဉ်းပြောလိုက်ပြီးတော့ ဒီနေ့အထိလည်း ဒေါ်အောင်ဆန်းစုကြည်တို့ ဘာတို့ အချုပ်ထဲမှာ ရှိနေတာတွေအထိ ဖြစ်ခဲ့တာလေးတွေ ပြောလိုက်တယ်ပေါ့ဗျာ။”

ဒါ့အပြင် NLD ပါတီ လုပ်ဆောင်နေတဲ့ လူမှုရေးလုပ်ငန်းတွေနဲ့ ပတ်သက်ပြီး မေးမြန်းခဲ့တဲ့ အပြင် လိုအပ်တဲ့ အကူအညီတွေကိုလည်း ပေးလိုကြောင်း ကမ်းလှမ်းလာတယ်လို့ သိရပါတယ်၊ ဒီကနေ့ ဆွေးနွေးပွဲမှာ အမေရိကန်ဖက်က အကြီးအကဲ ၆ ယောက် တက်ရောက်ပြီး NLD ပါတီဖက်က ဦးတင်ဦးနဲ့ ဦးနိုင်းနိုင်းတို့ တက်ရောက်ခဲ့ကြတာပါ။

ဒီတွေ့ဆုံပွဲနဲ့ ပတ်သက်ပြီး RFA မှ ဦးတင်အောင်ခိုင်က အသေးစိတ် မေးမြန်းထားပါတယ်။

ကုလ လူ့အခွင့်အရေးကောင်စီ စစ်အစိုးရ ချိုးဖောက်မှု စုံစမ်းရေး ဆွေးနွေး

22.Sept.2010...VOA...
မြန်မာနိုင်ငံဟာ နိုင်ငံတကာ လူ့အခွင့်အရေး ဥပဒေတွေကို ချိုးဖောက်မှု ရှိမရှိ စုံစမ်းရေး နိုင်ငံတကာ ကော်မရှင် ဖွဲ့စည်းဖို့ နိုင်ငံကြီးအချို့က ကုလသမဂ္ဂ လူ့အခွင့်အရေး ကောင်စီကို တင်ပြခဲ့ကြပါတယ်။ မြန်မာကိုယ်စားလှယ်ကတော့ မြန်မာနိုင်ငံဟာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေ ကျူးလွန်မှု မရှိဘူးလို့ ငြင်းဆန်လိုက်ပြီး လူ့အခွင့်အရေးကောင်စီကို နိုင်ငံရေး ဖိအားပေးစရာ စင်မြင့်တခုအဖြစ် မသုံးဖို့ သတိပေးပါတယ်။ အကြောင်းစုံကို ကိုသားညွန့်ဦးက တင်ပြပေးထားပါတယ်။
မြန်မာနိုင်ငံတွင်း လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေ ရှိမရှိ နိုင်ငံတကာ စုံစမ်းရေး ကော်မရှင်တရပ် ဖွဲ့ဖို့ကိစ္စဟာ အခု ဂျီနီဗာမှာ ကျင်းပနေတဲ့ လူ့အခွင့်အရေးကောင်စီ အစည်းအဝေးအတွင်း အတော်လေး ဂယက်ရိုက်နေပါတယ်။ ဒီလို နိုင်ငံတကာ စုံစမ်းရေး ကော်မရှင် ဖွဲ့ရေးကို ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် မစ္စတာ တောမတ်စ် အိုဟေး ကင်တားနား (Mr. Tomas Ojea Quintana) က ဒီနှစ်ဆန်းပိုင်းက အကြံပြုခဲ့တာဖြစ်ပြီး ဒီအပေါ်မှာတော့ အမေရိကန်ပြည်ထောင်စု၊ ကနေဒါ၊ သြစတြေးလျ၊ ချက်သမ္မတနိုင်ငံ၊ စလိုဗက်ကီးယား၊ ဟန်ဂေရီနဲ့ ဗြိတိန်နိုင်ငံတို့က တရားဝင် ထောက်ခံထားကြပါတယ်။ ပြင်သစ်နိုင်ငံ အနေနဲ့လည်း ဒီကိစ္စကို ထောက်ခံတယ်လို့ ပြီးခဲ့တဲ့ သောကြောနေ့ လူ့အခွင့်အရေးကောင်စီ အတွင်းမှာ ပြောသွားပါတယ်။
“မြန်မာနိုင်ငံတွင်း ဒေါ်အောင်ဆန်းစုကြည် အပါအ၀င် ယုံကြည်ချက်ကြောင့် အကျဉ်းကျနေသူ ၂,၁၀၀ ကျော်ဟာ မလွတ်မြောက်နိုင်သေးပါဘူး။ နိုဝင်ဘာ ရွေးကောက်ပွဲဟာလည်း လွတ်လပ် မျှတမယ့် အခြေအနေမှာ မရှိပါဘူး။ စနစ်တကျ လူ့အခွင့်အရေး ချိုးဖောက်မှုတွေလည်း ရှိနေတုန်းပါပဲ။ ဒါကြောင့် မြန်မာနိုင်ငံတွင်း လူ့အခွင့်အရေး ချိုးဖောက်မှုတွေကို စုံစမ်းစစ်ဆေးဖို့ နိုင်ငံတကာ ကော်မရှင်တရပ် ဖွဲ့စည်းရေး ကုလသမဂ္ဂ အထူးကိုယ်စားလှယ်ရဲ့ အကြံပြုချက်ကို ပြင်သစ်နိုင်ငံ အနေနဲ့ ကြိုဆိုပါတယ်။ မြန်မာအစိုးရဘက်ကလည်း ပူးပေါင်းဆောင်ရွက်ဖို့ တိုက်တွန်းပါတယ်။”
ပြင်သစ်ကိုယ်စားလှယ် Jean - Baptiste Mattei ပြောသွားတာ ဖြစ်ပါတယ်။
နိုင်ငံတကာ ကော်မရှင် ဖွဲ့စည်းရေးကို ဘယ်လို ဘယ်ပုံနဲ့ ဖွဲ့စည်းမယ် ဆိုတာကို အမေရိကန် ပြည်ထောင်စုဘက်က ဦးစီးဦးဆောင် လုပ်သွားမယ်လို့ အမေရိကန် ကိုယ်စားလှယ် Ellen Chamberlain Donahoe က လူ့အခွင့်အရေးကောင်စီမှာ ပြောသွားပါတယ်။
“မြန်မာနိုင်ငံ အနေနဲ့ နိုင်ငံတကာ ဥပဒေတွေကို ချိုးဖောက်မှု ရှိမရှိဆိုတာ စုံစမ်းစစ်ဆေးဖို့အတွက် သင့်တော်တဲ့ နိုင်ငံတကာ ကော်မရှင်တရပ် ဖွဲ့စည်းဖို့ လိုပါတယ်။ အမေရိကန်ပြည်ထောင်စု အစိုးရ အနေနဲ့ ဒီအတွက် ဘယ်လို ဦးစီးဦးဆောင် အကောင်းဆုံး ဆောင်ရွက်နိုင်မလဲ ဆိုတာကို လေ့လာနေပါတယ်။”
စုံစမ်းရေး ကော်မရှင် ဖွဲ့ရေး ထောက်ခံထားတဲ့ အခြားနိုင်ငံတွေဖြစ်တဲ့ ဟန်ဂေရီ၊ ချက်၊ စလိုဗက်ကီးယား၊ သြစတြေးလျ နိုင်ငံတို့ကလည်း မြန်မာနိုင်ငံတွင်း လူ့အခွင့်အရေး အခြေအနေတွေကို နိုင်ငံတကာ ဥပဒေအရ ကိုင်တွယ်ကြဖို့ တိုက်တွန်း ပြောဆိုခဲ့ကြပါတယ်။ မြန်မာစစ်အစိုးရ ကိုယ်စားလှယ် ဦးဝဏ္ဏမောင်လွင်ကတော့ အခုစွပ်စွဲချက်တွေဟာ မမှန်ကန်ဘဲ မြန်မာနိုင်ငံအပေါ် နိုင်ငံရေးအရ ဖိအားပေးနေတာလို့ ပြောသွားပါတယ်။
“မြန်မာနိုင်ငံကို စွပ်စွဲ ပြောဆိုချက်တွေဟာ အခြေအမြစ် ခိုင်ခိုင်မာမာ မရှိသလို လုံးဝ မှားယွင်းတဲ့ အချက်အလက်တွေပါ။ မြန်မာနိုင်ငံမှာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေ မရှိပါဘူး။ မြန်မာအစိုးရဟာ သောင်းကျန်းသူ နှိမ်နင်းရေးတွေကိုပဲ ဆောင်ရွက်နေတာပါ၊ စစ်ဆင် တိုက်ခိုက်နေတာ မဟုတ်ပါဘူး။ တည်ဆဲ အမျိုးသား ဥပဒေတွေကို ချိုးဖောက်တဲ့ စစ်ဘက်က ဘယ်သူ့ကိုမဆို ဥပဒေအတိုင်း အပြစ်ပေး အရေးယူခဲ့ပါတယ်။
“ဒါကြောင့် မြန်မာနိုင်ငံက လူ့အခွင့်အရေး ချိုးဖောက်မှုတွေနဲ့ ပတ်သက်လို့ ဘာမှ စုံစမ်း စစ်ဆေးနေစရာ မလိုပါဘူး။ လူ့အခွင့်အရေးကောင်စီဟာ အခြားနိုင်ငံတွေအပေါ် နိုင်ငံရေးအရ အသုံးချ ဖိအားပေးစရာ စင်မြင့်တခု မဖြစ်သင့်ပါဘူး။”
သောကြာနေ့က လူ့အခွင့်အရေးကောင်စီ ဆွေးနွေးပွဲအတွင်း မြန်မာနိုင်ငံတွင်းက လူအခွင့်အရေး ချိုးဖောက်မှုတွေကို ပြောရာမှာ အခုလာမယ့် နိုဝင်ဘာ ရွေးကောက်ပွဲ ကိစ္စကိုလည်း အတော်များများက အလေးပေး ပြောခဲ့ပါတယ်။ အထူးသဖြင့် ရွေးကောက်ပွဲကို နိုင်ငံတကာ စံနှုန်းအရ လွတ်လပ်မျှတတဲ့ ရွေးကောက်ပွဲဖြစ်ဖို့ နိုင်ငံအများစုက တိုက်တွန်းကြတာပါ။ အာရှနိုင်ငံတွေထဲက ထူးထူးခြားခြား ဂျပန်နိုင်ငံက နိုဝင်ဘာ ရွေးကောက်ပွဲဟာ လွတ်လပ်မျှတမှု မရှိနိုင်ဘူးလို့ ဝေဖန်ပါတယ်။
“မြန်မာနိုင်ငံတွင်း ဒီမိုကရေစီရေး ဖြစ်စဉ်တွေနဲ့ ပတ်သက်လို့ ဂျပန်နိုင်ငံ အနေနဲ့ စိုးရိမ်မှုတွေ ရှိနေတုန်းပါပဲ။ ဒေါ်အောင်ဆန်းစုကြည် အပါအ၀င် ယုံကြည်ချက်ကြောင့် အကျဉ်းကျနေသူတွေကို လာမယ့် ရွေးကောက်ပွဲမှာ နိုင်ငံရေးအရ ပါဝင်ခွင့် မပေးတာဟာ အင်မတန် ၀မ်းနည်းဖို့ ကောင်းပါတယ်။ ဒီအတွက် ရွေးကောက်ပွဲဟာ လွတ်လပ်မျှတနိုင်မှာ မဟုတ်ပါဘူး။ ဒါကြောင့် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အားလုံးကို လွှတ်ပေးပြီး လွတ်လပ်မျှတတဲ့ ရွေးကောက်ပွဲတရပ် ဖြစ်လာဖို့ တွေ့ဆုံဆွေးနွေးပါလို့ မြန်မာအစိုးရကို ဂျပန်နိုင်ငံ အနေနဲ့ ထပ်မံ တိုက်တွန်းပါတယ်။”
မြန်မာကိုယ်စားလှယ်ကတော့ မြန်မာ့နိုင်ငံရေးကို မြန်မာလူမျိုးတွေပဲ ဆုံးဖြတ်ရမှာ ဖြစ်ပြီးတော့ အခုလို ပြင်ပက ဖိအားပေး ပြောနေတာတွေကို လက်မခံဘူးလို့ တုံ့ပြန်ခဲ့ပါတယ်။ အထူးသဖြင့် လူ့အခွင့်အရေး ကိစ္စတွေကို ကိုင်တွယ်ရာမှာ နိုင်ငံရေး ပယောဂ မပါဘဲ၊ ထိပ်တိုက်မတွေ့ဘဲ ပူးပေါင်း ဆောင်ရွက်သင့်တယ်လို့ မြန်မာကိုယ်စားလှယ်က ထောက်ပြခဲ့ပါတယ်။
“မြန်မာနိုင်ငံဟာ ဒီမိုကရက်တစ် လူ့အဖွဲ့အစည်း တရပ်ကို အသွင်ပြောင်းနေပါပြီ။ မြန်မာနိုင်ငံရဲ့ ကံကြမ္မာကို မြန်မာလူမျိုးတွေကပဲ ဖန်တီးရမှာပါ။ ဒါကြောင့် လာမယ့် ရွေးကောက်ပွဲနဲ့ ပတ်သက်လို့ ပြင်ပကနေ ပြည်တွင်းရေး ၀င်ရောက်စွက်ဖက်ပြီး ကြိုတင်တွက်ဆ ပြောနေကြတာတွေဟာ လုံးဝ မျှတမှု မရှိပါဘူး။”
ပြီးခဲ့တဲ့ သောကြောနေ့ လူ့အခွင့်အရေးကောင်စီမှာ အခုလို မြန်မာနိုင်ငံကိစ္စ နိုင်ငံအတော်များများက ဝေဖန် ဆွေးနွေးခဲ့ကြတဲ့ ကိစ္စကိုရော၊ နိုင်ငံတကာ စုံစမ်းရေး ကော်မရှင်ဖွဲ့ရေး ကိစ္စကိုပါ မြန်မာနိုင်ငံအပေါ် တလျှောက်လုံး ကာကွယ်ပြောခဲ့တဲ့ တရုတ်နိုင်ငံဘက်က တစုံတရာ ပြန်လည်တုံ့ပြန်တာ၊ ကန့်ကွက်ခဲ့တာမျိုး မရှိပါဘူး။ အဲဒီအစား ဥရောပနိုင်ငံအချို့ရဲ့ လူ့အခွင့်အရေး ချိုးဖောက်မှုတွေကိုပဲ တရုတ်က ပြန်လည် ထောက်ပြခဲ့တာ တွေ့ရပါတယ်။

အာဆီယံ၊ အမေရိကန် မြန်မာ့အရေး ဆွေးနွေးဖွယ်ရှိ

21.Sept.2010...VOA...
နှစ်စဉ် ကျင်းပနေကြ ကုလသမဂ္ဂ အထွေထွေ ညီလာခံကို အခုသီတင်းပတ်အတွင်း နယူးယောက်ခ်မြို့မှာ ကျင်းပကြမယ့် ပြင်ပမှာ အမေရိကန် သမ္မတ ဘရက်ခ် အိုဘားမား (Barack Obama) ဟာ အရှေ့တောင်အာရှ နိုင်ငံတွေက ခေါင်းဆောင်တွေကို လာမယ့် သောကြာနေ့မှာ ဒုတိယအကြိမ်အဖြစ် သီးသန့် တွေ့ဆုံဖို့ ရှိပါတယ်။ ပထမတကြိမ်ကို အရင်နှစ် နိုဝင်ဘာလအတွင်း စင်ကာပူမှာ ကျင်းပခဲ့တဲ့ နေရာမှာတော့ သမ္မတ အိုဘားမားနဲ့ မြန်မာစစ်အစိုးရ ၀န်ကြီးချုပ်တို့ ပထမဆုံးအကြိမ် အစည်းအဝေးခန်းမ တခုတည်းမှာ တချိန်တည်း ရှိနေခဲ့တာ ဖြစ်ပါတယ်။
အခု ဒီနှစ်မှာလည်း ဒုတိယအကြိမ်မြောက် တွေ့ဆုံတဲ့အခါ မြန်မာစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်း တက်ရောက်လိမ့်မယ်လို့ ခန့်မှန်းရပါတယ်။ ဒီအစည်းအဝေးဟာ အမေရိကန်နဲ့ အာဆီယံ နိုင်ငံတွေအတွက် ဘယ်လောက်များ အရေးပါပါသလဲ၊ မြန်မာ့အရေးအတွက်ရော ဘာများ ထူးခြားမှုတွေ ရှိနိုင်ပါသလဲ၊ ဒီအကြောင်းနဲ့ ပတ်သက်ပြီး ၀ါရှင်တန်က အရှေ့အာရှအရေး ကျွမ်းကျင်သူတဦးရဲ့ သုံးသပ်ချက်ကို ဆက်သွယ် မေးမြန်းထားတဲ့ နော်ရှိုးက တင်ပြပေးထားပါတယ်။
အရင်သမ္မတဟောင်း ဘုရှ် လက်ထက်က အရှေ့တောင်အာရှ ဒေသကို လျစ်လျူရှုခဲ့တယ်ဆိုပြီး ဝေဖန်ခံခဲ့ရာက သမ္မတ ဘရက်ခ် အိုဘားမား လက်ထက် ရောက်တဲ့အခါ ဒီဒေသကို သိသိသာသာ အာရုံစိုက်လာတာ တွေ့ရပါတယ်။ သမ္မတ ဖြစ်လာပြီး ၉ လကျော်ကျော် အရင်နှစ် နိုဝင်ဘာလ အတွင်းမှာပဲ သမ္မတ အိုဘားမားဟာ အရင်က တခါမှ မလုပ်ခဲ့ဘူးတဲ့ US, ASEAN Summit ခေါ် အမေရိကန်နဲ့ အာဆီယံ ခေါင်းဆောင်တွေ သီးသန့် တွေ့ဆုံတဲ့ ထိပ်သီးအစည်းအဝေးပွဲ စင်ကာပူမှာ ကျင်းပခဲ့တာကို တက်ရောက်ခဲ့ပါတယ်။
အခု ဒီနှစ်မှာလည်း ဒုတိယအကြိမ် အမေရိကန်၊ အာဆီယံ ထိပ်သီး အစည်းအဝေးကို သမ္မတ အိုဘားမားက လာမယ့် သောကြာနေ့ နယူးယောက်ခ်မြို့မှာ ၂ နာရီကြာ လက်ခံ တွေ့ဆုံမှာ ဖြစ်ပါတယ်။ အပြန်အလှန် စီးပွားရေး၊ လုံခြုံရေး၊ သံတမန်ရေး တိုးမြှင့်ဖို့နဲ့အတူ ကုန်သွယ်ရေး၊ ရင်းနှီးမြှုပ်နှံရေး၊ ရာသီဥတု ပြောင်းလဲမှု ကိစ္စတွေကို ဆွေးနွေးကြမယ်လို့ သမ္မတ အိမ်ဖြူတော်က ဆိုပါတယ်။
အမေရိကန်က အခုမှ အရှေ့တောင်အာရှကို တလှည့်ပြန် အာရုံစိုက်လာပေမဲ့ တရုတ်ကတော့ ဒီဒေသရဲ့ ကဏ္ဍ တော်တော်များများမှာ လက်ဦးမှု ရထားပြီး ဖြစ်ပါတယ်။ အမေရိကန် အနေနဲ့ အာဆီယံ ခေါင်းဆောင်တွေအတွက် တရုတ်နဲ့မတူတဲ့ ဘယ်လို ကမ်းလှမ်းမှုမျိုးကို ပေးနိုင်မှာပါလဲ၊ ဒီအကြောင်းနဲ့ ပတ်သက်ပြီး ၀ါရှင်တန်ဒီစီမြို့က အဓိက မူဝါဒရေးရာ သုတေသန အဖွဲ့အစည်း Think Tank တွေထဲက တခုဖြစ်တဲ့ Center for Strategic and International Studies (CSIS) မှာ အရှေ့တောင်အာရှရေးရာ ကိစ္စတွေကို ဦးဆောင်နေတဲ့ မစ္စတာ အားနက်စ် ဘာဝါရဲ့ သဘောထားကို ဆက်သွယ် မေးမြန်းကြည့်ပါတယ်။
“စီးပွားရေးအရ ကြည့်ရင် အမေရိကန်ဟာ အာဆီယံအတွက် အင်မတန်ကြီးတဲ့ ဈေးကွက်တခု ဖြစ်ပါတယ်။ အမေရိကန်ရဲ့ ရင်းနှီးမြှုပ်နှံမှုတွေဟာ တခြားနိုင်ငံတွေနဲ့ အရေအတွက်ရော အရည်အသွေးပါ မတူပါဘူး။ ဆိုလိုတာက အမေရိကန် ကုမ္ပဏီတွေဟာ ဒေသခံ လူမှု အဖွဲ့အစည်းအတွက် ပညာရေးနဲ့ သင်တန်းတွေ အတွက်ပါ ပူးတွဲပြီး ရင်းနှီးမြှုပ်နှံလေ့ ရှိပါတယ်။ တခြားတိုင်းပြည်တွေက ဒီလို သိပ်မလုပ်ပါဘူး။
“ဥပမာ တရုတ်ရဲ့ အရှေ့တောင်အာရှက ရင်းနှီးမြှုပ်နှံမှုတွေဟာ အခြေခံ အဆောက်အဦးတွေမှာပဲ များပါတယ်။ အတိုးနည်းနည်းနဲ့ ငွေချေးတယ်၊ သူတို့ အလုပ်သမားတွေကို ခေါ်လာတယ်၊ ဒါမျိုး မြန်မာပြည်မှာလည်း တွေ့နိုင်ပါတယ်။”
ဒီလို စီးပွားရေးကိစ္စတွေအပြင် နယ်နိမိတ် အငြင်းပွားစရာ ဖြစ်နေတဲ့ တောင်တရုတ်ပင်လယ် ကိစ္စကို ဆွေးနွေးကြမှာ ဖြစ်တဲ့အပြင် သမ္မတ အိုဘားမား အနေနဲ့ မြန်မာ့အရေးနဲ့ ပတ်သက်ပြီး တင်ပြဆွေးနွေးသွားမှာ သေချာတယ်လို့ မစ္စတာ ဘာဝါက ပြောပါတယ်။
“နိုင်ငံရေးအရ ဆိုရင်လည်း အမေရိကန် အစိုးရ အနေနဲ့ သူတို့ရဲ့ ပြတ်သားတဲ့ သဘောထားတွေကိုလည်း အသိပေးပါလိမ့်မယ်။ အရှေ့တောင်အာရှဟာ အမေရိကန်အတွက် စီးပွားရေး မဟာဗျူဟာအရရော၊ ပြည်သူချင်း ဆက်ဆံရေး စတာတွေမှာ ဘယ်လောက် အရေးကြီးတဲ့ အကြောင်းနဲ့ လူ့အခွင့်အရေးဟာ အမေရိကန် နိုင်ငံခြားရေးမူရဲ့ မဏ္ဍိုင်ကြီးတခု ဖြစ်တဲ့အကြောင်း အသိပေးရမှာပါ။ အဲဒီမှာ သမ္မတ အိုဘားမား အနေနဲ့ မြန်မာ့အရေးကို တင်ပြ ဆွေးနွေးမယ်လို့ ကျနော် ထင်ပါတယ်။”
အရင် သမ္မတဟောင်း ဘုရှ် လက်ထက်ကတည်းက မြန်မာစစ်အစိုးရကို စီးပွားရေး ပိတ်ဆို့ဒဏ်ခတ်ထားတဲ့ မူကိုပဲ ကျင့်သုံးထားရာက သမ္မတ အိုဘားမား လက်ထက်ကနေ စပြီးတော့ ထိတွေ့ ဆက်ဆံလာတာ ဖြစ်ပါတယ်။ ဒါပေမဲ့လည်း အခုချိန်ထိ ဘာအကျိုးရလဒ်မှ မတွေ့ရသေးပါဘူး။ ဒီကြားထဲ မကြာခင် ကျင်းပတော့မယ့် ရွေးကောက်ပွဲဟာလည်း လွတ်လပ်ပြီး တရားမျှတမယ်ဆိုတဲ့ အရိပ်အယောင်တွေ မတွေ့ရတာနဲ့ ပတ်သက်ပြီး အမေရိကန် အစိုးရက ဘာတွေများ ဆက်လုပ်လာနိုင်မလဲ ဆိုတဲ့ မေးခွန်းကိုတော့ မစ္စတာ ဘာဝါက အခုလို သုံးသပ်ပါတယ်။
“ကျနော်ထင်တယ်၊ လက်ရှိ အမေရိကန် အစိုးရ အနေနဲ့ မြန်မာစစ်ခေါင်းဆောင် တဦးချင်းနဲ့ မိသားစုဝင်တွေ၊ သူတို့နဲ့ နီးကပ်တဲ့ စီးပွားရေး လုပ်ငန်းတွေကို ပစ်မှတ်ထားတဲ့ ပိုမိုတင်းကျပ်တဲ့ ပိတ်ဆို့ ဒဏ်ခတ်မှုတွေ လုပ်ဖို့ အသင့်ပါပဲ။ ဒါကိုလုပ်နိုင်ဖို့ တခြားနိုင်ငံတွေနဲ့၊ အထူးသဖြင့် စင်ကာပူနဲ့ ညှိနှိုင်းမှုတွေ အများကြီးလုပ်ဖို့ လိုပါလိမ့်မယ်။ ဒီအတွက်လည်း ဆွေးနွေးနေကြပြီလို့ ထင်ပါတယ်။ စစ်အစိုးရဘက်ကလည်း ရွေးကောက်ပွဲအတွက် နိုင်ငံရေး လှုပ်ရှားခွင့်တွေ ဘာမှ ဖွင့်မပေးဘူးဆိုတော့ အမေရိကန်က ထပ်မံ ပိတ်ဆို့မှုတွေ လုပ်လာနိုင်ပါတယ်။ ဒါပေမဲ့ ထိတွေ့ဆက်ဆံရေး မူကိုတော့ ဆက်ပြီးတော့ တံခါးဖွင့်ထားမှာပါ။”
လာမယ့် သောကြာနေ့ အမေရိကန်၊ အာဆီယံ ထိပ်သီးဆွေးနွေးပွဲမှာ အင်ဒိုနီးရှား သမ္မတကလွဲရင် တခြား အာဆီယံ ခေါင်းဆောင်တွေ အားလုံး မြန်မာစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်းပါ တက်ရောက်လိမ့်မယ်လို့ ခန့်မှန်းနေကြပါတယ်။ ဒီထိပ်သီး စည်းဝေးပွဲဟာ အမေရိကန်နဲ့ အာဆီယံ ဘက်ပေါင်းစုံ ဆက်ဆံရေးအတွက် ဟန်ပြသက်သက် မဟုတ်ဘဲ ရှေ့ဆက် အရေးကြီးတဲ့ လုပ်ငန်းစဉ်တွေအတွက် စနစ်တကျ အုတ်မြစ်ချ လုပ်ဆောင်တဲ့ ပထမခြေလှမ်းအဖြစ် အင်မတန် အရေးကြီးတယ်လို့ CSIS အဖွဲ့က အရှေ့တောင်အာရှရေးရာ ကျွမ်းကျင်သူ မစ္စတာ အားနက်စ် ဘာဝါက ပြောသွားခဲ့ပါတယ်။

အမေရိကန် နိုင်ငံခြားရေး အရာရှိတွေ NLD လူမှုရေးနဲ့ ရှေ့လုပ်ငန်းစဉ် စနည်းနာ

22.Sept.2010...VOA...
အမျိုးသား ဒီမိုကရေစီ အဖွဲ့ချုပ် (NLD) ပါတီက ခေါင်းဆောင် ၂ ဦးနဲ့ အမေရိကန် ပြည်ထောင်စုက လူမှုကူညီရေး ဆောင်ရွက်နေတဲ့ အစိုးရမဟုတ်တဲ့ NGOs အဖွဲ့ ကိုယ်စားလှယ်တချို့ ရန်ကုန်မြို့မှာ ဒီကနေ့ တွေ့ဆုံကြပါတယ်။ လက်ရှိ နိုင်ငံရေး အခြေအနေတွေ အောက်မှာ NLD ပါတီ အနေနဲ့ ဘယ်လို ရပ်တည်သွားမလဲ ဆိုတာနဲ့ NLD ရဲ့ လူမှုရေး ဆောင်ရွက်မှုတွေကို အကူအညီတွေ ပေးနိုင်ရေး ဆွေးနွေးခဲ့ကြတာပါ။ အပြည့်အစုံကို ကိုကျော်အောင်လွင်က တင်ပြပေးထားပါတယ်။
ရန်ကုန်မြို့မှာရှိတဲ့ အမေရိကန်သံရုံး ယာယီတာဝန်ခံရဲ့ အိမ်မှာ NLD ပါတီရဲ့ ဒု-ဥက္ကဋ္ဌ ဦးတင်ဦးနဲ့ ဗဟိုဦးစီးအဖွဲ့ဝင် ဦးစောနိုင်းနိုင်းတို့ ဒီကနေ့ နေလယ်ပိုင်းက အချိန်တနာရီကျော်ကြာ တွေ့ဆုံခဲ့ကြတာပါ။ မြန်မာပြည်ကို ခဏရောက်နေကြတဲ့ အမေရိကန်ဘက်က လူမှုရေးလုပ်ငန်း ဆောင်ရွက်နေတဲ့ NGO အဖွဲ့က ကိုယ်စားလှယ်တွေ၊ အမေရိကန် နိုင်ငံခြားရေး ၀န်ကြီးဌာနမှာ အမှုထမ်းခဲ့ဖူးသူတွေ၊ ရှေ့နေတွေ၊ ပညာရေး လောကမှာ တာဝန်ထမ်းခဲ့ဖူးတဲ့ ကိုယ်စားလှယ်တွေက NLD အဖွဲ့ရဲ့ လက်ရှိ အခြေအနေတွေကို မေးမြန်းခဲ့ကြတယ်လို့ ဒု-ဥက္ကဋ္ဌ ဦးတင်ဦးက ရှင်းပြပါတယ်။
“ကျနော်တို့အဖွဲ့ အနေနဲ့ မှတ်ပုံတင်တာလည်း မရှိဘူး၊ မလုပ်ဘူးပေါ့ဗျာ၊ ပြီးတော့ ရွေးကောက်ပွဲလည်း မ၀င်ဘူးပေါ့။ မကြာသေးခင်က သတင်းစာတွေရဲ့ ရေးသားချက်အရ ကျနော်တို့အဖွဲ့က ဖျက်သိမ်းပြီးပြီလား၊ ဘာလား ဆိုပြီးတော့ သူတို့သိချင်တဲ့ သဘောနဲ့ မေးတယ်ဗျာ။ ကျနော်တို့ကတော့ ဒါတွေနဲ့ ပတ်သက်လို့ ဘာမှ အံ့သြစရာလည်း မရှိပါဘူး။ ဘာမှ ထိခိုက်စရာလည်း မရှိပါဘူး။
“NLD က တောက်လျှောက် ၈၈-၈၉ ကတည်းက အဖွဲ့ရယ်လို့ ဖြစ်လာပြီးနောက် တခါမှ ကျနော်တို့ လွတ်လွတ်လပ်လပ် လုပ်ခွင့် မရှိတာတွေ၊ တားဆီးတာတွေ အမျိုးစုံပေါ့၊ အဲဒါတွေ အကျဉ်းပြောလိုက်ပြီး နောက်ဆုံး ဒီပဲယင်းမှာစပြီး ဒီနေ့အထိ ဒေါ်အောင်ဆန်းစုကြည် အိမ်ချုပ်ကနေ အကျဉ်းချတဲ့အထိ လုပ်တယ်ဆိုတဲ့ ချုပ်ချယ်မှုတွေ၊ တားဆီးမှုတွေ၊ ကန့်သတ်မှုတွေ ဒါတွေကို အကျဉ်းချုပ် ရှင်းပြပြီးတဲ့နောက် ကျနော်တို့ အဖို့ကတော့ အရင်ကတည်းက အောက်ခြေ ပါတီအဖွဲ့အစည်းတွေလည်း ဒီလိုပဲ၊ ရပ်ဆိုင်းလိုက်၊ တခါ ပြန်ပြီး ကျနော်တို့က ဆိုင်းဘုတ်တင် လုပ်လိုက်၊ အဖွဲ့ချုပ်ကိုလည်း ချိပ်ပိတ်လိုက်၊ ကျနော်တို့က ကျန်တဲ့လူတွေနဲ့ လုပ်လိုက်၊ အဲတော့ ကျနော်တို့မှာ ကျင့်သားရနေပါပြီလို့။
“အဲတော့ ဒါတွေ ကျနော်တို့က ဂရုလည်း မစိုက်တော့ပါဘူး။ ဒီအတိုင်းပဲ အဖွဲ့ချုပ်က ရှိတယ်လို့ မှတ်ယူပြီးတော့ ဥပဒေ ဘောင်အတွင်းကနေ ငြိမ်းငြိမ်းချမ်းချမ်းနဲ့ ဆောင်ရွက်သွားနိုင်မယ့် နည်းလမ်းတွေ ရှိပါတယ်၊ အဲဒါတွေ ကျနော်တို့ လုပ်စရာရှိတာ အကုန်လုပ်နေပါတယ်လို့။”
နိုင်ငံရေးပါတီ အဖြစ်ကနေ ရပ်နားပြီး လူမှုရေးလုပ်ငန်း တွေကိုပဲ အဓိကထား ဆောင်ရွက်နေတဲ့ NLD ရဲ့ လုပ်ငန်းတွေကို ဘယ်လို အကူအညီတွေ ပေးနိုင်မလဲ ဆိုတာတွေကိုလည်း ဆွေးနွေးခဲ့ကြတယ်လို့ ဦးတင်ဦးက ရှင်းပြပါတယ်။
“သူတို့ကတော့ ထောက်ပံ့ချင်တဲ့၊ ကူညီချင်တဲ့ သဘောပေါ့။ အဲတော့ ကူညီနိုင်တဲ့ အနေအထားဖြစ်အောင် ဘယ်လို ဆောင်ရွက်ကြနိုင်မလဲ ဆိုတာလေးတွေ အပေါ်မှာ အာရုံပြုပြီး မေးကြတာပေါ့။ ဥပမာ NGO လုပ်ရင် ဖြစ်မလား၊ ဒီလိုဟာလေးတွေပေါ့ဗျာ။”
NLD ခေါင်းဆောင်ပိုင်းနဲ့ အနောက်တိုင်း သံတမန်တွေ မကြာခဏ တွေ့ဆုံပြီး လက်ရှိအခြေအနေနဲ့ နိုင်ငံရေး ရပ်တည်ချက်တွေကို ဆွေးနွေးကြတာတွေ ရှိပေမဲ့ အိမ်နီးချင်း အာရှနိုင်ငံတွေက သံတမန်တွေနဲ့ တခြား ကိုယ်စားလှယ်တွေဟာ NLD နဲ့ အဆက်အဆံ မရှိသလောက် နည်းပါးပါတယ်။ NLD ကတော့ အိမ်နီးချင်း တိုင်းပြည်က သံတမန်တွေနဲ့ တွေ့ဆုံချင်နေတာလို့ ဆိုပါတယ်။
“အာဆီယံကလူတွေ လာရင်လည်း တွေ့မယ်။ တရုတ်လာရင်လည်း တွေ့မယ်၊ တရုတ်လည်း တွေ့ချင်တယ်၊ ကြိုးစားမယ်။ ဒါဟာ Diplomatic Challenge၊ အိမ်နီးနားချင်း နိုင်ငံတွေနဲ့ ပတ်သက်လို့ ချစ်ကြည်ရေးနဲ့ လေးစားမှုကို အမြဲလုပ်မယ်။”
NLD ပါတီက ခေါင်းဆောင်တွေဟာ အခုလောလောဆယ် မြန်မာပြည် အနှံ့အပြားကို သွားပြီး သူတို့ရဲ့ပါတီ အောက်ခြေအဖွဲ့ဝင်တွေနဲ့ တွေ့ဆုံမှုတွေ ရှိနေသလို လူမှုရေးဆိုင်ရာ ကူညီမှုတွေ၊ တရားဥပဒေရေးရာ ကူညီမှုတွေလည်း လုပ်ဆောင်နေပါတယ်။ ပါတီအဖြစ် တရားဝင် ရှိနေတုန်းကတော့ NLD ရဲ့ လှုပ်ရှားမှုတွေကို စစ်အစိုးရ အာဏာပိုင်တွေဘက်က မျက်ခြည်မပြတ် စောင့်ကြည့်တာတွေ၊ သတိပေး ခြိမ်းခြောက်တာမျိုးတွေ ရှိခဲ့ပေမဲ့ အခုနောက်ပိုင်း NLD ရဲ့ လှုပ်ရှားမှုတွေမှာတော့ အာဏာပိုင်တွေဘက်က ဘာအန္တရာယ်မှ ပေးတာမျိုးတွေ၊ စောင့်ကြည့်တာ၊ ခြိမ်းခြောက်တာမျိုးတွေ မရှိဘူးလို့ ဆိုပါတယ်။

“လက်ကျန်စာမျက်နှာကိစ္စ”.....စိုးနေလင်း

အဲဒီလိုအခင်းအကျင်း အလျှော့အတင်း
မျဉ်းကွေးဂရပ်ဖ်တွန့်ခေါက်
ဇောက်မနက်မြို့တော်နှုတ်ခမ်းပေါ်
ပျော်ပွဲဖွဲ့လိုသူများကိစ္စ…။

ကြားဖူးပါစ…
မျှခြေမျဉ်းတိမ်းစောင်းသော
ချောင်းကောတခုရဲ့ငိုချင်းရှည်
အရေခွံလဲသောမြွေဆိုးများ
ပါးပြင်းထောင်လွှား ဈေးကစားနေသောကိစ္စ…။

ကကြိုးမပြောင်း
ဇာတ်ကောင်မပြောင်း
ဇာတ်တော်ကိုပေါင်းပစ်ဖို့သာ
အစာအိမ်သက်သက်နဲ့ထိမ်းချုပ်
စုံးစုံးမြုပ်လုမြေသားကိုဆွ
အမှိုက်ကပြန်စရမယ့်ကိစ္စ…။

အားလုံးကြားကြားသမျှ
အမျှဝေနေကြခြင်းမဟုတ်
ငုတ်မိသဲတိုင်
(ကောင်းကင်ပြင်ကို)
ပိုင်ဆိုင်ရမယ့်ကိစ္စ။ ။

NLD ရွေးကောက်ပွဲသပိတ် စည်းရုံးရေး ကွင်းဆင်းကြပြီ

21.Sept.2010...VOA...
မြန်မာစစ်အစိုးရ ကျင်းပမယ့် ရွေးကောက်ပွဲရက် နီးကပ်လာတာနဲ့အမျှ လူထုအနေနဲ့ ရွေးကောက်ပွဲမှာ မိမိတို့ နှစ်သက်ရာပါတီ မပါဘူးဆိုရင် မဲမပေးဘဲ နေလိုက နေနိုင်ကြောင်း ရှင်းလင်း ဆွေးနွေးတာတွေကို အမျိုးသား ဒီမိုကရေစီ အဖွဲ့ချုပ်က တိုးမြှင့် ဆောင်ရွက်လာနေပါတယ်။ အမျိုးသား ဒီမိုကရေစီ အဖွဲ့ချုပ်က ဗဟိုကော်မတီဝင်တွေဟာ မကွေးတိုင်းနဲ့ ရခိုင်ပြည်နယ်တွေဘက်ကို သွားရောက် ဆွေးနွေးနေကြသလို ချင်းပြည်နယ်ဘက်မှာလည်း သက်ဆိုင်ရာ ပါတီခေါင်းဆောင်တွေက လူထုအကြားမှာ ဆွေးနွေးတာတွေ ဆောင်ရွက်နေပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။
အမျိုးသား ဒီမိုကရေစီ အဖွဲ့ချုပ်ဟာ လာမယ့် ရွေးကောက်ပွဲကို သပိတ်မှောက်ဖို့ သြဂုတ်လ ၁၉ ရက်နေ့က ဆုံးဖြတ်ခဲ့ပြီးတဲ့နောက် ဒီလပိုင်းတွေ အတွင်းမှာတော့ ပါတီဝင်တွေနဲ့ လူထုအကြားမှာ ရှင်းလင်း ဆွေးနွေးတာတွေကို တိုးမြှင့် လုပ်ဆောင်လာပါတယ်။
ဒီရက်ပိုင်းမှာတော့ အမျိုးသား ဒီမိုကရေစီ အဖွဲ့ချုပ် ခေါင်းဆောင်တွေဟာ မကွေးတိုင်းနဲ့ ရခိုင်ပြည်နယ် ဘက်တွေကို သွားရောက် ဆွေးနွေးနေကြပါတယ်။
လောလောဆယ် မကွေးတိုင်း ပခုက္ကူဒေသဘက်ကို ရောက်ရှိနေတဲ့ ဦးဟံသာမြင့်က သူတို့ရဲ့ လက်ရှိ ရှင်းလင်းဆွေးနွေးတဲ့ အချက်တွေကို အခုလို ပြောပြပါတယ်။
“အဖွဲ့ချုပ်က နေပြီးတော့ ရွေးကောက်ပွဲ သပိတ်မှောက်တဲ့ ကိစ္စတွေကို လိုက်ဆွေးနွေးတာပါ။ ကျနော်တို့ အဖွဲ့ဝင်တွေနဲ့ရော၊ စိတ်ဝင်စားတဲ့ သူတွေနဲ့ရော ဆွေးနွေးခဲ့ပါတယ်။ သူတို့ ဥပဒေအရ ပြည်သူလူထုက ပိုင်ခွင့်တွေ ရှိပါတယ်။ အဲဒီပိုင်ခွင့်တွေကိုပဲ ရှင်းပြတာပါ။ နောက် ပြည်သူလူထု အနေနဲ့က ကိုယ်ကြိုက်တဲ့လူ မပါဘူးဆိုရင်၊ ကိုယ်ကြိုက်တဲ့ပါတီ မပါဘူးဆိုရင် မဲမပေးဖို့ဆိုတဲ့ ကိစ္စကို ပြောတာပါ။ အဲလောက်ပဲ လုပ်ပါတယ်။”
မကွေးတိုင်း ခရီးစဉ်မှာ မနေ့က ရေနံချောင်းမြို့မှာ ရှင်းလင်း ဆွေးနွေးရာမှာတော့ လူ ၁၀၀ ကျော်လောက် တက်ရောက်ခဲ့တယ်လို့ ရေနံချောင်းက အမျိုးသား ဒီမိုကရေစီ အဖွဲ့ချုပ်ဝင် တယောက်က ပြောပါတယ်။
“ကျနော်တို့ မနေ့က လူ ၁၀၀ လောက် တက်ရောက်တယ်ဗျ၊ ရေနံချောင်းမြို့နယ်မှာပေါ့။ ရွာကလူတွေလည်း များတယ်။ ကျေးလက်က များတယ်။ ကျနော်တို့ ရဲဘော်တွေ များတယ်ပေါ့။ မဲမပေးရေးကိစ္စပါပဲ။ အဲဒီကိစ္စကို ရှင်းတာပါ။ လူထုရဲ့ သဘောထားက အရင်ထက်စာရင်တော့ မဲမပေးရေးကိစ္စကို အာရုံ နည်းနည်းများလာပြီပေါ့နော်။ ကိုယ့်အိမ်မှာပဲ ကိုယ်နေလိုက်တော့မယ်ဆို ပြောလာကြပြီ၊ သူတို့ သဘောပေါက်လာပြီပေါ့။ အရင်ထက်စာရင်ပေါ့နော။ သဘောပေါက်လာကြပြီ။”
အမျိုးသမီးခေါင်းဆောင် ဒေါ်မေ၀င်းမြင့်နဲ့ ဒေါ်နန်းခင်ထွေးမြင့်တို့ ဦးဆောင်တဲ့ အဖွဲ့ကတော့ ရခိုင်ပြည်နယ်ဘက်ကို သွားရောက်ပြီး ဆွေးနွေးနေပါတယ်။
ဒီလို ဗဟိုခေါင်းဆောင်တွေက တိုင်းနဲ့ပြည်နယ်တွေကို သွားရောက်ပြီး ဆွေးနွေးတာတွေ ရှိနေချိန်မှာ ချင်းပြည်နယ် အတွင်းမှာလည်း သက်ဆိုင်ရာ ခေါင်းဆောင်တွေက မဲမပေးဘဲ နေပိုင်ခွင့်ရှိတယ် ဆိုတာကို လူထုကြားမှာ ဆွေးနွေးတာတွေ လုပ်ဆောင်နေပါတယ်။
“ကျနော်တို့ NLD ဌာနချုပ်က သပိတ်မှောက်တယ် ဆိုပြီးတော့ ဆုံးဖြတ်ပြီးမှ ကျနော်တို့က ဒေါ်အောင်ဆန်းစုကြည် ပြောတဲ့အတိုင်းပဲ ရွေးကောက်ပွဲမှာ မဲပေးခွင့် ရှိသလို မပေးပိုင်ခွင့်လည်း ရှိတယ်။ အဲဒါပဲ ပြည်သူကြားမှာ NLD အဖွဲ့ဝင်တွေက လက်ဆင့်ကမ်းတယ်။ ရွေးကောက်ပွဲကို ကျနော်တို့ ဆန့်ကျင်တာ မဟုတ်ဘူး။ ဒေါ်အောင်ဆန်းစုကြည်ပြောတဲ့ စကားကိုပဲ လက်ဆင့်ကမ်းနေတာပါ။
“ကြားသလောက် လူတွေကတော့ မပေးဖို့ ဆုံးဖြတ်ထားတဲ့ လူတွေလည်း ရှိသလိုပေါ့လေ၊ ပေးမှ ဖြစ်မယ်ဆိုပြီး ဆုံးဖြတ်ထားတဲ့ သူတွေလည်း ရှိတယ်။ ဒါလည်း သူတို့ ကိုယ်ပိုင်ဆုံးဖြတ်ချက် ပေါ်မှာပဲ မူတည်ပါတယ်။ ဒေါ်အောင်ဆန်းစုကြည် ပြောတဲ့ဟာကို ကြားတဲ့သူတွေကတော့ ထောက်ခံတဲ့သူတွေ များပါတယ်။”
ချင်းပြည်နယ် အမျိုးသား ဒီမိုကရေစီ အဖွဲ့ချုပ် ခေါင်းဆောင် ဦးဘန်လျန်း ပြောသွားတာ ဖြစ်ပါတယ်။
ဒီလ ၉ ရက်နေ့ကလည်း ဗဟိုအလုပ်အမှုဆောင် ဦးအုန်းကြိုင် ခေါင်းဆောင်တဲ့ အဖွဲ့ဟာ မန္တလေးတိုင်း၊ စစ်ကိုင်းတိုင်းနဲ့ ရှမ်းပြည်နယ် မြောက်ပိုင်း ဒေသတွေကို သွားရောက် ရှင်းလင်း ဆွေးနွေးခဲ့ပါတယ်။
အမျိုးသား ဒီမိုကရေစီ အဖွဲ့ချုပ်က အခုလို ဆွေးနွေးတာတွေ ရှိနေချိန်မှာ မြန်မာစစ်အစိုးရပိုင် သတင်းစာတွေမှာတော့ ရွေးကောက်ပွဲမှာ မဲမပေးဘဲ သပိတ်မှောက်ဖို့ စည်းရုံး လှုံ့ဆော်တာဟာ လက်ရှိ ရွေးကောက်ပွဲ ဥပဒေအရ ပြစ်မှုမြောက်ပြီး ထောင်ဒဏ်၊ ငွေဒဏ် နှစ်ရပ်စလုံးနဲ့ အရေးယူ အပြစ်ပေးလို့ ရတယ်လို့ ဖော်ပြပါတယ်။ အမျိုးသား ဒီမိုကရေစီ အဖွဲ့ချုပ်က တာဝန်ရှိသူတွေကတော့ ရွေးကောက်ပွဲကို သပိတ်မှောက်တာဟာ ဥပဒေကို ချိုးဖောက်တာ မဟုတ်ဘူး၊ ပြည်သူတွေရဲ့ ရပိုင်ခွင့်ကို ကျင့်သုံးတာသာ ဖြစ်တယ်လို့ အစဉ်တစိုက် ပြောဆိုခဲ့ပါတယ်။
ရွေးကောက်ပွဲ ကျင်းပဖို့ နီးကပ်လာချိန်မှာ ဒေသဆိုင်ရာ ရွေးကောက်ပွဲ ကော်မရှင်တွေက ရွေးကောက်ပွဲဆိုင်ရာ လုပ်ငန်းသင်တန်းတွေကို မြန်မာပြည်အနှံ့မှာ ပို့ချနေပါတယ်။
ပြည်သူအများစုကတော့ မဲပေးပိုင်ခွင့်ရှိသူ စာရင်းတွေ ထုတ်ပြန်နေပေမဲ့ ထူးထူးခြားခြား စိတ်ဝင်စားသူ သိပ်မရှိဘူးလို့ သိရပါတယ်။

ဗြိတိသျှ အရာရှိများ NLD ဒုတိယ ဥက္ကဋ္ဌ ဦးတင်ဦးကို တွေ့ဆုံ

21.Sept.2010...RFA...
NLD ပါတီ ကိုစစ်အစိုးရက ဖျက်သိမ်းတယ်လို့ ကြေညာခဲ့တာနဲ့ ပတ်သက်ပြီး ပါတီရဲ့ ရှေ့လုပ်ငန်းစဉ်ကို ဗြိတိသျှ နိုင်ငံခြားရေး ဝန်ကြီးဌာနနဲ့ ဗြိတိသျှ သံရုံးအရာရှိတွေက ဒီကနေ့ ပါတီဒုတိယ ဥက္ကဋ္ဌ ဦးတင်ဦးကို လာရောက်တွေ့ဆုံပြီး မေးမြန်းတယ်လို သိရပါတယ်။
ဒီကနေ့ မွန်းလွဲပိုင်းက ဗြိတိသျှ နိုင်ငံခြားရေးဝန်ကြီးဌာန အာရှပစိဖိတ်ဒေသ ဆိုင်ရာ ဒုတိယ အကြီးအကဲ Karen Maddocke နဲ့ သံရုံးအရာရှိတဦးတို့ ဦးတင်ဦးရဲ့ နေအိမ်ကို လာရောက်ခဲ့တာပါ။ ဦးတင်ဦးနဲ့ အတူ ဦးနိုင်းနိုင်းနဲ့ ဦးဉာဏ်ဝင်းတို့ ရှိနေကြတယ်လို့ သိရပါတယ်။

မေးမြန်းချက်နဲ့ ပတ်သက်ပြီး ဦးတင်ဦးက ခုလို ဖြေကြားခဲ့တယ်လို့ ပြောပါတယ်။

“ကျွန်တော်တို့ကတော့ ပါတီက ဖျက်သိမ်းတယ်ကို မမှတ်ယူဘူး။ ဒါကြောင့်မို့လို့ လုပ်စရာ ကိုင်စရာ ရှိတာကိုလည်းပဲ စည်းကမ်းနည်းလမ်း ဥပဒေဘောင်ထဲက ကျွန်တော်တို့ လုပ်နိုင်တာတွေ ကိုင်နိုင်တာတွေကို နိုင်ငံရေးတော့ ကောက်လုပ်နေတာပဲ၊ ခင်ဗျား မြင်တဲ့အတိုင်းပဲလို့။ အဖွဲ့တွေလည်း နယ်သွားကြ ပြုကြ လုပ်ကြ ကိုင်ကြ။ ဒီလိုပဲ ရှင်းဟယ် လင်းဟယ်၊ မသိတာတွေ မေးရင်လည်း ဒီက ဖြေဟယ်ကြားဟယ်ပေါ့ဗျာလို့။ အဲဒါ လုပ်နေတာပဲလို့။”

“ဒါတင်မကသေးဘူး၊ ကျွန်တော်တို့လည်းပဲ ဒီရှိနေတဲ့ CEC ထဲက လုပ်နိုင်တဲ့ လူငယ်တွေကို ထမ်းမှန်းပြီးတော့ မြေတောင်မြှောက်ပေးရင်းနဲ့ နောက်ထပ် ကျွန်တော်တို့ရဲ့ ဂျင်နရေးရှင်းသစ်ပေါ့ဗျာ။ အဲလို အတွေ့အကြုံရအောင် နယ်တွေ သွားကြ ဆင်းကြ လုပ်နေကြတာပဲလို့။”

လာရောက်တွေ့ဆုံသူကလည်း ဗြိတိန်နိုင်ငံအနေနဲ့ NLD ပါတီ အပေါ် စာနာမှုရှိ ကြောင်း ပံ့ပိုးဆောင်ရွက်စရာ ရှိတာတွေကို ဆက်လက် ဆောင်ရွက်ပေးမှာ ဖြစ်တယ်လို့ ပြောဆိုခဲ့တယ်လို့ သိရပါတယ်၊ မနက်ဖြန် စက်တင်ဘာလ ၂၂ ရက်နေ့မှာလည်း အမေရိကန်သံရုံးက လာရောက် တွေ့ဆုံဖို့ ရှိတယ်လို့ စုံစမ်းသိရှိရပါတယ်။

NLD ပါတီ ဒုတိယဥက္ကဋ္ဌ ဦးတင်ဦးဟာ မျက်လုံး ခွဲစိတ်ကုသခံဖို့ စင်ကာပူနိုင်ငံကို စက်တင်ဘာလ ၂၈ ရက်နေ့မှာ သွားရောက်ဖို့ အစီအစဉ်ရှိတယ်လို့ သိရပါတယ်။

စင်္ကာပူရောက် ကိုသန်းစော ရထားကြိတ်ခံရပြီး သေဆုံး

20.Sept.2010...မိုးမခ

ယမန်နေ့ နံနက်စောစောပိုင်းက စကာင်္ပူရှိ Khatib MRT ဘူတာရုံတွင် မြန်မာပြည်သားတဦး ရထားကြိတ်ခံရခြင်းကြောင့် သေဆုံးသွားသည်။

ရထားလမ်းပေါ် ပြုတ်ကျသွားသူ ဆောက်လုပ်ရေး ကုမ္ပဏီ တခုမှ  project supervisor  ကိုသန်းစော (Mr Than Saw) သည် အရက်သောက်ထားသည်ဟု ယူဆရသည်။ နံနက် တနာရီ မထိုးမီ (12.45am) တွင် ရထားလမ်းပေါ် ကျသွားခြင်း ဖြစ်သည်။

          ကိုသန်းစောကို ရထားအောက်မှ ဆွဲထုတ်ရန် မိနစ် ၂၀ ခန့် ကြာခဲ့ပြီး ဘယ်ခြေထောက် အောက်ဘက်ကို ဖြတ်တောက်ခဲ့ရသည်ဟု စင်္ကာပူ အာဏာပိုင်တို့က ဆိုသည်။

          ကိုသန်းစောသည် အသက် ၃၀ ကျော်အရွယ် ဖြစ်သည်။ ဒဏ်ရာ အကြီးအကျယ်ရသွားသော သူ့ကို အနီးရှိ Khoo Teck Puat ဆေးရုံသို့ ပို့ဆောင်ရာ တနာရီခန့် အကြာတွင် သေဆုံးသွားသည်။

          ရဲတို့က ဤအမှုမှာ ပုံမှန်သေဆုံးခြင်း မဟုတ်ဟု ယူဆပြီး စုံစမ်းစစ်ဆေးလျက် ရှိသည်။

          ခရီးသည်များ ရထားလမ်းပေါ် ပြုတ်ကျခြင်းကို အကာအကွယ် ပေးမည့် အရံအတားကို Khatib ဘူတာတွင် တပ်ဆင်ထားခြင်း မရှိပေ။

          ပို့ဆောင်ဆက်သွယ်ရေး ဌာန၏ အဆိုအရ ၂၀၁၂ မတိုင်မီ မြေပေါ်ဘူတာ ၃၆ ခုတွင် တံခါးပေါင်း ၁၉၂၀ တပ်ဆင်ရန် ဒေါ်လာ ၁၂၆ သန်း သုံးမည်ဟု သိရသည်။

          ယခုနှစ်အတွင်း ခရီးသည်များ ရထားလမ်းပေါ် ပြုတ်ကျမှု၊ ခုန်ချမှု ပေါင်း ၆ မှု ရှိသည်။ ၄ မှုတွင် အသက်ဆုံးရှုံးမှု ဖြစ်ပေါ်ခဲ့သည်။

          Khatib MRT ဘူတာရုံတွင် နောက်ဆုံး ဖြစ်ခဲ့သည့် အမှုမှာ ၂၀၀၀ ပြည့်နှစ်က ဖြစ်သည်။ ထိုစဉ်က ရထားလမ်းပေါ် အမျိုးသမီးတဦး ရောက်သွားရာ ရထားမောင်းသူက အချိန်မီ ရထားရပ်တန့်နိုင်ခဲ့သောကြောင့် ထိုအမျိုးသမီး ထိခိုက် ဒဏ်ရာရခြင်းမှ လွတ်မြောက်သွားသည်။

          ယမန်နေ့က အဖြစ်အပျက်ကြောင့်  နောက်ဆုံး ရထား ၄ စီး မပြေးဆွဲနိုင်သဖြင့် Yishun နှင့် Ang Mo Kio ကြားရှိ ဘူတာများတွင် ခရီးသည် ၅၀ ခန့် သောင်တင်သွားသည်ဟု ပို့ဆောင်ရေးဌာန (SMRT) ပြောခွင့်ရသူထံမှ သိရသည်။

          ထိုခရီးသည်များကို ၎င်းတို့ သွားရမည့် ဘူတာများသို့ ကားဖြင့် အခမဲ့ ပို့ဆောင်ပေးခဲ့သည်ဟု ဆိုသည်။

          ယမန်နေ့က အဖြစ်အပျက်ကြောင့် ခရီးစဉ် ထိခိုက်သွားသူ ခရီးသည်များသည် SMRT ဘူတာရုံ ၆၉ ခုရှိ ခရီးသည်အကျိုးဆောင်ဌာနများတွင် လက်မှတ်ဖိုးငွေ အပြည့်အ၀ ပြန်လည် ထုတ်ယူနိုင်ကြောင်း၊ လာမည့် ရုံးဖွင့်ရက် ၃ ရက်အတွင်း ထုတ်နိုင်ကြောင်း ထို ပြောခွင့်ရသူက ဆိုသည်။

အသက်မပြည့်သူကို ကလေးစစ်သားအဖြစ် ရောင်းစား

1. 20.Sept.2010...RFA...
2.  ပဲခူးတိုင်း တောင်ငူမြို့က အသက် ၁၄ နှစ်အရွယ် လူငယ်တဦးကို တောင်ငူမြို့၊ အမြောက်တပ်ရင်း ၁၀၁၅ က အရာခံဗိုလ် တဦးက လိမ်လည် ခေါ်ဆောင်ပြီး၊ ကျောက်ဆည်အခြေစိုက် လေကြောင်းရန် ကာကွယ်ရေး အလုပ်ရုံတပ်ရင်း လလရ (၇) ကို ရောင်းစားပြီး ကလေးစစ်သားအဖြစ် အတင်းအဓမ္မ စုဆောင်းခဲ့တယ်လို့ သိရပါတယ်။တောင်ငူမြို့ မင်းကြီးညို ရပ်ကွက်က ဒေါ်ခင်ဆွေဦးရဲ့ တဦးတည်းသောသား မောင်မင်းဆွေဦးကို အသက် ၁၄ နှစ် မပြည့်ခင် ပြီးခဲ့တဲ့ ဖေဖော်ဝါရီလ ၁ ရက်နေ့က တောင်ငူအခြေစိုက် အမြောက်တပ် ၁၀၁၅ က အရာခံဗိုလ် မျိုးသန့်နဲ့ စစ်သားတဦးက လိမ်လည်ခေါ်ဆောင်ပြီး၊ ကျောက်ဆည် လလရ (၇) ကို ပို့ဆောင်ပြီး ရောင်းစားခဲ့တာလို့ မိခင်ဖြစ်သူက ပြောပြပါတယ်။ မိခင်ဖြစ်သူ ဒေါ်ခင်ဆွေဦးရဲ့ တောင်းပန်မှုနဲ့ ကျောင်းထွက်လက်မှတ် အတု ပေးနိုင်တာကြောင့် လလရ (၇) တပ်ရင်းမှူးက ရှောင်တခင် ခွင့် ၁၀ ရက်နဲ့ ပြန်ခေါ်ခွင့် ပြုခဲ့တယ်လို့ မိခင်ဖြစ်သူ ဒေါ်ခင်ဆွေဦးက ပြောပါတယ်။
   “အဲဒါ ညီမတို့ကိုလေ ဘယ်လိုပြောတုန်း သိလား။ အဲဒါ မွေးစာရင်း ပြတဲ့၊ အကုန်ပေါ့နော်၊ ကျောင်းထောက်ခံစာတွေရော၊ ဘာရောလေ။ အသက်က မပြည့်ဘူး ၁၄ နှစ်ဆိုတော့လေ။ ဒီကလေး ရဖို့အရေးကိုလေ၊ ကျောင်းထွက်လက်မှတ် ယူခဲ့ပါတဲ့။ ညီမတို့က မသိဘူးပေါ့၊ ဆရာမကြီးတွေပြောတာ ကျောင်းထွက်လက်မှတ် ဆိုပြီးတော့ နားလည်မှုနဲ့ ယူသွားတာ။ ယူသွားလိုက်တယ်၊ မူရင်းကို သူက ယူထားတယ်။ ဒီဟာပေးမှ ကလေးကို ခွင့်ပေးပါ့မယ်ဆို ညီမတို့မှာ မူရင်းကို ပေးလိုက်ရတယ်။ ပေးထားခဲ့ရတယ်၊ ကလေးက ကျောင်းပြန်တက်ရမယ်။”
   “ညီမက ပြန်မပို့ဘူး၊ ကလေးကလည်း မသွားချင်ဘူး။ ရောင်းစားခံရတာ သိနေတော့ ကလေးက တအားကြောက်နေတာ အဲဒီကို သွားရမှာ တအားကြောက်နေတာ၊ သွားလည်း မသွားဘူး၊ ကျောင်းလည်း ပြန်နေမှာပဲ ပြောတယ်၊ ခဏခဏ။ ညီမတို့ကလည်း ဒီကလေး သားလေးတယောက်တည်း ဆိုတော့ စိတ်ဆင်းရဲနေရတာ၊ သူ့ကြည့်ပြီး စိတ်မချမ်းသာတာ။”
   မောင်မင်းဆွေဦးဟာ ကျောက်ဆည်ကနေ မန္တလေး စစ်သားစုဆောင်းရေးမှာ ဆေးစစ်ခံခဲ့ရပါတယ်။ သူ့မှာ နှလုံးရောဂါ ရှိပြီး စစ်တပ်ထဲ မဝင်ချင်ဘူးလို့ ငြင်းဆန်ပေမဲ့ တာဝန်ကျတဲ့ ဆရာဝန်ဗိုလ်မှူးက လက်မခံပဲ ကျောက်ဆည် လလရ (၇) ကို ပြန်လွှဲပေးခဲ့ပါတယ်။ နောက်ဆုံး ပင်လောင်းလေ့ကျင့်ရေးတပ် အမှတ် (၄) မှာ ၄ လ စစ်သင်တန်း တက်ခဲ့ရတယ်လို့ ဆိုပါတယ်။
   အခုတော့ မောင်မင်းဆွေဦးနဲ့ မိခင်တို့ဟာ လမ်းပြကြယ်အဖွဲ့က ရှေ့နေ ဦးအေးမြင့် အကူအညီနဲ့ မနက်ဖြန် အိုင်အယ်အို ရုံးမှာ သွားရောက် တိုင်ကြားမယ်လို့ ဦးအေးမြင့်က ပြောပါတယ်။
   “ဒီလို တပ်က ခွင့်နဲ့ ပြန်လာတာ၊ တပ်က ပြန်ထွက်ပြေးလာတဲ့ ကလေးဆိုရင် စစ်ပြေးအဖြစ် တပ်က လုပ်တယ်လေ။ လာပြန်ဖမ်းကြတယ်။ အဲလို လာဖမ်းတာကို မခံရအောင် ဘယ်လို လုပ်ရလဲဆိုတော့ ILO ရုံးကို တိုင်ရတယ်။ တိုင်ပြီးလို့ရှိရင် ဒီကလေးကို မိဘ လက်ဝယ်မှာ ရောက်နေတယ်ဆိုတဲ့ အကြောင်းကို မိဘနဲ့ ကလေးကို ခေါ်သွားရတယ်။ ခေါ်သွားပြီးတဲ့အခါကျရင် ILO ရုံးက အသက် အထောက်အထားတွေ စစ်လို့ ကလေးစစ်သား ဖြစ်ကြောင်း သေချာတယ်၊ ဥပဒေထဲ ဝင်တယ်ဆိုရင် ကလေးနဲ့ ပတ်သက်တဲ့ စုံစမ်း စစ်ဆေးနေတဲ့ ကာလ ချုပ်နှောင်ခြင်း၊ အရေးယူခြင်း မပြုလုပ်ရဆိုတဲ့ သတိပေး တားမြစ်ချက်ရယ်၊ အထောက်အထား ILO ကို တိုင်ကြားထားတယ်ဆိုတဲ့ အထောက်အထား ILO ရုံးက ထုတ်ပေးတယ်။”
   လျှောင်တခင် ခွင့် ၁၀ ရက်ပေးထားတာဟာ မနက်ဖြန်မှာဆိုရင် ခွင့်ရက်စေ့ပေမဲ့ မောင်မင်းဆွေဦးကို တပ်ကို ပြန်မပို့ပဲ ကျောင်းဆက်ထားမယ်လို့ မိခင်ဖြစ်သူ ဒေါ်ခင်ဆွေဦးက ပြောပါတယ်။
   ဒီအကြောင်းတွေနဲ့ ပတ်သက်ပြီး ကိုယ်တိုင် ကြုံတွေ့ခဲ့ရတဲ့ ကလေးစစ်သား မောင်မင်းဆွေဦးကို RFA ဝိုင်းတော်သား ဦးဝင်းနိုင်က ဆက်သွယ် မေးမြန်းတင်ပြထားပါတယ်။

ဂုဏ်ထူးဆောင် အဖွဲ့ဝင်အဖြစ် ဒေါ်အောင်ဆန်းစုကြည်ကို CALD ချီးမြှင့်

20.Sept.2010...RFA...
ဖိလစ်ပိုင်နိုင်ငံအခြေစိုက် အာရှ လစ်ဘရယ်နဲ့ ဒီမိုကရက် ကောင်စီ CALDအဖွဲ့ က မြန်မာ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို တသီးပုဂ္ဂလ ဂုဏ်ထူးဆောင် အဖွဲ့ဝင်အဖြစ် ဒီကနေ့ စက်တင်ဘာ ၂၀ ရက်မှာ ဆုတံဆိပ် ပေးအပ်တယ်လို့ သိရပါတယ် ။
ဆုပေးပွဲ အခမ်းအနားကိုတော့ ဗြိတိန်နိုင်ငံ လီဗာပူလ်မြို့မှာ ကျင်းပတာ ဖြစ်ပြီး ဆုကို ဗြိတိန်နိုင်ငံ အခြေစိုက် Burma Campaign UK အဖွဲ့က မဇိုရာဖန်းကနေ ဒေါ်အောင်ဆန်းစုကြည် ကိုယ်စား လက်ခံမယ်လို့ CALD အဖွဲ့ရဲ့ ကြေညာချက်မှာ ဖော်ပြထားပါတယ် ။
ဒီအကြောင်းနဲ့ပတ်သက်ပြီး မဇိုရာဖန်းက ပြောဆိုရာမှာ ဒေါ်အောင်ဆန်းစုကြည် ကိုယ်စား ဆုရယူရတဲ့အတွက် သူအနေနဲ့ ဝမ်းသာဝမ်းနည်း ဖြစ်မိတယ်လို့ ဆိုပါတယ်။
“ပထမတချက်ပေါ့နော်၊ ကျွန်မကတော့ ဒီ ကျွန်မတို့ရဲ့၊ တိုင်းပြည်ရဲ့ ဒီမိုကရေစီ ခေါင်းဆောင်အတွက်ပေါ့နော်၊ ကျွန်မတို့ ဒီလိုမျိုး သွားယူပေးရတယ် အင်မတန်ကို ကျွန်မ ဂုဏ်ယူမိပါတယ်။ ဒါပေမဲ့ ကျွန်မ စိတ်မကောင်းတာ တခုကတော့ သူက ကိုယ်တိုင် လာပြီးတော့ မယူနိုင်တဲ့အတွက်ကြောင့်ပေါ့နော်၊ သူက နေအိမ် အကျယ်ချုပ်မှာပဲ ရှိနေသေးတယ်ဆိုတော့ အဲဒါ စိတ်မကောင်းစရာ ဖြစ်ပါတယ်။”
အဲဒီအခမ်းအနားကို ပြည်ထောင်စု မြန်မာနိုင်ငံ အမျိုးသားကောင်စီအဖွဲ့ (NCUB) အဖွဲ့ကိုယ်စား ဦးညိုအုန်းမြင့်လည်း တက်ရောက်မှာ ဖြစ်ပါတယ် ။ဒါအပြင် အဲဒီအခမ်းအနားကို ဗြိတိန်နိုင်ငံက နိုင်ငံရေးသမားတွေ၊ အာရှတိုက်က CALD အဖွဲ့ဝင်တွေလည်း တက်ရောက်ကြမှာ ဖြစ်ပါတယ်။
ဆုချီးမြင့်တဲ့ CALD အဖွဲ့ကို ၁၉၉၃ ခုနှစ်မှာ အာရှတိုက်က လက်ဘရယ်နဲ့ ဒီမိုကရက် ပါတီတွေက စုပေါင်း တည်ထောင်ခဲ့ပါတယ် ။ ဖိလစ်ပိုင်၊ ထိုင်း၊ ထိုင်ဝမ်၊ သီရိလင်္ကာ၊ ကမ္ဘောဒီယား ၊ မလေးရှား၊ စင်ကာပူ၊ အင်ဒိုနီးရှား စတဲ့ နိုင်ငံတွေက အဲဒီ ပါတီတွေ ပါဝင်ပါတယ် ။
ဒီအကြောင်း RFA ဝိုင်းတော်သား ဦးခင်မောင်စိုးမင်းက အသေးစိတ် ဆက်သွယ် မေးမြန်းထားပါတယ်။

ကရင်ပြည်နယ် ကျေးရွာ ၁၅၅ အုပ်စု ရွေးကောက်ပွဲ မဲပေးခွင့်မရှိ

20.Sept.2010...VOA...
နိုဝင်ဘာလ ၇ ရက်နေ့မှာ ကျင်းပမယ့် ရွေးကောက်ပွဲမှာ တိုင်းရင်းသား ဒေသတွေက မြို့နယ် ၃၂ မြို့နယ်ကို ရွေးကောက်ပွဲ မပြုလုပ်တဲ့ နယ်မြေတွေအဖြစ် ရွေးကောက်ပွဲ ကော်မရှင်က ကြေညာထားပါတယ်။ ဒီအထဲမှာ ကရင်ပြည်နယ်ကတော့ အဆိုးရွားဆုံး အခြေအနေအဖြစ် မဲပေးပိုင်ခွင့် နယ်မြေတွေ ဆုံးရှုံးခဲ့ရပါတယ်။ မြို့နယ်အားလုံးမှာရှိတဲ့ ကျေးရွာအုပ်စုပေါင်း ၁၅၅ အုပ်စုကို မဲပေးခွင့် မပြုတဲ့သဘော ဖြစ်တဲ့အတွက် ကရင်အမျိုးသားတွေ အနေနဲ့ မဲပေးပိုင်ခွင့် အခွင့်အရေးတွေ ဆုံးရှုံးနေရတယ်လို့ ကရင်နိုင်ငံရေးပါတီ တခုက ဆိုပါတယ်။ အစိုးရကနေ ကျောထောက်နောက်ခံ ပေးထားတဲ့ နိုင်ငံရေးပါတီတွေ အနေနဲ့ အဲဒီဒေသတွေမှာ ယှဉ်ပြိုင်ရင် မနိုင်တဲ့ အနေအထားမှာရှိလို့ အခုလို ချန်လှပ်ထားခဲ့တယ်လို့လည်း သုံးသပ်သူတွေ ရှိနေပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် နိုင်ကွန်းအိန်က တင်ပြပေးထားပါတယ်။
တိုင်းရင်းသား ပြည်နယ်ဒေသတွေမှာ လုံခြုံရေး အခြေအနေအရ ရွေးကောက်ပွဲ ကျင်းပပြုလုပ်ခြင်း မရှိတဲ့ နယ်မြေအဖြစ် ရွေးကောက်ပွဲ ကော်မရှင်ကနေ ကြေညာချက် ထုတ်ပြန်ခဲ့တာကြောင့် ဒေသနေ ပြည်သူတွေအတွက် ကိုယ်စားလှယ် ရွေးချယ်ရာမှာ မဲပေးခွင့်တွေ ဆုံးရှုံးနေတယ်လို့ ကရင်နိုင်ငံရေးပါတီဖြစ်တဲ့ ဖလုံစဝေါ် ဒီမိုကရက်တစ်ပါတီ ဥက္ကဋ္ဌဖြစ်သူ ဦးစောခင်မောင်မြင့်က ဗွီအိုအေကို အခုလို ပြောပါတယ်။
“နိုင်ငံတော်က ကျင်းပတဲ့ ရွေးကောက်ပွဲတခုဟာ နိုင်ငံတော်မှာ နေထိုင်တဲ့ နိုင်ငံသူ၊ နိုင်ငံသားအားလုံး၊ မဲပေးပိုင်ခွင့် ရှိတဲ့သူ အားလုံးဟာ မဲပေးခွင့် ရကို ရရမှာပေါ့။ ခုနက သူတို့သတ်မှတ်တဲ့ အခြေအနေ တရပ်ရပ်ကြောင့် ချို့ယွင်းချက်လေးတော့ ရှိကောင်းရှိပါလိမ့်မယ်။ သူတို့ မဲဆန္ဒ မပေးရတဲ့သူတွေအတွက် အင်မတန်မှ နစ်နာဆုံးရှုံးမှုတော့ ဖြစ်သွားတာပေါ့ဗျာ။”
အထူးသဖြင့် ကရင်ပြည်နယ် အတွင်းမှာဆိုရင် မြို့နယ် ၇ မြို့နယ်က ကျေးရွာအုပ်စု အားလုံးနီးပါးကို မဲထည့်ခွင့် မပြုတဲ့ နယ်မြေအဖြစ် သတ်မှတ်ထားတဲ့အပေါ် ဦးစောခင်မောင်မြင့်က အခုလို ပြောပါတယ်။
“အမှန်ဆိုတော့ဗျာ၊ မဲမပေးနိုင်တဲ့ ဒေသတွေကို သတ်မှတ်တာကျတော့ ခိုင်လုံတဲ့ အကြောင်းပြချက်လေးတွေနဲ့ ပေါ့လေ။ နည်းနည်း သင့်တင့်လျောက်ပတ်တဲ့နေရာ ဖြစ်ဖို့ကောင်းပါတယ်။ အခုဆိုရင် ဒီကြာအင်းဆိပ်ကြီး မြို့နယ်မှာဆိုရင် အစိုးရ အထက်တန်းကျောင်းတွေ ဖွင့်လှစ်နိုင်တဲ့ ကျေးရွာအနေနဲ့ဟာ ဒီမဲပေးဖို့ လုံခြုံရေး တာဝန်မယူနိုင်ဘူး ဆိုတာကတော့ နည်းနည်းတော့လည်း စဉ်းစားစရာ ဖြစ်တာပေါ့။ အဲဒီကျေးရွာတွေဟာ ကရင်တိုင်းရင်းသားတွေ အများဆုံးနေတဲ့ ကျေးရွာတွေပေါ့ဗျာ။”
ရွေးကောက်ပွဲ ကော်မရှင်တွေ အနေနဲ့ ကရင်ပြည်နယ်နဲ့ မွန်ပြည်နယ် တချို့ဒေသတွေမှာ ရွေးကောက်ပွဲ ကျင်းပပြုလုပ်ခြင်း မပြုတဲ့ နယ်မြေအဖြစ် သတ်မှတ်ထားတဲ့ ဒေသတွေဟာ KNU ခေါ် ကရင်အမျိုးသား အစည်းအရုံးတွေ လှုပ်ရှားနေတဲ့ နယ်မြေဖြစ်လို့ လုံခြုံရေးအရ ချန်လှပ်ထားတယ်လို့လည်း စစ်ရေး အကဲခတ်သူတွေက ပြောပါတယ်။ ဒီဖြစ်စဉ်နဲ့ ပတ်သက်ပြီး KNU ခေါ် ကရင်အမျိုးသား အစည်းအရုံးရဲ့ အထွေထွေ အတွင်းရေးမှူး ဗိုလ်မှူး စောလှငွေကို ဆက်သွယ်မေးမြန်းရာမှာ အခုလို ပြောပါတယ်။
“သူတို့ ပိတ်ပင်ထားတဲ့ နယ်မြေတွေဟာ ဆိုလို့ရှိရင် ကရင်ပါတီ တချို့နေရာမှာ ဝင်ပြိုင်မယ် ဆိုပေမဲ့ သူတို့အတွက် အလားအလာရမယ်၊ အဲဒါလေးတွေကအစ အကုန်လုံး ပိတ်ထားတယ်။ သူတို့ ကိုယ်စားလှယ်တွေ ထားမယ်ဆိုလို့ရှိရင် ဘယ်သူမှ မထောက်ခံဘူးဆိုတဲ့ နေရာတွေပေါ့။ အဲဒီနေရာတွေ သူတို့ အပိုင်အခွင့်အရေးတွေ ပိတ်ပင်လိုက်တာပေါ့ဗျာ။”
ပြည်ထောင်စု ရွေးကောက်ပွဲ ကော်မရှင်ဟာ ကချင်ပြည်နယ်မှာ ၈ မြို့နယ်၊ ရှမ်းပြည်နယ်မှာ ၁၂ မြို့နယ်၊ ကရင်ပြည်နယ်မှာ ၇ မြို့နယ်၊ မွန်ပြည်နယ် ၂ မြို့နယ်တွေမှာ ရွေးကောက်ပွဲ ကျင်းပပြုလုပ်ခြင်း မပြုတဲ့ နယ်မြေအဖြစ် သတ်မှတ်ထားခဲ့ပါတယ်။ ၁၉၉ဝ ခုနှစ်မှာ ပြုလုပ်ခဲ့တဲ့ အထွေထွေ ရွေးကောက်ပွဲမှာလည်း နယ်မြေလုံခြုံရေးအရ ပိတ်ပင်မှုတွေ ပြုခဲ့ပေမဲ့လည်း အခုလို တင်းကျပ် များပြားမှု မရှိလို့လည်း ဖလုံစဝေါ် ဒီမိုကရက်တစ်ပါတီ ဥက္ကဋ္ဌ ဦးစောခင်မောင်မြင့်က ပြောပါတယ်။
အခုလို မဲဆန္ဒပေးခွင့်တွေကို ကန့်သတ်ပိတ်ပင်ထားတဲ့အတွက် တနိုင်ငံလုံးမှာရှိတဲ့ မဲဆန္ဒပေးခွင့်ရှိတဲ့ နိုင်ငံသား နှစ်သိန်းလောက် မဲပေးပိုင်ခွင့် ဆုံးရှုံးပြီး ကရင်ပြည်နယ်အတွင်းမှာဆိုရင် သိန်းနဲ့ချီပြီး မဲပေးပိုင်ခွင့် ဆုံးရှုံးခဲ့တယ်လို့ ဖလုံစဝေါ် ဒီမိုကရက်တစ်ပါတီ ဥက္ကဋ္ဌ ဦးစောခင်မောင်မြင့်က ပြောပါတယ်။