မြန်မာစစ်ဗိုလ်ချုပ်သမီး သြစတြေးလျ မောင်းထုတ်

30 ဇွန် 2010...VOA

မြန်မာစစ်တပ်က စစ်အရာရှိကြီးတဦးရဲ့ သမီးဖြစ်သူကို သြစတြေးလျ အစိုးရက မြန်မာနိုင်ငံ ပြန်ပို့ဖို့ တရားဥပဒေကြောင်းအရ စီစဉ်နေပါတယ်။ မြန်မာ့လေတပ်က ဗိုလ်မှူးချုပ်ဇင်ယော်ဟာ သြစတြေးလျ အစိုးရက ဒဏ်ခတ်ပိတ်ဆို့ အရေးယူထားတဲ့ စာရင်းထဲမှာ ပါနေတာကြောင့် သြစတြေးလျနိုင်ငံမှာ ပညာသင်ကြားနေတဲ့ သူ့ရဲ့ သမီးဖြစ်သူကို နိုင်ငံရင်း ပြန်ပို့ဖို့ကိစ္စ ဖြစ်လာတာပါ။


ဒီအခြေအနေတွေနဲ့ ပတ်သက်ပြီး ဘန်ကောက်ကနေ စုံစမ်းမေးမြန်းထားတဲ့ ကိုကျော်အောင်လွင်က တင်ပြပေးထားပါတယ်။
တပ်မတော်လေတပ်စခန်း ဌာနချုပ်မှူး တဦးဖြစ်တဲ့ ဗိုလ်မှူးချုပ်ဇင်ယော်ရဲ့ သမီးဖြစ်သူ အသက် ၂၅ နှစ်အရွယ် မဇင်မွန်အေးဟာ ကိုယ့်ရဲ့ မိသားစု အချက်အလက် အမှန်တွေကို ဖုံးကွယ် ပြောင်းလဲပြီး သြစတြေးလျနိုင်ငံ အနောက်ပိုင်း ဆစ်ဒနီ တက္ကသိုလ်မှာ တက်ရောက်နေတာကို သြစတြေးလျ အာဏာပိုင်တွေက သိသွားတဲ့အကြောင်း၊ ဒီလို အခြေအနေတွေ ဖြစ်အောင် သြစတြေးလျရောက် မြန်မာ့ဒီမိုကရေစီရေး လှုပ်ရှားသူတွေကလည်း အစိုးရကို မကြာခဏ တိုက်တွန်းခဲ့တဲ့အကြောင်း မြန်မာ့အရေး လှုပ်ရှားတဲ့ ဘားမားကမ်ပိန်း သြစတြေးလျအဖွဲ့က ပြောရေးဆိုခွင့်ရှိသူ ဒေါက်တာမြင့်ချိုက ရှင်းပြပါတယ်။
“မြန်မာနိုင်ငံကလာတဲ့ ဗိုလ်ချုပ်ကြီးတွေနဲ့ သူတို့ရဲ့ အပေါင်းပါတွေရဲ့ သားသမီးတွေက မိဘနာမည်တွေ ပြောင်းထားတာ ရှိတယ်၊ လိပ်စာတွေ ပြောင်းထားတာရှိတယ်၊ စသည်ဖြင့် သူတို့ရဲ့ ကိုယ်ရေးရာဇ၀င်တွေ ပြောင်းပြီးတော့ ဒီမှာလာပြီး ကျောင်းတက်နေကြတာ ရှိတယ်၊ စီးပွားရေး လုပ်နေကြတာ ရှိတယ်။ အဲဒီလို အခြေအနေမျိုးမှာ သူတို့ရဲ့ နောက်ကြောင်းကို လိုက်စုံစမ်းဖို့ဆိုတာ တော်တော်ခက်ခဲတယ်။ ဒါပေမဲ့ အဲဒီ အခက်အခဲ ကြားထဲမှာပဲ ကျနော်တို့က သြစတြေးလျ အစိုးရကို ရအောင် ထောက်လှမ်း စုံစမ်းပြီး အရေးယူပါလားဆိုပြီး ကျနော်တို့က မကြာမကြာ သူတို့ကို ဆက်သွယ်ပြီးတော့ အမြဲတမ်း ဖိအားပေးပါတယ်။
“အဲဒီတော့ ဗိုလ်မှူးချုပ်ဇင်ယော်ရဲ့ သမီးက ဆစ်ဒနီမြို့မှာရှိတဲ့ တက္ကသိုလ်ကြီးတခုမှာ ကျောင်းတက်နေတယ်။ အဲဒါကို သူတို့ သိသွားလို့ သြစတြေးလျ ထောက်လှမ်းရေးနဲ့ လူဝင်မှု ကြီးကြပ်ရေးဌာနတို့ ပေါင်းပြီးတော့ အခုလို ဖော်ထုတ်ပြီး အရေးယူတာပါ။”
၂၀၀၇ ခုနှစ်တုန်းက မြန်မာပြည်မှာ သံဃာတော်တွေ ဦးဆောင် ဆန္ဒပြခဲ့တဲ့ အရေးအခင်းနောက်ပိုင်း သြစတြေးလျ အစိုးရက မြန်မာစစ်အစိုးရ ခေါင်းဆောင်တွေ၊ သူတို့ရဲ့ မိသားစုဝင်တွေနဲ့ စစ်အစိုးရနဲ့ နီးစပ်တဲ့ စီးပွားရေး လုပ်ငန်းရှင်တွေ စုစုပေါင်း ၄၁၈ ဦးကို သြစတြေးလျကို မလာရအောင် ပြည်ဝင်ခွင့် ဗီဇာတွေကို ပိတ်ပင်ထားပြီး သူတို့ရဲ့ ဘဏ္ဍာရေးဆိုင်ရာ ပိတ်ဆို့ ဒဏ်ခတ်တာတွေကို လုပ်ခဲ့တာပါ။ အခု ဗိုလ်မှူးချုပ်ဇင်ယော်ရဲ့ သမီးက သူ့မှာ အပြစ်မရှိကြောင်း တရားရုံးမှာ ချေပခဲ့ပေမဲ့လည်း တရားရုံးက လက်မခံလို့ မြန်မာပြည် အမြန်ဆုံးပြန်ရေး ဒီကနေ့ပဲ အမိန့်ချမှတ်ခဲ့တာလို့ ဆိုပါတယ်။
“အကြောင်းပြတာက တရားရုံးမှာ ရင်ဆိုင်ပြီးတော့ သူ့မိဘနဲ့ သူနဲ့ ဘာမှမဆိုင်ဘူး၊ သဘောထားလည်း မတူဘူး၊ သူက ပညာသင်တဲ့ ကျောင်းသူပဲဖြစ်တယ် ဆိုပြီးတော့ သူ့အနေနဲ့ လူသားချင်း စာနာတဲ့ဘက်က လျှောက်လဲတာမျိုးတွေ ရှိပေမဲ့ တရားသူကြီးတွေက အဲဒီအပေါ်မှာ လက်မခံဘူးခင်ဗျ။ ဘာကြောင့်လဲဆိုတော့ မြန်မာနိုင်ငံက ပညာလာသင်ကြတယ်ဆိုတဲ့ နေရာမှာ ရိုးရိုးသားသား လာသင်တဲ့လူတွေကတော့ အားပေးရမှာပေါ့။
“သို့သော် မြန်မာပြည်သူတွေရဲ့ ချွေးနည်းစာတွေကို ခေါင်းပုံဖြတ်ပြီး ဒေါ်လာတွေကို သုံးဖြုန်း ပညာလာသင်နေတဲ့ ဗိုလ်ချုပ်သားသမီးတွေကျတော့ အစိုးရဘက်က လက်ခံမှာ မဟုတ်ဘူး။ ဒါကြောင့် ဒီအကြောင်းပြချက်နဲ့ သူတို့ကို ပြန်ပို့တာ ဖြစ်ပါတယ်။ ချက်ချင်း ထွက်သွားဖို့တော့ မပြောပါဘူး။ အမြန်ဆုံး ထွက်ခွာဖို့တော့ ပြောထားပါတယ်။ အချိန်တော့ သူတို့ ပေးပါလိမ့်မယ်။”
တကယ်တော့ အခု မဇင်မွန်အေးက သြစတြေးလျကနေ မြန်မာပြည်ကို ပြန်ပို့ခံရသူတွေထဲမှာ ပထမဆုံးတော့ မဟုတ်ပါဘူး။ သူ့ရဲ့ရှေ့မှာလည်း တချို့ ရှိခဲ့တဲ့အကြောင်း ဒေါက်တာမြင့်ချိုက ဆက်ပြီး ရှင်းပြပါတယ်။
“သူ့ရှေ့မှာ ၂ ယောက် ၃ ယောက် ရှိခဲ့ဖူးပါတယ်။ ဗိုလ်ချုပ်သားသမီးတွေပဲ။ သူတို့ ကျောင်းတက်နေရင်းနဲ့ နောက်ဆုံး ပေါ်သွားတဲ့ အခါကြတော့ မြန်မာပြည်ကို ပြန်ပို့လိုက်ပါတယ်။ လွန်ခဲ့တဲ့ ၂ နှစ်၊ ၃ နှစ်လောက်တုန်းက ဖြစ်ခဲ့တာပါ။ အဲဒါမျိုးတွေ အများကြီး ရှိသေးတယ်ခင်ဗျ။ ကျနော်တို့ မြန်မာအသိုင်းအ၀ိုင်းကတော့ နီးစပ်ရာ နီးစပ်ရာ ထောက်လှမ်းစုံစမ်းပြီး အစိုးရကို အသိပေးနေတာပဲ။”
ဘားမားကမ်ပိန်း သြစတြေးလျက ဒေါက်တာမြင့်ချို ပြောပြသွားတာ ဖြစ်ပါတယ်။
တကယ်တော့ သြစတြေးလျနိုင်ငံ တခုတည်းက မြန်မာစစ်ခေါင်းဆောင်တွေရဲ့ မိသားစု အသိုင်းအ၀ိုင်းတွေကို ပိတ်ဆို့ ဒဏ်ခတ်ထားတာ မဟုတ်ပါဘူး။ အမေရိကန် ပြည်ထောင်စုနဲ့ ဥရောပ နိုင်ငံတွေကလည်း ပြည်ဝင်ခွင့် ဗီဇာတွေ ပိတ်ပင်ထားတာပါ။ ဒါပေမဲ့လည်း သူတို့ရဲ့ မိသားစုဝင်တွေနဲ့ ဆွေမျိုးတွေကတော့ သူတို့ရဲ့ ကိုယ်ပိုင် အချက်အလက် အထောက်အထားတွေကို ဖုံးကွယ်ပြောင်းလဲပြီး ပိတ်ဆို့ထားတဲ့ နိုင်ငံတွေထဲမှာ ၀င်ရောက် နေထိုင်နေကြတာတွေ၊ ပညာသင်ကြားနေတာတွေ ရှိနေတယ်ဆိုတဲ့ သတင်းတွေက မကြာခဏ ထွက်ပေါ်နေတာပါ။ ဒါပေမဲ့ ဖော်ထုတ်ဖို့ ခက်ခဲနေလို့ အရေးယူမှုတွေ ဖြစ်မလာသေးတာလို့ မြန်မာ့အရေး လှုပ်ရှားတဲ့ အဖွဲ့တွေက ပြောကြပါတယ်။

နျူကလီးယား အစီရင်ခံစာဖတ်ပြီး ဗိုလ်ချုပ်မှူးကြီး ဒေါသထွက်

၃၀ ဇွန် ၂၀၁၀...(မဇ္ဈိမ)
နျူကလီးယား စစ်ဆေးရေးမှူးဟောင်း ရေးသား ပြုစုသည့် စစ်အစိုးရ၏ နျူကလီးယား ရည်မှန်းချက် ဆိုင်ရာ အစီရင်ခံစာကို ဖတ်ပြီး ဗိုလ်ချုပ်မှူးကြီး ဒေါသ ထွက်လျက် ရှိကြောင်း သိရသည်။


ပြည်ပသို့ တိမ်းရှောင်လာသော ဗိုလ်မှူး စိုင်းသိန်းဝင်း သယ်ဆောင်လာသည့် အထောက်အထားများအပေါ် မူတည်၍ နိုင်ငံ တကာ အဏုမြူ စွမ်းအင် အေဂျင်စီ (IAEA) ညွှန်ကြားရေးမှူးဟောင်း ရောဘတ် ကယ်လီ ဦးဆောင်ပြုစုပြီး ဒီမိုကရက်တစ်  မြန်မာ့အသံ (DVB) က ယခုလ အစောပိုင်းတွင် အစီရင်ခံစာတခု ထုတ်ပြန်ခဲ့သည်။
“မြန်မာ့ နျူကလီးယား ဆိုင်ရာ လှုပ်ရှား ဆောင်ရွက်မှုများ” အမည်ရှိ အစီရင်ခံစာတွင် စစ်အစိုးရ၏ နျူကလီးယား အစီအစဉ် များသည် “ကျွမ်းကျင် သေသပ်မှု မရှိ”၊ “အကြမ်းထည် ဆန်လွန်းသည်” ဟု ရောဘတ် ကယ်လီက ကောက်ချက် ချထားသည်။

“နျူကလီးယား ထုတ်လုပ်ရေးနှင့် ဆက်စပ်သည့် စစ်ဌာနချုပ် များတွင် လက်တွေ့ သုတေသန ဆောင်ရွက်မှု ရှိပုံမရ။ အနည်းဆုံး အားဖြင့် နျူကလီးယား ဆိုင်ရာ အစိတ် အပိုင်းများ၊ စမ်းသပ်မှု များကိုပင် လုပ်နိုင်ပုံ မရသေး”ဟုလည်း အစီရင်ခံစာတွင် ဖော်ပြ ထားသည်။

စနစ်တကျ အသေးစိတ် သုံးသပ်ထားသော အစီရင်ခံစာကို ဖတ်ရှုပြီးနောက် နျူကလီးယား လက်နက်ပိုင်ဆိုင်ရန် နီးစပ်လာပြီဟု အစဉ်တစိုက် သတင်းပို့နေခဲ့သော သိပ္ပံနှင့်နည်းပညာ ဝန်ကြီး ဦးသောင်း စသည့် ထိပ်တန်းအစိုးရအရာရှိများ၏ လိမ်ညာ ထား ချက်များကို သိမြင်လာသဖြင့် ဗိုလ်ချုပ်မှူးကြီးက ဒေါသထွက်နေခြင်းဖြစ်သည်ဟု နေပြည်တော် စစ်အသိုင်းအဝိုင်းက ဆိုသည်။

စစ်ဗိုလ်ချုပ်များ အနေဖြင့် နျူကလီးယားပိုင်ဆိုင်သည့် အင်အားကြီးနိုင်ငံဖြစ်ရေး အောင်မြင်ရန် မျှော်လင့်ချက် အနည်းငယ်သာ ရှိကြောင်း၊ စစ်အစိုးရသည် နျူကလီးယားဗုံး ပိုင်ဆိုင်ရန် ကြိုးပမ်းနေသည်မှာ ထင်ရှားပြီး နိုင်ငံတကာ သဘောတူညီချက်များ ကို ချိုးဖောက်နေကြောင်း ရောဘတ် ကယ်လီက အစီရင်ခံစာထဲတွင် သုံးသပ်ထားသည်။

“အထောက်အထားများကို ကြည့်ခြင်းအားဖြင့် နျူကလီးယားတပ်ဖွဲ့က ရေးဆွဲထားသည့် ပုံစံမူကြမ်းများမှာ ကျွမ်းကျင်မှု မရှိ ခြင်းကို ပြနေသည်။ အချက်အလက်များ စိစစ်မှုအရ မြန်မာစစ်အစိုးရ၏ နျူကလီးယား အစီအစဉ်မှာ ခေတ်နောက်ကျလွန်း လှပေသည်”ဟု ရောဘတ် ကယ်လီက ဆိုထားရာ မြန်မာ့ဆိုရှယ်လစ် လမ်းစဉ်ပါတီ ခေတ်ကတည်းက အာဏာရှင် ဦးနေဝင်းကို အောက်ခြေ အရာရှိများက လိမ်ညာ ဖုံးဖိထားသည့် အစီရင်ခံစာများ၊ အာဏာရှင် အကြိုက်ဖြစ်မည့် သတင်းလွဲများသာ  တင်ပြခဲ့ကြသဖြင့် နောက်ဆုံးတွင် မည်သည့်စီမံကိန်းမျှ အကောင်အထည် မပေါ်ခဲ့ခြင်းကို ဗိုလ်ချုပ်မှူးကြီး စေ့စေ့တွေးရင်း အံတကြိတ်ကြိတ် ဖြစ်နေမည်မှာ မလွဲဟု ဝေဖန်သုံးသပ်သူများက ဆိုကြသည်။

ကျောင်းသားခေါင်းဆောင်များ နေအိမ်သို့ NLD သွားရောက်

၃၀ ဇွန် ၂၀၁၀...(မဇ္ဈိမ)
အမျိုးသားဒီမိုကရေစီအဖွဲ့ချုပ် ဒုဥက္ကဋ္ဌ အပါအဝင် ပါတီခေါင်းဆောင် ၂ ဦးနှင့် လူငယ်အဖွဲ့ဝင်များက အကျဉ်းကျနေသည့် ၈၈ မျိုးဆက် ကျောင်းသားခေါင်းဆောင်များ၏ မိသားစုဝင်များထံ ယမန်နေ့က သွားရောက်ကာ အားပေးစကားများ ပြောကြားခဲ့သည်။

ပါတီဒုဥက္ကဋ္ဌ ဦးတင်ဦး၊ ဗဟိုအလုပ်အမှုဆောင်အဖွဲ့ဝင် ဦးဝင်းတင်နှင့် ပါတီလူငယ် ၉ ဦးက ထောင်ဒဏ် ၆၅ နှစ် ကျခံနေရသည့် ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်၊ ကိုကိုကြီးနှင့် ကိုမာကီတို့၏ နေအိမ်များသို့ ယမန်နေ့ နံနက်ပိုင်းတွင် သွားရောက်ခဲ့ခြင်း ဖြစ်သည်။

“အင်မတန်မှ အနစ်နာခံကြတဲ့ ကလေးတွေ ဖြစ်ကြတယ်။ သူတို့ရဲ့ စိတ်ဓာတ်ရေးရာအရ၊ သူတို့ရဲ့ ကျန်းမာရေးအရ၊ သူတို့ အကျဉ်းကျခံရတဲ့ အချိန်မှာ လူသားတယောက်ရဲ့ ဂုဏ်သိက္ခာရှိတော့၊ လူသားတယောက်အနေနဲ့ ထိုက်သင့်အားလျော်စွာ ခံစားစံစားခွင့် ရနိုင်တဲ့ ဟာတွေနဲ့ ပတ်သက်လို့ အကျိုးရှိရာရှိကြောင်း စေတနာ၊ စိတ်ဓာတ်ရေးရာအရ မြှင့်တင်ပေးချင်တဲ့ ဆန္ဒအရ သွားရောက်တွေ့ဆုံခဲ့တယ်” ဟု NLD ဒုဥက္ကဋ္ဌ ဦးတင်ဦးက မဇ္ဈိမကို ပြောသည်။

ရန်ကုန်တိုင်း သင်္ဃန်းကျွန်းမြို့ရှိ ကိုမင်းကိုနိုင်နှင့် ကိုမာကီတို့၏ နေအိမ်များနှင့် တောင်ဥက္ကလာပရှိ ကိုကိုကြီး၏ နေအိမ်များဆီသို့ NLD ခေါင်းဆောင်များ သွားရောက်ခဲ့ရာ မိသားစုဝင်များက ဝမ်းပန်းတသာ ကြိုဆိုခဲ့ကြသည်။

ကိုကိုကြီး၏ ညီဖြစ်သူ ကိုအောင်အောင်ထွန်းက “အိမ်အထိလာပြီး အားပေးစကားပြောတဲ့အတွက် ဝမ်းသာတာပေါ့ဗျာ။ ကျေးဇူးတင်ပါတယ်။ အကို အထဲရောက်နေတယ်ဆိုတော့ အကျိုးအကြောင်း လာမေးတဲ့ သဘောပါ။ နေကောင်းလား၊ မကောင်းလား။ နေရာကလည်း ဝေးတော့ ရောက်လား၊ မရောက်လား ဆိုတာတွေကို မေးတာပါ’’ ဟု မဇ္ဈိမကို ပြောသည်။

ဦးတင်ဦးသည် ၂ဝဝ၃ မေလ ဒီပဲယင်းတိုက်ခိုက်မှု ပြီးကတည်းက ဖမ်းဆီးခံနေရစဉ်၊ ကျောင်းသား ခေါင်းဆောင်များမှာ ၂ဝဝ၄ ခုနှစ် နှောင်းပိုင်းတွင် အကျဉ်းထောင်များမှ လွတ်မြောက်လာခဲ့သည်။ ၎င်းတို့လွတ်မြောက်နေစဉ် ဦးဝင်းတင်မှာလည်း အကျဉ်းထောင်မှ မလွတ်မြောက်သေးပါ။

ထို့အပြင် ကျောင်းသားခေါင်းဆောင်များသည် ၂ဝဝ၇ ခုနှစ် သြဂုတ်လအတွင်း အဖမ်းခံရပြန်ပြီးမှသာ ဦးဝင်းတင်သည် ၂ဝဝ၈ စက်တင်ဘာလ ၂၃ ရက်နေ့တွင်လည်းကောင်း၊ ဦးတင်ဦးမှာ ယခုနှစ် ဖေဖော်ဝါရီလ ၁၃ ရက်နေ့တွင်လည်းကောင်း လွတ်မြောက်လာခဲ့သည်။

’’သူတို့တွေက ဒီမိုကရေစီအရေး၊ လူ့အခွင့်အရေး စသဖြင့် နိုင်ငံတော်နဲ့ ပတ်သက်တဲ့ ကိစ္စအဝဝကို လှုပ်ရှားခဲ့၊ ရှိခဲ့ဖူးတော့ သူတို့ကျေးဇူးတွေ ရှိကြတာကိုးဗျ။ ကျနော်တို့ကလည်း အကျဉ်းကျနေတော့ တယောက်နဲ့တယောက် မဆုံဖြစ်ဘူးပေါ့ဗျာ။ အဲဒီအပေါ် အကြောင်းပြုပြီးတော့ ဦးဝင်းတင်နဲ့ ညှိနှိုင်းပြီး သွားလိုက်ကြတာ” ဟု ဦးတင်ဦးက ပြောသည်။

၂ဝဝ၇ ခုနှစ် သြဂုတ်လအတွင်း လောင်စာဆီဈေးနှုန်း ကျဆင်းရေးအတွက် ငြိမ်းချမ်းစွာ ဆန္ဒပြသဖြင့် ကိုမင်းကိုနိုင်၊ ကိုကိုကြီး၊ ကိုမြအေး၊ ကိုဂျင်မီ၊ ကိုမင်းဇေယျ၊ ကိုသက်ဇော်၊ ကိုအေးသန်း (ခ) ကိုသန့်တင်၊ ကိုကျော်ကျော်ထွေး၊ ကိုဇော်ဇော်မင်း၊ ကိုအံဘွယ်ကျော်၊ ကိုပဏ္ဍိတ်ထွန်း၊ ကိုမာကီ၊ မနီလာသိန်း၊ မမာမာဦး၊ မစန္ဒာမင်း၊ မမီးမီး (ခ) မသင်းသင်းအေး၊ မသက်သက်အောင် အပါအဝင် ၈၈ မျိုးဆက် ကျောင်းသား ခေါင်းဆောင် ၁၇ ဦး ထပ်မံဖမ်းဆီးခံရကာ ထိုနှစ် သြဂုတ်လ ၁၁ ရက်နေ့တွင် ၆၅ နှစ်စီ ပြစ်ဒဏ်ချခံခဲ့ရသည်။

မဆလ စစ်အစိုးရ ပြုတ်ကျမသွားခင် ၁၉၈၈ နှစ်လည်ပိုင်းအထိ မြေအောက်လှုပ်ရှားမှုများဖြင့်သာ ရပ်တည်ခဲ့သည့် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသ) က ကွန်ဂရက် ကျင်းပနိုင်ခြင်း မရှိခဲ့သော်လည်း ၁၉၈၈ သြဂုတ်လ ၂၈ ရက်နေ့တွင် ကိုမင်းကိုနိုင်၊ ကိုကိုကြီး၊ ကိုမိုးသီးဇွန်တို့ ဦးဆောင်ကာ ဗကသ ပြန်လည်ဖွဲ့စည်းရေး ကျောင်းသားထု အစည်းအဝေးကြီးကို သတ္တမ ကွန်ဂရက်အဖြစ် ကျင်းပခဲ့ကြသည်။

သို့သော် ကျောင်းသားခေါင်းဆောင် အများအပြားမှာမူ ထိုနှစ် စက်တင်ဘာ ၁၈ ရက်နေ့တွင် စစ်တပ်က အာဏာသိမ်းပြီး နောက်ပိုင်းမှ စတင်ကာ ၁၅ နှစ်ကျော် ၁၆ နှစ်နီးပါး အကျဉ်းချခံခဲ့ရသေးသည်။

၎င်းတို့ ပြန်လည်လွတ်မြောက်လာသည့် ၂ဝဝ၄ ခုနှစ် နှောင်းပိုင်းမှ စတင်ကာ ၈၈ မျိုးဆက် ကျောင်းသားများအဖွဲ့ အမည်ဖြင့် နိုင်ငံရေးလှုပ်ရှားမှုများကို လုပ်ဆောင်ခဲ့ကြခြင်း ဖြစ်သည်

အရွယ်မရောက်သေးသူ မိန်းကလေးငယ်အား အနိုင်ကျင့် စော်ကားသူကို ရုံးတင်တရားစွဲ

၃၀ ဇွန် ၂၀၁၀...ခေတ်ပြိုင်
အသက် (၁၁) နှစ်သာရှိသေးသော မိန်းကလေးငယ်အား အကြိမ်ကြိမ်စော်ကား မတရားကျင့်မှုဖြင့် မြန်မာရွှေ့ပြောင်း အလုပ်သမားတဦးအား တရားရုံးတင်ရန် ယမန်နေ့က အမှုဖွင့် အရေးယူလိုက်ပြီဖြစ်သည်။

မိဘများမရှိခိုက် မိန်းကလေးငယ်လေးအား သေနတ်ပြခြိမ်းခြောက်၍ မတရားပြုကျင့်ခဲ့သူ ရာဘာခြံအလုပ်သမား စိုးမောင်မောင်အား Rask Thai ဖောင်ဒေးရှင်းနှင့် ကလေးသူငယ်ထိန်းသိမ်းကာကွယ်ရေးအဖွဲ့ (ဘန်ဖတ်ဒတ်) တို့မှ ပူးပေါင်း၍ ယမန်နေ့က ထိုင်းနိုင်ငံတောင်ပိုင်း၊ ဆူရပ်ဌာနီခရိုင်၊ ထချန်းမြို့နယ်၊ ဆပ်ဝီယ ရဲစခန်းတွင် အမှုဖွင့် တရားစွဲဆိုလိုက်ခြင်း ဖြစ်သည်။

ထချန်းမြို့နယ်ရှိ နန်းတလေ ရော်ဘာခြံအတွင်းတွင် အလုပ်လုပ်ကိုင်နေထိုင်သော ကိုမိုးလှိုင်နှင့် မသိန်းကြည်တို့၏ အသက် (၁၁) နှစ်အရွယ် သမီးငယ် မမိုးဝါအား မိဘများ ရော်ဘာသွားခြစ်သော ညများတွင် အဆိုပါခြံမှ မန်နေဂျာအမျိုးသမီး၏ ယောက်ျားဖြစ်သူ စိုးမောင်မောင်က မကြာခဏလာရောက် ခြိမ်းခြောက် အနိုင်ကျင့်စော်ကားခဲ့ခြင်းဖြစ်သည်ဟု မိခင်ဖြစ်သူက ပြောကြားသည်။

မမိုးဝါ၏မိခင်ဖြစ်သူ မသိန်းကြည်က “ကျမတို့က ညဘက်ဆို (၁၁) နာရီလောက်စပြီး ရော်ဘာခြစ်ရတယ်လေ။ အဲဒါ သမီးနဲ့သားငယ် (၂) ယောက်ကို အိမ်မှာ သေသေချာချာမှာထားခဲ့တယ်။ ဘယ်သူလာလာ တံခါးမဖွင့်ပေးရဘူးလို့။ သူက မန်နေဂျာမရဲ့ ယောက်ျားဆိုတော့ သမီးကကြောက်တော့ ဖွင့်ပေးတာနေမယ်။ သမီးပြောတာက သူ (၄) ခါ၊ (၅) ခါ အဲဒီလို လာတယ်လို့ပြောတယ်။ လက်ထဲမှာ သေနတ်နဲ့ ဘယ်သူမှ မပြောရဘူး၊ ပြောရင် သတ်ပစ်မယ်ဆိုပြီး ခြောက်ထားတော့ ကလေးက မပြောရဲဘူး။ အခုက စကားများရန်ဖြစ်မှ သမီးက ငိုပြီးပြောလို့ သိရတာ” ဟု ဝမ်းနည်းစွာ ပြောပြသည်။

စိုးမောင်မောင်သည် အသက် (၂၅) နှစ်ခန့်ရှိပြီး ၎င်း၏ဇနီးဖြစ်သူ ရာဘာခြံမန်နေဂျာမှာ အသက် (၄၅) နှစ်ခန့်ရှိကာ ထိုအမျိုးသမီးတွင် ယခင်အိမ်ထောင်နှင့် သားသမီး (၃) ဦးရှိသည်။

မတရားပြုကျင့်မှု ပေါ်ပေါက်ရသည်မှာ အဆိုပါမန်နေဂျာ အမျိုးသမီး၏သားဖြစ်သူနှင့် ပတ်သက်၍ မမိုးဝါ၏ မိဘများနှင့် စကားများရန်ဖြစ်ကြရာမှ ပေါ်ပေါက်လာခြင်းဖြစ်သည်။

အဆိုပါ မန်နေဂျာအမျိုးသမီး၏ အသက် (၂၀) ခန့်ရှိသူ သားဖြစ်သူက မိဘတို့ထမင်းစားချိန် အချိန်မမီ၍ မစားရသော အခါများတွင် တခါတရံ၌ မမိုးဝါထံ လာရောက်၍ ထမင်းတောင်းစားလေ့ရှိပြီး ပြီးခဲ့သည့်လ မနက်လင်းပိုင်းတွင် မမိုးဝါ၏ မိဘများ ရော်ဘာခြစ်ရာမှပြန်အလာ အိမ်တွင် စားပြီးသား ထမင်းပန်းကန်တွေ့၍ သမီးဖြစ်သူအားမေးမြန်းကာ မန်နေဂျာမိသားစုထံ မိဘများမရှိခိုက် ယင်းသို့ အိမ်ကိုလာရောက် တောင်းစားသည်ကို မကြိုက်ကြောင်း သားဖြစ်သူကို ဆုံးမပေးရန်ပြောကြားရာမှ အခြေအတင် စကားများကြပြီး ယခုကဲ့သို့ စိုးမောင်မောင်က မမိုးဝါအား မတရားကျင့်သည့် ကိစ္စပေါ်ပေါက်လာခြင်းဖြစ်သည်။

ပထမပိုင်းတွင် နည်းလမ်းမျိုးစုံဖြင့် လမ်းလွှဲရန် စိုးမောင်မောင် မိသားစုက ကြိုးပမ်းသော်လည်း၊ အဖွဲ့အစည်းများမှ တရားဝင် ဆေးရုံမှတ်တမ်း၊ ဆေးစစ်ချက်များ ဆောင်ရွက်ပေးနိုင်မှုအရ အခိုင်အမာ သက်သေပြနိုင်ပြီဖြစ်သည့်အတွက် တရားစွဲဆိုခြင်း ဖြစ်သည်။

ထိုင်းနိုင်ငံ၏ ဥပဒေအရ ထိုသို့သော ကလေးသူငယ်များကို စော်ကားမှုများအား မိဘများက တရားရင်မဆိုင်လျှင်ပင် အခြားသော အဖွဲ့အစည်း၊ လူပုဂ္ဂိုလ်များက တရားစွဲဆိုပိုင်ခွင့်ရှိသည်။

မမိုးဝါသည် မိဘများ ရော်ဘာသွားခြစ်ခိုက် မောင်ငယ် (၂) ဦးကို စောင့်ရှောက်ရင်း အိမ်တွင် ကျန်ရှိနေသည်ကို စိုးမောင်မောင်က လူသူကင်းရှင်းသော ည (၁၁) နာရီခွဲခန့်တွင် လာရောက်လေ့ရှိကာ မမိုးဝါအား စော်ကားနေခဲ့ခြင်းဖြစ်သည်။

ထိုသို့ဖြစ်ပွားသည်မှာ တလခန့်ကြာမြင့်ခဲ့ပြီး လိုအပ်သော ဆေးရုံမှတ်တမ်း၊ ဆေးစစ်ချက်များလည်း ဝီဖဝတီဆူရပ်ဌာနီ ဆေးရုံကြီးမှ အခိုင်အမာရရှိထားပြီး ဖြစ်သည်ဟု Raks Thai ဖောင်ဒေးရှင်းမှ တရားစွဲဆိုနိုင်ရန် လိုက်ပါဆောင်ရွက်ပေးနေသူ စေတနာ့ဝန်ထမ်းတဦးက ပြောသည်။

၎င်းက “ရဲစခန်းကလည်း လိုအပ်တာအကုန်လုံး သေချာစစ်ဆေးပါတယ်။ ကျနော်တို့အတွက်လည်း ပညာရတယ်။ နောက်ဆို ဘယ်လို စနစ်တကျ လုပ်ရမယ်ဆိုတာပေါ့။ လာမယ့် (၆) ရက်နေ့မှာ ထချန်းတရားရုံးမှာ အမှုစတင်ရင်ဆိုင်ရမှာပါ” ဟု ပြောသည်။

ယခုအခါတွင် မသိန်းကြည်တို့ မိသားစုအား ထိုရော်ဘာခြံမှ ထွက်သွားခိုင်း၍ မောင်နှမဝမ်းကွဲတော်သူတဦး၏ခြံတွင် ဆက်လက်အလုပ်လုပ်ကိုင်နေကြကြောင်း သိရှိရသည်။

ထိုင်းနိုင်ငံတောင်ပိုင်းသည် ရော်ဘာခြံများ၊ သီးပင်၊ စားပင် စိုက်ပျိုးပင်များဖြင့် စီးပွားဖြစ်ထွန်းလျက်ရှိရာ မြန်မာရွှေ့ပြောင်း အလုပ်သမားများသည် ရော်ဘာခြစ်လုပ်ငန်းများတွင် ၀င်ရောက်လုပ်ကိုင်ကြသူများ ရှိသည်။ ညပိုင်း ပတ်ဝန်းကျင် အေးမြလာချိန်တွင် ရော်ဘာအစေးခြစ် ထွက်ကြရပြီး မနက်ခင်းပိုင်းတွင် အနားယူ အိပ်စက်ကြရသည်။

ပုံမှန်အားဖြင့် (၁၅) ရက်တခါခန့် ခြစ်ပြီးသား အခြောက်လှန်းထားသော ရော်ဘာချပ်များကို ရောင်းချလေ့ရှိကာ ထိုသို့ရောင်းချသော ရက်များကို စနည်းနာ၍ မသမာသူများ၏ ဓားပြတိုက်မှုများလည်း အမြဲလိုလို ဖြစ်ပေါ်နေတတ်၍ ရော်ဘာခြံပိုင်ရှင်များက မိမိတို့၏တပည့်တပန်းများကို သေနတ်များပေးကာ ကိုင်ဆောင်စေလေ့ရှိသည်။

မြန်မာနိုင်ငံမှ အမျီုးသမီးများအပေါ် စစ်အစီုးရမှ ကျူးလွန်သော ရာဇ၀တ်မှူများနှင့်ပတ်သော နိုင်ငံတကာ ပြည်သူတရားရုံး (ဂျပန်)
27-June-2010 နေ့ Aoyama Gakuin University (Shibuya-Tokyo-Japan) တွင် ကျင်းပသည့်ပြည်သူတရားရုံးမြင်ကွင်းဓါတ်ပုံမှတ်တမ်း။

NEWS AND PHOTO BY THAR HTET (BCJP/NEWS)
27-6-2010

စစ်အစိုးရခေါင်းဆောင် ဗိုလ်ချုပ်မူးကြီးသန်းရွှေအား ဂျပန်နိုင်ငံရှိ နိုင်ငံတကာပြည်သူ့ခုံရုံးတွင် တရားစီရင်

27 June,2010...BCJP NEWS

နအဖ စစ်အုပ်စုမှ မြန်မာအမျိုးသမီးများအပေါ် မတရားညှင်းပန်း နှိပ်စက် အနိုင်ကျင့်ခံရမှုများ၊ အကြမ်းဖက်ကျူးလွန်မှုများအားအရေးယူ ဆောင်ရွက်သွာနိုင်ရန်  ဂျပန်နိုင်ငံရှိ နိုင်ငံတကာ ပြည်သူ့ခုံရုံး (International Tribunal - Japan)တွင် အကြမ်းဖက်ခံရသူ မြန်မာအမျိုးသမီး ၃ ဦးမှ မြန်မာနိုင်ငံအမျိုးသမီးအဖွဲ့ချုပ်(WLB) နှင့် Human Rights Now (HRN)တို့၏ အကူအညီဖြင့် စစ်ခေါင်းဆောင် ဗိုလ်ချုပ်မှူးကြီး သန်းရွေအား တရားဆွဲဆို စီရင်မှု ကို ယနေ့ ဇွန်လ ၂၇ ရက် Building Shibuya Aoyama Gakuin University Building No. (6),တွင်  နေ့လည် ၁း၀၀ နာရီမှ ညနေ ၅း၃၀ ထိပြုလုပ်ခဲ့ပြီး  ၅း၃၀ မှ ၆း၃၀ ထိသတင်းစာရှင်းလင်းပွဲများကိုပြုလုပ်ခဲ့ပါသည်။

နအဖ စစ်ခေါင်းဆောင် ဗိုလ်ချုပ်မှူးကြီးသန်းရွှေအား ဂျပန်နိုင်ငံရှိ နိုင်ငံတကာ ပြည်သူ့ခုံရုံးတွင်  တရားစီရင်

မှုအားဂျပန်နိုင်ငံရှိ နိုင်ငံတကာ ပြည်သူ့ခုံရုံး (International Tribunal - Japan)တရားခွင်တွင် တာဝန်ယူကြသူများမှာ Hamada Kunio - ရှေ့နေ (တရားရုံးချုပ် တရားသူကြီးဟောင်း)၊ Kubori Hideaki - ရှေ့နေ (ဂျပန်နိုင်ငံ ရှေ့နေများအသင်းချုပ် ဒုတိယ ဥက္ကဌဟောင်း)၊ Goto Hiroko – Chiba University ဥပဒေပါမောက္ခ (ဂျပန်အစိုးရအဖွဲ့ အမျိုးသမီး-အမျိုးသား တန်းတူ ညီမျှရေး ဌာန၊အမျိုးသမီးများအပေါ် အကြမ်းဖက်မှု စုံစမ်းစစ်ဆေးရေး ကော်မတီ အဖွဲ့ဝင်)၊Niikura Osamu – Aoyama Gakuin University ဥပဒေ ပါမောက္ခ၊Shikita Miho - ကုမ္ပဏီ အုပ်ချုပ်ရေးမှူးတို့မှ ပြည်သူ့တရားသူကြီးများအဖြစ် တာဝန်ယူ ဆောင်ရွက်ခဲ့ကြပြီး တရားလိုဘက်မှ ရှေ့နေ (၈)ဦးနှင့် စစ်အစိုးရဘက်မှ တရာခံရှေ့နေ (၃)ဦးပါဝင်ပြီး နိုင်ငံတကာ ဥပဒေ လုပ်ထုံး လုပ်နည်းအတိုင်း ပြုလုပ်သွားခဲ့ပါသည်။

မြန်မာအမျိုးသမီးများအား လိင်ပိုင်းဆိုင်ရာ အကြမ်းဖက်မှုများ၊ အဓမ္မ လုပ်အားပေးခိုင်းစေမူများ၊ လူ့အခွင့်အရေး

ဆုံးရှုံးနေမှုများနှင့် ဆိုးရွားနေသည့် အမျိုးသမီးရေးရာကိစ္စများတို့ကို တရားသူကြီးများ၏ ရှေ့မောက်၌ လျှောက်လဲသွားပါသည်။ နှစ်ဘက်ရှေ့နေများတို့မှ အပြန်အလှန် လျှောက်လဲချက်များ တင်သွင်းခဲ့ပြီးနောက် ပြည်သူ့တရားသူကြီးများအဖွဲ့မှ ဆုံးဖြတ်ချက်(၈)ချက်ကို စီရင်ချက် ချမှတ်ခဲ့ပါသည်။

ထို့နောက် တရားသူကြီး ၅ဦးမှ  မိမိတို့၏ တသီးပုဂ္ဂလခံစားချက်များကိုလည်း  ရှင်းလင်းပြောကြား

သွားခဲ့ကြပါသည်။

ပြည်သူ့ခုံရုံးတွင် တရားစီရင်မှုအစီအစဉ်များကို  http://burmacampaign.net/တွင် ကြည့်ရှုနိုင်ပါသည်။ သက်သေ ထွက်ဆိုချက်များကို တက်ရောက်နားထောင်သူ ၁၅ဝ ကျော်ခန့် ရှိကြောင်း သိရှိရပါသည်။

မြန်မာနိုင်ငံ အမျိုးသ္မီးများအပေါ် စစ်အစိုးရမှကျူးလွန်သည့် ရာဇ၀တ်မှုများဆိုင်ရာ နိုင်ငံတကာတွေ့ဆုံဆွေးနွေးပွဲ

အမျီုးသမီးများအဖွဲ့ချုပ် (မြန်မာနိုင်ငံ) နှင့် Japan နိုင်ငံ Humam Right Now (HRW) တို့မှတာဝန်ယူ ကျင်းပသည့် မြန်မာနိုင်ငံ မှ အမျီုးသမီးများအပေါ် အကြမ်းဖက်ကျူးလွန်သော ရာဇ၀တ်မှူများနှင့် ပတ်သက်သည့် ဟောပြောပွဲ နှင့် နိုင်ငံတကာပြည့်သူခုံရုံးကို Japan နိုင်ငံ Aoyama Gakuin University တွင်ပထမဦးဆုံးကျင်းပသည့် အခမ်းအနား ဓါတ်ပုံမှတ်တမ်း။

မြန်မာနိုင်ငံ အမျိုးသ္မီးများအပေါ် စစ်အစိုးရမှကျူးလွန်သည့် ရာဇ၀တ်မှုများဆိုင်ရာ နိုင်ငံတကာတွေ့ဆုံဆွေးနွေးပွဲ

26 June,2010...BCJP NEWS
မြန်မာနိုင်ငံမှ အမျိုးသ္မီးများအပေါ် ကျူးလွန်သော ရာဇ၀တ်မှုများနှင့်ပတ်သက်သောနိုင်ငံတကာတွေ့ဆုံဆွေးနွေးပွဲအား ဂျပန်နိုင်ငံ တိုကျိုမြို့ ရှီဘုရမြို့နယ်ရှိ Aoyama Gakuin University တွင် ဂျပန်နိုင်ငံ စံတော်ချိန် နေ့လည် ၁နာရီခွဲမှညနေ ၅နာရီထိကျင်းပပြုလုပ်ခဲ့ပါသည်။
ထိုတွေ့ဆုံဆွေးနွေးပွဲတွင် နိုင်ငံတကာမှအဖွဲ့အစည်းများ၊ အပြည်ပြည်ဆိုင်ရာ တက္ကသိုလ်မှ ဂုဏ်ထူးဆောင်ပါမောက္ခများ၊ဂျပန်နိုင်ငံရှိ ဒုက္ခသည်များနှင့်လူ့အခွင့်ရေးများဆိုင်ရာ ရှေ့နေများ၊
အမျိုးသ္မီးရေးရာနှင့်လူ့အခွင့်အရေးဆိုင်ရာ ဘာသာရပ်များအား အထူးပြုလေ့လာနေသည့်ဂျပန်ကျောင်းသားလူငယ်များ၊ ဂျပရန်နိုင်ငံရှိ မြန်မာဒီမိုကရေစီအရေးကို တက်ကြွစွာ လှုပ်ရှားနေသည့်
နိုင်ငံရေးအဖွဲ့အစည်းများ၊ တိုင်းရင်းသားအဖွဲ့အစည်းများ တက်ရောက်ခဲ့ပါသည်။ မြန်မာအမျိုးသ္မီများသမဂ္ဂနှင့်Burma Campaing Japanမှပူးပေါင်းဆောင်ရွက်ခဲ့ပါသည်။

မြန်မာနိုင်ငံအမျိုးသ္မီးသမဂ္ဂဥက္ကဌ ဒေါ်သင်းသင်းအောင်မှ မြန်မာနိုင်ငံတွင်း စစ်အစိုးရမှမတရားကျင့်ကြံနေသည့် ရာဇ၀တ်မှုများကို ရှင်းလင်းတင်ပြခဲ့ပါသည်။

အမေရိကန်နိုင်ငံ George University မှ အမျိုးသ္မီးရေးရာနှင့် လူ့အခွင့်အရေးများဆိုင်ရာ
ဂုဏ်ထူးဆောင်ပါမောက္ခ Ms Meguro Uriko မှ လက်ရှိ မြန်မာ့အမျိုးသ္မီးများဆိုင်ရာနှင့်
လူ့အခွင့်ရေးဆိုင်ရာ ဆောင်ရွက်နေမှုများအား ရှင်းလင်းပြောကြားသွားပါသည်။
ယခုနှစ် ၉လပိုင်းတွင် ကျင်းပပြုလုပ်မည့် ကုလသမဂ္ဂအမျိုးသ္မီးရေးရာ ပြန်လည်သုံးသပ်
မည့်အစည်းအဝေးတွင် မြန်မာပြည်တွင်း ဆိုးရွားနေသည့် အမျိုးသ္မီးရေးရာကိစ္စများအား
တင်ပြသွားမည့်အကြောင်းကိုလည်းပြောကြားခဲ့ပါသည်။

ဂျပန်နိုင်ငံရှေ့နေများမှလည်း ဂျပန်နိုင်ငံအစိုးရမှ ဆောင်ရွက်နိုင်မှုနှင့်ဥပဒေကြောင်း
အရဆောင်ရွက်နိုင်မှုများကိုလည်း ဆွေးနွေးတင်ပြသွားပါတယ်။

စစ်အုပ်စု၏ အနိုင်ကျင့် ခံခဲ့ရသူ မြန်မာအမျိုးသမီး ၄ ဦးမှ ဂျပန်နိုင်ငံတွင် ပြည်သူ့ခုံရုံးတက်မည်

မြန်မာစစ်အုပ်စု၏ မတရားညှင်းပန်း နှိပ်စက် အနိုင်ကျင့် ခံခဲ့ရသူ မြန်မာအမျိုးသမီး ၄ ဦးမှ မြန်မာနိုင်ငံ အမျိုးသမီး အဖွဲ့ချုပ်နှင့် Human Rights Now (HRN)တို့၏ အကူအညီဖြင့် ဂျပန်နိုင်ငံရှိ နိုင်ငံတကာ ပြည်သူ့ခုံရုံးတွင် စစ်အစိုးရအား တရားဆွဲဆို စီရင်ဆုံးဖြတ်သွားမည်ဖြစ်ရာ၊ ၄င်း အစီအစဉ်အား Burma Campaign Japan (BCJP)မှ (www.burmacampaign.net)တွင် တိုက်ထုတ်လွှင့် တင်ဆက်ပေးသွားမည် ဖြစ်ပါသည်။

မြန်မာအမျိုးသမီးများ၏ လူ့အခွင့်အရေး ဆုံးရုံးနေမှုများ၊ အထူးသဖြင့် လိင်ပိုင်းဆိုင်ရာ အကြမ်းဖက်မှုများကို အရေးမယူပဲ စစ်အစိုးရမှ လစ်လျှူရှု ထားဆဲပင် ဖြစ်သည်။ ထိုသို့ လစ်လျှူရှုကာ လူ့အခွင့်အရေးချိုး ဖောက်နေမှုများကို နိုင်ငံတကာ လှုပ်ရှားမှုတရပ်အနေဖြင့် တားဆီးရန် ၂၀၁၀ ခုနှစ် မတ်လ (၂)ရက်နေ့က အမေရိကန်နိုင်ငံ နယူးယောက်ပြည်နယ်တွင် မြန်မာနိုင်ငံ အမျိုးသမီး အဖွဲ့ချုပ် (WLB)နှင့် နိုဘယ်ဆုရှင် အမျိုးသမီးများ ဦးဆောင်ကာ နိုင်ငံတကာ ပြည်သူ့ခုံရုံး ကျင်းပခဲ့ကြသည်။ မြန်မာစစ်အစိုးရသည် မိမိ၏ပြည်သူများအပေါ် ဆိုးရွားသော ရာဇဝတ်မှုများ ကျူးလွန်သည် (Crimes against humanity)ဟု အဆိုပါ ပြည်သူ့ခုံရုံးမှ စီရင်ဆုံးဖြတ်ခဲ့သည်။

နိုင်ငံတကာ ပြည်သူ့ခုံရုံးဖွင့်၍ ဒုတိယခြေလှမ်းအဖြစ် ၂၀၁၀ ခုနှစ်၊ ဇွန်လ (၂၇)ရက်၊ (တနင်္ဂနွေနေ့)တွင် နေ့လည် ၁း၀၀ နာရီမှ ညနေ ၅း၀၀ နာရီအထိ Aoyama Gakuin University, Building No.(6) တိုကျိုမြို့၊ ဂျပန်နိုင်ငံတွင် ပြုလုပ်မည်ဖြစ်သည်။

မြန်မာအမျိုးသမီးများအပေါ် စာနာစိတ်ထားရှိခြင်းနှင့် တရားဥပဒေ မြတ်နိုးခြင်းတို့ အပေါ် အခြေခံ၍ ဂျပန်နိုင်ငံတွင် ပထမဦးဆုံအကြိမ် ကျင်းပပေးသော နိုင်ငံတကာ ပြည်သူ့ခုံရုံးဖြစ်ကြောင်း BCJP သို့ ပြောကြားလာပါသည်။

အဆိုပါ ပြည်သူ့ခုံရုံးအား နိုင်ငံတကာ ဥပဒေ ကျွမ်းကျင်သူ တရားသူကြီး (၅)ဦး၊ တရားလိုဘတ်မှ ရှေ့နေ (၈)ဦးနှင့် စစ်အစိုးရဘတ်မှ တရာခံရှေ့နေ (၃)ဦးပါဝင်ဖြင့် နိုင်ငံတကာ ဥပဒေ လုပ်ထုံး လုပ်နည်းအတိုင်း ပြုလုပ်သွားမည် ဖြစ်ကြောင်း သိရသည်။

တိုက်ထုတ်လွှင့်မှု အစီအစဉ်သို့ >> (www.burmacampaign.net)

ချိတ်ပုဆိုးဝတ် ဝန်ကြီးများ သတိဆွဲ၍ ဧည့်ကြို

ရွေးကောက်ပွဲထက် ကမ္ဘာ့ဖလားပွဲ စိတ်ဝင်စားမှု ပိုများ

၂၀.၆.၂၀၁၀...VOAနိုင်ငံရေး၊ စီးပွားရေး၊ လူမှုရေး စတဲ့ အဖြာဖြာသော ကိစ္စရပ်တွေမှာ မွန်းကျပ်နေတဲ့ မြန်မာလူထုအဖို့ အခု ကမ္ဘာ့ဖလား ဘောလုံးပွဲဟာ စိတ်သက်သာရာ ရစေမယ့် ထွက်ပေါက်တခု ဖြစ်နေတယ်လို့ ဆိုကြပါတယ်။ မြန်မာနိုင်ငံမှာ စစ်အစိုးရ ကျင်းပပေးမယ်ဆိုတဲ့ ၂၀၁၀ ရွေးကောက်ပွဲထက် ကမ္ဘာ့ဖလား ဘောလုံးပွဲတွေကိုပဲ ပိုပြီး စိတ်ဝင်စားနေကြတယ်လို့လည်း ပြောကြပါတယ်။


အပြည့်အစုံကို မသင်းသီရိက တင်ပြပေးထားပါတယ်။
မြန်မာနိုင်ငံမှာ အမျိုးမျိုးသော အခက်အခဲတွေနဲ့ မွန်းကျပ်မှုတွေအတွက် အခုအချိန်မှာ ကမ္ဘာ့ဖလား ဘောလုံးပွဲတွေကို ကြည့်ရှုအားပေးနေရတာက အခုအချိန်မှာ စိတ်သက်သာရာ ရစေတဲ့ ထွက်ပေါက်တခု ဖြစ်နေတယ်လို့ ပြောကြပါတယ်။ တကယ်တော့ တိုင်းပြည်တခုအတွက် အရေးကြီးတယ်လို့ ပြောနိုင်တဲ့ ရွေးကောက်ပွဲကို လူထုက အာရုံထား စိတ်ဝင်စားမှု မရှိဘဲ အများရဲ့စိတ်ထဲမှာ ကမ္ဘာ့ဖလား ဘောလုံးပွဲတွေကသာ လွှမ်းမိုးနေတယ်လို့ စာရေးဆရာ ဦးအောင်သင်းက ပြောပါတယ်။
“လူတွေက ရွေးကောက်ပွဲကို စိတ်မ၀င်စားတာတော့ အမှန်ပဲ။ ကျနော်ကိုယ်တိုင်လည်း ဒီလိုပါပဲ။ စိတ်မ၀င်စားတာကတော့ ဘယ်သူနိုင်နိုင်၊ ဘယ်ဝါနိုင်နိုင် ဆိုတာလည်း ဘာမှ ပြောလို့မရဘူး။ အဲဒါကြောင့် စိတ်မ၀င်စားတာလည်း ပါတယ်။ ဆိုတော့ ဘယ်သူရရ၊ ဘယ်သူတက်တက်၊ ဘာပဲဖြစ်ဖြစ် အဲဒါကို စိတ်မ၀င်စားတော့ဘူး။ ကိုယ်နဲ့မပတ်သက်တော့ဘူးလို့ အဲဒီလို ထင်သွားကြတယ်။ ကျနော်ကိုယ်တိုင်လည်း ဒီအတိုင်း ဖြစ်နေတာပဲ။”
နိုင်ငံတနိုင်ငံရဲ့ ရွေးကောက်ပွဲကို တိုင်းပြည်လူထု စိတ်ဝင်စားမှု မရှိတာဟာ တကယ်တော့ နိုင်ငံရဲ့ အနာဂတ် မကောင်းသလို ဒါဟာ တိုင်းပြည်အတွက် ကောင်းတဲ့ လက္ခဏာတရပ် မဟုတ်ဘူးလို့လည်း ဆိုကြတာပါ။ ဒါပေမဲ့ မြန်မာနိုင်ငံမှာက လူထုကို ကိုယ်စားပြုခြင်း မရှိတဲ့ ၂၀၀၈ ဖွဲ့စည်းပုံကို အတည်ပြုမယ့် ရွေးကောက်ပွဲကို လူထုစိတ်ဝင်စားမှု မရှိတာဟာ မှန်ကန်တဲ့ တိုင်းသူပြည်သားရဲ့ ရပ်တည်ချက် ဖြစ်တယ်လို့ သတင်းစာဆရာကြီး ဦးသာဘန်းက သုံးသပ်ပါတယ်။
“အမှန်အတိုင်း ပြောရရင်တော့ မကောင်းဘူးပေါ့။ ဒါပေမဲ့ လူတွေဆိုတာက သာမန်လူတွေက မြန်မာပြည်မှာ မွန်းကျပ် ပိတ်ဆို့ထားတဲ့ဟာကို ထွက်ပေါက်ရှာချင်တော့ အခု ကမ္ဘာ့ဖလားက ထွက်ပေါက်သဘောမျိုးနဲ့ပေါ့လေ၊ အားကစားဆိုတော့၊ ရှာပြီးတော့ ကြည့်ကြတာပဲလေ။ ပျော်စရာလေး တခုပေါ့လေ၊ ကြည့်စရာလေးတခု၊ အဲဒီလို ကြည့်ကြတယ်လို့ ယူဆတယ်။
“နိုင်ငံရေးအရ ပြောရရင်တော့ ရွေးကောက်ပွဲကို စိတ်မ၀င်စားဘူးဆိုတာ လူထုအတွက် သိပ်မှန်တာပေါ့။ သူတို့ လုပ်ချင်တာလုပ်တဲ့ ရလဒ်၊ ၂၀၀၈ ဖွဲ့စည်းပုံတုန်းကလည်း ဒီလောက် ဒုက္ခတွေရောက်တဲ့ နာဂစ်မုန်တိုင်းကာလမှာ ဖွဲ့စည်းပုံ အတည်ပြုရေး လုပ်တဲ့အတွက်ကြောင့်လည်း နာဂစ်ဖွဲ့စည်းပုံလို့ ပြည်သူက နာမည်ပေးခဲ့တာပဲလေ။ အဲဒါပြီးတော့ အခု ရွေးကောက်ပွဲ လာတော့လည်း တင်းကျပ်မှုတွေက အများကြီးလေ။ အဲဒါကြောင့် စိတ်မ၀င်စားတာပါ၊ လူထု စိတ်မ၀င်စားတာကတော့။ သူတို့လည်း အကြိမ်ကြိမ် အလိမ်ခံရပြီးပြီပေါ့ဗျာ။ နောက်ထပ် အလိမ်မခံချင်တဲ့ သဘောပါပဲ။”
ရှေ့လ ဇူလိုင် ၁၁ ရက်နေ့ ကမ္ဘာ့ဖလား ဘောလုံးပွဲတွေ ပြီးပြီဆိုရင်ရော ဒီရွေးကောက်ပွဲကို လူထုစိတ်ဝင်စားမှု ပြန်ရဖို့ ရှိပါသလား၊ ဆရာ ဦးသာဘန်းရဲ့ အမြင်ကတော့...
“သည်းခံနိုင်သလောက်တော့ ခံမှာပဲလို့ ယုံကြည်တယ်။ ရွေးကောက်ပွဲကိုတော့ ကမ္ဘာ့ဖလားပွဲပြီးရင် အလောင်းအစားဖြစ်တဲ့ ၂ လုံးတို့၊ ၃ လုံးတို့ကို လှည့်ကြမှာပေါ့လေ။ ဒါ လူထုအတွက် အများဆုံး ဖြစ်နေတဲ့ ကိစ္စကိုး။”
သတင်းစာဆရာကြီး ဦးသာဘန်း ပြောပြခဲ့တာ ဖြစ်ပါတယ်။
အချုပ်အားဖြင့်တော့ ခုချိန်မှာ ၂၀၁၀ ရွေးကောက်ပွဲ ဆိုတာထက် ၂၀၁၀ ကမ္ဘာ့ဖလား ဘောလုံးပွဲတွေကဖြင့်သာ မြန်မာလူထုရဲ့ အာရုံကို လွှမ်းမိုးထားနိုင်ဆုံးလို့ ပြောကြပါတယ်။

ဒေါ်အောင်ဆန်းစုကြည်မွေးနေ့  ဂျပန်နိုင်ငံတိုကျိုမြို့ တွင်ကျင်းပမည်။

၂၀.၆.၂၀၁၀
ဒေါ်အောင်ဆန်းစုကြည်၏ ၆၅ နှစ်မြောက်မွေးနေအား ဂျပန်နိုင်ငံ တိုကျိုမြို့ အိခဲဘုခုရို တိုရှီးမားခုမင်း စင်တာတွင် ယနေ့ ညနေ ၆ နာရီမှ ၉ နာရီအထိ ကျင်းပမည်ဖြစ်ပါသည်။

၎င်းအစီအစဉ်အား ဘားမားကမ်းပိန် ဂျပန်မှ အင်တာနက်တီဗွီအစီအစဉ် မှတိုက်ရိုက်ထုတ်လွှင့်သွားမည်
ဖြစ်ပါသည်။ (ဘီစီဂျေပီ)

ပြည်ပရောက် မဲထည့်လိုသူ စာရင်း ကောက်ခံ

ဇွန်လ ၁၈ ရက် ၂၀၁၀...(မဇ္ဈိမ)

နိုင်ငံရပ်ခြားတွင် ရောက်ရှိနေသော မြန်မာနိုင်ငံသားများအနက် ၂ဝ၁ဝ ရွေးကောက်ပွဲအတွက် မဲပေးခွင့်ရှိသူ စာရင်းများကို မြန်မာသံရုံးများက စုဆောင်း ကောက်ခံလျက်ရှိသည်။

အမေရိကန်နိုင်ငံရှိ မြန်မာသံရုံးက  ”၂ဝ၁ဝ ပြည့်နှစ်အတွင်း ကျင်းပမည့် လွှတ်တော် ရွေးကောက်ပွဲများ အတွက် ဆန္ဒမဲပေးနိုင်ရေးကိစ္စ’' ဟု ခေါင်းစဉ်တပ်ထားသော အကြောင်းကြားစာကို သံရုံးက တရားဝင် အသိအမှတ်ပြုထားသော မြန်မာနိုင်ငံသားများထံ လွန်ခဲ့သည့်လ ၂၆ ရက်ကတည်းက ပေးပို့ထားသည်။

မဲထည့်ခွင့်ရှိကာ မဲပေးလိုသူသည် အမည်၊ အသက်အရွယ်၊ ကျားမ၊ မှတ်ပုံတင်အမှတ်၊ သန်းခေါင်းစာရင်းပါ မြန်မာပြည်လိပ်စာတို့ကို ထဲ့သွင်းဖော်ပြ၍ သံရုံးသို့ အကြောင်းကြားရန် စာထဲတွင် ပါရှိသည်။ သို့သော်လည်း မည်သည့်နေ့ရက်တွင် နောက်ဆုံးထား ပေးပို့ရမည်ကိုမူ ဖော်ပြထားခြင်း မရှိပေ။

“အားလုံး တပြိုင်ထဲ ပို့တာမျိုး မဟုတ်ဘဲ သူတို့နိုင်သလောက် တရက်ပြီးတရက် ပို့နေတာ ဖြစ်နိုင်တယ်။ ကျနော်တို့က အခွန်ဆောင်စရာရှိတာ ဆောင်တယ်။ ကိုယ့်အလုပ် ကိုယ်လုပ်တယ်။ ဒီဟာနဲ့ ပတ်သက်ပြီးတော့ စိတ်ဝင်စားမှု မရှိဘူး။ ရှင်းရှင်းလေးပါပဲ တရားမဝင်တဲ့ အစိုးရကို တရားဝင်အောင် လုပ်နေတာပဲ” ဟု အမေရိကန်နိုင်ငံ ဝါရှန်တန်ဒီစီတွင် ၅ နှစ်ကြာ အလုပ်သမားပါမစ်ဖြင့် အလုပ်လုပ်ကိုင်သူ မြန်မာတဦးက မဇ္ဈိမကို ပြောသည်။

အကြောင်းကြားစာကို ဝါရှင်တန်ဒီစီနှင့် နယူးယောက်မြို့များရှိ မြန်မာအချို့ထံ ရောက်ရှိကြောင်း သိရသည်။

တောင်ကိုရီးယားနိုင်ငံတွင်မူ ပြီးခဲ့သည့်လ ၁၇ ရက်နေ့မှ စတင်ကာ ပညာတော်သင်များ၊ တရားဝင် အလုပ်သမားများထံ အကြောင်းကြားစာများ ပေးပို့ခဲ့ပြီး၊ ယခုလ ၃ ရက်နေ့ထက် နောက်မကျစေဘဲ ပြန်ကြားရမည်ဟု ဆိုထားသည်။ စာကို သံမတ်အကြီးကိုယ်စား သံရုံး ပထမအတွင်းဝန် ဦးဝေဇင်ထွန်းက လက်မှတ်ထိုးကာ စာတိုက်မှတဆင့် ပေးပို့ခဲ့ခြင်း ဖြစ်သည်။

ပြည်သူ့လွှတ်တော်ရွေးကောက်ပွဲ ဥပဒေအရ နိုင်ငံပြင်ပတွင် ရောက်ရှိနေသော ဝန်ထမ်းများနှင့် အစိုးရ၏ ခွင့်ပြုချက်ဖြင့် နေထိုင်နေသူများထံမှ ဆန္ဒမဲ ရောက်ယူရမှာဖြစ်ပြီး သံရုံးများမှတဆင့် မဲပေးရမည်ဖြစ်သည်။

မလေးရှား၊ စင်္ကာပူနှင့် ဂျပန် စသည့် နိုင်ငံများတွင်လည်း ထိုကဲ့သို့ မဲပေးနိုင်သူ စာရင်းကောက်ခံနေကြောင်း သိရသည်။

ပြည်ပရောက်နေသူ မြန်မာနိုင်ငံသား သန်းနှင့်ချီ၍ ရှိနေပြီး ထိုင်းတနိုင်ငံထဲတွင်ပင် ရွှေ့ပြောင်းလုပ်သား အနည်းဆုံး ၂ သန်းခန့် ရှိနေသည့်အပြင် ထိုင်း-မြန်မာနယ်စပ်ရှိ ဒုက္ခသည်စခန်းများတွင် မြန်မာဒုက္ခသည် ၁ သိန်းခွဲခန့်ရှိသည်။ အခြားသော အိမ်နီးချင်းနိုင်ငံအချို့ဖြစ်သော အိန္ဒိယ၊ ဘင်္ဂလားဒေ့ခ်ျ၊ တရုတ်၊ မလေးရှားနှင့် စင်္ကာပူတို့တွင်လည်း အများအပြားရှိနေသည်။ အိန္ဒိယနိုင်ငံ မီဇိုရမ်ပြည်နယ်တွင်း မြန်မာ ၅ သောင်း တရားမဝင် ရွှေ့ပြောင်းလုပ်ကိုင်နေကြပြီး မလေးရှားတွင် ၁ သိန်းခွဲကျော် တရားဝင် လုပ်ကိုင်နေကြပြီး တရားမဝင်က ပိုမိုများပြားမည်ဟု ခန့်မှန်းရသည်။

အဝေးရောက် မြန်မာများအနက် နိုင်ငံကူးလက်မှတ် ကိုင်ဆောင်ထားခြင်းမရှိသူ အချိုးအစားက ပိုမိုလျက်ရှိရာ မြန်မာသံရုံးများက ထိရောက်စွာ လုပ်ကိုင်ပေးနိုင်မည် မဟုတ်ဟု ဝေဖန်သူများက ပြောသည်။

ထို့အပြင် ၂ဝဝ၈ ခုနှစ် အခြေခံဥပဒေ ဆန္ဒခံယူပွဲအတွေ့အကြုံကဲ့သို့ပင် မဲလိမ်မှုများ ရှိနိုင်သည်ဟုလည်း သံသယရှိကြသည်။

ထိုင်းနိုင်ငံအခြေစိုက် မြန်မာနိုင်ငံ အလုပ်သမား သွေးစည်းညီညွတ်ရေး အဖွဲ့တာဝန်ခံ ကိုသံဒုတ်က “သူတို့ဘက်အပိုင်း မဲလိမ်နိုင်အောင်လို့ အချက်အလက် စုဆောင်းတာလည်း ဖြစ်နိုင်တယ်” ဟု ပြောသည်။

၂ဝဝ၈ ဖွဲ့စည်းပုံ အခြေခံ ဥပဒေအား ပြည်တွင်းပြည်ပ ကြိုတင်မဲများ အပါအဝင် ၉၂ ဒဿမ ၄၈ ရာခိုင်နှုန်းဖြင့် စစ်အစိုးရက အတည်ပြုကြောင်း ကြေညာခဲ့သည်။

နအဖနှင့် ကေအိုင်အိုတို့ လိုင်ဇာတွင် တွေ့ဆုံ

18 June 2010..သျှမ်းသံတော်ဆင့် မြန်မာ အမှတ် ၁ စက်မှုဝန်ကြီး ဦးအောင်သောင်းနှင့် ဆက်သွယ်ရေးဝန်ကြီး ဦးသိန်းဇော်တို့ ပါဝင်သော အဖွဲ့သည် မနေ့က နံနက် ၈ နာရီခန့် က ကချင်ပြည်လွတ်လပ်ရေးအဖွဲ့ KIO ဋ္ဌာနချုပ် လိုင်ဇာမြို့သို့ ရောက်ရှိလာပြီး KIO အဖွဲ့ ခေါင်းဆောင် များနှင့် တွေ့ဆုံခဲ့ကြောင်း သိရသည်။


မြန်မာ အမှတ် ၁ စက်မှုဝန်ကြီး ဦးအောင်သောင်းနှင့် ဆက်သွယ်ရေးဝန်ကြီး ဦးသိန်းဇော်တို့ ပါဝင်သော အဖွဲ့သည် မနေ့က နံနက် ၈ နာရီခန့် က ကချင်ပြည်လွတ်လပ်ရေးအဖွဲ့ KIO ဋ္ဌာနချုပ် လိုင်ဇာမြို့သို့ ရောက်ရှိလာပြီး KIO အဖွဲ့ ခေါင်းဆောင် များနှင့် တွေ့ဆုံခဲ့ကြောင်း သိရသည်။

မြစ်ကြီးနားမြို့ အခြေဆိုက် မြောက်ပိုင်းတိုင်းမှူး ဗိုလ်ချုပ်စိုးဝင်းနှင့် စစ်ဘက်ခေါင်းဆောင်များလည်း လိုက်ပါလာပြီး KIO နှင့် လိုင်ဇာမြို့ရှိ လိုင်ဇာဟော်တည်တွင် တွေ့ဆုံခဲ့ကြောင်းမျက်မြင် ဒေသခံတစ်ဦးက သျှမ်းသံတော်ဆင့်သို့ ပြောသည်။
၎င်းဒေသခံက “တရုတ်ကားအကြီး ၃ စီး လက်နက် အပြည့်အစုံနဲ့ ရှေ့ပွိုင့်ရောက်လာတာ ပေါ့ အဲဒီနောက်မှာမှ စက်မှု ၁ ၀န်ကြီး ဦးအောင်သောင်း လိုက်လာတယ်လို့ သိရတယ် သူတို့ကို လိုင်ဇာဟော်တည်မှာ စခန်းချပြီး အဲဒီမှာပဲအစည်းအဝေး လုပ်သွားတယ် ” ဟု ဒေသခံက ဆိုသည်။

၎င်းဝန်ကြီးများသည် ညနေ  ၄ နာရီခန့်အထိ မြစ်ကြီးနားသို့  ပြန်လည်ထွက်ခွာခြင်းမရှိသေးပဲ လိုင်ဇာမြို့ ၀ယ်ကြိုင် ရပ် ကွက်ဘက် ထွက်ခွာသွားကြောင်း သိရသည်။

ရွေးကောက်ပွဲကိစ္စ  KIO နှင့် ဆွေးနွေးရန် လာရောက်ခြင်း ဖြစ်ဖွယ်ရှိကြောင်း တရုတ်နယ်စပ် စစ်ရေး နိုင်ငံရေးအကဲခတ် ဦးအောင်ကျော်ဇောက မှတ်ချက်ပေးပြောသည်။

“၀ယ်ကြိုင်ဘက်တက်သွားတာ အခုချိန်ထိတော့ ပြန်ဆင်းမလာသေးဘူး  ကေအိုင်အို ဗိုလ်သင်တန်းကျောင်းဘက်ကို တက်သွား တယ်ထင်တယ် ကေအိုင်အေက ဥက္ကဋ္ဌ ဦးဇောင်းခရား စစ်ဦးစီးချုပ် ဂမ်ရှောင်တို့ လည်းပါတယ် ” ဟု စောစော က ဒေသခံက ဆက်ပြောသည်။

စက်မှု ၁ ၀န်ကြီးအပါအ၀င် မြန်မာကိုယ်စားလှယ်အဖွဲ့ လိုင်ဇာသို့ လာရောက်သည့် ကိစ္စနှင့်ပတ်သက်၍ ကေအိုင်အိုအဖွဲ့ထံ မေးမြန်းရန် ဆက်သွယ်သော်လည်း အဆက်အသွယ် မရရှိသေးပါ။

မြန်မာ အမျိုးသား သင့်မြတ်ရေး ကမ္ဘာ့ ၀ါရင့်ခေါင်းဆောင်တွေ တိုက်တွန်း

17 ဇွန် 2010...VOAThe Elders လို့ခေါ်တဲ့ ထင်ရှားတဲ့ ကမ္ဘာ့ ၀ါရင့်ခေါင်းဆောင်ကြီးတွေက မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ ၆၅ နှစ်မြောက် မွေးနေ့အကြိုအဖြစ် ကုလသမဂ္ဂက ကြီးမှူးပြီး မြန်မာနိုင်ငံမှာ အမျိုးသား ပြန်လည်သင့်မြတ်ရေး ဆွေးနွေးပွဲတရပ် ကျင်းပပေးပါရန် တောင်းဆိုလိုက်ကြပါတယ်။


တောင်အာဖရိကနိုင်ငံ ဂျိုဟန်နစ္စဘာ့ဂ်မြို့မှာ ကျင်းပခဲ့တဲ့ The Elders အစည်းအဝေး စုပေါင်းမှတ်တမ်းတင် ဓာတ်ပုံ ရိုက်ကြရာမှာ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေရဲ့ ကိုယ်စား မြန်မာ့ပိုးပုဝါ လွှမ်းခြုံထားတဲ့ ကုလားထိုင် အလွတ်တလုံးကို ထည့်ပြီး ပြသထားပါတယ်။
တောင်အာဖရိကခေါင်းဆောင် နယ်လ်ဆင် မန်ဒဲလား (Nelson Mandela) ထူထောင်ထားတဲ့ ထင်ရှားတဲ့ ကမ္ဘာ့ ၀ါရင့်ခေါင်းဆောင်ကြီးတွေက မြန်မာနိုင်ငံမှာ နိုင်ငံရေး ကန့်သတ် ချုပ်ချယ်မှုတွေကြောင့် ဒီနှစ်ထဲ ကျင်းပမယ့် ရွေးကောက်ပွဲဟာ ယုံကြည်ကိုးစားလောက်တဲ့ ရလဒ်တွေကို ဖော်ဆောင်ပေးနိုင်မှာ မဟုတ်ဘူးလို့ ပြောဆိုလိုက်ကြပါတယ်။
ရွေးကောက်ပွဲနဲ့ ပတ်သက်လို့ ခက်ခဲတဲ့ ဆုံးဖြတ်ချက်တွေကို ရင်ဆိုင်ကြရမယ့် လူထုအပေါ် စာနာ၊ ကရုဏာ သက်မိသလို မိမိတို့နိုင်ငံ အနာဂတ်အတွက် ရဲရင့်စွာ စွန့်လွှတ် ကြိုးပမ်းနေကြသူတွေကို ဂုဏ်ပြုကြောင်းလည်း ဖော်ပြထားပါတယ်။
ဇွန်လ ၁၉ ရက်နေ့မှာ ကျရောက်မယ့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ ၆၅ နှစ်မြောက် မွေးနေ့ကို ဂုဏ်ပြုပြီး ကုလသမဂ္ဂ ဦးဆောင်တဲ့ အမျိုးသား ပြန်လည်သင့်မြတ်ရေး လုပ်ငန်းစဉ်တရပ် စတင်နိုင်ဖို့ စစ်အစိုးရ၊ ဒီမိုကရေစီ လိုလားတဲ့ နိုင်ငံရေးနဲ့ တိုင်းရင်းသား အင်အားစုတွေ၊ ဘာသာရေး ခေါင်းဆောင်တွေ  အပါအ၀င် သက်ဆိုင်သူတွေကို ၀ိုင်းဝန်းကူညီကြပါရန် အာဆီယံနဲ့ နိုင်ငံတကာ မိသားစုကို ကမ္ဘာ့ ၀ါရင့်ခေါင်းဆောင်ကြီးတွေက တောင်းဆိုလိုက်ပါတယ်။
The Elders အဖွဲ့ထဲမှာ အမေရိကန် သမ္မတဟောင်း ဂျင်မီ ကာတာ (Jimmy Carter)၊ ကုလသမဂ္ဂ အတွင်းရေးမှူးချုပ်ဟောင်း ကိုဖီ အာနန် (Kofi Annan)၊ တောင်အာဖရိက ဘုန်းတော်ကြီး ဒက်စ်မွန် တူးတူး (Desmond Tutu) တို့လည်း ပါဝင်ပါတယ်။
မြန်မာစစ်အစိုးရက လူမဆန်တဲ့ ပြစ်မှုတွေ ကျူးလွန်နေသလား ဆိုတဲ့အပေါ် ကုလသမဂ္ဂက စုံစမ်းစစ်ဆေးရေး ကော်မရှင် ဖွဲ့စည်းရေး မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ်ရဲ့ အဆိုပြုချက်ကို The Elders အဖွဲ့က ထောက်ခံခဲ့ပါတယ်။

ဒေါ်အောင်ဆန်းစုကြည် ချက်ချင်းလွှတ်ပေးဖို့ ကင်တားနား တောင်းဆို

17 ဇွန် 2010...VOA မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဖမ်းဆီးထားတာဟာ ဥပဒေမဲ့ မတရား ဆောင်ရွက်ချက်ဖြစ်တယ် ဆိုပြီး ဥပဒေမဲ့ ဖမ်းဆီး ထိန်းသိမ်းမှုဆိုင်ရာ ကုလသမဂ္ဂ အလုပ်အဖွဲ့က အမြင်သဘောထား ထုတ်ပြန်လိုက်ပါတယ်။ ကုလသမဂ္ဂရဲ့ လူ့အခွင့်အရေး ပဋိညာဉ်စာတမ်းပါ အချက်အလက်တွေ၊ အခြေခံမူတွေကို လေးစားလိုက်နာဖို့ကိုလည်း ဒီအဖွဲ့က တောင်းဆိုခဲ့ပါတယ်။


မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် မစ္စတာ တောမတ်စ် အိုဟေး ကင်တာနား (Mr. Tomas Ojea Quintana) က ဒေါ်အောင်ဆန်းစုကြည်ကို အမြန်ဆုံး လွှတ်ပေးဖို့ ဒီတောင်းဆိုချက်အပေါ် မြန်မာအစိုးရက လေးစားလိုက်နာဖို့ ထပ်မံ တောင်းဆိုလိုက်ပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ လာမယ့် ဇွန်လ ၁၉ ရက်နေ့မှာ ၆၅ နှစ်ပြည့် မွေးနေ့ ကျရောက်ခါနီးပြီမို့ သူမ လွတ်မြောက်ရေးအတွက် နိုင်ငံတကာ တိုက်တွန်း တောင်းဆိုမှုတွေ ပိုပြီး ကျယ်လောင်လာပါတယ်။ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို လွှတ်ပေးဖို့ ကိစ္စဟာ မြန်မာ့နိုင်ငံရေး အခြေအနေ၊ လူ့အခွင့်အရေး အခြေအနေ တိုးတက်စေဖို့အတွက် ကနဦးခြေလှမ်း ဖြစ်တယ်လို့ မစ္စတာကင်တာနား အနေနဲ့ အရင်ကတည်းက ထုတ်ဖော်ပြောခဲ့ပါတယ်။
ဒါ့အပြင် မြန်မာနိုင်ငံတွင်း လူ့အခွင့်အရေး ချိုးဖောက်မှုတွေကို ကုလသမဂ္ဂ အနေနဲ့ စုံစမ်းစစ်ဆေးရေး အဖွဲ့တရပ်ထားပြီး စစ်ဆေးဖို့လည်း ပန်ကြားထားသူပါ။ အခုလည်း ကုလသမဂ္ဂရဲ့ အလုပ်အဖွဲ့ အကြံပြုချက်အတိုင်း ဒေါ်အောင်ဆန်းစုကြည်ကို လွှတ်ပေးဖို့ မြန်မာအစိုးရကို တိုက်တွန်းသွားပါတယ်။
“ဒေါ်အောင်ဆန်းစုကြည်ဟာ ဥပဒေမဲ့ မတရား ဖမ်းဆီးထိန်းသိမ်း ခံထားရတာပါ။ ဒါဟာ နိုင်ငံတကာ လူ့အခွင့်အရေး ဥပဒေတွေကို ဆန့်ကျင်ချိုးဖောက်တာ ဖြစ်သလို မြန်မာနိုင်ငံရဲ့ ပြည်တွင်းဥပဒေနဲ့လည်း မကိုက်ညီပါဘူး။ ဒါကြောင့် သူမကို ချက်ချင်း အမြန်ဆုံး ပြန်လွှတ်ပေးဖို့ကို ကျနော့်အနေနဲ့ရော၊ အခု ဒီ ဥပဒေမဲ့ ဖမ်းဆီးထိန်းသိမ်းမှုဆိုင်ရာ အလုပ်အဖွဲ့ကပါ နှစ်ပေါင်းများစွာကတည်းက တောင်းဆိုခဲ့တာပါ။”
ဥပဒေမဲ့ ဖမ်းဆီးထိန်းသိမ်းမှုဆိုင်ရာ ကုလသမဂ္ဂ အလုပ်အဖွဲ့ အနေနဲ့ အခုလို သဘောထား အမြင်ကို ထုတ်ပြန်ရာမှာ နိုင်ငံတကာရော၊ ပြည်တွင်း ဥပဒေတွေကိုပါ လေ့လာပြီးမှ အကြံပြုချက် ထုတ်ပြန်ခဲ့တာ ဖြစ်ပါတယ်။ မြန်မာအစိုးရ အနေနဲ့ အခုလို အကြံပြုချက်ကို လေးစားလိုက်နာဖို့ တာဝန်ရှိတယ်လို့လည်း မစ္စတာကင်တာနားက ပြောပါတယ်။
ဒေါ်အောင်ဆန်းစုကြည် လွတ်မြောက်ရေးအတွက် နိုင်ငံတကာမှာ ဆောင်ရွက်နေတဲ့ Freedom Now အဖွဲ့က ဂျဲရက်ဒ် ဂျန်ဆာ (Jared Genser) ကတော့ မြန်မာအစိုးရ အနေနဲ့ နိုင်ငံတကာ ဥပဒေတွေကို လေးစားလိုက်နာမှု ရှိမရှိ ဒေါ်အောင်ဆန်းစုကြည်ကို ဖမ်းဆီးထားခြင်းက သက်သေပါပဲလို့ ဗွီအိုအေကို ပြောပါတယ်။
“ဥပဒေမဲ့ ဖမ်းဆီးမှုဆိုင်ရာ ကုလသမဂ္ဂ အလုပ်အဖွဲ့ အနေနဲ့ အခုလို ဖမ်းဆီးမှုဟာ နိုင်ငံတကာ ဥပဒေနဲ့ မညီဘူးလို့ ပြောတာ အခုဆို ၆ ကြိမ် ရှိပါပြီ။ မြန်မာအစိုးရ အနေနဲ့ကတော့ မကြာခင်က နျူကလီယားကိစ္စနဲ့ ပတ်သက်လို့ ငြင်းချက်ထုတ်တဲ့ နေရာမှာ ကုလသမဂ္ဂ ကြေညာစာတမ်းတွေကို သူတို့အနေနဲ့ လိုက်နာတယ်ဆိုပြီး ပြောနေပါတယ်။ ဒေါ်အောင်ဆန်းစုကြည်ကို အခုချက်ချင်းလွှတ်ပေးမယ် ဆိုရင်တော့ ဟုတ်တယ်လို့ ပြောရမှာပါ။ ဒါပေမဲ့လို့ ဖမ်းထားဦးမယ် ဆိုရင်တော့ ဒီလိုပြောတာ မမှန်ပါဘူး။”
တကယ်တော့ ဒေါ်အောင်ဆန်းစုကြည်ကို လွှတ်ပေးဖို့ အကြံပြုထားတဲ့ ဒီအလုပ်အဖွဲ့ဟာ သူတို့ရဲ့ သဘောထား အမြင်ကို ထုတ်ပြန်တဲ့ သဘောသာဖြစ်ပြီး တဘက်မှာ မြန်မာအစိုးရ မဖြစ်ဖြစ်အောင် လုပ်ပေးရမယ်ဆိုတဲ့ သဘော လုပ်ပိုင်ခွင့် သူတို့မှာ မရှိပါဘူး။ ဒါကြောင့်လည်း အခု ၆ ကြိမ်မြောက် အကြံပြုတဲ့အထိ မြန်မာအစိုးရဘက်က အပြုသဘော တုံ့ပြန်ပါ့မလား စဉ်းစားစရာပါ။ ဒါကြောင့်လည်း မစ္စတာကင်တာနားကတော့ ကုလသမဂ္ဂ လူ့အခွင့်အရေးကောင်စီ အဖွဲ့ဝင်နိုင်ငံတွေ အနေနဲ့ အခုလို လူ့အခွင့်အရေး ကိစ္စတွေမှာ ကုလသမဂ္ဂက အရေးယူ ကိုင်တွယ်နိုင်တဲ့အထိ လုပ်ပိုင်ခွင့်တွေ ရှိလာဖို့ လိုမယ်လို့ ယူဆပါတယ်။
“အလုပ်အဖွဲ့ရဲ့ လုပ်ပိုင်ခွင့်၊ ဆောင်ရွက်ခွင့်ထဲမှာ အရေးယူ ကိုင်တွယ်တာမျိုး မရှိပါဘူး။ ဒါကြောင့်လည်း အစိုးရဘက်က အလုပ်အဖွဲ့ရဲ့ အခုလို အကြံပြုချက်ကို လိုက်လျောမှု မရှိပါဘူး။ ဒါပေမဲ့ မြန်မာနိုင်ငံဟာ ကုလသမဂ္ဂ အဖွဲ့ဝင်နိုင်ငံ တနိုင်ငံ ဖြစ်ပါတယ်။ မြန်မာအစိုးရ အနေနဲ့ နိုင်ငံတကာ ဥပဒေတွေကို လေးစားလိုက်နာဖို့ လိုပါတယ်။
“ကုလသမဂ္ဂအဖွဲ့ဝင် နိုင်ငံတွေ အနေနဲ့ လူ့အခွင့်အရေးကို လေးစား လိုက်နာလာအောင် ဘယ်လို ဖျောင်းဖျပြောမလဲဆိုတာ လူ့အခွင့်အရေးကောင်စီ အဖွဲ့ဝင်နိုင်ငံတွေ အနေနဲ့ သူတို့လုပ်ပိုင်ခွင့်တွေ ခိုင်မာလာအောင် ဘယ်လိုလုပ်ရမလဲဆိုတာ ဆုံးဖြတ်သင့်ပါတယ်။ ဒါကြောင့် ဘာမှ အရေးယူနိုင်တဲ့ လုပ်ပိုင်ခွင့် မရှိရင်တော့ အလုပ်အဖွဲ့ရဲ့ အကြံပြုချက်တွေကို အစိုးရတွေက လေးစားလိုက်နာမှာ မဟုတ်ပါဘူး။”
နိုင်ငံတကာမှာ ဒေါ်အောင်ဆန်းစုကြည် လွတ်မြောက်ရေးအတွက် ဆောင်ရွက်နေတဲ့ ဂျဲရက်ဒ် ဂျန်ဆာကတော့ သူတို့အနေနဲ့ ဒေါ်အောင်ဆန်းစုကြည် လွတ်မြောက်ဖို့အတွက် အခုလို ကုလသမဂ္ဂဘက်က နည်းလမ်းတွေ အပါအ၀င် ဖြစ်နိုင်ချေရှိတဲ့ နည်းလမ်းတွေအားလုံး အသုံးပြုသွားမယ်လို့ ပြောပါတယ်။
“ဒေါ်အောင်ဆန်းစုကြည်နဲ့ အခြား နိုင်ငံရေး အကျဉ်းသားတွေ လွတ်မြောက်ရေး၊ မြန်မာနိုင်ငံတွင်း အမျိုးသား ပြန်လည်သင့်မြတ်ရေးနဲ့ ဒီမိုကရေစီရရှိရေးအတွက် နိုင်ငံတကာက အလေးထားလာဖို့ ဖြစ်နိုင်သမျှ နည်းအားလုံးနဲ့ ကြိုးပမ်းသွားမှာပါ။”
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ၆၅ နှစ်ပြည့် မွေးနေ့ အထိမ်းအမှတ် အဖြစ်နဲ့ပဲ CSW ကမ္ဘာ့ ခရစ်ယာန်ဘာသာ သွေးစည်းညီညွတ်ရေး အဖွဲ့ကလည်း မြန်မာနိုင်ငံတွင်းက လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေကို ကုလသမဂ္ဂ အနေနဲ့ စုံစမ်းစစ်ဆေးဖို့ တောင်းဆိုပါတယ်။ ဒါ့အပြင် မြန်မာစစ်အစိုးရကို နိုင်ငံတကာက လက်နက်ရောင်းချမှု ပိတ်ပင်ဖို့လည်း တိုက်တွန်းလိုက်ပါတယ်။
တချိန်တည်းမှာပဲ ကုလသမဂ္ဂ အတွင်းရေးမှူးချုပ်ဟောင်း ကိုဖီ အာနန် (Kofi Annan)၊ တောင်အာဖရိက သမ္မတဟောင်း နယ်လ်ဆင် မန်ဒဲလား (Nelson Mandela)၊ အမေရိကန် သမ္မတဟောင်း ဂျင်မီ ကာတာ (Jimmy Carter) အစရှိတဲ့ ကမ္ဘာ့ ၀ါရင့်ခေါင်းဆောင်ဟောင်းတွေကလည်း ဒေါ်အောင်ဆန်းစုကြည် လွတ်မြောက်ရေးအတွက် မြန်မာ့အိမ်နီးချင်း နိုင်ငံတွေကို မြန်မာအစိုးရကို ၀ိုင်းဝန်းဖိအားပေးဖို့ တိုက်တွန်းသွားပါတယ်။
တောင်အာဖရိကနိုင်ငံ ဂျိုဟန်နစ္စဘာ့ဂ် (Johannesburg) မှာလုပ်တဲ့ အဲဒီ ကမ္ဘာ့ ၀ါရင့်ခေါင်းဆောင်ဟောင်းတွေ အစည်းအဝေးမှာတော့ ဒေါ်အောင်ဆန်းစုကြည် နေရာအဖြစ် ခုံလွတ်တခုထားပြီး ဒေါ်အောင်ဆန်းစုကြည်ကို အမှတ်တရ ဂုဏ်ပြုခဲ့ကြပါတယ်။

ဒေါ်အောင်ဆန်းစုကြည် မွေးနေ့ပွဲ ဘန်ကောက်တွင် ကျင်းပ

June 17, 2010...ဧရာဝတီ
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်၏ ဇွန်လ ၁၉ ရက်နေ့တွင် ကျရောက်မည့် ၆၅ နှစ်မြောက် မွေးနေ့ပွဲ ဆိုင်ရာ အခမ်းအနားကို ပြည်ပ အခြေစိုက် ဒီမိုကရေစီ တပ်ပေါင်းစု ၁၀ စုတို့မှ ဦးဆောင်ပြီး ထိုင်းနိုင်ငံ ဘန်ကောက်မြို့ တွင် ယနေ့ ကျင်းပကြောင်း သိရှိရသည်။



အခမ်းအနားကို ဘန်ကောက်မြို့ နိုင်ငံခြား သတင်းထောက်များ ကလပ် (Foreign Correspondents Club of Thailand-FCCT) တွင် ကျင်းပခဲ့ခြင်း ဖြစ်ပြီး တပ်ပေါင်း စု ၁၀ စုမှ သက်ဆိုင်ရာ ပုဂ္ဂိုလ်များ၊ ထိုင်း လွှတ်တော် အမတ်ဖြစ်သူ မစ္စတာ ခရိုင်ဆတ်၊ ထိုင်းနိုင်ငံ ဆိုင်ရာ ကနေဒါ သံအမတ် မစ္စတာ ရွန် ဟော့ဖ်မန်၊ အမေရိကန်နှင့် ချက် ရီပတ်ဘလစ် သံရုံးတို့မှ တာဝန်ရှိသူများ တက်ရောက် ကြသည်။

ကရင်အမျိုးသား အစည်းအရုံးမှ အထွေထွေ အတွင်းရေးမှူး နော်စီဖိုးရာစိန်၊ ခွန်မားကိုဘန်း၊ ဦးဝင်းလှိုင်နှင့် အခမ်းအနားသို့ တက်ရောက် လာသူ ထိုင်းလွှတ်တော် အမတ် မစ္စတာ ခရိုင်ဆတ်တို့မှ အမှာ စကားများ ပြောကြား ခဲ့သည်။

အမေရိကန်၊ ကနေဒါ နှင့် ချက် ရီပတ်ဘလစ် သံအမတ်တို့မှ ဒေါ်အောင်ဆန်းစုကြည်အတွက် မွေးနေ့ သဝဏ်လွှာများကို ပေးပို့ခဲ့ကြကြောင်း တပ်ပေါင်းစု ၁၀ စုမှ နိုင်ငံခြားရေးကော်မတီများကို စုဖွဲ့ထားသည့် နိုင်ငံခြားရေးဆိုင်ရာ ပူးပေါင်း ဆောင်ရွက်မှု အဖွဲ့ (FACT) မှ တာဝန်ခံ ကိုသွင်လင်းအောင်က ဧရာဝတီသို့ ပြောသည်။

“သူတို့တွေရဲ့ သဝဏ်လွှာတွေထဲမှာတော့ ဒေါ်အောင်ဆန်းစုကြည် ကျန်းမာပါစေ၊ ဒေါ်အောင်ဆန်းစုကြည် နဲ့တကွ နိုင်ငံရေး အကျဉ်းသားအားလုံး အမြန်ဆုံး လွတ်မြောက်ကြပါစေ ဆိုပြီး ပါပါတယ်”ဟု ကိုသွင်လင်းအောင်က ပြောပြသည်။

မစ္စတာ ခရိုင်ဆတ်က အမှာစကားပြောကြားရာတွင်“ဒေါ်အောင်ဆန်းစုကြည် လွတ်မြောက်လာခဲ့မယ် ဆိုရင် ထိုင်းနိုင်ငံကို အလည်လာစေချင်ပါတယ်၊ လာခဲ့ရင်လည်း ပထမဦးဆုံးလက်ဆွဲနှုတ်ဆက်သူအဖြစ် ကျနော်ဖြစ်ချင်ပါတယ်”ဟုပြောသည်။

မစ္စတာ ခရိုင်ဆတ်ကပင် ဆက်လက်၍“လက်ရှိအခြေအနေတွင် ထိုင်းနိုင်ငံသည် မြန်မာနိုင်ငံမှ ဓာတ်ငွေ့များနှင့် အခြား သယံ ဇာတများကို ဝယ်ယူနေခြင်းသည် စစ်အစိုးရကို ထောက်ပံ့နေသကဲ့သို့ ဖြစ်နေသော်လည်း နောင်တချိန်တွင် စစ်အစိုးရ ကို ဖိအားပေးသည့် နိုင်ငံတနိုင်ငံ ဖြစ်လာစေလိုကြောင်း”ပြောဆိုသည်။

ထိုင်းနိုင်ငံဆိုင်ရာ ကနေဒါ သံအမတ် မစ္စတာ ရွန် ဟော့ဖ်မန်ကလည်း“မြန်မာနိုင်ငံ၏ ဒီမိုကရေစီအရေးနှင့် ဒေါ်အောင်ဆန်း စုကြည် ကို ဆက်လက် ထောက်ခံသွားမည်”ဟု အခမ်းအနားတွင် ပြောကြားသည်။

ဘန်ကောက်မြို့ FCCT တွင် ကျင်းပခဲ့သည်မှာ ဒေါ်အောင်ဆန်းစုကြည်၏ မွေးနေ့ အခမ်းအနား အပြင် စစ်အစိုးရ၏ ၂၀၁၀ ရွေးကောက်ပွဲကို ဆန့်ကျင်သည့် အနေဖြင့် ကမ္ဘာအနှံ့ရှိ နိုင်ငံ ပေါင်း ၂၄ နိုင်ငံတို့မှ စစ်အာဏာရှင် ရွေးကောက်ပွဲနှင့် စစ်မှန် သော ရွေးကောက်ပွဲကို မဲပေးရွေးချယ်သည့် အစီအစဉ် ပိတ်ပွဲနှင့် ရရှိထားသော မဲအရေအတွက်ကို ကြေညာခြင်း စသည့် လှုပ်ရှားမှုများလည်း ယနေ့ အခမ်းအနားတွင် ပါဝင်သည်။

ဧရာဝတီ သတင်းထောက် ဘစောတင်နှင့် စိုင်းဇွမ်ဆိုင်း ပူးပေါင်း ရေးသားသည်။

အစိုးရနှင့် ကြံ့ဖွံ့ ပါတီ ကင်းရှင်းရန် တရားဝင် တောင်းဆို

June 17, 2010...ဧရာဝတီ
စစ်အစိုးရနှင့် ဝန်ကြီးများ ဦးဆောင်နေသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP) အကြား ကင်းရှင်းမှု ရှိသင့်ပြီ ဖြစ်ကြောင်း နိုင်ငံရေး ပါတီတခုက တရားဝင် ကြေညာချက် ထုတ်ပြန်၍ တောင်းဆို လိုက်ကြောင်း သိရသည်။



ပြည်ထောင်စု ဒီမိုကရေစီပါတီ (UDP) က အချက် ၆ ချက်ပါ ကြေညာချက်ကို ယနေ့ ထုတ်ပြန်ရာတွင် ထည့်သွင်း တောင်းဆိုထားခြင်း ဖြစ်ပြီး မှတ်ပုံတင်ပြီး ပါတီတရပ်အနေဖြင့် ပထမဆုံးအကြိမ် တရားဝင် တောင်းဆိုခြင်း ဖြစ်ကြောင်း UDP ဥက္ကဋ္ဌ ဦးဖြိုးမင်းသိန်းက ဆိုသည်။

“တိုင်းမှူးတွေက ၀န်ကြီးတွေ ခရီးစဉ်မှာ လိုက်နေရတာ။ တိုင်းမှူးဆိုတာ နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီရဲ့ တိုင်းမှူးတွေလေ။ ဒါ  အရှင်းဆုံးပြောရရင် စစ်တပ်နဲ့လိုက်ပါပြီး စည်းရုံးရေးလုပ်နေတဲ့ သဘော။ ဒီလိုရောထွေးနေ တဲ့ အခြေအနေအတွက် ခွဲခွဲခြားခြားဖြစ်ဖို့ ကြေညာချက်ထုတ်လိုက်တာ”ဟု ဦးဖြိုးမင်းသိန်းက ဧရာဝတီသို့ ပြောသည်။

တောင်းဆိုထားသည့် တခြားအချက်များမှာ ရွေးကောက်ပွဲတွင် ပါဝင်နိုင်ရန် နိုင်ငံရေးအကျဉ်းသားများကို အထွေထွေ လွတ်ငြိမ်းချမ်းသာခွင့်တရပ် ထုတ်ပေးရန်၊ သတင်းမီဒီယာကို လွတ်လပ်ခွင့်ပြုရန်၊ ရွေးကောက်ပွဲ စတင်ကျင်းပမည့် ရက်ကို အမြန်ဆုံး ထုတ်ပြန်ကြေညာပေးရန်၊ လွှတ်တော် ကိုယ်စားလှယ်လောင်းများအတွက် မှတ်ပုံတင်ကြေး ကျပ် ၅ သိန်းမှာ များပြားလွန်းသဖြင့် ထိုက်သင့်သော ထောက်ပံ့ကြေး ပေးရေး ဥပဒေတရပ် ပြဌာန်းပေးရန် စသည်တို့ပါဝင်သည်။

USDP နှင့် ပတ်သက်၍ တောင်းဆိုရာတွင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ၊ စစ်အစိုးရ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (ကြံ့ဖွံ့)နှင့် USDP တို့ အကြား စနစ်တကျ စည်းခြားပေးရန် ဟူ၍ ဖြစ်သည်။

“ကြံ့ဖွံ့ အသင်းမှာ နယက က  ဗိုလ်ချုပ်မှူးကြီး သန်းရွှေဖြစ်သလို  ကြံ့ဖွံ့ အသင်းမှာ ရှိခဲ့တာကလည်း  နိုင်ငံဝန်ထမ်းတွေ။  ဒီတော့ ထုတ်ပြန်ထားတဲ့ ဥပဒေတွေအရဆို ၀န်ထမ်းတွေကို ခေါ်ယူသုံးစွဲလို့ မရဘူးဆိုတဲ့အချက်တွေ ရှိတယ်” ဟု ဦးဖြိုးမင်းသိန်းက ပြောသည်။

ဒီမိုကရက်တစ်ပါတီ (မြန်မာ) ဥက္ကဋ္ဌ ဦးသုဝေကလည်း“သံအမတ်တွေနဲ့ ပါတီတွေ တွေ့တဲ့ ပွဲတခုမှာ သူတို့ (ကြံ့ဖွံ့ပါတီ) က ကြံ့ဖွံ့ အသင်းကနေ ဆင်းသက် လာတာ။ ကြံ့ဖွံ့ အသင်းရှိသလို ကြံ့ဖွံ့ ပါတီကလည်း ရှိနေမယ်။ လုပ်ငန်းအရတော့ အသင်းနဲ့ ပါတီက မရောပါဘူးဆိုပြီး ပြောခဲ့တယ်” ဟု ပြောကြားသည်။

မတူကွဲပြားခြင်းနှင့် ငြိမ်းချမ်းရေးပါတီမှ ဦးနေမျိုးဝေက“ကြံ့ဖွံ့ အနေနဲ့ ပါတီထောင်တာကို ကြိုဆိုတယ်။ စည်းမျဉ်းစည်းကမ်းနဲ့ အညီတော့ ထောင်ပေါ့။ ကြံ့ဖွံ့အသင်းအနေနဲ့က ပြဌာန်းထားတဲ့ ဥပဒေတွေအောက်မှာရှိတဲ့ လူမှုရေးအသင်းအဖွဲ့ စည်းမျဉ်း စည်းကမ်းရဲ့ အောက်မှာနေပါ။  ခုအချိန်မှာ ဘယ်ဟာက အသင်းပါ၊ ဘယ်ဟာက ပါတီပါလို့ ပြောလို့ မရသေးဘူး ဖြစ်နေ တယ်”ဟု ဆိုသည်။

လက်ရှိ စစ်အစိုးရ လက်အောက်တွင် ပါတီများ စတင် ဖွဲ့စည်းစဉ်ကတည်းက အခက်အခဲ၊ အကျပ်အတည်းများကို ထည့်သွင်း စဉ်းစားထားပြီးဖြစ်ကြောင်း ဦးနေမျိုးဝေက ဆက်လက်ပြောကြားသည်။

ယနေ့အထိ ပါတီ ဆက်လက်တည်ထောင်ခွင့်နှင့် မှတ်ပုံတင်ခွင့် လျှောက်ထားသည့် ပါတီပေါင်း ၄၂ ပါတီ၊ မှတ်ပုံတင်ခွင့် ကျသဖြင့် လျှောက်ထားသည့် ပါတီ ၃၄ ပါတီနှင့် မှတ်ပုံတင်ခွင့် ပြုပြီးပါတီ ၃၃ ပါတီ ရှိပြီ ဖြစ်သည်။

အီရန် နိုင်ငံခြားရေး ဒု-ဝန်ကြီး မြန်မာနိုင်ငံသို့ အလည်ရောက်ရှိ

၁၇ ဇွန် ၂၀၁၀...ခေတ်ပြိုင်
အီရန် နိုင်ငံခြားရေး ဒု-ဝန်ကြီး မြန်မာနိုင်ငံသို့ ရောက်ရှိနေခြင်းသည် မြန်မာစစ်အစိုးရအနေဖြင့် အီရန်နှင့်ဆက်ဆံရေး ခိုင်မြဲစေရန် ကြိုးပမ်းခြင်းဖြစ်သည်ဟု မြန်မာနိုင်ငံအရေး လေ့လာသုံးသပ်နေသူများက ပြောဆိုသည်။

နျူကလီးယားလက်နက် ပိုင်ဆိုင်မှုနှင့်ပတ်သက်၍ အငြင်းပွားမှုများနှင့် ရင်ဆိုင်နေရသော အီရန်နိုင်ငံနှင့် ဆက်ဆံရေး ပိုမိုခိုင်မြဲစေရန် မြန်မာစစ်အစိုးရက အစဉ်တစိုက် ကြိုးပမ်းနေကြောင်း နျူကလီးယားနှင့် ပတ်သက်သည့်ဆောင်းပါးများ ရေးသားသူ ရဲဘော်ဖိုးသံချောင်းက ပြောသည်။

၎င်းက “လက်ရှိအခြေအနေမှာ ဗမာဗိုလ်ချုပ်တွေဟာ နိုင်ငံတကာ ဇာတ်ခုံပေါ်မှာ အားငယ်၊ အထီးကျန်နေတယ်။ နိုင်ငံတကာရဲ့ ပြစ်တင်ဝေဖန်မှုတွေကိုလည်း အမျိုးမျိုးခံနေရတယ်။ အဲဒီအခါမှာ အထီးကျန်နေကြတဲ့ ဘဝတူ နိုင်ငံတွေနဲ့ ဆက်ဆံရေး ခိုင်လာအောင် လုပ်ဆောင်လာတဲ့သဘောလောက်ပဲ ရှိတယ်။ အီရန်ကို ဆက်ဆံတာကလည်း နိုင်ငံရေး၊ စီးပွားရေးအမြတ်အတွက် မဟုတ်ဘူး။ နောက်ပြီး နျူကလီးယားနဲ့ ပတ်သက်တဲ့ ပံ့ပိုးမှုတွေကို ရနိုင်တဲ့အထိ ဖြစ်လာမယ်လို့လည်း ကျနော်မထင်ဘူး” ဟု ပြောကြားသည်။

အီရန် နိုင်ငံခြားရေး ဒု-ဝန်ကြီးသည် မြန်မာစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်းနှင့် ဇွန် (၁၆) ရက် နေ့လယ်တွင် နေပြည်တော်ရှိ နိုင်ငံခြားရေးဝန်ကြီးရုံး၌ တွေ့ဆုံခဲ့သည်။

အီရန် နိုင်ငံခြားရေး ဒု-ဝန်ကြီး မစ္စတာ မိုဟာမက် အလီဖာသိုလာဟီအား တွေ့ဆုံခဲ့ရာတွင် မြန်မာနိုင်ငံခြားရေးဝန်ကြီး ဦးဉာဏ်ဝင်းနှင့်အတူ နိုင်ငံခြားရေးဝန်ကြီးဌာန နိုင်ငံရေးရာဦးစီးဌာန ဒု-ညွှန်ချုပ် ဦးဟောက်ဒိုဆွမ်းနှင့် ဝန်ကြီးရုံးအဖွဲ့မှူး၊ တာဝန်ရှိသူများ တက်ရောက်ခဲ့ကြကြောင်း ယနေ့ထုတ် မြန်မာ့အလင်းသတင်းစာတွင် ရေးသားထားသော်လည်း ဆွေးနွေးမှုနှင့်ပတ်သက်၍ အသေးစိတ်ဖော်ပြထားခြင်း မရှိပေ။

နျူကလီးယား ပိုင်ဆိုင်ရေး စီမံကိန်းနှင့် ဆက်စပ်သော မြောက်ကိုရီးယားနိုင်ငံ၏ ပံ့ပိုးမှုများအကြောင်း ဖော်ပြထားသည့် ထိပ်တန်းလျှို့ဝှက်စာရွက်စာတန်းများနှင့် ဓာတ်ပုံအထောက်အထားများကို ပြည်ပမီဒီယာများက ဖွင့်ဟဖော်ထုတ်ခဲ့ပြီးသည့်နောက် မြန်မာစစ်အစိုးရက စွပ်စွဲချက်များကို “နိုင်ငံတိုင်းသည် နျူကလီးယားစွမ်းအင်ကို ငြိမ်းချမ်းသော ရည်ရွယ်ချက်ဖြင့် အသုံးပြုနိုင်သော အခွင့်အရေးရှိသည့်အချက်ကို မြန်မာနိုင်ငံမှ အစဉ်တစိုက် ထောက်ခံပါသည်” ဟု ပြန်လည်ချေပခဲ့သည်။

အပစ်ရပ် လက်နက်ကိုင် တိုင်းရင်းသားခေါင်းဆောင်တဦးကမူ မြန်မာစစ်အစိုးရသည် အမေရိကန်နိုင်ငံကို ရန်သူကဲ့သို့ သဘောထားပြီး အမေရိကန်နှင့်မတည့်သည့် နိုင်ငံများကို ပေါင်းနေသည်ဟု ပြောဆိုသည်။

၎င်းက “နအဖစစ်အစိုးရဟာ အမေရိကန်နဲ့မတည့်တဲ့ ဘယ်နိုင်ငံနဲ့မဆို နှစ်နိုင်ငံ ဆက်ဆံရေးကောင်းအောင်၊ မဟာမိတ်နိုင်ငံအဖြစ် သတ်မှတ်ပြီး ပေါင်းဖို့ဝန်မလေးဘူး။ မြောက်ကိုရီးယား၊ အီရန်၊ ဆူဒန်၊ သီိရိလင်္ကာ၊ ဆီးရီးယားတို့လို နိုင်ငံတကာမှာ သဘောထားတင်းမာပြီး ကိုယ့်ဘာသာကိုယ် ရပ်တည်နိုင်တဲ့နိုင်ငံမျိုးနဲ့ နအဖက နေချင်နေတာ။ ဒါကြောင့် ဒီလို အဲဒီနိုင်ငံတွေနဲ့ ရအောင် ပေါင်းတယ်။ ဒီလိုပေါင်းနေတယ်ဆိုတာကိုလည်း အတိအလင်း ဖော်ပြတယ်” ဟု ခေတ်ပြိုင်သို့ ပြောကြားသည်။

ပြီးခဲ့သည့် မတ်လဆန်းပိုင်းကလည်း မြန်မာစစ်အစိုးရ၏ ပြည်ထဲရေး ဒု-ဝန်ကြီး ဦးမောင်မြင့် ဦးဆောင်သော အဖွဲ့သည် အီရန် နိုင်ငံခြားရေး ဒု-ဝန်ကြီး မိုဟာမက် အလီဖာသိုလာဟီ၏ ဖိတ်ကြားချက်အရ အီရန်နိုင်ငံသို့ (၄) ရက်ကြာခရီး သွားရောက်ခဲ့သေးသည်။

အီရန် နိုင်ငံခြားရေး ဒု-ဝန်ကြီး မြန်မာနိုင်ငံသို့ အလည်ရောက်ရှိ

                     ၁၇ ဇွန် ၂၀၁၀...ခေတ်ပြိင်

်

ဒေါ်အောင်ဆန်းစုကြည်သာ အမျိုးသားပြဿနာကို ဖြေရှင်းနိုင်သူဖြစ်

ဒေါ်အောင်ဆန်းစုကြည်သာလျှင် တိုင်းပြည်၏ အမျိုးသားရေး၊ နိုင်ငံရေးပြဿနာများကို ဖြေရှင်းနိုင်မည့် ယနေ့ကာလ၏ တဦးတည်းသော အမျိုးသားခေါင်းဆောင်ဖြစ်ကြောင်း ဖယ်ခုံမြို့နယ် အမတ် ခွန်မားကိုဘန်းက ယနေ့ကျင်းပသော ဒေါ်အောင်ဆန်းစုကြည်၏ (၆၅) နှစ်မြောက် မွေးနေ့အကြိုအခမ်းအနားတွင် ထုတ်ဖော်ပြောကြားလိုက်သည်။

ကယားပြည်နယ်ဖယ်ခုံမြို့နယ် ပြည်သူ့လွှတ်တော်အမတ်နှင့် ပြည်ထောင်စုမြန်မာနိုင်ငံအမျိုးသားညွန့်ပေါင်းအစိုးရ ဖက်ဒရယ်ရေးရာဝန်ကြီး ကယားအမျိုးသား ခွန်မားကိုဘန်းက “မြန်မာပြည်မှာ အဓိကလူမျိုးကြီးတိုင်းရင်းသား (၈) မျိုးရှိတယ်။ ဒီလူတွေ အကုန်လုံးက ဒေါ်အောင်ဆန်းစုကြည်ကို လေးစားတယ်။ ဗိုလ်ချုပ်အောင်ဆန်းက လွတ်လပ်ရေးခေါင်းဆောင်ဖြစ်ပြီး ဒေါ်အောင်ဆန်းစုကြည်ဟာ ဒီမိုကရေစီရေးခေါင်းဆောင်ဖြစ်တယ်။ သူတို့ရဲ့ပွင့်လင်းရိုးသားမှုကြောင့် အမျိုးသားခေါင်းဆောင်အဖြစ် အသိအမှတ်ပြုတာဖြစ်တယ်” ဟု ပြောဆိုသည်။

ဇွန် (၁၉) ရက်တွင် ကျရောက်မည့် ဒေါ်အောင်ဆန်းစုကြည်၏ (၆၅) နှစ်မြောက် မွေးနေ့အထိမ်းအမှတ် အခမ်းအနားကို ထိုင်းနိုင်ငံ ဘန်ကောက်မြို့ရှိ နိုင်ငံခြားသတင်းထောက်များအသင်း ခန်းမ၌ကျင်းပရာ ထိုင်းနိုင်ငံဆိုင်ရာ ကနေဒါသံအမတ်ကြီး ရွန်ဟက် (ဖ်) မန်း အပါအဝင်၊ အမေရိကန်နှင့် ချက်(ဗ်) သံရုံးတို့မှ သံအရာရှိများ၊ ဒီမိုကရေစီနှင့်အမျိုးသားရေး တပ်ပေါင်းစု (၁၀) ဖွဲ့မှ ခေါင်းဆောင်များ၊ ထိုင်းနိုင်ငံ အထက်လွှတ်တော်နှင့် မြန်မာ့ရေးရာ အရှေ့တောင်အာရှ လွှတ်တော်အမတ်များ ဥက္ကဋ္ဌ ခရိုင်ဆတ်ချွန်ဟာဗန်တို့ တက်ရောက်ကြသည်။

အခမ်းအနားတက်ရောက်သည့် ကရင်အမျိုးသားအစည်းအရုံး အထွေထွေအတွင်းရေးမှူး နော်စီဖိုးရာစိန်ကလည်း “သူမဟာ အိမ်အကျယ်ချုပ်ကျနေပေမယ့် လူတွေကတော့ သူမမွေးနေ့ကို ကျင်းပနေကြတယ်။ သူမရဲ့သဘောထား အမြင်အားလုံးဟာ မြန်မာပြည်သူတွေကို ကိုယ်စားပြုနေတာပဲဖြစ်တယ်။ ကျမတို့အားလုံး လိုလားတာကတော့ မြန်မာပြည်သူတွေဟာ သူတို့နှစ်သက်တဲ့သူကို ရွေးချယ်ပိုင်ခွင့်ရှိတဲ့ ရွေးကောက်ပွဲပဲ လိုလားပါတယ်” ဟု မွေးနေ့ဆုတောင်းတွင် ထည့်သွင်း ပြောကြားသွားသည်။

ကနေဒါသံအမတ်ကြီးနှင့် အမေရိကန်၊ ချက်(ဗ်) သံရုံးတို့မှ ဆုတောင်းစကားများ ပြောကြားပြီးနောက် ခရိုင်ဆတ်ချွန်ဟာဗန်က အရှေ့တောင်အာရှ အမတ်များ၏ ဒေါ်အောင်ဆန်းစုကြည်မွေးနေ့ ဆုတောင်းသဝဏ်လွှာများကို စုစည်းတင်ပြသည်။

၎င်းက “ကျနော်တို့ဟာ ဒီလိုမွေးနေ့ပေါင်းများစွာကို သူမ မပါဘဲ၊ သူမကို လက်ဆွဲနှုတ်ဆက်ခွင့်မရဘဲ ကြိမ်ဖန်များစွာ ကျင်းပခဲ့ရပါတယ်။ ဒါဟာ အလွန့်အလွန်ကို ဝမ်းနည်းကြေကွဲစရာ ကောင်းပါတယ်။ ဒီကနေ့ဆိုရင် ကျနော်တို့ ထိုင်းနိုင်ငံထဲမှာ မြန်မာပြည်သားတွေ အများကြီးရှိပါတယ်။ သူတို့ဟာ ဒီလိုနေခွင့်ရရုံမက အလုပ်လုပ်ကိုင်ခွင့်၊ လူ့အခွင့်အရေးနဲ့ ပညာသင်ကြားခွင့်တွေလည်း ပိုမိုရရှိသင့်ပါတယ်” ဟုလည်း ထည့်သွင်းပြောကြားသွားသည်။

ထို့နောက် အခမ်းအနားတွင် မေလ (၂၇) ရက်နေ့မှစတင်၍ ကမ္ဘာ့နိုင်ငံအသီးသီးတွင် ပြုလုပ်ခဲ့သည့် “လူထုရွေးကောက်ပွဲနှင့် စစ်တပ်မှရွေးချယ်ပွဲ” ဟုဆိုသော ရွေးကောက်ပွဲအပေါ် သဘောထားရလဒ်အား တပ်ပေါင်းစုကိုယ်စားလှယ်နှစ်ဦးက ရှင်းလင်းတင်ပြရာ နိုင်ငံပေါင်း (၁၃) နိုင်ငံ၌ လူပေါင်း (၃၉,၀၀၀) ကျော်က ပါဝင်ဆန္ဒပြု ထုတ်ဖော်ကြောင်း သိရသည်။

ညနေပိုင်းတွင် “မြန်မာနိုင်ငံငြိမ်းချမ်းရေးအတွက် အမျိုးသမီးများ၏ အသံများ” ဆိုသည့် မြန်မာအမျိုးသမီးများ၏ ရင်တွင်းခံစားချက်များကို တင်ပြထားသည့် စာညွှန်းနှင့် ဝတ္ထုတိုပေါင်း (၁၁၁) ပုဒ်ပါဝင်သည့် စာအုပ်ကို မွေးနေ့အထိမ်းအမှတ်အဖြစ် အာဆီယံစင်ပြိုင် (Altsean) အဖွဲ့ကြီးက ထုတ်ဝေလိုက်သည်။

အဆိုပါစာအုပ်သည် ရေခြားမြေခြားအပါအဝင် ယနေ့မြန်မာအမျိုးသမီးထု တရပ်လုံးခံစားနေရသည့် အရေးအရာများကို ထင်ဟပ်ဖော်ပြထားပြီး “သမီးရဲ့မိဘနှစ်ပါးက သမီးကို ထိုင်းနိုင်ငံမှာ မွေးဖွားခဲ့ကြပါတယ်။ သမီးမှာ အစ်ကိုနှစ်ယောက်လည်းရှိပါတယ်။ သူတို့ကိုလည်း ထိုင်းနိုင်ငံမှာပဲ မွေးဖွားခဲ့ကြတာပါ။ ဒါပေမယ့် သမီးတို့က ထိုင်းလူမျိုးတော့ မဟုတ်ကြပါဘူး။ မြန်မာနိုင်ငံကလာတဲ့ ရွှေ့ပြောင်းအလုပ်သမားတွေ ဖြစ်ပါတယ်” စသော သန့်ရှင်းပွင့်လင်းမှုများဖြင့် ရေးဖွဲ့ထားသော အမျိုးသမီးများ၏အသံကို ကိုယ်စားပြုကြောင်း တွေ့ရှိရသည်။

ဒေါ်အောင်ဆန်းစုကြည်သာ အမျိုးသားပြဿနာကို ဖြေရှင်းနိုင်သူဖြစ်

ဒေါ်အောင်ဆန်းစုကြည်သာ အမျိုးသားပြဿနာကို ဖြေရှင်းနိုင်သူဖြစ်

ဒေါ်အောင်ဆန်းစုကြည်သာ အမျိုးသားပြဿနာကို ဖြေရှင်းနိုင်သူဖြစ်

စစ်ရဟတ်ယာဉ်ပျက်ကျ ၄ ဦးသေ

ဇွန်လ ၁၇ ရက် ၂၀၁၀...(မဇ္ဈိမ)
စစ်ဘက်ရဟတ်ယာဉ်တစီး ယမန်နေ့က ရှမ်းပြည်နယ်အတွင်း ပျက်ကျ၍ အရာရှိများအပါအဝင် စစ်သား ၄ ဦးသေဆုံးပြီး ၁ ဦးပြင်းထန်စွာ ဒဏ်ရာရရှိခဲ့သည်။

အမ်အိုင်-၂ အမျိုးအစား ရဟတ်ယာဉ်သည် ရှမ်းပြည်နယ် ပင်းတယမြို့ပြင်တွင် ဗုဒ္ဓဟူးနေ့လည်က တောင်ကိုဝင်တိုက်မိရာမှ ပျက်ကျမှုဖြစ်ကာ လိုက်ပါသွားသော ဗိုလ်မှူးကျော်ကျော်ဝင်း၊ ဗိုလ်ကြီးအဆင့်ရှိသူ နှစ်ဦးနှင့် တပ်ကြပ်တဦးတို့ သေဆုံးသွားပြီး ဗိုလ်အဆင့်ရှိသူတဦး ဒဏ်ရာပြင်းထန်စွာရ၍ အောင်ပန်းဆေးရုံသို့ ပို့ဆောင်ခဲ့ရကြောင်း လေတပ်သတင်းရပ်ကွက်က မဇ္ဈိမသို့ ပြောသည်။

ဗိုလ်မှူးကျော်ကျော်ဝင်းမှာ နမ့်ဆန်လေတပ်စခန်းတွင် တာဝန်ထမ်းဆောင်နေသူ ဖြစ်သည်။

လေ့ကျင့်ရေးလုပ်နေချိန်တွင် ရာသီဥတုဆိုးဝါးမှုကြောင့် တောင်ကိုဝင်တိုက်ခြင်း ဖြစ်သည်ဟု ရဲဘက်သတင်းရပ်ကွက်တခုကလည်း ပြောသည်။

ပျက်ကျသွားသော ရဟတ်ယာဉ်သည် မိတ္တီလာလေတပ်စခန်းမှ ဇွန် ၁၅ ရက်နေ့တွင် ပျံသန်းလာပြီး နမ့်ဆန်လေတပ်စခန်းတွင် တညအိပ်ခဲ့သည်။ နောက်တရက်တွင် အခြား ရဟတ်ယာဉ်တစီးနှင့်အတူ ပျံတက်သွားခဲ့ရာက တစင်းပျက်ကျခြင်းဖြစ်သည်ဟု လေတပ်သတင်းရပ်ကွက်က ပြောသည်။

မြန်မာလေတပ်သည် Mil Mi-2 အမျိုးအစား ရဟတ်ယာဉ်သေး ၂၂ စီးကို ပိုလန်နိုင်ငံမှ ၁၉၉ဝ- ၁၉၉၂ ခုနှစ်အတွင်း ဝယ်ယူခဲ့သည်။

ယခုနှစ်ဆန်းပိုင်းက တရုတ်ထုတ် အက်ဖ်-၇ အမျိုးအစား တိုက်လေယာဉ်တစီး ရန်ကုန် မင်္ဂလာဒုံလေဆိပ်တွင် ပျက်ကျရာ မောင်းသူသေဆုံးမှု ဖြစ်ပွားခဲ့သည်။
 

ရွေးကောက်ပွဲတွင် ကြံ့ဖွံ့အောင်နိုင်ရေး စစ်ခေါင်းဆောင် ညွှန်ကြား

ဇွန်လ ၁၆ ရက် ၂၀၁၀...မဇ္ဈိမသတင်းဌာန
ရွေးကောက်ပွဲတွင်  ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အနိုင်ရရေးအတွက် စစ်တိုင်းမှူးများအနေဖြင့် ဝိုင်းဝန်းလုပ်ဆောင်သွားရန် စစ်အစိုးရအကြီးအကဲ ဗိုလ်ချုပ်မှူးကြီးသန်းရွှေက စစ်ဘက်ထိပ်တန်း ခေါင်းဆောင်များ အစည်းအဝေးတွင် ညွှန်ကြားခဲ့ကြောင်း စစ်ဘက်သတင်းရပ်ကွက်များနှင့် လေ့လာသူများက ပြောသည်။

မေလနောက်ဆုံးပတ်အတွင်းက နေပြည်တော် ကာကွယ်ရေး ဦးစီးချုပ်ရုံး (ကြည်း)တွင် ကျင်းပခဲ့သည့် လေးလပတ်အစည်းအဝေးတွင် ဗိုလ်ချုပ်မှူးကြီးသန်းရွှေ၏ ညွှန်ကြားချက်များအနက် ဝန်ကြီးချုပ်သိန်းစိန် ဦးဆောင်သော ကြံ့ဖွံ့ပါတီ အနိုင်ရရေး လုပ်ဆောင်ရန် ညွန်ကြားခဲ့သည်ဟု ဆိုသည်။

” ရွေးကောက်ပွဲ အနိုင်ရရေးကိစ္စ၊ အန်အယ်ဒီ (အမျိုးသား ဒီမိုကရေစီ အဖွဲ့ချုပ်) ရဲ့ ရွေးကောက်ပွဲနဲ့ ပတ်သက်ပြီး သဘောထားနဲ့ လှုပ်ရှားမှု၊ မီးပြတ်ရေပြတ်ကိစ္စတွေပါတယ်” ဟု စစ်ဘက် သတင်းရပ်ကွက်တခုက ပြောသည်။  သို့သော် အသေးစိတ်ပြောရန်ကိုမူ သူက ငြင်းဆန်သည်။

၎ လပတ် အစည်းအဝေးကို  ဗိုလ်ချုပ်မှူးကြီးသန်းရွှေ ဦးဆောင်သော နအဖ ကောင်စီဝင်များ၊ စစ်ဆင်ရေး ကွပ်ကဲမှုဌာနချုပ်မှူး၊ ဒေသကွပ်ကဲရေး စစ်ဌာနချုပ်မှူး၊ တပ်မမှူး၊ စစ်ဘက်ညွှန်ကြားရေးမှူးများ၊ စစ်ကျောင်းများမှ ကျောင်းအုပ်များ၊ ကက်ဘိနက်အဖွဲ့ဝင်များ တက်ရောက်လေ့ရှိသည်။

တရုတ်-မြန်မာနယ်စပ်အခြေစိုက် စစ်ရေးလေ့လာသူ ဦးအောင်ကျော်ဇောကလည်း “ရွေးကောက်ပွဲ အောင်နိုင်ရေးအတွက် စစ်တိုင်းမှူးတွေကို ညွှန်ကြားတယ်လို့ ကျနော်တို့ ကြားမိတယ်။ ” ဟု ပြောသည်။

အစည်းအဝေးတွင် အလေးထား ဆွေးနွေးချက် အခြားတခုမှာ ရေကာတာစီမံကိန်းများ နိုင်ငံအဝှမ်း အလေးထား တည်ဆောက်ခဲ့သော်လည်း လျှပ်စစ်မီးနှင့် သောက်သုံးရေ လုံလောက်အောင် ဖြန့်ဖြူးပေးနိုင်ခြင်းမရှိသည့် အကြောင်းအရာဖြစ်သည်ဟု နေပြည်တော်ရှိ စစ်ဘက်သတင်း ရပ်ကွက်တခုက ပြောသည်။

ထို့အပြင် ဒေါ်အောင်ဆန်းစုကြည် ဦးဆောင်သော အဓိကအတိုက်အခံ အမျိုးသား ဒီမိုကရေစီ အဖွဲ့ချုပ်က ရွေးကောက်ပွဲကို ပါဝင်ယှဉ်ပြိုင်ခြင်းမပြုရန် ဆုံးဖြတ်ခဲ့ခြင်းနှင့် လူထုအကျိုးပြု လူမှုရေးလုပ်ငန်းများ လုပ်ဆောင်မည်ဟု ကြေညာခဲ့ခြင်းအပေါ် ဆွေးနွေးခဲ့ကြသည်။

ပုံမှန်အားဖြင့် လေးလတကြိမ် နိုင်ငံရေး၊ စီးပွားရေးနှင့် စစ်ဘက်ရေးရာများ ဆွေးနွေးသော လေးလပတ်အစည်းအဝေးများတွင် ဒေသအသီးသီးမှ စစ်တိုင်းမှူးများက မိမိတို့အုပ်ချုပ်ရာ ဒေသတွင်းရှိ ဖြစ်ပေါ်တိုးတက်မှုများအကြောင်း တင်ပြကြရပြီး စစ်ခေါင်းဆောင်၏ ညွှန်ကြားမှုကို နာယူကြရသည်။

ရက်သတ္တပတ် တပတ်ခန့်ကြာမြင့်သည့် မာရသွန်အစည်းအဝေးများ၏ နောက်ဆုံးရက်တွင် ကာကွယ်ရေး ဦးစီးချုပ်လည်း ဖြစ်သည့် ဗိုလ်ချုပ်မှူးကြီးသန်းရွှေ ၊ ဒုတိယအကြီးအကဲ ဒုဗိုလ်ချုပ်မှူးကြီးမောင်အေး၊ ကာကွယ်ရေး ဦးစီးချုပ်ရုံး စစ်ဆင်ရေး အထူးအဖွဲ့  ကစထမှူးနှင့် စစ်တိုင်းမှူးများ အထူးတံခါးပိတ် သီးသန့်အစည်းအဝေး ပြုလုပ်လေ့ရှိသည်။

ထို့နောက် စစ်တိုင်းမှူးများက မိမိတို့၏ သက်ဆိုင်ရာဒေသများတွင် တိုင်း အစည်းအဝေးများ ထပ်မံကျင်းပပြီး နေပြည်တော်မှ ညွှန်ကြားချက်များကို ခရိုင် ခယကနှင့် မြို့နယ် မယက ဥက္ကဋ္ဌများကို ဆက်လက် ညွှန်ကြားလေ့ရှိသည်။ 

နေပြည်တော် ဒက္ခိဏသီရိမြို့နယ်တွင် ရုံးချုပ်ဖွင့်လှစ်ထားသော ကြံဖွံပါတီကို ရွေးကောက်ပွဲ ကော်မရှင်က ဇွန်လ ၉ ရက်နေ့တွင် ပါတီထောင်ခွင့်ပြုခဲ့သည်။ 

ယခု ရွေးကောက်ပွဲကို ၂ဝဝ၈ ခုနှစ် မေလက ပြုလုပ်သည့် ဆန္ဒခံယူပွဲကဲ့သို့ ပြည်သူ့ဆန္ဒ မပါဘဲ အတင်းအကြပ် ထောက်ခံစေသည့် နည်းဖြင့် ပြုလုပ်လာဖွယ်ရှိကြောင်း ထိုင်းအခြေစိုက် မြန်မာ့အရေးလေ့လာသူ ဦးအောင်သူငြိမ်းက ပြောသည်။

“ပြီးခဲ့တဲ့ ၂ဝဝ၈ ဆန္ဒခံယူပွဲတုန်းက သူတို့လုပ်ချင်တဲ့ပုံစံမျိုး ခလုပ်နှိပ်ပြီး လုပ်သွားတယ်။ အခု ရွေးကောက်ပွဲမှာလည်း အဲဒီလို ဖြစ်လာနိုင်တယ်” ဟု သူက ပြောသည်။

၂ဝဝ၈ ခုနှစ်က ဖွဲ့စည်းအုပ်ချုပ်ပုံ အခြေခံဥပဒေကို ပြည်သူ့ဆန္ဒခံယူပွဲ မပြုလုပ်မီတွင် တိုင်း ၄ လပတ်အစည်းအဝေး၌ စစ်တိုင်းမှူးများက ခယက၊ မယက ဥက္ကဋ္ဌများကို ကန့်ကွက်မဲများကို ပယ်မဲဖြစ်ရန်၊ ထောက်ခံမဲများ ရရှိရေး နည်းမျိုးစုံဖြင့် လုပ်ဆောင်ရန် ညွှန်ကြားခဲ့ကြောင်းလည်း ထိုင်းနိုင်ငံတွင် နေထိုင်သည့် တပ်မတော် အရာရှိဟောင်းတဦးက ပြောသည်။
 

အမျိုးသားဒီမိုကရေစီ အင်အားစု

ဇွန်လ ၁၆ ရက် ၂၀၁၀...မဇ္ဈိမသတင်းဌာန
NDF ပါတီကို ဦးဆောင်သူများမှာ ရွေးကောက်ပွဲကို
ဝင်ရောက်ယှဉ်ပြိုင်ခြင်းမပြုဟု ကြေညာထားသော
ပင်မအတိုက်အခံပါတီကြီးဖြစ်သည့်
အမျိုးသားဒီမိုကရေစီအဖွဲ့ချုပ် NLD မှ သဘောကွဲ
ခွဲထွက်သွားသူများဖြစ်သည်။ NDF ပါတီဥက္ကဌမှာ ဒေါက်တာသန်းငြိမ်းဖြစ်သည်။

NDF ကို မေလ ၆ ရက် ၂ဝ၁ဝ ခုနှစ်တွင် အဖွဲ့ဝင် ၂၈ ဦးဖြင့် ဖွဲ့စည်းပြီး ဇွန်လ ၁၄ ရက်တွင် နိုင်ငံရေးပါတီအဖြစ် တည်ထောင်ခွင့် ရခဲ့သည်။

ပါတီ၏ မူဝါဒရေးရာများကို သိရှိနိုင်ရန် ခေါင်းဆောင်တဦးဖြစ်သည့် ဦးခင်မောင်ဆွေကို ဆက်သွယ်မေးမြန်းထားပါသည်။

(မှတ်ချက် ။    ။ ဦးခင်မောင်ဆွေအား ဧရာဝတီ တိုင်း၊ ပုသိမ်ခရိုင်၊ ငါးသိုင်းချောင်းမြို့တွင် ၂ဝရက်၊ ဇူလိုင်လ၊ ၁၉၄၇ ခုနှစ် တွင် မွေးဖွားသည်။ ၁၉၆၆ ခုနှစ်၌ BSC ဘူမိဗေဒ ရေနံဘာသာတွဲဖြင့် ဘွဲ့ရ။ ရေနံရှာဖွေရေး အကြီးတန်း ဘူမိဗေဒအရာရှိအဖြစ် ၁၉၆၆-၈၈ အထိ တာဝန်ထမ်းဆောင်။ ၁၉၈၈ ခုနှစ် စက်တင်ဘာလာ ၂၂ ရက် မှ စတင်၍ အမျုိးသားဒီမိုကရေစီအဖွဲ့ချုပ်တွင် ဗဟိုဦးစီးအဖွဲ့ဝင်အဖြစ် တာဝန်ထမ်းဆောင်ခဲ့သည်။  ၁၉၈၉ ခုနှစ် တွင် ဗဟိုအလုပ်အမှုဆောင် အဖွဲ့ဝင်အဖြစ် ယခုနှစ် မေလ ၆ ရက်နေ့ထိ တာဝန်ထမ်းဆောင်ခဲ့သည်။ ၁၉၉ဝ ခုနှစ် ရွေးကောက်ပွဲတွင် ရန်ကုန်တိုင်း၊ စမ်းချောင်းမြို့နယ်မှ လွှတ်တော်ကိုယ်စားလှယ်အဖြစ် အရွေးခံရ။ အောက်တိုဘာလမှ စ၍ ၂ဝဝ၈ ခုနှစ် စက်တင်ဘာ ၂၅ ထိ စုစုပေါင်း ၁၆ နှစ်နှင့် ၆ လ အကျဉ်းကျခဲ့သည်။)

ရွေးကောက်ပွဲ ဝင်ရောက်ယှဉ်ပြိုင်မည့် မဲဆန္ဒ နယ်မြေ

“လောလောဆယ်တော့ လာပြီးဆက်သွယ်ထားတဲ့ ကျနော်တို့ NDF အနေနဲ့ ပါပြီးတော့ ရွေးကောက်ပွဲ ဝင်ဖို့ အကြောင်းကြားထားတာ မြို့နယ် ၄ဝ လောက်ရှိတယ်။ ပဲခူး၊ ရှမ်းပြည်၊ ရခိုင်တို့၊ ချင်းပြည်နယ် ပလက်ဝမြို့၊ မကွေးတိုင်း အစရှိသဖြင့်က လူတွေ ဆက်သွယ် လာတာရှိပါတယ်။ နောက်ထပ် ကျန်နေတာက ရန်ကုန်တိုင်း၊ မန္တလေး၊ စစ်ကိုင်းတိုင်း၊ ဧရာဝတီတိုင်းတွေမှာတော့ ကျနော်တို့ စာရင်း မချုပ်ရသေးပါဘူး။”
”အမတ်ဦးရေ ကိုယ်စားလှယ် ၂ဝဝ လောက် ဝင်ပြိုင်ဖို့ မှန်းဆ ထားပါတယ်”

ရွေးကောက်ပွဲ ဝင်ရသည့် အကြောင်းအရင်း

“အရင်တခါတုန်းကတော့ နိုင်ငံရေးဆက်လုပ်မယ်ဆိုတဲ့ ရည်ရွယ်ချက်နဲ့ပြောတယ်။ နံပတ်တစ်က ၉ဝ ခုနှစ်တုန်းက ပြည်သူကို ဒီမိုကရေစီ ဆောင်ရွက်ပေးမယ်ဆိုတဲ့ တာဝန်ဟာ မကျေပြွန်ခဲ့တဲ့အတွက်ကြောင့်မလို့ ဒီမိုကရေစီအရေး ဆက်လက်ဆောင်ရွက်ပေးဖို့ ဝင်တာဖြစ်တယ်။ နံပါတ် ၂ က အန်ကယ် တို့ခေတ်၊ သက်တမ်းတွေမှာ ဒီမိုကရေစီဟာ ချက်ချင်းကြီးရမှာ မဟုတ်တဲ့အတွက် နောက် ၁ဝ နှစ်ကြာ စောင့်ပြီး ဒီမိုကရေစီခရီးကို လျှောက်ရအုန်းမှာမို့လို့ ဒီမိုကရေစီ လူငယ်အင်အားတွေကို နိုင်ငံရေး ကစားကွင်းထဲမှာ လမ်းပွင့်နိုင်အောင် NDF ကို တည်ထောင်ခြင်းဖြစ်ပါတယ်။"
" မြန်မာနိုင်ငံမှာ အရေးတကြီးလိုအပ်နေတဲ့ အမျိုးသားပြန်လည် သင့်မြတ်ရေးကိုရောက် အောင် လွတ်တော်ထဲကို ဝင်ရောက်ပြီးတော့ တိုင်းရင်းသားခေါင်းဆောင်၊ ဒီမိုကရေစီခေါင်းဆောင်တွေ နဲ့ ၇၅ ရာခိုင်နှုန်းမှာ ပါလာမဲ့ တပ်မတော်ခေါင်းဆောင်တွေဟာ အမျိုးသားအင်အားစုတွေအနေနဲ့ နိုင်ငံရေးယုံကြည်မှုကို တည်ဆောက်ပြီးလို့ ရှိရင် အမျိုးသားပြန်လည် သင့်မြတ်ရေးကို သွားနိုင်မယ်လို့ ယုံကြည်လို့ ရွေးကောက်ပွဲ ဝင်တာ ဖြစ်ပါတယ်”

လက်တွေ့ ကျင့်သုံးမည့် စီးပွားရေးမူဝါဒ

“ဈေးကွက်စီးပွားရေးအခြေပြု ရောပြွန်း စီးပွားရေးစနစ်လို့ သတ်မှတ်ထားပါတယ်။ ဘာကြောင့်လဲ ဆိုတော့ လူမှုအဆောက်အအုံကြီးဟာ လူလတ်တန်းစား နည်းပါးနေတဲ့အချိန် အခြေအနေမှာ ရှိပါတယ်။ ကျနော်တို့ စီးပွားရေးအရ လူတိုင်းပါဝင်နိုင်တဲ့ မျဉ်းညီကွင်း မရောက်သေးပါဘူး။ လူတိုင်း ပါဝင်နိုင်တဲ့ နိုင်ငံသားတိုင်းဟာ အခွင့်အလှမ်း ညီတူညီမျှဖြစ်အောင် သွားနိုင်တဲ့ စီးပွားရေးစနစ် ရောက်အောင် အစိုးရကနေ တာဝန်ယူပြီးတော့ ဖေးမကူညီရမယ်ဆိုတဲ့ လမ်းကြောင်းကို ရွေးတဲ့ အတွက်ကြောင့် ပုဂ္ဂလိကအပိုင်း အဓိကထားပြီးတော့ အစိုးရကနေ ဝင်ရောက်ကူညီ ဖန်တည်းပေးတာ မျိုးပေါ့။ ဥပမာ အမေရိကန်မှာဆိုရင် ကားကုမ္မဏီတွေ ပြိုလဲတဲ့အခါမှာ အစိုးရကနေ ငွေကြေးထောက် ပံ့မှုကို လုပ်ပေးသလိုပေါ့။ အဲဒီလို အစိုးရကနေထောက်ပံ့ပြီးတော့ ဈေးကွက်စီးပွားရေးကို ရှင်သန် အောင် လုပ်တဲ့လမ်းကြောင်းကို ရွေးချယ်ခြင်းဖြစ်ပါတယ်။ ဘာကြောင့်လဲဆိုတော့ နယ်တွေမှာဆိုရင် ပြည်သူတွေဟာ အလုပ်လက်မဲ့ဖြစ်နေတာတွေ၊ မိမိအလုပ်မဟုတ်ဘဲနဲ့ တခြားအလုပ်လုပ်ကို လုပ်နေရတဲ့ (under Employment) တွေ၊ ဒါမျုိးတွေ ပပျောက်အောင် ဈေးကွက်စီးပွားရေးစနစ်ကို ကျင့်သုံးဖို့ ရည်ရွယ်ခြင်းဖြစ်ပါတယ်။"

လက်ရှိ တိုင်းပြည်စီးပွားရေးအပေါ်အမြင်

“လက်ရှိ မြန်မာနိုင်ငံမှာ အဖွဲ့အသင်းတော်တော်များများကနေပြီးတော့မှ အများစုနဲ့ မသက်ဆိုင်ဘဲနဲ့ လက်ဝါးချင်းအုပ်ထားတဲ့ အနေအထားမျိုးတွေကို မြင်တွေ့နေရတယ်။ တဖွဲ့တသင်းကနေပြီးတော့ စီးပွားရေးကို ချုပ်ခိုင်ထားပြီးတော့ ဆောင်ရွက်နေတဲ့သဘောတွေ တွေ့ရတယ်။”

ပါတီရဲ့ နိုင်ငံရေး မူဝါဒ

“နိုင်ငံရေးမူဝါဒက ခုနပြောတဲ့ စီးပွားရေးမူဝါဒနဲ့ ယှဉ်ပြိုင်ပြီးတော့ တွဲဖက်ထားပါတယ်။ ဒီနိုင်ငံမှာ liberal Democracy ပေါ့၊ အမေရိကန်နိုင်ငံ၊ ဥရောပနိုင်ငံ၊ အနောက်နိုင်ငံတွေမှာ ကျင့်သုံးနေတဲ့ liberal Democracy မျိုးကို ကျနော်တို့နိုင်ငံက ချက်ချင်းလက်ငင်းကြီး မခံယူနိုင်သေးပါဘူး။ ဒါကြောင့်မလို့ ဒီမိုကရေစီသွားတဲ့လမ်းကြောင်းမှာ တဆင့်နောက်ဆုတ်ထားတဲ့ Social Liberalism လူမှုအခြေပြုလွတ်လပ်ခွင့်ဝါဒက နေပြီးတော့ Liberal Democracy ကို သွားဖို့ ရည်ရွယ်ပါတယ်။”
” လူမှုရေးနာကျင်မှုတွေကို ကူမ ပြီးတော့ သွားနိုင်အောင် နိုင်ငံရေးပုံစံကိုလည်းဘဲ လူမှုအခြေပြု လွတ်လပ်ခွင့်ဝါဒ ဆိုပြီးတော့ လူ့အခွင့်အရေးနဲ့ ဒီမိုကရေစီအရေးကို မပစ်ပယ်ဘဲနဲ့ တဖက်ကလည်းဘဲ လူမှုရေး အခြေခံတရားတွေကို ကျနော်တို့ ဆောင်ရွက်နိုင်အောင် လူမှုရေးပိုက်ကွန်တွေ ပါတဲ့ စနစ်မျိုးကို ရောက်အောင် ကျနော်တို့ ဒီလို ဖန်တီးထားတာ ဖြစ်ပါတယ်”

ရွေးကောက်ပွဲပြီးတဲ့နောက် မြန်မာနိုင်ငံမှာ ကြုံတွေ့နေရသည့် အခက်အခဲတွေကို ဖြေရှင်းနိုင်လိမ့်မယ်လို့ မျော်လင့်လား။

“ရွေးကောက်ပွဲပြီးတဲ့နောက် ဘယ်သူဘဲ အစိုးရ လုပ်လုပ်ပေါ့ဗျာ၊ ဒီဥပဒေပြုအာဏာဟာ လွတ်တော်ထဲရောက်လာမှာ ဖြစ်ပါတယ်။ ဥပဒေပြုအာဏာ၊ အုပ်ချုပ်ရေးအာဏာ၊ တရားစီရင်ရေးအာဏာတွေ တသီးတခြားစီ ရှိသွားမဲ့အချိန်မှာ ပြည်သူတွေ တင်မြောက်ထားတဲ့ လွတ်တော် ကိုယ်စားလှယ်တွေရဲ့ လက်ထဲကို ရောက်လာမှာပါ။ အဲဒီအခါမှာ ခုနကပြောခဲ့တဲ့ စီးပွားရေးမညီမျှမှုတွေကို ဥပဒေနဲ့ ပြုပြင်ဖန်တီးပြီးတော့မှ ဥပမာ ပို့ကုန်တွေမှာ အမြတ်ခွန်တွေကို တအားကောက်ခံတဲ့ဟာမျိုးတွေ ဖျက်သိမ်းပေးနိုင်သလို၊ တင့်သင့်လျောက်ပတ်တဲ့ သွင်းကုန်တွေကိုလည်းဘဲ၊ သင့်တင့်တဲ့အခွန်တွေနဲ့ ကောက်နိုင်အောင် လွတ်တော်ထဲမှာ ဥပဒေပြုမှုတွေကို ဖန်တီးဖော်ဆောင်နိုင်မှာ ဖြစ်ပါတယ်။ ဒါက တစ်အချက်ပေါ့နော်။ နံပါတ် ၂ အချက်က ဒီမိုကရေစီလူ့ဘောင်ကို ရောက်အောင် အခြေခံဥပဒေကို ဖြည်းဖြည်းချင်း ပြင်သွားဖို့ ကျနော်တို့ အဓိကအချက်အနေနဲ့ ရည်ရွယ်ထားပါတယ်။ လွတ်တော်ထဲမှာ Simple Majority ပေါ့ဗျာ၊ ၅၁ ရာခိုင်နုန်းရလို့ရှိရင် ခုနပြောခဲ့တဲ့ ဥပဒေတွေကို ညှိနိုင်း၊ တားဆီးနိုင်တဲ့ အခွင့်အရေးကို လွတ်တော်ကိုယ်စားလှယ်တွေ ရရှိမှာဖြစ်ပါတယ်”

မြန်မာနိုင်ငံမှာ ဒီမိုကရေဒီတည်ဆောက်နေတဲ့ကာလမှာ ဖွံဖြိုးတိုးတက်ဖို့ဆိုရင် ဘယ်အခန်းကဏ္ဍတွေကို ပြုပြင်ပြောင်းလဲဖို့ လိုအပ်သလဲ။

“လူထုပတ်ဝန်းကျင် သာယာစိုပြေအောင် စီးပွားရေးဥပဒေတွေဟာ အများနဲ့မပတ်သက်ဘူးဆိုပြီးတော့ တဦးတယောက် တဖွဲ့တသင်းကိုပဲ ဦးတည်ပြီးတော့ ရေးဆွဲထားတဲ့ စီးပွားရေး ဥပဒေတွေရှိလို့ ရှိရင် အများညီကစားကွင်းဖြစ်အောင် အဲဒီဥပဒေကို ပြုပြင်ပေးဖုိ့လိုပါတယ်။”
” နိုင်ငံရေးမှာ ဒီမိုကရေစီရေးနဲ့ လူ့အခွင့်အရေးကို ရောက်အောင် အခြေခံဥပဒေကို စပြီးတော့ တစချင်းတစချင်း နိုင်ငံရေးယုံကြည်မှုကို တည်ဆောက်ပြီးတော့ လွတ်တော်ထဲကို ပြင်သွားဖို့ လိုပါတယ်”

၂ဝ၁ဝ ရွေးကောက်ပွဲ အပေါ်အမြင်

” ထုတ်ပြန်ထားတဲ့ ရွေးကောက်ပွဲ၊ ပါတီဥပဒေတွေဟာ တရားမမျှတဘူးဆိုတာ အန်ကယ်တို့ ပြောထားပြီး ဖြစ်ပါပြီ။ လွတ်လပ်တဲ့ ရွေးကောက်ပွဲ ဖြစ် မဖြစ်ဆိုတာကတော့ ရွေးကောက်ပွဲ ကျင်းပတဲ့အခါမှ မဲပေးပုံ၊ မဲပေးနည်း၊ မဲရေတွက်တဲ့အခါ၊ မဲရုံစောင့်ကြပ်တာတွေ လွတ်လပ်စွာ ပေးမလားမပေးဘူးလားဆိုတာ တရားမျှတမှုနဲ့ လွတ်လပ်မှုကိုတော့ ကြိုတင်ပြောလို့မရဘူးလေ။ မဲရေတွက်တဲ့အခါ မဲကို ကလိမ်ကကျစ်လုပ်တာတွေတော့ ရှိနေသေးတယ်။ ပြည်သူတွေ သိဖို့လိုပါတယ်။ ဘယ်လောက်ပဲ တရားမျှတခြင်း မရှိဘူးဆိုပြီးတော့ ရွေးကောက်ပွဲ ဆန့်ကျင်ရင်လည်း လက်တွေ့မှာ မဖြစ်နိုင်ပါဘူးဆိုတာကို ဥပဒေမှာ ပါနေတဲ့အတွက်ကြောင့်မလို့ ဥပေဒအရ သိသာထင်ရှားမှာ ဖြစ်ပါတယ်။”

ပြိုင်ဘက်ပါတီတွေ အပေါ်အမြင်

“ဒီမိုကရေစီပါတီ အချင်းချင်းကိုတော့ ကျနော်တို့က ပြိုင်ဘက်လို သဘောမထားပါဘူး။ ညီအကို ပါတီလို့ပဲမြင်တယ်။ တိုင်းရင်းသားတွေက ဒီမိုကရေစီအင်အားစုထဲပါ ထည့်ထားတယ်။ ဒီမိုကရေစီ စစ်စစ်ပါတီတွေပေါ့လေ။ အစိုးရ နောက်ခံရှိတဲ့ ပါတီတွေကိုတော့ ကျနော်တို့က ပြိုင်ရမှာပါ။ အဲဒီပါတီတွေကတော့ ၉ ခုလောက်ရှိပါတယ်။”
” တကယ်ပြိုင်ဘက်တွေကတော့ အစိုးရနောက်ခံရှိတဲ့ပါတီတွေလို့ပဲ ပြောချင်ပါတယ်”

တကယ်လို့များ အနိုင်ရခဲ့မယ်ဆိုရင် အာဏာလွဲပေးမယ်လို့ ယုံကြည်လား။

“၁၉၉ဝ ခုနှစ် ရွေးကောက်ပွဲတုန်းကတော့ အခြေခံဥပဒေမရှိပါဘူး။ ကြိုက်သလို လုပ်လို့ရပါတယ်။ အာဏာမလွဲချင်လဲရပါတယ်။ ဒါက အာဏာသိမ်း စစ်အစိုးရကိုး၊ အာဏာသိမ်းအစိုးရကိုယ်တိုင်က သူတို့ရဲ့အခြေခံ ဥပဒေကြီးဟာ ၉၂ ရာခိုင်နုန်းမက အတည်ပြုထားတာဖြစ်တယ် ဆိုပြီးတော့ တကျော်ကျော်အော်နေတဲ့အခါမှာ အခြေခံဥပဒေနောက်ခံနဲ့ ကျင်းပတဲ့ ရွေးကောက်ပွဲကို အာဏာမပေးဘူးဆိုလို့ ရှိရင် လွဲမပေးတဲ့လူလောက်မိုက်တာ ရှိမှာမဟုတ်ပါဘူး။ ဒါဟာ ထင်ရှားမြင်သာတဲ့ အချက်တချက်ပါ”

၂ဝဝ၈ ဖွဲ့စည်းပုံအပေါ် အမြင်

“တရားမျှတမှုမရှိတဲ့ ဒီမိုကရေစီနည်းလမ်းမကျတဲ့အတွက်ကြောင့် ဒီ ၂ဝဝ၈ အခြေခံဥပဒေကို ပြင်ဆင်ဖို့အတွက် လွတ်တော်ထဲကို ရောက်အောင်သွားတာ ဖြစ်ပါတယ်။ ထိုနည်းတူစွာပဲ ရွေးကောက်ပွဲ ဥပဒေ၊ ပါတီဥပဒေတွေကို လွတ်တော်ထဲရောက်ရင် အကုန်ပြင်ဆင်ဖို့ ရည်ရွယ်ချက်ရှိပါတယ်”

ပါတီအနိုင်ရ၊ မရ မျော်လင့်ချက်

ကြိုတင်တွက်လို့တော့ မရဘူး။ ပြည်သူတွေကိုတော့ လျော့တွက်လို့မရဘူး။ သူတို့အနာဂတ်ကို ကောင်းစွာ မွန်စွာဖန်တီးပေးမဲ့ ပါတီကိုတော့ မဲပေးမှာတော့ အသေအချာပဲ။ 

ပြည်သူ့အလိုကျ ကိုယ်စားလှယ်မရှိဟု ကွမ်းခြံကုန်းမြို့ခံတို့ ပြောကြား

လာမည့် ၂၀၁၀ ရွေးကောက်ပွဲတွင်
ကွမ်းခြံကုန်းမြို့နယ်အတွက်
ပြည်သူ့အလိုကျ ကိုယ်စားလှယ်
ရွေးချယ်စရာမရှိဟု ဒေသခံအများစုက
ပြောဆိုနေကြသည်။ကွမ်းခြံကုန်းမြို့နယ် ကိုယ်စားပြု ၀င်ရောက်အရွေးခံမည့်သူမှာ ကြံ့ဖွံ့ပါတီဝင်တဦးဖြစ်သည့် ကွမ်းခြံကုန်းမြို့နယ်၊ ချောင်းဝရွာ ဇာတိဖြစ်သူ စွမ်းအင်ဝန်ကြီး ဦးလွန်းသီဖြစ်သည်။

စွမ်းအင်ဝန်ကြီးသည် ၂၀၀၀ ခုနှစ်ကပင် ကွမ်းခြံကုန်းကို စည်ပင်အောင်လုပ်ပေးခဲ့သည်ဟု မယက တာဝန်ရှိသူတဦးက ပြောသည်။

“ထန်းတောထိပ်၊ စည်ပင်အ၀ိုင်းတွေမှာ ရေစင်တွေ ဆောက်ပေးခဲ့တယ်။ အလက (၁) ကျောင်းကို (၃) ထပ်ဆောင် အထက်တန်းကျောင်းအဖြစ် အဆင့်မြှင့်ပေးခဲ့တယ်။ မီးသင်္ဂြိုဟ်စက် တည်ဆောက်ပေးခဲ့တယ်” ဟု ၎င်းက ပြောသည်။

ထို့အပြင် ကွမ်းခြံကုန်းမြို့ ကျေးလက်ပိုင်း၊ ပင်လယ်ပိုင်းနယ်မြေများ သောက်သုံးရေပြတ်လပ်စဉ် နယ်မြေခံဝန်ကြီးဟု အဆိုရှိသူ စွမ်းအင်ဝန်ကြီး ဦးလွန်းသီသည် သောက်သုံးရေ ပေးဝေရေးအဖွဲ့ကို ဖွဲ့စည်းပေးခဲ့ပြီး ယင်းအဖွဲ့တွင် မယက၊ ကြံ့ဖွံ့၊ စည်ပင်၊ မီးသတ်တို့အပြင် ဒေသအာဏာပိုင်များစွာ ပါဝင်ခဲ့ကြသည်။

သို့သော် ပြီးခဲ့သည့်ရက်ပိုင်းအတွင်း၌ ပြည်သူ့ငွေဖြင့် လှူဒါန်းသော ရေသယ်ယာဉ်များတွင် ကြံ့ဖွံ့အလံတပ်၍ ပြောင်ပြောင်တင်းတင်း အယောင်ဆောင်မှုများအပေါ် မြို့ခံတို့က ရှုတ်ချပြောဆိုမှုများ ရှိခဲ့သည်။

ထိုသို့ စွမ်းအင်၊ မီးသတ် ရေသယ်ဘောက်ဆာယာဉ်များတွင် ကြံ့ဖွံ့အလံစိုက်ထူခြင်းကို လိုလားမှုမရှိသည့် အလှူရှင်များက မြို့ခံလူငယ်အချို့နှင့် ပူးပေါင်းကာ သောက်သုံးရေ ပြတ်လပ်သည့်နယ်မြေများသို့ လိုက်လံလှူဒါန်းမှုများ ပြုလုပ်ခဲ့ကြသည်။

ယင်းလုပ်ရပ်အပေါ် နယ်မြေခံလူငယ်အချို့အား ဒေသအာဏာပိုင်တို့က ခေါ်ယူမေးမြန်းစစ်ဆေးမှုများ ရှိခဲ့သည်ဟု မြို့ခံတို့ထံမှ သိရသည်။

ဝန်ကြီးဦးလွန်းသီအနေဖြင့် ၎င်း၏ ကိုယ်ပိုင်ငွေမပါဘဲ ရေအလှူရှင်များကို ချိတ်ဆက်စီစဉ်ပေးမှုအပေါ် ကျေးဇူးတင်စရာ ကောင်းသော်လည်း ရေလှူဒါန်းသည့်ကားများကို ကြံ့ဖွံ့အလံများတပ်ခြင်းသည် မတရားစည်းရုံးခြင်း ဖြစ်ကြောင်း မြို့ခံများက သုံးသပ်သည်။

အဆိုပါလုပ်ရပ်ကို မကျေနပ်သည့် မြို့ခံလူငယ်တဦးက “ဒီနယ်မြေဟာ အန်အယ်လ်ဒီနယ်မြေပဲ။ အန်အယ်လ်ဒီဟာ ရွေးကောက်ပွဲ မ၀င်လို့ပါ။ ၀င်ခွင့် မရလို့ပါ။ ၀င်ခွင့်ရလိုက်ပါလား။ ဖွဲ့စည်းပုံအခြေခံဥပဒေ ဆန္ဒခံယူတုန်းကလို မခြိမ်းခြောက်နဲ့၊ အောက်ခြေ ရယကတွေ အခွင့်အာဏာ မသုံးနဲ့၊ မဲအားလုံး အန်အယ်လ်ဒီဘက် ရောက်သွားမယ်” ဟု ဆိုသည်။

စွမ်းအင်ဝန်ထမ်းတဦးကမူ ၀န်ကြီးဦးလွန်းသီသည် နာဂစ်အပြီးတွင် ဆူးကလပ်၊ ထင်းပုံဆိပ်ကျေးရွာတွင် အိမ်ခြေ (၂၀) ကျော်၊ သုံးခွပိုင် သရက်သုံးပင်တွင် အိမ်ခြေ (၃၀) ကျော်၊ တော်ကူးအနောက် ရွာသစ်ရွာတွင် အိမ်ခြေ (၂၀၀) ကျော်၊ မေတ္တာရွာတွင် (၇၃၆) လုံး၊ ကွမ်းခြံကုန်း မြို့မဈေးကြီး၊ လက်ခုပ်ကုန်း ဆိုင်ကလုန်း ရှယ်လ်တာ၊ စံပြရပ်ကွက်တွင် အိမ်ရာ (၃၈၉) လုံး စီမံကိန်းများ လုပ်ဆောင်ပေးခဲ့သည်ဟု ပြောဆိုသည်။

မြို့ခံတဦးက “ဒါပေမယ့် သာမန်မြို့တမြို့အနေနဲ့ သုံးသပ်တာဟာ တနိုင်ငံလုံးနဲ့စာရင် အင်မတန် သေးသိမ်ပါတယ်။ နအဖ အုပ်စိုးမှု အနှစ် (၂၀) ကျော် တိုင်းပြည် ဘာဖြစ်ခဲ့လဲ။ ပညာရေး၊ ကျန်းမာရေး ဘာတွေ တိုးတက်လာလဲ။ တိုင်းပြည်ရဲ့ အရင်းအမြစ်အားလုံး ဆုံးရှုံးသွားပြီဆိုတာတော့ ဘယ်သူမှ မငြင်းနိုင်ပါဘူး” ဟု ဝေဖန်ထောက်ပြသည်။

ကော့မှူးမြို့နယ် အန်အယ်လ်ဒီ လွှတ်တော်ကိုယ်စားလှယ် မြောင်းမြဘဆွေကမူ “တို့ဟာ စစ်အစိုးရကို မလိုချင်ဘူး။ လူကို မဆိုလိုဘူး။ စနစ်ကို မလိုချင်တာ။ စနစ်ကိုတိုက်နေတာ။ တို့ဟာ နာမည် အသေမခံဘူး။ ယုံကြည်ချက်အတွက် အသက်စွန့်မယ်။ ဒီစကားက ခုမှ ပြောတာ မဟုတ်ဘူး။ တို့တွေ တောခိုပြီး မြန်မာပြည် ပြန်ဝင်တော့ နံပါတ်တစ်လို့ ခေါ်တဲ့ ကိုနေ၀င်းကိုလည်း ပြောခဲ့တယ်။ တစ်ခွဲလို့ ခေါ်ကြတဲ့ ထောက်လှမ်းရေး လန်ဘား ကိုတင်ဦးကိုလည်း ပြောခဲ့တယ်” ဟု ပြောဆိုသည်။

ကွမ်းခြံကုန်း မြို့လူထုအနေဖြင့် အဆိုပါ အခြေအနေများအရ ၂၀၁၀ ရွေးကောက်ပွဲကို မဲဆန္ဒရှင် ပြည်သူအများစု မဲပေးကြမည် မဟုတ်ဟု မြို့ခံများအကြား ပြောဆိုနေကြသည်။

အခွန်မှူးများ လာဘ်စားမှု ပိုမိုဆိုးဝါး

၁၆ ဇွန် ၂၀၁၀...ခေတ်ပြိုင်
ယမန်နှစ်က စတင်သည့် စားသောက်ဆိုင်များအပေါ် အခွန်ငွေ
(၁ဝ) ရာခိုင်နှုန်း စည်းကြပ်မှုကို အကြောင်းပြုကာ
စားသောက်ဆိုင်လုပ်ငန်းရှင် အများစုသည် အခွန်မှူးများကို
လစဉ် ပုံမှန်ဆက်ကြေးပေးနေရကြောင်း သိရသည်။

ရန်ကုန်မြို့တွင် ဆိုင်ခွဲ (၅) ခု ဖွင့်ထားသည့် ထမင်းဆိုင်ပိုင်ရှင်ကြီးတဦးက “ကျနော့်ဆိုင်တွေအတွက် တာဝန်ယူထားတဲ့ အခွန်မှူးက ကျနော့်ကို ခေါ်ပြီး တရားဝင်အခွန်ကို သက်သက်သာသာဖြစ်အောင် သူ လုပ်ပေးမယ်၊ ဒါပေမယ့် သူ့ကို (၁) လ ကျပ် (၅) သိန်းပေးရမယ်။ ကျနော်က လျှော့ပေါ့ပေးဖို့ ပြောတော့ ဦးလေးသဘောပဲ၊ စည်းကမ်းအတိုင်း စည်းကြပ်ပါဆိုလည်း ကျနော် စည်းကြပ်ပါ့မယ်လို့ ပျော့ပျော့လေး ပြောပြီး ခြိမ်းခြောက်တယ်။ ဒါမျိုး ကျနော် မလုပ်ချင်ပေမယ့်လည်း ခုထိ သူ့ကို (၁) လ (၅) သိန်း ပေးနေရတယ်” ဟု ပြောသည်။

၎င်းက သူ့ဆိုင်တဆိုင်၏ တနေ့ရောင်းအားမှာ ကျပ်ငွေ (၃) သိန်းမှ (၅) သိန်း အကြားရှိကြောင်း၊ (၁ဝ) ရာခိုင်နှုန်း အခွန်နှင့် တွက်ပါက တနေ့ ကျပ် (၃) သောင်းမှ (၅) သောင်း၊ (၁) လ ကျပ် (၉) သိန်းမှ (၁၅) သိန်း ပေးရမည်ဖြစ်ကြောင်း၊ ဆိုင် (၅) ဆိုင် ဆိုပါက (၁) လ ကျပ်သိန်း (၅ဝ) ခန့် ကျနိုင်သည်ဟု ဆိုသည်။

“အမှန်တကယ်က အမြတ်မများဘူး။ သက်ဆိုင်ရာကို တိုင်ရင်လည်း ကိုယ့်ဆိုင်ကိုပဲ သေသေချာချာ စစ်ဆေး အခွန်စည်းကြပ်ရင် ပိုဆိုးသွားနိုင်တယ်။ ဒါကြောင့် တရားဝင် အခွန်အပြင် လစဉ် ဆက်ကြေးငွေကိုပါ ပေးနေရတယ်” ဟု အဆိုပါ ထမင်းဆိုင်ပိုင်ရှင်က ပြောသည်။

အလားတူ အခြားစားသောက်ဆိုင်ပိုင်ရှင်များကို မေးကြည့်ရာ အားလုံးနီးပါးက သက်ဆိုင်ရာ မြို့နယ်အခွန်မှူးများကို လစဉ် ဆက်ကြေးပေးနေရကြောင်း ပြောသည်။

ယခုကျင့်သုံးသည့် စနစ်အရ စားသောက်ဆိုင် အခွန်ကောက်ခံခြင်းသည် အမြတ်ရရှိမှုအပေါ် ကောက်ခံခြင်းမဟုတ်ဘဲ ကျသင့်ငွေ (သို့မဟုတ်) ဆိုင်ဝင်ငွေ၏ (၁ဝ) ရာခိုင်နှုန်း ကောက်ခံခြင်းဖြစ်သည့်အတွက် အလွန်များပြားသည့် ငွေပမာဏဖြစ်ကြောင်း လုပ်ငန်းရှင်များက ပြောသည်။

ရန်ကုန်မြို့မှ အငြိမ်းစား အခွန်ဦးစီးမှူးတဦးက “ပြဿနာက အခွန်ဦးစီးဌာနရဲ့ အခွန်စည်းမျဉ်းစည်းကမ်းတွေ မှားယွင်းတာ၊ ခေတ်မမီတာ။ နောက်တချက်က ချထားပြီးတဲ့ စည်းမျဉ်းဥပဒေတွေကို သုံးမရရင် ပြုပြင်တာ မရှိဘဲ အထက်အမိန့်အတိုင်း ဖြစ်တဲ့နည်းနဲ့ အကောင်အထည်ဖော်တာ။ အဲဒီမှာ လာဘ်ပေးလာဘ်ယူ ကိစ္စတွေ ပေါ်လာတော့တာပဲ” ဟု ပြောသည်။

အခွန်ဦးစီးဌာနအနေဖြင့် မဖြစ်မနေ ငွေကောက်ခံမည်ဆိုပါကလည်း ကျောသားရင်သား မခွဲခြားဘဲ တပြေးညီ ကောက်ခံသင့်ကြောင်း၊ ယခုမှာ အာဏာပိုင်များနှင့် နီးစပ်သူတို့ကို အခွန်အခ ညှိနှိုင်းလျှော့ပေါ့ပေးပြီး အခြား လုပ်ငန်းရှင်များအပေါ် အခွန်မှူးများက လာဘ်စားကြောင်း၊ ကာယကံရှင်က တိုင်ကြားပါက မြန်မာနိုင်ငံ ဥပဒေအရ လာဘ်ယူသူနှင့် ပေးသူကိုပါ အရေးယူရန် ပြဋ္ဌာန်းထားခြင်းကြောင့် မည်သူမှ မတိုင်ရဲကြကြောင်း လုပ်ငန်းရှင်တုိ့က ရှင်းပြသည်။

၂ဝ၁ဝ-၂ဝ၁၁ ဘဏ္ဍာရေးနှစ်အတွက် မြန်မာနိုင်ငံတွင် တနှစ်ဝင်ငွေ ကျပ် (၁ဝ,ဝဝဝ) အထက် ရှိသူတိုင်း အခွန်ငွေပေးဆောင်ရန် နေ့စဉ်သတင်းစာတို့တွင် ကြေညာလျက်ရှိသည်။

တရားမ၀င် ပို့ကုန်များ မြ၀တီတွင် ရှောင်တခင်စစ်ဆေး

၁၆ ဇွန် ၂၀၁၀...ခေတ်ပြိုင်
မြ၀တီမြို့တွင် ထိုင်းဘက်မှ တရားမ၀င် တင်သွင်းထားသည့်
ကုန်ပစ္စည်းများကို ရန်ကုန်မှ အထူးစစ်ဆေးရေးအဖွဲ့က ၀င်ရောက်စစ်ဆေးနေသည့်အတွက် ထိုင်းကုန်တင်သွင်းသည့်
မြန်မာကုန်သည်များ လုပ်ငန်းများ ရပ်ဆိုင်းထားကြသည်။

ထိုင်းဘက်မှ မော်တော်ကား၊ ဆိုင်ကယ်နှင့် ဂျပန်စက်ဘီးများ တင်သွင်းနေသည့် မြန်မာကုန်သည်တဦးက “မနေ့က စ၀င်တာ၊ ဒီနေ့ပါဆိုရင် နှစ်ရက်ရှိပြီ။ ရက်အကန့်အသတ် မရှိဘူးလို့ပြောတယ်။ အဲဒီအထူးအဖွဲ့က မြ၀တီမှာရှိတဲ့ လက်ကြီးကုန်သည်တွေ လှောင်ထားတဲ့ ပစ္စည်းဂိုဒေါင်တွေကို လိုက်စစ်ပြီး စာရင်းတွေယူသွားတယ်။ ဒါကြောင့် ကျနော်တို့လည်း ဘာကုန်မှမသွင်းဘဲ ရှောင်နေရတယ်” ဟု ပြောသည်။

အဆိုပါ စစ်ဆေးရေးအဖွဲ့ ၀င်ရောက်မှုကြောင့် မြ၀တီတွင် ကုန်သည်များ တင်သွင်းထားသည့် တရားမ၀င် လိုင်စင်မဲ့ကားများနှင့် ကုန်ပစ္စည်းအချို့ကို မြို့ပြင်ရှိ (ဒီကေဘီအေ) စခန်းများနှင့် ဂိုဒေါင်များတွင် သွားရောက်အပ်နှံမှုများ ပြုလုပ်ခဲ့ကြပြီး ကုန်သည်ကြီးများသည် မဲဆောက်တွင် တိမ်းရှောင်နေကြရသည်ဟုလည်း ပြောသည်။

အထူးအဖွဲ့က ထိုသို့ ရှောင်တခင် ၀င်ရောက်စစ်ဆေးရခြင်းမှာ မြ၀တီနယ်စပ်ကုန်သွယ်ရေးတွင် သွင်းကုန်မှရရှိသည့် အကောက်ခွန် ငွေပမာဏသည် လျာထားသတ်မှတ်ချက်ထက် များစွာ နည်းနေသည့်အတွက်ဖြစ်ကြောင်း စစ်ဆေးရေးလုပ်ငန်းများတွင် ကူညီပေးရသည့် ဒေသခံဝန်ထမ်းတဦးက ပြောသည်။

ယခင်ကလည်း မြ၀တီတွင် အလားတူ ၀င်ရောက်စစ်ဆေးမှုများ ရှိခဲ့ပြီး ထိုင်းပစ္စည်းများ တရားမ၀င် တင်ပို့နေသည့် မြန်မာကုန်သည်ကြီးအချို့ လုပ်ငန်းရပ်နားထားခဲ့ကြရသည်။

ယခုအခါ စစ်ဆေးရေးအဖွဲ့က တရားမ၀င်ကုန်ပစ္စည်း သိုလှောင်သည့် ဂိုဒေါင်များကို အသေးစိတ်စာရင်းများ ကောက်ယူပြီးသော်လည်း အဖမ်းအဆီး ပြုလုပ်ခြင်းမရှိသေးဟု သိရသည်။

မြ၀တီမြို့ခံတဦးက “ဘာပဲဖြစ်ဖြစ် ကုန်သည်တွေ အခုလို အရင်ရှောင်နေလိုက်တာ အသေချာဆုံးပဲ။ အရင်နှစ်တွေကလည်း ဒီလိုပဲ စစ်ဆေးရေးအဖွဲ့က စာရင်းကောက်ပြီးမှ ကုန်သည်တွေကို လိုက်ဖမ်းတာ။ အဲဒီတုန်းက ကုန်သည်တွေ အတော်အထိနာသွားတယ်။ ဒီအထူးအဖွဲ့က ရှောင်တခင်လာတာဆိုတော့ မြ၀တီအာဏာပိုင်တွေလည်း ဘာမှမတတ်နိုင်ဘူး” ဟု ပြောသည်။

ကုန်သည်များ၏ ဂိုဒေါင်များကို ၀င်ရောက်စစ်ဆေးမှု ပြုလုပ်ခဲ့သော်လည်း တရားမ၀င် ထိုင်းကုန်ပစ္စည်း အများအပြား သိုလှောင်ထားသည့် ဒီကေဘီအေအဖွဲ့ပိုင် ဂိုဒေါင်များကိုမူ ၀င်ရောက်စစ်ဆေးခြင်း မရှိပေ။

မြန်မာ တယ်လီပို့ အဆောက်အအုံ မီးလောင်

Tuesday, June 15, 2010...ဧရာဝတီရန်ကုန်တိုင်း လှိုင်မြို့နယ်ရှိ မြန်မာ တယ်လီပို့ (MICT) အဆောက် အအုံ
အဆောင် အမှတ် ၁ ၌ ယနေ့ နံနက် ၈ နာရီ ၃၀ မိနစ် ၀န်းကျင်တွင်
မီးလောင်မှု ဖြစ်ပွားခဲ့ကြောင်း မြန်မာတယ်လီပို့က ပြောသည်။

“၀ါယာရှော့ဖြစ်ပြီးလောင်တာ၊ လူတွေကတော့ မရောက်ကြသေးဘူး၊ ဘာမှတော့ သိပ်မဖြစ်ပါဘူး၊ မီးသတ်ကားတွေရောက်လာပြီး ငြိမ်းလိုက်ကြတယ်”ဟု မြန်မာ တယ်လီပို့ ၀န်ထမ်း အမျိုးသမီးတဦးက ပြောသည်။

အဆိုပါ အဆောင် ၁ အပေါ်ထပ်မှ ပစ္စည်းများထားသော စတိုခန်း၌ ၀ါရာရှော့ဖြစ်ကာ မီးစလောင်ခြင်း ဖြစ်ကြောင်း ၎င်းက ပြောဆို သည်။
မြန်မာ ကွန်ပျူတာ ပညာရှင် အသင်းမှ အဖွဲ့ဝင်တဦးကလည်း“အဲဒီ အဆောင်မှာ မြန်မာကွန်ပျူတာ ပညာရှင် အသင်း အခန်းရှိ တယ်၊ အစည်းအဝေး အခန်းတွေ ရှိတယ်၊ သင်တန်း ခန်းမတွေ ရှိ တယ်၊ အပေါ်ထပ် အောက်ထပ် အားလုံးကို သင်တန်း ခန်းမ တွေ နဲ့ အစည်းဝေးခန်းတွေပဲ လုပ်ထားတယ်”ဟု ပြောသည်။

ကွန်ပျူတာနှင့် ပတ်သက်သော ပစ္စည်းများ၊ သင်ထောက်ကူ ပစ္စည်းများနှင့် အစည်းအဝေးပြုလုပ်ပါက အသုံးပြုလေ့ရှိသော ပစ္စည်း များထားသည့် စတိုခန်းကို လောင်ကျွမ်းသောကြောင့် ထိုအခန်းတွင်းမှ ပစ္စည်းများ အားလုံးနီးပါး လောင်ကျွမ်းခဲ့ကြောင်း သိရ သည်။

မီးလောင်မှုမှာ နာရီဝက်ခန့်သာ ကြာမြင့်ခဲ့ပြီး ပျက်စီးဆုံးရှုံးမှု ပမာဏကိုမူ အတည်ပြုလို့ မရသေးကြောင်း၊ မီးလောင်ချိန်မှ ယခု အထိ လုံခြုံရေးချထားပြီး သင်တန်းသားများကိုလည်း ၀င်ခွင့်မပြုသေးကြောင်း သိရသည်။

“သင်တန်းတက်ဖို့ လာတာ၊ မီးလောင်လို့ဆိုပြီး မီးသတ်ကားတွေနဲ့ လုံထိန်းတွေက အခန်းထဲကို ပေးမ၀င်သေးဘူး၊ အပြင်မှာ ဒီ အတိုင်း စောင့်နေရတယ်”ဟု သင်တန်း လာတက်သူ ကျောင်းသူ တဦးက ပြောသည်။

မြန်မာတယ်လီပို့ မီးလောင်သည့် သတင်းကြောင့် အင်တာနက်ဆိုင်များမှာ ကွန်နက်ရှင်ပျက်မည်ကို စိုးရိမ်မိကြောင်း အင်တာနက် ဆိုင်များက ပြောဆိုသည်။

လူငယ်ပရိတ်သတ်အတွက် ဂျာနယ်

ဇွန်လ ၁၅ ရက် ၂၀၁၀...မဇ္ဈိမသတင်းဌာန
စာရေးဆရာဖေမြင့်နှင့် ၀ါရင့်သတင်းစာဆရာ မောင်ဝံသတို့
ပူးပေါင်းစီစဉ်သည့် နိုင်ငံရေး အကြောင်းအရာ ဦးစားပေးဖော်ပြမည့်
“ပြည်သူ့ခေတ်” ဂျာနယ်က လူငယ်စာဖတ်ပရ်ိတ်သတ်ကို ပစ်မှတ်ထားပြီး
လာမည့်လဆန်းတွင် ထုတ်ဝေသွားမည်ဟု ထုတ်ဝေသူက ပြောသည်။

“အဓိကဦးတည်တဲ့ ပရိသတ်ကတော့ လူငယ်မျိုးဆက်သစ်တွေကို ဦးတည်တာပါ။ လူငယ်တွေ အသက် ၂၀ ၊ ၂၅ အရွယ် လူငယ်တွေ ဖတ်နိုင်တဲ့ အနေအထားမျိုးပေါ့။ တချို့လူငယ်တွေဆို နိုင်ငံရေးကို သူတို့နဲ့ မဆိုင်ဘူးလို့ မြင်နေကြတာရှိတော့ နိုင်ငံရေးနဲ့ပတ်သက်ပြီး သူတို့ စိတ်ဝင်စားလာအောင် တတ်နိုင်သမျှ ကြိုးစားကြည့်လိုတဲ့ ဆန္ဒပါ” ဟု ပြည်သူ့ခေတ် ဂျာနယ်၏ ထုတ်ဝေသူနှင့် အတိုင်ပင်ခံ အယ်ဒီတာ သတင်းစာဆရာ မောင်ဝံသက မဇ္ဈိမကို ပြောသည်။

ဂျာနယ်ထုတ်ဝေခွင့်ကို စာရေးဆရာ မောင်ဝံသက ပြီးခဲ့သည့် ဧပြီလကုန်ပိုင်းတွင် စာပေစိစစ်ရေးသို့ လျှောက်ထားခဲ့ရာ မေလဆန်းပိုင်းတွင် ခွင့်ပြုခဲ့သဖြင့် ယခုကဲ့သို့ ထုတ်ဝေရန် ပြင်ဆင်နေခြင်း ဖြစ်သည်။

ပြည်သူ့ခေတ် ဂျာနယ်တွင် အယ်ဒီတာချုပ် ဖေမြင့်၊ ဒုအယ်ဒီတာချုပ် ကိုမော်လင်း၊ တာဝန်ခံ အယ်ဒီတာ ကိုမင်းနိုင်စိုး၊ အတိုင်ပင်ခံ အယ်ဒီတာများအဖြစ် မောင်ဝံသ၊ စာပေလောက ဦးမျိုးညွန့်နှင့် သရဖူ ကိုရဲတို့ ပါဝင်ကြမည်ဖြစ်သည်။

ဂျာနယ်တွင် နိုင်ငံရေးအပြင် စီးပွားရေး၊ လူမှုရေး၊ စာပေနှင့် ယဉ်ကျေးမှု အကြောင်းအရာများလည်း ဖော်ပြပေးမည်။ ထို့ပြင် ၂၀၁၀ ရွေးကောက်ပွဲနှင့်ပတ်သက်၍ နိုင်ငံရေးပါတီများ၊ နိုင်ငံရေးသမားအကြောင်း မိတ်ဆက်ကဏ္ဍများ၊ ရွေးကောက်ပွဲ သတင်းများလည်း ပါဝင်မည်ဟု သိရသည်။

“ကျနော်တို့က ၂၀၁၀ ရွေးကောက်ပွဲကို ရည်ရွယ်ပြီးတော့ အချိန်မီ နိုင်ငံရေးဂျာနယ် ထထုတ်တာ မဟုတ်ပါဘူး။ ရွေးကောက်ပွဲက အစိတ်အပိုင်း တခုအနေနဲ့ပဲ ပါဝင်တာပါ။ ရေရှည်မှာ ပြည်သူတွေနဲ့ လူငယ်တွေကို နိုင်ငံရေးဆိုတာ ငါတို့နဲ့လည်း ဆိုင်ပါလားဆိုတဲ့ အသိမျိုး ဖြစ်ထွန်းလာစေလိုတာပါ” ဟု မောင်ဝံသက ပြောသည်။

ဆရာမောင်ဝံသသည် မြန်မာ့အလင်း၊ ဟံသာဝတီနှင့် ဗိုလ်တထောင် သတင်းစာ အယ်ဒီတာဟောင်း၊ အတွေးအမြင် စာစဉ်ကို ၁၉၄၈ အောက်တိုဘာလတွင် စတင်ကာ စီစဉ်ထုတ်ဝေသည်။ ထို့အပြင် လူချွန်လူမွန် စာစဉ် (၁၉၈၅)၊ သတင်းထူးဂျာနယ် (၁၉၈၈)၊ ဘက်စုံဂျာနယ် (၁၉၈၈)၊ တော်ဝင်ဂျာနယ် (၁၉၉၄-၉၅) တို့ကို တည်းဖြတ်ထုတ်ဝေခဲ့ပြီး၊ အတွေးအမြင်စာစောင်ကို ကြီးကြပ်သူအဖြစ် လက်ရှိအချိန်အထိ ဆောင်ရွက်လျက်ရှိသည်။

ဆရာဖေမြင့်မှာမူ လူငယ်များအား ဘဝအတွက် အရှုံးမပေးစေရန် စိတ်ဓာတ်ရေးရာ လှုံ့ဆော်သည့် စာအုပ်များ၊ မူရင်းဝတ္ထုတိုများ၊ ဘာသာပြန်ဝတ္ထုတိုများ၊ အတ္ထုပ္ပတ္တိများဖြင့် နာမည်ကျော်လာခဲ့သူ ဖြစ်သည်။

ထိုးစစ်မလာစေရန် စစ်ဦးချိုးခြင်းဖြစ်ဟု KNLA ပြော

ဇွန်လ ၁၅ ရက် ၂၀၁၀...မဇ္ဈိမသတင်းဌာန
စစ်အစိုးရတပ်များက ထိုးစစ်ဆင်မည်ဟူသော သတင်းကြောင့်
လက်ဦးမှုအရယူကာ စစ်ဦးကျိုးစေရန်အတွက် တိုက်ခိုက်မှု
လုပ်ခဲ့သည်ဟု ကရင်အမျိုးသား လွတ်မြောက်ရေး တပ်မတော်
အစည်းအရုံး KNLA က ပြောသည်။


ကရင်ပြည်နယ် ကြာအင်းဆိပ်ကြီး၊ မြဝတီနှင့် ကော့ကရိတ်မြို့နယ် ဒေသတွင်း၌ လှုပ်ရှားနေသည့် စစ်ဆင်ရေးကွပ်ကဲရေးဌာနချုပ် - စကခ ၈ လက်အောက်ခံတပ်များက ကရင်အဖွဲ့အပေါ် တိုက်ခိုက်ရန် စီစဉ်နေခြင်းကြောင့် ရက်သတ္တပတ်တပတ်အတွင်း ခြုံခိုတိုက်ခိုက်မှု ၃ ကြိမ် ပြုလုပ်ခဲ့သည်ဟု ဆိုသည်။

ကရင်တပ်မဟာ ၆ နယ်မြေအတွင်း ထိုးစစ်ဆင်ရန် နေပြည်တော်က ညွှန်ကြားမှုများရှိခဲ့သည်ဟု ထောက်လှမ်းရေးသတင်းများကို ကိုးကား၍ KNLA တပ်မဟာ ၆ ပြောရေးဆိုခွင့်ရှိသူ ဗိုလ်ကြီးထဲနေက ပြောသည်။ 

ယမန်နေ့က မွန်ပြည်နယ် ဘုရားသုံးဆူမြို့နယ်တွင် ခြေမြန်တပ်ရင်း ၂၈၄ ၏ အင်အား ၆ဝ ခန့်နှင့် ကရင်ပြောက်ကျားတပ်တို့ တိုက်ပွဲဖြစ်ပွားခဲ့သည်။ အစိုးရတပ်ဘက်မှ စစ်သား ၃ ဦး ဒဏ်ရာပြင်းထန်စွာ ရရှိသွားကြောင်း KNLA ကပြောသည်။ သီးခြားအတည်ပြုချက်မရနိုင်ပါ။

ထို့အပြင် ယခုလ ၁ဝ ရက်နေ့က စကခ ၈ လက်အောက်ခံ တပ်ရင်းများနှင့် KNLA တပ်မဟာ ၆ လက်အောက်ခံ တပ်ရင်းတခုတို့ တိုက်ပွဲဖြစ်ပွားရာ အစိုးရတပ်ဘက်က ကျဆုံးမှု ၁၃ ယောက်ရှိခဲ့ပြီး ၂၁ ဦးဒဏ်ရာရသည်ဟု သတင်းများ ထွက်ပေါ်ခဲ့သည်။

ဘုရားသုံးဆူနှင့် သံဖြူဇရပ်သို့ သွားသည့် ကားလမ်းမပေါ်တွင် လက်နက်ခဲယမ်းများ တင်ဆောင်လာသည့်  စစ်ကားတစီးထဲသို့ ကရင်ပျောက်ကြား များက လက်ပစ်ဗုံးများဖြင့် တိုက်ခိုက်ခဲ့ခြင်းဖြစ်သည်။

ထို့အပြင် ထိုနေ့မှာပင် ဘုရားသုံးဆူမြို့နယ်တွင်းရှိ မြိုင်သာယာ ကျေးရွာအနီးတွင် တိုက်ပွဲဖြစ်ပွားခဲ့သေးရာ နအဖတပ်က တဦးသေ၍ သုံးဦးဒဏ်ရာရသည်ဟု KNLA ဘက်က ပြောသည်။

“ကျနော်တို့ဘက်က ပြောက်ကျားဆိုတော့ ၂-၃ ယောက်လောက်နဲ့ ထိအောင်ပစ်၊ လွတ်အောင်ရှောင်၊ လုံအောင်ပုန်းပဲဟာ။ နယ်မြေအရလည်း ကျွမ်းပြီးသားလေ” ဟု ဗိုလ်ကြီးထဲနေက ပြောသည်။

လေ့လာသူများအဆိုအရ ကရင်လက်နက်ကိုင်တပ်များသည် ပျောက်ကြားစစ်တွင် ပိုမိုကျွမ်းကျင်မှုရှိပြီး နယ်မြေခံလူထု၏ ထောက်ခံမှု ပိုမိုရခြင်းကြောင့် ပျောက်ကြားစစ်တွင် အသာရလေ့ရှိသည်။

KNLA သည် ကိုယ်ပိုင်ပြဌာန်းခွင့်အတွက် နှစ် ၆ဝ ကျော် လက်နက်ကိုင်တော်လှန်နေသော ကရင်အမျိုးသား အစည်းအရုံး၏ စစ်တပ်ဖြစ်သည်။

ရှေ့လဆန်းတွင် တရားမဝင်ဆိုင်ကယ်များကို သိမ်းတော့မည်

၁၅ ဇွန် ၂၀၁၀....ခေတ်ပြိုင်
လိုင်စင်မဲ့ ဆိုင်ကယ်များ လိုင်စင်ပြုလုပ်ပေးနေခြင်းကို
လာမည့် ဇွန် (၃ဝ) ရက်နေ့အထိ ခွင့်ပြုသွားမည်ဖြစ်ပြီး
ဇူလိုင် (၁) ရက်တွင် စတင်ဖမ်းဆီး အရေးယူတော့မည်ဖြစ်ကြောင်း
မော်လမြိုင်မြို့ ကညနရုံးမှ တာဝန်ရှိသူတဦးက ပြောသည်။

၎င်းက “အခု လပိုင်း ဆိုင်ကယ်မူလ တန်ဖိုးရဲ့ (၂ဝ) ရာခိုင်နှုန်းကို ဒဏ်ကြေးအဖြစ် ကောက်ပြီး လိုင်စင်လုပ်ပေးနေတယ်။ ဆိုတော့ (၁၂၅) စီစီ ထိုင်းနိုင်ငံလုပ် ၂ဝ၁ဝ မော်ဒယ် (၁) စီး လိုင်စင်လုပ်ရင် ကျပ် (၇) သိန်းကျော် ကုန်မယ်။ အဲဒါ ဒီလ ကုန်အထိပဲ၊ လကုန်တာနဲ့ လိုင်စင်မဲ့ ဆိုင်ကယ်တွေကို တပြည်လုံးမှာ ဖမ်းမယ်၊ ဖမ်းပြီးရင် ဆိုင်ကယ်ကို နိုင်ငံပိုင်အဖြစ် သိမ်းယူမယ်” ဟု ပြောသည်။

ဆိုင်ကယ်ကို နိုင်ငံပိုင်သိမ်းယူမည်ဆိုသော်လည်း ပိုင်ရှင်က ပြန်လည်ရယူလိုပါက လျှောက်ထားနိုင်ပြီး ဆိုင်ကယ်မူလတန်ဖိုး (၁ဝဝ) ရာခိုင်နှုန်းကို ဒဏ်ကြေးအဖြစ် ပေးဆောင်ရမည်ဖြစ်ကာ ကျန် အခွန်အခ၊ လိုင်စင်ကြေးများကိုလည်း ပေးဆောင်ရမည် ဖြစ်ကြောင်း၊ ဖမ်းဆီးခံ ထိုင်းနိုင်ငံလုပ် ဆိုင်ကယ်တစီးကို ပြန်ရွေးပါက ကျပ်သိန်း (၂ဝ) နီးပါး ကုန်ကျနိုင်သည့်အတွက် အပြီးအပိုင် သိမ်းသည့်သဘောဖြစ်ကြောင်း အဆိုပါ ကညနရုံးမှ တာဝန်ရှိသူက ရှင်းပြသည်။

စစ်အစိုးရသည် ပြီးခဲ့သည့် ၂ဝဝ၉ ဒီဇင်ဘာ (၁) ရက်မှစ၍ ရန်ကုန်စည်ပင်သာယာ နယ်နိမိတ်မှလွဲပြီး တနိုင်ငံလုံးရှိ လိုင်စင်မဲ့ ဆိုင်ကယ်များကို တရားဝင် လိုင်စင် ပြုလုပ်ပေးခဲ့သည်။ စတင် ပြုလုပ်ပေးပေးချင်း ဆိုင်ကယ်တန်ဖိုး၏ (၁ဝ) ရာခိုင်နှုန်းကို ဒဏ်ကြေးအဖြစ် သတ်မှတ်ကာ ကျန် အခွန်အခများကိုလည်း ပေါင်းစပ်ကောက်ခံခဲ့သည်။

ယခုကဲ့သို့ သတ်မှတ်လိုက်သည့်အတွက် ယင်းအချိန်က လိုင်စင်ပြုလုပ်ခ (၁၂၅) စီစီ နောက်ဆုံးပေါ် တရုတ်ပြည်လုပ် ဆိုင်ကယ် (၁) စီး (၁၉၃,၁ဝဝ) ကျပ်၊ ထိုင်းနိုင်ငံလုပ် ဆိုင်ကယ် (၁) စီး ကျပ် (၆၄၆,၈၅ဝ) ကုန်ကျကြောင်း၊ နောက်ပိုင်း ဒဏ်ကြေးကို (၂ဝ) ရာခိုင်နှုန်းအထိ တိုးမြှင့်လိုက်သည့်အတွက် တရုတ်ဆိုင်ကယ် (၁) စီး လိုင်စင်ဝင်ခ ကျပ် (၂) သိန်းကျော်နှင့် ထိုင်းဆိုင်ကယ် (၁) စီး ကျပ် (၈) သိန်းနီးပါးအထိ ကုန်ကျကြောင်း သိရသည်။

ထို့ကြောင့် တရုတ်ဆိုင်ကယ် အဝင်များသည့် မန္တလေးတိုင်းဘက်တွင် ဆိုင်ကယ်လိုင်စင်ပြုလုပ်သူ အထိုက်အလျောက် ရှိသော်လည်း ထိုင်းဆိုင်ကယ် အသုံးများသည့် မော်လမြိုင်၊ ဘားအံ၊ မြဝတီ၊ ကော့ကရိတ်နှင့် မွန်ပြည်နယ်၊ တနင်္သာရီတိုင်း တို့တွင် လိုင်စင်ပြုလုပ်သူ အလွန်နည်းသွားကြောင်း သိရသည်။

ကရင်ပြည်နယ် ကော့ကရိတ်မြို့ခံတဦးက ဆိုင်ကယ်လိုင်စင်ခများ ဈေးကြီးခြင်းကြောင့် ပြီးခဲ့သည့် တလ၌ လိုင်စင်လုပ်သူ (၁) ဦးသာရှိကြောင်း၊ အားလုံး လိုင်စင်မဲ့ ဆိုင်ကယ်များကိုသာ စီးနေကြောင်း ရှင်းပြသည်။

အလားတူ မော်လမြိုင်မြို့တွင်လည်း လိုင်စင်မဲ့ဆိုင်ကယ် အလွန်များနေကာ လကုန်ပြီးနောက် ဖမ်းဆီးမှု ပြုလုပ်ပါက ယာဉ်တိုက်မှုနှင့် လာဘ်စားမှုတို့ ပိုမိုများပြား ကျယ်ပြန့်လာမည်ကို မြို့ခံများက စိုးရိမ်နေကြသည်။

ရန်ကုန်မြို့မှ စီးပွားရေး ပညာရှင်တဦးက “ဒီဆိုင်ကယ်တွေ၊ ကားတွေဆိုတာ လိုင်စင်လုပ်ဖို့ ဖွင့်ပေးလိုက်၊ ပြန်ပိတ်ထားပြီး ဖမ်းလိုက် လုပ်ရမယ့် ကိစ္စမျိုးတွေ မဟုတ်ဘူး။ ဥပဒေအရ တရားဝင် နိုင်ငံခြားဝင်ငွေ ရှိရင် သင့်တော်တဲ့ သတ်မှတ် အခွန်နှုန်းထားတခုနဲ့ အမြဲတမ်း ပြည်တွင်းကို တင်သွင်းခွင့် ပေးထားရမယ့် ကုန်ပစ္စည်းတမျိုးပဲ ဖြစ်တယ်။ ခုလို လိုင်စင် လုပ်ပေးလိုက်၊ ပိတ်လိုက်၊ ပြန်ဖမ်းလိုက် လုပ်နေတာတွေဟာ ဈေးကွက်စီးပွားရေးနဲ့ လျော်ညီမှု မရှိဘူး” ဟု ဝေဖန်ထောက်ပြသည်။

ဆိုင်ကယ်လိုင်စင် အဝင်များသည့် မန္တလေးတိုင်းအတွင်း ပြီးခဲ့သည့် ဒီဇင်ဘာ (၁) ရက်မှ ၂ဝ၁ဝ ဇွန်လ ပထမပတ်အထိ ၁၇ ယ နံပါတ် အစီး (၉၆,ဝဝဝ)၊ ၁၈ ယ နံပါတ် (၇၇,၅ဝဝ) စုစုပေါင်း (၁၇၃,၅ဝဝ) စီး လိုင်စင်ဝင်ခဲ့ပြီးဖြစ်ကြောင်း၊ မြန်မာနိုင်ငံတွင် ၂ဝဝ၉ ဇူလိုင်လအထိ မှတ်ပုံတင်ထားသည့် ယာဉ်အရေအတွက် (၂) သန်းကျော်ရှိသည့်အနက် ဆိုင်ကယ် (၁) သန်း (၆) သိန်းကျော် ပါဝင်ကြောင်း အစိုးရထုတ်ပြန်သည့် စာရင်းဇယားများအရ သိရသည်။

အသင်းအဖွဲ့ ဖွဲ့ခွင့်မပေးသည့် နအဖကို မြန်မာအလုပ်သမားအဖွဲ့များ ဝေဖန်

၁၅ ဇွန် ၂၀၁၀....ခေတ်ပြိုင်

အလုပ်သမားသမဂ္ဂများအဖွဲ့ချုပ် (ILO) ညီလာခံတွင် မြန်မာနိုင်ငံ၌
အသင်းအဖွဲ့များ လွတ်လပ်စွာ ဖွဲ့စည်းခွင့်မရသည့်ကိစ္စအား ညီလာခံ
ကိုယ်စားလှယ်များက တင်ပြခဲ့ရာတွင် နအဖကိုယ်စားလှယ်များက
လက်မခံဘဲ ကာကွယ်ပြောဆိုခဲ့မှုကို မြန်မာအလုပ်သမားအရေး
ဆောင်ရွက်နေသည့် အဖွဲ့များက ပြစ်တင်ဝေဖန်လိုက်သည်။



ထိုင်းအခြေစိုက် မြန်မာအလုပ်သမားအရေး ဆောင်ရွက်နေသည့် (JACBA) အဖွဲ့ ဥက္ကဋ္ဌ ဦးမိုးကြိုးက “မြန်မာပြည်မှာ အလုပ်သမား၊ လယ်သမား သမဂ္ဂတွေ မရှိတဲ့အခါကြတော့ သက်ဆိုင်ရာ လူထုလူတန်းစားတွေကို အမာခံထား ရပ်တည်ပြီး အကာအကွယ်ပေးမယ့် အဖွဲ့အစည်းမရှိဘူး။ မြန်မာပြည်မှာက အဲဒီကိစ္စတွေ လျစ်လျူရှုခံထားရတာ ကြာပြီ” ဟု ပြောသည်။

မြန်မာနိုင်ငံတွင် အလုပ်သမား၊ လယ်သမား၊ ကျောင်းသားအပါအ၀င် လူထုလူတန်းစားအားလုံးသည် သက်ဆိုင်ရာသမဂ္ဂများ ပေါ်လာပါက သက်ဆိုင်ရာ လူထုလူတန်းစားကို ကာကွယ်ပေးနိုင်မည်ဖြစ်သည်ဟု ၎င်းကပြောသည်။

“မြန်မာပြည်မှာ ၁၉၆၄ ခုနှစ်ကစပြီး ဦးနေ၀င်းလက်ထက်မှာ အသင်းအဖွဲ့များဆိုင်ရာ အက်ဥပဒေအရ သမဂ္ဂတွေ အကုန်ဖျက်သိမ်းခံလိုက်ရတယ်။ အမည်ခံအစည်းအရုံးပဲ ရှိတော့တယ်။ ဒါတွေဟာ သမဂ္ဂတွေ မဟုတ်ဘူး။ စစ်အုပ်စုကတော့ ဒီသမဂ္ဂဆိုတဲ့နာမည်ကို လုံးဝမကြားချင်ဘူး။ လွတ်လပ်တဲ့သမဂ္ဂကို လိုချင်ရင်တော့ ဒီစစ်အုပ်စုကို အရင်ဆုံးဖြုတ်ချရမှာ ဖြစ်မယ်” ဟု ဦးမိုးကြိုးက ဆိုသည်။

မြန်မာအလုပ်သမားသွေးစည်းညီညွတ်ရေးအဖွဲ့ (BLSO) ၏ တာဝန်ခံ ဦးသံဒုတ်ကလည်း မြန်မာနိုင်ငံတွင် လက်ရှိအလုပ်သမားများ လုပ်အားခနည်း၍ အလုပ်ချိန်ပို လုပ်ကြရသည့်အတွက် ၎င်းတို့၏ အခွင့်အရေးများ ဆုံးရှုံးလျက်ရှိကြောင်း၊ တာဝန်ယူ ၀င်ရောက်ကူညီ ဖြေရှင်းပေးမည့် အဖွဲ့အစည်းများ မရှိသည့်အတွက် လွတ်လပ်သည့် အသင်းအဖွဲ့များနှင့် သမဂ္ဂများ မဖြစ်မနေလိုအပ်နေကြောင်း ပြောဆိုသည်။

၎င်းက “လူ့အဖွဲ့အစည်းတရပ်မှာတော့ လွတ်လပ်စွာ ထုတ်ဖော်ခွင့် အသင်းအဖွဲ့တွေ ဖွဲ့စည်းခွင့် တောင်းဆိုခွင့် ဆိုတာတွေက ဒီမိုကရေစီရဲ့အခြေခံ အနှစ်သာရတွေပဲ ဖြစ်တယ်။ သို့သော်လည်းပဲ စစ်အာဏာရှင်စနစ် တည်ရှိနေသရွေ့ အလုပ်သမားတွေရဲ့ ရှေ့အလားအလာဟာ မြန်မာပြည်မှာ ဒိထက်ဆိုးဖို့ပဲ ရှိတယ်။ အလုပ်သမားတွေက အလုပ်သမားသမဂ္ဂ ဖွဲ့စည်းနိုင်ရေးအတွက် ဒီမိုကရေစီရေးအတွက် တိုက်ပွဲဝင်ရဦးမှာ ဖြစ်တယ်” ဟု ဆိုသည်။

ဂျီနီဗာ၌ ယခုရက်ပိုင်းအတွင်း ကျင်းပပြီးစီးခဲ့သည့် (၉၉) ကြိမ်မြောက် ILO ညီလာခံသို့ တက်ရောက်ခဲ့သည့် မြန်မာနိုင်ငံ အလုပ်သမားသမဂ္ဂများအဖွဲ့ချုပ် (FTUB) ၏ အထွေထွေအတွင်းရေးမှူး ဦးမောင်မောင်ကလည်း မြန်မာနိုင်ငံအတွင်း လွတ်လပ်သည့်သမဂ္ဂများ ဖွဲ့စည်းခွင့်မရခြင်းနှင့်ပတ်သက်၍ ထိုင်း-မြန်မာနယ်စပ်တွင် ယနေ့ သတင်းစာရှင်းလင်းပွဲတရပ် ပြုလုပ်သည်။

အဆိုပါ သတင်းစာရှင်းလင်းပွဲတွင် ILO ညီလာခံ၌ ဇွန် (၁၀) ရက်တွင် မြန်မာနိုင်ငံ အလုပ်သမားအရေးဆိုင်ရာ ဆွေးနွေးမှုများအပါအ၀င် အဓမ္မလုပ်အားခိုင်းစေမှု၊ ကလေးစစ်သား စုဆောင်းအသုံးပြုမှုများကို နိုင်ငံတကာမှ ညီလာခံကိုယ်စား လှယ်များက တင်ပြအရေးဆိုခဲ့ကြသော်လည်း နအဖဘက်မှ လက်မခံသည့်အကြောင်း ဦးမောင်မောင်က ရှင်းလင်းပြောကြားခဲ့သည်။

၎င်းက “ညီလာခံမှာ ကျနော်တို့တင်ပြတာကတော့ မြန်မာပြည်မှာ ပြုပြင်ပြောင်းလဲမှုမရှိဘူး။ ဒီကိစ္စ အခုလုပ်လို့ရတယ်။ သူတို့ပြောသလို ရွေးကောက်ပွဲကို စောင့်ဖို့မလိုဘူးဆိုတာကို တင်ပြခဲ့တယ်။ ILO ကလည်း ရွေးကောက်ပွဲနဲ့မဆိုင်ဘူး၊ ပြုပြင်ပြောင်းလဲမှု အခြေခံ အလုပ်သမားအခွင့်အရေး ချိုးဖောက်မှု၊ လွတ်လပ်စွာ အသင်းအဖွဲ့များ ဖွဲ့စည်းမှုတွေကို လုပ်ပါလို့ ပြောနေတာ အနှစ် (၂၀) ကျော်ပြီ ဆိုတဲ့ဟာကို ILO က ပြောပါတယ်” ဟု ဆိုသည်။

နအဖ၏ညီလာခံကိုယ်စားလှယ်က ၂၀၁၀ ရွေးကောက်ပွဲပြီးလျှင် မြန်မာနိုင်ငံတွင် အဆိုပါအလုပ်သမားပြဿနာများနှင့် နိုင်ငံရေးပြဿနာများ ပြေလည်သွားမည်ဟု ညီလာခံတွင် ပြောကြားခဲ့သည်။

မြန်မာနိုင်ငံအတွင်း အလုပ်သမားအခွင့်အရေးနှင့် လူ့အခွင့်အရေးများကို အာဏာပိုင်များက စနစ်တကျ ချိုးဖောက်မှုမှာ နှစ်စဉ်အမှုပေါင်း (၅၀၀) ခန့် လက်ခံရရှိသည်ဟု ဦးမောင်မောင်က ပြောကြားသည်။

အလုပ်သမားအခွင့်အရေး ချိုးဖောက်မှု အရေးယူပေးရန် (၆၅) ဖွဲ့က တောင်းဆို

၁၅ ဇွန် ၂၀၁၀....ခေတ်ပြိုင်
မလေးရှားနှင့် နိုင်ငံတကာရှိ လူ့အခွင့်အရေး၊ အလုပ်သမားအရေး
လုပ်ဆောင်နေသော အဖွဲ့အစည်း (၆၅) ဖွဲ့တို့က ပူးပေါင်း၍ အလုပ်
သမားအခွင့်အရေးချိုးဖောက်မှုများကို အရေးယူပေးရန်
တောင်းဆိုလိုက်သည်။



အဆိုပါ အဖွဲ့အစည်းများ ပူးပေါင်း၍ Klang, Selangor တွင်ရှိသော Maxter Glove Manufacturing Co.Ltd က အလုပ်သမားများအပေါ် မတရားခေါင်းပုံဖြတ်၊ အနိုင်ကျင့်ခြိမ်းခြောက်မှုများကို အရေးယူပေးရန် မလေးရှားအစိုးရအား တောင်းဆိုလိုက်ခြင်းဖြစ်သည်။

မလေးရှားရှိ Supermax Corporation ကုမ္ပဏီကြီး၏ လက်အောက်ခံတခုဖြစ်သည့် ဆေးဘက်ဆိုင်ရာသုံး လက်အိတ်များ ထုတ်လုပ်သည့် Maxter Glove Manufacturing ကုမ္ပဏီက ၎င်းတို့စက်ရုံရှိ ရွှေ့ပြောင်းအလုပ်သမားများအပေါ် ငွေကြေးအရ ခေါင်းပုံဖြတ်မှုများ ရှိနေသည့်အတွက် ယင်းသို့ တောင်းဆိုရခြင်းဖြစ်သည်။

အဆိုပါ Maxter Glove ကုမ္ပဏီက အလုပ်ရှင်ပေးသွင်းရမည့် လုပ်သားငှားရမ်းခ အခွန်အား အလုပ်သမားလစာမှ ဖြတ်ယူခြင်း၊ ရင်းဂစ် (၁၈၀) သာကုန်ကျသော ကျန်းမာရေးဆေးစစ်ခကို အလုပ်သမားထံမှ ရင်းဂစ် (၁,၀၀၀) နုတ်ယူခြင်း၊ အလုပ်သမားများအား (၂) လစာ လခမပေးဘဲ နေရာထိုင်ခင်းမပေးခြင်း၊ နားရက်မရှိ တနေ့ အလုပ်ချိန် (၁၃) နာရီအထိ ခိုင်းစေခြင်း၊ မလေးရှားဥပဒေအရ ပြဋ္ဌာန်းထားသည့် အိုဗာတိုင်ကြေး မပေးခြင်း စသည်တုိ့အပြင် အလုပ်သမားအခွင့်အရေး တင်ပြတောင်းဆိုသူ မြန်မာရွှေ့ပြောင်းအလုပ်သမားတဦးအား အလုပ်မှ ထုတ်ပစ်ခဲ့သည်ဟု သိရသည်။

အဆိုပါ ခေါင်းပုံဖြတ် မတရားမှုများအား အလုပ်မှ အထုတ်ခံရသူ ကိုသုမောင်က Subang Jaya အလုပ်သမားဌာနသို့ တရားဝင်တိုင်တန်းခဲ့ပြီးသည့်နောက် Port Kalang မြို့ရှိ အလုပ်သမားဌာနသို့ ထပ်မံတိုင်တန်းခဲ့ရာမှ ဌာနက အရေးယူ မှတ်တမ်းတင်ခဲ့ခြင်းဖြစ်သည်။

ထိုကိစ္စအား ကူညီဆောင်ရွက်ပေးနေသည့် Burma Campaign Malaysia မှ ကိုထွန်းထွန်းက “စက်ရုံရဲ့ ၀ယ်လက်အားလုံးဟာ အမေရိကနဲ့ ဥရောပကဖြစ်တယ်။ ဒါကြောင့် အဲဒီဘက်အဖွဲ့တွေ ပူးပေါင်းလာကာ စားသုံးသူအခွင့်အရေး လှုပ်ရှားသူတွေပါ ပါဝင်လာပြီး စက်ရုံကို ဖိအားပေးနိုင်ဖို့ အခုလို (၆၅) ဖွဲ့ ပူးပေါင်းပြီးထုတ်လိုက်ရတာ။ နောင်မှာ မလေးရှားက စက်ရုံတွေအနေနဲ့ အလုပ်သမားအခွင့်အရေးကို လေးစားလိုက်နာလာလိမ့်မယ်၊ အထူးသဖြင့် ဒီကိစ္စ အောင်မြင်သွားရင်ပေါ့” ဟု ခေတ်ပြိုင်သို့ ပြောသည်။

မလေးရှားနိုင်ငံတွင် အလုပ်သမားအခွင့်အရေးအတွက် ၁၉၆၇ ခုနှစ်ကတည်းက ဥပဒေများပြဋ္ဌာန်းပြီးဖြစ်သော်လည်း အချို့သော အလုပ်ရှင်ဆိုးများက မတရားမှုများအား ဆက်လက် ကျူးလွန်နေဆဲဖြစ်ပြီး ယခုကဲ့သို့ အင်အားစု (၆၅) ဖွဲ့မှ ပူးပေါင်းအရေးဆို တောင်းဆိုမှုမျိုးသည် မလေးရှားနိုင်ငံတွင် ပထမဦးဆုံးဖြစ်သည်။

အဆိုပါ တိုင်ကြားမှုနှင့် ပတ်သက်၍ မလေးရှားအစိုးရ တာဝန်ရှိသူများက လိုအပ်သည့်အရေးယူမှုများ ဆက်လက်ဆောင်ရွက်သွားမည်ဟု ပြောဆိုသည်။

မလေးရှားနိုင်ငံရှိ ရွှေ့ပြောင်းအလုပ်သမားများတွင် မြန်မာပြည်သား အများဆုံးပါဝင်ပြီး (၆၀) ရာခိုင်နှုန်းသည် တရားဝင်နိုင်ငံကူး လက်မှတ်ဖြင့် လာရောက်သူများဖြစ်ကြသည်။ မလေးရှားတွင် မြန်မာရွှေ့ပြောင်းအလုပ်သမား (၅) သိန်းခန့်နှင့် ဒုက္ခသည် (၂) သိန်းခန့်ရှိသည်ဟု အလုပ်သမားအရေး ဆောင်ရွက်နေသူများထံမှ သိရသည်။

ယမန်နေ့ထုတ် မလေးရှား မာဒေးကားရီဗျူး သတင်းစာကြီးမှ အဆိုပါကိစ္စနှင့်ပတ်သက်၍ စက်ရုံတာဝန်ရှိသူများကို မေးမြန်းသော်လည်း မည်သို့မှ ပြန်လည်ဖြေကြားခြင်းမပြုဟု သိရသည်။