စီးပွားရေးကပ်ကပေးတဲ့ နိုင်ငံရေးသတိ

Crisis 05jan2010

ကျောင်းပေါင်းစုံ ငြိမ်းချမ်းရေး အားကစားပွဲတော် ဓါတ်ပုံမှတ်တမ်း

၆၂ မြောက်လွတ်လပ်ရေးနေ့ ငြိမ်းချမ်းရေးအားကစားပြိုင်ပွဲကို မဲ့ဆောက်မြို့တောင်ဘက်ရှိ ဖုတ်ဖမြို့ နယ်ကျောက်ဖရားကျေးရွားရှိ HOPE Leaning Center ကျောင်းတွင် စုပေါင်းကျင်းပရာ ကျောင်းသားခလေးငယ်ပေါင်း (၁၅၀)ခန့် ပါဝင်ယှဉ်ပြိုင်ခဲ့ကြကြောင်းသိရပါသည်။

View all
Get your own

ပေးပို့ပေးသူ - ကိုအရှည်ကြီး

သတင်းထောက် မလှလှဝင်းကို ထောင်ဒဏ် ၂၀ နှစ်တိုး

ချင်းမိုင် (မဇ္ဈိမ) ။ ။ သတင်းလိုက်ရင်း ဖမ်းဆီးခံရသော အမျိုးသမီး သတင်းထောက် တဦးကို ပခုက္ကူခရိုင် တရားရုံးက ထောင်ဒဏ် နှစ် ၂၀ ထပ်တိုး ချမှတ်လိုက်ကြောင်း တရားရေးသတင်း ရပ်ကွက်တခုက ပြောသည်။

ပခုက္ကူထောင်တွင်း ထိန်းသိမ်းခံနေရသည့် ပြည်ပအခြေစိုက် သတင်းဌာနတခုအတွက် သတင်းပေးပို့ခဲ့သည်ဟု ယုံကြည်ရသော မလှလှဝင်းနှင့် သူ၏ အမှုတွဲဖြစ်သူ ကိုမြင့်နိုင်တို့အား ဒီဇင်ဘာ ၃၁ ရက်နေ့က ထောင်ဒဏ် အနှစ် ၂၀ နှင့် ၂၅ နှစ် အသီးသီး ထပ်ဆောင်းလိုက်ခြင်း ဖြစ်သည်။

အီလက်ထရောနစ် ဥပဒေနှင့် အခြား နိုင်ငံရေး ပုဒ်မတခုဖြင့် စွဲချက်တင် ထောင်ဒဏ် တိုးချခဲ့ခြင်းဟု သိရှိရသော်လည်း အသေးစိတ်ကို မသိရနိုင်သေးဘဲ ရှိနေသည်။

ပြီးခဲ့သည့်နှစ် စက်တင်ဘာလ ၁၁ ရက်နေ့တွင် မလှလှဝင်းသည် မကွေးတိုင်း ပခုက္ကူမြို့ရှိ သာသနာ့ ဝိပုလာရာမ ပါဠိတက္ကသိုလ် (အနောက်တိုက်) မှ သံဃာတော်များကို တွေ့ဆုံ မေးမြန်းခဲ့ပြီး အပြန်လမ်းတွင် သူတည်းခိုသည့် အိမ်ရှင် ကိုမြင့်နိုင်နှင့်အတူ ဖမ်းဆီးခံခဲ့ရသည်။

တရားမဝင် ဆိုင်ကယ်စီးသည်ဟုဆို၍ ၎င်းတို့နှစ်ဦးကို ပြီးခဲ့သည့်နှစ် အောက်တိုဘာလ ၆ ရက်နေ့တွင် သွင်းကုန် ထွက်ကုန် အက်ဥပဒေ ပုဒ်မ ၅၁ ဖြင့် ပခုက္ကူမြို့နယ် တရားရုံးက ထောင်ဒဏ် ၇ နှစ် ချမှတ်ခဲ့သည်။

နိုင်ငံရေးနှင့် ပတ်သက်သည့် အမှုများကို လိုက်ပါဆောင်ရွက်လျှင် အာဏာပိုင်များ၏ ဖိနှိပ်ငြိုငြင်ခြင်း၊ ဖမ်းဆီး ခြိမ်းခြောက်ခြင်းနှင့် အဖိုးအခ ရနိုင်ရန် အခွင့်အလမ်း နည်းမှုတို့ကြောင့် ပခုက္ကူရှိ ရှေ့နေများက တရားဆိုင်ဘက်သို့ အကျိုးဆောင်လိုက်ပါပေးရန် မဝံ့မရဲ ဖြစ်နေကြသည်ဟု ရန်ကုန်မြို့နေ ဥပဒေ အတိုင်ပင်ခံ ဦးအောင်သိန်းက ပြောသည်။

ယခုကဲ့သို့ ထောင်ဒဏ် ချမှတ်လိုက်သည့်အပေါ် ပြင်းထန်စွာ ရှုတ်ချသည်ဟု ထိုင်းနိုင်ငံ အခြေစိုက် မြန်မာသတင်းသမဂ္ဂ BMA ဒုဥက္ကဋ္ဌ ဦးဇင်လင်းက မဇ္ဈိမကို ပြောသည်။

“လူထု သိသင့်တဲ့ သတင်းအချက်အလက်တွေ ရရှိဖို့အတွက်၊ လူထုကို တင်ပြနိုင်ဖို့အတွက် ဖမ်းဆီးခံရတာ ဖြစ်တယ်။ ခုလို သတင်းထောက် တယောက်ကို မတရားတဲ့ စွဲချက်တွေနဲ့ နှစ်များစွာ ချမှတ်တဲ့အပေါ်မှာ ပြင်းထန်စွာ ရှုတ်ချတယ်၊ ကန့်ကွက်တယ်” ဟု ဦးဇင်လင်းက ပြောသည်။

၂၀၀၇ ခုနှစ် စက်တင်ဘာ ရွှေဝါရောင် တော်လှန်ရေးမှစ၍ ၂၀၀၉ ခုနှစ်အတွင်း စာနယ်ဇင်းသမားများ စုစုပေါင်း ၁၄ ဦးခန့် ရှိသည်ဟု BMA က ပြောသည်။

(ကိုဝိုင်း တည်းဖြတ်သည်။)

Kenji Nagai Memorial Prize 2010

၂၀၁၀ ခုနှစ် ရွှေဝါရောင်တော်လှန်ရေးတွင် အသက်ဆုံးရှုံးခဲရသူ ဂျပန်လူးမျိုး မစ္စတာ ကင်ဂျီ နာဂါအိ အမှတ်တရဆု အတွက် ဖော်ပြပါ လင့်သို့ သွား၍ မလှလှဝင်း အပါအဝင် သတင်းထောက် ၃ ဦးအား မဲဆန္ဒ ပြုပေးကြပါခင်ဗျာ

http://www.bma. co.cc/Poll- results/Kenji- Nagai-Memorial- Prize-2009. html

သခင်သိန်းဖေ၏ မိန့်ခွန်း

(၆၂)နှစ်မြောက် လွတ်လပ်ရေးနေ့ အထိမ်းအမှတ်အဖြစ် ၀ါရင့်နိုင်ငံရေးလုပ်ဖော်ကိုင်ဖက်များမှ ကြီးမှူးကျင်းပသည့် အခမ်းအနားတွင် ပြောကြားသည့် သဘာပတိ သခင်သိန်းဖေ၏ မိန့်ခွန်း

ကြွရောက်လာကြတဲ့

o အမျိုးသားဒီမိုကရေစီအဖွဲ့ချုပ်ခေါင်းဆောင်ကြီးငယ်များ
o တိုင်းရင်းသားလူမျိုးစုအဖွဲ့အသီးသီးမှ ခေါင်းဆောင်ကြီးငယ်များ
o ပါတီအဖွဲ့အသီးသီးမှ ခေါင်းဆောင်ကြီးငယ်များ
o လွတ်လပ်ရေးတိုက်ပွဲဝင် အသက်မသေကျန်ရစ်ခဲ့သော ရဲဘော်ကြီးများ
o တိုင်းရင်းသားသွေးစည်ညီညွတ်ရေး ဒီမိုကရေစီအခွင့်အရေးများရရှိရေးအတွက် တိုက်ပွဲဝင်နေကြ သော အမျိုးသား/ အမျိုးသမီး၊ ကျောင်းသားလူငယ်မောင်မယ်များ ခင်ဗျား။

ကနေ့ သက္ကရာဇ် ၂၀၁၀ခုနှစ်၊ ဇန်န၀ါရီလ ၄ရက်နေ့မှာ ကျရောက်တဲ့ (၆၂)နှစ်မြောက် လွတ်လပ်ရေးနေ့ အခမ်းအနားကို အခုလို တက်တက်ကြွကြွတက်ရောက်လာကြတဲ့ အတွက် ကျနော် တို့ဝါရင့်နိုင်ငံရေး လုပ်ဖော်ကိုင်ဖက်များ ကိုယ်စား လှိုက်လှိုက်လှဲလှဲဝမ်းမြောက်ဝမ်းသာ ကြိုဆိုနှုတ်ခွန်း ဆက်ပါတယ်။ တိုက်ပွဲဝင်ရဲဘော်ရဲဘော်မများဖြစ်ကြတဲ့အတွက် တွေ့ကြုံဆဲ တွေ့ကြုံရအံ့သော ဘေးအန္တရာယ် အသွယ်သွယ်မှလဲ ကင်းဝေးလွတ်မြောက်ကြပါစေလို့ မေတ္တာပို့သပါတယ်။

ကျနော်တို့ ကိုယ်တိုင်ကလဲ အသက်အရွယ်ကြီးရင့်နေကြသည့်တိုင် မူလရည်မှန်းချက်ပန်းတိုင် ရောက်သည့်အထိ ခင်ဗျားတို့နှင့်အတူ မခွဲတမ်းလက်တွဲဆောင်ရွက်ကြမယ်ဆိုတဲ့ ကျနော်တို့အားလုံးရဲ့ အဓိဌာန်ကိုပြောကြားလိုပါတယ်။

ရဲဘော်များခင်ဗျား-

ကျနော်တို့ရဲ့ မိဘဘိုးဘွားများနှင့်အတူ ပြည်သူတစ်ရပ်လုံးဟာ ခရစ်သက္ကရာဇ် ၁၈၈၅၊ နိုဝင်ဘာလ ၂၇ရက်နေ့ကစပြီး လက်လွတ်ဆုံးရှုံးခဲ့ရတဲ့ လွတ်လပ်ရေးကို ပြန်လည်လက်ဝယ်ရရှိရေးအတွက် ကြိုးပမ်းရာမှာ နှစ်ပေါင်း ၁၂၇နှစ်ခန့် သူ့ကျွန်မခံချင်တဲ့ မျိုးချစ်ရဲဘော်တိုင်းရင်းသားပြည်သူတွေရဲ့ သွေးတွေနဲ့ရင်းပြီး တိုက်ပွဲဝင်ခဲ့ရတာဖြစ်ပါတယ်။

အဲဒီလို တိုက်ပွဲဝင်ခဲ့ရာမှာ ကျနော်တို့ ရည်မှန်းချက်တိုက်ပွဲကြွေးကြော်သံကဘာလဲ… အားလုံးသိတဲ့အတိုင်းပဲ။ `လွတ်လပ်ရေး၊ ဒီမိုကရေစီရေး၊ ငြိမ်းချမ်းရေးဖြစ်တယ်´ ဒီကြွေးကြော်သံဟာ တစ်ခုနဲ့တစ်ခု မှီငြမ်းပြုနေတယ်။ အကျိုးတရားက ဆက်စပ်နေတယ်။ လွတ်လပ်တယ်ဆိုတာလဲ ပြောရတာ လွယ်ပေမယ့် လွတ်လပ်ရင် ဒီမိုကရေစီရှိရမယ် ငြိမ်ချမ်းရေးရရှိမယ်။ လူတွေရဲ့ မူလအခွင့်အရေးပြည့်ပြည့်၀၀ရနေရမယ်။ လူတွေအားလုံးဟာ မွေးရာပါလွတ်လပ်ခွင့်တွေခံစား ခွင့်ရှိရမယ်။

၁၉၄၃၊ သြဂုတ်လ(၁)ရက်နေ့မှာ ကျနော်တို့ လွတ်လပ်ရေးရပြီဟေ့လို့ ကြေညာခံခဲ့ရပါတယ်။ အဲဒီအချိန်မှာဘဲ ကျနော်တို့ရဲဘော်တွေဟာ ဖက်ဆစ်အကျဉ်ထောင် တွေအတွင်းမှာ ရေနွေးလောင်းပြီး လက်သည်း၊ ခြေသည်းတွေ ပလာယာနဲ့ ဆွဲနှုတ်ညှင်းပမ်းတာ၊ ထုပ်မှာဇော်ထိုးဆွဲပြီး ညှင်းပမ်းတာ၊ တွင်းနှုတ်ခမ်းဝထိုင်ပြီး ခေါင်းဖြတ်အသတ်ခံရတာတွေ ခံနေရပါတယ်။ ကျနော်တို့ မြောင်းမြမှာဆိုရင် လုပ်ဖော်ကိုင်ဖက်ရဲဘော် ၃၀ကျော်ဟာ မြို့လယ်ခေါင်မှာ လူအများရှေ့မှာ ဓါးနဲ့ခုတ်အသတ်ခံခဲ့ရပါတယ်။ ခင်ဗျားတို့အားလုံးသိပါတယ်။

ဒါဟာ လွတ်လပ်ရေးလား…

ရဲဘော်များခင်ဗျား…

ကျနော်တို့ တိုင်းပြည်တကယ်လွတ်လပ်ရေး ကြေညာနိုင်ခဲ့တာ ၁၉၄၈ခုနှစ်ကပါ။ အခုဆို ၆၂နှစ်ရှိခဲ့ပါပြီ။ ငြိမ်းချမ်းရေးမရခဲ့ကြသေးပါဘူး။ ဘာကြောင့်လဲဆိုတော့ လွတ်လပ်ရေး ကြေညာပြီး ၃လအတွင်းမှာပဲ တစ်ကြိမ်တစ်ခါတုန်းက လွတ်လပ်ရေး၊ ဒီမိုကရေစီရေးအတွက် လက်တွဲ တိုက်ခဲ့ကြတဲ့ ရဲဘော်၊ ရဲဘက်တွေ အချင်းချင်း အယူအဆကွဲရာက ငါမှငါဆိုတဲ့ အတ္တလွန်ကဲရာက နိုင်ငံရေးစကားနဲ့ပြောရရင် ဂိုဏ်းဂဏ၀ါဒတွေ မိုးမွှန်ပြီး အချင်းချင်းတိုက်ကြ၊ ခိုက်ကြနဲ့ ပြည်တွင်း စစ်ဖြစ်ခဲ့ရပါတယ်။

ပြည်တွင်းစစ်ကြောင့် ကျနော်တို့ တိုင်းပြည်ဖွတ်ဖွတ်ကြေခဲ့ပြီး ပြည်တွင်းစစ် (၁၀)နှစ်မြောက် အချိန်မှာ လွှတ်တော်အတွင်း စစ်တမ်းအရ နှစ်ဖက်အင်အားစုတွေ သုံးသောင်းကျော် သေဆုံးခဲ့ရပြီး အပျက်အစီးအားလုံး သန်းပေါင်းများစွာရှိခဲ့ပါတယ်။ သေဆုံးကြရတဲ့ အင်အားဟာ ကုန်လုပ်အင်အားစွမ်းအင်တွေ မဟုတ်လား။ ပျက်စီးဆုံးရှုံးခဲ့ရတဲ့ တန်းဖိုးကို တွက်ကြည့်ရင် အထက်တန်းကျောင်းကြီးတွေ၊ ဆေးရုံကြီးတွေ ဘယ်လောက်ဆောက်နိုင်မလဲဆိုတာ သိနိုင်ပါတယ်။ ဒါတွေဟာ ဘာကြောင့်ဆုံးရှုံးခဲ့ရသလဲ။ တိုင်းပြည်အနေနဲ့ကော တိုးတက်ရမဲ့အစား မတိုးတက်တဲ့အပြင်၊ မိမိနောက်က နောက်ကျနေခဲ့တဲ့ အိမ်နီးခြင်းနိုင်ငံတွေ၊ ရှေ့ရောက်သွားတာကို မော့ကြည့်ငေးကြည့် နေခဲ့ရတယ် မဟုတ်လား။

ဒါဟာ ဘာကြောင့် ဒီလိုဖြစ်ရသလဲ

တကယ့်အဖြေမှန်ကတော့ အင်္ဂလိပ်လက်အောက် ကျွန်ဘ၀က လွတ်မြောက်ရေး အတွက်တိုက်ပွဲဝင်ခဲ့စဉ်ကကော ဖက်ဆစ်စစ်ဘီလူးတွေကို တိုက်ခဲ့တုန်းကကော အမျိုးသား ခေါင်းဆောင်ကြီး တပ်မတော်ဖခင်ကြီး ဗိုလ်ချုပ်အောင်ဆန်းကိုယ်တိုင် အသက်သွေးနဲ့လဲပြီး တည်ဆောက်ခဲ့တဲ့ အမျိုးသားညီညွတ်ရေးကြီး ပြိုကွဲခဲ့လို့ပဲဆိုတာ ဘယ်သူမှငြင်းနိုင်မှာ မဟုတ်ပါဘူး။ ကျနော်တို့ဟာ လွတ်လပ်ရေးရခဲ့ပေမယ့် အမျိုးသားညီညွတ်ရေးပြိုကွဲခဲ့တဲ့အတွက် လွန်ခဲ့သော ၆၂နှစ်ကတည်းက ရခဲ့တဲ့လွတ်လပ်ရေးရဲ့ တကယ့်အနှစ်သာရဖြစ်တဲ့ ပြည်တွင်းငြိမ်းချမ်းရေးကို ယနေ့ထက်တိုင် မခံစားကြရသေးပါဘူး။

အဲဒီတုန်းကတည်းက ပြိုကွဲခဲ့ရတဲ့ အမျိုးသားသွေးစည်း ညီညွတ်ရေးဟာ အခုထက်ထိရင်ကြားမစေ့နိုင်သေးပဲ ပြန်လည်နလံမထူနိုင်သေးတာဟာ တိုင်းပြည်ရဲ့ ကံကြမ္မာလို့ ဆိုရမလား ဒါမှမဟုတ်ခေါင်းဆောင်တွေရဲ့ အချင်းချင်းမယုံသင်္ကာမှုတွေ၊ သံသယတွေ၊ အာဃာတတွေ အတ္တစိတ်လွန်ကဲမှုတွေကြောင့် ဖြစ်တယ်ဆိုရင် ဘယ်သူတွေငြင်းနိုင်မှာလဲ။

ရဲဘော်များခင်ဗျား…

ကနေ့ကျနော်တို့ တိုင်းပြည်ရဲ့ အခြေအနေကို ဓမ္မဓိဌာန်ကျကျ သုံးသပ်ကြည့် ချင်ပါတယ်။ အမျိုးသားညီညွတ်ရေးကို ပြန်လည်မတည်ဆောက်နိုင်သေးတော့ စီးပွားရေး၊ လူမှုရေး အခြေအနေတွေဟာ အဖက်ဖက်က ချွတ်ခြုံကျနေတာတွေ့ရပါတယ်။ မွေးရာပါ လူ့အခွင့်အရေးတွေ လွတ်လပ်စွာပြောဆိုခွင့်ရေးသားခွင့် အသင်းအပင်းအဖွဲ့အစည်း ထူထောင်ခွင့်တွေဆုံးရှုံးနေပါတယ်။ ပညာခေတ်ကြီးအဖြစ် နိုင်ငံတကာမှာ အတတ်ပညာ၊ အသိပညာတွေ ရှေ့ကို တဟုန်ထိုးတိုးတက် နေချိန်မှာ ကျနော်တို့သားသမီးတွေ အားလုံးဟာ နောက်မှာကျန်နေခဲ့ရပါတယ်။

အဆိုးဆုံးကတော့ ကနေ့ခြိမ်းခြောက်ခံနေရတဲ့ တတိယကမ္ဘာစစ်အန္တရာယ်ပဲ ဖြစ်ပါတယ်။ အိမ်နီးချင်းနိုင်ငံတွေအပါအ၀င် နိုင်ငံကြီးတွေဟာ လက်နက်အပြိုင်အဆိုင်တပ်ဆင်ပြီး စစ်အေးခေတ်ပြိုင်ဆိုင်မှုကို ပြည်လည်ထူထောင်နေကြပါတယ်။ စစ်အင်အားတွေတိုးချဲ့နေကြပါတယ်။ တိုင်းပြည်ဝင်ငွေရဲ့ ရာခိုင်နှုန်းထက်ဝက်ကျော်ကို စစ်ရေးအတွက် စစ်တပ်တိုးချဲ့ဖို့ လက်နက်အဆန်း တွေထုတ်လုပ်ဖို့ သုံးစွဲနေကြပါတယ်။ အဲဒီပြည်သူလူထုတွေဟာလည်း စစ်ဝန်တွေပိပြီး စစ်ကျွန်တွေ ဖြစ်မှန်းမသိဖြစ်နေကြရပါတယ်။ ဒုတိယကမ္ဘာစစ်အတွင်းက ဂျပန်ပြည် ဟီရိုရှီးမားနဲ့ နာဂါစကီမှာ ချခဲ့တဲ့ အနုမြူဗုံးတစ်လုံးဟာ တစ်မြို့လုံးပြပုံအတိဖြစ်လူတွေဟာ သိန်းနဲ့ချီပြီးသေခဲ့ရပြီး မသေကျန်ခဲ့တဲ့ လူအနည်းငယ်ဟာ နှစ်ပေါင်း ၂၀ခန့်နှစ်ချီပြီး အနုမြူအဆိပ် သင့်မှုကို နလံမထူနိုင်၊ လူလုံးမလှအောင် ခံစားခဲ့ရပါတယ်။

အခုအင်အားကြီးနိုင်ငံတစ်ချို့မှာရှိနေတဲ့ ဟိုက်ဒရိုဂျင်ဗုံးတစ်လုံးဟာ ဒုတိယကမ္ဘာစစ် အတွင်းက ကြဲချခဲ့တဲ့ အနုမြူဗုံးထက် အဆ၁၅၀ပိုပြင်းပြီး သာမိုညူကလီးယားဗုံးဟာ အဆ၅၀၀၀ခန့် ပိုပြင်းတယ်လို့ ဂျာနယ်တစ်ချို့မှာ ရေးထားတာတွေ့ရပါတယ်။ ဒီအတိုင်း ဒီလက်နက်တွေနဲ့ တတိယ ကမ္ဘာစစ်ဖြစ်လာရင် ကမ္ဘာတစ်ဝှမ်းလုံး အလုံးစုံပျက်စီးရမဲ့ ဘ၀ရောက်ရမှာ မလွဲဘူးလို့ ကျနော်ထင် ပါတယ်။

ကျနော်တို့ တိုင်းပြည်ဟာ ဘယ်သူ့အတွက်မှ ပါဝင်စစ်ဖက်ပြိုင်မှာ မဟုတ်တဲ့အပြင် ရန်စကျူးကျော်မှု၊ စွက်ဖက်မှုလဲ လုပ်မဲ့နိုင်ငံမဟုတ်ပေမယ့် ကမ္ဘာာစစ်မြေပြင်မှာ မြေဇာပင်ဖြစ်ရမဲ့ ဘ၀ရောက်မှာ မလွဲဘူးလို့ ကျနော်ထင်ပါတယ်။

ရဲဘော်များခင်ဗျား…

ကျနော်ပြောခဲ့တာကို ခြုံငုံသုံးသပ်ကြည့်ရင် ကျနော်တို့ နိုင်ငံကြီးတွေဟာ အချို့ရန်လို တဲ့ အစွန်းရောက်နိုင်ငံတွေရဲ့ လက်နက်ပြိုင်ဆိုင်မှုတွေကြောင့်

o တတိယကမ္ဘာစစ်ရဲ့ စစ်နှုတ်ခမ်းဝမှာထိုင်နေရသလိုဖြစ်နေပါတယ်။ လူသားအန္တရာယ်ရဲ့ အင်မတန် ကြီးမားတဲ့ အန္တရာယ်နဲ့ ရင်ဆိုင်နေရပါတယ်။
o ပြည်တွင်းမှာလဲ လူမှုရေးအကျပ်အတည်းတွေနဲ့ ရင်ဆိုင်နေရပါတယ်။
o အမျိုးသားညီညွတ်ရေးပြိုကွဲနေတဲ့ ရင်ကြားမစေ့နိုင်သေးတဲ့ နိုင်ငံရေးအကျပ်အတည်းနဲ့ ရင်ဆိုင်နေ ရပါတယ်။



ရဲဘော်များခင်ဗျား…

ကျနော်တို့အားလုံး ၆၂နှစ်ကြာ ရင်ဆိုင်နေခဲ့ကြရတဲ့ အထက်ပါအထွေထွေအကျပ်အတည်း ကြီးတစ်နည်းပြောရရင် အမျိုးသားရေးအကျပ်အတည်း (National Crisis)ကို ဖြေရှင်းဖို့ဆိုရင် တစ်မျိုးသားလုံး ၀ိုင်းဝန်းပူးပေါင်းဖြေရှင်းမှသာ ပြေလည်မှာပါ။ မည်သူတစ်ဦးတစ်ယောက် တစ်ဖွဲ့တစ်စည်းတည်းကမှ တာဝန်ယူဖြေရှင်းလို့ မရနိုင်ပါဘူး။ ဒါကြောင့်မို့ တစ်ခုတည်းသော နည်းလမ်းဖြစ်တဲ့ `အမျိုးသားသွေးစည်းညီညွတ်ရေး အမျိုးသားပြန်လည်ရင်ကြားစေ့ရေးကို´ မဖြစ်မနေ တည်ဆောက်ဖို့ပဲဖြစ်တယ်လို့ ကျနော်ပြောချင်ပါတယ်။ အမျိုးသားညီညွတ်ရေးကို တည်ဆောက်ဖို့ အတွက် တာဝန်ရှိသူအားလုံးဟာ တစ်ဦးကိုတစ်ဦးအကဲခတ်နေဖို့ မြေစမ်းခရမ်းပျိုးနေဖို့ အချိန်မဟုတ် တော့ဘူး။ အန္တရာယ်အသွယ်သွယ်ဟာ ကျနော်တို့ အားလုံးကို ခြိမ်းခြောက်နေပြီဆိုတာ သိဖို့လိုပါတယ်။ အချိန်မနှောင်းသေးပါဘူး။ အခုစရင် အခုဖြစ်နိုင်တဲ့ အခြေအနေပါ။

ကျနော်လဲ အခါအခွင့်သင့်တိုင်း ညီညွတ်ရေးစကားကို အကြိမ်ကြိမ်ပြောခဲ့ပါတယ်။ ကျနော်တို့က ပါတီတစ်ခုမဟုတ်ပါဘူး။ အဖွဲ့အစည်းလည်း မဟုတ်ပါဘူး။ ကျနော်တို့အနေနဲ့ အကြံပေးဖို့ပဲ တတ်နိုင်ပါတယ်။ ကျနော်တို့ စွမ်းအားရှိသလောက် ကူညီပါ့မယ်။ ဒါကြောင့် ပတ်သက်သူအားလုံးကို မေတ္တာရပ်ခံချင်ပါတယ်။

o အလုပ်တူ စလုပ်ကြပါ။
o အလုပ်တူလုပ်ရင်း အချင်းချင်းနားလည်မှု ရလာပါလိမ့်မယ်။
o နားလည်မှုရရင် သံသယတွေ မသင်္ကာမှုတွေပျောက်ပြီး၊ ညီညွတ်ရေးစိတ်ဓာတ်ဖွံ့ဖြိုးလာ ပါလိမ့်မယ်။
o ဘုံလုပ်ငန်းစဉ်တစ်ရပ်ပေါ်ပေါက်လာပါလိမ့်မယ်။
o ညီညွတ်ရေးရလာပါလိမ့်မယ်။
o အမျိုးသားပြန်လည်ရင်ကြားစေ့ရေး၊ ညီညွတ်ရေးရလာပါလိမ့်မယ်လို့ ကျနော်ယုံကြည်ပါတယ်။




ရဲဘော်များ/မိတ်ဆွေများခင်ဗျား…

ကျနော်တို့ မြန်မာနိုင်ငံမှာ ဗုဒ္ဓဘာသာဟာ လူအများကိုးကွယ်တဲ့ ဘာသာဖြစ်တာမို့ ဗုဒ္ဓမြတ်စွာရဲ့ မေတ္တာတရားဟာ ရန်အသွယ်သွယ်ကို အောင်မြင်နိုင်ခဲ့သလို အခြားဘာသာများဟာလဲ မေတ္တာတရားကို ရှေ့တင်ထားတဲ့ ဘာသာတွေဖြစ်ကြတဲ့အတိုင်း မေတ္တာတရားရှေ့တန်းတင်ကြပြီး သဘောထားကွဲလွဲမှုတွေ ရှိသင့်သလောက်ရှိသည့်တိုင် လိုတိုးပိုလျှော့ ဆရာကြီးသခင်ကိုယ်တော်မှိုင်း မိန့်ကြားခဲ့သည့်အတိုင်း သူမနာ၊ ကိုယ်မနာနည်းနဲ့ ညီညွတ်ရေးကို စတင်တည်ဆောက်ပြီး အမျိုးသားရေး အန္တရာယ်ကို တားဆီးကာကွယ်ကြပါလို့

o နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီဝင် ပုဂ္ဂိုလ်များ
o အမျိုးသား ဒီမိုကရေစီအဖွဲ့ချုပ်ခေါင်းဆောင်များ
o တိုင်းရင်းသား လူမျိုးစုအားလုံး၏ ခေါင်းဆောင်များ
o ပတ်သတ်သူ (အင်အား/ကြီးငယ်မဟူ) အားလုံးကို

ပြောကြားရင်း နိဂုံးချုပ်ပါတယ်။

ညီညွတ်ရေး အောင်ရမည်။


သခင်သိန်းဖေ

(၀ါရင့်နိုင်ငံရေးလုပ်ဖော်ကိုင်ဖက်များ)

လုပ်ပိုင်ခွင့်ရှိသလောက်မှာ အရနိုင်ဆုံး လုပ်တဲ့ ရက်ကွပ်လူကြီး တစ်ယောက်အကြောင်း အများသိစေရန်

ပေးပို့စာ | ကျွန်တော်တို့ ကျိုက္ကဆံရပ်ကွပ်သည် ဗဟန်းမြို့နယ်အတွင်းတွင်ရှိပါသည်။ ကျွန်တော်တို့ ရပ်ကွက်အတွင်းတွင် လမ်းများခင်းမည်ဟု YCDCမှ ရပ်ကွပ်အတွင်းသို့စာရပါသည်။ ထိုသို့စာမကျခင် မြို့တော်ဝန်မှ လာရောက်ကြည့်ရှုပါသည်။

သို့ရာတွင်လမ်းဘေးပျံကျဈေးဆိုင်များကို တစ်ပေမလွတ်လျှင် တစ်ပေသာ နောက်ဆုတ်ခိုင်းသည်ကို တော်တော် များများသိပါသည်။ သို့ရာတွင် ရပ်ကွက်လူကြီး ဦးခင်ညွန့်မှ ဆိုင်များကိုဖျတ်ခိုင်းပါသည်။ ပြီးနောက်တဆိုင်လျှင် 10'x10' ကို တဆိုင်လျှင်နှစ်သောင်းနှုန်းကောက်ပါသည်။ ဒါတင်မပြီးသေးပါ မိမိဆိုင်ရှေ့ ရေမြောင်းကိုတစ်ပေလျှင် နှစ်ထောင်နှုန်းထပ်မံကောက်ခံပါသည်။ ၄င်းမှာဖြစ်သင့်ပါသလား ဈေးသည်များမှာမရှိ ရသည့်ကြားမှ ထိုသို့ပေးရမည်မှာ နူနေသည့်ကြားမှ ၀ဲဆွဲနေသည့်ပုံလိုမဖြစ်လား ခင်ဗျာ။ ဒါပေမဲ့ ရပ်ကွက်လူကြီး ဦးခင်ညွန့်နဲ့ ပတ်သတ်တဲ့သူတွေ အကျိုးတူအကျိုးဖက်တွေက ဆိုင်အဖျက်မခံရပါ။ ဆိုင်အဖျက်ခံရသည့် ဈေးသည်များမှာ ဒီမနက်ငိုကြွေးနေပါတယ်။

မြန်မာတို့သည် ခန္တီစတ၇ားလက်ကိုင်ထားသည်မှာ(၁၉၈၈)ခုနှစ်မှ ယနေ့ထက်တိုင်ဖြစ်ပါသည်ကြားမှ ကျွန်တော့်မှာမနေနိုင် သဖြင့် ညီငယ်ထံသို့စာဖြင့် အကူအညီတောင်းခံခြင်းဖြစ်ပါသည်။မြန်မာမှန်လျှင် အိမ်နီးခြင်းကိုကူညီရမည်ဖြစ်ပါသည်။ ကျွန်တော်သည်လည်းမြန်မာထဲမှမြန်မာတယောက်ဖြစ်နေသဖြင့် လက်ပိုက်ကာကိုယ်နှင့်မဆိုင်ဟုနေလို့မရပါ။

ဒီမိုကရေစီကိုမြတ်နိုး သူလူငယ်တဦးအနေဖြင့် မည်ကဲ့သို့မှမနေနိုင်ပါ။ သို့ပါသောကြောင့် ရပ်ကွက်လူကြီး ဦးခင်ညွန်နှင့် သူ၏ အပေါင်းအပါတစုတို့ အစွယ်ထွက်နေပုံကို မြင်စေလိုပါသည်။ ကျန်ကိစ္စများကိုတော့ မပြောလိုတော့ပါ အပုပ်ချသည် ထင်မှာစိုးလို့လိုရင်းသာ တင်ပြပေးပါသည်။

သူတို့၏ရှေ့ဆောင်လမ်းပြမှာ ဆရာစံတောင်ဥက္ကဌ ဦးကျော်ကြီး(ကွယ်လွန်) နှင့် ဗိုလ်စိန်မှန်ဥက္ကဌ ဆရာတင့် မြန်မာစာ တို့ပင်ဖြစ်ပါတော့သည်။ ညီငယ်တို့မှလည်း ကူညီစေလိုပါသည်။ အရာရာအတွက် ကျေးဇူးတင်ပါသည်။

သောကမြေမှာ ပွင့်သော မေတ္တာပန်း

အရှင်ထာဝရ (ဘယ်အစွန်) ၂၀၀၇ ရွှေဝါရောင်မှတ်တမ်းပုံ

ဇတ်လမ်း အနှစ်ချူပ်။
(Carol ၏ A Brief Interlude in the Tragety of Burma ကို အလင်းဆက်မှ ဆီလျော်အောင် ဘာသာပြန်သည် - 1.1.2010)။

၂၀၀၃ခုနှစ်မှာ အသက် ၅၀ အဘွားအရွယ်ရှိ ကျွန်မဟာ သြစတြေလျနိုင်ငံရှိ မိသားစုထံ သွားရောက်လည်ပတ်ခဲ့ပြီးလို့ ဆက်လက်ခရီးဆန့်ရန် ဆုံးဖြတ်လိုက်ပါတော့တယ်။ ထိုင်းမြန်မာနယ်စပ်ရှိ မြန်မာများကိုလည်း ကျွန်မကိုယ်တိုင် စာသင်ပေးခဲ့ပါတယ်။ အဲဒီကတည်းက မြန်မာလူမျိုးအများစုကို ကျွန်မကူညီမိခဲ့ပါတယ်။ ဒီလိုနဲ့ပဲ စက်တင်ဘာသံဃာ့ လှုပ်ရှားမှု အပြီးမှာ ပြည်ပကို ထွက်ပြေးတိမ်းရှောင်လာရတဲ့ ကျွန်မအနေနဲ့တော့ ထူးခြားတဲ့ အရှင်ထာဝရဆိုတဲ့ ကိုယ်တော်လေးနဲ့ ဘင်္ဂလားဒေ့ရ်ှနိုင်ငံမှာ တွေ့ဆုံကြုံခဲ့ပါတယ်။ သူဟာ ရန်ကုန်မြို့မှာ ငြိမ်းချမ်းစွာဆန္ဒပြမှု့တွေ ဖြစ်ပေါ်ဖို့ စည်းရုံးခဲ့သူတစ်ဦးလည်း ဖြစ်ပါတယ်။

ကျွန်မတို့ရဲ့ တွေ့ဆုံခွင့်လေးဟာ ကျွန်မအဖို့တော့ လှိုက်လှိုက်လှဲလှဲ ခံစားရပါတယ်။ ကျွန်မတို့တွေ့ဆုံခွင့်ရပြီး မကြာခင်မှာပဲ ကျွန်မဟာ ဘင်္ဂလားဒေ့ရ်ှက ထွက်ခွာခဲ့ရပေမယ့် သူ့ကို ဆက်လက်ထောက်ပံ့ခဲ့ပါတယ်။ ကျွန်မတို့ရဲ့ဆက်ဆံရေးဟာလည်း ပိုပြီး ခင်မင်ရင်းနှီးလာပါတော့တယ်။ သူက ကျွန်မကို ရင်းရင်းနှီးနှီး “အမေ” လို့ခေါ်သလို ကျွန်မကလည်း သူ့ကို သားအရင်းတစ်ယောက်လို ချစ်ခင်မိလာပါတယ်။

အရှင်ထာဝရ၏ နိုင်ငံရေးယုံကြည်ချက်နဲ့ လုပ်ဆောင်ချက်တွေက သူ့ ဘ၀အတွက် အဓိကအလုပ်တစ်ရပ် ဖြစ်လာပါတော့တယ်။ ပြည်တွင်းမှာနေရတဲ့ သူရဲ့အခြေအနေဟာ မခံမရပ်နိုင်အောင်ဖြစ်ခဲ့ရ ပြီး ၊နောက်ဆုံးတောထဲကို ပုန်းရှောင်နေခဲ့ရပါတယ်။ အဲဒါကြောင့်ပဲ ကျွန်မ သူ့ကို ကူညီဖို့ ဘင်္ဂလားဒေ့ရ်ှကို ပြန်လာခဲ့လိုက်ပါတယ်။ သူရဲ့ဘ၀ဟာ အလွန်ခက်ခဲ ကြမ်းတမ်းပြီး သူရဲ့လုပ်ရပ်တွေ ကြုံခဲ့ရတဲ့ အဖြစ်တွေဟာ ကျွန်မကို ထိတ်လန့်ခဲ့ရပါ တယ်။

ကျွန်မ ဘင်္ဂလားဒေ့ရ်ှကို ဆင်းလာမယ်သိရတော့ သူ တော်တော်လေး ဖြေသာသွားပါတယ်။ သူ့အနာဂတ်အတွက် ကျွန်မပေးမဲ့ အကြံဥာဏ်တွေကိုလည်း လိုက်နာပါမယ်လို့ သဘောတူတယ်။ သူနေရတဲ့ ဘုန်းကြီးကျောင်းဟာ မိဘမဲ့ကလေးဂေဟာတစ်ခုနဲ့ တွဲဆက်နေတာပါ။ ကျွန်မက သူတို့လေးတွေကိုလည်း တတ်အားသ၍ လှူဒါန်းပေးကမ်း ခဲ့ ပါတယ်။ ကလေးတွေက ကျွန်မကို ပန်းကလေးတွေ လက်ဆောင်ပေးရင်း ကြိုဆိုခဲ့တယ်။ တီးဝိုင်းကလေးတစ်ခုနဲ့တောင် ကြိုဆိုခဲ့ပါသေးတယ်။ အဲဒီနောက် အရှင်ထာဝရက ကျွန်မကို ခြံရံပြီး ကျောင်းပေါ်မှာ သီတင်းသုံးနေတဲ့ ကျောင်းထိုင်ဘုန်းကြီးဆီ ကျွန်မကို ခေါ်သွားပါတော့တယ်။ ကလေးတွေဟာ အတန်းလိုက်ကလေးတွေ စီတန်းပြီး ဗုဒ္ဓဘာသာပုံစံအတိုင်း လက်အုပ်ချီထား ပုံကိုမြင်ရတော့ ကျွန်မအတွက် ကြည်နှုးရပါတယ်။ ဘုန်းတော်ကြီးက ဗုဒ္ဓရုပ်ပွားတော်ရှေ့မှာ ဖယောင်းတိုင် ၁၀ တိုင်ကို ထွန်းညှို့ပူဇော်ပြီး ကျွန်မအနာဂတ်အတွက် ဆုမွန်ကောင်းတောင်းပေးပါတယ်။

ကျွန်မဟာ အခြေအနေဆိုးကို ပြေလည်ဖြေရှင်းနိုင်ဖို့အတွက် ဒါကာမြို့ရှိ UNHCR အစည်းဝေးတွေကို အကြိမ်ပေါင်းများစွာ တတ်ရောက်ခဲ့ပါတယ်။ နောက်ဆုံးမှာ ကျွန်မဟာ သူ့ကို အိန္ဒိယနိုင်ငံကို သွားဖို့ ခွင့်ပြုခဲ့ရပါတော့တယ်။ ဆုတံ ဆိပ်တွေ ရခဲ့တဲ့ Burma VJ မှတ်တမ်းရုပ်ရှင်ကြောင့်လည်း အရှင်ထာဝရဟာ ပိုမိုလူသိများလာပါတယ်။ ကျွန်မတို့ ဆက်ဆံရေးဟာ ပိုမိုရင်းနှီးလာခဲ့ကြပြီး ကျွန်မအနေနဲ့ဗုဒ္ဓဘာသာကို အကျွမ်းတ၀င်ရှိလာပါတော့တယ်။

………………………………………………………………………………

မလေးရှားနိုင်ငံ ကွာလမ်လန်ပူ ဘူတာရုံကလေးကနေ ရထားစထွက်တော့ ကျွန်မ မပြုံးပဲ မနေနိုင်အောင် ဖြစ်ခဲ့ရပါတယ်။ ကျွန်မအနေနဲ့ ခရီးသွားချင်တဲ့ စိတ်ကလွဲပြီး ဘာမှ ထွေထွေထူးထူး စိတ်ကူးမရှိလို့ပါပဲ။ ကလေး ၄ယောက်၊ မြေး တစ်ယောက်ရှိတဲ့ အသက် ၅၀ ကျော် အရွယ်ကြီးတစ်ယောက်အနေနဲ့ ဒီအခွင့်အရေးကိုတော့ ဆုပ်ကိုင်ခွင့်ရှိပါတယ်။ ကျွန်မဟာ ၂၀၀၂ ခုနှစ် ဒီဇင်ဘာမှာ မိသားစုတွေကို တွေ့ဖို့ သြစတြေးလျနိုင်ငံကိုသွားခဲ့ပါတယ်။ နှစ်ပတ်လောက်နေမယ်လို့ စိတ်ကူးထားခဲ့ပေမဲ့ အဲဒီမှာ ၂လလောက် နေဖြစ်သွားခဲ့ပါတယ်။ အင်္ဂလန်ကိုပြန်မဲ့ ကျွန်မဟာ မလေးရှားမှာ တစ်ပတ်လောက်နေပြီး သင်ကြားရေး အလုပ်တစ်ခုကို ရှာနေခဲ့မိပါတယ်။ ထိုင်းနိုင်ငံကို သွားဖို့ ကျွန်မဟာ ဆုံးဖြတ်ပြီး ဘန်ကောက် မြို့ကိုရထားနဲ့ ၂ရက်ကြာ ခရီးဆန့်ခဲ့ပါတယ်။

ဘန်ကောက်မြို့ဟာ ကျွန်မထင်ထားသလိုပါပဲ။ မထွက်ခင်ကတည်းက ကျွန်မအနေနဲ့ ၀က်ဆိုက်တစ်ခု၏ အမေးတွေကို ဖြေခဲ့ရပါတယ်။ သင်ဟာ လူမှုမတရားမှုတွေကို စိတ်ဝင်စားလား၊ ထိုင်းမြန်မာနယ်စပ်တစ်လျှောက်က ပြသနာအရေးအပေါ် စိတ်ဝင်စားလားတဲ့၊ နှစ်ခုစလုံးအတွက် ကျွန်မအဖြေကတော့ “ဟုတ်ကဲ့” Yes လို့ပဲ ဖြေခဲ့ပါတယ်။ ဒီနောက် ထိုင်းနိုင်ငံအနောက်ပိုင်းက နယ်စပ်မြို့ကလေးဖြစ်တဲ့၊ မြန်မာနဲ့နယ်ခြင်းနီးကပ်တဲ့ မဲဆောက်(Maesot) မြို့ကလေးကို ရောက်ခဲ့ပါတော့တယ်။

မဲဆောက်မြို့ကလေးဟာ ကျွန်မလည်ခဲ့ဘူးသမျှ နေရာတွေနဲ့ မတူ ခြားနားတဲ့ မြို့ကလေးပါ။ အဲဒီမြို့ကလေးကို ရောက်လာကြတဲ့ မြန်မာလူမျိုးတွေရဲ့ အကြောင်းကို ကျွန်မ အလွန်ပဲ စိတ်ဝင်စားမိတယ်။ အချိန်တိုကလေးအတွင်းမှာပဲ များပြားလှတဲ့ မြန်မာအဖွဲ့အစည်းတွေတည်းက အဖွဲ့တစ်ခုမှာ ကျွန်မ အင်္ဂလိပ်စာသင်ကြားရေးကို စတင်ခဲ့တယ်။ ကျွန်မဟာ အင်္ဂလ်ိပ်စာ လိုက်စားလိုသူ လူငယ်များ ကျောင်းသားတွေနဲ့ပဲ ခြံဝင်းတစ်ခုထဲမှာ နေခဲ့ပါတယ်။ နေတိုင်းလိုလို ကျွန်မ တို့ဟာသမိုင်းနဲ့ အင်္ဂလိပ်စာသင်ကြားခြင်း နိုင်ငံရေးအကြောင်း ဆွေးနွေးကြခြင်း စတဲ့ ကျွန်မနှစ်သက်တဲ့ ရိုးရှင်းတဲ့ ဘ၀ တစ်ခုကို ရခဲ့တယ်လို့ဆိုရင် မမှားပါဘူး။

ကျွန်မ သူတို့ကလေးတွေကို ချစ်ခင်လာပါတော့တယ်။ ကျွန်မလိုပဲ အဲဒီမှာ အခြား ဆရာ ဆရာမတွေ အများကြီးရှိပါတယ်။ နိုင်ငံရေး ပြဿနာတွေကြောင့်သာ ပြည်ပကိုထွက်ပြေးလာကြပေမယ့် အမြဲတမ်း ပျော်ပျော်နေတတ်တဲ့ သူတို့လေးတွေ တသိုက်နဲ့ နေရတာကိုပဲ ကျွန်မ ကျေနပ်နေမိပါတယ်။ သူတို့ဆီကလည်း ကျွန်မ လေ့လာစရာတွေ အများကြီး ရခဲ့တယ်။ မူလစာချုပ်က သုံးလဖြစ်ပေမယ့် နောက်ထပ်ခြောက်လ အဲဒီမှာနေခဲ့ပါတယ်။ ၂၀၀၃ ဒီဇင်ဘာမှာတော့ ကျွန်မအင်္ဂလန်သို့ ပြန်ခဲ့ပါတော့တယ်။

ကျွန်မ ကျောင်းသားတွေနဲ့တော့ အဆက်အသွယ် မပြတ်ရှိခဲ့ပါတယ်။ တတ်အားသရွေ့တော့ ကူညီခဲ့ပါတယ်။ သူတို့တွေထဲက တချို့ကတော့ အိန္ဒိယ မြန်မာနယ်စပ်ကို ရွှေ့ပြောင်းသွားကြပြီး တစ်ချို့ဆို မြန်မာဒုက္ခသည်တွေအတွက် ဖွင့်ထားတဲ့ ဆေးခန်းတစ်ခုမှာ ဆေးအကူအဖြစ် လုပ်နေကြပါပြီ။ ကျွန်မ အဲဒီ ဆေးခန်းလေးဆီ သွားလည်ချင်တာ ကြာပါပြီ။ ၂၀၀၈ခုနှစ် ဖေဖော်ဝါရီမှာတော့ ကျွန်မဆန္ဒ ပြည့်ဝခဲ့ပါတယ်။ ခင်မင်ရသူတွေနဲ့ ခဏတာနေဖို့ ဘင်္ဂလားဒေ့ရ်ှနိုင်ငံကို ရက်တိုခရီးလေး စီစဉ်ပြီး သွားခဲ့ပါတယ်။ အဲဒီမှာပဲ ကျွန်မရဲ့ မူလအစီအစဉ်တွေ ပြောင်းသွားပြီး ကျွန်မပြောပြချင်တဲ့ ဇာတ်လမ်း စခဲ့ရပါတယ်။

ကျွန်မ ဘဂ်လားဒေ့ရ်ှကိုရောက်ပြီး မရှေးမနှောင်းခင်မှာပဲ စက်တင်ဘာသံဃာလှုပ်ရှားမှုကြောင့် မြန်မာပြည်ကနေ တိမ်းရှောင်လာတဲ့ ရဟန်းတော်တွေလည်း ရောက်ရှိနေကြပါတယ်။ သူတို့တွေဟာ မြန်မာစစ်တပ်က ရက်ရက်စက်စက် သတ်ဖြတ်နိုမ်နှင်းခဲ့တဲ့ ၂၀၀၇ခုနှစ် စက်တင်ဘာ သံဃာလှုပ်ရှားမှုအပြီးမှာ တိမ်းရှောင်လာခဲ့ကြသူတွေ ဖြစ်ပါတယ်။ ခေါင်းဆောင်ဘုန်းကြီးတစ်ပါးနဲ့ တွေ့ဆုံခွင့်ကို ကျွန်မ ရလိုက်ပါတယ်။ သူ့နာမည်ကတော့ အရှင်ထာဝရ ဖြစ်ပါတယ်။ သူက မြန် မာနိုင်ငံလုံးဆိုင်ရာ သံဃာကိုယ်စားလှယ်များအဖွဲ့ All Burma Monks Representative Committee ရဲ့ အထွေထွေ အတွင်းရေးမှူးလည်း ဖြစ်ပါတယ်။ အဲဒီအဖွဲ့ဟာ ၂၀၀၇ ရွှေဝါရောင် လှုပ်ရှားမှုကာလအတွင်း ရန်ကုန် ဆူးလေဘုရား၌ ဖွဲ့ခဲ့တဲ့ အဖွဲ့တစ်ခု ဖြစ်ပါတယ်။

ဘင်္ဂလားဒေ့ရ်ှနိုင်ငံ ကော့ဘဇာ(Cox’s Bazar) က ဗုဒ္ဓဘုရားကျောင်းတော်တစ်ခုမှာ အရှင်ထာဝရ နဲ့တွေ့ဆုံခြင်းဟာ ကျွန်မဘ၀ကို လုံးဝပြောင်းစေခဲ့ပါတယ်။ ယနေ့အချိန်အထိ အရှင်ထာဝရဟာ ကျွန်မအပေါ် ဒီလောက်သက်ရောက်မှုရှိနေတာ ဘာကြောင့်ဆိုတာ ကျွန်မနားမလည်နိုင်အောင် ဖြစ်ရပါတယ်။ ဒီရဟန်းပျိုကလေးဟာ ကျွန်မတွေ့ဖူးခဲ့တဲ့ သူများနဲ့မတူ ထူးခြားပါတယ်။ သူဟာ စကားပြောဆိုရာမှာလည်း အမျိုးသမီးတစ်ယောက်ဖြစ်တဲ့ ကျွန်မကို လုံးဝအနှောက်အယှက် မဖြစ်စေပါဘူး။ စကားပြောတဲ့အခါ သူဟာ ကျွန်မကို တည့်တည့်ကြည့်ပြီး လေးလေးစားစား ပြောတယ်။ အစပိုင်းတော့ ကျွန်မအနေနဲ့ အနည်းငယ်နေထိုင်ရခက်ပေမယ့် နောက်ပိုင်း သူ့စကားလုံးတွေထဲမှာ နစ်ဝင်သွားပါတော့တယ်။

သူဟာ အင်္ဂလိပ်လို မပြောပါဘူး။ ကျွန်မမိတ်ဆွေတစ်ယောက်က စကားပြန်အဖြစ် ကူညီပေးခဲ့တာပါ။ ကျွန်မတို့ သူ့ကို ဘယ်လို အကောင်းဆုံး ကူညီနိုင်မလည်းဆိုတာနဲ့ အခြားဒုက္ခသည်တွေအတွက်လည်း ဆွေးနွေးဖြစ်ပါတယ်။ အဲဒီ တွေ့ဆုံဆွေးနွေးခွင့်ဟာ အဲဒီခဏတာအတွက်သာ ဖြစ်ခဲ့ပါတယ်။ ဆွေးနွေးပွဲပြီးတော့ အဲဒီအရာတွေကို အလေးထားလုပ် ဆောင်ဖို့နဲ့ လက်တွေ့အကောင်အထည်ဖော်နိုင်ဖို့ ခက်ခဲကြောင်း ကျွန်မ သိလာပါတော့တယ်။ ဘာကြောင်းလည်းတော့ မသိဘူး၊ ကျွန်မ နိုင်ငံကူးလက်မှတ်အခိုးခံရပြီး အိန္ဒိယသွားဖို့အစီအစဉ်ကိုလည်း ဖျက်သိမ်းလိုက်ရပါတော့တယ်။ ကျွန်မ ဘင်္ဂလားဒေ့ရ်ှက ထွက်ခွာပြီး ၂ရက်အကြာမှာ ကျွန်မကို တွေ့ချင်လို့ခရီးရှည်ကြီးကို ခက်ခက်ခဲခဲ ကျော်ဖြတ်ခဲ့ရတဲ့ ဆေးခန်းက ကျွန်မ တပည့်တွေခမျာ ရောက်လာကြပါတယ်။

ကျွန်မအနေနဲ့အမျိုးသမီးများ အိမ်တွင်းအကြမ်းဖက်မှုနှင့် စော်ကားမှုမှု ကင်းလွတ်ရေးအတွက် ဆောင်ရွက်နေတဲ့ လန်ဒန်အခြေစိုက် အမျိုးသမီးများခိုလှုံရေးအဖွဲ့(Women’s Refuge ) မှာ အလုပ်ပြန်ဝင်ခဲ့ပါတယ်။ ကျွန်မအလုပ်ကို ကျွန်မ မြတ်နှိုးပါတယ်။ ဒါပေမယ့် ကျွန်မရဲ့ အတွေးဆန္ဒတွေကတော့ ဘင်္ဂလားဒေ့ရ်ှက အခြေအနေတွေဆိုကိုပဲ တိုးတိုးပြီး ပြန် ရောက်နေပါတော့တယ်။

အရှင်ထာဝရကတော့ ကျွန်မကို ပုံမှန်အဆက်အသွယ်လုပ်ပြီး ကျွန်မတို့ MSN မှာ မကြာခဏ ဆွေးနွေးနိုင်ခဲ့ကြပါတယ်။ ဥက္ကာလို့ ခေါ်တဲ့ လူတစ်ယောက်က သူ့ကို ဘုန်းကြီးကျောင်းပြင်ပဘ၀နဲ့ အဆင်ပြေအောင် ကူညီခဲ့ပါတယ်။ အခု သူဟာ စစ်တကောင်းနယ်မှာ နေထိုင်ပြီး ပြသနာပေါင်းစုံကိုလည်း တွေ့ကြုံခဲ့ဖူးသူ ဖြစ်ပါတယ်။ အခြားဘုန်းကြီးအားလုံး ဘုန်း ကြီးကျောင်းတွေထဲမှာ သီတင်းသုံးနေထိုင်ဖို့ သွားကြပါပြီ။ ဒါပေမယ့် အရှင်ထာဝရကတော့ နိုင်ငံရေးလှုပ်ရှားမှုတွေကို တက်တက်ကြွကြွလုပ်နေတုန်းပါပဲ။ ကျွန်မအနေနဲ့ UNHCR ကို သူ့ရဲ့လုံခြုံရေးအတွက် စိုးရိမ်ကြောင်းနဲ့ ကျရောက်နေတဲ့ ချိန်းခြောက်မှုတွေကို အကြိမ်ကြိမ် စာရေး အသိပေးခဲ့ပါတယ်။

နောက်ဆုံးမှာတော့ အခြေအနေတွေဟာ သည်းမခံနိုင်လောက်အောင် ဖြစ်လာပြီး အရှင်ထာဝရ တောကြီးထဲက ကျောင်းသင်္ခမ်းပဲ ပြန်ပြီး သီတင်းသုံးရုံက လွဲပြီး တခြားရွေးချယ်စရာမရှိ ဖြစ်ခဲ့ရပါတယ်။ ကျွန်မမှာ သင့်တင့်လျှောက်ပတ် တဲ့ ၀င်ငွေနဲ့ သက်တောင့်သက်သာ အိမ်မှာ နေထိုင်နိုင်ပေမယ့် နည်းနည်းပဲ ကူညီနိုင်ခဲ့ပါတယ်။ အရှင်ထာဝရခမျာ ကျွန်မအ ပေါ် လုံးဝ ယုံကြည်လာခဲ့တယ်။ သူက ကျွန်မကို “အမေ”လို့ ရင်းရင်းနှီးနှီးခေါ်တယ်။ ကျွန်မကလည်း တကယ့်သားအရင်း တစ်ယောက်လို သူ့ကို ချစ်ပါတယ်။

သူက ကျွန်မကို သူကို လာတွေ့ဖို့ တတွတ်တွတ် ပြောရှာတယ်။ ကျွန်မက သူ့ကို သိုသိုသိပ်သိပ်နေဖို့ လုပ်ပေးနိုင်ခဲ့တယ်။ သူက သူအဖမ်းခံရပြီး မြန်မာပြည်ပြန်ပို့လည်း ဂရုမစိုက်ဘူး သူတောထဲမှာ မနေချင်တာကိုပဲ ပြောတယ်။ ဒီလိုလူမျိုးကို ဘယ်လိုကူညီနိုင်မလည်း သူထင်သလိုလုပ်လိုက်မှာကို ကျွန်မ အလွန်စိုးရိမ်ပါတယ်။ ကျွန်မ ဘင်္ဂလားဒေ့ရ်ှကိုသွားပြီး ကူ ညီဖို့ ဆုံးဖြတ်လိုက်ပါတော့တယ်။ အရှင်ထာဝရ ကျွန်မ လာမယ်ဆိုတာကိုသိရင်ပဲ စိတ်အေးသွားပြီး သူ့အနာဂတ်အတွက် ကျွန်မရဲ့ဆုံးဖြတ်ချက်တွေကို လိုက်နာပါ့မယ်လို့ ဂတိပေးရှာတယ်။

တောကြီးထဲက အရှင်ထာဝရနေရတဲ့ ဘုန်းကြီးကျောင်းဟာ မိဘမဲ့ကလေးဂေဟာနဲ့ ဆက်ဆက်ထားတာ ဖြစ်တယ်။ ကျွန်မလည်း သူတို့ရဲ့ကြင်နာမှုတွေအတွက် ကျေးဇူးပြုတဲ့အနေနဲ့အလှူအတန်း ပြုခဲ့ပျါတယ်။ တောကြီးထဲကို တော်တော်ကလေး ကားမောင်းသွားရပါတယ်။ ကျွန်မ လမ်းလျှောက်ဖို့ ကားထဲက ထွက်ထွက်ခြင်းပဲ ရွာတီးဝိုင်းက စတင် တီးခတ်ပြီး ကလေးတွေက ပန်းတွေနဲ့ကျွန်မကို ကြိုဆိုကြပါတယ်။

အရှင်ထာဝရက ကျွန်မလက်မောင်းကို ကြင်ကြင်နာနာဖေးမပြီး တောင်ကုန်းပေါ်ကို ခေါ်သွားပါတယ်။ လမ်းတစ်ဖက်တစ်ချက်မှာတေ့ာ ကလေးတွေက ဗုဒ္ဓဘာသာဓလေ့အတိုင်း လက်အုပ်ကလေးတွေ ချီလို့ ။ လက်နက်ကိုင်ရဲတွေကလည်း ကျွန်မကို စောင့်ကြပ်ပေးကြပါတယ်။ ရဲတွေကကျွန်မကို ဘယ်သူလည်းလို့မေးမြန်းစစ်ဆေးတဲ့အခါ ကျွန်မမိတ်ဆွေ က နောက်ထပ်မေးမြန်းတာ မလုပ်ရန်အတွက် Takar ၃၀၀ကို လက်သိပ်ထိုးပေးလိုက်တယ်။ အရှင်ထာဝရက ကျွန်မကို ကျောင်းထိုင်ဆရာတော်နဲ့တွေ့ဖို့ ခေါ်သွားပါတော့တယ်။

ဘုန်းကြီးကျောင်းကလေးဟာ သေးငယ်တဲ့ တဲကလေးသာဖြစ်ပြီး ပြတင်းပေါက်လည်း မရှိ။ အလင်းရောင်အတွက် ဖယောင်းတိုင်မီးနဲ့ ထွန်းညှိုရတယ်။ နံရံရဲ့ အလည်မှာတော့ ဗုဒ္ဓရုပ်ပွားတော်အတွက် လှပတဲ့ ကျောင်းဆောင်တစ်ခု ရှိပါ တယ်။ ကျောင်းထိုင်ဘုန်းကြီးက ကြမ်းပြင်ပေါ်မှာ တပလ္လင်ခွေထိုင်ပြီး သူ့အနားမှာထိုင်ဖို့ကျွန်မကို လက်ယပ်ခေါ်ပါတယ်။ ကျွန်မအဖွဲ့တွေလည်း ဘုရားကျောင်းပေါ်သို့ရောက်လာကြတယ်။ ဆရာတော်က ဖယောင်းတိုင် ၁၀ တိုင်ထွန်းညှိုပြီး ကျွန်မအနာဂတ်အတွက် ဆွမ်းကို ဆန္ဒပြုပေးပါတယ်။ အရှင်ထာဝရဟာ ကျွန်မရဲ့မျက်နှာချင်းဆိုင်မှာထိုင်ပြီး သူရဲ့နေထိုင် မှုအပေါ် ကျွန်မ ကျေနပ်ခဲ့ရပါတယ်။ ကျွန်မက လာရင်းကိစ္စအကြောင်းကို ပြောပြခဲ့ပြီး မိဘမဲ့ဂေဟာရဲ့ပတ်ဝန်ကျင်ကိုလည်း လိုက်လံကြည့်ရှုခဲ့ပါတယ်။ ကျွန်မကို ထူးထူးခြားခြားပွဲလေးနဲ့ ဂုဏ်ပြုခဲ့ပါတယ်။ အရှင်ထာဝရမပါပဲ ကျွန်မ ပြန်လည် မထွက်ခွာချင်ပါဘူး။ သူ့အနေနဲ့လည်း သူ့အနာဂတ်အတွက် ကျွန်မတို့စဉ်းစားပေးနေစဉ်ကာလအတွင်း ကျွန်မမိတ်ဆွေ မိသားစုနဲ့ လာနေဖို့ သဘောတူညီမှု ရရှိခဲ့ပါတယ်။ ကျွန်မတို့ကျောင်းဝင်းအတွင်းက ထွက်ခွာလာတဲ့အချိန်အထိ တီးဝိုင်းကတီး ခတ်စဲဖြစ်လို့ ကျွန်မ ၀မ်းမြောက်ပီတိ ဖြစ်ခဲ့ပါတယ်။ တည်းခိုရာအိမ်မှာ အမျိုးသမီးတွေများလို့ အရှင်ထာဝရအနေနဲ့ အချိန်တိုအတွင်းမှာပဲ မူလဘုန်းကြီးကျောင်းကို သီတင်းသုံးနေထိုင်ခဲ့ပါတယ်။ သူ နံနက်ခြောက်နာရီ မထွက်ခွာခင် သူ့အနား မည်သူမျှ မရှိချိန်မှာ ကျွန်မ ၁၅ နှစ်တာ ၀တ်ဆင်ခဲ့တဲ့ လက်စွပ်တစ်ကွင်းကို အရှင်ထာဝရ သူ့အား ပေးခဲ့ပါတယ်။ ကျွန်မအနေနဲ့ သူနဲ့ဝေးနေပေမဲ့လည်း အမြဲမိဘသဖွယ်ရှိနေတဲ့သဘောကို ဆိုလိုတာပါ။

ဘင်္ဂလားဒေ့်မှာရှိတုန်း ကျန်မမှာ ၁၃ ရက်တွင် ၆ ရက်ကို ဘတ်စ်ကားပေါ်မှာပဲ ကုန်ခဲ့ရတယ် ။ အခြေအနေတွေကို ဖြေရှင်းဖို့ UNHCR နဲ့ သက်ဆိုင်တဲ့ အစည်းအဝေးတွေပါ တတ်ရောက်နေခဲ့ရလို့လေ။ ကိုဥက္ကာက အမြဲတမ်းလိုက်ပါပေးလို့ အဖော်ရပါတယ် ။ ကျမ ခြေထောက်တွေ ဖောရောင်လာပါတယ်။ အရမ်းပင်ပန်းတတ်တယ်ဆိုပေမယ့် လုပ်သင့်လုပ်ထိုက်တဲ့ ကိစ္စတစ်ခုကို လုပ်နေရလို့ ကျမပျော်ပါတယ်။ ဆုံးဖြတ်ချက်ချမှတ်တဲ့အထိ မရောက်ခဲ့ပေမယ့် UNHCR အနေနဲ့တော့ ဒီပြသာနာကို ကောင်းကောင်းသဘောပေါက်သွားခဲ့ပါတယ်။ ဒါကြောင့်ပဲ အရှင်ထာဝရာကို တောကြီးထဲကနေ ထွက်ခွာဖို့နဲ့ သူအလုပ်ကို လုပ်ကိုင်ဖို့ ခွင့်ပြုခဲ့ပါတယ်။

နောက်ဆုံး ကံမကောင်စွာနဲ့ပဲ အခြေအနေတွေ တိုးတတ် မလာခဲ့ပါဘူး။ အရှင်ထာဝရမှာလဲ ၂၀၀၉ ဂျွန်လ ၂၈ ရက်မှာ နယ်စပ်ကို ဖြတ်ကျော်ပြီ အိန္ဓိယသို့ သွားရောက်ခဲ့ပါတယ်။ ကျမ မိသားစု မိတ်ဆွေတွေနဲ့ လုပ်ဖော်ကိုင်ဖက်တွေလဲ အဲ့ဒီလိုခက်ခဲတဲ့ လတွေကို ကျမနဲ့အတူ စိတ်ရှည်လက်ရှည် နေပေးကြပါတယ်။ နာရီပေါင်းများစွာ ကျမ အလုပ်လုပ်ခဲ့ရပါတယ်။ ဘင်္ဂလားဒေ့်ရ်ှက အခက်အခဲတွေက ကျမရဲ့ အချိန်နဲ့ စွမ်းအင်တွေကို အများကြီး ကုန်စေပါတယ်။ ကျမရဲ့ လျှိဝှက်စွာ ပါဝင်လုပ်ဆောင်ချက်တွေဟာ အခုမှတော့ အဆုံးသတ် ပန်းတိုင်ရောက်လုနီးပါပြီ။

ဆုတံဆိပ်တွေရခဲ့တဲ့ Burmar VJ ထဲက သူရဲ့မှတ်တမ်းဝင် လုပ်ဆောင်ချက်တွေကြောင့်လဲ လူသိများလာပါပြီ။ အခုအခါမှာ သူဟာ ဘုန်းကြီးကျောင်းတစ်ခုမှာ သီတင်းသုံးနေပြီ အခြားနှစ်ပါးသော ရဟန်းတွေကလဲ ကျွန်မကို အမေလို့ ခေါ်ကြပါတယ်။ ကျွန်မလဲ ဗမာဘုန်းကြီးများဆီမှ တစ်နေ့ထက်တစ်နေ့ လေ့လာနေရပါတယ်။ အရှင်ထာဝရဟာ အလွန်ကိုပဲ ထူးခြားသူပါ။ ချစ်ခြင်းမေတ္တာဟာ အစလည် မရှိ ၊ အဆုံးလည်း မရှိသောကြောင့် ဒီဇာတ်လမ်းဆုံးသွားပြီလို့ မဆိုနိုင်ပါဘူး။

၂၀၁၀ခုနှစ် ငြိမ်းချမ်းရေးနှစ်သစ်ကို မေတ္တာနှင့်ကြိုဆိုတဲ့ အခမ်းအနား အပြည်ပြည်ဆိုင်ရာ သံဃာ့ရုံးခန်း (ဂျပန်ဌာနခွဲ)တွင် အောင်မြင်စွာပြုလုပ်

ဖြိုးဝေ-mmp | ဂျပန်နိုင်ငံ၊ တိုကျိုမြို့၊ sugamo(ဆုဂါမို) ဘူတာအနီးရှိ အပြည်ပြည်ဆိုင်ရာ သံဃာ့ရုံးခန်း (ဂျပန်ဌာနခွဲ)တွင် ၂၀၁၀ခုနှစ် ငြိမ်းချမ်းရေးနှစ်သစ်ကို မေတ္တာနှင့်ကြိုဆိုတဲ့ အခမ်းအနားတစ်ရပ်အား ဂျပန်ဌာနခွဲ၏ တာဝန်ခံဆရာတော် အရှင်ဓမ္မဇောတိမှ ဦးဆောင်ကာ အောင်မြင်စွာပြုလုပ်နိုင်ခဲ့ကြောင်း သိရှိရသည်။
အရှင်ဓမ္မဇောတိ
နိုင်ငံခြားရပ်ခြားမှာသတင်းသုံးနေတဲ့ ဆရာ တော်များကို ဆက်သွယ်ဖိတ်ကြားပြီး ဒီအခမ်းအနား ကိုဖြစ်မြောက်အောင် ကြီုးစားခဲ့တာဖြစ် ကြောင်း တာဝန်ခံဆရာတော် အရှင်ဓမ္မဇောတိမှ မိန့်ကြားပါသည်။ “ပြည်ပကိုရောက်ရှိနေကြတဲ့ မြန်မာနိုင်ငံသူ/ နိုင်ငံသားတွေအနေနဲ့ ပါတီ တွေ၊ အဖွဲ့ အစည်းတွေ အမျိုးမျိုးရှိနေပေ မယ့် အားလုံးဟာ မြန်မာ လူမျိုး ဒကာ/ဒကာမတွေလို့ပဲမြင်တယ်။ ဘုန်းဘုန်းတို့ အနေနဲ့လည်း ပါတီတွေ၊ အဖွဲ့အစည်းတွေဆိုတဲ့ အဆွဲမရှိဖူး၊ ကန့်သတ်မထားဖူး အဲ့တာကြောင့် သံဃာတွေကို အမှီသဟဲ ပြုပြီးတော့ ဂျပန်မှာ ရှိနေတဲ့ အဖွဲ့အစည်းတွေနဲ့ ပြည်တွင်းအပြင်၊ နိုင်ငံရပ်ခြားမှာ ရှိတဲ့ ပါတီတွေ၊ အဖွဲ့အစည်းတွေကို စုစည်းစေဖို့လည်းပါတယ်၊ ပြီးတော့ မြန်မာနိုင်ငံသူ/ နိုင်ငံသားအားလုံးဟာ သံဃာတော်တွေကို ဆက်သွယ်ရေး ဗဟိုကွန်တက်တစ်ခုကို ရရှိအောင် ပြုလုပ်တာပါ။”ဟု တာဝန်ခံဆရာတော် အရှင်ဓမ္မဇောတိမှ မိန့်ကြားတော်မူပါသည်။

တာဝန်ခံ အရှင်ဓမ္မဇောတိနှင့် အခမ်းအနားသို့ ကြွရောက်လာ ဒကာ/ဒကာမများအား သတ်သတ်လွတ် နေ့ဆွမ်းနှင့် အချိုပွဲများ ကပ်လှူဒါန်းခဲ့ပါသည်။ “မြန်မာနိုင်ငံသူ/နိုင်ငံသားများအားလုံးကို မင်္ဂလာရှိတဲ့ နှစ်သစ်မှာ ဘေးန္တာရယ်ကင်းရှင်းစေရန်ဖို့နဲ့ နှစ် ၂၀၁၀ ခုနှစ်ရွေးကောက်ပွဲကို မတရားပြုလုပ်မဲ့ နအဖ စစ်အုပ်စုကိုလည်း မေတ္တာနဲ့ အတက်နိုင်ဆုံးသွားဖို့၊ နှစ်ပေါင်း(၂၀)ကျော်လုံးလုံး ဒုက္ခရောက်နေတဲ့ မြန်မာနိုင်ငံကို အခြားနိုင်ငံကြီးများကဲ့ တို့ကဲ့သို့ ဒီမိုကရေစီစနစ်အမြန်ဆုံးရရှိစေရန် မေတ္တာပို့ရင်း ဆုတောင်းတဲ့ အခမ်းအနားပွဲလေး တစ်ရပ်ဖြစ်ပါတယ်”ဟု သတ်သတ်လွတ် နေ့ဆွမ်းနှင့် အချိုပွဲများ ကပ်လှူဒါန်းခဲ့သူ ဦးမြသိန်းမှ ရှင်းပြပါသည်။

အဆိုပါ ငြိမ်းချမ်းရေးနှစ်သစ်ကို မေတ္တာနှင့်ကြိုဆိုတဲ့ အခမ်းအနားတွင် တာဝန်ခံ အရှင်ဓမ္မဇောတိနှင့် အတူ ယူးဇီလန် နိုင်ငံမှ သာသနာ့ဥသျှောင်ဆရာတော် အရှင်ဦးသြဘာသ၊ ဂျာမဏီ နိုင်ငံ မှ သာသနာ့ဥသျှောင် ဆရာတော် အရှင်ဦးသောပါက၊ အင်္ဂလန်နိုင်ငံမှသာသန ဥသျှောင်ဆရာတော် အရှင်ဦးဝိန္ဒက၊ မြန်မာနိုင်ငံလုံးဆိုင်ရာ သံဃာ့ကိုယ်စားလှယ် (အတွင်းရေးမှူး) ဆရာတော် အရှင်ဦးထာဝရနှင့် ထိုင်းနိုင်ငံ မှ သာသနာ့ဥသျှောင် အတွင်းရေးမှူးဆရာတော် အရှင်ဦးကုဿရိယတို့မှ Online(အွန်လိုင်း)မှ တဆင့် ၂၀၁၀ခုနှစ် ငြိမ်းချမ်းရေးနှစ်သစ် မေတ္တာနှင့်ကြိုဆိုသော သြ၀ါဒဂါထာများ သံဃာတော်များ ဦးဆောင်ပြီးဖြေရှင်းရန် လိုအပ်ချက်နှင့် သတိထားရှေ့ဆက်ဆောင်ရွက်သင့်သည့် အချက်များကို ဟောကြားပေးခဲ့ကြောင်းသိရပါသည်။

“အခမ်းအနား အစီအဉ်အရ ကြွရောက်လာတဲ့ ဒကာ/ဒကာမများမှ“ နမော တဿ ” (၃) ကြိမ် ရွတ်ဆိုပြီး “ငါးပါးသီလ”ခံယူခဲ့ကြတယ်။ တာဝန်ခံ ဆရာတော်နဲ့ အွန်လိုင်းမှ ဖိတ်ကြားထားတဲ့ ဆရာတော်များမှ အွန်လိုင်းမေတ္တာပို့ရခြင်း ရည်ရွယ်ချက်များနှင့် မေတ္တာနှင့်ကြိုဆိုသော သြ၀ါများ/ဒဂါထာများကို ရွတ်ဖတ်ပေးတော်မူခဲ့တယ်။”ဟု အခမ်းအနားမှူးအဖြစ် ဆောင်ရွတ်ပေးခဲ့သူ ဦးထွန်းဦးမှ ပြောပြပါသည်။

ဆက်လက်ပြီး မေတ္တာနှင့်ကြိုဆိုတဲ့ အခမ်းအနား ရည်ရွယ်ချက်နဲ့ ပါတ်သတ်ပြီး အရှင်ဓမ္မဇောတိမှ“နိုင်ငံရပ်ခြားမှာရောက်ရှိနေတဲ့ မြန်မာနိုင်ငံသူအနေနဲ့ ကိုယ်ဟာ မြန်မာနိုင်ငံသား ဖြစ်တဲ့အတွက် လုပ်နိုင်စွမ်းရှိမယ်၊ လုပ်နိုင်တဲ့ အခွင့်အရေးရှိမယ်ဆိုရင် အဲ့ဒီပုဂ္ဂိုလ်မှာ တာဝန်ရှိတယ်။ အဲ့လို ကိုယ့်တာဝန်ကိုယ်ယူပြီး လုပ်ကိုင်သွားကြမယ် ဆိုရင် ဘုန်းဘုန်းတို့ လိုလားတောင်းတနေတဲ့ တစ်မျိုးသားလုံး လွတ်မြောက်ရေးဟာ မကြာမီအောင်မြင်မယ်လို့ ဘုန်းဘုန်းအနေနဲ့ ယုံကြည်ပါတယ်”ဟု မိန့်ကြားတော်မူပါသည်။

မေတ္တာပို့ ပြီးနောက် မင်္ဂလာအခမ်းအနားအောင်မြင်စွာပြီးမြောက်ပြီဖြစ်ကြောင်းကို အပြည်ပြည်ဆိုင်ရာ သံဃာ့ရုံးခန်းတာဝန်ခံ အရှင်ဓမ္မဇောတိ အရှင်မြတ်မှ ကြေညာပေးပြီး လှူဒါန်းမှု အစုစုအတွက်ရေစက်ချ အမျှဝေပေးတော်မူခဲ့ကြကာ “ဗုဒ္ဒသာသနံ စိရံ တိဋ္ဌတု”သုံးကြိမ်ရွတ်ဆိုလျှက် အခမ်းအနားကို အောင်မြင်စွာဖြင့် ရုပ်သိမ်းခဲ့ကြပါသည်။