ကျနော်နှစ်သက်မိသော comment တစ်ခု ဗုဒ္ဓဘာသာဝင်များအတွက် ပြန်လည်မျှဝေပေးခြင်း

ရှင်းလင်းခြင်း(၁)
ဝက်ပိုင်ရှင်မိတ်ဆွေကြီး နဲ့ တကွ ရောက်လာကြကုန်သော မိတ်ဆွေအပေါင်းတို့ခင်မျာ-

ဒီဝက်ဆိုဒ်ရောက်လာမိတ်ဆွေ အပေါင်း စိတ်မသက်သာမှု ဒေါသများ မဖြစ်စေရန် လည်းကောင်း။ ၀က်ဆိုဒ်ရေးတဲ့ မိတ်ဆွေကြီး နှင့် ဗုဒ္ဓဘာသာကို ဝေဖန်ပုတ်ခတ်ကြသော တခြားဝက်ဆိုဒ်မှ သက်ဆိုင်ရာ မိတ်ဆွေအပေါင်းတို့အားလည်းကောင်း တကယ့်ဗုဒ္ဓဘာသာ (ခေါ်) ဓမ္မ universal law ဆိုတာကို အနည်းငယ် တီးခေါက်မိစေရန် ရည်ရွယ်ပြီး ကျွန်တော် ဒီစာကိုရေး လိုက်ရပါ တယ်ခင်မျာ-

တကယ်တော့ မိတ်ဆွေကြီး တကယ့် ဗုဒ္ဓဘာသာ (သို့) ဓမ္မ universal law ဆိုတာကို သေသေချာချာ မသိသေးလို့ပါ။ မိတ်ဆွေကြီးတို့ ဖျက်ဆီးချင်တဲ့ တကယ့်ဗုဒ္ဓဘာသာ (သို့) ဓမ္မ universal law ဟာ တကယ်တော့ ဘာလဲ ဆိုတာ အသေအချာသိရရင် မိတ်ဆွေကြီး ဖျက်ဆီးလိုတော့မှာ မဟုတ်ဘဲ ပြန့်ပွါးအောင်ပင် လုပ်ချင်လာပါလိမ့်မယ်။ တကယ်တော့ မိတ်ဆွေကြီး ဖျက်ဆီး ချင်တဲ့ ဗုဒ္ဓဘာသာ သို့ ပုတ်ခတ်စော်ကားဖော်ပြထားသမျှဟာ တကယ့် ဗုဒ္ဓဘာသာမဟုတ်ပဲ အပေါ်ယံ အကာ ဗုဒ္ဓဘာသာဖြစ်ပါတယ်။

တနည်းအားဖြင့် မိတ်ဆွေကြီး ဝေဖန်စော်ကားနေသမျှဟာ တကယ့် ဗုဒ္ဓဘာသာ မဟုတ်ဘဲ အပေါ်ယံ အကာ ဗုဒ္ဓဘာသာဖြစ်ပါတယ်။ တနည်းအားဖြင့် ပညတ်သာသနာလို့ ခေါ်ပါတယ်။ - ဘုရား အလောင်း ဘယ်နှစ်ခုနှစ်မှာ မွေးပြီး။ ဘယ်နေရာမှာမွေး။ ဘာလူမျိုးဖြစ်။ ဘာနိုင်ငံသားဖြစ်။ ဘယ်သူနဲ့တူတယ်။(ချောတယ်။ ရုပ်ဆိုးတယ်ဆိုတာတွေ)။ ဘယ်သူတွေနဲ့တွေ့။ ဘယ်သူနဲ့လက်ထပ်။ ငယ်စဉ်ဘ၀ မိန်းမဘယ်နှစ်ယောက်ယူခဲ့။ သားသမီးဘယ်နှစ်ယောက်ရ။ ဘယ်သူတွေက သူ့တပည့်ဖြစ်။ ဘယ်သူတွေက သူ့ဆရာဖြစ်ခဲ့ကြ၊ ဘယ်နှစ်ခုနှစ်မှာ ဘုရားဖြစ်၊ ဘယ်နှစ်ခုနှစ်မှာ တရားဟော။ ဘယ်နှစ်ခုနှစ် ပရိနိဗ္ဗါန်စံ(သေဆုံး) စတာတွေ - စသည်ဖြင့် ပုဂ္ဂိုလ်ရေး pensonal(သမိုင်း) အပေါ်ယံ ဗုဒ္ဓဘာသာ တွေဖြစ်ပါတယ်။

မိတ်ဆွေကြီးဟာ သူများpersonal ပုဂ္ဂိုလ်ရေးချည်းကိုသာ ဖော်ပြနေပြီး အသိဥာဏ်ပိုင်း-စိတ်ဓါတ်ပိုင်း (sprituality) အယူဝါဒရေးရာ (တကယ့် ဗုဒ္ဓဘာသာ)နဲ့ပတ်သက်ပြီး တစ်လုံးမှ ကန့်ကွက်ခြင်းမရှိပါ။ ဒီဝက်ဆိုဒ်ရှင်မိတ်ဆွေကြီး ပုတ်ခတ်ထားတဲ့ ဘုရားဟာ ဘယ်သူနဲ့တူလဲ။ ဘယ်ပုံအစစ်ဖြစ်သလဲ။ စေတီ-ဘုရားပုံတွေပဲဖြစ်ဖြစ်၊ ရုပ်တု ဆင်းတု တွေပဲဖြစ်ဖြစ်၊ ဒါတွေဟာ အပေါ်ယံ ဗုဒ္ဓဘာသာပဲ ဖြစ်ပါတယ်။ စေတီ-ဆင်းတု-တစ်ဦးဦး တစ်ယောက်ယောက် တစ်ခုခုကို ရှိခိုး ၀တ်ပြု ဆုတောင်းနေကြတာဟာ တကယ့်အစစ်အမှန် ဗုဒ္ဓဘာသာ(သို့) ဓမ္မ (သို့) ဗုဒ္ဓရဲ့ အဓိက ပြုလုပ်စေချင်တဲ့ လိုရင်းမဟုတ်ပါဘူး။

-အပေါ်ယံ ဗုဒ္ဓဘာသာ ဟာ တကယ့် အစစ်အမှန် ဗုဒ္ဓဘာသာ ကို သိရှိရေး လုပ်ဆောင်ကြရန် ကြော်ငြာပေးမှု-ဆော်သြတိုက်တွန်းပေးမှု အဆင့်သက်သက်သာဖြစ်ပါတယ်။

တကယ့် အစစ်အမှန် ဗုဒ္ဓဘာသာကတော့ နောက်ဖြစ်မည့် အနာဂတ်အကျိုးတရား တွေကို နတ်ပြည်-ငရဲပြည်-မြင့်မိုရ်တောင်-နိဗ္ဗါန်- တစုံတရာ-ဘာလဲ-ဘာမှာလဲ ဆိုတာတွေကို ထည့်မစဉ်းစားပဲ မမျှော်ကိုးပဲ ပစ္စပ္ပါန်တည့်တည့် လက်ငင်း မိမိနှင့်တကွ မိမိပတ်ဝန်းကျင် လက်ငင်းလက်တွေ့ အကျိုးရှိမယ့်အလုပ်ကို အကောင်းဆုံး တစိုက်မတ်မတ်လုပ်ဆောင် ခြင်း ဖြင့် ပစ္စပ္ပါန် အနာဂတ် ကောင်းကျိုးတွေ ဆုတောင်းစရာမလိုဘဲ အလိုလိုရဖြစ်ပေါ်လာအောင်ပြုလုပ်တာပါပဲ။ တကယ့် ဗုဒ္ဓဘာသာမှာ လူတွေကို နတ်ပြည်နှင့်ဖြားယောင်းစရာမလိုသလို၊ ငရဲပြည်နှင့်ခြိမ်းခြောက်ရန်မလိုအပ်ပါဘူး။

ဘာကြောင့်လဲဆိုတော့ ဗုဒ္ဓ၏ လုပ်ဆောင်ရန်အချက်များ နှင့် မလုပ်ဆောင်ရန်အချက်များ ညွှန်ကြားထားမှုဟာ မိမိ နှင့် တကွ မိမိ ပတ်ဝန်းကျင်ကို ယခုလက်ငင်းရော-အနာဂတ်အတွက်ပါ ကောင်းကျိုးပြုစေရန် အတွက် ငြင်းပယ်ရန်မလိုအပ်ပဲ လုပ်ဆောင် သင့်လှကြောင်း အသိဥာဏ်ရှိသောသူများအားလုံး လွယ်ကူစွာ သိရှိနိုင်သော ကြောင့်ဖြစ်ပါတယ်။ မိမိနှင့်တကွ မိမိပတ်ဝန်းကျင် လက်ငင်းလက်တွေ့ အကျိုးရှိမယ့် လုပ်ဆောင်ရန်-မလုပ်ဆောင် ရန် အလုပ်တွေက ဘာတွေလဲ ဆိုတာကို ဗုဒ္ဓက အဆင့် (၄) ဆင့် (သို့) အလုပ်(၄မျိုး)ခွဲခြားပြပြီး တဆင့်ချင်း လုပ်ဆောင်သွားရပါမယ်။ ဒီ ဗုဒ္ဓ၏ ညွှန်ကြားမှု (တကယ့်ဗုဒ္ဓဘာသာ) (သို့) ဓမ္မ universal law ကို ယခုဝက်ဆိုက် မှမိတ်ဆွေကြီး ဝေဖန် ကန့်ကွက် ပုတ်ခတ်နိုင်မှသာ ဗုဒ္ဓဘာသာကို ဖျက်ဆီးမှု (သို့) တကယ့်ဗုဒ္ဓဘာသာကို ထိခိုက်စော်ကားမှုဖြစ်ပါသည်ဟု ကျွန်တော်ဒီနေရာကပဲ လေးလေး နက်နက် အကြံပြုသိစေအပ်ပါတယ်ခင်မျာ-

ရှင်းလင်းခြင်း(၂)

ဒီ အဆင့်-၄ ဆင့် (သို့) အလုပ်-၄မျိုး လုပ်ဆောင်ရန် ဗုဒ္ဓရဲ့ ညွှန်ကြားမှုကို လူအများ မလုပ်ကြရန် မိတ်ဆွေကြီးတို့ ၀ါဒဖြန့်နိုင်မှသာ ဗုဒ္ဓဘာသာကို ဖျက်ဆီးလို့ရပေမည်။ သို့မဟုတ်ပါက မိတ်ဆွေကြီးတို့ ရည်မှန်းချက် ဘယ်တော့မှ အောင်မြင်မည်မဟုတ်ပါ. အဘယ့်ကြောင့်ဆိုသော် တကယ့်ဗုဒ္ဓဘာသာ (သို့) ဓမ္မ universal law ကို မဝေဖန် မကန့်ကွက်နိုင်ဘဲ အပေါ်ယံ ဟန်ပြ ဗုဒ္ဓဘာသာကိုသာ သွားရောက် ကန့်ကွက် ဖျက်ဆီး နေသောကြောင့်ဖြစ်ပါသည်။

သမိုင်းအဆက်ဆက် ဗုဒ္ဓဘာသာကို စော်ကားဖျက်ဆီးသူများဟာလည်း အပေါ်ယံ ဗုဒ္ဓဘာသာ ဆင်းတု- စေတီပုထိုး - မှတ်ပုံတင်ထဲ (သန်းခေါင်းစာရင်း)ထဲမှ ဗုဒ္ဓဘာသာအရေအတွက် ကိုသာ အဓိကထား ပြောင်းလဲဖို့ကြိုးစားနေသဖြင့် ဗုဒ္ဓဘာသာဟာ အိန္ဒိယမှ ကွယ်ပျောက်ခဲ့သည်ဆိုသော်လည်း တကယ့်ဗုဒ္ဓဘာသာက မပျောက်ကွယ်သဖြင့် ယခုဆိုလျှင် အိန္ဒိယတွင် ဗုဒ္ဓသာသနာ ပြန်လည်ထွန်းလင်းလာချေပြီ။

နိုင်ငံပေါင်း (၇၀)ကျော်တွင် ၀ိပဿနာတရားရိပ်သာများဖွင့်လျှက် တကယ့်ဗုဒ္ဓဘာသာကို မြန်မာနိုင်ငံမှ ပြန်လည်သိနားလည်သွားကာ ဖြန့်ဖြူးပေးနေသည့် ဆရာကြီး ဦးဂိုအင်ကာ ကျေးဇူးဖြင့် အခုဆိုရင် တကယ့် ဗုဒ္ဓဘာသာဟာ အိန္ဒိယ တွင် အကျဉ်းထောင်၊ စာသင်ခန်း တို့မှ စတင်ကာ တကျော့ပြန် ပြန်လည် ထွန်းလင်းနေပါပြီ။

အနောက်နိုင်ငံများမှ အသိဥာဏ်ရှိသူများမှလည်း ဗုဒ္ဓရဲ့ အဆင့်-၄ ဆင့် (သို့) အလုပ်-၄မျိုး လုပ်ဆောင်ရန် ညွှန်ကြားမှု(တကယ့်ဗုဒ္ဓဘာသာ) ဟာ ဝေဖန်-ကန့်ကွက်စရာ တစုံတရာ လုံးဝမလိုအပ်ပဲ လောကီအတွက်ရော လောကုတ္တရာအတွက်ပါ လူမျိုးမရွေး-ဘာသာမရွေး-နေရာမရွေး-အချိန်မရွေး လူတိုင်းလုပ်ဆောင်သင့်တဲ့ လုပ်ဆောင်ထိုက်တဲ့ တရားဖြစ်ကြောင်း သိနားလည်လျှက် လိုက်နာကျင့်သုံးရာမှ (ဖြန့်ဖြူးပေးရာမှ) ယခုဆိုလျှင် ဗုဒ္ဓရဲ့ အဆင့်-၄ ဆင့် (သို့) အလုပ်-၄မျိုး လုပ်ဆောင်ရန် ညွှန်ကြားမှု(တကယ့်ဗုဒ္ဓဘာသာ) ဟာ အနောက်နိုင်ငံ များမှာ ယခုဆိုလျှင် အလွန်ပဲ လူသိများ ကျော်ကြားလာကာ လိုက်နာ ကျင့်သုံး လျှက်ရှိကြပါပြီ။

ထို့ကြောင့် ယခုဝက်ဆိုဒ်ကိုလာရောက်ကာ စိတ်ဆိုးမကျေနပ်ဒေါသထွက်မိသော ဗုဒ္ဓဘာသာဝင်များအနေနဲ့လည်း ယခု ၀က်ဆိုဒ်ပိုင်ရှင် မိတ်ဆွေကြီး စော်ကား ပုတ်ခတ်မှုများဟာ တကယ့် ဗုဒ္ဓဘာသာ မဟုတ်ပဲ တကယ့် ဗုဒ္ဓဘာသာကို သိရှိရေး ဆော်သြတိုက်တွန်းပေးသည့် အပေါ်ယံ ဗုဒ္ဓဘာသာ ကိုသာ ပုတ်ခတ်စော်ကားခြင်းမျှ သာဖြစ်ကြောင်းသိနားလည်လျှက် စိတ်မသက်မသာမဖြစ်ကြပဲ ၊ ဗုဒ္ဓရဲ့ အဆင့်-၄ ဆင့် (သို့) အလုပ်-၄မျိုး လုပ်ဆောင်ရန် ညွှန်ကြားမှု(တကယ့် ဗုဒ္ဓဘာသာ) ကို မိမိတို့ မလုပ်ဆောင်နိုင်စေရန် စော်ကား ကန့်ကွက်မှသာ စိတ်မသက်မသာဖြစ်ကြဖို့ လေးလေး နက်နက် ပန်ကြားအပ်ပါတယ်။

ရှင်းလင်းခြင်း(၃)
ဗုဒ္ဓရဲ့ အဆင့်-၄ဆင့် (သို့) အလုပ်-၄မျိုး လုပ်ဆောင်ရန် ညွှန်ကြားမှုကို ယခု ၀က်ဆိုဒ် မိတ်ဆွေကြီး နှင့် မသိသေးသူများအားလုံးပဲ သိရှိရန် အကျဉ်းမျှဖော်ပြအပ်ပါတယ်ခင်ဗျား-

ပထမအဆင့် (ဒါန) -
ကြွားဝါမှုမပါ - နောက်ဘ၀ကောင်းစားရေးမပါ - ငါ့အတွက်-ငါ့ဘာသာ ကောင်းစားရေး
တစုံတရာမျှော်လင့်ချက်မပါ - -သူတပါး အကျိုး သက်သက် အတွက် စွန့်လွှတ်ပေးကမ်းမှု။
မိမိလောဘစိတ် ကို အလောဘ စိတ် ဖြစ်အောင် ပြုလုပ်မှု။
(ဗုဒ္ဓသည် လှူဒါန်းသူ၏ စေတနာ နှင့် အလှူခံပုဂ္ဂိုလ်တို့ စိတ်ထားနှင့်ပတ်သက်ကာ အကျိုးရှိပုံကို အဆင့်ဆင့်ပြောကြားခဲ့သော်လည်း ဘယ်သူ့ကိုတော့ဖြင့်မလှူရ ဘယ်သူ့တော့ဖြင့်များများလှူ ဟု မကန့်သတ်ခဲ့ပေ။ သုတ္တန်တစ်ခုတွင် တခြားဘာသာမှ မိမိအားပြောင်းလဲ ဆည်းကပ်ကြည်ညိုလာသူတစ်ဦးအား အရင်ကိုးကွယ်ခဲ့သောဘာသာမှ အလှူခံများကိုလည်း ဆက်လက်လှူဒါန်းပါရန် မိန့်ကြားထားလေသည် )

ဒုတိယအဆင့် (သီလ)-
လူအပါအ၀င် သတ္တ၀ါများ၏ အသက်ကို သတ်ဖြတ်ခြင်းမှ ရှောင်ကြည်ခြင်း။
သူတပါး-တိုင်းပြည်ပိုင် ပစ္စည်းများအား မတရားယူခြင်း-ခိုးယူခြင်း မှ ရှောင်ကြည်ခြင်း။
သူတပါး သားပျို-သမီးပျို-ကာမပိုင်ရှိသူများအား လွန်ကျူး စော်ကား ဖျက်ဆီးခြင်း။
သူတပါးအား လိမ်ညာလှည့်ဖြားပြောဆိုခြင်း မှ ရှောင်ကြည်ခြင်း။
အရက်သေစာ မူးယစ်ဆေးဝါးများသောက်စားမူးယစ်ခြင်း မှ ရှောင်ကြည်ခြင်း ။ စသည်တို့ဖြစ်လေသည်။ (တနည်းအားဖြင့်) မိမိ ဒေါသ-လောဘ အလျှောက် မတရားလုပ်ချင်စိတ်များကို စွန့်လွှတ်ရန် ဖြစ်လေသည်။

တတိယအဆင့်(သမာဓိဘာဝနာ) -
လူမျိုး-ဘာသာမရွေး-သတ္တ၀ါမရွေး မည်သူ့ကိုမဆို ချစ်ခင်လျက် သတ္တ၀ါအားလုံး၏ ကောင်းကျိုးကို နှစ်သက်လိုလားသော မေတ္တာ စိတ်ဓါတ်များ ဖြစ်ပေါ်(ပွားများ)မှုကိုလည်းကောင်း။ လူမျိုး-ဘာသာမရွေး-သတ္တ၀ါမရွေး ဒုက္ခရောက်သူ မည်သူ့ကိုမဆို သနားကြင်နာသော ကရုဏာ စိတ်ထား ဖြစ်ပေါ်(ပွားများ)မှုကိုလည်းကောင်း။ လူမျိုး-ဘာသာမရွေး-သတ္တ၀ါမရွေး မိမိထက်သာသူ မိမိထက်ချမ်းသာသူအားလုံး မည်သူ့ကိုမဆို ၀မ်းမြောက်သောစိတ်ထား မုဒိတာ ဖြစ်ပေါ်(ပွားများ)မှုကိုလည်းကောင်း။

လူမျိုး-ဘာသာမရွေး-သတ္တ၀ါမရွေး မိမိ မည်သို့မျှ ဆုံးမ-သွန်သင်လို့မရသူ မည်သူ့ကိုမဆို ဒေါသစိတ် မုန်းတီးစိတ် နာကျည်းစိတ် မထားပဲ ညီညွှတ်မျှတသောသဘောထား ဥပက္ခောစိတ်ထား ဖြစ်ပေါ်(ပွားများ)မှုကိုလည်းကောင်း။ တောင်တွေး- မြောက်တွေး- ဟိုမကောင်းကြံ- ဒီမကောင်းကြံ- ဟိုပူ- ဒီပူ-
ဟိုမကျေနပ်-ဒီမကျေနပ် ဖြစ်မနေပဲ မိမိ ၀င်သက်ထွက်သက် (သို့) မိမိခန္ဓာမှာဖြစ်ပေါ်နေသော ဓါတ်သဘာဝ-စိတ်သဘာဝ များကို သတိဖြင့် စောင့်ကြည့်ကာ တည်ကြည်နေမှုကိုလည်းကောင်း တတ်စွမ်းသမျှ လုပ်ဆောင်ရန်ဖြစ်လေသည်။

(တနည်းအားဖြင့်)
မနာလိုစိတ်-မုန်းတီးစိတ်-အပျော်ကြူးချင်သောစိတ်-ထောင်လွှားသောစိတ်-
ပျင်းရိသောစိတ်- သူတပါးအား ဒုက္ခရောက်စေလိုသောစိတ် - ပျက်စီးစေလိုသောစိတ် စသည် ဖြင့် မကောင်းသောစိတ်များကို စွန့်လွှတ်ရန် ဖြစ်လေသည်။

စတုတ္ထအဆင့်(၀ိပဿနာဘာဝနာ)

ဒီအဆင့်ကတော့ တကယ့် ဗုဒ္ဓဘာသာ အဆင့်လေးဆင့် မှာ အမြင့်ဆုံး ဖြစ်ပါတယ်။ ဒီအဆင့်ကို ဗုဒ္ဓဘာသာဝင်များကိုယ်တိုင် ရောက်ဖို့ သိဖို့ နားလည်ဖို့ လုပ်တတ်ဖို့ တော်တော်လေး ခဲယဉ်းနေတတ်ပါတယ်။ (ဒီမိတ်ဆွေကြီးရဲ့ ပုတ်ခတ်ထားတဲ့ post တစ်ခု တရားနည်း တစ်ခုကို ၀ိပဿနာအဖြစ် အထင်မှားလျှက် ပုတ်ခတ်ထားတာ တွေ့ရပါတယ်။)

အခုဒီနေရာမှာ ၀ိပဿနာဘာဝနာ ကို ရှင်းပြရင်လည်း ဒေါသစိတ်အားကြီးသူ ၀က်ဆိုဒ်ရှင် မိတ်ဆွေကြီး နားလည်ဖို့ ခက်ခဲမယ်လို့ ယုံကြည်မိပါသော်လည်း အကြမ်းအားဖြင့် တော့ ကျွန်တော်နားလည်သလောက် တခြားသူများအတွက်ပါ ရည်ရွယ်လျှက် စေတနာဖြင့် ရှင်းပြလိုက်ပါသည်။

အမှန် ကို အမှန် အတိုင်း သိနေခြင်း။
-တကယ့် အရှိ ကို အရှိအတိုင်း လက်ခံယုံကြည်နေခြင်း။
-တကယ်မဟုတ်တာ ကို တကယ်မဟုတ်မှန်း သိနေ နှလုံးသွင်းနေခြင်း။
-တကယ် မရှိတာ ကို တကယ်မရှိမှန်း နားလည် သဘောပေါက် ဆင်ခြင်နေခြင်းဖြင့်
(တနည်းအားဖြင့်)
-မမြဲသော တရစပ် ပျက်စီးနေသော အနိစ္စသဘာဝများကို တရစပ်
ဖောက်ပြန်ပျက်စီးပြိုကွဲပြောင်းလဲနေမှုသဘောဖြစ်ခြင်း (အနိစ္စ) ဟု သိနေခြင်း -
- အနှစ်မဟုတ်သောသဘော- ကျေနပ်သာယာစရာမဟုတ်သောသဘော ဒုက္ခသဘာဝများကို
အနှစ်မဟုတ်သောသဘော- ကျေနပ်သာယာစရာမဟုတ်သောသဘေ(ဒုက္ခ)ဟု သိနေခြင်း
-ငါ-ငါ့ဟာ-ငါ့စိတ်-ငါပိုင်- ငါဆိုင် အဖြစ် (တစ်ခုခုအဖြစ်) ရှိမနေမှု -မြဲမနေမှု -
အဖတ်မတင်မှု-သဘာဝသက်သက်များကို ငါ-ငါ့ဟာ-ငါ့စိတ်-ငါပိုင်- ငါဆိုင် အဖြစ်
(တစ်ခုခုအဖြစ်) ရှိမနေမှု -မြဲမနေမှု - အဖတ်မတင်မှု-သဘာဝသက်သက်များ(အနတ္တ)ဟု -
အမှန်တရား ကို မှန်မှန်ကုန်ကန် နှလုံးသွင်းဆင်ခြင်ခြင်း(သိနားလည်သွားမှုဖြင့်)
(ဥာဏ်အားဖြင့်) ပူလောင်ဆင်းရဲစေသောစိတ်များ-မမှန်ကန်သောစိတ်များ (ကိလေသာများ)
ကို တစ်စ တစ်စ စွန့်လွှတ်- စွန့်လွှတ်သွားနိုင်မှု ဖြစ်လေသည်။

နောက်ဆုံး စတုတ္ထအဆင့်(၀ိပဿနာဘာဝနာ)ဖြင့် တကယ့်ချမ်းသာအစစ် - ငြိမ်းချမ်းရာအစစ် -တည်မြဲရာအစစ် - အိုနာသေကင်းရာအစစ် ကို သူတပါးမေးစရာမလိုပဲ self-evident အဖြစ် ကိုယ်တိုင် သိရှိ - မျက်မှောက်ပြုသွားခြင်း enlightenment ဖြစ်သွားခြင်း ဖြစ်လေသည်။

ရှင်းလင်းခြင်း(၄)
အထက်ပါ အဆင့် (၄) ဆင့်ကို လုပ်ဆောင်နေသူဟာ မှတ်ပုံတင်ထဲတွင် တခြားဘာသာ အမည်တစ်ခုကိုရေးထားသော်လည်း ဗုဒ္ဓဘာသာဖြစ်နေပေမည်။ ဗုဒ္ဓဟာ အဆင့် (၄) ဆင့်ကို နောက်ဆုံး (၄)ဆင့်ထိ ပြုလုပ်ရန် အဓိကထားသော်လည်း တဆင့်လုပ်လျှင် တဆင့်အလျှေက် နှစ်ဆင့် လုပ်လျှင် နှစ်ဆင့်အလျှောက်- သုံးဆင့်လုပ်လျှင်သုံးဆင့် မိမိလုပ်နိုင်လျှင် လုပ်သည့်အလျှေက် မိမိ နှင့် တကွ မိမိပတ်ဝန်းကျင်မှာပါ ပစ္စပ္ပါန်-အနာဂတ် ကောင်းကျိုးများရရှိမည်မှာ သေချာသောနိယာမ univeral law ဓမ္မ ဖြစ်ကြောင်း။ မိမိ နှင့် တကွ မိမိပတ်ဝန်းကျင်မှာပါပစ္စပ္ပါန်-အနာဂတ် ကောင်းကျိုးများကို မိမိကိုယ်တိုင် လက်တွေ့ကျင့်သုံးကြည့်ပါက မိမိကိုယ်တိုင် ယခုဘ၀မှာပင် ဒိဋ္ဌ မျက်မြင် တွေ့ရှိ သိရှိနိုင်ကြောင်း။ မိမိ နှလုံးသားထဲတွင် ဗုဒ္ဓဘာသာအစစ် (ဓမ္မ) ပြန့်ပွား ထွန်းကားနေပြီဖြစ်ကြောင်း ။ တန်ခိုးဖြင့် အပ်ချလောင်းဆိုပြီး တစ်ဦးဦးမှ လုပ်ပေးလာဖို့ မျှော်လင့် အသနားခံ ဆုတောင်း နေစရာမလိုကြောင်း မှာကြားထား လေသည်။

(မှတ်ချက်။ ဒီလေးခုကို လုပ်လျှင်လုပ်သလောက် အကျိုးများမှာဖြစ်သလို- မလုပ်လျှင် မလုပ်သလောက် အကျိုးနည်း ပေမည်။ )

ဗုဒ္ဓဘာသာများအနေနဲ့ လည်း မှတ်ပုံတင်ထဲ စာရင်းအင်းထဲမှာ မိမိဟာ ဗုဒ္ဓဘာသာဝင်ဖြစ်တယ် လို့ ဘယ်လောက်ပဲ မှတ်တမ်းတင်ရေးထား ရေးထား ။ ဒီအဆင့်လေးဆင့်ကို နောက်ဆုံးအဆင့်ထိ ရောက်အောင် မလုပ်ဆောင်နိုင်ပါက လုပ်ဆောင်ဖို့ အချိန်မပေးနိုင်ပါက ဗုဒ္ဓဘာသာအတွက် ဘယ်လောက်ပဲ ဒေါသ ထွက်ထွက် - ဘယ်လိုပဲ ရပ်တည်ရပ်တည် ဗုဒ္ဓရဲ့ ဖြစ်စေချင်တဲ့ တကယ့်လိုရင်းအဓိက (တကယ့်ဗုဒ္ဓသာသနာ)ကို တကယ် တည်တံ့အောင်ပြုလုပ်ခြင်းတော့ မဟုတ်ကြောင်း သဘောပေါက်ထားရပေမည်။

ရှင်းလင်းခြင်း(၅)
ဗုဒ္ဓဘာသာကို ဖျက်ဆီးလိုသောမိတ်ဆွေဖြင့် အထက်ပါ အဆင့်လေးဆင့် လုပ်ဆောင်ရန် ဗုဒ္ဓရဲ့ ညွှန်ကြားမှု ကို ဗုဒ္ဓဘာသာဝင်အများ အား မလုပ်အောင် တိုက်တွန်း လှည့်ဖြား ဆွဲဆောင်နိုင်မှသာ မိတ်ဆွေကြီး၏ ရည်မှန်းချက် အထမြောက်အောင်မြင်ပါမည်ဟု အကြံပြုလျှက်- အထက်ပါ အချက်(၄) ချက် လုပ်ဆောင်မှု ကို မိတ်ဆွေကြီးတို့ ကန့်ကွက် ဖျက်ဆီးနိုင်မှသာလျှင် ဗုဒ္ဓရဲ့ ဖြစ်စေချင်တဲ့ တကယ့်လိုရင်းအဓိက (တကယ့်ဗုဒ္ဓသာသနာ) ကို ဖျက်ဆီးခြင်းဖြစ်ပါလိမ့်မယ်။ တခြား ပုဂ္ဂိုလ်ရေး pensonal ဇာတ်လမ်း။ ဇာတ်ကွက် အပေါ်ယံ ဗုဒ္ဓဘာသာ (သမိုင်း) များ ကို ဝေဖန်ပုတ်ခတ်နေခြင်းသည်လည်းကောင်း။

မည်သည့် ဘာသာရေး ကျမ်းအားလုံးကို မဆို နောက်ဆုံး စက္ကူပေါ်ရောက်အောင် လူသားများ ပြုလုပ် ရေးသားထားခြင်းဖြစ်လေရာ ကျမ်းစာပါ အချက်များကို ဆုပ်ကိုင်လျှက် ဆက်လက်ငြင်းခုန်ဆွေးနွေးနေပါက ပြဿနာ နှင့်ပျော်မွေ့တတ်သည့် လူသားစစ်စစ်များ ဖြစ်ကြသော မိတ်ဆွေကြီးတို့ ဘယ်တော့မှ အဖြေမှန် ရလိမ့်မည် ဟု ကျွန်ုပ်မှ ရဲရဲ ကြီး အာမခံပါတယ် ခင်မျာ-

မိတ်ဆွေကြီးတို့ ကျိုက်ထီးရိုးဘုရားကြီးကို တောင်အောင်ကို တွန်းချလို့ရရင်ရမယ်- သီလစောင့်ထိန်းမှုတွေကိုတော့ ရပ်ဆိုင်းသွားအောင်တော့ တွန်းချလို့မရပါဘူး။ မိတ်ဆွေကြီးတို့ ရွှေတိဂုံဘုရားကရွှေတွေကို ခွါပြီးတော့ ကိုယ်အကျိုးရှိမယ်ထင်ရာ သုံးလို့ ရချင်ရမယ်- မေတ္တာ-ကရုဏာ-မုဒိတာ-ဥပေက္ခာ ဗြဟ္မစိုရ်တရား သမာဓိတရား ပွားများမှုတွေကိုတော့ လုံးဝ ပြတ်လပ်သွားအောင် ခွာချလို့ မရပါဘူး။

ဗုဒ္ဓကျမ်းစာအုပ်တွေ- ဗုဒ္ဓဘာသာကျောင်းတိုက်ကြီးတွေ- ဆင်းတုကြီးတွေကို မီးရှို့ဖောက်ခွဲ ဖျက်ဆီးလို့ ရချင်ရမယ်- မမြဲသောအနိစ္စသဘာဝတရားကို သဘောပေါက်နားလည်ဆင်ခြင်နေမှု။ ငါ-ငါ့ဟာအဖြစ် မသိမ်းပိုက်ပဲ စွန့်လွှတ်နေသောသဘောထား-အေးချမ်းသောစိတ်-၀ိပဿနာဥာဏ်-မဂ်ဥာဏ်-ဖိုလ်ဥာဏ်များကို
တော့ မိတ်ဆွေကြီးတော့ ဘယ်တော့မှ မီးရှို့ဖောက်ခွဲ ဖျက်ဆီးလို့ မရပါ။

(မိတ်ဆွေကြီးမေးသော မေးခွန်း ၁၀ ကို ဒီနေရာကပဲ အတိုဆုံးဖြေကြားလိုက်ပါတယ်။
မေးခွန်းများကို နောက်ဆုံးလိုရင်းချုပ်ပါက မကောင်းမှုတွေ များစွာ လုပ်ခဲ့သော်လည်း နိဗ္ဗာန် ကို ရောက်သောသူများရှိကြောင်း ဗုဒ္ဓဘာသာက ဖော်ပြသဖြင့် မဖြစ်နိုင်ကြောင်း ပြောလိုရင်းဖြစ်ပေသည်။ ဓမ္မ univeral law မှာ မကောင်းမှုတွေ များစွာ ပြုခဲ့သောသူဟာ မကောင်းကျိုးကို ပြုခဲ့သည်အလျှောက် တန်ပြန်အကျိုးသက်ရောက်မှု ရရှိမှာသေချာပါသည်။ (ဗုဒ္ဓက ဒဏ်မခတ်) သို့သော် အထက်ပါ အဆင့် (၄)ဆင့် လုပ်ဆောင်မှုကို တစိုက်မတ်မတ် လုပ်ဆောင်နိုင်ပါက မိမိလုပ်ဆောင်နိုင်မှုစွမ်းအား ကြီးလျှင် ကြီးသလောက် ပြုလုပ်ခဲ့သော တန်ပြန်အကျိုးသက်ရောက်မှုများကို compensate လုပ်နိုင်စွမ်းရှိပါတယ်။

အမိ-အဖ(သို့) ရဟန္တာ ကို သတ်သောကံ-စသည်ဖြင့် အားကြီးမားလွန်းသော အကုသိုလ်ကံများ
ပြုလုပ်ခဲ့ပါက တစ်ဘ၀ထဲနှင့် compensate မလုပ်နိုင်ပါ။
တန်ပြန်အကျိုးသက်ရောက်မှုကို သေချာပေါက်ခံရလေသည်)

MR TRUEANSWER
www.trueanswer.multiply.com